spot_img
Home Blog Page 2645

ପର୍ଯ୍ୟଟକଙ୍କ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି ଦେବୀନାସୀ

କୋଣାର୍କ: ଆରମ୍ଭ ହୋଇଛି ପର୍ଯ୍ୟଟନ ଋତୁ। ପର୍ଯ୍ୟଟକଙ୍କ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି ପୁରୀ ଅସ୍ତରଙ୍ଗର ଦେବୀନାସୀର ପ୍ରାକୃତିକ ସୌନ୍ଦର୍ଯ୍ୟ। ବୋଟିଂ ସାଙ୍ଗକୁ ନାଲି କଙ୍କଡା ଓ ହେନ୍ତାଳ ବଣରେ ଭଳିକି ଭଳି ଦେଶ ବିଦେଶର ପକ୍ଷୀ ମାନଙ୍କ ସମାଗମର ଦୃଶ୍ୟ ଲୋକଙ୍କୁ କରୁଛି ଆକର୍ଷିତ। ଅସ୍ତରଙ୍ଗ ଠାରୁ ମାତ୍ର ୧୦ କିଲୋମିଟର ଦୂରରେ ଅବସ୍ଥିତ ଗଙ୍ଗାଦେବୀ ନିକଟରେ ଅବସ୍ଥିତ ଏହି ପର୍ଯ୍ୟଟନ ସ୍ଥଳୀରେ ବଢୁଛି ପର୍ଯ୍ୟଟକଙ୍କ ସଂଖ୍ୟା । ଅସ୍ତରଙ୍ଗ ପିରଯାହାନିଆରେ ବି ପର୍ଯ୍ୟଟକ ମାନେ ପିର ବାବାଙ୍କୁ ଦର୍ଶନ କରିବା ବଣ ଭୋଜିର ମଜା ଉଠାଉଛନ୍ତି।

ହେନ୍ତାଳ ବଣର ସବୁଜିମାକୁ ମନୋଭରି ଉପଭୋଗ କରୁଛନ୍ତି ପର୍ଯ୍ୟଟକ । ବନ ବିଭାଗ ଦ୍ଵାରା ୫ କୋଟି ଟଙ୍କା ବ୍ୟୟରେ ଅସ୍ତରଙ୍ଗ ଗଙ୍ଗା ଦେବୀ ଠାରେ ଇକୋ କ୍ୟାମ୍ପ ପର୍ଯ୍ୟଟକ ମାନଙ୍କ ରହଣି ନିମନ୍ତେ ନିର୍ମାଣ ହୋଇଛି। ଏହା ଖୁବଶୀଘ୍ର ପର୍ଯ୍ୟଟକ ମାନଙ୍କ ପାଇଁ ଖୋଲିବ । ପର୍ଯ୍ୟଟକ ମାନେ ଏଠାରେ ରାତ୍ରି ରହଣିର ମଜା ନେବା ସହିତ ପ୍ରକୃତିକ ସୌନ୍ଦର୍ଯ୍ୟର ମଜା ନେଇ ପାରିବେ ବୋଲି ପୁରୀ ବନଖଣ୍ଡ ଅଧିକାରୀ କହିଛନ୍ତି।

