କାନପୁର: ସାଧାରଣତଃ ଡାକ୍ତରଙ୍କୁ ଦ୍ବିତୀୟ ଭଗବାନ ବୋଲି ବିଶ୍ବାସ କରାଯାଏ । କିନ୍ତୁ ଉତ୍ତରପ୍ରଦେଶ କାନପୁରରେ ଏମିତି ଏକ ଘଟଣା ଘଟିଛି ଯେଉଁଠାରେ ଡାକ୍ତର ଭଗବାନଙ୍କ ପରିବର୍ତ୍ତେ ପାଲଟି ଯାଇଛି ରାକ୍ଷାସ । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଉତ୍ତରପ୍ରଦେଶ କାନପୁରରେ। ଯେଉଁଠାରେ ଜଣେ ଡାକ୍ତର ତାଙ୍କ ପତ୍ନୀ ଓ ଦୁଇ ସନ୍ତାନଙ୍କୁ ନିର୍ମମ ଭାବରେ ହତ୍ୟା କରିଛନ୍ତି । ସେ ଡାକ୍ତର ଜଣଙ୍କ ହେଉଛନ୍ତି ସୁଶୀଲ କୁମାର। ତିନି ଜଣଙ୍କୁ ହତ୍ୟା କରିବା ପରେ ସୁଶୀଲ ତାଙ୍କ ଭାଇଙ୍କୁ ମେସେଜ୍ କରି ପୋଲିସ ଡାକିବାକୁ କହିଥିଲେ । ତେବେ ତାଙ୍କ ସାନ ଭାଇ ଘଟଣାସ୍ଥଳରେ ପହଞ୍ଚିବା ପୂର୍ବରୁ ଅଭିଯୁକ୍ତ ଡାକ୍ତର ସେଠାରୁ ଫେରାର ହୋଇଯାଇଥିଲା ।
ଘଟଣାସ୍ଥଳରେ ପୋଲିସ ପହଞ୍ଚିବା ପରେ ସେଠାରୁ ଏକ ଚିଠି ଜବତ କରିଥିଲା । ଯେଉଁଥିରେ ସୁଶୀଲ ହତ୍ୟାର କାରଣ କରୋନାର ନୂଆ ଭାରିଆଣ୍ଟ ଓମିକ୍ରନ ବୋଲି ଲେଖିଥିଲେ । ‘ଆଉ ଶବ ଗଣିବାକୁ ପଡ଼ିବ ନାହିଁ’ ବୋଲି ମିଳିଥିବା ଚିଠିରେ ସୁଶୀଲ ଲେଖିଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ତିନୋଟି ଶବକୁ ଜବତ କରି ବ୍ୟବଚ୍ଛେଦ ପାଇଁ ହସ୍ପିଟାଲ ପଠାଇଛି । ସୂଚନା ଅନୁସାରେ ସୁଶୀଲ କିଛି ଦିନ ହେବ ଡିପ୍ରେସନରେ ରହୁଥିଲେ ।
ଡାକ୍ତର ସୁଶୀଲ କୁମାର ଇନ୍ଦିରା ନଗର ଡିବିନିଟୀ ଆପାର୍ଟମେଣ୍ଟରେ ପରିବାର ସହ ରହୁଥିଲେ । ସୁଶୀଲ ତାଙ୍କ ପତ୍ନୀ ଓ ଦୁଇଟି ସନ୍ତାନଙ୍କୁ ହତ୍ୟା କରିବା ପରେ ତାଙ୍କ ଭାଇଙ୍କୁ ମେସେଜ୍ କରି କହିଥିଲେ କି ମୁଁ ଡିପ୍ରେସନରେ ଆସି ମୋ ସ୍ତ୍ରୀ ଓ ଦୁଇ ପୁଅ ଝିଅଙ୍କୁ ହତ୍ୟା କରିଛି । ତେବେ ଏପରି ମେସେଜ୍ ପାଇବା ପରେ ତାଙ୍କ ଭାଇ ଯେତେବେଳେ ଘଟଣାସ୍ଥଳରେ ପହଞ୍ଚିଥିଲେ ତେବେ ଦେଖିବାକୁ ପାଇଲେ କି ତାଙ୍କ ଭାଉଜ ଚନ୍ଦ୍ର ପ୍ରଭା (୪୮), ପୁଅ ଶିଖର (୧୮) ଏବଂ ନାବାଳିକ ଝିଅ ଯିଏକି ଦଶମ ଶ୍ରେଣୀରେ ପଢ଼ୁଥିଲେ ତାଙ୍କର ହତ୍ୟା ହୋଇଛି ।
ଡାକ୍ତର ସୁଶୀଲ ତାଙ୍କ ଚିଠିରେ ଲେଖିଛନ୍ତି ସେ ଏକ ରୋଗରେ ପୀଡିତ ଅଛନ୍ତି । ଏପରି ସ୍ଥିତିରେ ସେ ତାଙ୍କ ପରିବାରକୁ କଷ୍ଟରେ ଛାଡିବାକୁ ଚାହୁଁନଥିଲେ । ମୁଁ ସମସ୍ତଙ୍କୁ ମୁକ୍ତପଥରେ ଛାଡି ଦେଇଛି । ସବୁ କଷ୍ଟ ଗୋଟିଏ ମୂହୁର୍ତ୍ତରେ ଦୂର କରିଦେଲି । ସୁଶୀଲ ତାଙ୍କ ଚିଠିରେ ଓମିକ୍ରନ୍ ଭାରିଆଣ୍ଟ କଥା ମଧ୍ୟ ଉଲ୍ଲେଖ କରିଛନ୍ତି । ଏବେ ଆଉ ଶବ ଗଣିବାକୁ ପଡ଼ିବ ନାହିଁ, କାହିଁକି ନା ଓମିକ୍ରନ୍ ସମସ୍ତଙ୍କୁ ମାରିଦେବ ବୋଲି ଚିଠିରେ ଲେଖିଛନ୍ତି ସୁଶୀଲ । ତେବେ ଏହି ହତ୍ୟାକଣ୍ଡ ପରେ ପୋଲିସ ଅଭିଯୁକ୍ତ ସୁଶୀଲଙ୍କୁ ଧରିବା ପାଇଁ ପ୍ରୟାସ ଜାରି ରଖିଛି ।
