spot_img
Home Blog Page 3086

ଜମୁଛି ରାକ୍ଷୀ ବେପାର

ଖୋର୍ଦ୍ଧା: ପାଖେଇ ଆସିଲାଣି ରାକ୍ଷୀ ପୂର୍ଣିମା। ଭାଇ ଭଉଣୀଙ୍କ ପାଇଁ ଏହି ଦିନଟି ବେଶ ମହତ୍ବ ହୋଇଥାଏ । ଭାଇ ହାତରେ ରାକ୍ଷୀ ବାନ୍ଧିବ ଭଉଣୀ ଆଉ ଲୋଡିବ ସୁରକ୍ଷାର ପ୍ରତିଶ୍ରୃତି । ଏଥିପାଇଁ ବଜାର ମାନଙ୍କରେ ରାକ୍ଷୀ ବ୍ୟବସାୟ ଜମିଛି । ରଙ୍ଗ ବେରଙ୍ଗ ବିଭିନ୍ନ ଡିଜାଇନର ରାଖି ରହିଛି ଦୋକାନରେ । ଭଉଣୀ ମାନେ ଆସି ତାଙ୍କ ମନପସନ୍ଦର ରାକ୍ଷୀ ନେଇ ଯାଉଛନ୍ତି ଘରକୁ ।

ଚଳିତ ବର୍ଷ ଦୁଇଟା ଶ୍ରାବଣ ପଡୁଥିବାରୁ ବହୁତ୍ ଦିନ ଆଗରୁ ଜଟଣୀ ବଜାର ରେ ରାକ୍ଷୀ ଗୋଦାମ ଖୋଲିଛି। କଲିକତା, ବମ୍ବେରୁ ରାକ୍ଷୀ ଆଣି ଜଟଣୀର ବ୍ୟବସାୟୀ ମାନେ ସାରା ଓଡ଼ିଶାରେ ବିଭିନ୍ନ ଷ୍ଟଲ୍କୁ ଯୋଗାଇଥାନ୍ତି। ଚଳିତ ବର୍ଷ, ତୁଳା ରାକ୍ଷୀ, ମାଳି ରାକ୍ଷୀ, ଲୁମ୍ବା ରାକ୍ଷୀ, ସହ ଚନ୍ଦନ ସିନ୍ଦୂର ରାକ୍ଷୀ ମଧ୍ୟ ମିଳୁଛି । ୫ ଟଙ୍କାରୁ ଆରମ୍ଭ କରି ୫୦୦ଟଙ୍କା ପର୍ଯ୍ୟନ୍ତ ରାକ୍ଷୀ ରହିଛି ।  ଚଳିତ ବର୍ଷ ଭୟ ବ୍ୟବସାୟ ହେଉଥିବାରୁ ବ୍ୟବସାୟୀ ବି ଖୁସି ।

ଜରାଜୀର୍ଣ୍ଣ ଅବସ୍ଥାରେ କବିସୂର୍ଯ୍ୟନଗରର ଗାନ୍ଧିଜୀ ସଙ୍ଗୀତ କଳା ମନ୍ଦିର

ଆସ୍କା: ଜରାଜୀର୍ଣ୍ଣ ଅବସ୍ଥାରେ ପଡିଛି ଗଞ୍ଜାମ କବିସୂର୍ଯ୍ୟନଗରର ଗାନ୍ଧିଜୀ ସଙ୍ଗୀତ କଳା ମନ୍ଦିର । ଦିନେ ଶିକ୍ଷାର୍ଥୀଙ୍କ ଗହଳି ଜମୁଥିବା ଘର ଆଜି ଅସାମାଜିକ ବ୍ୟକ୍ତିଙ୍କର ଆଡ୍ଡାସ୍ଥଳୀ ପାଲଟିଛି । ନାଁ ଶୁଭୁଛି ବୀଣାର ସ୍ୱର ନାଁ ବାଜୁଛି ବାଦ୍ୟ । ଅଧାଭଙ୍ଗା ଅନୁଷ୍ଠାନରେ ଲକ୍ଷ ଲକ୍ଷ ଟଙ୍କାର ସରଞ୍ଜାମ ମାଟିରେ ମିଶିବାକୁ ବସିଲାଣି l

