spot_img
Home Blog Page 5298

ଦିଲ୍ଲୀ ବିଜୟ ଯାତ୍ରାରେ ଲାଗିଲା ବ୍ରେକ୍: ୩ ଓ୍ୱିକେଟରେ କୋଲକାତା ନାଇଟ ରାଇଡର୍ସ ବିଜୟୀ

ସାରଜା: ଦିଲ୍ଲୀ ବିପକ୍ଷ ମ୍ୟାଚ୍‌ରେ କୋଲକାତା ବିଜୟୀ । ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚ୍‌କୁ ୩ ଓ୍ୱିକେଟରେ ଜିତିନେଇଛି କୋଲକାତା ନାଇଟ ରାଇଡର୍ସ । ସାରଜାରେ ଖେଳାଯାଇଥିବା ଏହି ଲୋ ସ୍କୋରିଂ ମ୍ୟାଚ୍‌ରେ ପ୍ରଥମେ ବ୍ୟାଟିଂ କରିବାକୁ ଆସିଥିବା ଦିଲ୍ଲୀ କ୍ୟାପିଟାଲ୍ସକୁ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ କରିବାକୁ ପଡ଼ିଥିଲା ।  ଦଳ ନିର୍ଦ୍ଧାରିତ ୨୦ ଓଭରରେ ୧୨୭  ରନ କରିଥିଲା । ୧୨୮ରନର ଏକ ଛୋଟିଆ ଲକ୍ଷ୍ୟର ପିଛା କରିବାକୁ ଯାଇ କୋଲକତାର ବ୍ୟାଟ୍ସମ୍ୟାନମାନେ ଦଳଗତ ପ୍ରଦର୍ଶନ କରି ୧୯ ତମ ଓଭରରେ ବିଜୟ ହାସଲ କରିନେଇଥିଲେ । ଦଳ ପକ୍ଷରୁ ନିତିଶ ରାଣା ୩୬, ଶୁଭମନ ଗିଲ ୩୦ ରନ ଓ ସୁନୀଲ ନାରିନ ୨୩ ରନ କରିଥିଲେ । ଏହି ବିଜୟ ସହ କୋଲକତା ୧୧ ମ୍ୟାଚରୁ ୫ ବିଜୟ ୬ ପରାଜୟ ସହ ୧୦ ପଏଣ୍ଟ ପାଇଛି ।  ଦିଲ୍ଲୀ ଏପର୍ଯ୍ୟନ୍ତ ୧୧ ମ୍ୟାଚ ଖେଳି ୮ ବିଜୟ, ୩ ପରାଜୟ ସହ ୧୬ ପଏଣ୍ଟ ପାଇଛି ଓ ପଏଣ୍ଟ ଟେବୁଲର ୨ୟ ସ୍ଥାନରେ ରହିଛି ।

କୋଲକତା ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ଫଳରେ ଦିଲ୍ଲୀ ବ୍ୟାଟିଂ କରିବାକୁ ପଡ଼ିଆକୁ ଓହ୍ଲାଇଥିଲା । ଦୁଇ ଓପନର ଶିଖର ଧାଓ୍ୱନ ଓ ଷ୍ଟିଭ ସ୍ମିଥ ଭଲ ଆରମ୍ଭ କରିଥିଲେ ମଧ୍ୟ ମଧ୍ୟକ୍ରମ ଓ ନିମ୍ନ ମଧ୍ୟକ୍ରମ ବ୍ୟାଟ୍ସମ୍ୟାନଙ୍କ ବିଫଳତା ପାଇଁ ବିଶେଷ ବଡ଼ ସ୍କୋର କରିପାରିନଥିଲା । ସ୍ମିଥ ୩୯ ରନ, ଅଧିନାୟକ ଋଷଭ ପନ୍ଥ ୩୯ ରନ ଓ ଧାଓ୍ୱନ ୨୪ ରନ କରିଥିଲେ । ଫଳରେ  ଦିଲ୍ଲୀ ନିର୍ଦ୍ଧାରିତ ୨୦ ଓଭରରେ ୯ ଓ୍ୱିକେଟ ହରାଇ ୧୨୭  ରନ କରିପାରିଥିଲା । କୋଲକାତା ପକ୍ଷରୁ ସୁନୀଲ ନାରିନ, ଭେଙ୍କଟେସ ଆୟର ଓ ଲୋକି ଫର୍ଗୁସନ ୨ଟି ଲେଖାଏଁ ଓ୍ୱିକେଟ ନେଇଥିଲେ ।

ଏଥିସହିତ ପଢ଼ନ୍ତୁ: ସୌରଭ ଗାଙ୍ଗୁଲିଙ୍କୁ ଜରିମାନା, ହାଇକୋର୍ଟ କହିଲେ ଆଇନ ଆଗରେ ସମସ୍ତେ ସମାନ, ଜାଣନ୍ତୁ ପୂରା ଖବର

