spot_img
Home Blog Page 4645

‘ଦ କାଶ୍ମୀର ଫାଇଲ୍ସ’ରେ ବହୁତ ମିଛ ପରିବେଷଣ କରାଯାଇଛି: ଓମର ଅବଦୁଲ୍ଲା

Kalyani Parida
-
0
‘ଦ କାଶ୍ମୀର ଫାଇଲ୍ସ’ରେ ବହୁତ ମିଛ ପରିବେଷଣ କରାଯାଇଛି: ଓମର ଅବଦୁଲ୍ଲା

କୁଲଗ୍ରାମ: ‘ଦ କାଶ୍ମୀର ଫାଇଲ୍ସ’ ଫିଲ୍ମରେ ବହୁତ ମିଛ ତଥ୍ୟ ପରିବେଷଣ କରାଯାଇଥିବା ଶୁକ୍ରବାର ଦିନ କହିଛନ୍ତି ନ୍ୟାସନାଲ୍ କନଫରେନ୍ସ (ଏନସି)ର କାର୍ଯ୍ୟକାରୀ ସଭାପତି ତଥା ଜମ୍ମୁ କାଶ୍ମୀରର ପୂର୍ବତନ ପ୍ରଧାନମନ୍ତ୍ରୀ ଓମାର ଅବଦୁଲ୍ଲା ।

ଫିଲ୍ମ ନିର୍ମାତାଙ୍କ ମତରେ ଚଳଚ୍ଚିତ୍ରଟି ସତ୍ୟ ଘଟଣା ଉପରେ ଆଧାରିତ । କିନ୍ତୁ ଏହି ଫିଲ୍ମରେ ବହୁ ମିଛ କଥା ଦେଖାଯାଇଛି । ଯେଉଁ ସମୟରେ କାଶ୍ମୀର ପଣ୍ଡିତ ଘାଟି ଛାଡିଥିଲେ, ସେ ସମୟରେ ଜମ୍ମୁ କାଶ୍ମୀରରେ ଫାରୁକ୍ ଅବଦୁଲ୍ଲାଙ୍କ ସରକାର ନଥିଲା। ସେତେବେଳେ ରାଜ୍ୟପାଳ ଶାସନ ଚାଲୁଥିଲା । ଆଉ ଦେଶରେ ଭିପି ସିଂହଙ୍କ ନେତୃତ୍ୱାଧିନ ବିଜେପି ସରକାର ଥିଲା ବୋଲି କହିଛନ୍ତି ଓମାର। ଅର୍ଥାତ୍ ୧୯୯୦ ମସିହାରେ ଜମ୍ମୁ କାଶ୍ମୀରରେ ନ୍ୟାସନାଲ୍ କନଫରେନ୍ସ ସରକାର ନଥିଲା । ବରଂ ସେ ସମୟରେ ରାଜ୍ୟପାଳ ଶାସନ ଚାଲୁଥିଲା ।

କେବଳ ଯେ କାଶ୍ମୀର ପଣ୍ଡିତ ନୁହେଁ ଯେଉଁମାନେ ପଳାୟନ କିମ୍ବା ମୃତ୍ୟୁବରଣ କରୁଥିଲେ । ସେସମୟରେ ମୁସଲିମ୍ ଓ ଶିଖ ମାନଙ୍କୁ ମଧ୍ୟ ହତ୍ୟା କରାଯାଇଥିଲା । ସେମାନେ ମଧ୍ୟ କାଶ୍ମୀର ଛାଡିଥିଲେ, ଆଉ ଆଜି ପର୍ଯ୍ୟନ୍ତ ଫେରିନାହାଁନ୍ତି ।

ସେ ଆହୁରି ମଧ୍ୟ କହିଛନ୍ତି ଯେ, ଏନସି ସବୁବେଳେ କାଶ୍ମୀର ପଣ୍ଡିତଙ୍କୁ ସୁରକ୍ଷିତ ଭାବେ ଫେରାଇ ଆଣିବା ଲାଗି ଚେଷ୍ଟା କରିଛି ।

ହାତ ଉଧାରିରୁ ପାରିବାରିକ ଅଶାନ୍ତି, ସମସ୍ତଙ୍କୁ ମାରିବାକୁ ଘରେ ଲଗାଇ ଦେଇଥିଲେ ନିଆଁ

Sushanta Kumar Sahoo
-
0
ହାତ ଉଧାରିରୁ ପାରିବାରିକ ଅଶାନ୍ତି, ସମସ୍ତଙ୍କୁ ମାରିବାକୁ ଘରେ ଲଗାଇ ଦେଇଥିଲେ ନିଆଁ

କଲ୍ୟାଣସିଂହପୁର: କରଜ, କଳହର କରୁଣ ପରିଣତି । ହସଖୁସିର ପରିବାର ଜଳିଗଲା, ରାଗ ପାଇଁ ନିଆଁର ଆଁରେ ଲିଭିଗଲା ଦୁଇ ଦୁଇଟି ଜୀବନ ଦୀପ । ଏବେ ହସ୍ପିଟାଲ ବେଡରେ ମୃତ୍ୟୁ ସହ ଲଢ଼ୁଛନ୍ତି ଆଉ ତିନିଜଣ । କଲ୍ୟାଣସିଂହପୁର ବ୍ଲକ ଶିକରପାଇ ଗାଁ ଦୟାନିଧିଙ୍କ ଘରେ ଓ ବେକେରୀରେ ନିଆଁ ଲାଗିବା ଘଟଣାରେ ନୂଆ ମୋଡ଼ । ସର୍ଟସର୍କିଟରୁ ନିଆଁ ଲାଗି ନଥିଲା ବରଂ ନିଜେ ନିଆଁ ଲଗାଇ ଦେଇଥିଲେ ପରିବାରର ମୁଖ୍ୟ ଦୟାନିଧି । ଆଉ ନିଆଁ ଲଗାଇବାର କାରଣ ହେଉଛି ଧାର କରଜ ସହ ପାରିବାରିକ କଳହ ।

