spot_img
Home Blog Page 5123

ଜାଇଡସ୍ କାଡିଲାର ୧କୋଟି ଡୋଜ୍ କିଣିବେ କେନ୍ଦ୍ର ସରକାର

ନୂଆଦିଲ୍ଲୀ: ଜାଇଡସ୍ କାଡିଲାର ୧କୋଟି ଡୋଜ୍ କିଣିବେ କେନ୍ଦ୍ର ସରକାର । ଭାରତରେ କରୋନା ଟିକା ଜାଇଡସ୍ କାଡିଲାର ଜରୁରିକାଳୀନ ବ୍ୟବହାର ପାଇଁ ଅନୁମତି ମିଳିଥିବା ବେଳେ ୧କୋଟି ଡୋଜ୍ କିଣିବାକୁ ଅର୍ଡର ଦେଇଛନ୍ତି କେନ୍ଦ୍ର ସରକାର । ପ୍ରତି ଡୋଜ୍ ୨୬୫ ଟଙ୍କାରେ କିଣାଯିବ । ବିଶ୍ବର ପ୍ରଥମ ପ୍ଲାଜମିଡ୍ ଡିଏନଏ କୋଭିଡ ଟିକା ‘ଜାଇକୋଭ-ଡି’ ପ୍ରସ୍ତୁତ କରିଛି ଫାର୍ମା କମ୍ପାନୀ ଜାଇଡସ କାଡିଲା ।

ଚଳିତମାସ ଠାରୁ ଜାଇକୋଭ୍-ଡିକୁ ଦେଶବ୍ୟାପୀ ଚାଲିଥିବା ଟିକାକରଣ କାର୍ଯ୍ୟକ୍ରମରେ ସାମିଲ କରାଯିବ । ଏହାଛଡ଼ା ପ୍ରଥମ ଭ୍ୟକସିନ ଭାବେ ପିଲାଙ୍କୁ ଦିଆଯିବା ପାଇଁ ‘ଜାଇକୋଭ୍-ଡି’କୁ ଅନୁମତି ଦେଇଛି ଡ୍ରଗ୍ସ କଣ୍ଟ୍ରୋଲ ଜେନେରାଲ ଅଫ ଇଣ୍ଡିଆ ବା DCGI । ୧୨ରୁ ଊର୍ଦ୍ଧ୍ବ ବୟସ୍କର ପିଲାଙ୍କୁ ଜାଇକୋଭ-ଡି ଟିକା ଦିଆଯାଇପାରିବ । ବିନା ଛୁଞ୍ଚିରେ ପିଲାଙ୍କୁ ଦିଆଯିବ ଏହି ଟିକା  ।

ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀଙ୍କ କାର୍ଯ୍ୟସୂଚୀ ଚୂଡ଼ାନ୍ତ: ଜାଣନ୍ତୁ କ’ଣ ରହିଛି ଏଜେଣ୍ଡା

ଭୁବନେଶ୍ୱର: ଆସନ୍ତାକାଲି ଅପରାହ୍ନ ୪ଟା ୩୦ରେ ଭୁବନେଶ୍ୱରରେ ପହଞ୍ଚିବେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଓ୍ୱାଏସ୍ ଜଗନ ମୋହନ ରେଡ୍ଡୀ । ଅପରାହ୍ନ ୫ଟା ୫୦ରେ ଦୁଇ ରାଜ୍ୟ ମୁଖ୍ୟଙ୍କ ମଧ୍ୟରେ ହେବ ଆଲୋଚନା । ଲୋକସେବା କନଭେନସନ ସେଣ୍ଟରରେ ବୈଠକ ହେବ । ଉଭୟଙ୍କ ମଧ୍ୟରେ ପ୍ରାୟ ୪୫ ମିନିଟ ଆଲୋଚନା ହେବ । ସନ୍ଧ୍ୟା ୭ଟାରେ ଜଗନ ରେଡ୍ଡୀ ଆନ୍ଧ୍ର ଫେରିଯିବେ ।

ତେବେ ଦୀର୍ଘଦିନ ଧରି ଆନ୍ଧ୍ର ଏବଂ ଓଡ଼ିଶା ମଧ୍ୟରେ ଲାଗି ରହିଥିବା କୋଟିଆ, ପୋଲାଭରମ ପରି ବିବାଦ ଉପରେ ଦୁଇ ମୁଖ୍ୟମନ୍ତ୍ରୀଙ୍କ ମଧ୍ୟରେ ଆଲୋଚନା ହୋଇ ସମାଧାନର ବାଟ ବାହାରିବ ବୋଲି ଚର୍ଚ୍ଚା ହେଉଛି ।

ସୁପ୍ରିମ୍‌କୋର୍ଟରେ ପୋଲାଭରମ ମାମଲା । କୋଟିଆରେ ସୀମା ବିବାଦ । କେତେବେଳେ କୋଟିଆରେ ଆନ୍ଧ୍ର ଜବରଦସ୍ତ ପଶି ନିର୍ବାଚନ କରୁଛି ତ କେତେବେଳେ ଲୋକଙ୍କୁ ନିଜ ଆଡ଼କୁ ନେବାକୁ ବିଭିନ୍ନ ଫନ୍ଦି ଫିକର କରୁଛି । ପ୍ରଶାସନିକ ଅଧିକାରୀ ଓ ନେତାନେତା ମୁହାଁମୁହିଁ ହେଉଛନ୍ତି । ବର୍ଷ ବର୍ଷ ଧରି ଆନ୍ଧ୍ର ଏବଂ ଓଡ଼ିଶା ମଧ୍ୟରେ ଏପରି ବିବାଦ ଲାଗି ରହିଛି । ଏହା ଭିତରେ ଆସନ୍ତା ୯ ତାରିଖରେ ଆନ୍ଧ୍ର ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀ ଓଡ଼ିଶା ଆସି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିବେ । ଉଭୟଙ୍କ ମଧ୍ୟରେ କି ଆଲୋଚନା ହେବ, ତାହା ଏଯାଏ ସ୍ପଷ୍ଟ ହୋଇ ନଥିଲେ ମଧ୍ୟ କୋଟିଆ ଓ ପୋଲାଭରମ ପ୍ରସଙ୍ଗରେ ଆଲୋଚନା ହୋଇ ସମାଧାନର ବାଟ ବାହାରିବ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି ।

