spot_img
Home Blog Page 4397

ୟୁକ୍ରେନ ରାଜଧାନୀ କିଭରେ ଖୁବଶୀଘ୍ର ଖୋଲିବ ଭାରତୀୟ ଦୂତାବାସ, ଋଷର ଆକ୍ରମଣ ପରେ ବନ୍ଦ ଥିଲା ଦୂତବାସ

Santosh Kumar Sahoo
-
0
ୟୁକ୍ରେନ ରାଜଧାନୀ କିଭରେ ଖୁବଶୀଘ୍ର ଖୋଲିବ ଭାରତୀୟ ଦୂତାବାସ, ଋଷର ଆକ୍ରମଣ ପରେ ବନ୍ଦ ଥିଲା ଦୂତବାସ

ନୂଆଦିଲ୍ଲୀ: ୟୁକ୍ରେନ ରାଜଧାନୀ କିଭରେ ଖୁବଶୀଘ୍ର ଖୋଲିବ ଭାରତୀୟ ଦୂତାବାସ । ଆସନ୍ତା ୧୭ ତାରିଖରୁ ଭାରତୀୟ ଦୂତାବାସ ପୁଣି ଥରେ କିଭରେ କାର୍ଯ୍ୟକ୍ଷମ ହୋଇପାରେ ବୋଲି ଭାରତୀୟ ବୈଦେଶିକ ମନ୍ତ୍ରଣାଳୟ ସୂଚନା ଦେଇଛି । ସୂଚନା ଅନୁସାରେ ୟୁକ୍ରେନ ଉପରେ ଋଷର ଜୋରଦାର ଆକ୍ରମଣ ପରେ କିଭ୍ ସ୍ଥିତ ଭାରତୀୟ ଦୂତାବାସ ବନ୍ଦ କରିଦିଆଯାଇଥିଲା । ମାର୍ଚ୍ଚ ୧୩ ତାରିଖରୁ ଭାରତୀୟ ଦୂତାବାସକୁ ପୋଲାଣ୍ଡ ରାଜଧାନୀ ଓ୍ୱାର୍ସାକୁ ଅସ୍ଥାୟୀ ଭାବରେ ସ୍ଥାନାନ୍ତର କରାଯାଇଥିଲା । ତେବେ ବର୍ତ୍ତମାନ ଯୁଦ୍ଧ ବିଭୀଷୀକା ଟିକେ କମିବା ପରେ ପୁଣି ଥରେ କିଭରୁ ଦୂତାବାସ କାର୍ଯ୍ୟ ଆରମ୍ଭ ହେବ ବୋଲି କେନ୍ଦ୍ର ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ କୁହାଯାଇଛି ।

ସୁନ୍ଦରଗଡରେ ମୁଖ୍ୟ ଶାସନ ସଚିବ, ଉନ୍ନତିମୂଳକ କାର୍ଯ୍ୟର ସମୀକ୍ଷା କଲେ

Kalyani Parida
-
0
ସୁନ୍ଦରଗଡରେ ମୁଖ୍ୟ ଶାସନ ସଚିବ, ଉନ୍ନତିମୂଳକ କାର୍ଯ୍ୟର ସମୀକ୍ଷା କଲେ

ରାଉରକେଲା: ପ୍ରଗତି ପଥରେ ଆଗଉଛି ସୁନ୍ଦରଗଡ। ଜାରି ରହିଛି ବିଭିନ୍ନ ଉନ୍ନତିମୂଳକ କାର୍ଯ୍ୟ । ଇଵ ନଦୀରେ ଦୁଇଟି ଵ୍ୟାରେଜ ନିର୍ମାଣ ପାଇଁ ଟେଣ୍ଡର ସରିଥିବା ବେଳେ ଖୁବଶୀଘ୍ର ଵ୍ୟାରେଜ ନିର୍ମାଣ କାର୍ଯ୍ୟ ଆରମ୍ଭ ହେଵ। ଏନେଇ ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ ।

ସୂଚନା ଅନୁଯାୟୀ, ଦୁଇ ଦିନିଆ ସୁନ୍ଦରଗଡ ଜିଲ୍ଲା ଗସ୍ତରେ ଯାଇ ଜିଲ୍ଲାସ୍ତରୀୟ ଅଧିକାରୀଙ୍କ ସହ କାର୍ଯ୍ୟର ସମୀକ୍ଷା କରିଛନ୍ତି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର। ପ୍ରଥମେ ସେ ସୁନ୍ଦରଗଡ଼ ସଦର ବ୍ଲକ୍ ଅନ୍ତର୍ଗତ କୋପସିଙ୍ଗାଠାରେ ନିର୍ମାଣାଧୀନ ବ୍ୟାରେଜ ପରିଦର୍ଶନ କରିବା ସହ ସୁନ୍ଦରଗଡ଼ ମେଡିକାଲ କଲେଜ ଓ ହସ୍ପିଟାଲ ଏବଂ ଟ୍ରାଫିକ ପରିଚାଳନା ପାଇଁ ଅତ୍ୟାଧୁନିକ କମାଣ୍ଡ ସେଣ୍ଟର ଓ କଣ୍ଟ୍ରୋଲ ରୁମ୍ ବୁଲି ଦେଖିଥିଲେ।

