spot_img
Home Blog Page 5013

ଆଇପିଏଲରେ ଟଙ୍କା ବର୍ଷା; ବର୍ଷକରେ ୪୦ ଗୁଣ ବଢ଼ିଲା ନିଲାମ ମୂଲ୍ୟ

Santosh Kumar Sahoo
-
0
ଆଇପିଏଲରେ ଟଙ୍କା ବର୍ଷା; ବର୍ଷକରେ ୪୦ ଗୁଣ ବଢ଼ିଲା ନିଲାମ ମୂଲ୍ୟ

ନୂଆଦିଲ୍ଲୀ: ଆଇପିଏଲରେ ହେଉଛି ଟଙ୍କା ବର୍ଷା । ମାଲାମାଲ ହେଉଛନ୍ତି ଖେଳାଳି । ଆସନ୍ତା ବର୍ଷ ହେବାକୁ ଥିବା ଆଇପିଏଲ ପୂର୍ବରୁ ହେବ ମେଗା ଅକ୍ସନ । ତେବେ ଏହି ମେଗା ଅକ୍ସନ ପୂର୍ବରୁ ଗତକାଲି ସବୁ ଟିମ୍ ସେମାନଙ୍କ ରିଟେନ୍ ଲିଷ୍ଟ ଜାରି କରିଛନ୍ତି । କିଛି ଟିମ୍ ବଡ଼ ବଡ଼ ଖେଳାଳିଙ୍କୁ ଆଗାମୀ ସିଜିନ ପାଇଁ ନ ରଖିଥିବା ବେଳେ କିଛି ଟିମ୍ ନୂଆ ଖେଳାଳିଙ୍କୁ ଆସନ୍ତା ସିଜିନ ପାଇଁ ଦଳରେ ରଖିଛନ୍ତି । ଯଦି ଆମେ କୋଲକାତା ନାଇଟ ରାଇଡର୍ସ କଥା କହିବା ତାହାଲେ ଆଗାମୀ ସିଜିନ ପାଇଁ ଚାରି ଜଣ ଖେଳାଳିଙ୍କୁ ଦଳରେ ରଖିଛି । ସେମାନେ ହେଉଛନ୍ତି ଆଣ୍ଡ୍ରେ ରସଲ, ବରୁଣ ଚକ୍ରବର୍ତ୍ତୀ, ଭେଙ୍କଟେଶ ଆୟର ଏବଂ ସୁନୀଲ ନାରାୟଣ ।

କୋଲକାତା ନାଇଟ ରାଇଡର୍ସ ଭେଙ୍କଟେଶ ଆୟରଙ୍କୁ ୮ କୋଟି ଟଙ୍କାରେ ଦଳରେ ରିଟେନ କରିଛି । ଗତ ସିଜିନରେ ଭେଙ୍କଟେଶ ଆୟରଙ୍କୁ ମାତ୍ର ୨୦ ଲକ୍ଷ ଟଙ୍କାରେ କିଣିଥିଲେ କେକେଆର । ତେବେ ଗୋଟିଏ ବର୍ଷ ମଧ୍ୟରେ ଆୟରଙ୍କ ନିଲାମ ମୂଲ୍ୟ  ୨୦ ଲକ୍ଷରୁ ବଢ଼ି ୮ କୋଟିରେ ପହଞ୍ଚିଛି । ଅର୍ଥାତ ଗୋଟିଏ ବର୍ଷରେ ଆୟରଙ୍କ ନିଲାମି ମୂଲ୍ୟ ୪୦ ପ୍ରତିଶତ ବୃଦ୍ଧି ପାଇଛି । ଭେଙ୍କଟେଶ ଆୟର ଆଇପିଏଲ-୨୦୨୧ର ୟୁଏଇ ଲେଗରେ ଦମଦାର ପ୍ରଦର୍ଶନ କରିଥିଲେ । କେକେଆରକୁ ଫାଇନାଲରେ ପହଞ୍ଚାଇବାରେ ଏକ ବଡ଼ ଭୂମିକା ତୁଲାଇଥିଲେ ଆୟର । ଉଭୟ ବ୍ୟାଟିଂ ଏବଂ ବୋଲିଂରେ କମାଲ କରିଥିଲେ ଆୟର । ୟୁଏଇ ଲେଗରେ ଆୟର ୧୦ଟି ମ୍ୟାଚରେ ୩୭୦ ରନ କରିଥିଲେ ।

ଭେଙ୍କଟେଶ ଆୟରଙ୍କ ଏହି ପ୍ରଦର୍ଶନ ଫଳରେ ତାଙ୍କ ନ୍ୟୁଜିଲାଣ୍ଡ ବିପକ୍ଷରେ ଖେଳାଯାଇଥିବା ଟି-୨୦ ମ୍ୟାଚରେ ସୁଯୋଗ ମିଳିଥିଲା । ହାର୍ଦ୍ଦିକ ପାଣ୍ଡ୍ୟା ଆଘାତ କାରଣରୁ ବୋଲିଂ କରିପାରୁ ନାହାନ୍ତି ଏବଂ ବ୍ୟାଟିଂରେ ମଧ୍ୟ ଭଲ ପ୍ରଦର୍ଶନ କରିପାରୁ ନାହାଁନ୍ତି । ଯାହାର ଫାଇଦା ମିଳିଛି ଭେଙ୍କଟେଶ ଆୟରଙ୍କୁ । ଯାହା ଫଳରେ ଆୟରଙ୍କୁ ଭାରତୀୟ ଦଳରେ ସୁଯୋଗ ମିଳିଥିଲା ।

ଭେଙ୍କଟେଶ ଆୟରଙ୍କ ବ୍ୟତୀତ ଆଉ କିଛି ଖେଳାଳି ଏମିତି ଅଛନ୍ତି ଯାହାଙ୍କ ଉପରେ ଚଳିତ ଆଇପିଏଲରେ ଟଙ୍କା ବର୍ଷା ହୋଇଛି । ସେମାନଙ୍କ ମଧ୍ୟରେ ଅଛନ୍ତି ଅବଦୁଲ ସମଦ । ତାଙ୍କୁ ସନ ରାଇଜର୍ସ ହାଇଦ୍ରାବାଦ ୪ କୋଟିରେ ରିଟେନ କରିଛି । ଯାହାଙ୍କୁ ହାଇଦ୍ରାବାଦ ଗତ ସିଜିନରେ ୨୦ ଲକ୍ଷ ଟଙ୍କାରେ କିଣିଥିଲା । ସେହିପରି ଭାବରେ ପଞ୍ଜାବର ଅର୍ଶଦୀପ ସିଂହ ୨୦ ଲକ୍ଷ ଟଙ୍କାରୁ ୪ କୋଟିରେ ପହଞ୍ଚିଛନ୍ତି । ଅନ୍ୟପକ୍ଷରେ ଚେନ୍ନାଇ ସୁପର କିଙ୍ଗ୍ସର ଓପନର ବ୍ୟାଟ୍ସମ୍ୟାନ ଋତୁରାଜ ଗାଏକୋଡ ୨୦ ଲକ୍ଷ ଟଙ୍କାରୁ ୬ କୋଟି ଟଙ୍କାରେ ପହଞ୍ଚିଛନ୍ତି ।

