ନନ୍ଦିଘୋଷ ବ୍ୟୁରୋ: ବଙ୍ଗୋସାଗରରେ ଅବପାତରେ ପରିଣତ ହେଲା ଲଘୁଚାପ କ୍ଷେତ୍ର। ଆସନ୍ତାକାଲି ବାତ୍ୟା ଓ ୧୭ ତାରିଖରେ ଭୀଷଣ ବାତ୍ୟା ସମ୍ଭାବନା ରହିଛି। ପୋର୍ଟ ବ୍ଲେୟାରରୁ ୭୦୦ କିଲୋମିଟର ପଶ୍ଚିମ ଦକ୍ଷିଣ ପଶ୍ଚିମରେ ଅବସ୍ଥିତ ରହିଛି। ସେହିପରି ଚେନ୍ନାଇ ଠାରୁ ୮୬୦ କିମି ପୂର୍ବ ଦକ୍ଷିଣ ପୂର୍ବରେ ଥିବା ବେଳେ, ବିଶାଖାପାଟଣା ଠାରୁ ୧୦୪୦ କିମି ଦକ୍ଷିଣ ଦକ୍ଷିଣ ପୂର୍ବ ଓ ଗୋପାଳପୁର ଠାରୁ ୧୧୬୦ କିଲୋମିଟର ଦକ୍ଷିଣ ଦକ୍ଷିଣ ପୂର୍ବରେ ଅବସ୍ଥିତ ଅଛି। ଏହା ଉତ୍ତର-ପଶ୍ଚିମ ଓ ପରେ ଉତ୍ତର-ଉତ୍ତର ପଶ୍ଚିମ ଦିଗରେ ଗତି କରିବ ବୋଲି ଆକଳନ କରିଛି IMD ।
ତେବେ ବାତ୍ୟାର ଗତିପଥ ଓ ସ୍ଥଳଭାଗ ଛୁଇଁବା ନେଇ ଏଯାଏଁ ସ୍ପଷ୍ଟ ଆକଳନ କରାଯାଇନାହିଁ। ଆଜିଠାରୁ ୧୭ ତାରିଖ ଯାଏଁ ଓଡ଼ିଶାରେ ପାଗ ଶୁଖିଲା ରହିବ। ଗଞ୍ଜାମ, ଗଜପତି, ପୁରୀ ଓ ଖୋର୍ଦ୍ଧାରେ ପ୍ରବଳ ବର୍ଷା ଆଶଙ୍କା ରହିଛି। ୧୯ ତାରିଖରେ ବର୍ଷା ଓ ପବନର ପ୍ରଭାବ ବଢ଼ିବ। ଗଞ୍ଜାମ, ଗଜପତି ଓ ପୁରୀ ଜିଲ୍ଲାକୁ ପ୍ରବଳରୁ ଅତି ପ୍ରବଳ ବର୍ଷା ପାଇଁ ଅରେଞ୍ଜ ଆଲର୍ଟ ଏବଂ ୯ଟି ଜିଲ୍ଲାକୁ ୟେଲୋ ଆଲର୍ଟ ଜାରି ହୋଇଛି। ସେହିପରି ୨୦ ତାରିଖରେ ଗଞ୍ଜାମ, ଗଜପତି ଓ କନ୍ଧମାଳରେ ପ୍ରବଳରୁ ଅତି ପ୍ରବଳ ବର୍ଷା ସହ ଅନ୍ୟ ୧୨ଟି ଜିଲ୍ଲାରେ ପ୍ରବଳ ବର୍ଷା ହୋଇପାରେ।