ଏହି ଅବସରରେ ସେ କହିଛନ୍ତି ଯେ ଏବର୍ଷ ସୁନ୍ଦରଗଡ଼ ମେଡ଼ିକାଲ କଲେଜ କାର୍ଯ୍ୟକ୍ଷମ ହେବ । ରୋଗୀ ଚିକିତ୍ସା ବି ଆରମ୍ଭ ହେଵ । ପ୍ରିନସିପାଲ, ସୁପରିଣ୍ଟେଣ୍ଡେଣ୍ଟ, ପ୍ରଫେସର, ଆସିଷ୍ଟାଣ୍ଟ ପ୍ରଫେସର ନିଯୁକ୍ତି ସରିଥିବା ମୁଖ୍ୟ ଶାସନ ସଚିବ ସୂଚନା ଦେଇଛନ୍ତି ।

ଏହାସହ ମୁଖ୍ୟ ଶାସନ ସଚିବ ସୁନ୍ଦରଗଡରେ ଟ୍ରାଫିକ କଣ୍ଟ୍ରୋଲ ବ୍ୟବସ୍ଥାର ମଧ୍ୟ ଅନୁଧ୍ୟାନ କରିଛନ୍ତି। ଅପରପକ୍ଷେ ଆସନ୍ତାକାଲି ସକାଳ ୬ଟାରେ ବିପିୟୁଟି ପରିସରରେ ନିର୍ମାଣାଧୀନ ହକି ଷ୍ଟାଡିୟମ୍ ନିର୍ମାଣ କାର୍ଯ୍ୟ ଅନୁଧ୍ୟାନ କରିବେ । ରାଉରକେଲା ସ୍ମାର୍ଟ ସିଟି ପଷରୁ ହେଉଥିବା ବିଭିନ୍ନ ଉନ୍ନତିମୂଳକ କାର୍ଯ୍ୟର ତଦାରଖ କରିବେ । ପରେ ସକାଳ ୧୧ ଟା ସମୟରେ ଟେନସା ଇକୋ ଟୁରିଜିମ ସାଇଟ ଗସ୍ତ କରିବାର କାର୍ଯ୍ୟକ୍ରମ ରହିଛି।

କେନ୍ଦୁଝରରେ ସୁନାଖଣି ମିଳିବା ଆଶା ଦୃଢ଼ୀଭୂତ, ବାଂଶପାଳ ଅଞ୍ଚଳରେ ଜାରି ରହିଛି ଅନୁସନ୍ଧାନ

Santosh Kumar Sahoo
-
0
କେନ୍ଦୁଝରରେ ସୁନାଖଣି ମିଳିବା ଆଶା ଦୃଢ଼ୀଭୂତ, ବାଂଶପାଳ ଅଞ୍ଚଳରେ ଜାରି ରହିଛି ଅନୁସନ୍ଧାନ

କେନ୍ଦୁଝରର: କେନ୍ଦୁଝରରେ ସୁନାଖଣି ! ଚାଲିଛି ନମୁନା ସଂଗ୍ରହ । କେନ୍ଦୁଝର ଜିଲ୍ଲା ବାଂଶପାଳ ବ୍ଲକ ତରମାକାନ୍ତ ପଞ୍ଚାୟତର ଜଳଡ଼ିହା ଗାଁ ପାଖରେ ସୁନାଖଣି ନେଇ ନମୁନା ସଂଗ୍ରହ ଚାଲିଛି । ଜଙ୍ଗଲରେ ସୁନାଖଣି ନେଇ ଦେଢ଼ କିଲୋମିଟର ପରିଧିରେ ମାଟି ଭିତରେ ଗାତ ଖୋଳି କରାଯାଉଛି ନମୁନା ସଂଗ୍ରହ । ୬ ମାସ ଧରି ଭାରତ ସରକାରଙ୍କ ପକ୍ଷରୁ ଚାଲିଥିବା ନମୁନା ସଂଗ୍ରହ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଛି ।