ଫିଲ୍ମର ପ୍ରମୋସନ୍ ପାଇଁ ଚରଖା ଚଳାଇଲେ ସଲମାନ

Swapna Ray
-
0
ଫିଲ୍ମର ପ୍ରମୋସନ୍ ପାଇଁ ଚରଖା ଚଳାଇଲେ ସଲମାନ

ଅହମଦାବାଦ : ବଲିଉଡ ଷ୍ଟାର୍ ଫିଲ୍ମ କରିବା ପରେ ଏହାର ପ୍ରମୋସନ୍ ପାଇଁ ଭିନ୍ନ ଭିନ୍ନ ରିଏଲିଟି ସୋରେ ଯୋଗ ଦେଇଥାନ୍ତି । ବିଭିନ୍ନ ଡ୍ୟାନ୍ସ ସୋ, ମ୍ୟୁଜିକ୍ ସୋ, କମେଡି ସୋ ଆଦିରେ ଷ୍ଟାରମାନଙ୍କୁ ନିଜ ଫିଲ୍ମ ପ୍ରମୋସନ କରିଥିବା ଦେଖିଥିବେ । ମାତ୍ର ଫ୍ଲିଲ୍ମ ପ୍ରମୋସନ ପାଇଁ ଷ୍ଟାର୍ ଚରଖା ଚଳାଉଥିବା କଥା ଶୁଣିଛନ୍ତି କି ? ନିଜ ଫିଲ୍ମ ପାଇଁ ଏଭଳି ଏକ ୟୁନିକ୍ ପ୍ରମୋସନ କରିଛନ୍ତି ଦବଙ୍ଗ ଷ୍ଟାର୍ ସଲମାନ ଖାନ୍ ।

ନିକଟରେ ରିଲିଜ୍ ହୋଇଥିବା ତାଙ୍କ ନୂଆ ଫିଲ୍ମ ‘ଅନ୍ତିମ’ ରିଲିଜ୍ ହୋଇଥିବା ବେଳେ ଧିରେ ଧିରେ ଏହା ଲୋକଙ୍କୁ ପସନ୍ଦ ଆସୁଥିବାର ଦେଖାଯାଉଛି । ଏହି ଫିଲ୍ମକୁ ସଲମାନଙ୍କ ପ୍ରଶଂସକ ମଧ୍ୟ ପ୍ରଶଂସା କରିଥିବା ଦେଖାଯାଉଛି । ଏହି ଫିଲ୍ମର ପ୍ରମୋସନ ପାଇଁ ସଲମାନ ଅହମଦାବାଦସ୍ଥିତ ଜାତିର ପିତା ମହାତ୍ମା ଗାନ୍ଧୀଙ୍କ ସାବରମତୀ ଆଶ୍ରମରେ ପହଁଞ୍ଚିଥିଲେ । କେବଳ ଏତିକି ନୁହେଁ ଏଠାରେ ଗାନ୍ଧୀଙ୍କ ଚରଖା ମଧ୍ୟ ଟାଣିଥିଲେ । ଯାହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ନିଜର ୟୁନିକ୍ ଲୁକ୍ ଆଉ ୟୁନିକ୍ ଡ୍ୟାନ୍ସ ପାଇଁ ସେ ସବୁବେଳେ ଚର୍ଚ୍ଚାରେ । ବଲିଉଡରେ ଦବଙ୍ଗ, ଦବଙ୍ଗ-୨, ଟାଇଗର ଜିନ୍ଦା ହେ, ବଜରଙ୍ଗୀ ଭାଇଜାନ୍, କିକ୍ ଭଳି ଅନେକ ହିଟ୍ ଚଳଚ୍ଚିତ୍ର ସେ ଦର୍ଶକଙ୍କୁ ଭେଟି ଦେଇଛନ୍ତି । ଏବେ ତାଙ୍କ ଅଭିନିତ ଚଳଚ୍ଚିତ୍ର ‘ଅନ୍ତିମ’ ଦର୍ଶକଙ୍କୁ ପସନ୍ଦ ଆସିବ ବୋଲି ସେ ଆଶା କରିଛନ୍ତି ।

ରାହୁଲ ଗାନ୍ଧୀଙ୍କୁ ଦିଦିଙ୍କ କଟାକ୍ଷ, ‘ବିଦେଶରେ ରହିଲେ କେମିତି କାମ ହେବ‘

Santosh Kumar Sahoo
-
0
ରାହୁଲ ଗାନ୍ଧୀଙ୍କୁ ଦିଦିଙ୍କ କଟାକ୍ଷ, ‘ବିଦେଶରେ ରହିଲେ କେମିତି କାମ ହେବ‘

