ନୂଆଦିଲ୍ଲୀ: ଆପଣଙ୍କର SBIରେ ଆକାଉଣ୍ଟ ଅଛି କି? ତାହେଲେ ଏବେ ଗୋଟିଏ ନମ୍ବର ମନେ ରଖିଲେ ହେବ ସବୁ ସମସ୍ୟାର ସମାଧାନ । ଯଦି ଆପଣଙ୍କର ଦେଶର ସବୁଠୁ ବଡ଼ ବ୍ୟାଙ୍କ SBIରେ ଖାତା ଅଛି ତାହାଲେ, ଆପଣଙ୍କ ପାଇଁ ଏହା ଏକ ଖୁସି ଖବର । ଭାରତୀୟ ଷ୍ଟେଟ୍ ବ୍ୟାଙ୍କ ସମସ୍ତ ଗ୍ରାହକ ମାନଙ୍କୁ ଫୋନରେ ସମସ୍ତ ବ୍ୟାଙ୍କିଙ୍ଗ୍ ସେବା ଯୋଗାଇ ଦେବା ପାଇଁ ଦୁଇଟି ଟୋଲ ଫ୍ରି ନମ୍ବର ଜାରି କରିଛି । ଯେଉଁଥିରେ ଆପଣ ବ୍ୟାଙ୍କ ସହ ଜଡ଼ିତ ସମସ୍ତ ପ୍ରକାର ସମସ୍ୟାର ସମାଧାନ ପାଇ ପାରିବେ ।
ଆପଣ ଜାଣନ୍ତି କି, ଭାରତରେ ବ୍ୟାଙ୍କିଙ୍ଗ୍ କ୍ଷେତ୍ରରେ SBIର ଅଂଶ ୨୩ ପ୍ରତିଶତରୁ ଅଧିକ ଅଟେ । ପୂରା ଦେଶରେ ଏହାର ୨୨ହଜାରରୁ ଅଧିକ ଶାଖା ରହିଛି ଏବଂ ପାଖାପାଖି ୬୨ ହଜାରରୁ ଅଧିକ ଏଟିଏମ ମେସିନର ନେଟଓ୍ବାର୍କ ମଧ୍ୟ ରହିଛି । ଏବେ SBI ତାର ଗ୍ରାହକ ମାନଙ୍କୁ ୨୪/୭ ବ୍ୟାଙ୍କିଙ୍ଗ ସର୍ଭିସ୍ ଦେବା ପାଇଁ ଯୋଗାଯୋଗ କେନ୍ଦ୍ର ମଧ୍ୟ ଖୋଲିଛି । ସେଥିପାଇଁ ମନେ ରଖିହେବା ପରି ୨ଟି ଟୋଲ ଫ୍ରି ନଂ ୧୮୦୦ ୧୨୩୪ ଏବଂ ୧୮୦୦ ୨୧୦୦ ଜାରି କରିଛି । ଏହି ନଂରେ କଲ୍ କରିକି ଆପଣ ଯେକୌଣସି ସମୟରେ ଯେକୌଣସି ସ୍ଥାନରୁ SBI ବ୍ୟାଙ୍କ ଖାତା ସମ୍ବନ୍ଧୀୟ ସମସ୍ୟାର ସମାଧାନ କରି ପାରିବେ ଏବଂ ସମସ୍ତ ପ୍ରକାର ବ୍ୟାଙ୍କିଙ୍ଗ ସେବାର ଫାଇଦା ଉଠାଇ ପାରିବେ ।
ଏବେ ଆପଣଙ୍କ ଆକାଉଣ୍ଟ ବାଲାନ୍ସ,, ଶେଷ ୫ଦିନର ଟଙ୍କା କାରବାରର ସୂଚନା, ଏଟିଏମ୍ କାର୍ଡ ବ୍ଲକ୍ କରିବା ପରି କାମ ଆଦି ଏହି ଟୋଲ ଫ୍ରି ନମ୍ବରରେ କଲ୍ କରି ସମାଧାନ କରିପାରିବେ । ଏହା ଛଡ଼ା ଏଟିଏମ୍ କାର୍ଡ ବ୍ଲକ୍ କରିବା ପରେ ନୂଆ କାର୍ଡ ପାଇଁ ଆପଣ ପଞ୍ଜୀକରଣ ମଧ୍ୟ କରିପାରିବେ । ଏତିକି ନୁହେଁ ଆପଣ ଏଟିଏମ୍ କାର୍ଡ ଏବଂ ଚେକ୍ ବୁକରେ ଡିପୋଜିଟ୍ ଷ୍ଟାଟସ୍ ମଧ୍ୟ ଜାଣିପାରିବେ । ଆହୁରି ମଧ୍ୟ ଏହି ନମ୍ବର ଦ୍ବାରା ଆପଣ ଟିଡିଏସ୍ ସମ୍ବନ୍ଧୀୟ ସମସ୍ତ ସୂଚନା ଏବଂ ଋଣ ବିବରଣୀ ମଧ୍ୟ ପାଇପାରିବେ ।
