spot_img
Home Blog Page 5124

ଟ୍ୟାକ୍ସି ଡ୍ରାଇଭର ଫୋନ କଲରେ ଛାନିଆ ପୋଲିସ, ମୁକେଶ ଅମ୍ବାନୀଙ୍କ ଘର ଆଗରେ ପୋଲିସର କଡ଼ା ପ୍ରହରା

ମୁମ୍ବାଇ: ବିଶିଷ୍ଟ ଶିଳ୍ପପତି ମୁକେଶ ଆମ୍ବାନୀଙ୍କ ଘର ଆଗରେ ପୋଲିସର ପ୍ରହରା  ।  ହଠାତ ଆଣ୍ଟୋଲିଆ ଚତୁପାର୍ଶ୍ୱରେ କଡ଼ାକଡି କରିଦିଆଗଲା ସୁରକ୍ଷା ବ୍ୟବସ୍ଥା  ।  ପୋଲିସ ବଳୟରେ ସମ୍ପୂର୍ଣ୍ଣ ଘର  । ଏମିତି ଦୃଶ୍ୟ ହଠାତ ସେଠାକାର ଲୋକଙ୍କୁ ଆଶ୍ଚର୍ଯ୍ୟ କରିଥିଲା  ।  କାହିଁକି ପୋଲିସ ଆଣ୍ଟୋଲିଆ ଜଗିବାକୁ ହଠାତ ପଳାଇଆସିଲା ? ଏ ପ୍ରଶ୍ନ ସଭିଙ୍କ ମନରେ ଉଙ୍କିମାରୁଥାଏ  । ମିଳିଥିବା ସୂଚନା ମୁତବାକ, ଜଣେ ଟ୍ୟାକ୍ସି ଡ୍ରାଇଭରର ଫୋନ କଲ ହିଁ ପୋଲିସର ନିଦ ହଜାଇଦେଇଛି  ।  ଗୋଟିଏ କଲରେ ହିଁ ଅମ୍ବାନୀଙ୍କ ଘର ଆଗରେ ହୋଇଥିଲା କଡ଼ା ସୁରକ୍ଷା ବ୍ୟବସ୍ଥା  ।

ଦୁଇ ଜଣ ସନ୍ଦିଗ୍ଘ ବ୍ୟକ୍ତି ଜଣେ ଚ୍ୟାକ୍ସି ଡ୍ରାଇଭରଙ୍କୁ ଆଣ୍ଟୋଲିଆର ଲୋକେସନ ଅର୍ଥାତ ସ୍ଥାନ ବିଷୟରେ ପଚାରୁଥିଲେ  । ସେଠାକାର ସ୍ଥିତି ଏବଂ ସୁରକ୍ଷା ବ୍ୟବସ୍ଥା ମାଧ୍ୟମରେ ମଧ୍ୟ ସୂଚନା ନେଉଥିଲେ  ।  ଏବଂ ଏହି ଦୁଇ ବ୍ୟକ୍ତିଙ୍କ ହାତରେ ବ୍ୟାଗ ଥିବାବେଳେ ଦୁହେଁ କିଛି ଅଘଟଣ ଘଟାଇବା ଉଦେଶ୍ୟରେ ଆସିଥିବା ଅନୁଭବ କରିଥିଲେ ଉକ୍ତ ଟ୍ୟାକ୍ସି ଡ୍ରାଇଭର  । ଏନେଇ ସେ ତତକ୍ଷଣାତ ସ୍ଥାନୀୟ ପୋଲିସକୁ ସୂଚନା ଦେଇଥିଲେ  । ଦୁଇ ବ୍ୟକ୍ତି ତାଙ୍କୁ ପଚାରିଥିବା ସମସ୍ତ କଥା ବିଷୟରେ ମଧ୍ୟ ସୂଚନା ଦେଇଥିଲେ ଟ୍ୟାକ୍ସି ଡ୍ରାଇଭର ଜଣଙ୍କ  ।

ଏପରି ସୂଚନା ପାଇବା ପରେ ସୁରକ୍ଷା ଭଳୟ ଭିତରେ ଥିବା ଆଣ୍ଟୋଲିଆକୁ ଆହୁରି ସୁରକ୍ଷାକର୍ମୀଙ୍କୁ ମୁତୟନ କରାଯାଇଥିଲା  । ତନ୍ନ ତନ୍ନ କରି ଯାଞ୍ଚ ଚଳାଇଛି ମୁମ୍ବାଇ ପୋଲିସ  ।  ସେପଟେ ସୂଚନା ଦେଇଥିବା ଯୁବକ ଟ୍ୟାକ୍ସି ଡ୍ରାଇଭରର ବୟାନ ରେକର୍ଡ କରିଛି  ଆଜାଦ ମୈଦାନ ପୋଲିସ  । ଏହା ପୂର୍ବରୁ ମଧ୍ୟ ଫେବୃୟାରୀ ମାସରେ ବିସ୍ପୋଖ ଭର୍ତ୍ତି ଏକ କାର ମୁକେଶ ଅମ୍ବାନୀଙ୍କ ଘର ଆଗରୁ ମିଳିଥିଲା  । ଯାହା ଏକ ସୁଚିନ୍ତିତ ଷଡ଼ଯନ୍ତ୍ର ରହିଥିବା ବୋଲି ପରବର୍ତ୍ତୀ ସମୟରେ ସ୍ପଷ୍ଟ ହୋଇଥିଲା  ।

କ୍ୟାପଟେନ୍ କୋହଲି: ସବଳ ଖେଳାଳି, ଦୁର୍ବଳ ନେତୃତ୍ୱ

ନନ୍ଦିଘୋଷ ବ୍ୟୁରୋ: ଚଳିତ ଟି ୨୦ ବିଶ୍ୱକପରୁ ବିଦାୟ ନେଇସାରିଛି ଭାରତ  । ସେମିଫାଇନାଲ ଯିବା ବାଟ ବନ୍ଦ ହୋଇସାରିଥିବା ସ୍ୱତେ ନାମିବିଆ ସହ ଟିମ୍ ଇଣ୍ଡିଆ ଖେଳିବ ଶେଷ ମ୍ୟାଚ  । କ୍ୟାପଟେନ୍ସି ରେ ମଧ୍ୟ ଏହା ବିରାଟ କୋହଳିଙ୍କ ଶେଷ ମ୍ୟାଚ ହେବ  । ଏହି ମ୍ୟାଚ ଜିତିବା ସହ ବିରାଟ ଅଧିନାୟକ ପଦବୀକୁ ବାଏ ବାଏ କରିବାକୁ ଚାହୁଁଥିବେ  । କିନ୍ତୁ ଅସଲ ନିର୍ଣ୍ଣୟ ତ ପଡିଆରେ ହିଁ ଜଣାପଡ଼ିବ  ।  କାରଣ ବିରାଟ କୋହଲି ଏମିତି ଜଣେ କ୍ୟାପଟେନ ଯାହାଙ୍କ ଗଣିତ ଭାରି ଜଟିଳ  ।  ମାନେ ଏକଥା ମଧ୍ୟ କୁହାଯାଇପାରିବ  ।  ବିରାଟ ସବୁଠୁ ଜଣେ ଭଲ ଖେଳାଳୀ, ଆଉ ସବୁଠୁ ଖରାପ କ୍ୟାପଟେନ  ।