ଏକଦା କେନ୍ଦୁଝର ବାଂଶପାଳ ବ୍ଲକ ତରମାକାନ୍ତ ଅଞ୍ଚଳରେ ଚା’ ଚାଷ ହେଉଥିଲା । ଏବେ କିନ୍ତୁ ଚା’ ଚାଷ ବନ୍ଦ ହୋଇଯାଇଛି । ଏହି ଅଞ୍ଚଳର ଲୋକ ଜୀବିକା ପାଇଁ ମୁଖ୍ୟତଃ ଜଙ୍ଗଲ ଉପରେ ନିର୍ଭର କରନ୍ତି । ୮୦ ଦଶକରେ ଏହି ଅଞ୍ଚଳରେ ସୁନାଖଣି ପାଇଁ ନମୁନା ସଂଗ୍ରହ ଆରମ୍ଭ ହୋଇଥିଲା । କିଛି ବର୍ଷ ବନ୍ଦ ରହିବା ପରେ ୬ ମାସ ହେଲା ପୁଣି ନମୁନା ସଂଗ୍ରହ ଚାଲିଛି । ତେବେ ଯଦି ଏହି ଅଞ୍ଚଳରେ ସୁନାଖଣି ହେଲେ ଏହି ଅଞ୍ଚଳର ଆର୍ଥିକ ଅଭ୍ୟୁଦୟ ଘଟିବ।

୭୩ ବର୍ଷ ବୟସରେ ୟୁଏଇ ରାଷ୍ଟ୍ରପତିଙ୍କ ପରଲୋକ, ୪୦ ଦିନିଆ ରାଷ୍ଟ୍ରୀୟ ଶୋକ ଘୋଷଣା

Kalyani Parida
-
0
୭୩ ବର୍ଷ ବୟସରେ ୟୁଏଇ ରାଷ୍ଟ୍ରପତିଙ୍କ ପରଲୋକ, ୪୦ ଦିନିଆ ରାଷ୍ଟ୍ରୀୟ ଶୋକ ଘୋଷଣା

ଦୁବାଇ: ୟୁଏଇ ରାଷ୍ଟ୍ରପତି ଶେଖ ଖଲିଫା ବିନ୍ ଜାୟେଦ ଅଲ ନାହ୍ୟାନଙ୍କ ପରଲୋକ ହୋଇଛି । ମୃତ୍ୟୁ ବେଳକୁ ତାଙ୍କୁ ୭୩ ବର୍ଷ ହୋଇଥିଲା ବେଳେ ସେ ଦୀର୍ଘ ବର୍ଷ ଧରି ଅସୁସ୍ଥ ରହିଥିଲେ । ରାଷ୍ଟ୍ରପତିଙ୍କ ମୃତ୍ୟୁରେ ଦେଶରେ ୪୦ ଦିନିଆ ରାଷ୍ଟ୍ର ଶୋକ ଘୋଷଣା କରାଯାଇଛି । ସେହିପରି ଆଜିଠାରୁ ଦେଶର ପତାକା ଅର୍ଦ୍ଧନମିତ କରାଯାଇଛି ।

ସୂଚନା ଅନୁଯାୟୀ, ସବୁ ସରକାରୀ ଓ ଘରୋଇ ଅଫିସକୁ ୩ ଦିନ ପାଇଁ ଛୁଟି ଘୋଷଣା କରାଯାଇଛି। ୨୦୦୪ ମସିହା ନଭେମ୍ବର ମାସରୁ ଖଲିଫା ୟୁଏଇର ରାଷ୍ଟ୍ରପତି ଭାବେ କାର୍ଯ୍ୟ କରି ଆସୁଥିଲେ । ତାଙ୍କ ପୂର୍ବରୁ ତାଙ୍କ ବାପା ଏହି ପଦରେ ରହିଥିଲେ । ୧୯୪୮ ମସିହାରେ ଜନ୍ମଗ୍ରହଣ କରିଥିଲେ ଶେଖ ଖଲିଫା

ତେବେ ରାଷ୍ଟ୍ରପତିଙ୍କ ବିୟୋଗ ପରେ ଦୁବାଇ ସମ୍ବିଧାନ ଅନୁସାରେ, ଉପରାଷ୍ଟ୍ରପତି ତଥା ଦୁବାଇ ଶାସକ ଶେଖ୍ ମହମ୍ମଦ ବିନ ରଶିଦ ଅଲ୍ ମଖତୁମ କାମଚଳା ରାଷ୍ଟ୍ରପତି ହେବେ। ସେହିପରି ନିୟମ ଅନୁସାରେ ୩୦ ଦିନ ଭିତରେ ନୂଆ ରାଷ୍ଟ୍ରପତି ନିର୍ବାଚନ କରାଯିବ।