ପୂର୍ବରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଜଗନମୋହନ ରେଡ୍ଡୀ ଦୁଇ ରାଜ୍ୟ ମଧ୍ୟରେ ବିବାଦର ଦୂର କରିବା ଉପରେ ଗୁରୁତ୍ବ ଦେବାକୁ କଂଗ୍ରେସ ଦାବି କରିଛି । ବିଜେପି କହିଛି, ଆନ୍ଧ୍ର ସହିତ ବିବାଦର ସମାଧାନ ପାଇଁ ଜଗନମୋହନଙ୍କୁ ଦାବିପତ୍ର ଦେବ । କୋରାପୁଟରୁ ଗଜପତି ଯାଏ ଆନ୍ଧ୍ର ସହିତ ଓଡ଼ିଶାର ସୀମା ବିବାଦ ଲାଗି ରହିଛି । ପୋଲାଭରମ ଲଢ଼େଇ ବି ଚାଲିଛି ।

ଉପହାର ହଲ ଟ୍ରାଜେଡି ମାମଲା: ଦୁଇ ଅଭିଯୁକ୍ତଙ୍କୁ ସାତ ବର୍ଷ ଜେଲ, ୨.୨୫ କୋଟି ଲେଖାଏଁ ଜରିମାନା

ଖୋର୍ଦ୍ଧା: ଉପହାର ଟ୍ରାଜେଡି ମାମଲାରେ କୋର୍ଟଙ୍କ ରାୟ । ଦୁଇ ଅଭିଯୁକ୍ତ ସୁଶିଲ୍ ଅନସଲ୍ ଓ ଗୋପାଳ ଅନସଲଙ୍କୁ ୭ ବର୍ଷ ଲେଖାଏଁ ଜେଲ୍ । ଦିଲ୍ଲୀର ଏକ କୋର୍ଟ ଦୁଇ ଭାଇ ସୁଶିଲ୍ ଓ ଗୋପାଳ ଅନସଲକୁ ୭ ବର୍ଷ ଲେଖାଏଁ ଜେଲ୍ ଦଣ୍ଡ ଦେବା ସହ ୨ କୋଟି ୨୫ ଲକ୍ଷ ଟଙ୍କା ଲେଖାଏଁ ଜରିମାନା କରିଛନ୍ତି । ଉପହାର ସିନେମା ହଲ ଅଗ୍ନିକାଣ୍ଡରେ ପ୍ରମାଣ ନଷ୍ଟ କରିବା ମାମଲାରେ ସୁଶିଲ୍ ଓ ଗୋପାଳ ଅନସଲକୁ ଦଣ୍ଡାଦେଇ ଶୁଣାଇଛନ୍ତି କୋର୍ଟ ।  ମାମଲାରେ ଦୁଇ ଜଣକୁ ସୁପ୍ରିମକୋର୍ଟ ଦୁଇ ବର୍ଷ ଲେଖାଏଁ ଜେଲ ଦଣ୍ଡ ଦେବା ସହ ୩୦ କୋଟି ଲେଖାଏଁ ଜରିମାନା ନିର୍ଦ୍ଦେଶ ଦେଇଛନ୍ତି  ।

୧୯୯୭ରେ ଦିଲ୍ଲୀର ଉପହାର ସିନେମା ହଲରେ ନିଆଁ ଲାଗିଥିଲା । ନିଆଁର ଭୟାବହ ଏତେ ଥିଲା ଯେ ଏଥିରେ ୫୯ ଜଣକ ମୃତ୍ୟୁ ହୋଇଥିବାବେଳେ ୧୦୦ରୁ ଅଧିକ ଆହତ ହୋଇଥିଲେ । ସିନେମା ଦେଖିଥିବା ସମୟରେ ହଠାତ୍ ନିଆଁ ଲାଗିଥିଲା, ତେବେ ଅଗ୍ନି ନିର୍ବାପକ ବ୍ୟବସ୍ଥା ନଥିବାରୁ ନିଆଁ ଚାରିଆଡକୁ ବ୍ୟାପିଥିଲା । ଏହି ଘଟଣାରେ ସେତେବେଳେ ଚର୍ଚ୍ଚାରେ ଥିବାବେଳେ ଦୁଇ ଭାଇ ସୁଶିଲ୍ ଓ ଗୋପାଳ ଅନସଲକୁ ଦୋଷୀ ସାବ୍ୟସ୍ତ କରିଥିଲେ କୋର୍ଟ

ରାଫେଲ ପାଇଁ ୬୫ କୋଟି ଟଙ୍କାର ଡିଲ, ହୁଲୁସ୍ତୁଲ କରୁଛି ମିଡିଆ ରିପୋର୍ଟ

ନୂଆଦିଲ୍ଲୀ: ପୁଣି ରାଫେଲ ବିବାଦ । ଫ୍ରାନ୍ସର ମଡିଆ ପାର୍ଟ ପକ୍ଷରୁ ପ୍ରକାଶ ପାଇଛି ଗୁରୁତ୍ବପୂ୍ଣ୍ଣ ତଥ୍ୟ । ରାଫେଲ ଚୁକ୍ତି ଲାଗି ୭.୫ ନିୟୁତ ୟୁରୋ ବା ୬୫ କୋଟି ଟଙ୍କା ଜଣେ ମଧ୍ୟସ୍ଥିଙ୍କୁ ପ୍ରଦାନ କରାଯାଇଥିଲା । ଏ ସମ୍ପର୍କରେ ବିଭିନ୍ନ ମହଲରୁ ଚାପ ପଡିଥିଲେ ବି ତଦନ୍ତକାରୀ ସଂସ୍ଥା ଏହି ଅଭିଯୋଗର ତଦନ୍ତ କରି ନଥିଲା ବୋଲି ମିଡିଆପାର୍ଟ ଦର୍ଶାଇଛି । ୫୯ ହଜାର କୋଟି ଟଙ୍କାର ଏହି ବହୁଚର୍ଚ୍ଚିତ ଡିଲକୁ ନେଇ ମିଡିଆପାର୍ଟର ଏହି ରିପୋର୍ଟ ପୁଣି ଥରେ ଚର୍ଚ୍ଚା ସୃଷ୍ଟି କରିଛି । ରିପୋର୍ଟ ଅନୁସାରେ ରାଫେଲ ଡିଲରେ ମିଡିଲମ୍ୟାନ ଥିଲେ ସୁଶେନ ଗୁପ୍ତା ।

