ନନ୍ଦିଘୋଷ ବ୍ୟୁରୋ: ସ୍ତ୍ରୀର ଦାମ୍ ଲକ୍ଷେ ୮୦ ହଜାର  ।  ବୟସ ଛୋଟ , କାଣ୍ଡ ବଡ଼  ।  ୧୭ ବର୍ଷିଆ ସ୍ମାମୀର ସାଙ୍ଘାତିକ ଷଡ଼ଯନ୍ତ୍ର  ।  ଫେସବୁକରେ ପ୍ରେମ କଲେ  । ମଣ୍ଡପରେ ବାହା ହେଲେ  ।  ସ୍ମାର୍ଟ ଫୋନ ପାଇଁ ସ୍ମାର୍ଟ ସ୍ୱାମୀର ସ୍ମାର୍ଟ ଷଡ଼ଯନ୍ତ୍ର  ।   ପ୍ରେମିକାରୁ ପତ୍ନୀ କଲା  । ସାତ ଜନ୍ମକୁ ସାକ୍ଷୀ ରଖି ସାଥି କଲା  । ବିବାହର ଦୁଇ ମାସ ପରେ ରାଜସ୍ଥାନ ଚାଲିଗଲେ ଭଉୟେ  । ପ୍ରଥମେ ହାଇଦ୍ରାବାଦ ଏବଂ ପରେ ରାଜସ୍ଥାନର ମଞ୍ଜୁଲା ଗାଁର ଏକ ଇଟାଭାଟିରେ କାମ କରିବାକୁ ବାହାରି ପଡ଼ିଥିଲେ ପତ୍ନୀ-ପତି  । ସେଠାରେ ଦୀର୍ଘ ଦିନ ରହିଥିଲେ  । ଏକାଠି ଖାଉଥିଲେ, ଦୁହେଁ ଦୁହିଁଙ୍କ କଥା ବୁଝୁଥିଲେ  । କିନ୍ତୁ ସ୍ମାର୍ଟ ଫୋନ କିଣିବାର ନିଶା ଆଗରେ, ପତ୍ନୀର ପୀରତି ପର ହୋଇଯାଇଥିଲା  । ନିଜ ପତ୍ନୀକୁ ରାଜସ୍ଥାନର ଜଣେ ବ୍ୟକ୍ତିକୁ ବିକିବା ନେଇ ମୁଲଚାଲ କରିଥିଲା  । ଆଉ ଶେଷରେ ଟଙ୍କା ଛିଣ୍ଡିଥିଲା ଲକ୍ଷେ ୮୦ ହଜାର  ।

ବଲାଙ୍ଗୀର ଜିଲ୍ଲା ବେଲପଡା ଥାନାର ଅନ୍ତର୍ଗତ ସୁଲେକେଲା ଗାଁର ଏହି ଘଟଣା । ଗାଁର ସରୋଜ ରଣା ତିନି ମାସ ତଳେ ସଇଁତଳା ଥାନା ଅଂଚଳର ଜଣେ ଯୁବତୀଙ୍କୁ ଜୁଲାଇ ମାସରେ ବିବାହ କରିଥିଲେ । ପରେ ଦୁହେଁ ପାରମ୍ପରିକ ରୀତିନୀତି ଅନୁସାରେ ବିବାହ କରିଥିଲେ। ଆଉ ବିବାହର ତିନି ମାସ ପରେ କାମ ପାଇଁ ବାହାର ରାଜ୍ୟକୁ ଯାଇଥିଲେ  । ରାଜସ୍ଥାନର ମଞ୍ଜୁଲା ଗାଁରେ କାମ ପତ୍ନୀକୁ ନେଇ କାମ କରୁଥିବା ସ୍ୱାମୀ ସରୋଜ ଦଲାଲ ସାହାଯ୍ୟରେ  ଜଣେ ୫୫ ବର୍ଷୀୟ ବ୍ୟକ୍ତିଙ୍କୁ ନଜ ସ୍ତ୍ରୀକୁ ବିକିବାକୁ ମୂଲଚାଲ କରିଥିଲେ  । ଏକ ଲକ୍ଷ ୮୦ହଜାର ଟଙ୍କାରେ  ।  ପରେ ଯୁବକ ଧୁମ ବୁଲାବୁଲି କରିଥିଲେ  । ଯାହା ମନ ହେଉଥିଲା କିଣୁଥିଲେ  । ଏମିତିକି ଗୋଟେ ସ୍ମାର୍ଟ ପୋନ ମଧ୍ୟ କିଣିଥିଲେ  । ଆଉ ନିଜ ଉପାର୍ଜିତ ଅର୍ଥ କହି ବାପାକୁ ମଧ୍ୟ ବୁଲାଇ ନେଇଥିଲେ  ।

ତେବେ ଏଇଠି ଅଟକିନଥିଲା ସରୋଜର ପ୍ନାନ  ।  ବିକ୍ରି କରିବାର କିଛି ଦିନ ପରେ ସରୋଜ ନିଜ ଆଡୁ ଶ୍ୱଶୂର ଘରକୁ ଫୋନ କରିଥିଲା  । ଏବଂ ତାଙ୍କ ଝିଅ ଅନ୍ୟଜଣେ ଯୁବକ ସହ ଫେରାର ହୋଇ ଯାଇଥିବା କହିଥିଲା । କିନ୍ତୁ ଏକଥାକୁ ବିଶ୍ୱାସ କରିନଥିଲେ ଶ୍ୱଶୂର ଘର  । ବେଲପଡା ଥାନାରେ ଲିଖିତ ଅଭିଯୋଗ ଦେଇଥିଲେ । ପରେ ଯୁବକର କଥାରୁ କିଛି ଆଭାସ ପାଇଥିବା ପୋଲିସ ଆରମ୍ଭ କରିଥିଲା ତଦନ୍ତ  ।  ରାଜସ୍ଥାନର ଉକ୍ତ ଅଞ୍ଚଳ ଗସ୍ତ କରିଥିଲା ବଲାଙ୍ଗୀର ପୋଲିସର ଏକ ଟିମ  । ରାଜସ୍ଥାନ ପୋଲିସ ସାହାର୍ଯ୍ୟରେ ସେହି ୫୫ ବର୍ଷୀୟ ବ୍ୟକ୍ତିଙ୍କ ଘରେ ପହଁଚିଥିଲା ବଲାଙ୍ଗୀର ପୋଲିସ  । ଲକ୍ଷାଧିକ ଟଙ୍କା ଦେଇ ମହିଳାଙ୍କୁ କିଣିଥିବା ଦାବି କରିଥିଲା ବୟସ୍କ ବ୍ୟକ୍ତି  । କିନ୍ତୁ ମହିଳା ଜଣଙ୍କ ବଖାଣିଥିଲେ ସ୍ୱାମୀର ସବୁ ଷଡଯନ୍ତ୍ର  ।