ମୁମ୍ବାଇ: ବିଜେପି ବିପକ୍ଷରେ ସ୍ୱତନ୍ତ୍ର ରଣନିତୀ ପ୍ରସ୍ତୁତ କରିବାରେ ଲାଗି ପଡ଼ିଛନ୍ତି ମମତା ବାନାର୍ଜୀ । ୨୦୨୪ରେ ଦିଲ୍ଲୀରୁ ବିଜେପିକୁ ହଟାଇବା ପାଇଁ ଆରମ୍ଭ କରି ଦେଇଛନ୍ତି ମିଶନ । ଏଥିପାଇଁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ବୁଧବାର ଦିନ ଏନସିପି ମୁଖ୍ୟ ଶରଦ ପାଓ୍ବାରଙ୍କୁ ଭେଟିଛନ୍ତି । ଶରଦ ପାଓ୍ବାରଙ୍କୁ ଭେଟି କିଛି ଗୁରୁତ୍ବପୂର୍ଣ୍ଣ ବିଷୟରେ ଆଲୋଚନା କରିଥିବା କହିଛନ୍ତି ମମତା । ତେବେ ମହାରାଷ୍ଟ୍ରର ଗସ୍ତରେ ଥିବା ମମତା ବାନାର୍ଜୀ ପୁଣି ଥରେ କଂଗ୍ରେସକୁ ଟାର୍ଗେଟ କରିଛନ୍ତି । କଂଗ୍ରେସକୁ ଟାର୍ଗେଟ କରିବା ସହ ରାହୁଲ ଗାନ୍ଧୀଙ୍କୁ ମଧ୍ୟ କଟାକ୍ଷ କରିଛନ୍ତି ମମତା । ସେ କହିଛନ୍ତି କି ଯଦି କେହି କିଛି ନ କରି କେବଳ ବିଦେଶରେ ରହିବେ ତେବେ କାମ କିପରି ହେବ । ଦିଦି କହିଥିଲେ କି ଯଦି ଆପଣ ଫିଲ୍ଡରେ ନ ରହି କାମ କରିବେ ତେବେ ବିଜେପିକୁ ହଟାଇବା ବେଶ୍ କଷ୍ଟ । ଯଦି ଆପଣ ଫିଲ୍ଡରେ ରହି କାମ କରିବେ ତେବେ ବିଜେପିକୁ ପରାସ୍ତ କରିହେବ ।

 

ମମତା ବାନାର୍ଜୀଙ୍କୁ ଯେତେବେଳେ ପଚରା ଯାଇଥିଲା କି କାହିଁକି ଆପଣ କଂଗ୍ରେସ ସହ ଲଢ଼େଇ କରୁଛନ୍ତି ? ଏହାର ଜବାବରେ ଦିଦି କହିଥିଲେ କି ଯଦି କଂଗ୍ରେସ ଏବଂ ବାମପନ୍ଥୀ ଦଳ ଆମ ବିପକ୍ଷରେ ପଶ୍ଚିମବଙ୍ଗରେ ଲଢ଼େଇ କରିପାରୁଛନ୍ତି ତେବେ ଆମେ ବି କଂଗ୍ରେସ ବିପକ୍ଷରେ ଯାଇପାରିବୁ । ବିଜେପିକୁ ପରାସ୍ତ କରିବା ପାଇଁ ଆମକୁ ଏହି ଲଢ଼େଇ ଜାରି ରଖିବାକୁ ହେବ । ସେ ଆହୁରି କହିଥିଲେ କି ଆମେ ମହାରାଷ୍ଟ୍ରକୁ ଆସିବୁ ନାହିଁ । ଯେଉଁଠାରେ ଆଞ୍ଚଳିକ ଦଳ ଭଲ କାମ କରୁଛନ୍ତି ଆମେ ସେଠାକୁ ଯିବୁ ନାହିଁ । ବରଂ ଆମେ ଆଞ୍ଚଳିକ ଦଳର କାର୍ଯ୍ୟକୁ ଅଧିକ ପ୍ରେତ୍ସାହନ ଦେବୁ । ଆମେ ପଶ୍ଚିମବଙ୍ଗରେ ଠିକରେ ଅଛୁ କିନ୍ତୁ ଆମେ ପଶ୍ଚିମବଙ୍ଗରୁ ବାହାରକୁ ବାହାରିବାକୁ ଚାହୁଁଛୁ । କାହିଁକି ନା ଆମେ ଆସିବା ପରେ କେନ୍ଦ୍ରରେ ପ୍ରତିଯୋଗିତା ବଢ଼ିବ ।


କଂଗ୍ରେସକୁ ଟାର୍ଗେଟ କରି ସେ କହିଛନ୍ତି କି ଏକ ଏକ୍ସପର୍ଟ କମିଟି ଗଠନ କରିବା ପାଇଁ ଆମେ କଂଗ୍ରେସକୁ କହିଥିଲୁ । ଯେଉଁ କମିଟି ଆମକୁ ମାର୍ଗଦର୍ଶନ ଦେଇଥାନ୍ତା । କିନ୍ତୁ କଂଗ୍ରେସ ଆମ କଥାକୁ ଧ୍ୟାନ ଦେଲା ନାହିଁ । ଆମେ ଚାହୁଁଛୁ କି ସମଗ୍ର ଭାରତରେ ଏକ ସିଭିଲ ସୋସାଇଟି ଗଠନ କରାଯାଉ । ସେ ଆହୁରି କହିଥିଲେ କି ଯଦି ସମସ୍ତ ଆଞ୍ଚଳିକ ଦଳ ଏକାଠି ହୁଏନ୍ତି ତେବେ କେନ୍ଦ୍ରରେ ବିଜେପିକୁ ନିଶ୍ଚିତ ଭାବରେ ହଟା ଯାଇପାରିବ । କଂଗ୍ରେସ ସହ ବିଜେପିକୁ ମଧ୍ୟ ଟାର୍ଗେଟ କରିଥିଲେ ଦିଦି । ଏହି ପାର୍ଟି ଯିବା ପୂର୍ବରୁ ସବୁ କିଛି ବିକିଦେବ ବୋଲି ମମତା ବାନାର୍ଜୀ କହିଛନ୍ତି ।

ଲୋଭନୀୟ ସ୍କିମ୍ ଦେଖାଇ ୩୦ କୋଟି ଠକେଇ, ତନାଘନା କରୁଛି EOW

sitakanta dash
-
0
ଲୋଭନୀୟ ସ୍କିମ୍ ଦେଖାଇ ୩୦ କୋଟି ଠକେଇ, ତନାଘନା କରୁଛି EOW

ଭୁବନେଶ୍ୱର: ଆରୁସ୍କା ଡିଲ ମଲ୍ଟି ଟ୍ରେଡ ପ୍ରାଇଭେଟ ଲିମିଟେଡ ନାମରେ 30 କୋଟି ଠକେଇ ଅଭିଯୋଗ । କ୍ରାଇମବ୍ରାଞ୍ଚ ଅର୍ଥନୈତିକ ଅପରାଧ ଶାଖାରେ ଅଭିଯୋଗ କଲେ ଜମାକାରୀ ।  ସଂସ୍ଥା ମୁଖ୍ୟ ଶରତ ନାୟକ, ପ୍ରଭାତ ରଞ୍ଜନ ଦାଶ, ପ୍ରଶାନ୍ତ ମହାଳିକ ଓ ବିଶିକେଶନ ବେହେରାଙ୍କ ନାମରେ ଅଭିଯୋଗ ହୋଇଛି । ୨୦୧୯ରେ ସଂପୃକ୍ତ ସଂସ୍ଥା ଖୋଲି ବିଭିନ୍ନ ପ୍ରକାର ପ୍ରଡକ୍ଟ ବିକ୍ରି କରିବା ପାଇଁ ଫ୍ରାଞ୍ଚାଇଜ ଦେବା ଓ ଚେନ୍ ଷିଷ୍ଟମ ଭଳି ଜମାକାରୀମାନଙ୍କୁ ଲୋଭ ଦେଖାଇ ସଂସ୍ଥାରେ ନିଯୋଜିତ କରିଥିଲା ।