ଶିକରପାଇ ଗାଁର ଦୟାନିଧି ବେହେରା । ୩ ପୁଅ, ଜଣେ ବୋହୂ ଓ ସ୍ତ୍ରୀଙ୍କୁ ନେଇ ଦୟାନିଧିଙ୍କ ୬ ପ୍ରାଣୀର ସଂସାର । ଅଭାବୀ ପରିବାର ଗୁଜୁରାଣ ମେଣ୍ଟାଇବା ପାଇଁ ଏକ ବେକେରୀ ଖୋଲିଥିଲେ । ଏଥିପାଇଁ ଢ଼େର୍ ଧାର କରଜ ମଧ୍ୟ କରିଥିଲେ ଦୟାନିଧି । କାରବାର ବଢ଼ିବା ସହ ଋଣଭାର କମୁଥିଲା, ହେଲେ ପରିବାରରେ ଲାଗି ରହୁଥିଲା ଝଗଡ଼ା । ଗୁରୁବାର ଦୟାନିଧିଙ୍କ ବଡ଼ପୁଅ ସୁନୀଲ କୌଣସି କାମରେ ବାହାରକୁ ଯାଇଥିଲେ । ଏହି ସମୟରେ ମଝିଆ ପୁଅ ଅନୀଲଙ୍କ ସହ କୌଣସି କଥାକୁ ନେଇ ଦୟାନଧିଙ୍କ ଯୁକ୍ତିତର୍କ ହୋଇଥିଲା ।

Man Sets Fire In Home For Loan In Rayagada, 2 Dead
ମୃତ ଦୟାନିଧି ବେହେରା, ନିଜେ ଘରେ ଲଗାଇଥିଲେ ନିଆଁ

ଝଗଡ଼ା ଏତେ ବଢ଼ିଗଲା ଯେ ଦୟାନିଧିଙ୍କ ମୁଣ୍ଡକୁ ରାଗ ଚଢ଼ିଗଲା । ରାଗରେ ଜର୍ଜରିତ ଦୟାନିଧି ଘରର କବାଟ ବନ୍ଦ କରି ସମସ୍ତଙ୍କ ଉପରେ ପେଟ୍ରୋଲ୍ ଢାଳି ନିଆଁ ଲଗାଇ ଦେଇଥିଲେ । ପରେ ସାହିପଡ଼ିଶା ଲୋକ ଚିତ୍କାର ଶୁଣି ଘର କବାଟ ଭାଙ୍ଗି ସମସ୍ତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ । ଅବସ୍ଥା ସଂକଟାପନ୍ନ ହେବାରୁ ସମସ୍ତଙ୍କୁ ବ୍ରହ୍ମପୁର ସ୍ଥାନାନ୍ତରିତ କରିଥିଲେ ଡାକ୍ତର । ବାଟରେ ଦୟାନିଧିଙ୍କ ମୃତ୍ୟୁ ହୋଇଥିବା ବେଳେ ମେଡିକାଲରେ ସ୍ତ୍ରୀ ଲକ୍ଷ୍ମୀ ଆଖି ବୁଜିଛନ୍ତି ।

ଏବେ ମେଡିକାଲ୍ ବେଡରେ ମୃତ୍ୟୁ ସହ ଲଢ଼ୁଛନ୍ତି ମଝିଆ ପୁଅ ଅନୀଲ, ସାନ ପୁଅ ଶ୍ରୀକାନ୍ତ ଓ ବୋହୂ ସ୍ୱପ୍ନା ବେହେରା । ରାଗର ନିଆଁରେ ପରିବାର ଛାରଖାର୍ ହୋଇଯାଇଛି । ପୋଲିସ ଓ ସାଇଣ୍ଟିଫିକ୍ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।

ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଗାଦିଚ୍ୟୁତ ପାଇଁ ଅନାସ୍ଥା ପ୍ରସ୍ତାବ

Kalyani Parida
-
0
ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଗାଦିଚ୍ୟୁତ ପାଇଁ ଅନାସ୍ଥା ପ୍ରସ୍ତାବ

କରାଚି: ପାକିସ୍ତାନରେ ତୀବ୍ର ହେଉଛି ରାଜନୈତିକ ସଙ୍କଟ। ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଗାଦିଚ୍ୟୁତ କରିବାକୁ ଆସିଛି ଅନାସ୍ଥା ପ୍ରସ୍ତାବ। ପାକିସ୍ତାନକୁ ସମ୍ଭାଳି ପାରୁନାହାନ୍ତି ଇମ୍ରାନ ଖାନ। ବିରୋଧୀ ଦଳ ପକ୍ଷରୁ ପ୍ରସ୍ତାବ ଆସିଥିବା ବେଳେ ସମର୍ଥନ ଜଣାଇଛନ୍ତି ଶାସକ ଦଳର ସଦସ୍ୟ। ଆର୍ଥିକ ଅବ୍ୟବସ୍ଥା ଓ ଦରବୃଦ୍ଧି ପ୍ରସଙ୍ଗରେ ପାଖାପାଖି ଶହେରୁ ଅଧିକ ସାଂସଦ ଇମ୍ରାନଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଣିଛନ୍ତି ।