ସଙ୍ଗୀତ ଶିକ୍ଷା କରି ଦେଶ ବିଦେଶରେ ସୁନାମ ଅର୍ଜନ କରୁଥିଲେ ବିଦ୍ୟାର୍ଥୀ । ଗଞ୍ଜାମ ଜିଲ୍ଲା କବିସୂର୍ଯ୍ୟନଗରର ଏହି ଗାନ୍ଧିଜୀ ସଙ୍ଗୀତ କଳା ମନ୍ଦିରରେ ପଢୁଥିଲେ ଅନେକ ଛାତ୍ର । କିନ୍ତୁ ଆଜି ଅବହେଳିତ ହୋଇ ପଡିଛି  ଏହି ପୂରାତନ ଅନୁଷ୍ଠାନ । ଫଳରେ ଅସାମାଜିକ ବ୍ୟକ୍ତିଙ୍କର ଏହା ଆଡ୍ଡାସ୍ଥଳୀ ପାଲଟିଛି । ଘଞ୍ଚ ଜଙ୍ଗଲରେ ପରିପୂର୍ଣ୍ଣ ଗାନ୍ଧିଜୀ ସଙ୍ଗୀତ କଳା ମନ୍ଦିର ଆଜି ଭଗ୍ନ ଅବସ୍ଥାରେ ପଡ଼ିଥିବା ବେଳେ ଲକ୍ଷ ଲକ୍ଷ ଟଙ୍କାର ସରଞ୍ଜାମ ମାଟିରେ ମିଶିବାକୁ ବସିଗଲାଣି l

୧୯୯୯ ମସିହା ମହାବାତ୍ୟା ପରଠାରୁ ଅବହେଳିତ ଅବସ୍ଥାରେ ପଡିଛି ଗାନ୍ଧିଜୀ ସଙ୍ଗୀତ କଳା ମନ୍ଦିର । ବାରମ୍ବାର ଅଭିଯୋଗ ପରେ ବି ପ୍ରଶାସନ ପକ୍ଷରୁ ଏଥିପ୍ରତି କାହାରି ନିଘା ନାହିଁ । ଜିଲ୍ଲା ପ୍ରଶାସନ ପକ୍ଷରୁ ଖୁବଶୀଘ୍ର ଲୁଚି ଯାଇଥିବା ଗାନ୍ଧିଜୀ କଳା ମନ୍ଦିର ପ୍ରତି ଦୃଷ୍ଟି ଦେଲେ ପୁଣି ଏହି ସ୍ଥାନ ପୁର୍ବ ଅବସ୍ଥାକୁ ଫେରି ଆସିବ ବୋଲି ସ୍ଥାନୀୟ ଲୋକେ କହିଛନ୍ତି l ଜରାଜୀର୍ଣ୍ଣ ଅବସ୍ଥାରେ ପଡ଼ିଥିବା ଗାନ୍ଧିଜୀ କଳା ମନ୍ଦିରକୁ ଖୁବଶୀଘ୍ର କାର୍ଯ୍ୟକାରୀ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି ଦାୟିତ୍ୱରେ ଥିବା କାର୍ଯ୍ୟନିର୍ବାହୀ ଅଧିକାରୀ l

ଅସ୍ଥାୟୀ ପୋଲ ସାଜିଛି ଯାତାୟତର ମାଧ୍ୟମ, ହନ୍ତସନ୍ତ ଗ୍ରାମବାସୀ

ଦେବଗଡ଼: ପକ୍କା ପୋଲ ଭାଙ୍ଗିଯିବା ପରେ ହନ୍ତସନ୍ତ ଗ୍ରାମବାସୀ । ଅସ୍ଥାୟୀ କାଠ ପୋଲ ଦେଇ ଯିବା ଆସିବା କରୁଛନ୍ତି ପିଲାରୁ ବୟସ୍କ। ସେଇ ରାସ୍ତା ଦେଇ ଯିବାକୁ ହୁଏ  ସ୍କୁଲ ଏବଂ ବଜାର । କେତେବେଳେ ଏହି କାଠ ପୋଲ ଭାଙ୍ଗି ଅଘଟଣ ଘଟିବ ତାହା କହିବା ମୁସକିଲ୍ । ଦେବଗଡ଼ ତିଳେଇବଣି ବ୍ଲକ ଦେଓଶୁଙ୍କୁଳି ଗାଁରୁ ଆସିଛି ଏଭଳି ଖବର । ୪ ବର୍ଷ ହେବ ଏଠାରେ ପକ୍କା ପୋଲ ଭାଙ୍ଗିଯିବା ପରେ ଏଇ କାଠ ପୋଲ ସାଜିଛି ଲୋକଙ୍କ ଦୈନ୍ଦନ୍ଦିନ ଯିବା ଆସିବାର ବିପଦପୂର୍ଣ୍ଣ ମାଧ୍ୟମ ।

