ଭୁବନେଶ୍ୱର: ଭଦ୍ରକରେ ମଉଳି ମଉଳି ଯାଉଛି ପଦ୍ମ । ବିଜେପି ଛାଡି ଆଜି ଶଙ୍ଖ ଧରିଛନ୍ତି ଶତାଧିକ ବିଜେପି ନେତା ଓ କର୍ମୀ । ବିଜେପିର କାର୍ଯ୍ୟଶୈଳୀରେ ଅସନ୍ତୋଷ ପ୍ରକାଶ କରି ସେମାନେ ଆଜି ବିଜେଡିରେ ଯୋଗ ଦେଇଛନ୍ତି । ଦୀର୍ଘ ଦିନ ଧରି ଦଳରେ କାମ କରିଆସୁଥିବା କାର୍ଯ୍ୟକର୍ତ୍ତାମାନଙ୍କୁ ଅବହେଳା କରାଯାଉଥିବାରୁ ଦଳ ଛାଡିଥିବା କହିଛନ୍ତି ଦଳ ଛାଡିଥିବା ନେତା ଓ କର୍ମୀ । ମିଶ୍ରଣ ଉତ୍ସବରେ ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଉପସ୍ଥିତ ରହି ସମସ୍ତଙ୍କୁ ସ୍ୱାଗତ କରିଥିଲେ । ଏଥି ସହି ଦଳରେ ଉଚିତ ଆଦର ଓ ସମ୍ମାନ ମିଳିବ ବୋଲି ଏ ଅବସରରେ କହିଛନ୍ତି ପ୍ରଣବ ପ୍ରକାଶ ଦାସ । ଏହି ମିଶ୍ରଣ କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଭଦ୍ରକ ଜିଲ୍ଲା ପର୍ଯ୍ୟବେକ୍ଷକ ପ୍ରଣବ ବଳବନ୍ତରାୟ, ଭଦ୍ରକ ବିଧାୟକ ସଞ୍ଜୀବ ମଲ୍ଲିକ ପ୍ରମୁଖ ଉପସ୍ଥିତ ଥିଲେ ।
ନକଲି ବାହାଘର କରି ଠକିନେଲେ ୩୦ କୋଟି: ଜାଣନ୍ତୁ କିଭଳି
ଭୋପାଳ: ନକଲି ବାହାଘର, ଅସଲି ଲୁଟ୍ । କରୋନା କାଳରେ ନକଲି ବାହାଘରର ପ୍ରମାଣପତ୍ର ଦେଖାଇ କୋଟି କୋଟି ଟଙ୍କା ହରିଲୁଟ୍ । ଏଭଳି କରାନାମାର ମୁଖ୍ୟ କାର୍ପଟଦାରକୁ ଗିରଫ କରିଛି ପୋଲିସ । ଅଭିଯୁକ୍ତମାନେ ମୁଖ୍ୟମନ୍ତ୍ରୀ କନ୍ୟାଦାନ ଯୋଜନା ଅନୁଯାୟୀ ନକଲି ବାହାଘର ଦେଖାଇ ଟଙ୍କା ଠକି ନେଇଛନ୍ତି । ବିଦିଶା ଜିଲ୍ଲାର ମିରୋଜ ଜନପଦ ପଞ୍ଚାୟତ ସିଇଓ ଶୋଭିତ ତ୍ରିପାଠୀଙ୍କୁ ରାଜ୍ୟ ଅର୍ଥନୈତିକ ଅପରାଧ ଶାଖା (ଇଓଡବ୍ଳ୍ୟୁ) ଗୁରୁବାର ଗିରଫ କରିଛି । ଅଭିଯୋଗ ହୋଇଛି ଯ, ନକଲି ବାହାଘର ଦେଖାଇ ସେମାନେ ୩୦ କୋଟି ଟଙ୍କାରୁ ଅଧିକ ଲୁଟ କରିନେଇଛନ୍ତି । ଶୋଭିତ ତ୍ରିପାଠୀ ମନ୍ତ୍ରୀ ଗୋପାଳ ଭାର୍ଗବଙ୍କ ସଢୁ ।
ବିଦିଶା ଜିଲ୍ଲାର ସିରୋଜ ଜନପଦ ପଞ୍ଚାୟତରେ କରୋନା କାଳରେ ୫ହଜାର ୯୨୩ ବିବାହ ମାମଲାକୁ ସ୍ୱୀକୃତି ପ୍ରଦାନ କରାଯିବା ସହ ୩୦ କୋଟି ୧୮ ଲକ୍ଷ ୩୯ ହଜାର ଟଙ୍କାର ପେମେଣ୍ଟ ଦିଆଯାଇଛି । ଏହାକୁ ନେଇ ବିଧାନସଭାର ଶୀତକାଳୀନ ଅଧିବେଶନରେ ସିରୋଜରୁ ଭାଜପା ବିଧାୟକ ଉମାକାନ୍ତ ଶର୍ମା ପ୍ରଶ୍ନ ଉଠାଇଥିଲେ। ବିଧାନସଭା ଅଧ୍ୟକ୍ଷ ଗିରିଶ ଗୌତମ ଶ୍ରମ ମନ୍ତ୍ରୀ ବୃଜେନ୍ଦ୍ର ସିଂହଙ୍କୁ ତଦନ୍ତ ଯାଞ୍ଚ ଆଦେଶ ଦେଇଥିଲେ । ମୁଖ୍ୟମନ୍ତ୍ରୀ ଶିବରାଜ ସିଂହ ଚୈହାନ ଘଟଣାକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି । ଏହା ସହିତ ସିଇଓ ଶୋଭିତ ତ୍ରିପାଠୀଙ୍କୁ ନିଲମ୍ୱିତ କରିଦେଇଛନ୍ତି ।
ତେବେ ଏହି ଠକେଇରେ ଏଭଳି କିଛି ଲୋକେ ମଧ୍ୟ ସାମିଲ ଥିଲେ ଯାହାଙ୍କ ବାହାଘର ପୂର୍ବରୁ ହୋଇସାରିଥିଲା । ତାଙ୍କ ନାମରେ ମଧ୍ୟ ସରକାରୀ ସହାୟତା ରାଶି ଉଠାଯାଇଛି । ଏହି ଟଙ୍କା ମୁଖ୍ୟମନ୍ତ୍ରୀ ବିବାହ ଯୋଜନା ଅଧିନରେ ବାହାର କରାଯାଇଥିଲା ।
ତେବେ ତଦନ୍ତକାରୀ ସଂସ୍ଥାକୁ ମିଳିଥିବା ସାକ୍ଷ୍ୟରେ ସିରୋଜରେ ବର୍ଷ ୨୦୧୯ଠାରୁ ୨୦୨୧ ମଧ୍ୟରେ ୫୯୨୩ ବାହାଘର ହୋଇଛି । ସମସ୍ତ ହିତାଧିକାରୀଙ୍କୁ ୫୧-୫୧ ହଜାର ବିତରିତ କରାଯାଇଥିଲା । ଇଓଡବ୍ଳ୍ୟୁ ଯାଞ୍ଚ କରିବାରୁ ଜଣାପଡ଼ିଲା ଯେ, କରୋନା ସମୟରେ ଏସ୍ଡିଏମ୍ ୩୫୦୦ ବାହାଘର ନାମରେ ଟଙ୍କା ବାହାର କରିଛନ୍ତି ।
୨୭ବର୍ଷୀୟ ଯୁବକଙ୍କ ୩ଝିଅଙ୍କ ହୋଇଥିଲା ବାହାଘର
ତଦନ୍ତ ବେଳେ ଜଣାପଡ଼ିଛି ଯେ, ୨୭ ବର୍ଷର ଯୁବକଙ୍କ ୩ ଝିଅଙ୍କ ବାହାଘର କରାଯାଇଛି । ତିନ ଜଣଙ୍କ ନାମରେ ୫୧-୫୧ ହଜାର ଟଙ୍କା ମଞ୍ଜୁର ହୋଇଛି । କିଛି ଏଭିଳ ଲୋକେ ମଧ୍ୟ ସାମ୍ନାକୁ ଆସିଛନ୍ତି, ଯେଉଁମାନେ ସହାୟତା ନେଇ ଆବେଦନ ମଧ୍ୟ କରିନାହାନ୍ତି । କିଛି ହିତାଧିକାରୀଙ୍କ କାଗଜପତ୍ର ମଧ୍ୟ ମିଳିପାରିନାହିଁ । ଘଟଣା ସାମ୍ନାକ ଆସିବା ପରେ ଅଧିକାରୀଙ୍କୁ ଠକେଇ ସମ୍ପର୍କିତ କାଗଜପତ୍ର ଗାୟବ କରିଦିଆଯାଇଛି । ଏସଡିଏମ୍ଙ୍କ ବ୍ୟତୀତ ଅନ୍ୟ କର୍ମଚାରୀଙ୍କ ମଧ୍ୟ ଭୂମିକା ନେଇ ଯାଞ୍ଚ କରାଯିବ ।
ଏଥିସହିତ ପଢ଼ନ୍ତୁ: ଗ୍ୟାସ୍ ଉପଭୋକ୍ତାଙ୍କ ପାଇଁ ଖୁସି ଖବର: ୬୩୪ଟଙ୍କାରେ ମିଳୁଛି ଏଲ୍ପିଜି ସିଲିଣ୍ଡର
ଅଣ୍ଡର-୧୯ ଫାଇନାଲ ଫାଇଟ ପୂର୍ବରୁ ଯୁବ ଖେଳାଳିଙ୍କୁ ଗୁରୁମନ୍ତ୍ର ଦେଲେ ବିରାଟ
ନୂଆଦିଲ୍ଲୀ: ଭାରତ ପୁଣି ଥରେ ଅଣ୍ଡର-୧୯ ବିଶ୍ୱକପରେ ତା’ର ସ୍ଥାନ ପକ୍କା କରିଛି । ଅଷ୍ଟ୍ରେଲିଆକୁ ୯୪ ରନରେ ପରାସ୍ତ କରି ଲଗାତର ଚତୁର୍ଥ ଥର ପାଇଁ ଅଣ୍ଡର-୧୯ ବିଶ୍ୱକପ ଫାଇନାଲରେ ନିଜ ସ୍ଥାନ ପକ୍କା କରିଛି ଟିମ୍ ଇଣ୍ଡିଆ । ଶନିବାର ଖେଳାଯିବାକୁ ଥିବା ଫାଇନାଲ ମୁକାବିଲାରେ ଭାରତ ଇଂଲଣ୍ଡକୁ ଭେଟିବ । ତେବେ ଶନିବାର ଫାଇନାଲ ଫାଇଟ ପୂର୍ବରୁ ଅଣ୍ଡର-୧୯ ଦଳର ଖେଳାଳିଙ୍କ ସହ ଆଲୋଚନା କରିଛନ୍ତି ଭାରତୀୟ ଦଳର ପୂର୍ବତନ ଅଧିନାୟକ ବିରାଟ କୋହଲି ।