Joe Biden Kamala Harris Win In Elections Imran Nawaz Congratulate Them Look Forward For PAK US Relations

ଆସନ୍ତା ୨୮ ତାରିଖରେ ସଂସଦରେ ଇମ୍ରାନଙ୍କ ବିରୋଧରେ ହେବ ଭୋଟିଂ। ଭୋଟ ପୂର୍ବରୁ ନିଜ ଦଳର ଅନେକ ସାଂସଦ ଇମ୍ରାନଙ୍କ ବିରୋଧରେ ସ୍ବରକୁ ତୀବ୍ର କରିଛନ୍ତି । ପିଏମଏଲଏନ୍ ଓ ପିପିପି ଖୋଲାଖୋଲି ଭାବେ ଇମ୍ରାନଙ୍କ ବିରୋଧରେ ମୋର୍ଚ୍ଚା ଖୋଲିଛନ୍ତି । ଇମ୍ରାନଙ୍କ ପାଇଁ ଦେଶର ଆର୍ଥିକ ସ୍ଥିତି ଭୁଶୁଡ଼ି ପଡ଼ିଛି।

ଯେଉଁଥିପାଇଁ ତୁରନ୍ତ ତାଙ୍କୁ ଗାଦିଚ୍ୟୁତ କରାଇବା ଆବଶ୍ୟକ ବୋଲି ବିରୋଧୀ ପ୍ରସ୍ତାବ ଆଣିଛନ୍ତି । ସେପଟେ ବିରୋଧୀ ଦଳ ସାଂସଦଙ୍କ ବିରୋଧରେ ସୁପ୍ରିମକୋର୍ଟଙ୍କ ଦ୍ବାରସ୍ଥ ହେବେ ବୋଲି ଇମ୍ରାନ କହିଛନ୍ତି ।

 

ହୋଲି ଖେଳ ପରେ ଗାଧୋଇବା ବେଳେ ଅଘଟଣ: ବୁଡ଼ି ଯାଇ ଜଣଙ୍କ ମୃତ୍ୟୁ, ୫ ନିଖୋଜ

Sushanta Kumar Sahoo
-
0
ହୋଲି ଖେଳ ପରେ ଗାଧୋଇବା ବେଳେ ଅଘଟଣ: ବୁଡ଼ି ଯାଇ ଜଣଙ୍କ ମୃତ୍ୟୁ, ୫ ନିଖୋଜ

ଯାଜପୁର: ହୋଲି ଖେଳି ସାରି ଗାଧୋଇବା ବେଳେ ଅଘଟଣ । ଯାଜପୁର ଟାଉନ ଥାନା ବଡ଼ ସୁଆର ଅଞ୍ଚଳରେ ଖରସ୍ରୋତା ନଦୀରେ ବୁଡ଼ି ଗଲେ ୭ ଜଣ । ଗାଧୋଇବା ବେଳେ ବୁଡ଼ିଯାଇ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣଙ୍କୁ ଉଦ୍ଧାର କରାଯାଇଥିବା ଜଣାପଡ଼ିଛି ।

Jajpur Holi 6 Drowned In Kharasrota River, One Dead

ଏବେ ବି ୫ ଜଣ ନିଖୋଜ ଅଛନ୍ତି । ସ୍ଥାନୀୟ ଲୋକଙ୍କ ସହାୟତାରେ ଅଗ୍ନଶିମ କର୍ମଚାରୀ ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଉଦ୍ଧାର କରାଯାଇଥିବା ଜଣଙ୍କୁ ଚିକିତ୍ସା ପାଇଁ ମେଡିକାଲକୁ ନିଆଯାଇଛି ।

ଖିଲାଡ଼ି କୁମାରଙ୍କ ‘ବଚ୍ଚନ ପାଣ୍ଡେ’ ରିଲଜ ହେବା ପରେ ଫ୍ୟାନ୍ସ ଦେଲେ ଏମିତି ଉତ୍ତର

Rashmipriya lenka
-
0
ଖିଲାଡ଼ି କୁମାରଙ୍କ ‘ବଚ୍ଚନ ପାଣ୍ଡେ’ ରିଲଜ ହେବା ପରେ ଫ୍ୟାନ୍ସ ଦେଲେ ଏମିତି ଉତ୍ତର

ମୁମ୍ବାଇ: ରିଲିଜ ହୋଇଯାଇଛି ଅକ୍ଷୟ କୁମାରଙ୍କ ଅଭିନୀତ ଫିଲ୍ମ ‘ବଚ୍ଚନ ପାଣ୍ଡେ’। ଦୀର୍ଘ ଦିନ ଧରି ଏହି ଚଳଚ୍ଚିତ୍ରକୁ ଅକ୍ଷୟଙ୍କ ପ୍ରଶଂସକମାନେ ଅପେକ୍ଷା କରି ରହିଥିଲେ। ଚଳଚ୍ଚିତ୍ରଟି କେବଳ ରିଲିଜ୍‌ ହୋଇନାହିଁ, ବରଂ ଏହି ଫିଲ୍ମଟିକୁ ଦେଖିବା ପରେ ପ୍ରଶଂସକଙ୍କ ଟ୍ବିଟର୍‌ରେ ଏହାକୁ ନେଇ ଚର୍ଚ୍ଚା ଜୋରଦାର କରିଛନ୍ତି । କିଛି ପ୍ରଶଂସକ ଚଳଚ୍ଚିତ୍ରଟିକୁ ଦେଖିବା ପରେ ପ୍ରଶଂସା କରିଥିବା ବେଳେ ଅନ୍ୟ କିଛି ଲୋକ ଏହି ଚଳଚିତ୍ରକୁ ନାପସନ୍ଦ ମଧ୍ୟ କରିଛନ୍ତି ।