ଟି-୨୦ ବିଶ୍ବକପ ଖେଳିବେ ତ ରୋହିତ? ଜାଣନ୍ତୁ କ’ଣ କହିଲେ ହିଟମ୍ୟାନ୍

ନୂଆଦିଲ୍ଲୀ: ଦିନିକିଆ ବିଶ୍ବକପରେ ଫାଇନାଲରେ ଭାରତର ପରାଜୟ ପରେ ୨୦୨୪ରେ ଅନୁଷ୍ଠିତ ହେବାକୁ ଥିବା ଟି-୨୦ ବିଶ୍ବକପ ଉପରେ ଏବେ ନଜର ରହିଛି । ଟିମ ଇଣ୍ଡିଆ କେଉଁ ଟିମ ସହ ମଇଦାନୁ ଓହ୍ଲାଇବ? କିଏ ଦଳର ଦାୟିତ୍ବ ନେବେ ଏମିତି ଚର୍ଚ୍ଚା ଲାଗି ରହିଛି । ହିଟମ୍ୟାନ ଖେଳିବେ କି ନାହିଁ? ଏଭଳି ଚର୍ଚ୍ଚା ଭିତରେ ପ୍ରେସମିଟରେ ନିଜର ପ୍ରତିକ୍ରିୟା ରଖିଛନ୍ତି ରୋହିତ ଶର୍ମା । ସେ କହିଛନ୍ତି କି, ମୋ ପାଇଁ ଯେତିକି କ୍ରିକେଟ ବଞ୍ଚିଛି ସେତିକି ଖେଳିବା ପାଇଁ ଚାହିଁବି । ତେବେ ରୋହିତ ଏହି ଉତ୍ତରରୁ ଏଭଳି ସ୍ପଷ୍ଟ ହେଉଛି କି, ସେ ୨୦୨୪ ଟି-୨୦ ବିଶ୍ବକପ ଖେଳିବେ । ଏଭଳି ସଙ୍କେତ ଦେଇଥିବାବେଳେ କ୍ରିକେଟପ୍ରେମୀଙ୍କ ପାଇଁ ଏହା ଏକ ଖୁସି ଖବର ବୋଲି ମଧ୍ୟ କହିପାରିବା ।

ସେପଟେ ଦକ୍ଷିଣ ଆଫ୍ରିକା ବିପକ୍ଷରେ ଭାରତ ମଙ୍ଗଳବାରଠାରୁ ନିଜର ପ୍ରଥମ ଟେଷ୍ଟ ମ୍ୟାଚ ଖେଳିବାକୁ ଯାଉଛି । ରୋହିତ ବିଶ୍ବକପ ପରେ ଦଳଠାରୁ ଦୂରରେ ଥିବାବେଳେ ସେ ଖେଳିବାକୁ ଯାଉଛନ୍ତି । ୧୯୯୨ ମସିହାରୁ ଭାରତ ଦକ୍ଷିଣଆଫ୍ରିକାରେ ଦ୍ବିପାକ୍ଷିକ ଟେଷ୍ଟ ସିରିଜ ଜିତି ନାହିଁ । ୨ଟି ଟେଷ୍ଟ ମ୍ୟାଚ ଖେଳାଯିବାକୁ ଥିବାବେଳେ ରୋହିତଙ୍କ ପାଇଁ ନୂଆ ରେକର୍ଡ ହାସଲ କରିବା ପାଇଁ ,କ ସୁଯୋଗ ରହିଛି । ବିଶ୍ବକପରେ ଭାରତ ପାଇଁ ବୋଲିଂରେ ହିରୋ ସାଜିଥିବା ମହମ୍ମଦ ସାମିଙ୍କ ଆଣ୍ଠୁରେ ଆଘାତ କାରଣରୁ ସେ ସେ ଖେଳିପାରିବେ ନାହିଁ । ଏଣୁ ଏହା ଦଳ ପାଇଁ ଏକ ବଡ଼ ବିପର୍ଯ୍ୟୟ ହେବ ବୋଲି ରୋହିତ କହିଛନ୍ତି ।