ତାଙ୍କୁ ଡାସଲ୍ଟ କମ୍ପାନୀ ରାଫେଲ ଚୁକ୍ତି ଲାଗି ବ୍ୟବସ୍ଥା କରାଯାଇଥିଲା ଏବଂ ଜାଲ୍ ଇନଭଏସ ତିଆରି ହୋଇଥିଲା । ଏ ସଂକ୍ରାନ୍ତରେ ସବିଶେଷ ରିପୋର୍ଟ ପ୍ରକାଶ ପାଇବା ସତ୍ତ୍ବେ ଭାରତୀୟ କର୍ତ୍ତୃପକ୍ଷ ତଦନ୍ତ ଆରମ୍ଭ କରି ନଥିଲେ । ସିବିଆଇ ଓ ପ୍ରବର୍ତ୍ତନ ନିର୍ଦ୍ଦେଶାଳୟ ଗତ ଅକ୍ଟୋବର ୨୦୧୮ରୁ ଅନେକ ପ୍ରମାଣ ପାଇଥିଲା । ମାତ୍ର ଏକ୍ଷେତ୍ରରେ କୌଣସି ଅଗ୍ରଗତି ଘଟି ନଥିଲା । ଏହି ଅର୍ଥ ୨୦୧୩ ପୂର୍ବରୁ ସୁଶେନଙ୍କୁ ପ୍ରଦାନ କରାଯାଇଥିଲା ବୋଲି ରିପୋର୍ଟରେ କୁହାଯାଇଛି ।

ଖୋର୍ଦ୍ଧା ସାଂଗଠନିକ ଜିଲ୍ଲା ପାଇଁ ବିଜେଡିରେ ନୂଆ ନିଯୁକ୍ତି: ବିଭୂତି ଭୂଷଣ ବଳବନ୍ତରାୟ ହେଲେ ସଭାପତି, ୩୮ଜଣ ଉପସଭାପତି

ଭୁବନେଶ୍ୱର: ବିଜୁ ଜନତା ଦଳରେ ନୂଆ ନିଯୁକ୍ତି । ଖୋର୍ଦ୍ଧା ସାଂଗଠନିକ ଜିଲ୍ଲା ପାଇଁ ନୂଆ ନିଯୁକ୍ତିକୁ ମଞ୍ଜୁରୀ ଦେଇଛନ୍ତି ଦଳୀୟ ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଖୋର୍ଦ୍ଧା ଜିଲ୍ଲା ସଭାପତି ଭାବେ ବିଭୂତି ଭୂଷଣ ବଳବନ୍ତରାୟଙ୍କୁ ନିଯୁକ୍ତି ମିଳିଥିବା ବେଳେ ଉପଦେଷ୍ଟା ଭାବେ ରାମ ଚନ୍ଦ୍ର ମହାପାତ୍ରଙ୍କୁ ନିଯୁକ୍ତି ମିଳିଛି । ସେହିଭଳି ଉପ-ସଭାପତି ଭାବେ ବିପିନ କୁମାର ଜୟସିଂହ, ପ୍ରଫୁଲ୍ଲ କୁମାର ଦଳାଇ, ସୁଦର୍ଶନ ସୁନ୍ଦରରାୟ, ପ୍ରଶାନ୍ତ ପାଇକରାୟ, ବିଜୟ କୁମାର ଛୋଟରାୟ, ସଂଗ୍ରାମ କେଶରୀ ପ୍ରଧାନ, ବିଜ କୁମାର ମହାପାତ୍ର, ମନୋଜ ମାନସିଂହ, ତାରା ପଟ୍ଟନାୟକ, ସୂର୍ଯ୍ୟକାନ୍ତ ନନ୍ଦ, କୁନାଲ ରାଉତ, ଜୟନ୍ତ କୁମାର ପ୍ରଧାନ, କୌଳାଶ ଚନ୍ଦ୍ର ମହାପାତ୍ର, କିଶୋର ମୋହନ ପଟ୍ଟନାୟକ, ପ୍ରବାସ କୁମାର ସୁନ୍ଦରରାୟ, ମାନସ ରଞ୍ଜନ ପ୍ରଧାନ, ରମେଶ ଚନ୍ଦ୍ର ସାହାଣୀ, ପ୍ରଦ୍ୟମ୍ନ କୁମାର ସେନାପତି, ଲକ୍ଷ୍ମୀଧର ନାୟକ, ସଚ୍ଚିଦାନନ୍ଦ ଜେନା, ଉମାକାନ୍ତ ଆଚାର୍ଯ୍ୟ, ବିଭୁ ପ୍ରସାଦ ସାହୁ, ଦିଲ୍ଲୀପ କୁମାର ହୋତା, ସୁବ୍ରତ ମହାନ୍ତି, ଶୁକଦେବ ମାନସିଂହ, ପ୍ରଫୁଲ୍ଲ ସାମନ୍ତରାୟ, ଦିଲଲୀପ ମାହାଭୋଇ, ସୁବାସ ଚନ୍ଦ୍ର ସ୍ୱାଇଁ, ସତ୍ୟ ନାରାୟଣ ପ୍ରଧାନ, ଯୋଗେଶ ମାଝି, ପ୍ରଫୁଲ୍ଲ କୁମାର ପ୍ରଧାନ, ଶ୍ରୀନିବାସ ରାୟ, ଦେବରାଜ ମହାପାତ୍ର, ଦୁର୍ଯ୍ୟୋଧନ ସ୍ୱାଇଁ, କଳୁ ବଳିଆରସିଂହ, ରଘୁନାଥ ଜେନା, ବିରଞ୍ଜି ପ୍ରଧାନ ନିଯୁକ୍ତ ହୋଇଛନ୍ତି ।