ବିଶ୍ଵପ୍ରସିଦ୍ଧ ଘୋଷଯାତ୍ରା ପାଇଁ ଜୋରଦାର ପ୍ରସ୍ତୁତି, ଆସନ୍ତା ୨୦ରେ RDCଙ୍କ ଅଧ୍ୟକ୍ଷତାରେ ବସିବ ସମନ୍ୱୟ ବୈଠକ

Santosh Kumar Sahoo
-
0
ବିଶ୍ଵପ୍ରସିଦ୍ଧ ଘୋଷଯାତ୍ରା ପାଇଁ ଜୋରଦାର ପ୍ରସ୍ତୁତି, ଆସନ୍ତା ୨୦ରେ RDCଙ୍କ ଅଧ୍ୟକ୍ଷତାରେ ବସିବ ସମନ୍ୱୟ ବୈଠକ

ପୁରୀ: ବିଶ୍ୱପ୍ରସିଦ୍ଧ ରଥଯାତ୍ରାକୁ ନେଇ ଜୋରସୋରରେ ପ୍ରସ୍ତୁତି । ଶ୍ରୀମନ୍ଦିର ମୁଖ୍ୟ ପ୍ରଶାସକ ବୀର ବିକ୍ରମ ଯାଦବଙ୍କ ଅଧ୍ୟକ୍ଷତାରେ ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟରେ ଏନେଇ ଏକ ପ୍ରସ୍ତୁତି ବୈଠକ । ଏଥିରେ ଜିଲ୍ଲାପାଳ, ଶ୍ରୀମନ୍ଦିର ନୀତି ଓ ଉନ୍ନୟନ ପ୍ରଶାସକ ପ୍ରମୁଖ ଉପସ୍ଥିତ ଥିଲେ । କେନ୍ଦ୍ରାଞ୍ଚଳ ରାଜସ୍ବ ଆୟୁକ୍ତଙ୍କ ଅଧ୍ୟକ୍ଷତାରେ ରଥଯାତ୍ରା ସମନ୍ୱୟ କମିଟି ବୈଠକ ବସିବା ନେଇ ଜିଲ୍ଲାପାଳ ସୂଚନା ଦେଇଛନ୍ତି । ୨୦ ତାରିଖରେ ଏହି ବୈଠକ ବସିବାକୁ ଥିବାବେଳେ ରଥଯାତ୍ରା ପାଇଁ ସବୁ ବିଭାଗ କିଭଳି ପ୍ରସ୍ତୁତି କରିଛନ୍ତି ତାହାର ସମୀକ୍ଷା କରାଯିବ । ସେହିପରି ରଥଯାତ୍ରା ପୂର୍ବରୁ ଶ୍ରୀମନ୍ଦିର ଓ ଗୁଣ୍ଡିଚା ମନ୍ଦିରରେ ୨୩୬ଟି ସିସିଟିଭି କ୍ୟାମେରା ଲଗାଯିବା ନେଇ ଟେଣ୍ଡର ପ୍ରକ୍ରିୟା ଶେଷ ହୋଇଥିବା ବେଳେ ଏହାକୁ ସେବାୟତ ମାନେ ସ୍ୱାଗତ କରିଛନ୍ତି ।

ସେପଟେ ରଥଯାତ୍ରା ଯେତିକି ପାଖେଇ ଆସୁଛି ରଥଖଳା ଚଳଚଞ୍ଚଳ ହେବାରେ ହେବାରେ ଲାଗିଛି । ରଥ ଖଳାରେ ତିନି ରଥର ନିର୍ମାଣ କାର୍ଯ୍ୟ ଜୋରସୋରରେ ଜାରି ରହିଛି । ରଥ ନିର୍ମାଣରେ ନିୟୋଜିତ ହୋଇଛନ୍ତି ୧୩୨ ଜଣ କାରିଗର । ଆସନ୍ତାକାଲି ନୃସିଂହ ଚତୃଦଶୀ ଅବସରରେ ରୂପକାର ସେବକ ମାନଙ୍କ ଦ୍ୱାରା ଗୁଜ ଅନୁକୂଳ ନୀତି ଅନୁଷ୍ଠିତ ହେବ ସହ ଭୋଇ ସେବକ ମାନେ ଯନ୍ତାଗାଡ଼ ନିର୍ମାଣ ଆରମ୍ଭ କରିବେ ।

