ସେଓଲ: ଆଜିକାଲି ଦୁନିଆରେ ସଞ୍ଚୟ ଏକ ବଡ଼ ସମସ୍ୟା ହୋଇଯାଇଛି । ଯିଏ ଯେତେ ବି ରୋଜଗାର କରୁ କିନ୍ତୁ ସଞ୍ଚୟ ସେହି ତୁଳନା କମ୍ । ତେବେ ସଞ୍ଚୟ ସମସ୍ତଙ୍କ ପକ୍ଷରେ ସମ୍ଭବ ହୋଇ ନଥାଏ । ସଞ୍ଚୟକୁ ମଧ୍ୟ ଏକ କଳା ଭାବେ ଦେଖାଯାଏ । ଲୋକମାନେ ଟଙ୍କା ସଞ୍ଚୟ କରିବାକୁ ଚିନ୍ତା କରନ୍ତି, କିନ୍ତୁ ଅନେକ ଥର ସେମାନେ ବିଭିନ୍ନ ଜିନିଷ ପଛରେ ଏତେ ଟଙ୍କା ଖର୍ଚ୍ଚ କରିଦିଅନ୍ତି ଯେ ତାଙ୍କ ଫାଖରେ ସଞ୍ଚୟ ବି ଅସମ୍ଭବ ହୋଇଯାଏ । କିନ୍ତୁ  ଦକ୍ଷିଣ କୋରିଆର ଜଣେ ମହିଳା ତାଙ୍କ ଦେଶରେ ଏକ ଉଦାହରଣ ପାଲଟିଛନ୍ତି । କେବଳ ୪ ବର୍ଷରେ ସେ ଯେତିକି ଟଙ୍କା ସଞ୍ଚୟ କରିଛନ୍ତି ଆପଣମାନେ କେବେ ସ୍ୱପ୍ନରେ ବି ଭାବି ନଥିବେ ।

ରିପୋର୍ଟ ଅନୁଯାୟୀ, ଦକ୍ଷିଣ କୋରିଆରେ ରହୁଥିବା ୨୪ ବର୍ଷିୟ ଜି-ହୀୟାନ୍ କ୍ୱାକ ପ୍ରତ୍ୟେକ ମାସରେ ପ୍ରାୟ ୧.୨ ଲକ୍ଷ ଟଙ୍କା ରୋଜଗାର କରନ୍ତି । ଏହି ରୋଜଗାର ମଧ୍ୟରେ ସେ ନିଜର ଏକ ଘର କରିବାକୁ ବହୁତ ସ୍ୱପ୍ନ ଦେଖିଥିଲେ । କିନ୍ତୁ ଦକ୍ଷିଣ କୋରିଆରେ ଘରଗୁଡ଼ିକର ମୂଲ୍ୟ ବହୁତ ଅଧିକ ତେଣୁ, ତାଙ୍କୁ ଘର କିଣିବା ପାଇଁ ସଞ୍ଚୟ କରିବାରର ଆବଶ୍ୟକତା ଥିଲା । ତେଣୁ ସେ ୪ ବର୍ଷ ପୂର୍ବରୁ ସଞ୍ଚୟ ଆରମ୍ଭ କରିବାକୁ ସ୍ଥିର କଲେ ।

ସେ ତାଙ୍କର ବେତନର ଅଧିକାଂଶ ଟଙ୍କା ସଞ୍ଚୟ କରିବାକୁ ଆରମ୍ଭ କରିଥିଲେ । ଏବଂ ୪ ବର୍ଷ ମଧ୍ୟରେ ସେ ଘର ପାଇଁ ଟଙ୍କା ମଧ୍ୟ ଦେଇଥିଲେ । ସେ ଆହୁରି ମଧ୍ୟ କହିଥିଲେ ଯେ ସେ କିପରି ଏତେ ଟଙ୍କା ସଞ୍ଚୟ କରିଥିଲେ । ରିପୋର୍ଟ ଅନୁଯାୟୀ, ସେ ଖାଦ୍ୟ ପାଇଁ କେବଳ ୪୫୦ ଟଙ୍କା ପର୍ଯ୍ୟନ୍ତ ଖର୍ଚ୍ଚ କରନ୍ତି । ତେବେ ସେ ଏତିକି ଟଙ୍କାରେ ସୁସ୍ଥ ଖାଦ୍ୟ ଖାଆନ୍ତି କିନ୍ତୁ ତା’ପରେ ମଧ୍ୟ ତାଙ୍କ ଟଙ୍କା ବଳିଥାଏ । ଏହା ପଛର କାରଣ ହେଉଛି ସମସ୍ତ ଅଫର ଏବଂ ରିହାତି ଯାହା ବିଭିନ୍ନ ୱେବସାଇଟରୁ କୁପନ୍ କିମ୍ବା ପଏଣ୍ଟ ସଂଗ୍ରହ କରି ମିଳିଥାଏ । ଜି ଅନେକ ୱେବସାଇଟରେ ପ୍ରତିଯୋଗିତା କିମ୍ବା କୁଇଜ୍ ରେ ଅଂଶଗ୍ରହଣ କରନ୍ତି ଏବଂ ସେଥିରୁ ମାଗଣାରେ କିମ୍ବା ବହୁତ କମ୍ ମୂଲ୍ୟରେ ଜିନିଷ ପାଇଥାନ୍ତି । ଯାହାକୁ ସେ ଖାଦ୍ୟ ପଦାର୍ଥରେ ବ୍ୟବହାର କରନ୍ତି ।

ଅନ୍ୟପଟେ, ଟଙ୍କା ସଞ୍ଚୟ କରିବା ପାଇଁ ସେ ନିଜ ଅଫିସକୁ ୨ ଘଣ୍ଟା ଚାଲି ଚାଲି ଯାଆନ୍ତି । ଯାହାଦ୍ୱାରା ସେ ପରିବହନ ଖର୍ଚ୍ଚରୁ ବଞ୍ଚି ଯାଆନ୍ତି । କେବଳ ସେତିକି ନୁହେଁ ସେ ଘରେ ତିଆରି ଚା ଏବଂ ଟ୍ୟାପ୍ ପାଣି ପିଇଥାନ୍ତି ଯାହା ବିଲକୁଲ ମାଗଣା । ଏହିପରି, ସେମାନଙ୍କ ପାଣି କିଣିବା ଖର୍ଚ୍ଚ ମଧ୍ୟ ସଞ୍ଚୟ ହୋଇଥାଏ । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଏହି ସଞ୍ଚୟ ପଦ୍ଧତି କାରଣରୁ ସେ ମାତ୍ର ୪ ବର୍ଷ ମଧ୍ୟରେ ୬୧ ଲକ୍ଷରୁ ଅଧିକ ଟଙ୍କା ସଞ୍ଚୟ କରିଛନ୍ତି । ଆଉ ଯାହା ଆଜିକା ପିଢି ପାଇଁ ଏକ ଉଦାହରଣ ।