https://twitter.com/1Vishwajitrao/status/1504691234006179842?ref_src=twsrc%5Etfw%7Ctwcamp%5Etweetembed%7Ctwterm%5E1504691234006179842%7Ctwgr%5E%7Ctwcon%5Es1_&ref_url=https%3A%2F%2Fwww.aajtak.in%2Fentertainment%2Fbollywood-news%2Fstory%2Fbachchhan-paandey-public-review-akshay-kumar-movie-twitter-mixed-reaction-boycott-bachchhan-paandey-trends-tmov-1430833-2022-03-18

ତେବେ ଟ୍ୱିଟରରେ ଚଳଚିତ୍ରକୁ ନେଇ ଅନେକ କମେଣ୍ଟ ଆସିଛି କେହି କେହି ଏହି ଫିଲ୍ମର ପ୍ରସଂଶା କରିଥିବା ବେଳେ କେହି କେହି ଏହାକୁ ବୟକଟ୍‌ କରିବାକୁ ଟ୍ବିଟ୍‌ କରିଛନ୍ତି । ଏବଂ ଅନ୍ୟ କେତେଜଣ ଫିଲ୍ମ ବୋରିଂ ବୋଲି ମଧ୍ୟ ଟ୍ୱିଟ କରିଛନ୍ତି । ଚଳଚ୍ଚିତ୍ରଟିରେ ଦର୍ଶକ କମେଡି, ଆକ୍ସନ ସବୁକିଛି ଦେଖିବାକୁ ପାଇଛନ୍ତି।

https://twitter.com/Shivani_Rathorr/status/1504696609015476225?ref_src=twsrc%5Etfw%7Ctwcamp%5Etweetembed%7Ctwterm%5E1504696609015476225%7Ctwgr%5E%7Ctwcon%5Es1_&ref_url=https%3A%2F%2Fwww.aajtak.in%2Fentertainment%2Fbollywood-news%2Fstory%2Fbachchhan-paandey-public-review-akshay-kumar-movie-twitter-mixed-reaction-boycott-bachchhan-paandey-trends-tmov-1430833-2022-03-18

ସୂଚନା ଅନୁସାରେ, ଚଳଚିତ୍ରରେ ଅକ୍ଷୟ କୁମାର ଓ କୃତି ସନନଙ୍କ ବ୍ୟତୀତ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍, ଅସଦ ବାରସୀ, ସ୍ନେହାଲ୍ ଦାବୀ, ପଙ୍କଜ ତ୍ରିପାଠୀ, ପ୍ରତୀକ ବବ୍ବର, ଅଭିମନ୍ୟୁ ସିଂହ ଏବଂ ଶରଶ କୁମାର ଶୁକ୍ଳା ପ୍ରମୁଖଙ୍କୁ ଗୁରୁତ୍ବପୂର୍ଣ୍ଣ ଭୂମିକାରେ ଦେଖିବାକୁ ମିଳିଛି । ‘ବଚ୍ଚନ ପାଣ୍ଡେ’ ଫିଲ୍ମର ପ୍ରଯୋଜନା ଦାୟିତ୍ୱ ସାଜିଦ ନଦିଆୱାଲା ଥିଲେ । ତେବେ ଫିଲ୍ମଟି ବୁକିଂ ବେଳେ ଭଲ ରୋଜଗାର କରିଥିଲା । କିନ୍ତୁ ବକ୍ସ ଅଫିସରେ ବର୍ତ୍ତମାନ ଅନୁପମ ଖେରଙ୍କ ଫିଲ୍ମ ଦି କାଶ୍ମୀର ଫାଇଲସ ଅକ୍ଷୟ କୁମାରଙ୍କ ଫିଲ୍ମକୁ ଟକ୍କର ଦେଇଛି ।

ଦୋଳ ପୂର୍ଣ୍ଣିମାରେ ଶ୍ରୀକ୍ଷେତ୍ରରେ ପ୍ରବଳ ଭିଡ଼, ମନ୍ଦିରକୁ ଧସେଇ ପଶିଲେ ଶତାଧିକ ଶ୍ରଦ୍ଧାଳୁ

Santosh Kumar Sahoo
-
0
ଦୋଳ ପୂର୍ଣ୍ଣିମାରେ ଶ୍ରୀକ୍ଷେତ୍ରରେ ପ୍ରବଳ ଭିଡ଼, ମନ୍ଦିରକୁ ଧସେଇ ପଶିଲେ ଶତାଧିକ ଶ୍ରଦ୍ଧାଳୁ