ଗାଁର ପକ୍କା ପୋଲ ଭାଙ୍ଗିଯିବାରୁ ଧସିବାରେ ଲାଗିଛି ମାଟି ଅତଡ଼ା । ଯାହାଫଳରେ ଗାଁକୁ ଆମ୍ବୁଲାନ୍ସ ପହଞ୍ଚିପାରୁନି । ଜରୁରୀକାଳିନ ସେବାରୁ ବଞ୍ଚିତ ହେଉଛନ୍ତି ରୋଗୀ । ଉତ୍ପାଦିତ ଧାନ ଚାଉଳ ହେଉ କି ପନିପରିବା ବଜାରକୁ ବିକ୍ରି ପାଇଁ ନେବାରେ ନାହିଁ ନଥିବା ସମସ୍ୟାର ସମ୍ମୁଖୀନ ହେଉଛନ୍ତି । ପ୍ରଶାସନିକ ଅଧିକାରୀଙ୍କୁ ଅଭିଯୋଗ ପରେ ବି ଏପର୍ଯ୍ୟନ୍ତ କୌଣସି ସୁବିଧା ହୋଇପାରିନଥିବା ଅଭିଯୋଗ କରିଛନ୍ତି ଗ୍ରାମବାସୀ । ଗାଁରେ ରାସ୍ତା ଓ ପୋଲ ନିର୍ମାଣ ପାଇଁ ବିଭାଗୀୟ ମଞ୍ଜୁରୀ ପାଇଁ ପଠା ଯାଇଥିଲେ ମଧ୍ୟ ଅର୍ଥ ଅଭାବ କାରଣରୁ ଏହା ନିର୍ମାଣ କରାଯାଇ ପାରିନଥିବା କହିଛନ୍ତି ତିଳେଇବଣି ବ୍ଲକ ସହକାରୀ ଯନ୍ତ୍ରୀ  ।

 

ଋଣ ପରିଶୋଧ କରିପାରିଲେନି ସନୀ ଦେଓଲ, ଏବେ ଘର ନିଲାମ କରିବ ବ୍ୟାଙ୍କ

ମୁମ୍ବାଇ: ବଲିଉଡ ଅଭିନେତା ତଥା ବିଜେପି ସାଂସଦ ସନୀ ଦେଓଲଙ୍କ ବଙ୍ଗଳା ହେବ ନିଲାମ । ସନୀଙ୍କ ଜୁହୁ ସ୍ଥିତ ବଙ୍ଗଳାକୁ ନିଲାମ କରିବା ନେଇ ଘୋଷଣା କରିଛି ବ୍ୟାଙ୍କ । ୫୬ କୋଟିର ଋଣ ପରିଶୋଧ ନକରିପାରିବାରୁ ଘର ନିଲାମ ହେବ । ସନୀ ଦେଓଲଙ୍କ ‘ସନୀ ଭିଲା’ ନାମରେ ଜଣାଯାଉଥିବା ଏହି ଘରକୁ ସେପ୍ଟେମ୍ବର ୨୫ ତାରିଖରେ ନିଲାମ କରାଯିବ । ବ୍ୟାଙ୍କ ପକ୍ଷରୁ ଏନେଇ ଖବରକାଗଜରେ ବିଜ୍ଞାପନ ପ୍ରକାଶ ପାଇଛି । ଏହି ଘରର ବେସ୍ ପ୍ରାଇସ ୫୧.୪୩ କୋଟି ଟଙ୍କା ନିର୍ଦ୍ଧାରିତ କରାଯାଇଛି । ତେବେ ଗଦ୍ଦର-୨ର ସଫଳତା ପାଇଁ ଚର୍ଚ୍ଚାରେ ଥିବା ସନୀ ଦେଓଲଙ୍କ ପାଇଁ ଏହା ବଡ଼ ଝଟକା ବୋଲି କୁହାଯାଉଛି । ସନୀ ଦେଓଲ ୨୦୧୬ ମସିହାରେ ଏହି ଘର  ବନ୍ଧକ ରଖି ବ୍ୟାଙ୍କରୁ ଋଣ ନେଇଥିଲେ । ସନୀଙ୍କ ଉପରେ ଏବେ ବି ୫୬ କୋଟିର ବକେୟା ଅଛି । ଏପରି ସ୍ଥିତିରେ ବ୍ୟାଙ୍କ ନିଜେ ଇ-ଅକ୍ସନ ପାଇଁ ବିଜ୍ଞପ୍ତି ଜାରି କରି ଏହାର ସୂଚନା ଦେଇଛି ।