ଅଣ୍ଡର-୧୯ ଦଳର ସଦସ୍ୟ କୌଶଳ ତାମ୍ବେ ଓ ରାଜବର୍ଦ୍ଧନ ହାଙ୍ଗରଗେକର ବିରାଟଙ୍କ ସହ କଥା ହୋଇଥିଲେ । ଯାହା ଫଟୋ ସେମାନେ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ପ୍ରଦାନ କରିଥିଲେ । କୌଶଲ ତାମ୍ବେ ବିରାଟଙ୍କୁ ମହାନ ଖେଳାଳି କହିବା ସହ ଫାଇନାଲ ମ୍ୟାଚରେ ବିରାଟ କୋହଲିଙ୍କ ଟିପ୍ସ ଭଲ କାମ ଦେବ ବୋଲି କହିଛନ୍ତି । ସେହିପରି ରାଜବର୍ଦ୍ଧନ ଲେଖିଥିଲେ ବିରାଟ ଭାଇଙ୍କ ସହ କଥା ହୋଇ ଭଲ ଲାଗୁଛି । ସେ ନିଜ ଜୀବନ ଓ କ୍ରିକେଟ ବାବଦରେ ଅନେକ କିଛି କହିଥିଲ । ଯାହା ସେମାନଙ୍କୁ ଅନେକ ସାହାର୍ଯ୍ୟ କରିବ ବୋଲି ସେ ଲେଖିଥିଲେ ।
ବିରାଟ କୋହଲି ୨୦୦୮ରେ ଅଣ୍ଡର-୧୯ ବିଶ୍ୱକପ ଜିତିସାରିଛନ୍ତି । ୨୦୦୮ରେ ବିରାଟ କୋହଲିଙ୍କ ନେତୃତ୍ୱରେ ଭାରତ ଅଣ୍ଡର-୧୯ ଟ୍ରଫି ଜିତିଥିଲା । ତେବେ ଚଳିତ ଅଣ୍ଡର-୧୯ ବିଶ୍ୱକପରେ ଭାରତ ଫାଇନାଲ ଟିକେଟ ହାତେଇଛି । ସେମିଫାଇନାଲ ମୁକାବିଲାରେ ଅଷ୍ଟ୍ରେଲିଆକୁ ୯୪ ରନରେ ପରାସ୍ତ କରି ଫାଇନାଲରେ ନିଜ ସ୍ଥାନ ପକ୍କା କରିଛି । ଫାଇନାଲ ଫାଇଟରେ ଶନିବାର ଭାରତ ଇଂଲଣ୍ଡକୁ ଭେଟିବ । ଏହି ମ୍ୟାଚକୁ ଜିତି ଭାରତ ପଞ୍ଚମ ଥର ପାଇଁ ଟ୍ରଫି ଜିତିବାକୁ ଚେଷ୍ଟା କରିବ ବ୍ଲୁ ବ୍ରିଗେଡ ।
ଗ୍ୟାସ୍ ଉପଭୋକ୍ତାଙ୍କ ପାଇଁ ଖୁସି ଖବର: ୬୩୪ଟଙ୍କାରେ ମିଳୁଛି ଏଲ୍ପିଜି ସିଲିଣ୍ଡର
ନୂଆଦିଲ୍ଲୀ: ଦେଶର ସରକାରୀ ତୈଳ କମ୍ପାନୀ ଆପଣଙ୍କ ପାଇଁ ଶସ୍ତା ଦାମ୍ରେ ଗ୍ୟାସ୍ ସିଲିଣ୍ଡର ପାଇବାର ଏକ ବିକଳ୍ପ ଆଣିଦେଇଛନ୍ତି । ଯଦି ଆପଣ ସବୁଦିନ ବଢ଼ୁଥିବା ଗ୍ୟାସ୍ ସିଲିଣ୍ଡରର ଦରକୁ ନେଇ ବିରକ୍ତ ହୋଇଗଲେଣି । ତେବେ ଆପଣଙ୍କ ପାଇଁ ଖୁସି ଖବର । ଆପଣ ମାତ୍ର ୬୩୩.୪ ଟଙ୍କାରେ ପାଇପାରିବେ ରନ୍ଧନ ଗ୍ୟାସ୍ ।
ତେବେ ଜାଣନ୍ତୁ ଆପଣ କମ୍ ଟଙ୍କାରେ କିଭଳି ପାଇପାରିବେ ରନ୍ଧନ ଗ୍ୟାସ୍