ବିଲ୍ଡରଙ୍କ ପାଇଁ ଲାଗୁ ହେବନି ଓଡ଼ିଶା ଜମାକାରୀ ସୁରକ୍ଷା ଆଇନ୍

କଟକ: ବିଲ୍ଡରଙ୍କ ପାଇଁ ଲାଗୁ ହେବନି ଓଡ଼ିଶା ଜମାକାରୀ ସୁରକ୍ଷା ଆଇନ୍-ଓପିଆଇଡି ଆଇନ୍‌ । ବିଲ୍ଡରଙ୍କ ପକ୍ଷରୁ ଆଗତ ଏକ ମାମଲାର ଶୁଣାଣି କରି ହାଇକୋର୍ଟ ଏହି ରାୟ ଦେଇଛନ୍ତି । ଓପିଆଇଡି ଆଇନରେ ଅର୍ଥ ଲଗାଣ ସଂସ୍ଥାରେ ଅର୍ଥ ଲଗାଇଥିବା ବ୍ୟକ୍ତିଙ୍କୁ ଜମାକାରୀ ଭାବରେ ବିବେଚନା କରାଯାଇଛି । ବିଲ୍ଡରଙ୍କୁ ଘର ପାଇଁ ଅର୍ଥ ଦେଇଥିବା ବ୍ୟକ୍ତି ଗ୍ରାହକ ଭାବରେ ବିବେଚନା କରାଯିବ ।

OPID Act Will Not Applicable For Builders

ତେଣୁ ବିଲ୍ଡର ନିକଟରେ କିଛି ସମସ୍ୟା ହେଲେ, ଗ୍ରାହକ ଓଡ଼ଶା ରିୟଲ ଇଷ୍ଟେଟ ରେଗୁଲେଟୋରି ଅଥରିଟିଙ୍କ ନିକଟରେ ଆବେଦନ କରିପାରିବେ । ଓପିଆଇଡି ଆଇନରେ ଛନ୍ଦି ହୋଇଥିବା ଦୁଇ ଜଣ ବିଲ୍ଡର ଏହି ଆଇନରୁ ବିଲ୍ଡର ସଂସ୍ଥାକୁ ବାଦ୍ ଦେବାକୁ ହାଇକୋର୍ଟରେ ଆବେଦନ କରିଥିଲେ । ଯାହା ସପକ୍ଷରେ ରାୟ ଶୁଣାଇଛନ୍ତି ହାଇକୋର୍ଟ ।

ପୁଣି ତିନିଦିନ ଭିଜିବ ଓଡ଼ିଶା, ୩ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ

ଭୁବନେଶ୍ୱର: ବର୍ଷାରେ ଭିଜିବ ଓଡ଼ିଶା । ବାତ୍ୟା ‘ଗୁଲାବ’ ଯିବା ପରେ ଉତ୍ତରପଶ୍ଚିମ ବଙ୍ଗୋପସାଗର ଓ ତତସଂଲଗ୍ନ ଉପକୂଳ ଅଞ୍ଚଳରେ ସୃଷ୍ଟ ଲଘୁଚାପ ଘନୀଭୂତ ହୋଇଛି । ୱେଲମାର୍କଡ ଲୋକ ପ୍ରେସର ପ୍ରଭାବରେ ରାଜ୍ୟର ବିଭିନ୍ନ ଜିଲ୍ଲାରେ ୧ ତାରିଖ ଯାଏଁ ବର୍ଷା ଲାଗି ରହିବ ।

୨୯ ତାରିଖ ସକାଳ ୮ଟା ୩୦ ଯାଏଁ ୭ ଜିଲ୍ଲାକୁ ପ୍ରବଳ ବର୍ଷା ନେଇ ୟେଲୋ ୱାର୍ଣ୍ଣିଂ ଜାରି ହୋଇଛି । ବାଲେଶ୍ୱର, ମୟୂରଭଞ୍ଜ, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ନବରଙ୍ଗପୁର ଓ ନୂଆପଡ଼ାରେ ପ୍ରବଳ ବର୍ଷା ହେବ । ସେହିଭଳି ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ଼, ଗଞ୍ଜାମ, ଗଜପତି, ମୟୂରଭଞ୍ଜ, କେନ୍ଦୁଝର, ଢେଙ୍କାନାଳ ଓ କନ୍ଧମାଳ ଜିଲ୍ଲାରେ ଘଡ଼ଘଡ଼ି ବର୍ଷା ହୋଇପାରେ ।

Image

୨୯ ତାରିଖରୁ ୩୦ ତାରିଖ ସକାଳ ୮ଟା ୩୦ ଯାଏଁ ପ୍ରବଳରୁ ଅତି ପ୍ରବଳ ବର୍ଷା ନେଇ କେନ୍ଦୁଝର, ମୟୂରଭଞ୍ଜ ଓ ସୁନ୍ଦରଗଡ଼ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି କରାଯାଇଛି । ପ୍ରବଳ ବର୍ଷା ଫଳରେ ଜଳବନ୍ଦୀ ସହ ବୁଢ଼ାବଳଙ୍ଗ ଓ ସୁବର୍ଣ୍ଣରେଖା ଜଳସ୍ତର ବଢ଼ିପାରେ । ସେହିଦିନ ପ୍ରବଳ ବର୍ଷା ନେଇ ଦେବଗଡ଼, ଅନୁଗୁଳ, ଯାଜପୁର, ଭଦ୍ରକ, ବାଲେଶ୍ୱର ଓ ଢେଙ୍କାନାଳ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି ହୋଇଛି ।

Image

୩୦ ତାରିଖରୁ ୧ ତାରିଖ ସକାଳ ୮ଟା ୩୦ ଯାଏଁ ପ୍ରବଳ ବର୍ଷା ନେଇ ୩ଟି ଜିଲ୍ଲା ସୁନ୍ଦରଗଡ଼, ଝାରସୁଗୁଡ଼ା ଓ ବରଗଡ଼ ଜିଲ୍ଲା ୟେଲୋ ୱାର୍ଣ୍ଣିଂ ଦିଆଯାଇଛି । ଉତ୍ତର ବଙ୍ଗୋପସାଗର ଏବଂ ତତସଂଲଗ୍ନ ଓଡ଼ିଶା ଉପକୂଳ ସମୁଦ୍ରକୁ ମତ୍ସ୍ୟଜୀବୀଙ୍କୁ ୩୦ ତାରିଖ ସକାଳ ଯାଏଁ ବାରଣ କରାଯାଇଛି ।

ଓଡ଼ିଶା ମଡେଲକୁ ଆପଣାଇଲେ ୯ ରାଜ୍ୟ ଓ ୪ କେନ୍ଦ୍ରଶାସିତ ଅଞ୍ଚଳ

ଭୁବନେଶ୍ୱର: ପ୍ରାକୃତିକ ବିପର୍ଯ୍ୟୟ ମୁକାବିଲାରେ ଓଡ଼ିଶା ରୋଲ୍ ମଡେଲ । ୨୧ ବର୍ଷ ଧରି ବାତ୍ୟା, ବନ୍ୟା, ମରୁଡ଼ିକୁ ରାଜ୍ୟ ଯେପରି ସଫଳତାର ସହ ମୁକାବିଲା କରିଛି, ତାକୁ ସାରା ବିଶ୍ୱ ପ୍ରଶଂସା କରିଛି । ଏଥିପାଇଁ ଓଡ଼ିଶାକୁ ୯ଟି ରାଜ୍ୟ ଓ ୪ଟି କେନ୍ଦ୍ର ଶାସିତ ଅଞ୍ଚଳ ଅନୁକରଣ କରିଛନ୍ତି । ସେମାନଙ୍କୁ ବିପର୍ଯ୍ୟୟ ମୁକାବିଲା ଶିକ୍ଷା ଦେବା ପାଇଁ ଓଡ଼ିଶାକୁ ଲାଲବାହାଦୂର ଶାସ୍ତ୍ରୀ ଜାତୀୟ ପ୍ରଶାସନିକ ଏକାଡେମୀ ମନୋନୀତ କରିଛି । କାଲିଠାରୁ ତିନିଦିନ ଧରି ଭୁବନେଶ୍ୱରରେ ଅନ୍ୟ ରାଜ୍ୟର ପ୍ରଶାନିକ ଅଧିକାରୀ ପ୍ରଶିକ୍ଷଣ ନେବେ ।

9 State And 4 UT Implemented Odisha Natural Disaster Model

ପ୍ରାକୃତିକ ବିପର୍ଯ୍ୟୟ ମୁକାବଲାରେ ଓଡ଼ିଶାକୁ ସାରା ବିଶ୍ୱର ପ୍ରଶଂସା । ଓଡ଼ିଶା ମଡେଲକୁ ଆପଣାଇଲେ ୯ ରାଜ୍ୟ ଓ ୪ କେନ୍ଦ୍ରଶାସିତ ଅଞ୍ଚଳ । ପଢ଼ିବେ ପାଠ, ନେବେ ପ୍ରଶିକ୍ଷଣ । ଫାଇଲିନ୍, ହୁଡ୍ହୁଡ୍, ତିତଲି, ଫନି, ବୁଲ୍ବୁଲ୍, ଅମ୍ପାନ, ୟସ୍, ଆଉ ଏବେ ଗୁଲାବ । ଗତ ୯ ବର୍ଷ ଭିତରେ ଓଡ଼ିଶା ୮ଟି ବାତ୍ୟାର ସାମ୍ନା କରିଛି । ପ୍ରାକୃତିକ ବିପର୍ଯ୍ୟୟର ସଫଳ ମୁକାବିଲା ସହିତ ମିଶନ ଜିରୋ କାଜୁଆଲଟିରେ ବି ସଫଳ ହୋଇଛି ଓଡ଼ିଶା । ଏଥିପାଇଁ ରାଜ୍ୟକୁ ଜାତିସଂଘ ପ୍ରଶଂସା କରିଛି ।9 State And 4 UT Implemented Odisha Natural Disaster Model