୨୪ ଘଣ୍ଟା ମଧ୍ୟରେ ମୁହଁତୋଡ ଜବାବ ଦେଲା ସେନା

Kalyani Parida
-
0
୨୪ ଘଣ୍ଟା ମଧ୍ୟରେ ମୁହଁତୋଡ ଜବାବ ଦେଲା ସେନା

ନୂଆଦିଲ୍ଲୀ: କାଶ୍ମୀରୀ ପଣ୍ଡିତଙ୍କ ହତ୍ୟାର ଜବାବ ଏନକାଉଣ୍ଟରରେ । ପୋଲିସ ଗୁଳିରେ ୩ ଆତଙ୍କବାଦୀ ନିହତ ହୋଇଛନ୍ତି। ଏହି ୩ ଜଣଙ୍କ ମଧ୍ୟରୁ ୨ ଜଣ ଥିଲେ କାଶ୍ମୀର ପଣ୍ଡିତ ରାହୁଲ ଭଟ୍ଟଙ୍କ ହତ୍ୟା ଘଟଣାରେ ସମ୍ପୃକ୍ତ । ଆଜି ବାନ୍ଦିପୋରାର ବ୍ରାର ଆରାଗମ ଅଞ୍ଚଳରେ ନିରାପତ୍ତା ଯବାନ ଓ ଆତଙ୍କବାଦୀଙ୍କ ମଧ୍ୟରେ ହୋଇଥିଲା ଗୁଳି ବିନିମୟ ।

ସୂଚନା ଅନୁଯାୟୀ, ଗତ ଗୁରୁବାର ଆତଙ୍କବାଦୀ ମାନେ ରାହୁଲଙ୍କୁ ହତ୍ୟା କରିବା ପରେ ନିରାପତ୍ତା ଯବାନ କରିଥିଲେ ସର୍ଚ୍ଚ ଅପରେସନ । ଗତ ବୁଧବାର ଏନକାଉଣ୍ଟର ବେଳେ ଏହି ୨ ଆତଙ୍କବାଦୀ ଖସିଯାଇଥିଲେ । ବୁଦଗାଓଁର ରାଜସ୍ବ ବିଭାଗ କାର୍ଯ୍ୟାଳୟରେ ପଶି ଆତଙ୍କବାଦୀମାନେ ଗୁରୁବାର ଦିନ ଏହି ବିଭାଗରେ କାର୍ଯ୍ୟରତ ରାହୁଲଙ୍କୁ ହତ୍ୟା କରିଥିଲେ । ପରେ ଏହି ହତ୍ୟା ଲାଗି ନିଜକୁ ଦାୟୀ କରିଥିଲା କାଶ୍ମୀର ଟାଇଗର୍ସ ।

ଏହି ହତ୍ୟାକାଣ୍ଡକୁ ନେଇ କାଶ୍ମୀରରେ ଜୋରଦାର ବିକ୍ଷୋଭ ପ୍ରଦର୍ଶନ ସହ ଆନ୍ଦୋଳନ ହୋଇଛି। ବିଭିନ୍ନ ସ୍ଥାନରେ ପୋଲିସ ଲାଠିଚାର୍ଜ କରିବା ସହ ଲୁହବୁହା ବାଷ୍ପ ପ୍ରୟୋଗ କରିଛି । ତେଣେ ପୁଲଓ୍ବାମାରେ ଆଜି ଆତଙ୍କବାଦୀଙ୍କ ଗୁଳିର ଶିକାର ହୋଇଛନ୍ତି ସ୍ପେସାଲ ପୋଲିସ ଅଫିସର ତିଆଜ ଅହମ୍ମଦ ଥୋକର। ଗଦୋରାସ୍ଥିତ ବାସଭବନ ନିକଟରେ ତାଙ୍କୁ ଗୁଳି କରାଯାଇଥିଲା। ଗାର୍ଡ ଅଫ ଅନର ପ୍ରଦାନ ପରେ ତାଙ୍କ ଶେଷକୃତ୍ୟ ସମ୍ପନ୍ନ ହୋଇଥିବା ଜଣାପଡିଛି।

ସହର ଭିତରେ ବୁଲିଲା ହାତୀ, ଆତଙ୍କିତ ଜନସାଧାରଣ

Kalyani Parida
-
0
ସହର ଭିତରେ ବୁଲିଲା ହାତୀ, ଆତଙ୍କିତ ଜନସାଧାରଣ

ସିଲିଗୁଡ଼ି: ପଶ୍ଚିମବଙ୍ଗ ସିଲିଗୁଡ଼ି ସହରରେ ବୁଲିଲା ହାତୀ । ଆଜି ସକାଳେ ମହାନନ୍ଦ ବନ୍ୟଜନ୍ତୁ ଅଭୟାରଣ୍ୟରୁ ଏକ ବୟସ୍କ ହାତୀ ଅକସ୍ମାତ ଜନବସତିକୁ ଚାଲିଆସିଥିଲା । ଆଉ ହାତୀଟି ସହର ଭିତରୁ ଫେରିବାର ବାଟ ପାଇନପାରି ଗଳିକନ୍ଦି ବୁଲିବାରେ ଲାଗିଥିଲା।