ଭାରତୀୟ ଗ୍ରାହକଙ୍କ ଆବଶ୍ୟକତାକୁ ନଜରରେ ରଖି କମ୍ପୋଜିଟ୍ ସିଲିଣ୍ଡର ନେଇ ଆସିଛନ୍ତି କମ୍ପାନୀମାନେ । ଯାହାକୁ ଆପଣ କେବଳ ୬୩୩.୫ ଟଙ୍କା କିଣିପାରିବେ । ଯାହାକୁ ଆପଣ ଗୋଟିଏ ଜାଗାରୁ ଅନ୍ୟ ଜାଗାକୁ ସହଜରେ ନେଇପାରିବେ । ଯଦି ଛୋଟ ପରିବାର ହୋଇଥିବ ତେବେ ଏହା ଆପଣଙ୍କ ପାଇଁ ଭଲ ବିକଳ୍ପ ହୋଇପାରେ ।
କମ୍ପୋଜିଟ୍ ସିଲିଣ୍ଡରର ଓଜନ ପ୍ରାୟ ୧୦କେଜି ହୋଇଥାଏ । ଏହି କାରଣରୁ ସିଲିଣ୍ଡର ଦାମ୍ କମ୍ ହୋଇଥାଏ । ଇଣ୍ଡିଆନ ଅଏଲ ପକ୍ଷରୁ କୁହାଯାଇଛି ଯେ, କମ୍ପୋଜିଟ୍ ବାଲା ସିଲିଣ୍ଡର ଏବେ ୨୮ ସହରରେ ଉପଲବ୍ଧ । କିନ୍ତୁ ଏହା ବହୁତ ଶୀଘ୍ର ଅନ୍ୟ ସହରରେ ମଧ୍ୟ ଉପଲବ୍ଧ ହେବ । ଆଇଓସିଏଲ୍ ଓ୍ୱେବସାଇଟ୍ ଅନୁଯାୟୀ ଏହି ସିଲିଣ୍ଡର ମୁମ୍ୱାଇରେ ୬୩୪ ଟଙ୍କା, କୋଲକାତାରେ ୬୫୨ ଟଙ୍କା, ଚେନ୍ନାଇ ୬୪୫ ଟଙ୍କା, ଲକ୍ଷ୍ଣୌରେ ୬୬୦ ଟଙ୍କା, ଇନ୍ଦୋରରେ ୬୫୩ ଟଙ୍କା, ଭୋପାଳରେ ୬୩୮ ଏବଂ ଗୋରଖପୁରରେ ୬୭୭ ଟଙ୍କା ରହିଛି । ୧୪.୨ କିଲୋ ବିଶିଷ୍ଟ ସିଲିଣ୍ଡରର ମୂଲ୍ୟରେ କୌଣସି ପରିବର୍ତ୍ତନ ହୋଇନାହିଁ । ଦିଲ୍ଲୀରେ ୧୪.୨ କିଲୋ ବିଶିଷ୍ଟ ସିଲିଣ୍ଡରର ଦରରେ କୌଣସି ପରିବର୍ତ୍ତନ କରାଯାଇନାହିଁ ।
ସଂସଦରେ ବିଜେଡି ଦୋହରାଇଲା ଦାବି
ନୂଆଦିଲ୍ଲୀ: ରାଜ୍ୟସଭାରେ ପୁଣି ଉଠିଲା ଉଷୁନା ଚାଉଳ ପ୍ରସଙ୍ଗ । ସାଂସଦ ସସ୍ମିତ ପାତ୍ର, ଅମର ପଟ୍ଟନାୟକ, ପ୍ରସନ୍ନ ଆଚାର୍ଯ୍ୟ ଓ ପ୍ରଶାନ୍ତ ନନ୍ଦ ଶୂନ୍ୟକାଳରେ ଉଷୁନା ଚାଉଳ ପ୍ରସଙ୍ଗରେ ପୁଣି ଦାବି ଉଠାଇଛନ୍ତି । ରାଜ୍ୟରେ ଥିବା ବଳକା ଉଷୁନା ଚାଉଳ ଏଫସିଆଇ ଉଠାଉନି । ଯାହା ଫଳରେ ରାଜ୍ୟର ବହୁ ଚାଷୀ ପ୍ରଭାବିତ ହେଉଛନ୍ତି । ଏହାପୂର୍ବରୁ ଉଷୁନା ଚାଉଳ ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବି କେନ୍ଦ୍ର ସରକାରଙ୍କୁ ଚିଠି ଲେଖିଥିଲେ । କିନ୍ତୁ କେନ୍ଦ୍ର ସରକାର ରାଜ୍ୟ ସରକାରଙ୍କ ଦାବି ଗ୍ରହଣ କରୁନଥିବାରୁ ବିଜେଡି ସାଂସଦମାନେ ଅସନ୍ତୋଷ ପ୍ରକାଶ କରିଛନ୍ତି ।