ସଦ୍ୟ ଅଧିନାୟକ ପଦରୁ ବିଦାୟ ନେବାକୁ ଯାଉଥିବା ବିରାଟ କୋହଲିଙ୍କ ପ୍ରଦର୍ଶନ ଅଛପା ନାହିଁ । ପ୍ରତିପକ୍ଷ ଟିମର ବଲ ପଡ଼ିବ ମାନେ ବିରାଟଙ୍କ ବ୍ୟାଟ ଚାଲିବ ହିଁ ଚାଲିବ  ।   ଦଳକୁ ଲିଡ କରିବାରେ ମଧ୍ୟ କିଛି ମାତ୍ରାରେ ତାଙ୍କ ଭୂମିକା ଭଲ ରହିଛି  । କିନ୍ତୁ ଆଇସିସି ଟୁର୍ଣ୍ଣାମେଣ୍ଟରେ ବିରାଟଙ୍କ ଭୂମିକା ଫିକା ପଡ଼ିଥିବା ଜଣାଯାଏ  । କୋହଲି ଏପର୍ଯ୍ୟନ୍ତ ୬୫ ଟେଷ୍ଟ ମ୍ୟାଚରେ ଅଧିନାୟକାତ୍ୱ ଭାର ସମ୍ଭାଳିଛନ୍ତି  । ଯାହା ମଧ୍ୟରୁ ୩୮ ଟି ମ୍ୟାଚରେ ହିଁ ଭାରତ ବିଜୟ ହାସଲ କରିଛି  ।

ଇଏ ସେହି ବିରାଟ କୋହଲି  ।  ଯିଏ ଦିନିକିଆ ଅନ୍ତ୍ରର୍ଜାତୀୟ ମ୍ୟାଚରେ ପୂର୍ବତନ କ୍ୟାପଟେନ ଏମଏସ ଧୋନି,  ମହମ୍ମଦ ଆଜାରୁଦ୍ଧିନ, ଏବଂ ସୌରଭ ଗାଙ୍ଗୁଲିଙ୍କ ପରେ ଚତୁର୍ଥ ସଫଳ କ୍ୟାପଟେନ  ।  ବିରାଟ ଏବେ ଯାଏଁ ୯୫ଟି ଦିନିକିଆ ମ୍ୟାଟରେ ଟିମ ଇଣ୍ଡିଆର କ୍ୟାପଟେନ ଭାର ସମ୍ଭାଳିଛନ୍ତି  ।  ଏବଂ ଏଥିମଧ୍ୟରୁ ୬୫ ଟି ମ୍ୟାଚରେ ଭାରତକୁ ବିଜୟ ମିଳିଛି  ।  ଯାହା ଏକ ରେକର୍ଡ ମଧ୍ୟ  ।  ଏହା ବ୍ୟତୀତ ବିରାଟ କୋହଲି ବର୍ତ୍ତମାନ ପର୍ଯ୍ୟନ୍ତ ୪୯ଟି  T20 ମ୍ୟାଚରେ ମଧ୍ୟ ଟିମ୍ ଇଣ୍ଡିଆକୁ ଲିଡ଼ କରିଛନ୍ତି  ।

 କ୍ୟାପଟେନ କୋହିଲଙ୍କ ବ୍ୟାଟିଂ ରେକର୍ଡ ?

୩୩ ବର୍ଷୀୟ ବିରାଟ କୋହଲି ଟେଷ୍ଟ କ୍ରିକେଟ ଇତିହାସରେ ସର୍ବାଧିକ ରନ୍ କରିଥିବା ଭାରତୀୟ ଅଧିନାୟକ  ।  କ୍ୟାପଟେନ ଭାବେ ୬୫ଟି ଟେଷ୍ଟ ମ୍ୟାଚ ଖେଳିଥିବା କୋହଲି  ୫୬୬୭ ରନ୍ ସଂଗ୍ରହ କରିଛନ୍ତି  ।  ଯେଉଁଥିରେ ରହିଛି ୨୦ଟି ଶତକ ଏବଂ ୧୭ଟି ଅର୍ଦ୍ଧ ଶତକ  ।  ସେହିପରି ବିରହାଟ କୋହଲି ଦିନିକିଆରେ ମଧ୍ୟ ପୂର୍ବତନ କ୍ୟାପଟେନ ମହେନ୍ଦ୍ର ସିଂ ଧୋନିଙ୍କ ପରେ ସର୍ବାଧିକ ରନ୍ ଅକ୍ତିଆର କରିଥିବା ଅଧିନାୟକ  ।

ବିରାଟ କ୍ୟାପଟନ୍ସିଂ କାଳରେ ୯୫ଟି ୱାନଡ଼େ ଇଣ୍ଟରନ୍ୟାସନାଲ ଖେଳିଛନ୍ତି  ।  ତନ୍ମଧ୍ୟରୁ  ୫୪୪୯ ରନ୍ କେବଳ ନିଜେ ହିଁ ସଂଗ୍ରହ କରିଛନ୍ତି  । ଆଉ ଯାହା ମଧ୍ୟରେ ରହିଛି ୨୧ଟି ଶତକ ଏବଂ ୨୭ଟି ଅର୍ଦ୍ଧ ଶତକ  ।  ଯଦି T20 ଇଣ୍ଟରନ୍ୟାସନାଲ କଥା କହିବା ତେବେ ଅଷ୍ଟ୍ରେଲିଆ କ୍ୟାପଟେନ ଏରୋନ୍ ଫିଞ୍ଚଙ୍କ ପରେ ଇଣ୍ଡିଆ କ୍ୟାପଟେନ ବିରାଟ କୋହଲି ଦ୍ୱିତୀୟ ସର୍ବାଧିକ ରନ୍ ସଂଗ୍ରହ କରିଥିବା ଅଧିନାୟକ  ।  ୪୯ଟି T20ରେ କ୍ୟାପଟେନ କୋହଲି ୧୫୭୦ ରନ୍ କରିଥିବା ରେକର୍ଡ ରହିଛି  ।

ବଡ଼ ମୁକାବିଲାରେ ପ୍ଲଫ କ୍ୟାପଟେନ

କଥାଟି ଅଖାଡ଼ୁଆ ଲାଗୁଥିଲେ ମଦ୍ୟ ସ୍ୱୀକାର କରିବାକୁ ପଡ଼ିବ  । କାରଣ କ୍ରିକେଟ ଅତୀତ କହୁଛି, ଯେତେବେଳେ ଭାରତ ଆଇସିସି ଟୁର୍ଣ୍ଣାମେଣ୍ଟରେ ବଡ଼ ମୁକାବିଲାରେ ପହଁଚେ, ସେତେବେଳେ କୋହଲିଙ୍କ ଅଧିନାୟତ୍ୱ କାମ କରେନି  । ଅର୍ଥାତ ଏକଦମ ଫ୍ଲପ ସାବ୍ୟସ୍ତ ହୁଏ କ୍ୟାପଟେନ୍ସିଂ  । ୨୦୧୭ ମସିହା ଚମ୍ପିଆନସିପ ଟ୍ରଫି ଫାଇନାଲରେ ବିରାଟ କୋହଲିଙ୍କ ଟିମକୁ 180 ରନର ଏକ ବୃହତ ବ୍ୟବଧାନରେ ଚକମା ଦିଏ ପ୍ରତିପକ୍ଷ ପାକିସ୍ତାନ  ।  ଏହି ମ୍ୟାଚରେ ଭାରତ ଟସ ଜିତିଥିବା ସ୍ୱତେ ବିରାଟ ବୋଲିଂ କରିବାର ନିଷ୍ପତ୍ତି ନିଅନ୍ତି  । ଯାହା ସେଦିନର ଗଣିତକୁ ଏକଦମ ବିଗାଡ଼ିଦିଏ  । ଏବଂ ଭାରତ ଏକ ବଡ଼ ପରାଜୟର ସମ୍ମୁଖୀନ ହୁଏ  ।  ସେହିପରି ୨୦୧୯ ୱାର୍ଲ୍ଡ କପରେ  ଭାରତ ଭଲ ପ୍ରଦର୍ଶ କରିବା ସହ ସେମିଫାଇନାଲ ପାଇଁ ସ୍ଥାନ ଚୟନ କରିସାରିଥିଲା  । କିନ୍ତୁ କ୍ୟାପଟେନ କୋହଲିଙ୍କ ନେତୃତ୍ୱରେ ସେଦିନ ମଧ୍ୟ ଭାରତ ଫ୍ଲପ ହୋଇଥିଲା  ।  ନ୍ୟୁଜିଲାଣ୍ଡ ବିପକ୍ଷ ସେମିଫାଇନାଲରେ ଭାରତ ୧୮ ରନରେ ହାରିବାକୁ ବାଧ୍ୟ ହୋଇଥିଲା  ।