ସିଲିଗୁଡ଼ିର ସାଲବାରି ରେସିଡେନସିଆଲ ଇଲାକାରେ ହାତୀଟି ମନଇଚ୍ଛା ବୁଲିବା ସହ ଏଣେତେଣେ ଯିବାରେ ଲାଗିଥିଲା । ଏହାକୁ ନେଇ ସେଠାରେ ଆତଙ୍କ ପ୍ରକାଶ ପାଇଥିଲା । ତେବେ ବନବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ହାତୀଟିକୁ ଘଉଡ଼ାଇବାରେ ସକ୍ଷମ ହୋଇଥିଲେ ।

ଅଲଗା ହେବେ ସୋହେଲ୍ ଖାନ୍ ଓ ପତ୍ନୀ ସୀମା

Kalyani Parida
-
0
ଅଲଗା ହେବେ ସୋହେଲ୍ ଖାନ୍ ଓ ପତ୍ନୀ ସୀମା

ନୂଆଦିଲ୍ଲୀ: ବଲିଉଡ୍ ଅଭିନେତା ସୋହେଲ୍ ଖାନ୍ ଓ ପତ୍ନୀ ସୀମା ଖାନ୍ ଅଲଗା ହେବାକୁ ଯାଉଛନ୍ତି। ଦୁହେଁ ଶୁକ୍ରବାର ଦିନ ମୁମ୍ବାଇର ଫ୍ୟାମିଲି କୋର୍ଟରେ ଏନେଇ ଆବେଦନ କରିଛନ୍ତି । ଯେଉଁ ଖବର ଫ୍ୟାନ୍ସଙ୍କୁ ଝଟକା ଦେଇଛି । ୨୦୨୦ରେ ନେଟଫ୍ଲିକ୍ସରେ ଏକ ଶୋ ରିଲିଜ ହୋଇଥିଲା । ଯେଉଁଥିରେ ଏହି ଦୁଇ ଦମ୍ପତ୍ତି ଆସିଥିଲେ ।

ଫେବୁଲସ୍ ଲାଇଭ୍ସ ଅଫ୍ ବଲିଉଡ୍ ୱାଇଫ୍ସ ନାମକ ଏହି ଶୋ’ରୁ ଜଣାପଡିଥିଲା, ଏହି ଯୋଡିଙ୍କ ମଧ୍ୟରେ ସବୁ କିଛି ଠିକ୍ ନାହିଁ । ଆଉ ସୋହେଲ୍ ଏବଂ ସୀମା ଅଲଗା ଅଲଗା ରହୁଛନ୍ତି । ସେହି ଶୋ’ରେ ପୁଅ ନିର୍ବାଣ କହିଥିଲେ ଯେ, ମାଆ ବାପା ଅଲଗା ରହୁଛନ୍ତି । ମୁଁ ବିଦେଶରୁ ଫେରିବା ପରେ ମାଆ ମୋତେ ତାଙ୍କ ଘରେ ରହିବାକୁ କହିଥିଲେ । କିନ୍ତୁ ମୁଁ ମନା କରିବା ସହ ବାପାଙ୍କ ପାଖରେ ରହିବି ବୋଲି କହିଥିଲି । ଯାହାକୁ ନେଇ ପରେ ମା’ ସୀମା ରାଗି ଯାଇଥିଲେ।

ଏନେଇ ସୀମା କହିଥିଲେ, ମୋତେ ପୁଅ ନିର୍ବାଣ ସହ ସମୟ ବିତାଇବା ପାଇଁ ଖାସ୍ ସୁଯୋଗ ମିଳେନାହିଁ। ସେ ନିଜ ବାପାଙ୍କ ସହ ରହେ । ଆଉ ଘରକୁ ଆସିଲେ ସାଙ୍ଗେସାଙ୍ଗେ ଶୋଇପଡେ । ଏହା ନିର୍ବାଣର ସବୁଠୁ ଖରାପ ଅଭ୍ୟାସ ।