5T ସଚିବଙ୍କ ଉଦାରତାକୁ ପ୍ରଶଂସା

ଜୟପୁର: 5T ସଚିବ ଙ୍କ ଉପରକୁ କାଳି ମାଡ ଘଟଣା କୁ ନେଇ ରାଜ୍ୟ ସାରା ନିନ୍ଦା କରୁଥିବା ବେଳେ 5T ସଚିବଙ୍କ ଉଦାରତାକୁ ନେଇ ଏବେ ସବୁଠି ପ୍ରସଂଶା । ଗତ କାଲି 5T ସଚିବ ଭି.କେ ପାଣ୍ଡିଆନଙ୍କୁ କାଳିମାଡ ହୋଇଥିବାରୁ ମହିଳାମାନେ ବିଶେଷକରି ବେଶି ଦୁଃଖ ପ୍ରକାଶ କରିଛନ୍ତି । 5T ସଚିବ ବିଭିନ୍ନ ଜିଲ୍ଲା ଗ୍ରସ୍ତ କରି ବିକାଶକୁ ଦ୍ରୁତ ଗତିରେ ନେଇଛନ୍ତି । SHG ମହିଳା ମାନଙ୍କ ଉନ୍ନତି ସାଙ୍ଗକୁ ସାଧାରଣ ଲୋକଙ୍କ ସହିତ ସିଧା ସଳଖ ଭାବରେ ଆଲୋଚନା କରୁଛନ୍ତି । ଜଳ ସେଚନ ବ୍ୟବସ୍ଥା, ପର୍ଯ୍ୟଟନ ସ୍ଥଳୀର ବିକାଶ , ଲୋକମାନଙ୍କ ସମସ୍ୟାର ତୁରନ୍ତ ସମାଧାନ କରୁଛନ୍ତି । ସାଧାରଣ ଲୋକ 5T ସଚିବଙ୍କୁ ସମସ୍ତ ଜିଲ୍ଲାରେ ସ୍ୱାଗତ କରୁଛନ୍ତି । ଯାହାକୁ ନେଇ ବିରୋଧୀ ଦଳମାନେ ଇର୍ଷା ହେଉଛନ୍ତି । କିନ୍ତୁ 5T ସଚିବଙ୍କ ବିକାଶ ଧାରାକୁ ରୋକିବା ପାଇଁ ବିରୋଧୀ କାଳିମାଡ କରିବା ନେଇ ଉଦବେଗ ପ୍ରକାଶ କରିଛନ୍ତି କୋରାପୁଟ ଜିଲ୍ଲାର ମହିଳା ମାନେ । ଏହା ପରେ ବି 5T ସଚିବଙ୍କ ଉଦାରତାକୁ ବି ପ୍ରସଂଶା କରିଛନ୍ତି । ଯେଉଁ ବ୍ୟକ୍ତି ଏପରି ଘଟଣା ଘଟେଇଲା ତାକୁ କୌଣସି କାର୍ଯ୍ୟାନୁଷ୍ଠାନ ନ ନେଇ କ୍ଷମା କରିଦେଇଛନ୍ତି । ଏପରି ଉଦାରତାକୁ କୋରାପୁଟ ଜିଲ୍ଲାର ମହିଳା ମାନେ 5T ସଚିବ ଭି କେ ପାଣ୍ଡିଆନଙ୍କୁ ପ୍ରସଂଶା କରିଛନ୍ତି ।

