ନୂଆଦିଲ୍ଲୀ: ଦିଲ୍ଲୀରେ ଅନୁଷ୍ଠିତ 15 ତମ ଜାତୀୟ କିକ ବକ୍ସିଙ୍ଗ ପ୍ରତିଯୋଗିତାରେ ଓଡ଼ିଶାର କମାଲ । ଏହି ପ୍ରତିଯୋଗିତାରେ ଓଡିଶାକୁ 6 ଟି ପଦକ ମିଳିଛି । ତେବେ ପଦକ ନେଇ ଓଡିଶା ଫେରିବା ପରେ ସଫଳ ପ୍ରତିଯୋଗୀଙ୍କୁ କ୍ରୀଡା ମନ୍ତ୍ରୀ ତୁଷାରକାନ୍ତି ଭେଟି ଅଭିନନ୍ଦନ ଜଣାଇଛନ୍ତି । ଅନୁଷ୍ଠିତ ଜାତୀୟ କିକ ବକ୍ସିଙ୍ଗ ପ୍ରତିଯୋଗିତାରେ ଓଡିଶାରୁ 6 ଜଣ ଅଂଶଗ୍ରହଣ କରିଥିଲେ ।
ଏମାନଙ୍କ ମଧରୁ ସ୍ନେହଲ କୁମାର ଜେନା କିକ ଲାଇଟ କ୍ୟାଟେଗୋରିରେ ସ୍ବର୍ଣ୍ଣ ପଦକ ହାସଲ କରିଥିବା ବେଳେ ଶୁଭ୍ରମ ପାଣି ଲୋ-କିକ କ୍ୟାଟେଗୋରୀରେ ସିଲଭର ମେଡାଲ ପାଇଛନ୍ତି । ସେହିପରି ଅନିତା ଏକ୍କା କିକ ଲାଇଟ କ୍ୟାଟେଗୋରୀରେ ସ୍ବର୍ଣ୍ଣ, ସନ୍ୟାସୀ ମୁଥମାଝିଙ୍କୁ କିକ ଲାଇଟ କ୍ୟାଟେଗୋରୀରେ ସିଲଭର, ଏସ ପ୍ରଧାନଙ୍କୁ ପଏଣ୍ଟ ଫାଇଟ କ୍ୟାଟେଗୋରୀରେ ସିଲଭର ଏବଂ ଯସ୍ମିନ ସିଂଙ୍କୁ କିକ ଲାଇଟରେ ସିଲଭର ମେଡାଲ ମିଳିଛି ।