ଟେଷ୍ଟ କ୍ରିକେଟରେ ଭଲ ପ୍ରଦର୍ଶନ ଜାହିର କରିଥିବା କୋହଲି ବ୍ରିଗେଡ଼ ଆଇସିସି ଟେଷ୍ଟ ଚମ୍ପିଆନସିପ୍ ନେବାର ହକଦାର ରହିଥିଲା  ।  କିନ୍ତୁ ସାଉଥହାମ୍ପଟେନ ଫାଇନାଲ ମୁକାବିଲାରେ ବିରାଟ ବାହିନୀର କିସମତ ପୁଣି ଥରେ ଦଗା ଦେଇଥିଲା  । ଟସ ହାରିଥିବା ଚିମ୍ ଇଣ୍ଡିଆ ୮ ୱିକେଟରେ ମ୍ୟାଚ ବି ହାରିଥିଲା  ।  ଯଦି ଦେଖିବା ଲମ୍ବା ସମୟ ଧରି IPLରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ଲିଡ କରୁଥିବା କ୍ୟାପଟେନ ବିରାଟ ଆଜି ପର୍ଯ୍ୟନ୍ତ ବିଜୟୀ ହୋଇ ପାରୁନାହାଁନ୍ତି  । ଆଉ ଏବେ ଚାଲିଥିବା T20 ୱାର୍ଲଡକପରେ ମଧ୍ୟ ସ୍ଥିତି କିଛି ସେମିତି  । ପ୍ରଥମେ ପାକିସ୍ତାନ ଏବଂ ପରେ ନ୍ୟୁଜିଲ୍ୟାଣ୍ଡ ପ୍ରତିପକ୍ଷରେ ନୈରାଶ୍ୟଜନକ ପ୍ରଦର୍ଶନ କରିଥିଲା ଟିମ୍  ।  ଯାହା ପୁଣି ଥରେ ପ୍ରମାଣିତ କରିଛି ଯେ ବିରାଟଙ୍କ ଭାଗ୍ୟ ସାଥ ଦେଉନି  ।  ସେଥିପାଇଁ ହିଁ  ସେ ସବୁଠୁ ଭଲ ଖେଳାଳୀ, ଖରାପ କ୍ୟାପଟେନ..

ନିଜକୁ ସମାଜସେବୀ କହି ଘରେ ଚଳାଉଥିଲେ ସେକ୍ସ ରାକେଟ, ୪ ଯୁବତୀ ସହ ୩ ଗ୍ରାହକ ଗିରଫ

ଭୋପାଲ: ମଧ୍ୟ ପ୍ରଦେଶ ସିହୋରରେ ଶିବସେନା ନେତାଙ୍କ ଘରୁ ସେକ୍ସ ରାକେଟର ପର୍ଦାଫାଶ ହୋଇଛି। ପୋଲିସ ଘଟଣାସ୍ଥଳରୁ କାର, ନଗଦ ଟଙ୍କା ଜବତ କରିଛି । ଏହାସହ ୪ ଯୁବତୀ ଓ ୩ ଗ୍ରାହକଙ୍କ ସହ ମହିଳା ମ୍ୟାନେଜର, ସଂଚାଳିକା ଓ ଚାଳକଙ୍କୁ ଗିରଫ କରିଛି। ଯେଉଁ ମହିଳାଙ୍କ ଘରେ ସେକ୍ସ ରାକେଟ ଠାବ ହୋଇଛି ସେ ନିଜକୁ ସମାଜସେବିକା ବୋଲି କହିଛନ୍ତି ଏବଂ ଶିବସେନା ଟିକେଟରେ ନଗର ପାଳିକା ଅଧ୍ୟକ୍ଷ ନିର୍ବାଚନ ଲଢ଼ି ସାରିଛନ୍ତି।

ସୂଚନା ଅନୁଯାୟୀ, ସୂଚନା ପାଇ ପୋଲିସ ସିହୋର ବସ ଷ୍ଟାଣ୍ଡ ନିକଟରେ ଥିବା ଅନୁପମା ତିୱାରୀଙ୍କ ଘରେ ଚଢ଼ଉ କରିଥିଲା। ଅନୁପମା ତିୱାରୀଙ୍କ ଘରେ ସେକ୍ସ ରାକେଟ ଚାଲିଥିଲା। ପୋଲିସ ପହଞ୍ଚିବା ପରେ ଘଟଣାସ୍ଥଳରେ ହଇଚଇ ସୃଷ୍ଟି ହୋଇଥିଲା କିନ୍ତୁ କେହି ପଳାଇବାରେ ସଫଳ ହୋଇନଥିଲେ। ପୋଲିସ ୪ ଯୁବତୀ ଓ ୩ ଗ୍ରାହକଙ୍କୁ ଧରିଛି। ଘଟଣାସ୍ଥଳରୁ ନିଶା ଦ୍ରବ୍ୟ ମଧ୍ୟ ଜବତ ହୋଇଛି। ସମସ୍ତ ଯୁବତୀ ଭୋପାଲ ପାଖାପାଖି ଅଞ୍ଚଳର ବୋଲି କୁହାଯାଉଛି। ଇନ୍ଦୁଲତା ନାମକ ମହିଳା ମ୍ୟାନେଜର ଯୁବତୀମାନଙ୍କୁ ଘରକୁ ଆଣୁଥିଲେ।

ଅନୁପମା ତିୱାରୀ ୨୦୧୫ ରେ ଶିବସେନା ଟିକେଟରେ ନଗର ପାଳିକା ଅଧ୍ୟକ୍ଷ ନିର୍ବାଚନ ଲଢ଼ିଥିଲେ। ସେ ନିଜକୁ ସମାଜସେବୀ ବୋଲି କୁହନ୍ତି। ନେହରୁ ଯୁବ କେନ୍ଦ୍ର ତରଫରୁ କିଛି ବର୍ଷ ପୂର୍ବରୁ ଯୋଗାଚାର୍ଯ୍ୟ ଭାବେ ତାଙ୍କୁ ସମ୍ମାନିତ କରାଯାଇଥିଲା। ମହିଳାଙ୍କ ସୁରକ୍ଷାକୁ ନେଇ ମଧ୍ୟ ଅନୁପମାଙ୍କ ବୟାନ ସାମ୍ନାକୁ ଆସିଥିଲା ଯେଉଁଥିରେ ସେ ମହିଳାଙ୍କ ସୁରକ୍ଷାକୁ ନେଇ ଚିନ୍ତା ଜାହିର କରିଥିଲେ। ପୋଲିସ ସମସ୍ତଙ୍କ ବିରୋଧରେ ମାମଲା ରୁଜ୍ଜୁ କରିଛି। ଘରୁ ପ୍ରାୟ ୨୮ ହଜାର ଟଙ୍କା ନଗଦ ଓ ଓ ଦୁଇଟି କାର ଜବତ ହୋଇଛି।