ପୁରୀ: ଆଜି ଦୋଳ ଉତ୍ସବ ଓ ସୁନାବେଶ ପାଇଁ ଶ୍ରୀକ୍ଷେତ୍ରରେ ପ୍ରବଳ ଭିଡ଼ ହୋଇଛି । ଭିଡ଼ ଏତେ ହୋଇଥିଲା ଯେ ଭକ୍ତମାନେ ଶ୍ରୀମନ୍ଦିର ମଧ୍ୟକୁ ଧସେଇ ପଶିଥିଲେ । ସିଂହଦ୍ୱାର ସମ୍ମୁଖ ବାରିକେଡ ଭାଙ୍ଗି ଧସେଇ ପଶିଲେ ଶ୍ରଦ୍ଧାଳୁ । ପ୍ରବଳ ଖରା ଓ ଭକ୍ତଙ୍କ ଭିଡ ଥିବାରୁ ଏଭଳି ଅଭାବନୀୟ ପରିସ୍ଥିତି ସୃଷ୍ଟି ହୋଇଥିଲା । ଲମ୍ବା ଧାଡ଼ି ଲାଗି ରହିଥିବାରୁ ଧୌର୍ଯ୍ୟ ହରାଇଲେ ଭକ୍ତ । ଶ୍ରୀଜିଉଙ୍କ ରାଜରାଜେଶ୍ୱର ବେଶ ଦର୍ଶନ ପାଇଁ ଭକ୍ତ ବଡ଼ଦେଉଳକୁ ଧସେଇ ପଶିଥିବା ଦେଖିବାକୁ ମିଲିଛି ।

ସୂଚନା ଅନୁସାରେ ଦୋଳ ପୂର୍ଣ୍ଣିମା ଅବସରରେ ଆଜି ଶ୍ରୀମନ୍ଦିରରେ ଚାଲିଛି ସ୍ୱତନ୍ତ୍ର ନୀତିକାନ୍ତି । ଆଜି ଶ୍ରୀଜିଉଙ୍କ ସୁନାବେଶ ମଧ୍ୟ ଅନୁଷ୍ଠିତ ହେବ । ଦୋଳ ପୂର୍ଣ୍ଣିମା ଅବସରରେ ଦୋଳବେଦୀକୁ ବିଜେ ହେବେ ଦୋଳଗୋବିନ୍ଦ । ତେବେ ଆଜି ଭକ୍ତ ଶ୍ରୀମନ୍ଦିରକୁ ଧସେଇ ପଶିବା ପରେ ପୁରୀ ଜିଲ୍ଲାପାଳ ସ୍ଥିତି ଅନୁଧ୍ୟାନ କରିଛନ୍ତି । ଏଥିସହ ଶ୍ରୀମନ୍ଦିର ମଧ୍ୟରେ ନୀତିକାନ୍ତି ଓ ଭକ୍ତଙ୍କ ଭିଡ଼ କିଭଳି ରହିଛି ସେନେଇ ମଧ୍ୟ ଅନୁଧ୍ୟାନ କରୁଛନ୍ତି ଜିଲ୍ଲାପାଳ ।

୮୪୩୩ କୋଟି ଟଙ୍କାର ମିଶନରୁ ଋଷକୁ ବାହାର କଲା ୟୁରୋପିୟ ସ୍ପେସ ଏଜେନ୍ସି

Rashmipriya lenka
-
0
୮୪୩୩ କୋଟି ଟଙ୍କାର ମିଶନରୁ ଋଷକୁ ବାହାର କଲା ୟୁରୋପିୟ ସ୍ପେସ ଏଜେନ୍ସି

ନୂଆଦିଲ୍ଲୀ: ଆଉ ଥରେ ଋଷକୁ ସହିବାକୁ ପଡ଼ିଲା କ୍ଷତି । ୟୁକ୍ରେନ ଉପରେ ଋଷର ଆକ୍ରମଣକୁ ନେଇ ସାରା ବିଶ୍ୱ ଏବେ ଆତଙ୍କିତ ହୋଇପଡ଼ିଛି । ଋଷ-ୟୁକ୍ରେନ ଯୁଦ୍ଧ ପାଇଁ ୟୁରୋପୀୟ ସ୍ପେସ୍ ଏଜେନ୍ସି (ESA) ଋଷର ସ୍ପେସ୍ ଏଜେନ୍ସି (Roscosmos)କୁ ମଙ୍ଗଳ ମିଶନରୁ ବାହାର କରି ଦେଇଛି । ବର୍ତ୍ତମାନ ଏହି ମିଶନରେ ଋଷର ବୈଜ୍ଞାନିକ ଏବଂ ଇଞ୍ଜିନିୟରମାନଙ୍କର କୌଣସି ସାହାଯ୍ୟ ନିଆଯିବ ନାହିଁ । ଏହି ମିଶନଟି ପ୍ରାୟ ୮୪୩୩ କୋଟି ଟଙ୍କାର । ଯେଉଁଥିରେ ୟୁରୋପୀୟ ଦେଶ ସହ ଋଷ ମଧ୍ୟ ସାମିଲ ଥିଲା  ।

