ଟ୍ରେନ ଧକ୍କାରେ ଆହତ ହାତୀର ଚିକିତ୍ସାଧୀନ ଅବସ୍ଥାରେ ମୃତ୍ୟୁ

କେନ୍ଦୁଝର: କେନ୍ଦୁଝର ଜିଲ୍ଲା ହରିଚନ୍ଦନପୁର ଟ୍ରେନ ଧକ୍କାରେ ଆହତ ହାତୀର ମୃତ୍ୟୁ ହୋଇଛି । ହରିଚନ୍ଦନପୁର ବ୍ଲକ ଅନ୍ତର୍ଗତ ଟାଙ୍ଗରିଆପାଳ ଷ୍ଟେସନ ନିକଟ ବାଲିଦାଣ୍ଡ ସାହି ନିକଟରେ ଗତ ୧୦ ତାରିଖରେ ଘଟିଥିଲା ଦୁର୍ଘଟଣା । ଟ୍ରେନ ଧକ୍କାରେ ୨ଟି ହାତୀଙ୍କର ମୃତ୍ୟୁ ଘଟିଥିବା ବେଳେ ଗୋଟିଏ ହାତୀ ଆହତ ହୋଇଥିଲା । ଆହତ ହାତୀଟିର ପିଞ୍ଜରା ହାଡ଼ ଭାଙ୍ଗିଥିବା ବେଳେ ପଛ ଦୁଇଟି ଗୋଡ଼ ମଧ୍ୟ ଭାଙ୍ଗିଯାଇଥିଲା । ଦୁଇଥର ଟ୍ରାଙ୍କୁଲାଇଜ କରାଯାଇ ତାର ଚିକିତ୍ସା କରାଯାଇଥିଲା । ଏଥିସହ ହାତୀର ଗତିବିଧି ଉପରେ ନଜର ରଖିଥିଲା ବନବିଭାଗ । ହେଲେ ଆଜି ଆହତ ହାତୀଟିର ମୃତ୍ୟୁ ଘଟିଛି । ବନବିଭାଗ ଓ ଡାକ୍ତରୀ ଟିମ୍ ମୃତ ହାତୀର ବ୍ୟବଚ୍ଛେଦ କରିବା ପରେ ଜଙ୍ଗଲରେ ପୋତି ଦେଇଛନ୍ତି ।