ସୋନପୁର ସହରର ବିଭନ୍ନ ହୋଟେଲରେ ଚଢ଼ାଉ

ସୋନପୁର: ସୋନପୁର ସହରର ବିଭିନ୍ନ ହୋଟେଲରେ ଚଢ଼ାଉ । ସୋନପୁର ଉପଜିଲ୍ଲାପାଳଙ୍କ ନେତୃତ୍ଵରେ ଜିଲ୍ଲା ପ୍ରଶାସନ ପକ୍ଷରୁ ଚଢ଼ାଉ କରାଯାଇ ଘରୋଇ ରନ୍ଧନ ଗ୍ୟାସ୍‌ ସିଲିଣ୍ଡର ଜବତ କରାଯାଇଛି । ଆଜି ଉପଜିଲ୍ଲାପାଳ ଇପ୍ସିତା ମିଶ୍ରଙ୍କ ନେତୃତ୍ଵରେ ସୋନପୁର ସହରରେ ଥିବା ବିଭିନ୍ନ ହୋଟେଲରେ ଚଢ଼ାଉ ହୋଇଥିଲା । ବେଆଇନ ଭାବେ ରଖାଯାଇଥିବା ୪ଟି ଘରୋଇ ରନ୍ଧନ ଗ୍ୟାସ୍‌ ସିଲିଣ୍ଡର ଜବତ ହୋଇଛି ।

5T ସଚିବଙ୍କୁ ଧନ୍ୟବାଦ ଜଣାଇଲେ ଭାସ୍କରଙ୍କ ପରିବାର

ପିପିଲି: 5T ସଚିବ  ଓ ପୋଲିସ କୁ ଧନ୍ୟବାଦ ଜଣାଇଲେ  ଭାସ୍କର ସାହୁଙ୍କ ପରିବାର । କାଳି ମାଡ଼ ସତ୍ତ୍ୱେ ୫ଟି ସଚିବ ମହାନତା ଦେଖାଇ ଭାସ୍କର ସାହୁଙ୍କୁ ଗତକାଲି ରାତିରେ ଛାଡ଼ି ଦେଇଥିବାରୁ ଭାସ୍କରଙ୍କ ପତ୍ନୀ ପ୍ରିୟଙ୍କା ମାନସିଂ ଧନ୍ୟବାଦ ଜଣାଇଛନ୍ତି ।  ଜନ ସାଧାରଣଙ୍କ  ସମସ୍ୟା ପାଇଁ ଭାସ୍କର ଲଢେ଼ଇ ଜାରି ରଖିଥିବା ବେଳେ ଲୋକଙ୍କ ସମସ୍ୟା ପାଇଁ ଏଭଳି ପଦକ୍ଷେପ ନେଇ ଥାଇ ପାରନ୍ତି ବୋଲି କହିଛନ୍ତି ଭାସ୍କରଙ୍କ ଭାଇ । ଅନ୍ୟପଟେ ଭାସ୍କର ଜଣେ ଭଦ୍ର ଓ ଉତ୍ତମ ଚରିତ୍ର ବ୍ୟକ୍ତି ଥିବା ବେଳେ ବିଭିନ୍ନ ସମୟରେ ଲୋକଙ୍କ ସମସ୍ୟା ପାଇଁ  ସରକାରଙ୍କ ଦୃଷ୍ଟି ଆକର୍ଷଣ କରିଥିଲେ, ସ୍ଥାନୀୟ ବିଧାୟକ, ସରପଞ୍ଚ ଓ ବିଭିନ୍ନ ଅଫିସରଙ୍କ ଦୃଷ୍ଟି ଆକର୍ଷଣ କରି ନିରାଶ ହେବା ପରେ ବିରକ୍ତି ହୋଇ ଏଭଳି ଘଟଣା ଘଟାଇବାକୁ ଭାସ୍କର ପଦକ୍ଷେପ ନେଇ ପାରନ୍ତି ବୋଲି ତାଙ୍କ ସାଙ୍ଗ କହିଛନ୍ତି, ଅନ୍ୟପଟେ ଅଞ୍ଚଳର ଥିବା ସମସ୍ୟା  ସମାଧାନ ପାଇଁ ସରକାର ପଦକ୍ଷେପ ନେବା ପାଇଁ   ଦାବି କରିଛନ୍ତି ।