ଆସନ୍ତା ସେପ୍ଟେମ୍ବରରେ ESA ଏବଂ ଋଷର ସ୍ପେସ୍ ଏଜେନ୍ସି ଏକ୍ସୋମାର୍ସ (ExoMars) ମିଶନଟିକୁ ଲଞ୍ଚ କରିଥାନ୍ତେ । ESA ମହାନିର୍ଦ୍ଦେଶକ ଜୋସେଫ ଏସବାସ୍କର କହିଛନ୍ତି ଯେ, ExoMars ହେଉଛି ଏକ ରୋଭର, ଯାହାକୁ ମଙ୍ଗଳ ଗ୍ରହକୁ ପଠାଯିବ, ଏବଂ ରୋଭରଟି ସେଠାକାର ଐତିହାସିକ ତଥା ପ୍ରାଚୀନ ପରିବେଶର ଅନୁସନ୍ଧାନ କରିପାରିବ । ଯାହା ଦ୍ୱାରା ଜୀବନର ଉତ୍ପତ୍ତିର ପ୍ରମାଣ ଗୁଡ଼ିକୁ ଖୋଜା ଯାଇପାରିବ । ଭବିଷ୍ୟତରେ ଜନବସତୀର ସମ୍ଭାବନା ଉପରେ ମଧ୍ୟ ଅଧ୍ୟୟନ କରାଯାଇପାରିବ । ଜୋସେଫ କହିଛନ୍ତି ଯେ ବର୍ତ୍ତମାନ ଏହି ମିଶନକୁ ଲଞ୍ଚ କରିବାକୁ ସମୟ ଲାଗିବ । କାରଣ ବର୍ତ୍ତମାନ ସ୍ଥିତି କିଛି ଠିକ୍ ନାହିଁ । ୟୁରୋପୀୟ ଦେଶମାନେ ରୁଷକୁ ଏହି ମିଶନରୁ ବହିଷ୍କାର କରିଛନ୍ତି । ବର୍ତ୍ତମାନ ଏହି ରୋଭରର ଶୁଭାରମ୍ଭ ବିଷୟରେ ପୁନର୍ବାର ଯୋଜନା କରାଯିବ । ସେହି ଅନୁଯାୟୀ ପ୍ରସ୍ତୁତି କରାଯିବ ।

ଏହି ରୋଭରଟିକୁ ESA  ନିର୍ମାଣ କରିଥିଲା କିନ୍ତୁ ରୋଭରକୁ ଋଷର ରକେଟ୍ ମାଧ୍ୟମରେ ଉତକ୍ଷେପଣ କରାଯାଇଥାନ୍ତା । ଯଦିଓ ESAକୁ କିଛି କ୍ଷତି ସହିବାକୁ ପଡ଼ିବ କିନ୍ତୁ ଅଧିକ କ୍ଷତି ଋଷ ସହିବ ବୋଲି କୁହାଯାଉଛି । ଏହାସହ ଏହି ମିଶନଟିକୁ ୨୦୨୪ରେ ଲଞ୍ଚ ହେବା କଥା ମଧ୍ୟ କୁହାଯାଉଛି ।  ବର୍ତ୍ତମାନ ନାସା (NASA) ସହଯୋଗରେ ESA ଲଞ୍ଚ କରାଯିବା ପାଇଁ ଆଲୋଚନା ଚାଲିଛି । ଜୋସେଫ ଅଶ୍ୱସନା ଦେଇ କହିଛନ୍ତି ଯେ ଆମେରିକାର ସ୍ପେସ୍ ଏଜେନ୍ସି ଏହି ପ୍ରକଳ୍ପରେ ଜଡିତ ହେବାକୁ ପ୍ରସ୍ତୁତ ।

ରାଜଧାନୀରେ ବଢ଼ୁଛି ରାଜନୈତିକ ଉଷ୍ମତା, ଖରା ତାତିରେ ଚାଲିଛି ଜୋରଦାର ପ୍ରଚାର

Santosh Kumar Sahoo
-
0
ରାଜଧାନୀରେ ବଢ଼ୁଛି ରାଜନୈତିକ ଉଷ୍ମତା, ଖରା ତାତିରେ ଚାଲିଛି ଜୋରଦାର ପ୍ରଚାର

ଭୁବନେଶ୍ୱର: ପୌର ନିର୍ବାଚନ ପାଇଁ ସରଗରମ ହେବାରେ ଲାଗିଛି ରାଜନୀତି । ରାଜଧାନୀରେ ତାତି ବଢ଼ିବା ସହ ବଢ଼ୁଛି ରାଜନୈତିକ ମାହୋଲ । ହାତରେ ଆଉ କମ୍ ସମୟ ଥିବାରୁ ଖରା ତାତିରେ ଚାଲିଛି ଜୋରଦାର ପ୍ରଚାର । କମ୍ ଦିନରେ ଭୋଟରଙ୍କୁ ନିଜ ସପକ୍ଷକୁ ଆଣିବା ପାଇଁ ଜୋରଦାର ପ୍ରସ୍ତୁତ କରୁଛନ୍ତି ପ୍ରାର୍ଥୀ । ଭୁବନେଶ୍ବର ମହାନଗର ନିଗମ ମେୟର ପ୍ରାର୍ଥୀ ସୁଲୋଚନା ଦାସ ମଧ୍ୟ ୱାର୍ଡ ୱାର୍ଡ ବୁଲି ଭୋଟ ଭିକ୍ଷା କରୁଛନ୍ତି । ସୁଲୋଚନା ଦାସ୍ ସାଙ୍ଗରେ କର୍ପୋରେଟର ପ୍ରାର୍ଥୀଙ୍କ ସହ ସମର୍ଥକଙ୍କୁ ନେଇ କେତେ ବେଳେ ରୋଡ୍ ଶୋ’ କରି ତ କେବେ ପୁଣି ଚାଲି ଚାଲି ଭୋଟରଙ୍କ ପାଖକୁ ଯାଉଛନ୍ତି । ଘର ଘର ବୁଲି ଲୋକଙ୍କ ନିକଟତର ହେଉଛନ୍ତି । ମୁଖ୍ୟମନ୍ତ୍ରୀଙ୍କ ଲୋକାଭିମୁଖୀ ଯୋଜନା ଲୋକଙ୍କ ପାଖରେ ପହଞ୍ଚାଉଛନ୍ତି । ସୁଲୋଚନାଙ୍କ ପାଇଁ ପ୍ରଚାରର ମଙ୍ଗ ଧରିଛନ୍ତି ଭୁବନେଶ୍ୱର ମହାନଗର ନିଗମର ତିନି ବିଧାୟକ ।