ବିଜେଡି ସାଂସଦମାନେ ଦର୍ଶାଇଛନ୍ତି ଓଡ଼ିଶାରେ ବର୍ଷକୁ ବର୍ଷ ଅଧିକ ଧାନ ଉତ୍ପାଦନ ହେଉଛି । ଫଳରେ ସରକାର ଚାଷୀଙ୍କ ସ୍ୱାର୍ଥ ପାଇଁ ଉତ୍ପାଦିତ ଧାନର ଉଚିତ୍ ମୂଲ୍ୟ ଦେବାକୁ ଅଧିକ ଧାନ ସଂଗ୍ରହିତ କରୁଛନ୍ତି । ଯାହା ଫଳରେ ଅଧିକରୁ ଅଧିକ ଉଷୁନା ଚାଉଳ ମହଜୁଦ ରହିଛି । ମାତ୍ର ଏଫସିଆଇ ଏହି ବଳକା ଉଷୁନା ଚାଉଳ ଉଠାଣ କରୁନଥିବାରୁ ରାଜ୍ୟର ଚାଷୀ କୂଳ ବହୁଳ ମାତ୍ରାରେ ପ୍ରଭାବିତ ହେଉଛନ୍ତି । କେନ୍ଦ୍ର ସରକାର ଏ ପ୍ରସଙ୍ଗରେ ତୁରନ୍ତ ହସ୍ତକ୍ଷେପ କରିବାକୁ ବିଜେଡି ସାଂସଦମାନେ ଶାଣିତ ସ୍ୱରରେ ସଂସଦରେ ଦାବି ରଖିଛନ୍ତି ।
ନିର୍ବାଚନ ପୂର୍ବରୁ ଚନ୍ନିଙ୍କୁ ଝଟକା, ମନି ଲଣ୍ଡରିଂ ମାମଲାରେ ଚନ୍ନିଙ୍କ ପୁତୁରାଙ୍କୁ ଗିରଫ କଲା ED
ଚଣ୍ଡିଗଡ଼: ନିର୍ବାଚନ ପୂର୍ବରୁ ପଞ୍ଜାବ ମୁଖ୍ୟମନ୍ତ୍ରୀଙ୍କ ଅଡୁଆ ବଢ଼ିଲା । ବେଆଇନ ଲଘୁ ଖଣିଜ ଚାଲାଣ ଓ ଟଙ୍କା ହେରଫେର ମାମଲାରେ ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ୍ ସିଂ ଚନ୍ନିଙ୍କ ପୁତୁରାଙ୍କୁ ଗିରଫ କରିଛି ED । ଗତକାଲି ଚନ୍ନିଙ୍କ ପୁତୁରା ଭୁପିନ୍ଦର ସିଂ ହନିଙ୍କୁ ୮ ଘଣ୍ଟା ଧରି ପଚରା ଉଚରା କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ । ଏହାପରେ ତାଙ୍କୁ ଗିରଫ କରାଯାଇଛି । ବେଆଇନ ବାଲି ଚାଲାଣ ଓ ମନି ଲଣ୍ଡରିଂ କେସରେ ଭୁପିନ୍ଦରଙ୍କ ବାସଭବନ ସମେତ ଅନ୍ୟ କେତେକ ସ୍ଥାନରେ ଚଢ଼ାଉ ହୋଇଥିଲା । ଚଢ଼ାଉ ବେଳେ ଅନେକ ବେଆଇନ କାଗଜପତ୍ର ଜବତ କରିବା ସହ ପ୍ରାୟ ୮ କୋଟି ଟଙ୍କା ଜବତ କରିଯାଇଥିଲା ।
Punjab CM Charanjit Singh Channi's nephew Bhupinder Singh Honey arrested by Enforcement Directorate (ED) from Jalandhar on Thursday evening following day-long questioning in an illegal sand mining case: Sources
— ANI (@ANI) February 4, 2022
ଅନ୍ୟପକ୍ଷରେ ଚନ୍ନିଙ୍କ ପୁତୁରାଙ୍କ ଗିରଫଦାରୀକୁ ନେଇ କେନ୍ଦ୍ରକୁ ଟାର୍ଗେଟ କରିଛନ୍ତି ଶିବସେନା ସାଂସଦ ପ୍ରିୟଙ୍କା ଚତୁର୍ବେଦୀ । କେନ୍ଦ୍ର ଉପରେ ଆଞ୍ଚ ଆସିଲେ ଇଡିର ଯାଞ୍ଚ ହୁଏ । କେନ୍ଦ୍ରୀୟ ତଦନ୍ତକାରୀ ସଂସ୍ଥାକୁ କେନ୍ଦ୍ର ସରକାର ବିରୋଧୀଙ୍କ ମୁହଁ ବନ୍ଦ କରିବାକୁ ବ୍ୟବହାର କରିଥାନ୍ତି ବୋଲି କହିଛନ୍ତି ପ୍ରିୟଙ୍କା ଚର୍ତ୍ତୁର୍ବେଦୀ ।
ଆମେରିକାକୁ ଟକ୍କର ଦେବାକୁ ପ୍ରସ୍ତୁତ ହେବ ବ୍ଳୁ-ପ୍ରିଣ୍ଟ: ବିଧିବଦ୍ଧ ଭାବେ ହାତ ମିଳାଇବେ ୨ସୁପରପାଓ୍ୱର