ବିପର୍ଯ୍ୟୟ ମୁକାବିଲା ଶିକ୍ଷା ଦେବା ପାଇଁ ଓଡ଼ିଶାକୁ ଚୟନ କରିଛି ଲାଲବାହାଦୂର ଶାସ୍ତ୍ରୀ ଜାତୀୟ ପ୍ରଶାସନିକ ଏକାଡେମୀ । ଛତିଶଗଡ଼, ପଶ୍ଚିମବଙ୍ଗ, ଗୁଜରାଟ, ତାମିଲନାଡ଼ୁ, ଆନ୍ଧ୍ରପ୍ରଦେଶ, କର୍ଣ୍ଣାଟକ, କେରଳ, ମହାରାଷ୍ଟ୍ର ଆଦି ୯ ରାଜ୍ୟ ଓ ୪ କେନ୍ଦ୍ରଶାସିତ ଅଞ୍ଚଳର ୨୨ରୁ ଅଧିକ ପ୍ରଶାସନିକ ଅଧିକାରୀ ଓଡ଼ିଶାଠାରୁ ଏନେଇ ଶିକ୍ଷା ନେବେ । କାଲିଠାରୁ ୩ ଦିନ ଧରି ଗୋପବନ୍ଧୁ ଏକାଡେମୀରେ କର୍ମଶାଳା ଆୟୋଜନ ହେଉଛି ।

9 State And 4 UT Implemented Odisha Natural Disaster Model

କୋଣାର୍କର ରାମଚଣ୍ଡିରେ ବିପର୍ଯ୍ୟୟ ମୁକାବିଲାର ବାସ୍ତବ ଶିକ୍ଷା ଦିଆଯିବ । ପାଣିରୁ ଉଦ୍ଧାର, ଯାନ୍ତ୍ରିକ ଡଙ୍ଗା ଦ୍ୱାରା ଲୋକଙ୍କୁ ସ୍ଥାନାନ୍ତର, ରାସ୍ତା ସଫା ପାଇଁ ଗଛ କଟା ନେଇ ଦିଆଯିବ ଶାରୀରିକ ଶିକ୍ଷା । ଓସଡମା ପକ୍ଷରୁ ଶିକ୍ଷା ଦିଆଯିବ । ୧୯୯୯ ମସିହାରେ ଓଡ଼ିଶା ମହାବାତ୍ୟାର ଭୟାବହତା ଦେଖିଥିଲା । ୨୦୦୦ ମସିହାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବଳିଷ୍ଠ ନେତୃତ୍ୱ ଓ ପ୍ରଶାସିନକ ସୁପରିଚାଳନାରେ ଓଡ଼ିଶା ଆଜି ପ୍ରାକୃତିକ ବିପର୍ଯ୍ୟୟ ମୁକାବିଲାରେ ବିଶ୍ୱରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛି ।

ପୂର୍ବ ଭାରତରେ ପ୍ରଥମ, ଏମ୍ସରେ ପ୍ରତିଷ୍ଠା ହେବ ସାଟେଲାଇଟ୍ ବ୍ରେନ ବ୍ୟାଙ୍କ

ଭୁବନେଶ୍ୱର: ଭୁବନେଶ୍ୱର ଏମ୍ସରେ ପ୍ରତିଷ୍ଠା ହେବ ସାଟେଲାଇଟ୍ ବ୍ରେନ ବ୍ୟାଙ୍କ । ପୂର୍ବ ଭାରତରେ ପ୍ରଥମ ଥର ଲାଗି ହେବ ଏହି ବ୍ୟାଙ୍କ । ସ୍ନାୟୁ ବିଜ୍ଞାନ କ୍ଷେତ୍ରରେ ଅଧିକ ଗବେଷଣା ଲାଗି ଏହି ବ୍ୟାଙ୍କ ସହାୟକ ହେବ । ଏହି ବ୍ୟାଙ୍କ ଲାଗି ଭାରତୀୟ ମେଡିକାଲ ଗବେଷଣା ପରିଷଦ ବା ଆଇସିଏମଆର ୪୭ ଲକ୍ଷ ଟଙ୍କା ମଞ୍ଜୁର କରିଛି । ପାଥୋଲୋଜି ଓ ଲ୍ୟାବ୍, ମେଡିସିନ୍ ବିଭାଗରେ ଏହି ବ୍ୟାଙ୍କ ପ୍ରତିଷ୍ଠା ହେବ ।

Satelite Brain Banks To Be Established In BBSR AIIMS

ଏହି ବ୍ରେନ ବ୍ୟାଙ୍କରେ ମୃତ ଲୋକଙ୍କ ମସ୍ତିଷ୍କ ନମୁନା ସଂରକ୍ଷିତ ରହିବ ଏବଂ ଅଧିକ ଗବେଷଣା କରାଯିବ । ଏହି ପ୍ରକଳ୍ପ ପ୍ରଥମ ପର୍ଯ୍ୟାୟରେ ୩ ବର୍ଷ ଲାଗି ଚାଲିବ ଏବଂ ପରେ ବାର୍ଷିକ ଭାବେ ଏହାକୁ ପରିବର୍ଦ୍ଧିତ କରାଯିବ । ଏହି ପ୍ରକଳ୍ପ ଲାଗି ମୁଖ୍ୟ ସଂଯୋଜକ ଭାବେ ନିଯୁକ୍ତ ହେବେ ପାଥୋଲୋଜି ବିଭାଗ ସହକାରୀ ପ୍ରଫେସର ଶୁଭେନ୍ଦୁ ପୁର୍କାଏତ ।