ନୂଆପଡ଼ାରେ ସ୍ମାର୍ଟ ହେଲ୍ଥ କାର୍ଡ ବଣ୍ଟନର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ: ୪୭୫ କୋଟି ଟଙ୍କାର ପ୍ରକଳ୍ପ ଭେଟି ଦେଲେ

ନୂଆପଡ଼ା/ଭୁବନେଶ୍ୱର:ନୂଆପଡ଼ାର ସ୍ୱାସ୍ଥ୍ୟ ସେବାର ନୂଆ ଅଧ୍ୟାୟ । ନୂଆପଡ଼ା ଜିଲ୍ଲାରେ BSKY ସ୍ମାର୍ଟସ୍ୱାସ୍ଥ୍ୟ କାର୍ଡ ବଣ୍ଟନର ଶୁଭାରମ୍ଭ ହୋଇଛି । ଭିଡିଓ କନଫରେସିଂରେ କାର୍ଡ ବଣ୍ଟନର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୧ ଲକ୍ଷ ୭୨ ହଜାର ୬୪୩ କାର୍ଡ ବଣ୍ଟନ କରାଯାଇଛି । ସେହିଭଳି ୪ ଶହ ୭୯ କୋଟି ଟଙ୍କାର ଜନାହିତକର ପ୍ରକଳ୍ପର ଉଦଘାଟନ ଓ ଶିଳାନ୍ୟାସ କରିଛନ୍ତି ନବୀନ । ଏହି ଅବସରରେ ଉଦବୋଧନ ଦେଇ ମୁଖ୍ୟମନ୍ତ୍ରୀ କହିଥିଲେ, ଆଜି ନୂଆ ପରିଚୟ ନେଇ ଆଗକୁ ଯାଉଛି ନୂଆପଡା । ବିଜୁ ସ୍ୱାସ୍ଥ୍ୟ ଯୋଜନାକୁ ନୂଆ ଭାବରେ କାର୍ଯ୍ୟକାରୀ କରାଯାଉଛି ।

ଦେଶର ବଡ଼ ବଡ଼ ହସପିଟାଲରେ ଚିକିତ୍ସିତ ହୋଇପାରିବେ ଲୋକେ । ଦେଶର ସ୍ୱାସ୍ଥ୍ୟ ସେବା କ୍ଷେତ୍ରରେ ଏହା ଏକ ମାଇଲଖୁଣ୍ଟ । ମୋ ପାଇଁ ପ୍ରତ୍ୟେକ ଟି ଜୀବନ ମୂଲ୍ୟବାନ, ଚିକିତ୍ସା ନପାଇ କେହି ମୃତ୍ୟୁ ମୁଖରେ ପଡ଼ିଲେ ମୋତେ ଦୁଃଖ ଲାଗେ ବୋଲି କହିଛନ୍ତି ମୁଖ୍ୟମନ୍ତ୍ରୀ । ଓଡ଼ିଶାବାସୀଙ୍କ ଚିକିତ୍ସା ଖର୍ଚ୍ଚ ରାଜ୍ୟ ସରକାର ବହନ କରୁଛନ୍ତି । ଚାଷ କ୍ଷେତ୍ରରେ ନୂଆପଡା ନୂଆ ପରିଚୟ ପାଇଛି । ଜିଲ୍ଲାର ୮୦ ପ୍ରତିଶତ ପରିବାରଙ୍କ ନିକଟରେ ପିଇବା ପାଣି ପହଞ୍ଚିଛି । ସବୁ ଗାଁ ସବୁ ପଡ଼ାକୁ ପିଇବା ପାଣି ଯୋଗାଣ ଜାରି ରହିଛି । ଏବେ ବିକାଶର ଧାରାରେ ନୂଆପଡା ଯୋଡି ହୋଇଥିବା କହିଛନ୍ତି ମୁଖ୍ୟମନ୍ତ୍ରୀ । ଏହି ଅବସରରେ ହିତାଧିକାରୀମାନେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେବା ସହ ପ୍ରଶଂସା କରିଥିଲେ । କାର୍ଯ୍ୟକ୍ରମରେ ସ୍ବାସ୍ଥ୍ୟ ମନ୍ତ୍ରୀ ନବ କିଶୋର ଦାସ, ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସଙ୍କ ସହ ବିଧାୟକ ଓ ଜନ ପ୍ରତିନିଧୀମାନେ ଉପସ୍ଥି ଥିଲେ ।

ଅନ୍ୟପକ୍ଷରେ ସୋମବାର କଳାହାଣ୍ଡି ଜିଲ୍ଲାରେ ମଧ୍ୟ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାର ଶୁଭାରମ୍ଭ ହୋଇଛି । କଳାହାଣ୍ଡି ଗସ୍ତରେ ଯାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଯୋଜନାର ଶୁଭାରମ୍ଭ କରିଛନ୍ତି । ନିଜ ହାତରେ ହିତାଧିକାରୀଙ୍କୁ ସ୍ମାର୍ଟ ହେଲଥ କାର୍ଡ ବଣ୍ଟନ କରିଛନ୍ତି ମୁଖ୍ୟମନ୍ତ୍ରୀ ।  ଏହାସହ ପାଖାପାଖି ୯୦୦ କୋଟି ଟଙ୍କାର ବିଭିନ୍ନ ପ୍ରକଳ୍ପ ଶୁଭାରମ୍ଭ କରିଛନ୍ତି ।

ଜୟ ମାଆ ମାଣିକେଶ୍ୱରୀରୁ ଜିଲ୍ଲାବାସୀଙ୍କ ଉଦ୍ଦେଶରେ ନିଜ ଉଦବୋଧନ ଆରମ୍ଭ କରିଥିଲେ ମୁଖ୍ୟମନ୍ତ୍ରୀ । କଳାହାଣ୍ଡି ଜିଲ୍ଲାବାସୀଙ୍କ ପାଇଁ ୮ ଶହ ୬୦ କୋଟି ଟଙ୍କା ବିଭିନ୍ନ ପ୍ରକଳ୍ପ ଶୁଭାରମ୍ଭ କରି ବହୁତ ଖୁସି ଥିବା କହିଥିଲେ ମୁଖ୍ୟମନ୍ତ୍ରୀ । କଳାହାଣ୍ଡିର ପ୍ରତି ଗାଁରେ ପାଇପ ଯୋଗେ ପିଇବା ପାଣି ଯୋଗାଇବାକୁ ୨୫୦୦ କୋଟି ଟଙ୍କାର କାମ ଚାଲିଛି । ଗତ ଜୁନରେ କଳାହାଣ୍ଡି ଗସ୍ତ ବେଳେ ମୁଖ୍ୟମନ୍ତ୍ରୀ ଅପର ଇନ୍ଦ୍ରାବତୀ ଲିଫ୍ଟ କେନାଲର ଶୁଭାରମ୍ଭ କରିଥିଲେ । ଏବେ ୬୮ ପ୍ରତିଶତ ଜମିକୁ ଜଳଯୋଗାଣ ହୋଇପାରିଛି । ଏଥିପାଇଁ ମୁଖ୍ୟମନ୍ତ୍ରୀ ଖୁସି ପ୍ରକାଶ କରିଛନ୍ତି ।

