ନୟାଗଡ଼: ନୟାଗଡ଼ରୁ ପୁଣି ବାଘଛାଲ ଜବତ। ଗୋଟିଏ ୭ ଫୁଟ ଲମ୍ବର ଚିତା ବାଘ ଛାଲ ସହ ଗୁଳି ଜବତ କଲା ବନ ବିଭାଗ। ଘଟଣାରେ ଶିକାରୀ କୃପାସିନ୍ଧୁ ବିଶ୍ବାଳଙ୍କୁ ଗିରଫ କରାଯାଇଛି।

ସୂଚନା ଅନୁଯାୟୀ, କୃପାସିନ୍ଧୁ ବିଶ୍ବାଳଙ୍କ ଘର ଟାଉନ ଥାନା ଚଣ୍ଡୀବସ୍ତ ଗାଁରେ। ସହଯୋଗୀଙ୍କ ସହ ମିଶି ୧୫ ହଜାର ଟଙ୍କାରେ ଚିତାବାଘ ଛାଲକୁ ବିକ୍ରି କରିବା ପାଇଁ ନେବା ବେଳେ ପାଣିପୋଇଲା ଛକ ନିକଟରେ ମାଡି ବସିଲା ବନ ବିଭାଗ।

ତେବେ ବନବିଭାଗ ଟିମକୁ ଦେଖି ଘଟଣାସ୍ଥଳରୁ ଅନ୍ୟ ଅଭିଯୁକ୍ତ ମାନେ ଫେରାର ହୋଇଯାଇଥିଲେ। ଗଞ୍ଜାମ ଜିଲ୍ଲା ଜଙ୍ଗଲରୁ ବାଘଟିକୁ ଗୁଳି କରି ଶିକାର କରାଯାଇଥିବା DFO ସୂଚନା ଦେଇଛନ୍ତି । ଅନ୍ୟ ଅଭିଯୁକ୍ତ ମାନଙ୍କୁ ଧରିବା ପାଇଁ ବନବିଭାଗ ତଦନ୍ତ ଜାରି ରଖିଛି ।

ଭଦ୍ରକ: ଧାମନଗର ଉପ ନିର୍ବାଚନ ପାଇଁ ପ୍ରଚାରକୁ ଓହ୍ଲାଇଛନ୍ତି ଧାମନଗରର ପୂର୍ବତନ ବିଧାୟକ ସ୍ବର୍ଗତ ମାନସ ମଲ୍ଲିକଙ୍କ ଧର୍ମପତ୍ନୀ ତଥା ଭଦ୍ରକ ବିଧାୟକ ସଞ୍ଜୀବ ମଲ୍ଲିକଙ୍କ ଭାଉଜ ନିରୁପମା ମଲ୍ଲିକ। ବିଜେଡି ପ୍ରାର୍ଥୀ ଅବନ୍ତୀ ଦାସଙ୍କୁ ଭୋଟ ଦେବା ପାଇଁ ଗାଁକୁ ଗାଁ ବୁଲି ଭୋଟ ଦେବାକୁ ନିବେଦନ କରିଛନ୍ତି ନିରୁପମା। ଗତକାଲି ଦୋବଲ ଜୋନର ବିଭିନ୍ନ ପଞ୍ଚାୟତରେ ବୁଲି ନିର୍ବାଚନ ପ୍ରଚାର କରୁଥିବା ବେଳେ ଆଜି ଧୂଷୁରୀ ଜୋନର ବିଭିନ୍ନ ପଞ୍ଚାୟତରେ ବୁଲି ଅବନ୍ତୀଙ୍କ ପାଇଁ ସମର୍ଥନ ସାଉଁଟିଛନ୍ତି।

ଧାମନଗରର ପୂର୍ବତନ ବିଧାୟକ ସ୍ବର୍ଗତ ମାନସ ମଲ୍ଲିକ ଧାମନଗର ନିର୍ବାଚନ ମଣ୍ଡଳୀରେ ଜଣେ ଦକ୍ଷ ନେତା ଥିଲେ । ତାଙ୍କର ଅବଦାନକୁ ଆଜି ବି ମନେ ରଖିଛନ୍ତି ନିର୍ବାଚନ ମଣ୍ଡଳୀ ବାସୀ । ତାଙ୍କ ଧର୍ମପତ୍ନୀ ଓ ପୁଅ ଅମିତ ମଲ୍ଲିକ ବିଜେଡି ପ୍ରାର୍ଥୀଙ୍କ ସପକ୍ଷରେ ଭୋଟ ଦେବା ପାଇଁ ପ୍ରଚାର ମଇଦାନକୁ ଓହ୍ଲାଇଛନ୍ତି। ବିଜେଡି ନିଶ୍ଚୟ ଧାମନଗର ଉପ ନିର୍ବାଚନରେ ବାଜିମାତ କରିବ ବୋଲି ବିଜେଡି ମୁଖପାତ୍ର ଅମିତ ମଲ୍ଲିକ କହିଛନ୍ତି ।