ଭୁବନେଶ୍ୱର: ଭିଜିଲାନ୍ସ ଏସପି ବୋଲି ପରିଚୟ ଦେଇ ଠକାମୀ । ଇଞ୍ଜିନିୟର, କଣ୍ଟ୍ରାକ୍ଟରଙ୍କୁ ଦେଉଥିଲା ଖୋଲାଖୋଲି ଧମକ । ASO ଚାକିରି ଦେବାକୁ କହି ଲୁଟିଛି ଟଙ୍କା । ସରକାରୀ ଚାକିରିଆ ହୁଅନ୍ତୁ ବା ଠିକାଦାର ଅଥବା NGO । ଭିନ୍ନ ଭିନ୍ନ ଅଫିସରଙ୍କ ପରିଚୟ ଦେଇ ଠକୁଥିବା ଜଣେ 420 ଠକକୁ ଗିରଫ କରିଛି କ୍ରାଇମବ୍ରାଞ୍ଚ STF ।
ଗିରଫ ଅଭିଯୁକ୍ତର ନାଁ ମନୋଜ ମାଝୀ । ଘର ପୁରୀ କୃଷ୍ଣପ୍ରସାଦ । ଭିଜିଲାନ୍ସ ଏସପି ଭାବେ ମାଇନିଂ କର୍ପୋରେସନ ପରିଚାଳନା ନିର୍ଦ୍ଦେଶକ, ପୂର୍ତ୍ତ ବିଭାଗ ମୁଖ୍ୟ, ଖୋର୍ଦ୍ଧା ପିଡି ଡିଆରଡିଏଙ୍କ ଭଳି ବରିଷ୍ଠ ଅଧିକାରୀଙ୍କୁ ଛଦ୍ମ ନାମରେ ଫୋନ କରୁଥିଲା ଏହି ଦଲାଲ । ASO ଚାକିରି କରାଇବାକୁ କହି ୧୫ ଲକ୍ଷ ଠକେଇ କରିଛି ।
ତା ଘରୁ କିଛି ଆଡମିଟ୍ କାର୍ଡ ମଧ୍ୟ ମିଳିଛି । ଅଭିଯୁକ୍ତକୁ ଏହି ଧନ୍ଦାରେ ଅନ୍ୟ ୪ରୁ ୫ ଜଣ ସହଯୋଗ କରିଥିଲେ । ଖୁବଶୀଘ୍ର ମନୋଜର ବ୍ୟାଙ୍କ ଆକାଉଣ୍ଟ ଯାଞ୍ଚ କରାଯିବ । ଜଣେ ଅତିରିକ୍ତ ଚିଫ୍ ଇଞ୍ଜିନିୟରଙ୍କୁ ୧ କୋଟି ଟଙ୍କା ମାଗୁଥିବା ବେଳେ, ଅଭିଯୁକ୍ତ ସମ୍ପର୍କରେ STF ନିକଟରେ ଅଭିଯୋଗ ପହଞ୍ଚିଥିଲା । ଆବଶ୍ୟକସ୍ଥଳେ ତାକୁ ରିମାଣ୍ଡରେ ଆଣିପାରେ STF ।