ମୁଖ୍ୟମନ୍ତ୍ରୀ କହିଥିଲେ, ‘ଧାନ ଉତ୍ପାଦନରେ କଳାହାଣ୍ଡି ସମସ୍ତଙ୍କ ଦୃଷ୍ଟି ଆକର୍ଷଣ କରିପାରିଛି । ଜିଲ୍ଲାରେ ଧାନ ଉତ୍ପାଦନ ୭୬ ଲକ୍ଷ ଟନରେ ପହଞ୍ଚିଛି । ମାଛ ଉତ୍ପାଦନରେ କଳାହାଣ୍ଡି ଜାତୀୟ ପୁରସ୍କାର ପାଇଛି । କପା ଉତ୍ପାଦନରେ ମଧ୍ୟ କଳାହାଣ୍ଡି ପୂରା ରାଜ୍ୟରେ ସମସ୍ତଙ୍କଠାରୁ ଆଗରେ ରହିଛି । ବିଜୁ ଏକ୍ସପ୍ରେସ ହେଉ କି ଭବାନରପାଟଣା ବାଇପାସ କିମ୍ବା ଭବାନୀପାଟଣା-ରାୟଗଡ଼ା ରାସ୍ତା କାମ ଓ ଗ୍ରୀଡ଼ ସବଷ୍ଟେସନ କାମ, କେସିଙ୍ଗାରେ ବସ୍ତି ଲୋକଙ୍କ ଥଇଥାନ କାମରେ କଳାହାଣ୍ଡି ସଫଳତାର ସହ ଆଗେଇ ଚାଲିଛି ।’

ସେ ଆହୁରି କହିଛନ୍ତି, ‘ମିଶନ ଶକ୍ତିରେ କଳାହାଣ୍ଡିର ମାଆମାନେ ବହୁତ ଭଲ କାମ କରୁଛନ୍ତି । କଳାହାଣ୍ଡି ଆଜି ଏକ ଶିକ୍ଷା ହବ୍ ହୋଇପାରିଛି । କଳାହାଣ୍ଡି ୟୁନିଭର୍ସିଟି, କଳାହାଣ୍ଡି ଇଂଜିନିୟରିଂ କଲେଜ, ସରକାରୀ ଏଗ୍ରିକଳଚର କଲେଜ ପିଲାମାନଙ୍କ ପାଇଁ ସୁଯୋଗ ସୃଷ୍ଟି କରିଛି ।’

ଆଜି କଳାହାଣ୍ଡି ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ସ୍ମାର୍ଟ ହେଲଥ କାର୍ଡ ଯୋଜନାରେ ସାମିଲ ହେଲା । ରାଜ୍ୟର ୯୬ ଲକ୍ଷ ପରିବାରଙ୍କୁ ଏହି କାର୍ଡ ଦିଆଯିବ । ରାଜ୍ୟର ସାଢେ ୩ କୋଟି ଲୋକ ଏଥିରୁ ଉପକୃତ ହେବ । ପୁରୁଷମାନଙ୍କ ପାଇଁ ୫ ଲକ୍ଷ  ଓ ମାଆମାନଙ୍କ ପାଇଁ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ଚିକିତ୍ସା ସୁବିଧା ମିଳିବ । ଏଭଳି ବ୍ୟବସ୍ଥା କରିବାରେ ଓଡ଼ିଶା ଦେଶର ପ୍ରଥମ ରାଜ୍ୟ । ଅର୍ଥାଭାବରୁ ଆଉ କେହି ଉତ୍ତମ ଚିକିତ୍ସାରୁ ବଞ୍ଚିତ ହେବେନି । ସ୍ବାସ୍ଥ୍ୟ ବାବଦ ଖର୍ଚ୍ଚ ଅର୍ଥରେ ଘରର ଉନ୍ନତି କରିପାରେବ । ମୋ ପାଇଁ ପ୍ରତିଟି ଜୀବନ ମୂଲ୍ୟବାନ ବୋଲି କହିଛନ୍ତି ମୁଖ୍ୟମନ୍ତ୍ରୀ ।

କୋହଲିଙ୍କୁ ଟ୍ରୋଲ କଲେ ପାକିସ୍ଥାନୀ

ଦୁବାଇ : ଚାଲିଛି ଟି-ଟ୍ୱେଣ୍ଟି ୱାଲ୍ଡ କପ୍ । ଗତକାଲି ଆଫଗାନିସ୍ତାନ ନ୍ୟୁଜିଲ୍ୟାଣ୍ଡକୁ ହରାଇବା ପରେ ଭାରତର ସେମିଫାଇନାଲକୁ ଯିବାର ସ୍ୱପ୍ନ ଅଧାରେ ରହିଗଲା । ମ୍ୟାଚ୍ ସରିବା ପରେ ଇଣ୍ଡିଆନ ଟିମ୍ କ୍ୟାପଟେନ୍ ବିରାଟଙ୍କ ଏକ ପୁରୁଣା ଟ୍ୱିଟ୍ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । କୋହଲି ୨୦୧୨ ମାର୍ଚ୍ଚ ୨୦ରେ ନିଜ ଟ୍ୱିଟର ଆକାଉଣ୍ଟରେ ଏସିଆ କପ୍ ସମୟରେ ଏହି ଟ୍ୱିଟ୍ କରିଥିଲେ । ଏହି ଟ୍ୱିଟରେ ସେ ଲେଖିଥିଲେଯେ “କାଲି ମୁଁ ଘରକୁ ଯାଉଛି । ମତେ ଭଲଲାଗୁନି ।”

କୋହଲିଙ୍କର ଏହି ଟ୍ୱିଟକୁ ନେଇ ପାକିସ୍ତାନୀ ଲୋକେ ବର୍ତ୍ତମାନ ସୋସିଆଲ ମିଡିଆରେ ଖୁବ୍ ଟ୍ରୋଲ କରୁଛନ୍ତି । ସେମାନେ ଏହି ଟ୍ୱିଟକୁ ଲାଇକ୍ କରିବା ସହ ରିଟ୍ୱିଟ୍ ମଧ୍ୟ କରୁଛନ୍ତି ଏଥିସହ କମେଣ୍ଟରେ କୋହଲିଙ୍କ ମଜା ଉଡ଼ାଉଛନ୍ତି  । ଚଳିତ ବର୍ଷ ଟି-ଟ୍ୱେଣ୍ଟି ୱାଲ୍ଡ କପରେ ଭାରତର ଖେଳ ପ୍ରଦର୍ଶନୀକୁ ନେଇ ପାକିସ୍ତାନୀ କୋହଲିଙ୍କର ଏହି ଟ୍ୱିଟକୁ ଯୋଡ଼ୁଛନ୍ତି  ।

 

୨୦୧୨ରେ ହୋଇଥିବା ଏସିଆ କପରେ ମଧ୍ୟ ଟିମ୍ ଇଣ୍ଡିଆ ଭଲ ପ୍ରଦର୍ଶନୀ କରିପାରିନଥିଲା । ଫାଇନାଲରେ ମଧ୍ୟ ଟିମ୍ ଇଣ୍ଡିଆ ପହଁଞ୍ଚି ପାରିନଥିଲା । ବାଙ୍ଗଲାଦେଶକୁ ହରାଇ ପାକିସ୍ତାନ କପ୍ ନେଇଥିଲା । ଚଳିତ ବର୍ଷ ଟି-ଟ୍ୱେଣ୍ଟି ୱାର୍ଡ କପରେ ଟିମ୍ ଇଣ୍ଡିଆ ସୁପର-୧୨ରୁ ବାଦ୍ ପଡ଼ିଥିବା ବେଳେ ପାକିସ୍ତାନ ଖୁବ୍ ଭଲ ପ୍ରଦର୍ଶନୀ କରିବା ସହ ସେମିଫାଇନାଲରେ ନିଜ ସ୍ଥାନ ଅକ୍ତିଆର କରିସାରିଛି ।