ଏପରିକି ଲୋକମାନେ ଟାର୍ଗେଟ୍ ଆମାଉଣ୍ଟର ସାମଗ୍ରୀ ବିକ୍ରି କଲେ ମୋଟା ଅଙ୍କର କମିଶନ ମିଳିବ ବୋଲି କମ୍ପାନୀ ଜମାକାରୀ ଓ ଫ୍ରାଞ୍ଚାଇଜ ନେଉଥିବା ଲୋକଙ୍କୁ ଲୋଭ ଦେଖାଉଥିଲା । ଟଙ୍କା ଲୋଭରେ ଭଦ୍ରକ, ବାଲେଶ୍ୱର, ରାଇରଙ୍ଗପୁର, କେନ୍ଧୁଝର. ଧାମ ନଗର, ଚାନ୍ଦବାଲି ସମେତ ଉପକୂଳ ଓଡିଶାର ପାଖାପାଖି ୩୦ କୋଟି ଟଙ୍କା ଠକି ନେଇଥିବା ନେଇ ଅଭିଯୋଗ ହୋଇଛି ।

ଏପରିକି ଜଣେ କର୍ମଚାରୀ ଆର୍ମିରୁ ଅବସର ନେଇ ନିଜର ସମସ୍ତ ପୁଞ୍ଜିକୁ ବିନିଯୋଗ କରି ଠକେଇ ଶିକାର ହୋଇଛନ୍ତି । ସେପଟେ ସଂପୃକ୍ତ ସଂସ୍ଥାର ମୁଖ୍ୟ ମୁଖ୍ୟ ଶରତ ନାୟକ ଏକ କାର୍ଯ୍ୟକ୍ରମରେ ଖଣ୍ଡା ବୁଲାଇବା ସହ, କୋଟିପତି ହେବାର ସ୍ବପ୍ନ ଦେଖାଉଥିଲେ । ୨ ଜଣ ନୂଆ କମ୍ପାନୀ ଖୋଲିଥିବା ବେଳେ ଅନ୍ୟ ଦୁଇଜଣ ଫେରାର ଥିବା ଜମାକାରୀ କହିଛନ୍ତି । ଇଓଡବ୍ଳୁରେ ଅଭିଯୋଗ ପରେ ତନାଘନା ଆରମ୍ଭ ହୋଇଛି ।

ଜୁନିଅର ହକି ବିଶ୍ବକପ: ତୃତୀୟ ଦଳ ଭାବରେ ସେମିରେ ଫ୍ରାନ୍ସ

Santosh Kumar Sahoo
-
0
ଜୁନିଅର ହକି ବିଶ୍ବକପ: ତୃତୀୟ ଦଳ ଭାବରେ ସେମିରେ ଫ୍ରାନ୍ସ

ଭୁବନେଶ୍ବର: ବୁଧବାର ପୁରୁଷ ଜୁନିଅର ହକି ବିଶ୍ବକପରେ ଖେଳାଯାଉଛି ଅସଲ ଲଢ଼େଇ । ସେମି ଫାଇନାଲ ଖେଳିବା ପାଇଁ ବୁଧବାର ଖେଳାଯାଉଛି କ୍ବାଟର ଫାଇନାଲ । ବୁଧବାର ଖେଳାଯାଇଥିବା ପ୍ରଥମ କ୍ବାଟର ଫାଇନାଲରେ ଜର୍ମାନୀ ବାଜି ମାରିଥିବା ବେଳେ ଦ୍ବିତୀୟ କ୍ବାଟର ଫାଇନାଲରେ ନେଦରଲାଣ୍ଡ୍ସକୁ ହରାଇ ଦ୍ବିତୀୟ ଟିମ୍ ଭାବରେ ସେମିରେ ନିଜ ସ୍ଥାନ ପକ୍କା କରିଥିଲା ଆର୍ଜେଣ୍ଟିନା । ତେବେ ବୁଧବାର ଖେଳାଯାଇଥିବା ତୃତୀୟ ମ୍ୟାଚରେ ମୁହାଁମୁହିଁ ହୋଇଥିଲେ ମାଲେସିଆ ଓ ଫ୍ରାନ୍ସ । ଏହି ମ୍ୟାଚକୁ ୪-୦ ଗୋଲରେ ନିଜ ନାମରେ କରିଛି ଫ୍ରାନ୍ସ ।

ତୃତୀୟ କ୍ବାଟର ଫାଇନାଲ ଆରମ୍ଭରୁ ମାଲେସିଆ ଉପରେ ଭାରି ପଡ଼ିଥିଲା ଫ୍ରାନ୍ସ । ଆରମ୍ଭରୁ ଆକ୍ରମଣାତ୍ମକ ଖେଳ ପ୍ରଦର୍ଶନ କରିଥିଲା ଫ୍ରାନ୍ସ । ଯାହା ଫଳରେ ମ୍ୟାଚର କୌଣସି ବି ସମୟରେ ଗୋଲ କରିବାର ସୁଯୋଗ ମାଲେସିଆକୁ ଦେଇନଥିଲା ଫ୍ରାନ୍ସ । ଫ୍ରାନ୍ସ ପକ୍ଷରୁ କ୍ଲିମେଣ୍ଟ ତିମୋଥେଙ୍କ ହ୍ୟାଟ୍ରିକ ଫଳରେ ଏହି ମ୍ୟାଚକୁ ୪-୦ରେ ନିଜ ନାମରେ କରିଥିଲା ଫ୍ରାନ୍ସ । ଏହି ବିଜୟ ସହ ତୃତୀୟ ଟିମ୍ ଭାବରେ ଜୁନିଅର ହକି ବିଶ୍ବକପରେ ନିଜ ସ୍ଥାନ ପକ୍କା କରିଛି ଫ୍ରାନ୍ସ ।