ସେହିଭଳି ସାଧାରଣ ସମ୍ପାଦକ ଭାବେ ସନ୍ତୋଷ କୁମାର ପାଇକରାୟ, ପ୍ରଦୀପ କୁମାର ନନ୍ଦ, ପ୍ରକାଶ କୁମାର ପ୍ରଧାନ, ପ୍ରସନ୍ନ ପ୍ରଧାନ, ଦିବାକର ସାସମଲ, ଅଶୋକ ଭୋଳ, ଜୟକୃଷ୍ଣ ବେହେରା, ମନୋଜ କୁମାର ପ୍ରଧାନ, ମହେଶ୍ୱର ଦାସ, ପ୍ରମୋଦ କୁମାର ତ୍ରିପାଠୀ, ରାଜ କିଶୋର ପାତ୍ର, ଶ୍ରୀକାନ୍ତ କୁମାର ନାୟକ, ମଙ୍ଗରାଜ ବେହେରା, ସୁକାନ୍ତ ମଙ୍ଗରାଜ, ଇକ୍‌ବାଲ୍ ଅହମ୍ମଦ, ଲୋକନାତ ପରିଡ଼ା, ଭବାନୀ ଶଙ୍କର ପଣ୍ଡା, ସୂର୍ଯ୍ୟ ରଞ୍ଜନ ମହାନ୍ତି, ବିବେକାନନ୍ଦ ପଟ୍ଟନାୟକ, ମାନସ ଲାଲ, ସୁକାନ୍ତ କୁମାର ଜୟସିଂହ, ପ୍ରଶାନ୍ତ କୁମାର ବେହେରା, ବୀର କିଶୋର ଦାସ, ସୌରି ସାହୁ, ବସନ୍ତ ମହାପାତ୍ର, ଅର୍ଜୁନ ପ୍ରଧାନ, ଚିତ୍ତ ରଞ୍ଜନ ମିଶ୍ର, ବିଜୟ କୁମାର ଲୋଙ୍କା ଓ ସୁଶାନ୍ତ ସିଂହଙ୍କୁ ନିଯୁକ୍ତି ମିଳିଛି । ଅନ୍ୟପକ୍ଷରେ କୋଷାଧ୍ୟକ୍ଷଭାବେ ରାଜ କିଶୋର ସ୍ୱାଇଁ, ଓ ଜିଲ୍ଲା ମିଡିଆ ସେଲ୍ କୋଡିନେଟର ଭାବେ ସୂର୍ଯ୍ୟ ନାରାୟଣ ମହାନ୍ତିଙ୍କୁ ନିଯୁକ୍ତି ମିଳିଛି । ଏଥିସହିତ ମୋଟ ୩୦ ଜଣଙ୍କୁ ସମ୍ପାଦକ ଭାବେ ନିଯୁକ୍ତି ମିଳିଛି । ସେମାନେ ହେଲେ ସନ୍ତୋଷ କୁମାର ହୋତା, ଅବିନାଶ ପଟ୍ଟନାୟକ, ଅନନ୍ତ ଶତପଥୀ, ଭାବଗ୍ରାହୀ ସାହୁ, ଦୀପକ କୁମାର ଜେନା, ସୂର୍ଯ୍ୟକାନ୍ତ ସାମନ୍ତରାୟ, ମୁନିରୁଦ୍ଧିନ୍ ଖାନ୍, ଅମୀୟ କୁମାର ଦଳେଇ, ଭଗବାନ ପ୍ରଧାନ, ଦାସରଥି ସାହୁ,ବିକ୍ରମ କେଶରୀ ଜେନା, ମିଟୁ ନାୟକ, ସନ୍ତୋଷ କୁମାର ଜାଲ୍ଲୀ, କୃଷ୍ଣ ଚନ୍ଦ୍ର ବେହେରା, ସୁକାନ୍ତ କୁମାର ଜେନା, ପ୍ରଶାନ୍ତ କୁମାର ଦାସ, ସୁକାନ୍ତ କୁମାର ସାହୁ, ଗଙ୍ଗାଧର ମଲ୍ଲିକ, ଦେବରାଜ ମହାପାତ୍ର, ବିଚିତ୍ରାନନ୍ଦ ସ୍ୱାଇଁ, ଶୁଭ୍ରାଂଶୁ ଶେଖର ସାହୁ, ନିରଞ୍ଜନ ସାହୁ, ରାଜେଶ ପ୍ରଧାନ, ସଞ୍ଜୟ କୁମାର ବରମନ୍, ଲଲିତ ମହାପାତ୍ର, କୃଷ୍ଣ ଚନ୍ଦ୍ର ସୁବୁଦ୍ଧି, ରବୀନ୍ଦ୍ର ରାଉତରାୟ, ନୁର୍ ମହମ୍ମଦ, ସନାତନ ବାରିକ, କିଶୋର କୁମାର ବେହେରା, ପୁଲକ ବଡ଼ଜେନା, ପ୍ରଭାକର ସାହୁ, ସୁଶାନ୍ତ କୁମାର ନାଥ, ସୁକାନ୍ତ କୁମାର ସାହୁ, ମାୟାଧର କରଣ, ନଳୀନି ବଡ଼ଜେନା ।

ଏଥିସହିତ ପଢ଼ନ୍ତୁ: ନୂଆପଡ଼ାରେ ସ୍ମାର୍ଟ ହେଲ୍ଥ କାର୍ଡ ବଣ୍ଟନର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ: ୪୭୫ କୋଟି ଟଙ୍କାର ପ୍ରକଳ୍ପ ଭେଟି ଦେଲେ

 