 

 

 

 

 

ସମୁଦ୍ରରୁ ମାଡ଼ି ଆସୁଛି ସୁନାମି: ବାଜିଲା ସାଇରନ୍, ଆଉ ତା’ ପରେ…

ବାସୁଦେବପୁର/ପାଟକୁରା: ବିପର୍ଯ୍ୟୟ ବଳୟରେ ଉପକୂଳ ଓଡ଼ିଶା । ଏଠି ପ୍ରାକୃତିକ ବିପର୍ଯ୍ୟୟର ଉଗ୍ର ରୂପ ଆଗରେ ହାର ମାନୁଛି ବିଜ୍ଞାନ । ଫେଲ୍ ମାରୁଛି ମଣିଷର ଜ୍ଞାନ କୌଶଳ । ତାଥାପି ମୁଖ୍ୟମନ୍ତ୍ରୀଙ୍କ ଜିରୋ କାଜୁଆଲଟିକୁ ଧ୍ୟାନ ଦିଆଯାଉଛି । ରକ୍ଷା ପାଉଛି ବହୁ ଧନ ଜୀବନ । ତେବେ ଜିରୋ କାଜୁଆଲଟିକ ଗୁରୁତ୍ୱ ଦେଇ ଭଦ୍ରକ ଜିଲ୍ଲା ବାସୁଦେବପୁର ଓ କେନ୍ଦ୍ରପଡା ଜିଲ୍ଲା ପାଟକୁରାରେ ମକ୍ ଡ୍ରିଲ୍ ହୋଇଛି ।

ବାଜୁଛି ସୁନାମି ସାଇରନ୍ । ମାଇକ୍ ଯୋଗେ ଘନ ଘନ ସତର୍କ ସୂଚନା । ସମୁଦ୍ରରୁ ମାଡ଼ି ଆସୁଛି ସୁନାମି । ଭୟଭୀତରେ ଜୀବନ ବିକଳରେ ଏଣେ ତେଣେ ଧାଉଁଛନ୍ତି ଲୋକେ । କିଏ ଜୀବନ ବଞ୍ଚାଇବାରୁ ବାତ୍ୟା ଆଶ୍ରୟସ୍ଥଳୀ ଖୋଜୁଛି ତ କିଏ ଉଚ୍ଚ ସ୍ଥାନକୁ ଚାଲିଯାଉଛି । ପୁଣି କିଏ ଷ୍ଟ୍ରେଚରରେ ଗର୍ଭବତୀ ଓ ବୃଦ୍ଧବୃଦ୍ଧାମାନଙ୍କୁ ସୁରକ୍ଷିତ ସ୍ଥାନକୁ ନେଉଛି । ତେବେ ଏ କୌଣସି ସତ ଘଟଣା ନୁହେଁ ବରଂ ସମୁଦ୍ର ନିକଟବର୍ତ୍ତି ଅଞ୍ଚଳରେ ସୁନାମି ଦାଉରୁ ଲୋକଙ୍କୁ ରକ୍ଷା କରିବାକୁ ଚାଲିଛି ମକ୍ ଡ୍ରଲ୍ । ଭଦ୍ରକ ଜିଲ୍ଲା ବାସୁଦେବପୁରରେ ଲୋକଙ୍କୁ ପ୍ରାକୃତିକ ବିପର୍ଯ୍ୟୟ ବେଳେ ଜୀବନ ବଞ୍ଚାଇବାକୁ OSDMA ତରଫରୁ ପ୍ରଶିକ୍ଷଣ ଦିଆଯାଇଛି ।

କେନ୍ଦ୍ରାପଡ଼ା ଜିଲ୍ଲା ପଟକୁରାରେ ମଧ୍ୟ ପ୍ରାକୃତିକ ବିପର୍ଯ୍ୟୟ ପରିଚାଳନା ପ୍ରଶିକ୍ଷଣ ଦିଆଯାଇଛି । କୋରୁଆ ଅଗ୍ନିଶମ ବାହିନୀ ଆକସ୍ମିକ ବିପର୍ଯ୍ୟୟ ତଥା ଗ୍ୟାସ ସିଲିଣ୍ଡରରେ ନିଆଁଲାଗିବା, ଘରପୋଡ଼ି, ନଦୀରେ ବୁଡିଯିବା ଆଦି ବିପତ୍ତିରୁ ରକ୍ଷା ପାଇଁ ଲୋକଙ୍କୁ ସଚେତନ କରାଯାଇଛି । ଆଦର୍ଶ ବିଦ୍ୟାଳୟ କ୍ଲଷ୍ଟର ଗୁଡ଼ିକରେ ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରଛାତ୍ରୀ ପ୍ରଶିକ୍ଷଣ ଦିଆଯାଇଛି । ବିପର୍ଯ୍ୟୟ ସମୟରେ ଜିରୋ କାଜୁଆଲଟିକୁ ଦୃଷ୍ଟିରେ ରଖି ଏହି ମକ୍ ଡ୍ରିଲ୍ ହୋଇଛି ।

ଏଥିସହିତ ପଢ଼ନ୍ତୁ: ସମାଜସେବୀ ଅଭିମନ୍ୟୁ ଦାସଙ୍କୁ ଭିଭିଏସ୍ ଲକ୍ଷ୍ମଣଙ୍କ ପ୍ରଶଂସା: ହଜାର ହଜାର ଅସହାୟ କର୍କଟ ରୋଗୀଙ୍କୁ କରିଛନ୍ତି ସେବା

ସୁଶାନ୍ତ ସିଂହ ମୃତ୍ୟୁ ମାମଲାରେ ଏବେ ଆମେରିକା ଭରସା, ଡାଟା ରିକଭରୀ ପାଇଁ ଗୁୁଗୁଲ ଓ ଫେସବୁକକୁ ନିବେଦନ

ନୂଆଦିଲ୍ଲୀ: ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁକୁ ବର୍ଷେ ପୁରିସାରିଥିବା ସତ୍ତ୍ୱେ ଏହାର ସିବିଆଇ ଯାଞ୍ଚ ଜାରି ରହିଛି । ସୂଚନା ମୁତାବକ ସିବିଆଇ ଅଭିନେତାଙ୍କ ଇ-ମେଲ ଏବଂ ସୋସିଆଲ ମିଡିଆରୁ ଡିଲିଟ ହୋଇଥିବା ଡାଟାକୁ ପୁଣି ଥରେ ପାଇବା ପାଇଁ ଆମେରିକା ଠାରୁ ସାହାଯ୍ୟ ମାଗିଛି । ଡାଟା ରିକଭରୀ ପାଇଁ ଗୁଗୁଲ ଏବଂ ଫେସବୁକକୁ ମଧ୍ୟ ନିବେଦନ କରିଛି ସିବିଆଇ ।

ଭାରତ ଏବଂ ଆମେରିକାର ମଧ୍ୟରେ ଏକ ପାରସ୍ପରିକ ଆଇନଗତ ସହାୟତା ଚୁକ୍ତି ଯଥା MLAT ରହିଛି । ଏହା ଅଧୀନରେ ଉଭୟ ଦେଶ ପରସ୍ପରକୁ ଘରୋଇ ମାମଲାର ଅନୁସନ୍ଧାନରେ ସୂଚନା ମାଗିପାରିବେ । ସିବିଆଇ ଏହି ତଥ୍ୟରୁ ଏଇୟା ଅନୁସନ୍ଧାନ କରିବାକୁ ଚାହୁଁଛି କି ସୁଶାନ୍ତଙ୍କ ମୃତ୍ୟୁ ସହିତ ଏହାର କୌଣସି ସମ୍ପର୍କ ଅଛି କି?