ଅନ୍ୟପଟେ ମଙ୍ଗଳବାର ଶେଷ କ୍ବାଟର ଫାଇନାଲ ମ୍ୟାଚରେ ମୁହାଁମୁହିଁ ହେବାକୁ ଯାଉଛନ୍ତି ଭାରତ ଓ ବେଲଜିୟମ । ଏହି ମ୍ୟାଚକୁ ଜିତି ଭାରତ ଚତୁର୍ଥ ଟିମ୍ ଭାବରେ ହକି ବିଶ୍ବକପ ସେମି ଫାଇନାଲରେ ନିଜ ସ୍ଥାନ ପକ୍କା କରିବାକୁ ଚେଷ୍ଟା କରିବ ।

 

ରାଜ୍ୟ ଅତିରିକ୍ତ ବଜେଟରେ ୧୯ହଜାର ୮୩୩କୋଟିର ପାଣ୍ଠି ବରାଦ

sitakanta dash
-
0
ରାଜ୍ୟ ଅତିରିକ୍ତ ବଜେଟରେ ୧୯ହଜାର ୮୩୩କୋଟିର ପାଣ୍ଠି ବରାଦ

ଭୁବନେଶ୍ୱର: ବିଧାନସଭରେ ଆଗତ ହେଲା ୨୦୨୧-୨୨ବର୍ଷ ପାଇଁ ପ୍ରଥମ ଅତିରିକ୍ତ ବଜେଟ୍  । ବିଧାନସଭାରେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଆଗତ କରିଛନ୍ତି ବଜେଟ  । ଚଳିତ ଅତିରିକ୍ତ ବଜେଟରେ  ୧୯ହଜାର ୮୩୩ କୋଟିର ପାଣ୍ଠି ବରାଦ ହୋଇଛି  ।  ଏଥର ୫ଟି କ୍ଷେତ୍ରକୁ ସର୍ବାଧିକ ଗୁରୁତ୍ୱ ଦେଇଛନ୍ତି ରାଜ୍ୟ ସରକାର  । ବିଦ୍ୟାଳୟ ଓ ଗଣଶିକ୍ଷା, ସ୍ୱାସ୍ଥ୍ୟ, ପାନୀୟ ଜଳକୁ ବିଶେଷ ଗୁରୁତ୍ୱ ଦିଆଯାଇଛି  । ଏଥିରେ ରାଜ୍ୟ ସରକାର ପ୍ରଶାସନିକ ବ୍ୟୟ ବରାଦ ୪୫୭୭ କୋଟି ରଖିଥିବାବେଳେ  କାର୍ଯ୍ୟକ୍ରମ ବ୍ୟୟ ରଖିଛନ୍ତି ୧୩ ୫୬୮ କୋଟି  ।

ସେହିପରି ବିପର୍ଯ୍ୟୟ ପ୍ରଶମନ ପାଣ୍ଠି ପାଇଁ ସରକାର ବଜେଟରେ ୧୬୮୨ କୋଟି ବରାଦ କରିଛନ୍ତି  ।  ଚଳିତ ବଜେଟରେ ଏଥର  ଫୋକସରେ ରହିଛି ପଞ୍ଚାୟତରାଜ ଓ ଶକ୍ତି ବିଭାଗ  । ଅତିରିକ୍ତ ବଜେଟରେ ରାସ୍ତା ଓ ସେତୁ ମରାମତି ରକ୍ଷଣାବେକ୍ଷଣ ପାଇଁ ୨୪୧.୩୫ କୋଟି ବରାଦ ହୋଇଛି  । ସେହିଭଳି କୃଷକ କଲ୍ୟାଣ, ଖାଦ୍ୟ ନିରାପତ୍ତା ଓ ଜଳ ସେଚନ ପାଇଁ ୨୧୪୭ କୋଟି ବରାଦ କରିଛନ୍ତି  । ସାମାଜିକ ନିରାପତ୍ତା କାର୍ଯ୍ୟକ୍ରମକୁ ସରକାର ଅଗ୍ରାଧିକାର ଦେଇ ୫୮୪.୯୨ କୋଟି ଟଙ୍କା ବ୍ୟବସ୍ଥା କରିଛନ୍ତି  । କୋଭିଡକୁ ଆଖି ଆଗରେ ରଖି ଅର୍ଥ ମନ୍ତ୍ରୀ ନିରଞ୍ଜନ ପୂଜାରୀ ଜନସ୍ୱାସ୍ଥ୍ୟ ପାଇଁ ଭଣ୍ଡାର ଖୋଲିଛନ୍ତି  ।

ଜନସ୍ୱାସ୍ଥ୍ୟରେ ସରକାର ଖର୍ଚ୍ଚ କରିବେ ୨୦୩୮ କୋଟି  । ଏଥିରୁ BSKYରେ ୪୯୮.୫୧ କୋଟି ଏବଂ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର, ଜିଲ୍ଲା ମୁଖ୍ୟ ସ୍ୱାସ୍ଥ୍ୟ କେନ୍ଦ୍ରର ଭିତ୍ତିଭୂମି ବିକାଶରେ ଖର୍ଚ୍ଚ ହେବ ୧୭୬. ୨୬ କୋଟି  । ସେହିପରି ମହିଳା ସଶକ୍ତିକରଣ ଓ ଶିଶୁ ବିକାଶକୁ ଅତିରିକ୍ତ ବଜେଟରେ ବେଶ ଗୁରୁତ୍ୱ ଦିଆଯାଇଛି  । ଏଥିପାଇଁ ୨୫୩.୦୨ କୋଟି ବରାଦ କରାଯାଇଛି  । ଆଦିବାସୀ ବିକାଶ ପାଇଁ ୧୭୪.୫୧ କୋଟି, ଶିକ୍ଷା, କ୍ରୀଡ଼ା ଓ ଦକ୍ଷତା ବିକାଶରେ ୧୩ଶହ ୧୧ କୋଟି ଟଙ୍କା ଖର୍ଚ୍ଚ କରିବାକୁ ସରକାର ଲକ୍ଷ୍ୟ ରଖି ପାଣ୍ଠି ବରାଦ କରିଛନ୍ତି  । ସେହିପରି କୃଷକ କଲ୍ୟାଣକୁ ମଧ୍ୟ ଫୋକସ କରି ୨୧ ଶହ ୪୭ କୋଟି ବରାଦ କରାୟାଇଛି  ।