ଲଖନପୁରରେ 5T ସଚିବଙ୍କ ବିକାଶ ସମୀକ୍ଷା

ଝାରସୁଗୁଡ଼ା: ଝାରସୁଗୁଡ଼ା ଜିଲ୍ଲା ବ୍ରଜରାଜନଗର ପରେ ଲଖନପୁରରେ 5T ସଚିବ ଭି.କେ ପାଣ୍ଡିଆନଙ୍କ ବିକାଶ ସମୀକ୍ଷା । ବିଜାପୁରରେ ଜନ ଅଭିଯୋଗ ଶୁଣାଣି କାର୍ଯ୍ୟକ୍ରମରେ ଯୋଗଦେଇଥିଲେ 5T ସଚିବ  । ଲଖନପୁରରେ ପହଞ୍ଚିବା ପରେ ଭି.କେ ପାଣ୍ଡିଆନଙ୍କୁ ଭବ୍ୟ ସ୍ବାଗତ କରିଥିଲେ ଅଞ୍ଚଳବାସୀ । 5T ସଚିବଙ୍କୁ ପାଖରେ ଦେଖି ଭାବବିହ୍ବଳ ହୋଇ ଜଣେ ଛାତ୍ରୀ କାନ୍ଦି ପକାଇଥିଲେ । ତାଙ୍କ ନିକଟକୁ ଯାଇ କଥା ହୋଇ ବଡ଼ ମଣିଷ ହେବାକୁ ଉପଦେଶ ଦେଇଥିଲେ 5T ସଚିବ । 5T ସଚିବ କହିଛନ୍ତି, ଲଖନପୁର ବ୍ଲକର ୩୩ଟି  ପଞ୍ଚାୟତର ପ୍ରତିଘରେ ପହଞ୍ଚିବ ପିଇବା ପାଣି । ଏଥିପାଇଁ  ୨୧୧ କୋଟି ଟଙ୍କା ଖର୍ଚ୍ଚ ହେବ । ଆସନ୍ତା ୩ ମାସ ଭିତରେ କାମ ଶେଷ ହେବ ବୋଲି ପ୍ରତିଶ୍ରୁତି ଦେଇଛନ୍ତି 5T ସଚିବ । ସେହିପରି ବ୍ରଜରାଜନଗରର ପ୍ରତ୍ୟକ ଘରେ ପାଣି ପହଞ୍ଚିବା ପାଇଁ ୨୯୫ କୋଟି ଖର୍ଚ୍ଚ ହେବ । ଚଳିତ ବର୍ଷ ଶେଷ ସୁଦ୍ଧା ୧୧୩ କୋଟି ଟଙ୍କାର ଉଠା ଜଳସେଚନ ପ୍ରକଳ୍ପ ଶେଷ ହେବ । ୫୦ ହଜାର ଏକର ଜମିରେ ପାଣି ପହଞ୍ଚିବ 5T ସଚିବ ଭି.କେ ପାଣ୍ଡିଆନ କହିଛନ୍ତି ।