ମୃତ୍ୟୁର କାରଣ ଆଜିବି ସନ୍ଦେହଜନକ

ସୁଶାନ୍ତ ସିଂହ ମୃତ୍ୟୁ ମାମଲାର ତଦନ୍ତ ପ୍ରଥମେ ମୁମ୍ବାଇ ପୋଲିସ ଆରମ୍ଭ କରିଥିଲା ଯାହାକି ବର୍ତ୍ତମାନ ସିବିଆଇ ହାତରେ ଅଛି । ତେବେ ସୁଶାନ୍ତ ସିଂଙ୍କ ମୃତ୍ୟୁର କାରଣ ଜଣାପଡିନାହିଁ। ଅନ୍ୟପକ୍ଷରେ ଆଜି ଯାଏଁ ମଧ୍ୟ ସୋସିଆଲ ମିଡିଆରେ ସୁଶାନ୍ତଙ୍କ ପ୍ରଶଂସକମାନେ ତାଙ୍କ ମୃତ୍ୟୁ ପାଇଁ ନ୍ୟାୟ ନିବେଦନ କରିଛନ୍ତି। ଏହି ପରିପ୍ରେକ୍ଷୀରେ ପ୍ରଶଂସକମାନେ ତାଙ୍କୁ ଅନେକ ଥର ହତ୍ୟା ଷଡଯନ୍ତ୍ରରେ ସନ୍ଦେହ ପ୍ରକଟ କରିଛନ୍ତି । ଏମିତିକି ଦିଶା ସାଲିଆନଙ୍କ ଆତ୍ମହତ୍ୟା ମଧ୍ୟ ସୁଶାନ୍ତ ମାମଲା ସହ ଜଡିତ ଥିବା ପ୍ରଶଂସକ କହିଛନ୍ତି ।

ରିୟା ଚକ୍ରବର୍ତ୍ତୀଙ୍କ ବିରୋଧରେ ମାମଲା ରୁଜୁ କରିଥିଲେ ସୁଶାନ୍ତଙ୍କ ବାପା

ମୁମ୍ବାଇ ପୋଲିସ ଏହାର ତଦନ୍ତରେ କହିଛି ଯେ ସୁଶାନ୍ତ ସିଂ ରାଜପୁତ ଡିପ୍ରେସନରେ ପୀଡିତ ଥିଲେ । ସୁଶାନ୍ତଙ୍କ ଘରୁ ଡିପ୍ରେସନର ଔଷଧ ମଧ୍ୟ ମିଳିଥିଲା, ଯାହା ଆଧାରରେ ମୁମ୍ବାଇ ପୋଲିସ ସୁଶାନ୍ତଙ୍କ ଆତ୍ମହତ୍ୟା ହେବାର କାରଣ ବୋଲି କହିଥିଲା। ପୁଅର ମୃତ୍ୟୁ ପରେ ତାଙ୍କ ପିତା ରିୟା ଚକ୍ରବର୍ତ୍ତୀଙ୍କ ବିରୋଧରେ ମାମଲା ଦାୟର କରିଥିଲେ ଏବଂ ମୃତ୍ୟୁ ପାଇଁ ତାଙ୍କୁ ଦାୟୀ କରିଥିଲେ।

ଉପହାର ଅଗ୍ନିକାଣ୍ଡ : ବିଲଡର୍ସ ବ୍ରଦର୍ସଙ୍କୁ ୫ କୋଟି ଫାଇନ ସହ ୭ ବର୍ଷ ପାଇଁ ଜେଲ୍

ନୂଆଦିଲ୍ଲୀ  : ବହୁ ଚର୍ଚ୍ଚିତ ଉପହାର ଅଗ୍ନିକାଣ୍ଡ ମାମଲାକୁ ବିତିଛି ୨୪ ବର୍ଷ  । ଦୀର୍ଘ ୨୪ ବର୍ଷ ପରେ କୋର୍ଟ ଶୁଣାଇଛି ନିଷ୍ପତ୍ତି  । ଉପହାର ସିନେମା ଅଗ୍ନିକାଣ୍ଡର ପ୍ରମାଣ ନଷ୍ଟ କରିବା ଅଭିଯୋଗରେ ଗିରଫ ହୋଇଥିବା ଅଭିଯୁକ୍ତଙ୍କୁ ୭ ବର୍ଷ ଜେଲ ସହ ୫ କୋଟି ଲେଖାଏଁ ଜୋରିମାନାର ଶୁଣାଣି କରିଛି  । ଉପହାର ସିନେମା ହଲର ମାଲିକ ଦୁଇ ଭାଇ ଗୋପାଲ ଅଂଶଲ ସୁଶୀଲ ଅଂଶଲଙ୍କୁ ୨.୫ କୋଟି ଲେଖାଏଁ ଅର୍ଥାତ୍ ୫ କୋଟି ଲେଖାଏଁ ଜୋରିମାନା ଦେବାକୁ ଦିଲ୍ଲୀ ପଟିଆଲା ହାଉସ୍ କୋର୍ଟ ନିର୍ଦ୍ଦେଶ ଦେଇଛନ୍ତି  ।

କେବଳ ଏହି ଦୁଇ ଜଣଙ୍କୁ ନୁହେଁ ଘଟଣାରେ ସମ୍ପୃକ୍ତ ଅନ୍ୟ ୩ ଜଣଙ୍କୁ ମଧ୍ୟ ପୋଲିସ ଗିରଫ କରିଛି  । କୋର୍ଟର ପୂର୍ବ କର୍ମଚାରୀ ଦିନେଶ ଚନ୍ଦ୍ର ଶର୍ମା ଏବଂ ଅନ୍ୟ ଦୁଇଜଣ ଅଭିଯୁକ୍ତ ପିପି ବତ୍ରା ଓ ଅନୁପ ସିଂଙ୍କୁ ୩ ଲକ୍ଷ ଲେଖାଏଁ ଜୋରିମାନା ସହ ୭ ବର୍ଷର କାରାଦଣ୍ଡ ଶୁଣାଇଛି  ।

ଉପହାର ଅଗ୍ନିକାଣ୍ଡ ଘଟଣା :

ଆଜକୁ ୨୪ ବର୍ଷ ପୂର୍ବେ ୧୯୯୭ ଜୁନ୍ ୧୩ ତାରିଖରେ ଗ୍ରୀନ ପାର୍କର ଦକ୍ଷିଣ ଦିଗରେ ଥିବା ଉପହାର ସିନେମା ହଲରେ ହିନ୍ଦୀ ଚଳଚ୍ଚିତ୍ର ‘ବର୍ଡର’ ଚାଲୁଥିବା ବେଳେ ହଠାତ୍ ସିନେମା ହଲରେ ନିଆଁ ଲାଗିଥିଲା  । ଏହି ଭୟାବହ ଅଗ୍ନିକାଣ୍ଡରେ ୨୮ଟି ପରିବାରରୁ ୫୯ ଜଣ ମୃତ୍ୟୁବରଣ କରିଥିଲେ । ୧୯୯୭ ମସିହା ନଭେମ୍ବର ୧୫ରେ ସିବିଆଇ ଏହି ଘଟଣାରେ ଜଡ଼ିତ ୧୬ ଜଣ ଅଭିଯୁକ୍ତଙ୍କ ସହ ସିନେମା ହଲର ମାଲିକ ଗୋପାଲ ଅଂଶଲ ସୁଶୀଲ ଅଂଶଲଙ୍କୁ ଚାର୍ଜସିଟ୍ ଦାଖଲ କରିଥିଲା  ।