କାଠଗଡ଼ାରେ ୟୁପି ସରକାର, ପୁଣି ଭର୍ତ୍ସନା କଲେ ସର୍ବୋଚ୍ଚ ଅଦାଲତ

ନୂଆଦିଲ୍ଲୀ: କେନ୍ଦ୍ରମନ୍ତ୍ରୀଙ୍କ ପୁଅକୁ ଅହେତୁକ ଅନୁକମ୍ପା । କାଠଗଡ଼ାରେ ୟୁପି ସରକାର । ପୁଣି ଭର୍ତ୍ସନା କଲେ ସର୍ବୋଚ୍ଚ ଅଦାଲତ । ତିନି ତିନି ଥର ନାଲି ଆଖି ସତ୍ତ୍ବେ ବେଫିକର ୟୁପି ସରକାର । ଉତ୍ତରପ୍ରଦେଶ ଲଖିମପୁର ଚାଷୀ ମୃତ୍ୟୁ ମାମଲାର ତଦନ୍ତରେ ପ୍ରବଳ ଢିଲା । ରାଜ୍ୟ ସରକାରଙ୍କ ଷ୍ଟାଟସ ରିପୋର୍ଟ ଦେଖି ସୁପ୍ରିମକୋର୍ଟ ନାଖୁସ୍ । ରିପୋର୍ଟରେ କିଛି ନୂଆ କଥା ନାହିଁ ବୋଲି କହିଛନ୍ତି କୋର୍ଟ । ମାମଲାରେ ଆଉ କିଛି ସାକ୍ଷୀଙ୍କ ସାକ୍ଷ୍ୟ ଗ୍ରହଣ କରାଯାଉଛି ବୋଲି ଏହି ଗୋଟିଏ ତଥ୍ୟ ନୂଆ ରହିଛି । ତଦନ୍ତ ପ୍ରକ୍ରିୟାରେ ଅସନ୍ତୋଷ ବ୍ୟକ୍ତ କରିବା ସହ କୋର୍ଟ ଜଣେ ପୂର୍ବତନ ହାଇକୋର୍ଟ ବିଚାରପତିଙ୍କୁ ତଦନ୍ତର ନିରୀକ୍ଷଣ ପାଇଁ ନିଯୁକ୍ତି କରିବାକୁ ନିର୍ଦ୍ଦେଶ ଦେଇଛନ୍ତି ।

କେଉଁମାନେ ନିଯୁକ୍ତ ହେବେ ସେମାନଙ୍କ ନାଁକୁ ମଧ୍ୟ କୋର୍ଟରୁମ୍ରେ ଘୋଷଣା କରିଛନ୍ତି । ଏଥିସହ କେନ୍ଦ୍ରମନ୍ତ୍ରୀ ଅଜୟ ମିଶ୍ରାଙ୍କ ପୁଅ ଆଶିଷ ମିଶ୍ରାଙ୍କ ଦାଦାଗିରି ସଂକ୍ରାନ୍ତ ମାମଲାରେ କ୍ଷୋଭ ପ୍ରକାଶ କରିଛନ୍ତି ସର୍ବୋଚ୍ଚ ଅଦାଲତ । ଲ୍ୟାବ ରିପୋର୍ଟ ମଧ୍ୟ ବର୍ତ୍ତମାନ ସୁଦ୍ଧା କାହିଁକି ଆସିନାହିଁ ବୋଲି କୋର୍ଟ ପ୍ରଶ୍ନ କରିଛନ୍ତି । ହିଂସା ମାମଲାରେ କାହିଁକି ଭିନ୍ନ ଭିନ୍ନ ଦୁଇଟି ଏଫଆଇଆର ରୁଜୁ ହୋଇଛି ତାହା ବି ଜାଣିବାକୁ ଚାହିଁଛନ୍ତି କୋର୍ଟ । ଆସନ୍ତା ଶୁକ୍ରବାର ମାମଲାର ପରବର୍ତ୍ତୀ ଶୁଣାଣି ହେବ ।

ସବୁ ମାମଲାର ତଦନ୍ତ ସିବିଆଇ କରିବ, ତାର କୌଣସି ଆବଶ୍ୟକତା ନାହିଁ । ଅନ୍ୟ ତଦନ୍ତକାରୀ ସଂସ୍ଥା ମାନଙ୍କ ଉପରେ ଭରସା ରହିବା ଦରକାର । ସିବିଆଇ ସବୁ ସମସ୍ୟାର ସମାଧାନ ନୁହେଁ । ଏଥିସହ ମାମଲାରେ କେବଳ ଆଶିଷ ମିଶ୍ରାଙ୍କର ଫୋନ୍ ସିଜ୍ କରାଯାଇଥିବା ବେଳେ ଅନ୍ୟ ଅଭିଯୁକ୍ତଙ୍କର କାହିଁକି ମୋବାଇଲ୍ ସିଜ୍ ହୋଇନାହିଁ । ଅନ୍ୟମାନେ କଣ ମୋବାଇଲ ବ୍ୟବହାର କରୁନାହାନ୍ତି କି ବୋଲି କୋର୍ଟ ପ୍ରଶ୍ନ କରିଛନ୍ତି । ୟୁପି ସରକାରଙ୍କ ପକ୍ଷରୁ ବରିଷ୍ଠ ଓକିଲ ହରିଷ ସାଲଭେ ଯୁକ୍ତି ରଖିଥିବା ବେଳେ ଅନ୍ୟମାନଙ୍କର ସିଡିଆର ବା କଲ ଡିଟେଲ୍ସ ରିପୋର୍ଟ ବାହାର କରାଯାଇଛି ବୋଲି କହିଛନ୍ତି ।

ମାମଲାର ଶୁଣାଣି କରିଥିଲେ ପ୍ରଧାନ ବିଚାରପତି ଜଷ୍ଟିସ ଏନଭି ରମଣା, ଜଷ୍ଟିସ ସୂର୍ଯ୍ୟକାନ୍ତ ଓ ଜଷ୍ଟିସ ହିମା କୋହଲି । ଗତ ଶୁଣାଣିରେ ମଧ୍ୟ ରାଜ୍ୟ ସରକାରଙ୍କ ଉପରେ ପ୍ରବଳ ବର୍ଷିଥିଲେ ସୁପ୍ରିମକୋର୍ଟ । ଅକ୍ଟୋବର ୩ର ଏହି ଘଟଣାରେ ରାଜ୍ୟ ସରକାରଙ୍କ ତଦନ୍ତ ସନ୍ତୋଷଜନକ ନଥିଲା ବୋଲି କହିଥିଲେ କୋର୍ଟ । ଲଖିମପୁରରେ ଚାଷୀ ଆନ୍ଦୋଳନ କରୁଥିବା ବେଳେ କେନ୍ଦ୍ରମନ୍ତ୍ରୀଙ୍କ ପୁଅ ଆଶିଷ ମିଶ୍ର ନିଜ ସମର୍ଥକଙ୍କ ସହ ଚାଷୀଙ୍କ ଉପରେ କାର ଚଢାଇଦେଇଥିଲେ । ଘଟଣାରେ ୮ଜଣଙ୍କର ମୃତ୍ୟୁ ହୋଇଥିଲା ।