 

ଚକୋଲେଟ୍ ଦେଖାଇ ଦୁଷ୍କର୍ମ କଲା ୧୨ ବର୍ଷର ନାବାଳକ

Swapna Ray
-
0
ଚକୋଲେଟ୍ ଦେଖାଇ ଦୁଷ୍କର୍ମ କଲା ୧୨ ବର୍ଷର ନାବାଳକ

ପୁନେ : ମହାରାଷ୍ଟ୍ରର ପୁନେରେ ଜଣେ ୪ ବର୍ଷର ନିରୀହ ଶିଶୁକୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଘରେ କେହି ନଥିବା ସମୟରେ ଜଣେ ୧୨ ବର୍ଷୀୟ ନାବାଳକ ପିଲାଟି ଘରେ ଏକା ଥିବା ସମୟରେ ପ୍ରବେଶ କରିଥିଲା । ଚକୋଲେଟର ଲୋଭ ଦେଖାଇ ନାବାଳକ ପିଲାଟିକୁ ନିଜ ଘରକୁ ନେଇଯାଇଥିଲା । ପିଲାଟିକୁ ଅପହରଣ କରିବା ପରେ ନିଜ ଘରେ ହିଁ ଦୁଷ୍କର୍ମ କରିଥିବା ଜଣାପଡ଼ିଛି । ଘଟଣା ପରେ ପୀଡ଼ିତାଙ୍କ ମା’ ପୁନେସ୍ଥିତ ପିମ୍ପରୀ ଚିଂଚୱଡ଼ ଥାନାରେ ଅଭିଯୋଗ କରଥିଲେ । ପୋଲିସ ଘଟଣାରେ ଥିବା ଅଭିଯୁକ୍ତର ବୟସ ଶୁଣି ତାଜୁବ ହୋଇଯାଇଥିଲା । କାରଣ ସେ ନାବାଳକ ହୋଇଥିବା ବେଳେ ପିଲାଟିକୁ କେବଳ ୧୨ ବର୍ଷ ।

ପୋଲିସ ସୂଚନାନୁସାରେ ଘଟଣାର ଅଭିଯୁକ୍ତ ପୀଡ଼ିତାଙ୍କ ପଡ଼ୋଶୀ ହୋଇଥିବା ବେଳେ ସେ ନିଜ ପରିବାର ସହ ବାସ କରୁଥିଲା । ଝିଅ ଏତେ ସମୟ ଧରି ଘରକୁ ନ ଫେରିବାରୁ ପରିବାର ଲୋକେ ଖୋଜାଖୋଜି କରିବା ପରେ ଝିଅର ମା’ ପଡ଼ୋଶୀଙ୍କ ଘରେ ଝିଅକୁ ଦେଖିବାକୁ ପାଇଲେ । ପୋଲିସ ଖବର ପାଇବା ପରେ ଅଭିଯୁକ୍ତକୁ ଗିରଫ କରିବା ସହ ମାମଲାର ତଦନ୍ତ ଆରମ୍ଭ କରିଛି ।

ଡରାଉଛି ‘ଜୱାଦ’: ପ୍ରସ୍ତୁତ ରହିବେ ୧୦୮ଟି ଓଡ୍ରାଫ ଟିମ୍,  ୨ଶହ ଫାୟାର ଟିମ୍ 

sitakanta dash
-
0
ଡରାଉଛି ‘ଜୱାଦ’: ପ୍ରସ୍ତୁତ ରହିବେ ୧୦୮ଟି ଓଡ୍ରାଫ ଟିମ୍,  ୨ଶହ ଫାୟାର ଟିମ୍ 

ଭୁବନେଶ୍ୱର: ବାତ୍ୟା ‘ଜୱାଦ’କୁ ନେଇ ରାଜ୍ୟ ସରକାରଙ୍କ ଉଚ୍ଚସ୍ତରୀୟ ପ୍ରସ୍ତୁତି ବୈଠକ  । ମୁଖ୍ୟ ଶାସନ ସଚିବ ସୁରଶ ଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ବୈଠକ ଅନୁଷ୍ଠିତ ହୋଇଯାଇଛି  । ରାଜ୍ୟ ସରକାର ବାତ୍ୟାକୁ ନେଇ ଯଥେଷ୍ଟ ସଚେତନ ଥିବାବେଳେ ପ୍ରଭାବିତ ହେବାକୁ ଥିବା ଜିଲ୍ଲା ଗୁଡ଼ିକରେ ଉଦ୍ଧାରକାରୀ ଦଳ ସଜାଗ ରହିବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି  ।

ଆସନ୍ତା ୪ ତାରିଖ ସୁଦ୍ଧା ବାତ୍ୟା ଜୱାଦର ପ୍ରଭାବରେ ଦକ୍ଷିଣ ଓଡ଼ିଶା ଓ ଉତ୍ତର ଓଡ଼ିଶାରେ ବର୍ଷା ଓ ପବନ ହେବା ନେଇ ଜାତୀୟ ପାଣିପାଗ ବିଭାଗ ଅନୁମାନ କରିଛି । ତେବେ ତଳିଆ ଅଞ୍ଚଳ ଲୋକଙ୍କୁ ସ୍ଥାନାନ୍ତରିତ କରିବାକୁ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦେଇଛନ୍ତି  । ଫାୟାର, ଓଡ୍ରାଫ, ଏନଡ଼ିଆରଏଫକୁ ସଜାଗ ରଖିବାକୁ ନିର୍ଦ୍ଦେଶ ଦିଆଯାଇଛି  । ସେହିପରି ବାତ୍ୟା ପାଇଁ  ପ୍ରସ୍ତୁତ ରହିବେ 108 ଟି ଓଡ୍ରାଫ ଟିମ୍,  200 ଟି ଫାୟାର ଟିମ୍  ।