ଗଡ଼ିଲା ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ସଚେତନତା ରଥ

ପାରଳାଖେମୁଣ୍ଡି: ଗଜପତି ଜିଲ୍ଲାରେ ଗଡ଼ିଲା ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାର ସଚେତନତା ରଥ । ଜିଲ୍ଲାର ସମସ୍ତ ପଞ୍ଚାୟତରେ ସ୍ୱାସ୍ଥ୍ୟ ସେବା ସମ୍ବନ୍ଧୀୟ ସଚେତନ କରିବ ଏହି ରଥ । ପାରଳାଖେମୁଣ୍ଡି ରାଜପ୍ରସାଦ ସମ୍ମୁଖରେ ୧୦ଟି ସଚେତନତା ରଥକୁ ପତାକା ଦେଖାଇ ଶୁଭାରମ୍ଭ କରିଛନ୍ତି ଗଜପତି ଜିଲ୍ଲାପାଳ । ଜିଲ୍ଲାର ୭ଟି ବ୍ଲକ, ପୌର ପରିଷଦ ଓ ଏନଏସି ଅଞ୍ଚଳର ସମସ୍ତ ଗାଁ ଏହି ରଥ ଗୁଡ଼ିକ ପରିକ୍ରମା କରିବ ।

BSKY Awareness Car Inaugurated At Gajapati

ଏହି ଯୋଜନାରେ ଜିଲ୍ଲାର ପ୍ରାୟ ୫ ଲକ୍ଷରୁ ଅଧିକ ହିତାଧିକାରୀ ଉପକୃତ ହେବେ । ଅକ୍ଟୋବର ମାସ ସୁଦ୍ଧା ସମସ୍ତ ଲୋକଙ୍କୁ କାର୍ଡ ଯୋଗାଇ ଦିଆଯିବ । ମହିଳାଙ୍କୁ ୧୦ ଲକ୍ଷ ଟଙ୍କା ଓ ପୁରୁଷଙ୍କ ନିମନ୍ତେ ୫ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣାରେ ସ୍ୱାସ୍ଥ୍ୟ ସେବା ଯୋଗାଇ ଦେବା ବ୍ୟବସ୍ଥା ରହିଛି । ଜିଲ୍ଲାରେ ୪ଟି ଘରୋଇ ସ୍ୱାସ୍ଥ୍ୟ କେନ୍ଦ୍ର ସହ ପଡ଼ୋଶୀ ଆନ୍ଧ୍ର ଓ ଓଡ଼ିଶାର ବହୁ ସ୍ୱାସ୍ଥ୍ୟ କେନ୍ଦ୍ରରେ ଏହି ସେବା ଉପଲବ୍ଧ ହେବା ବ୍ୟବସ୍ଥା କରାଯାଇଛି ବୋଲି ଜିଲ୍ଲାପାଳ କହିଛନ୍ତି ।

ପୂଜା ଚାନ୍ଦା ମାଗିବା ଅଭିଯୋଗରେ ୨ ଜଣ ଗିରଫ

କଟକ: ପୂଜା ଚାନ୍ଦା ମାଗି ଗିରଫ । ବେଆଇନ୍ ପୂଜା ଚାନ୍ଦା ମାଗିବା ଅଭିଯୋଗରେ ମାଲଗୋଦାମ ଥାନା ପୋଲିସ ୨ ଜଣଙ୍କୁ ଗିରଫ କରିଛି । ଗିରଫ ୨ ଜଣ କଲେଜ ଛକ ପୂଜା କମିଟିର ସଦସ୍ୟ ବୋଲି ଜଣାପଡ଼ିଛି । ଅଭିଯୋଗ ଅନୁସାରେ, ଜଣେ ବ୍ୟବସାୟୀଙ୍କୁ ୧୩ ହଜାର ଟଙ୍କା ଚାନ୍ଦା ମାଗିବା ସହ ଏହାକୁ ଶୀଘ୍ର ଦେବା ପାଇଁ ତାଗିଦ କରିଥିଲେ ପୂଜା କମିଟି ସଦସ୍ୟ ।

Police Arrested Two In Pooja Chanda Case Cuttack

ଏନେଇ ବ୍ୟବସାୟୀ ଜଣଙ୍କ ମାଲଗୋଦାମ ଥାନା ପୋଲିସର ଦ୍ୱାରସ୍ଥ ହୋଇଥିଲେ । ପୋଲିସ କଲେଜ ଛକ ପୂଜା କମିଟିର ଦୁଇ ସଦସ୍ୟଙ୍କୁ ଗିରଫ କରିଛି । କମିଶନରେଟ ପୋଲିସର ଜିରୋ ଟଲରେନ୍ସ ଅଭିଯାନରେ ଜୋର ଜବରଦସ୍ତି ଚାନ୍ଦା ମାଗିବା ନେଇ ଅଭିଯୋଗ ଆସିଲେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି କଟକ ଜୋନ-୧ ଏସିପି ।