ନନ୍ଦିଘୋଷ ଟିଭିରେ ଖବର ପ୍ରସାରଣ ପରେ ଛୁଟିଲା ସହାୟତା: ପୁରୀ ଝିଅ ନେହାକୁ ସହାୟତାର ହାତ ବଢ଼ାଇଲେ ଷ୍ଟାଲିନ୍ ଓ ରଞ୍ଜନ

0

କଟକ: ନନ୍ଦିଘୋଷ ଟିଭିରେ ପୁରୀର ଝିଅ ନେହାର ଦୁଃଖଭରା ଖବର ପ୍ରସାରଣ ହେବା ପରେ ଛୁଟିଲା ସହାୟତାର ସୁଅ । ପୁରୀ ବାଲିଘାଟର ଝିଅ ନେହା ବିଭିନ୍ନ ରୋଗରେ ଚିକିତ୍ସା ହେଉଛନ୍ତି । ଅଧିକ ସହାୟତା ପାଇଁ ପରିବାର ଲୋକେ ନିବେଦନ କରିଥିଲେ । ଖବର ପ୍ରସାରଣ ପରେ ଆଜି ଓଡିଶା ମୋ ପରିବାର ପୁରୀ ସଂଯୋଜକ ଷ୍ଟାଲିନ ପରିଜା ଓ କଟକ ସିଟି ଜୀବନ ବିନ୍ଦୁର ସଂଯୋଜକ ରଞ୍ଜନ କୁମାର ବିଶ୍ୱାଳ ନେହାଙ୍କ ନିକଟରେ ପହଞ୍ଚି ସହାୟତାର ହାତ ବଢ଼ାଇଛନ୍ତି ।

ଆଜି ପୁରୀରୁ ଷ୍ଟାଲିନ ପରିଜା କଟକରେ ପହଞ୍ଚି ରଞ୍ଜନ ବିଶ୍ୱାଳଙ୍କ ସହ ନେହାଙ୍କ ନିକଟକୁ ଆସି BSKY କାର୍ଡ ପ୍ରଦାନ କରିଥିଲେ । ଏଥିସହିତ ନେହା ପାଇଁ ଆବଶକୀୟ ଜିନିଷପତ୍ର ସହ କିଛି ଆର୍ଥିକ ସହାୟତା ରାଶି ପ୍ରଦାନ କରାଯାଇଛି । ଆଗକୁ ନେହାର ଉନ୍ନତ ଚିକିତ୍ସା ପାଇଁ ଯାହା ପଦକ୍ଷେପ ଦରକାର ତାହା ପୁରୀ ଜିଲ୍ଲାପାଳଙ୍କ ସହାୟତାରେ ସରକାର ସବୁ ପ୍ରକାର ସହଯୋଗ କରିବେ । ଏଥିପାଇଁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ନେହାଙ୍କ ପରିବାର ଲୋକେ ।

ଦୁଇ ବର୍ଷ ପରେ ପେଟ୍ରୋଲ ଗାଡ଼ି ଦାମରେ ବିକ୍ରି ହେବ ଇଲେକ୍ଟ୍ରିକ୍ କାର !

ପେଟ୍ରୋଲ, ଡିଜେଲ ମହଙ୍ଗା ହେବା ପରେ ମଧ୍ୟ ଇଚ୍ଛା ଥିଲେ ବି ଲୋକ ଇଲେକ୍ଟ୍ରିକ୍ କାର କିଣି ପାରୁନାହାଁନ୍ତି । ଯାହାର ଏକ ବଡ଼ କାରଣ ପେଟ୍ରୋଲ ଗାଡ଼ି ତୁଳନାରେ ଇଲେକ୍ଟ୍ରିକ୍ କାରର ଦାମ୍ ଅନେକ ଗୁଣ ଅଧିକ । ମାତ୍ର ଆସନ୍ତା ୨ ବର୍ଷ ମଧ୍ୟରେ ଏହି ଇଲେକ୍ଟ୍ରିକ୍ କାରର ଦାମ୍ କମ୍ ହେବ ବୋଲି କେନ୍ଦ୍ରୀୟ ପରିବହନ ଓ ରାଜମାର୍ଗ ମନ୍ତ୍ରୀ ନୀତିନ ଗଡ଼କରୀ ସ୍ପଷ୍ଟ କରିଛନ୍ତି ।

ନୀତିନ ଗଡ଼କରୀଙ୍କ କହିବାନୁସାରେ ଆସନ୍ତା ଦୁଇ ବର୍ଷ ମଧ୍ୟରେ ପେଟ୍ରୋଲ ଗାଡ଼ି ଓ ଇଲେକ୍ଟ୍ରିକ୍ କାରର ସମାନ ଦାମ୍ ରହିବ । ଅବଶ୍ୟ ବର୍ତ୍ତମାନ ଦୁଇ ଗାଡ଼ିର ଦାମ୍ ମଧ୍ୟରେ ଅନେକ ଫରକ ଥିଲେ ମଧ୍ୟ ୨ ବର୍ଷ ଭିତରେ ବଜାରରେ ସମାନ ଦାମରେ ବିକ୍ରି ହେବ ପେଟ୍ରୋଲ ଗାଡ଼ି ଓ ଇଲେକ୍ଟ୍ରିକ୍ କାର ।