ସୂଚନା ଅନୁସାରେ ଆସନ୍ତା ମାର୍ଚ୍ଚ ୨୪ରେ ତିନି ମହାନଗର ନିଗମ ସମେତ ୧୦୬ ପୌରାଞ୍ଚଳରେ ନିର୍ବାଚନ ହେବ । ପ୍ରଚାର ପାଇଁ ହାତରେ ଆଉ କମ୍ ସମୟ ରହିଥିବାରୁ ବିଭିନ୍ନ ଓ୍ୱାର୍ଡରେ ଚାଲିଛି ଜୋରଦାର ପ୍ରଚାର । ଅନ୍ୟପକ୍ଷରେ ଦଳ ବିରୋଧୀ କାର୍ଯ୍ୟ ପାଇଁ ଆଜି ଭୁବନେଶ୍ୱର ସାଂଗଠନିକ ଜିଲ୍ଳାର ବିଭିନ୍ନ ଓ୍ୱାର୍ଡରୁ ୮ ଜଣଙ୍କୁ ନିଲମ୍ବନ କରିଛି ବିଜୁ ଜନତା ଦଳ ।

ରାଜଧାନୀରେ ଗଞ୍ଜେଇ ବେପାର କରୁଥିଲେ ମା’-ପୁଅ, ମାଡ଼ି ବସିଲା ସ୍ପେସାଲ ସ୍କ୍ୱାଡ

Santosh Kumar Sahoo
-
0
ରାଜଧାନୀରେ ଗଞ୍ଜେଇ ବେପାର କରୁଥିଲେ ମା’-ପୁଅ, ମାଡ଼ି ବସିଲା ସ୍ପେସାଲ ସ୍କ୍ୱାଡ

ଭୁବନେଶ୍ୱର: ରାଜଧାନୀରେ ଗଞ୍ଜେଇ କାରବାରରେ ମା’ ପୁଅ । ସ୍ପେସାଲ ସ୍କ୍ୱାର୍ଡ ଓ ଭରତପୁର ଥାନା ପୋଲିସ ପଂଝାରେ ଗଞ୍ଜେଇ ମାଫିଆ । ଭରତପୁର କୋଲାଥିଆରୁ ଏକ କୁଇଣ୍ଟାଲ ଗଞ୍ଜେଇ ଜବତ କରିଛି ସ୍ପେସାଲ ସ୍କ୍ୱାର୍ଡ ଓ ଭରତପୁର ଥାନା ପୋଲିସ । ଜବତ ଗଞ୍ଜେଇର ଆନୁମାନିକ ମୂଲ୍ୟ ୫ ଲକ୍ଷ ଟଙ୍କାରୁ ଉର୍ଦ୍ଧ ହେବ । ଗଞ୍ଜେଇ ବେପାର କରୁଥିବା ଯୁବକ ଜଣକ ହେଉଛନ୍ତି ଭବାନୀ ମହାପାତ୍ର । ଭବାନୀ ଦକ୍ଷିଣ ଓଡ଼ିଶାରୁ ଗଞ୍ଜେଇ ଆଣି ଭୁବନେଶ୍ୱରରେ ବିକୁଥିଲେ ।

ସୂଚନା ଅନୁସାରେ ଭବାନୀ ମହାପାତ୍ର ଭୁବନେଶ୍ୱରର ଏକ ଘରୋଇ କଲେଜରୁ ଏମସିଏ ପାସ ଆଉଟ ଛାତ୍ର ଅଟନ୍ତି । ପାଠ ପଢିବା ପାଇଁ ଲୋନ କରିଥିଲେ ଭବାନୀ । କିନ୍ତୁ ପାଠ ପଢ଼ା ପରେ ଚାକିରୀ ନ ମିଳିବା ଓ ଟଙ୍କା ସୁଝି ନପାରିବା ପରେ ଗଞ୍ଜେଇ କାରବାରରେ ପାଦ ଥାପିଥିଲେ ସେ । ଗଞ୍ଜେଇ କାରବାର କରି ଟଙ୍କା ସୁଝିବାକୁ ଯୋଜନା କରିଥିଲେ । ତେବେ ଏହି ରାକେଟ ଭବାନୀଙ୍କ ସହ ଆଉ କିଏ କିଏ ଥିଲେ ତାହାକୁ ନେଇ ପୋଲିସର ପଚାରଉଚରା ଜାରି ରଖିଛି ।