ମାଲାବାର ମିଲିଟାରୀ ଏକସରସାଇଜ ଉପରେ ଡ୍ରାଗନର ଆଖି

ନନ୍ଦିଘୋଷ ବ୍ୟୁରୋ: ମାଲାବାର ମିଲିଟାରୀ ଏକସରସାଇଜ ଉପରେ ଡ୍ରାଗନର ଆଖି । ଆମେରିକା, ଭାରତ ଓ ଜାପାନ ପକ୍ଷରୁ ଚାଲିଥିବା ଏହି ସମରାଭ୍ୟାସକୁ ଦୃଷ୍ଟିରେ ରଖି ଅଷ୍ଟ୍ରେଲିଆ ଉପରେ ଶତାଧିକ ସାଟେଲାଇଟ ଚୀନ ମୁତୟନ କରିଥିବା ସୂଚନା ମିଳିଛି । କିଛି ଦିନ ତଳେ ସମ୍ପନ୍ନ ହୋଇଥିବା ଏକ୍ସରସାଇଜ ତଲିସମାନ ସାବ୍ରେ ଉପରେ ବି ଚୀନ ଆଖି ରଖିଥିଲା ବୋଲି କୁହାଯାଇଛି । ଅଷ୍ଟ୍ରେଲିଆର ସିଡନି ଉପକୂଳରେ ହେଉଥିବା ଏହି ସମରାଭ୍ୟାସକୁ ରୟାଲ ଅଷ୍ଟ୍ରେଲିଆନ ନାଭି ହୋଷ୍ଟ କରୁଛି । ଏହି ସମରାଭ୍ୟାସରେ ଚାରିଟିଯାକ ଦେଶର ନୌବାହିନୀ ସାମିଲ ହୋଇଛନ୍ତି । ଗତ ୧୦ ତାରିଖରୁଏହି ସମରାଭ୍ୟାସ ଆରମ୍ଭ ହେବା ପରଠାରୁ ଶତାଧିକ କ୍ଷୁଦ୍ର ଲୋ-ଅରବିଟ ସାଟେଲାଇଚ ଅଷ୍ଟ୍ରେଲିଆ ଉପରେ ମୁତୟନ ଥିବା ସୂଚନା ମିଳିଛି । କୁହାଯାଉଛି ପ୍ରାୟ ୩ ଶହ ସାଟେଲାଇଟ ବିଭିନ୍ନ କାର୍ଯ୍ୟକଳାପ ଉପରେ ନଜର ରଖିଥିବାବେଳେ ଏହି ସମୟ ମଧ୍ୟରେ ସିଡନୀ ବନ୍ଦର ଚାରିପାଖେ ୩ ହଜାରରୁ ଅଧିକ ବିମାନ ଉଡିଛି । ମାଲାବାର ଏକ୍ସରସାଇଜ ଉପରେ ଚୀନ ନଜର ରଖିଥିବା ଜଣାଯାଇଛି । ୨୦୦୭ରେ ଭାରତ ମହାସାଗରକୁ ଚୀନ ଏକ ସ୍ପାଏ ସିପ୍ ପଠାଇଥିବାବେଳେ ୨୦୧୪ରେ ବଙ୍ଗୋପସାଗରକୁ ମଧ୍ୟ ଏକ ସ୍ପାଏ ସିପ୍ ଛାଡିଥିଲା ଡ୍ରାଗନ ।

ସାମ୍ବାଦିକଙ୍କୁ ମାରି ଦେବାକୁ ଷଡ଼ଯନ୍ତ୍ର, ଭାଇରାଲ ହେଲା ଜେଲରଙ୍କ ଅଡିଓ

ବଲାଙ୍ଗୀର: ସତ ଲେଖିବାରୁ ଜୀବନରୁ ମାରିଦେବାକୁ ଷଡ଼ଯନ୍ତ୍ର। ଭାଇାରାଲ୍ ହେଲା ସାମ୍ବାଦିକଙ୍କୁ ହତ୍ୟା ପାଇଁ ଜେଲରଙ୍କ ଷଡଯନ୍ତ୍ରର ଅଡିଓ। ଜଣେ ଓ୍ବେବ୍ ସାମ୍ବାଦିକଙ୍କ ସହ କଣ୍ଟାବାଞ୍ଜି ଉପକାରାଗାର ଜେଲରଙ୍କ ଅଡିଓ ଭାଇରାଲ୍ ହେଉଛି । ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ଥାନା ଧାମନଡଙ୍ଗା ଗାଁରେ ରହିଛି କଣ୍ଟାବାଞ୍ଜି ଉପକାରାଗାର । ବାହାରୁ ନିଶାଦ୍ରବ୍ୟ ଓ ଖାଦ୍ୟ ସାମଗ୍ରୀ ଜେଲ୍ ଭିତରକୁ କେମିତି ଯାଉଛି, ସେନେଇ ଖବର କରିଥିଲେ ସକାଳ ଖବରକାଗଜର କଣ୍ଟାବାଞ୍ଜି ପ୍ରତିନିଧି ରୋହନ ଅମାତ୍। ଖବରକାଗଜରେ ଖବର ପ୍ରକାଶନ ପରେ ଜେଲର ସିସିଟିଭି ଫୁଟେଜ୍ ଯାଞ୍ଚ ପାଇଁ ଦାବି ହୋଇଥିଲା ।