ନୂଆଦିଲ୍ଲୀ: ୟୁକ୍ରେନ ପ୍ରସଂଗରେ ଆଜି ବିଧିବଦ୍ଧ ହାତ ମିଳାଇବେ ଦୁଇ ସୁପରପାଓ୍ୱାର ଋଷ ଓ ଚୀନ । ଆମେରିକାକୁ ଟକ୍କର ଦେବାକୁ ବ୍ଲୁ-ପ୍ରିଣ୍ଟ ପ୍ରସ୍ତୁତ କରିବେ ଚୀନ ରାଷ୍ଟ୍ରପତି ସି ଜିନପିଙ୍ଗ ଓ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ । ୟୁକ୍ରେନ ସଂକଟ ପରଠାରୁ ପ୍ରଥମ ଥର ଲାଗି ବେଜିଂରେ ଖୋଲାଖୋଲି ହାତ ମିଳାଇବେ ଦୁଇ ଟପ୍ ଲିଡର । ନିରାପତ୍ତା ଓ ଅନ୍ୟାନ୍ୟ ପ୍ରସଙ୍ଗରେ ଜିନପିଙ୍ଗ ଓ ପୁଟିନ ଜାରି କରିବେ ନୂଆ ଘୋଷଣାନାମା ।
ଏହି ଘୋଷଣାନାମା ପରେ ଉଭୟେ ଅଲିମ୍ପିକ ଉଦଘାଟନୀ ଉତ୍ସବରେ ସାମିଲ ହେବେ । ଗୁରୁତ୍ୱପୂର୍ଣ୍ଣ କଥା ହେଉଛି ଅଲିମ୍ପିକ ଉତ୍ସବରେ ଯୋଗଦେବା କ୍ଷେତ୍ରରେ ପ୍ରଥମ ବୈଦେଶିକ ନେତା ହେଉଛନ୍ତି ପୁଟିନ୍ । ନିଜର ନିକଟତମ ବନ୍ଧୁ ବୋଲି ଜିନପଙ୍ଗଙ୍କୁ ସମ୍ବୋଧନ କରି ପୁଟିନ କହିଛନ୍ତି ଦୁଇ ରାଷ୍ଟ୍ର ମଧ୍ୟରେ ଏହି ସମ୍ପର୍କ ଏକ ଆଦର୍ଶଗତ ପ୍ରତିଫଳନ । ସେପଟେ ଋଷ ବିରୋଧରେ ଲଢିବା ଲାଗି କ୍ରୋଏସିଆକୁ ଆମେରିକା ଯୋଗାଇଛି ଦୁଇ ଶକ୍ତିଶାଳୀ UH-60M ବ୍ଲାକ ହକ୍ ମିଲିଟାରୀ ହେଲିକପ୍ଟର । ଫଳରେ ୟୁରୋପରେ ଖୋଲାଖୋଲି ଆରମ୍ଭ ହୋଇଛି ଆର୍ମସ ରେସ୍ । ଏହି ହେଲିକପ୍ଟରର ସୈନ୍ୟ ଓ ବିପୁଳ ଅସ୍ତ୍ରଶସ୍ତ୍ର ପରିବହନ କରିବାର କ୍ଷମତା ରହିଛି । ଏହା ସହ କ୍ରୋଏସିଆକୁ ଆମେରିକା 89ଟି ବ୍ରାଡଲି ଫାଇଟିଂ ଭେଇକଲ ବିକିବ ବୋଲି ଘୋଷଣା କରାଯାଇଛି । ସେପଟେ କ୍ରୋଏସିଆକୁ ବିରୋଧ କରି ଋଷଠାରୁ ବହୁ ଯୁଦ୍ଧାସ୍ତ୍ର, ଡ୍ରୋନ, ବିମାନ ବିଧ୍ୱଂସୀ ସିଷ୍ଟମ ହାସଲ କରିଛି ସର୍ବିଆ । ସହଯୋଗୀ ରାଷ୍ଟ୍ର ବେଲାଋଷକୁ ଋଷ ପଠାଇଛି 30,000 ସୈନ୍ୟ ।
ଗିରଫ ଭୟରେ ଆଗୁଆ ଜାମିନ ଆବେଦନ କଲେ ବିଶ୍ୱେଶ୍ୱର ଟୁଡୁ ଓ ଜୁଏଲ ଓରାମ
କଟକ: ଜାମିନ ପାଇଁ ହାଇକୋର୍ଟରେ ମନ୍ତ୍ରୀ ଓ ସାଂସଦ । ଗିରଫଦାରୀ ଭୟରେ ହାଇକୋର୍ଟରେ ଆଗୁଆ ଜାମିନ ଆବେଦନ କଲେ କେନ୍ଦ୍ରମନ୍ତ୍ରୀ ବିଶ୍ୱେଶ୍ୱର ଟୁଡୁ । ଅନ୍ୟପକ୍ଷରେ ପୂର୍ବତନ କେନ୍ଦ୍ରମନ୍ତ୍ରୀ ଓ ସାଂସଦ ଜୁଏଲ ଓରାମଙ୍କୁ ସର୍ତ୍ତମୂଳକ ଜାମିନ ମିଳିଛି । ମୟୂରଭଞ୍ଜ ଜିଲ୍ଲାର ଦୁଇ ସରକାରୀ କର୍ମଚାରୀଙ୍କୁ ଦଳୀୟ କାର୍ଯ୍ୟାଳୟରେ ଗାଳିଗୁଲଜ ଓ ମାଡ଼ ମାରିଥିବା ଅଭିଯୋଗରେ ବିଶ୍ୱେଶ୍ୱର ଟୁଡୁଙ୍କ ନାଁରେ ବାରିପଦା ଟାଉନ ଥାନାରେ ଜାନୁଆରୀରେ ଏତଲା ହୋଇଥିଲା । ଜିଲ୍ଲା କାର୍ଯ୍ୟାଳୟରେ ଜିଲ୍ଲା ଯୋଜନା ଓ ପର୍ଯ୍ୟବେକ୍ଷଣ ବିଭାଗର ଉପ ନିର୍ଦ୍ଦେଶକ ଅସ୍ୱିନୀ କୁମାର ମଲ୍ଲିକ ଓ ସହକାରୀ ନିର୍ଦ୍ଦେଶକଙ୍କୁ କେନ୍ଦ୍ରମନ୍ତ୍ରୀ ଅସଭ୍ୟ ଭାଷାରେ ଗାଳି ସହ ପ୍ଲାଷ୍ଟିକ ଚେୟାରରେ ପିଟିଥିବା ଅଭିଯୋଗ ହୋଇଥିଲା । ପୋଲିସ ତଦନ୍ତ ଜାରି ରିହଥିବା ବେଳେ ଗିରଫ ହେବା ଭୟ ବିଶ୍ବେଶ୍ବର ତେଣୁ ଆଗୁଆ ଜାମିନ ଆବେଦନ କରିଛନ୍ତି ।
ଅନ୍ୟପକ୍ଷରେ ପୂର୍ବତନ କେନ୍ଦ୍ରମନ୍ତ୍ରୀ ତଥା ସୁନ୍ଦରଗଡ଼ ସାଂସଦ ଜୁଏଲ ଓରାମଙ୍କୁ ମିଳିଛି ଆଗୁଆ ସର୍ତ୍ତମୂଳକ ଜାମିନ୍ । ଦଳର ମହିଳା କର୍ମୀ ଗୌରୀ ମୁଣ୍ଡାରୀଙ୍କୁ ଅଶାଳୀନ ଭାଷାରେ ଦୁର୍ବ୍ୟବହାର ଅଭିଯୋଗରେ ଝିରପାଣି ଥାନାରେ ଏତଲା ପରେ ପୋଲିସ ତଦନ୍ତ ଜାରି ରହିଛି । ତେଣୁ ଗିରଫ ହେବା ଭୟରେ ହାଇକୋର୍ଟରେ ଆଗୁଆ ଜାମିନ ଆବେଦନ କରିଥିଲେ ଜୁଏଲ ଓରାମ । ତାଙ୍କୁ ସର୍ତ୍ତମୂଳକ ଜାମିନ ମିଳିଛି । ମାମଲା ରୁଜୁ ହେବା ଦିନଠାରୁ ଜୁଏଲଙ୍କ ପ୍ରତିକ୍ରିୟା ମିଲିପାରିନି ।
କାମାକ୍ଷାନଗରରେ ହାତୀ ଆତଙ୍କ, ନାବାଳକ ଶିଶୁ ପୁତ୍ରଙ୍କୁ ଦଳିଦେଲା ଦନ୍ତା
ଢେଙ୍କାନାଳ: ରାତି ଅଧରେ ତାଣ୍ଡବ ରଚିଲା ହାତୀ । ଘର ବାରଣ୍ଡାରେ ଶୋଇଥିବାବେଳେ ଦଳିଦେଲା ହାତୀ । ଦନ୍ତା ଆକ୍ରମଣରେ ନାବାଳକଙ୍କ ମୃତ୍ୟୁ ହୋଇଥିବାବେଳେ ତାଙ୍କ ବାପା ଗୁରୁତର ଭାବରେ ମେଡିକାଲରେ ଚିକିତ୍ସା ହେଉଛନ୍ତି । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଢେଙ୍କାନାଳ ବନଖଣ୍ଡ କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ ଅଁଳାବେରେଣି ଫରେଷ୍ଟ ସେକ୍ସନ ଅନ୍ତର୍ଗତ ମହୁଲଡଗର ଗାଁରେ । ମୃତ ନାବାଳକ ହେଲେ ରସାନନ୍ଦ ଜେରେଇଙ୍କ ପୁଅ ହେଲେ ରିଶି ଜେରେଇ ।
ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ଗୋଠଛଡା ଦନ୍ତା ଘର ଭାଙ୍ଗି ଆକ୍ରମଣ କରିଥିଲା । ପ୍ରଥମେ ରସାନନ୍ଦଙ୍କୁ ଶୁଣ୍ଢରେ ଧରି କଚାଡି ଦେଇଥିଲା ଏବଂ ପରେ ନାବାଳକଙ୍କ ମୁଣ୍ଡକୁ ଦଳି ଦେଇଥିଲା । ଚିତ୍କାର ଶୁଣି ଗାଁ ଲୋକ ବାପପୁଅଙ୍କୁ ଉଦ୍ଧାର କରି କାମାକ୍ଷାନଗର ମେଡ଼ିକାଲରେ ଭର୍ତ୍ତି କରିଥିଲେ । ସେଠାରେ ଡାକ୍ତର ୫ ବର୍ଷର ଶିଶୁପୁତ୍ରକୁ ମୃତ ଘୋଷଣା କରିଥିଲେ । ବାପା ରସାନନ୍ଦଙ୍କ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି । ହାତୀ ଉପଦ୍ରବ ଲାଗି ରହିଥିବାରୁ ଆତଙ୍କିତ ଅବସ୍ଥାରେ ଅଛନ୍ତି ସ୍ଥାନୀୟ ଲୋକ ।
ବୟକଟ୍ ନିଷ୍ପତ୍ତିକୁ ଆମେରିକାର ସମର୍ଥନ: ନିନ୍ଦା କଲେ ସିନେଟ୍ ସଦସ୍ୟ
ନୂଆଦିଲ୍ଲୀ: ଭାରତର ନିଷ୍ପତ୍ତିକୁ ଆମେରିକାର ସମର୍ଥନ । ଚୀନରେ ଆୟୋଜିତ ହେଉଥିବା ଶୀତକାଳୀନ ଅଲିମ୍ପିକ୍ସର ଉଦ୍ଘାଟନୀ ସମାରୋହକୁ ଭାରତ ଦ୍ୱାରା ବୟକଟ୍ କରାଯିବା ନିଷ୍ପତ୍ତିକୁ ସମର୍ଥନ ଜଣାଇଛି ଆମେରିକା । ୟୁଏସ୍ ସିନେଟ୍ର ୨ଜଣ ବରିଷ୍ଠ ସଦସ୍ୟ ଗଲଓ୍ୱାନ ସଂଘର୍ଷରେ ଜଡ଼ିତ ଚୀନ ସୈନିକଙ୍କ ଦ୍ୱାରା ମଶାଲ ଧରାଇବା ନିଷ୍ପତ୍ତିକୁ ନିନ୍ଦା କରିଛନ୍ତି । ଅନ୍ୟ ପକ୍ଷରେ ଆମେରିକୀୟ ଗୃହ ବିଭାଗ ମୁଖପାତ୍ର ପ୍ରତିକ୍ରିୟା ରଖି କହିଛନ୍ତି ଯେ, ଭାରତ-ଚୀନ ସୀମା ବିବାଦ ସମସ୍ୟାର ସମାଧାନ ନେଇ ଆମେ ଆପୋଷ ଆଲୋଚନାକୁ ସମର୍ଥନ କରୁଛୁ । ବେଜିଂ ଦ୍ୱାରା ପଡ଼ୋଶୀ ରାଷ୍ଟ୍ରଙ୍କୁ ଭୟଭୀତ କରାଯିବାକୁ ବିରୋଧ କରିଥିଲୁ । ଇଣ୍ଡୋ-ପାସିଫିକରେ ଶାନ୍ତି ବଜାୟ ରଖିବାକୁ ଆମେ ଆମ ବନ୍ଧୁ ରାଷ୍ଟ୍ରଙ୍କୁ ସହଯୋଗ କରିବୁ ବୋଲି କୁହାଯାଇଛି ।
ସୂଚନା ଯୋଗ୍ୟ ଯେ, ଗଲଓ୍ୱାନ ସଂଘର୍ଷରେ ଜଡ଼ିତ ସୈନ୍ୟ ଅଲମ୍ପିକ୍ସର ମଶାଲ ଧରିବା ନିଷ୍ପତ୍ତିକୁ ନେଇ ପ୍ରତିବାଦ ଜଣାଇଛି ଭାରତ । ୨୦୨୦ ଜୁନରେ ଗଲଓ୍ୱାନରେ ଭାରତୀୟ ଯବାନଙ୍କୁ ଆକ୍ରମଣ କରିଥିବା କ୍ୟୁଇ ଫାବାଓ ମଶାଲ ଧରିବେ ବୋଲି ଚୀନ ଘୋଷଣା କରିଥିଲା । ଫାବାଓଙ୍କୁ ଭାରତୀୟ ସୈନ୍ୟ ଧରିବା ପରେ ଛାଡ଼ିଦିଆଯାଇଥିଲା । ଉତ୍ସବ ବର୍ଜନ ନେଇ ସୂଚନା ଦେଇଛନ୍ତି ବୈଦେଶିକ ବ୍ୟାପାର ମନ୍ତ୍ରାଳୟ ମୁଖପାତ୍ର ଅରିନ୍ଦମ ବାଗଚୀ । ୨୦୨୦ ଜୁନ ସଂଘର୍ଷରେ ଚୀନ ସୈନ୍ୟଙ୍କ ନେତୃତ୍ୱ ନେଇଥିଲେ ଫାବାଓ ଓ ଭାରତୀୟ ସୈନ୍ୟଙ୍କ ଉପରେ ଆକ୍ରମଣ ଲାଗି ଉଦ୍ୟମ କରିଥିଲେ । ଏହି ଘଟଣାରେ ଅପରେସନ ସ୍ନୋ ଲିଓପାର୍ଡରେ ଭାରତର ନେତୃତ୍ୱ ନେଉଥିବା କର୍ଣ୍ଣେଲ ବିକ୍କୁମାଲ୍ଲା ସନ୍ତୋଷ ବାବୁଙ୍କ ମୃତ୍ୟୁ ଘଟିଥିଲା ।