ସିଦ୍ଧୁଙ୍କ ଇସ୍ତଫା ପରେ କ୍ୟାପଟେନଙ୍କ ଟ୍ୱିଟ୍, କହିଲେ 'ମୁଁ ପ୍ରଥମରୁ କହିଛି, ସେ ଅସ୍ଥିର'…

0

ଚଣ୍ଡିଗଡ: ପଞ୍ଜାବ ରାଜନୀତିର ଗତି କୁଆଡେ ? ଏହା କହିବା ବହୁତ ମୁସ୍କିଲ। କାରଣ ରାଜ୍ୟରେ କ୍ଷମତାସୀନ କଂଗ୍ରେସ ଦଳର ଆଭ୍ୟନ୍ତରୀଣ କନ୍ଦଳ ଏତେ ତୀବ୍ରତର ହୋଇ ପଡିଛି ଯେ, ହାଇକମାଣ୍ଡ ମଧ୍ୟ ଏହାକୁ ସମାଧାନ କରିବାରେ ଅସହାୟ ନଜର ଆସୁଛନ୍ତି। କାରଣ ଏକ ଅପ୍ରତ୍ୟାଶିତ ଘଟଣାକ୍ରମେ ମଙ୍ଗଳବାର ରାଜ୍ୟ କଂଗ୍ରେସ ସଭାପତି ପଦରୁ ଇସ୍ତଫା ଦେଇଛନ୍ତି ନବଜୋତ ସିଂହ ସିଦ୍ଧୁ। ତାଙ୍କ ଇସ୍ତଫା ପରେ ଆସିଛି ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂହଙ୍କ ପ୍ରତିକ୍ରିୟା। ସେ ଟ୍ଵିଟ୍ କରି ଲେଖିଛନ୍ତି, ମୁଁ ପ୍ରଥମରୁ କହିଥିଲି ଯେ, ଏହି ଲୋକଟା ସ୍ଥିର ନୁହେଁ। ସୀମାବର୍ତ୍ତୀ ରାଜ୍ୟ ପଞ୍ଜାବ ପାଇଁ ସିଦ୍ଧୁ ଠିକ୍ ବ୍ୟକ୍ତି ନୁହଁ  ବୋଲି ଅମରିନ୍ଦର କହିଛନ୍ତି ।

ପାର୍ଟି ସଭାପତି ସେନିଆ ଗାନ୍ଧୀଙ୍କୁ ଲେଖିଥିବା ଇସ୍ତଫା ପତ୍ରରେ ସିଦ୍ଧୁ କହିଛନ୍ତି, ସାଲିସ୍ କଲେ ବ୍ୟକ୍ତିର ଚରିତ୍ର ଶେଷ ହୋଇଯାଏ । ମୁଁ ପଞ୍ଜାବର ଭବିଷ୍ୟତ ଏବଂ ପଞ୍ଜାବର ଜନତାଙ୍କ କଲ୍ୟାଣ ସହ କେବେ ସାଲିସ୍ କରି ପାରିବି ନାହିଁ। ଏଥିପାଇଁ ମୁଁ ପଞ୍ଜାବ କଂଗ୍ରେସର ରାଜ୍ୟ ସଭାପତି ପଦରୁ ଇସ୍ତଫା ଦେଉଛି। କଂଗ୍ରେସର ସେବା କରିବା ଜାରି ରହିବ ବୋଲି ସିଦ୍ଧୁ ଚିଠିରେ ଉଲ୍ଲେଖ କରିଛନ୍ତି।

ଏହା ପୂର୍ବରୁ ଇସ୍ତଫା ପରେ କ୍ୟାପଟେନ୍ ଅମରିନ୍ଦର ସିଂହ ପରୋକ୍ଷରେ ସିଦ୍ଧୁଙ୍କୁ ପଞ୍ଜାବ ରାଜ୍ୟର ସୁରକ୍ଷାରେ ବିପଦ ଦର୍ଶାଇଥିଲେ। ତାଙ୍କ କହିବା କଥା ନବଜୋତ ସିଦ୍ଧୁ କଂଗ୍ରେସରେ ଜଣେ ବିପଦ ସଦୃଶ । କଂଗ୍ରେସ ତାଙ୍କୁ ସଭାପତି କରିବାର ନଥିଲା। ସିଦ୍ଧୁ ପାକିସ୍ତାନର ସେନା ପ୍ରମୁଖ ବାଜଓ୍ଵା ଓ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ପରମ ମିତ୍ର । ଯଦି ତାଙ୍କୁ ମୁଖ୍ୟମନ୍ତ୍ରୀ କରାଯାଏ ତେବେ ରାଜ୍ୟର ସୁରକ୍ଷା ବିପଦରେ ପଡିଯିବ। ତେଣୁ ମୁଁ ଥିବା ଯାଏ ସିଦ୍ଧୁଙ୍କୁ କେବେ ବି  ମୁଖ୍ୟମନ୍ତ୍ରୀ ହେବାକୁ ଦେବି ନାହିଁ ବୋଲି ଅମରିନ୍ଦର ସିଂହ କହିଛନ୍ତି।