ଏହାକୁ ନେଇ ଅଗ୍ନିଶର୍ମା ହୋଇଥିଲେ ଜେଲର ବିକାଶଲତା ବାରୁ। ଆଉ ବଦଲା ନେବା ପାଇଁ କରିଥିଲେ ପ୍ଲାନ୍। ବାରୁ ମ୍ୟାଡାମଙ୍କ ଘନିଷ୍ଠ ୱେବ ପୋର୍ଟାଲ ସାମ୍ବାଦିକ ପ୍ରମୋଦ ବେହେରାଙ୍କୁ ସକାଳ ପ୍ରତିନିଧିଙ୍କୁ ହତ୍ୟା କରିବାକୁ କହିଛନ୍ତି । ଭାଇରାଲ୍ ଅଡିଓରେ ଜୀବିତ ନଚେତ ମୃତ ସାମ୍ବାଦିକର ମୁଣ୍ଡ ଦର୍କାର ବୋଲି କହୁଛନ୍ତି । ପୂର୍ବରୁ ମଧ୍ଯ ଜେଲର ବିକାଶଲତା ବାରୁଙ୍କ କାର୍ଯ୍ୟକଳାପ ସନ୍ଦେହଜନକ ରହିଛି  । ମମିତା ମେହେରଙ୍କ ହତ୍ଯାକାରୀ ଗୋବିନ୍ଦ ସାହୁଙ୍କ ସନ୍ଦେହଜନକ ମୃତ୍ଯୁକୁ ନେଇ ତାଙ୍କ ଭୂମିକା ସନ୍ଦେହ ଘେରକୁ ଆସିଥିଲା। ଭାଇାରାଲ୍ ଅଡିଓରେ ଜେଲର ଓ ୱାବପୋର୍ଟାଲ ସାମ୍ବାଦିକଙ୍କ ନିବିଡ଼ତା ବି ସ୍ପଷ୍ଟ ବାରି ହେଉଛନ୍ତି । ଭଲ କରି ଶୁଣନ୍ତୁ, ଭାଇରାଲ୍ ଅଡିଓରେ କେମିତି ସାମ୍ବାଦିକଙ୍କୁ ହତ୍ୟା ପାଇଁ କେମିତି ଷଡ଼ଯନ୍ତ୍ର କରୁଛନ୍ତି କଣ୍ଟାବାଞ୍ଜି ଉପକାରାଗାର ଜେଲର ବିକାଶଲତା ବାରୁ ।

ଜୀବିତ ହେଉ କି ମୃତ ମୁଣ୍ଡ ଦରକାର । ଇଏ ହେଉଛି ଜଣେ ଜେଲରଙ୍କ ମୁହଁର ଭାଷା। ଆଉ ଯାହା ପାଇଁ ବାରୁ ମ୍ୟାଡାମ୍ ଏକଥା କହୁଛନ୍ତି, ତାଙ୍କର ଏକ ମାତ୍ର ଭୁଲ୍, ସତ ଦେଖାଇବା । ତେବେ ପ୍ରଶ୍ନ, ଗଣତନ୍ତ୍ରର ଚତୁର୍ଥ ସ୍ତମ୍ଭକୁ ନାଲିଆଖି କାହିଁକି? ସମାଜ ଓ ଶାସନ ବ୍ୟବସ୍ଥାର ଜାଗ୍ରତ ପ୍ରହରୀ ଭାବେ ସତ ଦେଖାଇବା କଣ ଭୁଲ୍ ? ସତ ସାମନାକୁ ଆଣିବାକୁ କଣ ସାମ୍ବାଦିକଙ୍କୁ ଜୀବନ ଦେବାକୁ ପଡ଼ିବ? ଆଇନଶୃଙ୍ଖଳା ଜଗୁଥିବା ପୋଲିସ ଅଧିକାରୀ ଯଦି ଏଭଳି ସଂଗୀନ ଅପରାଧ ପାଇଁ ଷଡ଼ଯନ୍ତ୍ର କରିବେ, ତାହାଲେ ସାଧାରଣ ଲୋକଙ୍କୁ ନ୍ୟାୟ ଦେବ କିଏ?