ନୂଆଦିଲ୍ଲୀ: ଆଜି ଲଞ୍ଚ ହେବ JIO PHONE NEXT । ଏହି ଫୋନ ଜିଓ ଗୁଗୁଲ ସହ ମିଶି ତିଆରି କରିଛି । ତେବେ ଏହି ଫୋନକୁ ଆପଣ ୧୯୯୯ ଟଙ୍କା ଡାଉନ ପେମେଣ୍ଟ ଦେଇ କିଣିପାରିବେ ଏବଂ ଆଉ ବଳକା ଟଙ୍କା ଆପଣ EMI ରେ ଦେବାକୁ ପଡ଼ିବ । ଯଦି ଆପଣ JIO PHONE NEXT ବିନା EMI ରେ କିଣବାକୁ ଚାହିଁବେ ତାହାଲେ ଆପଣଙ୍କୁ ୬ ହଜାର ୪୯୯ ଟଙ୍କା ଦେବାକୁ ପଡ଼ିବ । ଏହି ଫୋନରେ EMI ସହ ଜିଓ କନେକସନରେ ୟୁଜର୍ସଙ୍କୁ ଡାଟା ଓ ଭଏସ କଲିଂର ସୁବିଧା ମଧ୍ୟ ଦେବ ଜିଓ ।
ତେବେ ଆମେ ଏଠାରେ JIO PHONE NEXT ର ଫିଚର ବିଷୟରେ ଯଦି କହିବା ତାହାଲେ ଏହି ଜିଓ ଫୋନରେ ୫.୪୫ ଇଞ୍ଚର HD+ ଡିସପ୍ଲେ ଦିଆଯାଇଛି । ଏହି ସ୍ମାର୍ଟ ଫୋନରେ କ୍ବାଡ କୋର Qualcomm Snapdragon QM-215 ପ୍ରୋସେସର, ୨ ଜିବି ରାମ୍ ଓ ୩୨ ଜିବି ଇନବିଲ୍ଟ ଷ୍ଟୋରଜ ରହିଛି । ତେବେ ଷ୍ଟୋରଜକୁ ମାଇକ୍ରୋ ଏସଡି କାର୍ଡ ସାହାର୍ଯ୍ୟରେ ୫୧୨ ଜିବି ପର୍ଯ୍ୟନ୍ତ ବଢ଼ାଇ ପାରିବେ । ଏହି ସ୍ମାର୍ଟଫୋନରେ ୧୩ ମେଗାପିକ୍ସେଲ ବ୍ୟାକ କ୍ୟାମେରା ଥିବାବେଳେ ସେଲଫି ପାଇଁ ୮ ମେଗାପିକ୍ସେଲ କ୍ୟାମେରା ରହିଛି । ଏହି ଫୋନରେ ୩୫୦୦ MAh ବ୍ୟାଟେରୀ ଦିଆଯାଇଛି । ଏହି JIO PHONE NEXT ମାଇକ୍ରୋ ୟୁଏସବି ଚାର୍ଜର ମାଧ୍ୟମରେ ଚାର୍ଜ ହେବ । ଏହି ଫୋନରେ କନେକ୍ଟିଭିଟି ପାଇଁ ଡୁଆଲ ସିମ୍ 4G ଦିଆଯାଇଛି । ଏହା ସହିତ ଓ୍ବାଇ-ଫାଇ, ବ୍ଲୁଟୁଥ v4.1, ମାଇକ୍ରୋ ୟୁଏସବି ଏବଂ ୩.୫ମିମିର ଏକ ହେଡଫୋନ ଜ୍ୟାକ ଯୋଗାଇ ଦିଆଯାଇଛି । ତେବେ ଏହି ଫୋନ ପ୍ରଗତି ଅପରେଟିଂ ସିଷ୍ଟମରେ କାମ କରିବ । ଏହା ବ୍ୟତୀତ ଏହି ଫୋନରେ ଆଉ କିଛି ଫିଚର ମଧ୍ୟ ରହିଛି ଯେମିତିକି Nearby Share ଓ ଟ୍ରାନ୍ସଲେଟ ଫିଚର ଏଥିରେ ଦିଆଯାଇଛି । ଏହାର କ୍ୟାମେରାରେ ଭାରତ- ଥିମ୍ଡ ସ୍ନାପଚାଟ ଲେନ୍ସ ବ୍ୟବହାର ହୋଇଛି ।