ସିଦ୍ଧୁଙ୍କ ଇସ୍ତଫା ପରେ କ୍ୟାପଟେନଙ୍କ ଟ୍ୱିଟ୍, କହିଲେ ‘ମୁଁ ପ୍ରଥମରୁ କହିଛି, ସେ ଅସ୍ଥିର’…

0

ଚଣ୍ଡିଗଡ: ପଞ୍ଜାବ ରାଜନୀତିର ଗତି କୁଆଡେ ? ଏହା କହିବା ବହୁତ ମୁସ୍କିଲ। କାରଣ ରାଜ୍ୟରେ କ୍ଷମତାସୀନ କଂଗ୍ରେସ ଦଳର ଆଭ୍ୟନ୍ତରୀଣ କନ୍ଦଳ ଏତେ ତୀବ୍ରତର ହୋଇ ପଡିଛି ଯେ, ହାଇକମାଣ୍ଡ ମଧ୍ୟ ଏହାକୁ ସମାଧାନ କରିବାରେ ଅସହାୟ ନଜର ଆସୁଛନ୍ତି। କାରଣ ଏକ ଅପ୍ରତ୍ୟାଶିତ ଘଟଣାକ୍ରମେ ମଙ୍ଗଳବାର ରାଜ୍ୟ କଂଗ୍ରେସ ସଭାପତି ପଦରୁ ଇସ୍ତଫା ଦେଇଛନ୍ତି ନବଜୋତ ସିଂହ ସିଦ୍ଧୁ। ତାଙ୍କ ଇସ୍ତଫା ପରେ ଆସିଛି ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂହଙ୍କ ପ୍ରତିକ୍ରିୟା। ସେ ଟ୍ଵିଟ୍ କରି ଲେଖିଛନ୍ତି, ମୁଁ ପ୍ରଥମରୁ କହିଥିଲି ଯେ, ଏହି ଲୋକଟା ସ୍ଥିର ନୁହେଁ। ସୀମାବର୍ତ୍ତୀ ରାଜ୍ୟ ପଞ୍ଜାବ ପାଇଁ ସିଦ୍ଧୁ ଠିକ୍ ବ୍ୟକ୍ତି ନୁହଁ  ବୋଲି ଅମରିନ୍ଦର କହିଛନ୍ତି ।

ପାର୍ଟି ସଭାପତି ସେନିଆ ଗାନ୍ଧୀଙ୍କୁ ଲେଖିଥିବା ଇସ୍ତଫା ପତ୍ରରେ ସିଦ୍ଧୁ କହିଛନ୍ତି, ସାଲିସ୍ କଲେ ବ୍ୟକ୍ତିର ଚରିତ୍ର ଶେଷ ହୋଇଯାଏ । ମୁଁ ପଞ୍ଜାବର ଭବିଷ୍ୟତ ଏବଂ ପଞ୍ଜାବର ଜନତାଙ୍କ କଲ୍ୟାଣ ସହ କେବେ ସାଲିସ୍ କରି ପାରିବି ନାହିଁ। ଏଥିପାଇଁ ମୁଁ ପଞ୍ଜାବ କଂଗ୍ରେସର ରାଜ୍ୟ ସଭାପତି ପଦରୁ ଇସ୍ତଫା ଦେଉଛି। କଂଗ୍ରେସର ସେବା କରିବା ଜାରି ରହିବ ବୋଲି ସିଦ୍ଧୁ ଚିଠିରେ ଉଲ୍ଲେଖ କରିଛନ୍ତି।

ଏହା ପୂର୍ବରୁ ଇସ୍ତଫା ପରେ କ୍ୟାପଟେନ୍ ଅମରିନ୍ଦର ସିଂହ ପରୋକ୍ଷରେ ସିଦ୍ଧୁଙ୍କୁ ପଞ୍ଜାବ ରାଜ୍ୟର ସୁରକ୍ଷାରେ ବିପଦ ଦର୍ଶାଇଥିଲେ। ତାଙ୍କ କହିବା କଥା ନବଜୋତ ସିଦ୍ଧୁ କଂଗ୍ରେସରେ ଜଣେ ବିପଦ ସଦୃଶ । କଂଗ୍ରେସ ତାଙ୍କୁ ସଭାପତି କରିବାର ନଥିଲା। ସିଦ୍ଧୁ ପାକିସ୍ତାନର ସେନା ପ୍ରମୁଖ ବାଜଓ୍ଵା ଓ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ପରମ ମିତ୍ର । ଯଦି ତାଙ୍କୁ ମୁଖ୍ୟମନ୍ତ୍ରୀ କରାଯାଏ ତେବେ ରାଜ୍ୟର ସୁରକ୍ଷା ବିପଦରେ ପଡିଯିବ। ତେଣୁ ମୁଁ ଥିବା ଯାଏ ସିଦ୍ଧୁଙ୍କୁ କେବେ ବି  ମୁଖ୍ୟମନ୍ତ୍ରୀ ହେବାକୁ ଦେବି ନାହିଁ ବୋଲି ଅମରିନ୍ଦର ସିଂହ କହିଛନ୍ତି।