ସସଟେନେବଲ ଫାଉଣ୍ଡେସନ ଦ୍ୱାରା ଆୟୋଜିତ ୱେବିନାରରେ ଗଡ଼କରୀ କହିଛନ୍ତିଯେ ଇଲେକ୍ଟ୍ରିକ୍ କାର ଉପରେ GST ୫ ଶତକଡ଼ା ଥିବାବେଳେ ପେଟ୍ରୋଲ ଗାଡ଼ିମାନଙ୍କରେ ଏହା ଢେର ଅଧିକ ।

 

 

 

 

ଫେଲ୍ ମାରିଛି ସ୍ୱପ୍ନିଳ ପ୍ରତିଶ୍ରୁତି: ଦେଶରେ କୁପୋଷଣର ଶିକାର ୩୩ଲକ୍ଷରୁ ଊର୍ଦ୍ଧ୍ୱ ଶିଶୁ

ନୂଆଦିଲ୍ଲୀ: ଅନ୍ଧାରରେ କାଲିର ଭବିଷ୍ୟତ । ଫେଲ ମାରିଛି ଶିଶୁ ସୁରକ୍ଷା ଯୋଜନା । ଶସ୍ୟ ଶ୍ୟାମଳା ଭାରତରେ ବଢ଼ିଛି ଭୋକର ଦାଉ । ଖୋଦ କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ରିପୋର୍ଟ ଅନୁସାରେ ଦେଶରେ କୁପୋଷଣର ଶିକାର ହୋଇଛନ୍ତି ୩୩ ଲକ୍ଷରୁ ଅଧିକ ଶିଶୁ । ମହାରାଷ୍ଟ୍ର ଶୀର୍ଷରେ ଥିବା ବେଳେ ଦ୍ୱିତୀୟ ବିହାର, ତୃତୀୟରେ ଗୁଜରାଟ ରହିଛି । ପୁଷ୍ଟିକର ଖାଦ୍ୟର ଅଭାବ ଯୋଗୁ ଗୁରୁତର ଅବସ୍ଥାରେ କାଳ କାଟୁଛନ୍ତି ୧୭ ଲକ୍ଷ ୭୬ ହଜାର ଶିଶୁ, ଯାହାକି ଗତବର୍ଷ ତୁଳନାରେ ୯୧ ପ୍ରତିଶତ ଅଧିକ । ସମନ୍ବିତ ଶିଶୁ ବିକାଶ ଯୋଜନା ପ୍ରଭାବିତ ହେବା ଯୋଗୁ ଏହାର ବିଶେଷ ଶିକାର ହୋଇଛନ୍ତି ଶିଶୁ ।

ଫେଲ୍ ମାରିଛି ସ୍ୱପ୍ନିଳ ପ୍ରତିଶ୍ରୁତି । ବିପଥଗାମୀ ବିକାଶ ସ୍ଲୋଗାନ । କୋଭିଡ ବିପଦ କାଳରେ ବଢିଛି ପିଲାଙ୍କ ଦୁର୍ଦ୍ଦଶା । କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରାଳୟ ରିପୋର୍ଟକୁ ନେଇ ଚିନ୍ତା । ଦେଶରେ କୁପୋଷଣର ଶିକାର ହୋଇଛନ୍ତି ୩୩ ଲକ୍ଷ ୨୩ ହଜାର ୩୨୨ ଶିଶୁ । ଶୀର୍ଷରେ ମହାରାଷ୍ଟ୍ର ଥିବାବେଳେ ଦ୍ୱିତୀୟ ସ୍ଥାନରେ ବିହାର ଓ ତୃତୀୟ ସ୍ଥାନରେ ରହିଛି ଗୁଜରାଟ । ଏହି ପିଲାଙ୍କ ମଧ୍ୟରୁ ୧୭ ଲକ୍ଷ ୭୬ ହଜାର ୯୦୨ ପିଲା ଗୁରୁତର କୁପୋଷଣ ବା ଏସଏଏମର ହୋଇଥିବାବେଳେ ୧୫ ଲକ୍ଷ ୪୬ ହଜାର ୪୨୦ ଶିଶୁ ମଧ୍ୟମ ଧରଣ ବା ଏମଏମର କୁପୋଷଣର ଶିକାର ହୋଇଛନ୍ତି । ନଭେମ୍ବର ୨୦୨୦ରୁ ୨୦୨୧ ଅକ୍ଟୋବର ୧୪ ମଧ୍ୟରେ କୁପୋଷଣର ଶିକାର ପିଲାଙ୍କ ସଂଖ୍ୟା ୯୧ ପ୍ରତିଶତ ବୃଦ୍ଧି ପାଇଛି । ମହାରାଷ୍ଟ୍ରରେ ସର୍ବାଧିକ ୬ ଲକ୍ଷ ୧୬ ହଜାର ୭୭୨ ଏବଂ ବିହାରର ୪ ଲକ୍ଷ ୭୫ ହଜାର ୮୨୪ ଶିଶୁ କୁପୋଷଣର ଶିକାର ହୋଇଛନ୍ତି । ଗୁଜରାଟର ୩ ଲକ୍ଷ ୨୦ ହଜାର ୪୬୫ ଶିଶୁ କୁପୋଷଣର ଶିକାର ହୋଇ ଜୀବନ ସହ ସଂଘର୍ଷ କରୁଥିବା ରିପୋର୍ଟରେ କୁହାଯାଇଛି ।

