ରେଳ ଇଞ୍ଜିନ, ଷ୍ଟିଲ ବ୍ରିଜ ଚୋରି କରି ପୋଲିସକୁ ଚୋରଙ୍କ ଓପନ ଚ୍ୟାଲେଞ୍ଜ

ପାଟନା: ବିହାର ପୋଲିସର ନିଦ ହଜାଇଛି ଚୋର ଗ୍ୟାଙ୍ଗ । ରେଳ ଇଞ୍ଜିନ, ଷ୍ଟିଲ ବ୍ରିଜ ଚୋରି କରି ପୋଲିସକୁ ଓପନ ଚ୍ୟାଲେଞ୍ଜ । ଗ୍ୟାଙ୍ଗରେ ସାମିଲ ୩ଜଣଙ୍କୁ ଗିରଫ ପରେ ବଡ଼ ଗ୍ୟାଙ୍ଗର ଖୁଲାସା କରିଛି ପୋଲିସ । ଏକ କବାଡି ଗୋଦାମରେ ଚଢ଼ାଉ କରି ୧୩ଟି ରେଳ ଇଞ୍ଜିନର ପାର୍ଟସ ଜବତ କରିଛି ।

ଚଳିତ ମାସ ଆରମ୍ଭରେ ରିପ୍ୟାରିଂ ପାଇଁ ଆସିଥିବା ଡିଜେଲ ରେଳ ଇଞ୍ଜିନକୁ ଏହି ଗ୍ୟାଙ୍ଗ ଚୋରି କରିନେଇଥିଲେ । ରେଲଓ୍ବେ ୟାର୍ଡ ନିକର୍ଟରେ ଡକାୟତମାନେ ଏକ ଟନେଲ ମଧ୍ୟ ନିର୍ମାଣ କରିଥିବା ପୋଲିସ କହିଛି । ଏହି ଟନେଲ ଦେଇ ଚୋରମାନେ ରେଳ ଇଞ୍ଜିନ ଚୋରି କରିନେଉଥିଲେ । ରେଳ ଇଞ୍ଜିନ ଓ ବ୍ରିଜ ଚୋରି ସିଣ୍ଡିକେଟରେ ଆହୁରି ଅନେକ ସାମିଲ ଥିବା ପୋଲିସ ସନ୍ଦେହ କରୁଛି ।