ସୋହେଲ୍ ଓ ସୀମାଙ୍କର ବିବାହ ୧୯୯୮ରେ ହୋଇଥିଲା । ଏହି ଦମ୍ପତ୍ତିଙ୍କର ୟୋହାନ୍ ଓ ନିର୍ବାଣ ନାମରେ ଦୁଇ ସନ୍ତାନ ରହିଛନ୍ତି । ବିବାହର ୨୪ ବର୍ଷ ପରେ ଦୁହେଁ ଅଲଗା ହେବାକୁ ଯାଉଛନ୍ତି । ୨୦୧୭ରେ ସୋହେଲ୍ ଓ ସୀମାଙ୍କ ବିବାହ ବିଚ୍ଛେଦ ନେଇ ଚର୍ଚ୍ଚା ହୋଇଥିଲା । ସେସମୟରେ ଦୁହେଁ ଏସମ୍ପର୍କରେ ଚୁପ୍ ରହିଥିଲେ ।

ହାଣ୍ଡିଭଙ୍ଗା ପର୍ବ ପାଇଁ ଉତ୍ସବମୁଖର ରାମଚଣ୍ଡୀ ପୀଠ

Santosh Kumar Sahoo
-
0
ହାଣ୍ଡିଭଙ୍ଗା ପର୍ବ ପାଇଁ ଉତ୍ସବମୁଖର ରାମଚଣ୍ଡୀ ପୀଠ

କୋଣାର୍କ: ଉତ୍ସବମୁଖର କୋଣାର୍କର ରାମଚଣ୍ଡୀ ପୀଠ । ଧର୍ମ ମାସର ଶେଷ ଗୁରୁବାରରେ ଭକ୍ତିମୟ ପରିବେଶ । ମାଆ ରାମଚଣ୍ଡୀଙ୍କ ନିକଟରେ ହାଣ୍ଡିଭଙ୍ଗା ଉତ୍ସବ । ଦେବୀ ରାମଚଣ୍ଡୀଙ୍କ ପୀଠରେ ହାଣ୍ଡିଭଙ୍ଗା ପର୍ବ ପାଳନ ହୋଇଛି । ମାନସିକଧାରୀ ମହିଳାମାନେ ବ୍ରତ ରଖି ଭକ୍ତି ସହକାରେ ଓଷା ପାଳନ କରିଛନ୍ତି । ଗୁରୁବାର ଭୋରୁ ମାଆଙ୍କ ମଙ୍ଗଳ ଆଳିତ ପରେ ସ୍ବତନ୍ତ୍ର ପୂଜାର୍ଚ୍ଚନା ହୋଇଥିଲା । ପରେ ପରମ୍ପରା ଅନୁଯାୟୀ, ମାଆଙ୍କ ରୋଷ ଘରୁ ନିଆଁ ଆଣି ମାଟି ହାଣ୍ଡିରେ ଖେଚୁଡ଼ି ଭୋଗ ପ୍ରସ୍ତୁତ କରିଥିଲେ ମାନସିକଧାରୀ । ଗୋଟିଏ ଭାଗ ଖାଇବା ପରେ ବାଡିଆ ବନ୍ତରେ ପ୍ରସାଦ ହାଣ୍ଡିକୁ ଭାଙ୍ଗି ବ୍ରତ ଭାଙ୍ଗିଛନ୍ତି ମାନସିକଧାରୀ ।

ପରମ୍ପରା ଅନୁଯାୟୀ ଏହି ଓଷା ପାଳନ ହେଉଛି । ପିତୃ ପୁରଷ ଓ ପରିବାରର ମଙ୍ଗଳକାମନା ଉଦ୍ଦେଶ୍ୟରେ ମହିଳାମାନେ ବ୍ରତପାଳନ କରିଥାନ୍ତି । ହାଣ୍ଡିଭଙ୍ଗା ଯାତ୍ରାରେ ଦେବୀ ରାମଚଣ୍ଡୀ ସ୍ବତନ୍ତ୍ର ବେଶରେ ଭକ୍ତଙ୍କୁ ଦର୍ଶନ ଦେଇଥିଲେ । ଶ୍ରଦ୍ଧାଳୁମାନେ ମାଆଙ୍କ ଦର୍ଶନ କରି ଆଶିଷ ଲାଭ କରିଛନ୍ତି । ମହାମାରୀ କରୋନା ପାଇଁ ୨ ବର୍ଷ ହେଲା ବନ୍ଦ ଥିଲା ଏହି ପର୍ବ । କଟକଣା କୋହଳ ହେବା ପରେ ଓଷା ପାଳନ ହୋଇଛି ।