ଜୱାଦ ପ୍ରଭାବରେ ଦକ୍ଷିଣ ଓଡ଼ିଶା ଓ ଉତ୍ତର ଓଡ଼ିଶାରେ ବିଶେଷ ପ୍ରଭାବ ପଡ଼ିବାକୁ ଥିବାବେଳେ ଉପକୂଳର ସମସ୍ତ ଜିଲ୍ଲାବାସୀ ମଧ୍ୟ ସଜାଗ ରହିବାକୁ କୁହାଯାଇଛି  । ଏହା ସହିତ ନୟାଗଡ଼ ଓ ମୟୁରଭଞ୍ଜକୁ ମଧ୍ୟ ଆଲର୍ଟ ରହିବାକୁ  ନିର୍ଦ୍ଦେଶ ଦିଆଯାଇଛି  । ରାଜ୍ୟ ସରକାର  ଜିରୋ କାଜୁଆଲିଟର ଆହ୍ୱାନ ନେଇ ପ୍ରତିଟି ବାତ୍ୟାକୁ ମୁକାବିଲା କରି ଆସିଛନ୍ତି  । ଆଗୁଆ ପ୍ରସ୍ତୁତି ହିଁ ଓଡ଼ିଶାରେ ବାତ୍ୟାକୁ ମୁକାବିଲା କରିବାରେ ସକ୍ଷମ ସାଜେ  ।

ATM ଲୁଟେରାଙ୍କୁ ଖୋଜି ଖୋଜି ଏନକାଉଣ୍ଟର, ୪ ଗିରଫ

sitakanta dash
-
0
ATM ଲୁଟେରାଙ୍କୁ ଖୋଜି ଖୋଜି ଏନକାଉଣ୍ଟର, ୪ ଗିରଫ

ଭଦ୍ରକ:  ଦୁଇ ଅପରାଧୀଙ୍କୁ ଏନକାଉଣ୍ଟର । ୪ ଜଣଙ୍କୁ ଗିରଫ  । ଏଟିଏମରେ ଅପଲୋଡ଼ ହେଉଥିବା ସମୟରେ 28 ଲକ୍ଷ ଟଙ୍କା ଲୁଟ ଘଟଣାର ସଂଶ୍ଳିଷ୍ଠ ରହିଛନ୍ତି ଏହି ଡକାୟତ । ଦୁଇ ଜଣ ଅପରାଧୀଙ୍କୁ ଗ୍ରାମାଞ୍ଚଳ ଥାନା ବରପଦା ନିକଟରେ ଥିବା ଭଡା ଘରୁ ଭଦ୍ରକ ଗ୍ରାମାଞ୍ଚଳ ପୋଲିସ ଏନକାଉଣ୍ଟର କରିଛି । ସେମାନଙ୍କ ନିକଟରୁ ବହୁ ମାରଣାସ୍ତ୍ର ଜବତ ହୋଇଛି । ଏନକାଉଣ୍ଟର ବେଳେ ଅଭିଯୁକ୍ତଙ୍କ ପାଲଟା ଆକ୍ରମଣେ ଗ୍ରାମାଞ୍ଚଳ ଥାନା ଅଧିକାରୀ ଆଲୋକ ଜେନା , କନେଷ୍ଟବଳ ଶ୍ରୀକାନ୍ତ ଜେନା ଙ୍କ ସହ କେତେକ ପୋଲିସ କର୍ମୀ ଆହତ ହୋଇଛନ୍ତି ।

ତେବେ ଏନକାଉଣ୍ଟରର ଶିକାର ହୋଇଥିବା ଦୁଇ ଅପରାଧୀ ହେଉଛନ୍ତି ସୋର ଅଞ୍ଚଳର ପ୍ରହ୍ଲାଦ ଦାସ , ଓ ନୀଳଗିରି ଅଂଚଳର ସୁଶାନ୍ତ ମଲ୍ଲିକ ।  ସେହିପରି ଗିରଫ 4 ଜଣ ହେଲେ , ବାଲେଶ୍ୱର ର ପପୁ ମଲ୍ଲିକ , ସଂକୁରୁ , ଆଶିଷ ମଲ୍ଲିକ , ବିହାର ର ଆଲୋକ କୁମାର । ନଭେମ୍ବର ୨୬ ତାରିଖରେ ଭଦ୍ରକ ଗ୍ରାମାଞ୍ଚଳ ଥାନା ଚରମ୍ପା , ଲଷ୍ମୀନାରାୟଣ ମନ୍ଦିର ନିକଟରେ ଥିବା ଏଟିଏମରେ ଟଙ୍କା ଭର୍ତ୍ତି କରାଯାଉଥିବା ବେଳେ ବେଳେ 28 ଲକ୍ଷ ଟଙ୍କା ଲୁଟ ହୋଇଥିଲା । ତେବେ ଲୁଟରେ ସମ୍ପୃକ୍ତ ଥିବା 6 ଅପରାଧୀଙ୍କ ମଧ୍ୟ ରୁ ଦୁଇ ଜଣ ଙ୍କୁ ଏନକାଉଣ୍ଟର କରାଯାଇଥିବା ବେଳେ 4 ଜଣ ଅପରାଧୀ ଙ୍କୁ ପୋଲିସ ଗିରଫ କରିଛି ।

ସେମାନଙ୍କ ନିକଟ ରୁ 3 ବାଇକ , 3 ବନ୍ଧୁକ , ଦୁଇ ଖଣ୍ଡା , 4 ମ୍ୟାଗଜିନ , 15 ଜୀବନ୍ତ ଗୁଳି , ଖଣ୍ଡା ଓ 4.50 ଲକ୍ଷ ଟଙ୍କା ଜବତ ହୋଇଛି । ଏହି ଗ୍ୟାଙ୍ଗ ବହୁ ଲୁଟ ରେ ଜଡିତ ଥିବା ସୂଚନା ମିଳିଛି ଓ ଗ୍ୟାଙ୍ଗ ସହ ବିହାର ଲିଙ୍କ ର ସୂଚନା ମିଳିଛି । ଏନକାଉଣ୍ଟର ହୋଇଥିବା ଦୁଇ ଅପରାଧୀ ଙ୍କୁ ଅଧିକ ଚିକିତ୍ସା ପାଇଁ କଟକ ବଡ଼ ମେଡିକାଲ କୁ ସ୍ଥାନାନ୍ତର କରାଯାଇଛି । ଏମାନେ ମଧ୍ଯ ଆରଡିଛକ ମେଡ଼ିସିନ ଷ୍ଟୋର ଲୁଟ ରେ ସାମିଲ ଥିଲେ । ଭଦ୍ରକ ଜିଲ୍ଲା ରେ 7 ଟି କେଶ , ସୋର ଥାନା ରେ 15 କେଶ , ସିମୁଳିଆ ରେ 3 ଓ କେଉଁଝର ରେ 4 କେଶ ରେ ସାମିଲ ଥିଲେ ।