ହୋଲିରେ କାହିଁକି ପିନ୍ଧାଯାଏ ଧଳା ରଙ୍ଗର ପୋଷାକ । ଜାଣନ୍ତୁ…

Rashmipriya lenka
-
0
ହୋଲିରେ କାହିଁକି ପିନ୍ଧାଯାଏ ଧଳା ରଙ୍ଗର ପୋଷାକ । ଜାଣନ୍ତୁ…

ରଙ୍ଗର ପର୍ବ ହୋଲିକୁ ପୂରା ଦେଶରେ ଧୁମଧାମରେ ପାଳନ କରାଯାଉଛି । ପୁରୁଣା ରାଗ ରୋଷ ଭୁଲି ଲୋକମାନେ ପରସ୍ପରକୁ ଅଭିର ଲଗାଉଛନ୍ତି । ଆଉ ଏହି ପର୍ବରେ କେବଳ ରଙ୍ଗ ପ୍ରାଧାନ୍ୟ ରହିନାହିଁ ଏହି ପର୍ବରେ ଲୋକେ ପ୍ରାୟ ଧଳା ରଙ୍ଗର ପୋଷାକକୁ ମଧ୍ୟ ବିଶେଷ ଗୁରୁତ୍ୱ ଦେଇଥାନ୍ତି । ଅନେକ ସମୟରେ ଲୋକମାନେ ହୋଲି ଖେଳିବା ପାଇଁ ଧଳା ପୋଷାକ ପିନ୍ଧିଥିବାର ମଧ୍ୟ ଦେଖାଯାଏ । ତେବେ ଏହା ଫ୍ୟାସନ ନୁହେଁ ଏହା ପଛରେ ଏକ ବିଶେଷ କାରଣ ମଧ୍ୟରେ ରହିଛି ।

ହୋଲି ଦିନ କାହିଁକି ଧଳା ରଙ୍ଗର ପୋଷାକ ପିନ୍ଧାଯାଏ ?

  • ହୋଲି ଖେଳିବା ସମୟରେ ଲୋକମାନେ ପ୍ରାୟତ ଧଳା ରଙ୍ଗର ପୋଷାକ ପିନ୍ଧନ୍ତି । ଫଳରେ ଧଳା ରଙ୍ଗରେ ହୋଲିର ବିଭିନ୍ନ ରଙ୍ଗ ପଡ଼ି ଖୁବ୍ ସୁନ୍ଦର ଦେଖାଯାଏ । କିନ୍ତୁ ଏହା ପଛରେ ଏକ ଜ୍ୟୋତିଷ ଶାସ୍ତ୍ର ମଧ୍ୟ ଅଛି । ହୋଲି ଦିନ ଧଳା ରଙ୍ଗର ପୋଷାକ ପିନ୍ଧିବା ଜ୍ୟୋତିଷ ଶାସ୍ତ୍ରରେ ଶୁଭ ବୋଲି ବିବେଚନା କରାଯାଏ ।
  • ଜ୍ୟୋତିଷ ଶାସ୍ତ୍ର ଅନୁଯାୟୀ, ଧଳା ରଙ୍ଗ ଚନ୍ଦ୍ର ସହିତ ଜଡିତ ଏବଂ ଚନ୍ଦ୍ରଙ୍କୁ ହୃଦୟର କାରକ ବୋଲି ବିବେଚନା କରାଯାଏ । କୁହାଯାଏ ଏହି ଦିନ ଧଳା ପୋଷାକ ପିନ୍ଧିବା ଦ୍ୱାରା ଜଣେ ବ୍ୟକ୍ତି ଖୁସି ବା ସକରାତ୍ମକ ରହିଥାଏ ।  ପୁରୁଣା କଥା ଏବଂ ଝଗଡ଼ାକୁ ସହଜରେ ଭୁଲି ଶତ୍ରୁକୁ ଆଲିଙ୍ଗନ କରିଥାନ୍ତି ।
  • ଏହାସହ କୁହାଯାଏ ଯେ ଧଳା ରଙ୍ଗ ହେଉଛି ଭାଇଚାରା ର ପ୍ରତୀକ । ସୁଖ ଏବଂ ଶାନ୍ତି ପାଇଁ କେବଳ ଧଳା ରଙ୍ଗ ବ୍ୟବହୃତ ହୋଇଥାଏ । ହୋଲି ଦିନ ଧଳା ପୋଷାକ ପିନ୍ଧିବା ଭାଇଚାରା ବଢିଥାଏ । ଏବଂ ଏହାଦ୍ୱାରା ସମ୍ପର୍କ ମଜବୁତ ହୋଇଥାଏ ବୋଲି ବିଶ୍ୱାସ କରାଯାଏ ।
  • ଜ୍ୟୋତିଷମାନେ କହିଛନ୍ତି ଯେ ଯଦି ରାଶିଫଳର କୌଣସି ଗ୍ରହ ନକାରାତ୍ମକ କିମ୍ବା ଅପ୍ରାକୃତିକ ପ୍ରଭାବ ଦେଇଥାଏ, ତେବେ ଧଳା ରଙ୍ଗ ପିନ୍ଧିବା ଦ୍ୱାରା ସେ ସବୁରୁ ସକରାତ୍ମକ ଉର୍ଜା ଉତ୍ପନ୍ନ ହୁଏ ।  ଧଳା ରଙ୍ଗର ପୋଷାକ ପିନ୍ଧିବା ଦ୍ୱାରା ବ୍ୟକ୍ତିକୁ ସଫଳତା ମଧ୍ୟ ମିଳିଥାଏ ।
  • ଏହି ପୋଷାକ ପିନ୍ଧିବା ଦ୍ୱାରା ଖରାରୁ ଆରାମ ଦେଇଥାଏ  । ହୋଲି ବେଳକୁ ଏପରି ପରିସ୍ଥିତିରେ ଧଳା ରଙ୍ଗର ପୋଷାକ ଆରାମଦାୟକ ଦେଖାଯାଏ ।
1...4,6444,6454,646...8,099Page 4,645 of 8,099

Latest Stories

Location

Popular Tags

Odisha16656NANDIGHOSHA TV6042INDIA3284BHUBANESWAR3081BJD2151NandighoshaTv2043Naveen Patnaik1914PURI1744BJP1630

Contact us