IPL 2022: ଆଜି ବାଙ୍ଗାଲୋରକୁ ଭେଟିବ ପଞ୍ଜାବ

Santosh Kumar Sahoo
-
0
IPL 2022: ଆଜି ବାଙ୍ଗାଲୋରକୁ ଭେଟିବ ପଞ୍ଜାବ

ମୁମ୍ବାଇ: ଆଜି ଇଣ୍ଡିଆନ ପ୍ରିମିୟର ଲିଗର ୬୦ ତମ ମ୍ୟାଚରେ ମୁହାଁମୁହିଁ ହେବେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ପଞ୍ଜାବ କିଙ୍ଗ୍ସ । ଏହି ମ୍ୟାଚ ପୂର୍ବରୁ ଉଭୟ ଦଳ ଜୋରଦାର ଅଭ୍ୟାସ କରିଛନ୍ତି । ଉଭୟ ଦଳ ପାଇଁ ଏହି ମ୍ୟାଚରେ ବିଜୟ ଲାଭ କରିବା ଅତ୍ୟନ୍ତ ଜରୁରୀ । ପ୍ଲେ ଅଫ ରେସରେ ରହିବା ପାଇଁ ଆଜିର ମ୍ୟାଚକୁ ଜିତିବାକୁ ଉଭୟ ଦଳ ଚେଷ୍ଟା କରିବେ । ତେଣୁ ଆଜିର ମ୍ୟାଚରେ ସଂଘର୍ଷପୂର୍ଣ୍ଣ ମୁକାବିଲା ଦେଖିବାକୁ ମିଳିବ ।

https://twitter.com/RCBTweets/status/1525068340204515328?s=20&t=E2dK3zYOF5GIuM5naqpHvw

ଚଳିତ ଆଇପିଏଲରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏପର୍ଯ୍ୟନ୍ତ ୧୨ଟି ମ୍ୟାଚ ଖେଳିଥିବାବେଳେ ୭ଟି ମ୍ୟାଚରେ ବିଜୟ ଲାଭ କରିଛି ।  ଯଦି ପଏଣ୍ଟ ଟେବୁଲ କଥା କହିବା ତାହାଲେ ବାଙ୍ଗାଲୋର ୧୪ ପଏଣ୍ଟ ସହ ଚତୁର୍ଥ ସ୍ଥାନରେ ରହିଛି । ଅନ୍ୟପକ୍ଷରେ ଆରସିବି ପ୍ଲେ ଅଫକୁ ଯିବାକୁ ହେଲେ ଆଜିର ମ୍ୟାଚରେ ପଞ୍ଜାବକୁ ପରାସ୍ତ କରି ପଏଣ୍ଟ ଟେବୁଲରେ ନିଜ ସ୍ଥାନ ଦୃଢ଼ କରିବାକୁ ପଡ଼ିବ । ତେବେ ଚଳିତ ଆଇପିଏଲରେ ଆରସିବି ତା’ର ପ୍ରଥମ ମ୍ୟାଚରେ ପଞ୍ଜାବକୁ ଭେଟିଥିଲା । ଏହି ମ୍ୟାଚରେ ପଞ୍ଜାବ କିଙ୍ଗ୍ସଠାରୁ ୫ ଓ୍ୱିକେଟରେ ପରାସ୍ତ ହୋଇଥିଲା । ତେଣୁ ଆଜିର ମ୍ୟାଚରେ ବିଜୟ ଲାଭ କରି ପରାଜୟର ବଦଲା ନେବାକୁ ଚେଷ୍ଟା କରିବ ବାଙ୍ଗାଲୋର ।

ଅନ୍ୟପକ୍ଷରେ ଯଦି ପଞ୍ଜାବ କିଙ୍ଗ୍ସ କଥା କହିବା ତାହାଲେ ଚଳିତ ଆଇପିଏଲରେ ପଞ୍ଜାବ ଏପର୍ଯ୍ୟନ୍ତ ୧୧ଟି ମ୍ୟାଚ ଖେଳି ୫ଟି ମ୍ୟାଚରେ ବିଜୟ ଲାଭ କରିଛି । ୫ଟି ମ୍ୟାଚରେ ବିଜୟ ଲାଭ ସହ ପଏଣ୍ଟ ଟେବୁଲର ଅଷ୍ଟମ ସ୍ଥାନରେ ରହିଛି ପଞ୍ଜାବ । ତେଣୁ ଯଦି ପ୍ଲେ ଅଫ ରେସରେ ରହିବାକୁ ହୁଏ ତେବେ ଆଜିର ମ୍ୟାଚରେ ପଞ୍ଜାବ ପାଇଁ ବିଜୟ ହିଁ ଏକ ମାତ୍ର ବିକଳ୍ପ ଅଟେ ।

1...4,3964,3974,398...8,086Page 4,397 of 8,086

Latest Stories

Location

Popular Tags

Odisha16636NANDIGHOSHA TV6027INDIA3284BHUBANESWAR3078BJD2144NandighoshaTv2031Naveen Patnaik1911PURI1744BJP1628

Contact us