ବନ୍ଧାହେଲେ ବଙ୍ଗୋମୁଣ୍ଡା ଥାନା ବାବୁ: ବାଡ଼ ହୋଇ କ୍ଷେତ ଖାଉଥିଲେ, ଧରିଥିଲା ଭିଜିଲାନ୍ସ

sitakanta dash
-
0
ବନ୍ଧାହେଲେ ବଙ୍ଗୋମୁଣ୍ଡା ଥାନା ବାବୁ: ବାଡ଼ ହୋଇ କ୍ଷେତ ଖାଉଥିଲେ, ଧରିଥିଲା ଭିଜିଲାନ୍ସ

ବଲାଙ୍ଗୀର: ଫସିଗଲେ ଥାନା ବାବୁ । ବେହିସାବୀ ଭାବେ ବେଆଇନ ଟଙ୍କା ଗୋଟାଉଥିଲେ  । କିନ୍ତୁ ହିସାବ ଦେଇ ପାରୁନଥିଲେ  । ଶେଷରେ ବନ୍ଧା ହେଲେ ପୋଲିସ ବାବୁ  । ଦାଦନ ଦଲାଲଙ୍କ ଠାରୁ  ମୋଟା ଅଙ୍କର ଚାନ୍ଦା ଆଦାୟ କରି ବେଆଇନ ଟଙ୍କା ସମ୍ବଲପୁର ଜିଲ୍ଲାର କୁଚିଣ୍ଡା ବାସଭବନକୁ ନେଉଥିବା ବେଳେ ମାଡି ବସିଥିଲା ବଲାଙ୍ଗୀର ଭିଜିଲାନ୍ସ ବିଭାଗର ଏକ ସ୍ୱତନ୍ତ୍ର । ଏକ ମାରୁତି କାରରେ ଥିବା ବଙ୍ଗୋମୁଣ୍ଡ ଥାନା ଅଧିକାରୀ ବିନୋଦ ବିହାରୀ ନାଏକ କାବୁ କରିବା ସହ ତାଙ୍କ ନିକଟରୁ ୨ଲକ୍ଷ,୬ହଜାର ଟଙ୍କା ଭିଜିଲାନ୍ସ ଜବତ କରିଥିଲା ।

ଏନେଇ ବିନୋଦଙ୍କୁ ସମ୍ବଲପୁର ଭିଜିଲାନ୍ସ କାର୍ଯ୍ୟାଳୟ ଠାରେ ଅଟକ ରଖି ତଦନ୍ତ ଆରମ୍ଭ କରିଥିଲେ ଭିଜିଲାନ୍ସର ଚାରୋଟି ଟିମ । ବଲାଙ୍ଗୀର ଭିଜିଲାନ୍ସ ଡ଼ିଏସପି ସଦାନନ୍ଦ ପାଣିଙ୍କ ନେତୃତ୍ୱରେ ସମ୍ବଲପୁର, ବରଗଡ଼ ଓ ସୋନପୁର ଭିଜିଲାନ୍ସ ଟିମ ବିନୋଦଙ୍କ କୁଚିଣ୍ଡା ବାସଭବନ, ଦେଓଗଡ଼ ପୈତୃକ ଘର, ବଙ୍ଗୋମୁଣ୍ଡା ଥାନା ଓ ସରକାରୀ ବାସଭବନରେ ଚଢ଼ାଉ ଜାରି ରହିଛି । ବିନୋଦ ବିହାରୀ ନାଏକଙ୍କ ବଙ୍ଗୋମୁଣ୍ଡା ଥାନା ବାସଭବନରୁ ଭିଜିଲାନ୍ସ ବିଭାଗ ଚଢଉ କରି ୩ଲକ୍ଷ, ୮୦ହଜାର ୯୨୦ ଟଙ୍କା ଜବତ କରାଯାଇଥିବା ବେଳେ କୁଚିଣ୍ଡା ଓ ଦେଓଗଡ଼ ଘରୁ ୪ଟି ପ୍ଲଟ ସମେତ ଗୁରୁତ୍ୱପୂର୍ଣ୍ଣ କାଗଜ ପତ୍ର ସହ କିଛି ଟଙ୍କା ମଧ୍ୟ ଜବତ ହୋଇଥିବା ଜଣାପଡିଛି ।

ମୋଟ ୫ଲକ୍ଷ, ୮୬ହଜାର ନଗଦ ଟଙ୍କା ତାଙ୍କ ନିକଟରୁ ଭିଜିଲାନ୍ସ ଜବତ କରିଥିବା ବେଳେ ଏବେ ଆୟବହିର୍ଭୁତର ଖାନତଲାସୀ ଆରମ୍ଭ ହୋଇଛି । ଥାନାଧିକାରୀ ନାଏକ କାରରେ ଆୟବହିର୍ଭୁତ ଲକ୍ଷାଧିକ ଟଙ୍କା ଧରି ନିଜ ଘରକୁ ଯାଉଥିବା ଖବର ପାଇଁ ସମ୍ବଲପୁର ଭିଜିଲାନ୍ସ ଏସପି ସାରା ଶର୍ମାଙ୍କ ନିର୍ଦ୍ଦେଶରେ ଗତକାଲି ରାତିରେ ଭିଜିଲାନ୍ସ ବିଭାଗ ବରଗଡ ଟୋଲଗେଟ୍ ଠାରେ ଚଢଉ କରି ଲକ୍ଷାଧିକ ଟଙ୍କା ଜବତ ସହ ବିନୋଦ ବିହାରୀଙ୍କୁ ଅଟକ ରଖିଥିଲା । ଟଙ୍କାର ହିସାବ ଦେଇ ନପାରିବାରୁ ବଙ୍ଗୋମୁଣ୍ଡା ଥାନାଧିକାରୀଙ୍କୁ ଗିରଫ କରାଯାଇଛି । ଅଭିଯୁକ୍ତଙ୍କୁ ସମ୍ବଲପୁର ଭିଜିଲାନ୍ସ ଅଫିସରେ ରଖାଯାଇଥିବା ନେଇ ବଲାଙ୍ଗୀର ଭିଜିଲାନ୍ସ ଡିଏସପି ସଦାନନ୍ଦ ପାଣି ସୂଚନା ଦେଇଛନ୍ତି ।

1...5,0125,0135,014...8,106Page 5,013 of 8,106

Latest Stories

Location

Popular Tags

Odisha16659NANDIGHOSHA TV6043INDIA3284BHUBANESWAR3082BJD2151NandighoshaTv2067Naveen Patnaik1914PURI1744BJP1630

Contact us