ବେଆଇନ ପଥର ଖଣିରେ ଚଢ଼ାଉ: ୩ ଜେସିିବି ଜବତ, ମାଫିଆ ଫେରାର୍

ଟାଙ୍ଗୀ: ବାଲୁଗାଁ SDPOଙ୍କ ଛଦ୍ମ ଵେଶରେ ଚଢାଉ । ବେଆଇନ ମାଙ୍କଡା ପଥର ଖଣିରେ ଚଢ଼ାଉ ହୋଇଛି  । ଚଢାଉ ବେଳେ ମାଫିଆ ଚମ୍ପଟ ମାରିବାରେ ସଫଳ ହୋଇଥିବା ବେଳେ ୩ଟି ଜେସିବି ଜବତ ହୋଇଛି । ଟାଙ୍ଗୀ ତହସିଲ ଅନ୍ତର୍ଗତ ସୁନ୍ଦର ପୁର ମାଙ୍କଡା ଚୋରା ପଥର ଖଣିରେ ଚଢ଼ାଉ ହୋଇଥିଲା । ବାଲୁଗାଁ SDPO ମାନସ ରଂଜନ ବାରିକଙ୍କ ନେତୃତ୍ୱରେ ହୋଇଛି ଚଢାଉ ।

SDPO ଓ ଟାଙ୍ଗୀ ଥାନା ଆଇ ଆଇ ସି । ଛଦ୍ମ ବେଶରେ କରିଛନ୍ତି ଚଢାଉ । ମାଫିଆ ମାନେ ବେଧଡକ୍ ଚୋରା ମାଙ୍କଡା ପଥର ଖଣି ଖୋଳି ପଥର ଚାଲାଣ କରି ଲକ୍ଷ ଲକ୍ଷ ଟଙ୍କା ରୋଜଗାର କରୁଥିଲେ । ଖବର ପାଇ ଆଜି ବାଲୁଗାଁ ଏସ ଡି ପି ଓ ଓ ଆଇ ଆଇ ସି କରିଥିଲେ ଚଢାଉ । ଚଢାଊ କରି ଖଣି ଖୋଳାରେ ବ୍ୟବହୃତ ୩ ଟି ଜେସିବି ଜବତ କରିବାକୁ ସକ୍ଷମ ହୋଇଛନ୍ତି । ତେବେ ଘଟଣା ସ୍ଥଳରୁ ୩ଟି ଟ୍ରାକ୍ଟର ସହ ମାଫିଆ ମାନେ ଫେରାର ହୋଇ ଯାଇଛନ୍ତି । ଚଢାଉ ଫଳରେ ଖଣି ମାଫିଆ ଭୟଭୀତ ହୋଇ ଯାଇଛନ୍ତି ।

ସମାଜସେବୀ ଅଭିମନ୍ୟୁ ଦାସଙ୍କୁ ଭିଭିଏସ୍ ଲକ୍ଷ୍ମଣଙ୍କ ପ୍ରଶଂସା: ହଜାର ହଜାର ଅସହାୟ କର୍କଟ ରୋଗୀଙ୍କୁ କରିଛନ୍ତି ସେବା

କଟକ:  ଓଡ଼ିଆ ସମାଜସେବୀଙ୍କୁ ଭାରତୀୟ ଦଳର ପୂର୍ବତନ ସଦସ୍ୟ ତଥା କିମ୍ୱଦନ୍ତି ବ୍ୟାଟ୍ସମ୍ୟାନ୍ ଭିଭିସ୍ ଲକ୍ଷ୍ଣଣଙ୍କ ପ୍ରଶଂସା । ସମାଜସେବୀ ଅଭିମନ୍ୟୁ ଦାସଙ୍କୁ ତାଙ୍କର ନିସ୍ୱର୍ଥପର ସେବା ପାଇଁ ଟ୍ୱିଟ୍ କରି ଶୁଭେଚ୍ଛା ଜଣାଇଛନ୍ତି ଏହି ପୂର୍ବତନ କ୍ରିକେଟିୟର ଭି ଭି ଏସ ଲକ୍ଷ୍ମଣ । ଦଶନ୍ଧି ଦଶନ୍ଧି ଧରି ଅପରିଚିତ ମୃତଦେହକୁ ଆଣି ସତ୍କାର କରିବା ସହ ନିସହାୟ କ୍ୟାନସର ରୋଗୀଙ୍କ ଚିକିତ୍ସା କରି ଆସୁଛନ୍ତି ଅଭିମନ୍ୟୁ । ପୂର୍ବରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ପୂର୍ବତନ ଅନ୍ତର୍ଜାତୀୟ କ୍ରିକେଟର ମହମ୍ମଦ କୈଫ ମଧ୍ୟ ଟ୍ୱିଟ୍ କରି ଅଭିମନ୍ୟୁ ଙ୍କୁ ପ୍ରଶଂସା କରିଥିଲେ।

ଲକ୍ଷ୍ମଣ ଟ୍ୱିଟ୍ କରି ଲେଖିଛନ୍ତି ଯେ, କଟକର ୫୦ ବର୍ଷୀୟ ବୁକ୍ ବାଇଣ୍ଡର ଅଭିମନ୍ୟୁ ଦାସ  ଅପରିଚତ ମୃତଦେହର ଅନ୍ତିମସଂସ୍କାର କରିଥାନ୍ତି । ସେ କର୍କଟ ରୋଗୀଙ୍କ ଯତ୍ନ ନେବା ନେଇ ମଧ୍ୟ ଜଣାଶୁଣା । ସେ ହଜାର ହଜାର ବାସହୀନ ଓ ଅସହାୟ କର୍କଟ ରୋଗୀଙ୍କ ଯତ୍ନ ମଧ୍ୟ ନେଉଛନ୍ତି । ତାଙ୍କର ଏଭଳି ନିସ୍ୱର୍ଥପର ସେବାକୁ ସଲାମ୍ ଜଣାଇଛନ୍ତି ଭିଭିଏସ୍ ଲକ୍ଷ୍ମଣ ।

ତେବେ ଅଭିମନ୍ୟୁ ଏଯାବତ୍ ପ୍ରାୟ ୭ ହଜାରରୁ ଊର୍ଦ୍ଧ୍ୱ ଗରିବ କର୍କଟ ରୋଗୀଙ୍କ ସହାୟତା କରିବା ସହିତ ୧୩୦୦ ଶବ ସଂସ୍କାର କରିଛନ୍ତି । ସେ କୁହନ୍ତି ମୁଁ ଡାକ୍ତରଖାନାକୁ ଯାଇ ବୁଲି ଦେଖେ । ଅନେକ କର୍କଟ ରୋଗୀଙ୍କର କେହି ଦେଖାଶୁଣା କରିବାକୁ ନଥାନ୍ତି । ସେଠି ମୁଁ ସେମାନଙ୍କୁ ସହାୟତା କରେ । ୫୦  ବର୍ଷୀୟ ଅଭିମନ୍ୟୁ ଅତୀତରେ ନିଜ ବାପା, ମା, ଦାଦା ଆଦିଙ୍କୁ କ୍ୟାନସରରେ ହରାଇ ସାରିଛନ୍ତି ।