କଂଗ୍ରେସରେ ଯୋଗଦେଲେ ସିପିଆଇ ନେତା କହ୍ନେୟା କୁମାର ଓ ବିଧାୟକ ଜିଗ୍ନେଶ ମେଓ୍ୱାନି

ନୂଆଦିଲ୍ଲୀ: କଂଗ୍ରେସରେ କମ୍ରେଡ୍‌ । ଆଜି ବିଧିବଦ୍ଧ ଭାବେ କଂଗ୍ରେସରେ ସାମିଲ ହେଲେ କହ୍ନେୟା କୁମାର । କଂଗ୍ରେସରେ ଆନୁଷ୍ଠନିକ ଭାବେ ସାମିଲ ହୋଇଛନ୍ତି ଜେଏନୟୁର ପୂର୍ବତନ ଛାତ୍ରସଂସଦ ସଭାପତି କହ୍ନେୟା କୁମାର ଓ ଗୁଜରାଟର ସ୍ବାଧୀନ ବିଧାୟକ ତଥା ଦଳିତ ନେତା ଜିଗନେଶ ମେଓ୍ବାନି । ଆଜି ଆନୁଷ୍ଠାନିକ ଭାବେ ଉଭୟ କଂଗ୍ରେସରେ ସାମିଲ ହୋଇଛନ୍ତି । ଦିଲ୍ଲୀରେ ରାହୁଲ ଗାନ୍ଧୀଙ୍କୁ ଭେଟି ହାତ ଧରିଛନ୍ତି ଦୁଇ ଯୁବନେତା । ରାହୁଲ ଗାନ୍ଧୀଙ୍କ ସହ ଦିଲ୍ଲୀ ଆଇଟିଓଠାରେ ପହଞ୍ଚି ଉଭୟ ସହିଦ ଭଗତ ସିଂଙ୍କ ମୂର୍ତ୍ତିରେ ମାଲ୍ୟାର୍ପଣ କରିବା ପରେ ଦଳରେ ସାମିଲ ହୋଇଛନ୍ତି। ଏଥିପାଇଁ ଏଆଇସିସି ମୁଖ୍ୟାଳୟରେ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏଥିରେ ରାହୁଲଙ୍କ ଗାନ୍ଧିଙ୍କ ସମେତ ମୁଖପାତ୍ର ରଣଦୀପ ସୂର୍ଯ୍ୟେୱାଲା, ବରିଷ୍ଠ ନେତା କେକେ ବେଣୁଗୋପାଲ ଓ ଅନ୍ୟ ପ୍ରମୁଖ ନେତା ଉପସ୍ଥିତ ଥିଲେ। ଦୁଇ ଯୁବନେତାଙ୍କୁ ସ୍ବାଗତ ପାଇଁ ଦିଲ୍ଲୀସ୍ଥିତ କଂଗ୍ରେସ କାର୍ଯ୍ୟାଳୟ ବାହାରେ ପୋଷ୍ଟର, ବ୍ୟାନର ଛାଇ ଯାଇଥିଲା। ତେବେ ଦଳରେ କହ୍ନେୟା ଓ ଜିଗନେଶଙ୍କ ଭୂମିକାକୁ ନେଇ କିଛି ସ୍ପଷ୍ଟ ଚିତ୍ର ସାମ୍ନାକୁ ଆସି ନଥିବା ବେଳେ ଏମାନଙ୍କୁ ଯୁବଗୋଷ୍ଠୀଙ୍କୁ ଏକାଠି କରିବା ପାଇଁ ଗୁରୁତ୍ୱପୂର୍ଣ୍ଣ ଦାୟିତ୍ୱ ଦିଆଯିବ ବୋଲି ଚର୍ଚ୍ଚା ହେଉଛି ।

ବିହାରରେ କହ୍ନେୟା ଓ ଗୁଜରାଟରେ ଜିଗନେଶଙ୍କୁ ଗୁରୁତ୍ବପୂର୍ଣ୍ଣ ପଦ ଦେଇପାରନ୍ତି କଂଗ୍ରେସ ହାଇକମାଣ୍ଡ। ପୂର୍ବରୁ କହ୍ନେୟା କୁମାର ବାମଦଳ ଟିକେଟରେ ଲୋକସଭା ନିର୍ବାଚନ ଲଢ଼ିଥିବା ବେଳେ ଜିଗନେଶ ଗୁଜରାଟର ସ୍ବାଧୀନ ବିଧାୟକ ଅଛନ୍ତି । କଂଗ୍ରେସରେ ସାମିଲ ହେବା ପରେ ଦଳ ପକ୍ଷରୁ ଏକ ସାମ୍ବାଦିକ ସମ୍ମିଳନୀର ଆୟୋଜନ କରାଯାଇଥିଲା । ଏଥିରେ ଉଭୟ କହ୍ନେୟା କୁମାର ଓ ଜିଗନେଶ ମେଓ୍ବାନି ସାମିଲ ହୋଇଥିଲେ । କହିଥିଲେ, କେତେଜଣ ଲୋକଙ୍କ ଖରାପ ଚିନ୍ତାଧାରା ଯୋଗୁ ଦେଶର ସଂସ୍କୃତି, ପରମ୍ପରା, ଇତିହାସ, ବର୍ତ୍ତମାନ ଓ ଭବିଷ୍ୟତ ନଷ୍ଟ ହେବାକୁ ବସିଛି । ଦେଶର ସବୁଠୁ ପୁରୁଣା ତଥା ସର୍ବବୃହତ୍ ଲୋକତାନ୍ତ୍ରିକ ଦଳରେ ଯୋଗଦେଇ ଦେଶରେ ଏକତା ବଜାୟ ରଖିବାକୁ ଚେଷ୍ଟା ଜାରି ରଖିବେ ବୋଲି କହ୍ନେୟା କୁମାର କହିଛନ୍ତି ।