କୁପୋଷଣ କାରଣରୁ ଦେଶରେ ଶିଶୁରୋଗ ଓ ଶିଶୁ ମୃତ୍ୟୁହାର ମଧ୍ୟ ବୃଦ୍ଧି ପାଇଛି । ବିଭିନ୍ନ ରାଜ୍ୟରେ ଚାଲିଥିବା ସମନ୍ୱିତ ଶିଶୁ ବିକାଶ ଯୋଜନା ବା ଆଇସିଡିଏସ କୋଭିଡ ଯୋଗୁ ବାଧାପ୍ରାପ୍ତ ହୋଇଥିବା କାରଣରୁ ଏହି ସମସ୍ୟା ସୃଷ୍ଟି ହୋଇଛି । କୁପୋଷଣ ଯୋଗୁ ଅନେକ ଶିଶୁ ସଂକ୍ରମିତ ହେବା ପରିଲକ୍ଷିତ ହେଉଛି । ଶିଶୁ ସମାଜ ପ୍ରତି ସ୍ୱତନ୍ତ୍ର ଧ୍ୟାନ ଦେବାକୁ ବିଭିନ୍ନ ମହଲରୁ ହୋଇଛି ଦାବି । ଆସନ୍ତାକାଲିର ଭବିଷ୍ୟତ ଶିଶୁ ସମାଜ । ମାତ୍ର ସବୁ କ୍ଷେତ୍ରରେ ସେମାନେ ଅବହେଳିତ । ଯୋଜନା ପରେ ଯୋଜନା ହେଲେ ବି ଶିଶୁମାନେ ହେଉଛନ୍ତି କୁପୋଷଣର ଶିକାର ।

ପତ୍ନୀଙ୍କ କରୱାଚୋଥ୍ ପାଇଁ ମୃତ୍ୟୁରୁ ବର୍ତ୍ତିଲେ ସୁୁପରଷ୍ଟାର ଜିତେନ୍ଦ୍ର

ମୁମ୍ୱାଇ : ବଲିଉଡର ୯୦ ଦଶକ ସୁପରଷ୍ଟାର ଜିତେନ୍ଦ୍ର କପୁର । ଯାହାର ନାଁ ହିଁ କାଫି ।  ଅଭିନୟରେ ନିପୁଣ କଳାକାର ମଧ୍ୟରୁ ଜଣେ । ନିଜର ଆକ୍ଟିଙ୍ଗ ମାଧ୍ୟମରେ ସମସ୍ତଙ୍କ ମନ ଜିଣନ୍ତି ସେ । ସୋନିରେ ଚାଲୁଥିବା ବିଗ୍ କମେଡି ସୋ ‘ଦ କପିଲ୍ ଶର୍ମା ସୋ’ରେ ଅତିଥି ଭାବେ ଆସିଥିଲେ ଜିତେନ୍ଦ୍ର ଓ ତାଙ୍କ ଝିଅ ଏକତା । ସୋ ମାଧ୍ୟମରେ ନିଜ ଜୀବନର କିଛି ସତ ଘଟଣା ଦର୍ଶକଙ୍କୁ ଜଣାଇଥିଲେ । ସୋରେ ସେ କହିଥିଲେଯେ କେମିତି ସେ ମୃତ୍ୟୁ ମୁଖରୁ ବଞ୍ଚିଥିଲେ ଏବଂ ତାଙ୍କୁ ଆଉ କେହି ନୁହେଁ ତାଙ୍କ ଧର୍ମପତ୍ନୀ ଶୋଭା କପୁର ହିଁ ତାଙ୍କୁ ଏଭଳି ଅଘଟଣରୁ ବଞ୍ଚାଇଥିଲେ । ଥରେ କରୱାଚୋଥରେ ସେ କୈାଣସି କାମରେ ବାହାରକୁ ବାହାରୁଥିଲେ । ପତ୍ନୀଙ୍କ ପାଇଁ ଜିତେନ୍ଦ୍ରଙ୍କୁ ଫ୍ଲାଇଟ୍ ଧରିବାକୁ କିଛି କ୍ଷଣ ବିଳମ୍ବ ହୋଇଥିଲା । ଆଜି ସେ ଯଦି ଜୀବିତ ଅଛନ୍ତି ତେବେ କେବଳ ତାଙ୍କ ପତ୍ନୀଙ୍କ ପାଇଁ ।

ପ୍ଲେନ୍ କ୍ରାସରୁ ବର୍ତ୍ତିଥିଲେ ଜିତେନ୍ଦ୍ର :

ରାମାନାଇଡୁ ଦ୍ୱାରା ନିର୍ମିତ ଏକ ଚଳଚ୍ଚିତ୍ରର ସୁଟିଂ ପାଇଁ ଜିତେନ୍ଦ୍ରଙ୍କୁ ଚେନ୍ନାଇ ଯିବାର ଥିଲା । ସେଦିନ କରୱାଚୋଥ ଥିବା କାରଣରୁ ପତ୍ନୀ ଶୋଭା ତାଙ୍କୁ କିଛି କ୍ଷଣ ରହିବାକୁ କହିଥିଲେ । ଶୋଭାଙ୍କୁ ଅନୁରୋଧ କରିବା ସତ୍ତ୍ୱେ ସେ ଜିଦ୍ ଧରି ବସିଥିଲେ । ଏଣୁ ବାଧ୍ୟ ହୋଇ ଜିତେନ୍ଦ୍ରଙ୍କୁ କିଛି ସମୟ ଘରେ ରହିବାକୁ ପଡ଼ିଥିଲା  । ଜିତେନ୍ଦ୍ରଙ୍କ ଫ୍ଲାଇଟ୍ ସନ୍ଧ୍ୟା ୭ଟା ବେଳେ ଥିଲା । ସେ ଏୟାରପୋର୍ଟରେ ପହଁଞ୍ଚିବା ପରେ ଫ୍ଲାଇଟ୍ ଆସିବାରେ ବିଳମ୍ୱ ହେବା ଶୁଣି ଘରକୁ ଫେରିଆସିଥିଲେ । ଚାନ୍ଦ ବାହାରି ନଥିବାରୁ ତାଙ୍କ ପତ୍ନୀ ତାଙ୍କୁ ଯିବାକୁ ଦେଇନଥିଲେ । ଜିତେନ୍ଦ୍ରଙ୍କ ଘରଠୁ କିଛି ଦୂର ଏୟାରପୋର୍ଟ ଥିବାରୁ ଆକାଶରୁ ଏକ ଉଲକାପିଣ୍ଡ ଆସି ପ୍ଲେନ୍ ଉପରେ ଖସିବାର ସେ ଦେଖିଥିଲେ । ଉଲକାପିଣ୍ଡ ଖସିଥିବା ଫ୍ଲାଇଟରେ ସେ ଟିକେଟ୍ ବୁକ୍ କରିଥିବା ପରେ ଜାଣିବାକୁ ପାଇଲେ ।