ମାଛ ଚାଷରୁ ଲାଭବାନ ସ୍ବୟଂସହାୟକ ଗୋଷ୍ଠୀ

ସମ୍ବଲପୁର: ମହିଳା ହେଉଛନ୍ତି ସ୍ବାବଲମ୍ବୀ । ସମ୍ବଲପୁର ରେଢ଼ାଖୋଲ ବୈଷ୍ଣବ ଝୁଲି ଗାଁରେ ମାଛ ଚାଷରୁ ହେଉଛି ଭଲ ରୋଜଗାର । ମା ସନ୍ତୋସି ଓ ମା ମାହେଶ୍ଵରୀ ସ୍ବୟଂସହାୟକ ଗୋଷ୍ଠୀ ମହିଳା ମାଛ ଚାଷ କରି ହୋଇଛନ୍ତି ସ୍ବାବଲମ୍ବୀ । ବାୟୋଫ୍ଲୋକ ମାଛ ଚାଷରୁ ହେଉଛି ଭଲ ଲାଭ ।

ଗାଁ ଗାଁରେ ମହିଳା ହେଉଛନ୍ତି ସ୍ବାବଲମ୍ବୀ। ସମ୍ବଲପୁର ରେଢ଼ାଖୋଲ ବୈଷ୍ଣବ ଝୁଲି ଗାଁରେ ମହିଳା କମ ସ୍ଥାନରେ କରୁଛନ୍ତି ମାଛ ଚାଷ। ଟ୍ରେନିଂ ନେଲାପରେ ଘର ପାଖରେ ଦୁଇଟି କୁଣ୍ଡ ତିଆରି କରି ବାୟୋଫ୍ଲୋକ ପଦ୍ଧତିରେ ହେଉଛି ମାଛ ଚାଷ । କୁଣ୍ଡରେ ଦେଶୀ ମାଛ ସହିତ ଭିନ୍ନ ଭିନ୍ନ ପ୍ରକାରର ମାଛ ଛଡାହୋଇଛି । ଘରକାମ କରିବାପରେ ସମୟ ବାହାର କରି ମହିଳା ମାନେ ମାଛ ଚାଷରେ ଲାଗନ୍ତି । ମାଛ ଗୁଡିକ ବଢ଼ିଲା ପରେ ରେଢ଼ାଖୋଲ ମାର୍କେଟକୁ ବିକ୍ରି ପାଇଁ ପହଞ୍ଚିଥାଏ।

ମାଛ ଚାଷରୁ ବାର୍ଷିକ ଲକ୍ଷାଧିକ ଟଙ୍କା ରୋଜଗାର କରୁଛନ୍ତି ମହିଳା। ମହିଳାଙ୍କ ରୋଜଗାର ଦ୍ବାରା ଆର୍ଥିକ ସ୍ଥିତି ସୁଦୃଢ ହୋଇପାରିଛି। କେବଳ ଘର କାମରେ ସୀମିତ ହୋଇ ରହିନାହାନ୍ତି ମହିଳା। ନିଜେ ସ୍ବାବଲମ୍ବୀ ହେବା ସହ ଅନ୍ୟ ମହିଳାଙ୍କୁ ଦେଖାଉଛନ୍ତି ରୋଜଗାରର ରାସ୍ତା। ସରକାରୀ ସହଯୋଗ ଦ୍ବାରା ଏସବୁ ସମ୍ଭବ ହୋଇଥିବାରୁ ମୁଖ୍ୟମନ୍ତ୍ରୀଙ୍କୁ ଜଣାଇଛନ୍ତି ଧନ୍ୟବାଦ ।

ସମ୍ପତ୍ତି ପାଇଁ ସ୍ବାମୀ ବଞ୍ଚି ଥାଉ ଥାଉ ମାରିଦେଲେ ମହିଳା, ଶ୍ବଶୁର ଏବଂ ଦିଅରଙ୍କୁ ପଠାଇଲେ ଜେଲ

ଲକ୍ଷ୍ନୌ: କଥାରେ ଅଛି ମୋହ ମାୟା ସଂସାର କେହି ନୁହେଁ କାହାର । ଆଜିକାଲି ସମାଜରେ ସମ୍ପତ୍ତି ପାଇଁ ମଣିଷ କିଭଳି ଅମଣିଷ ପାଲଟନ୍ତି ତାହାର ଅନେକ ଜ୍ଜଳନ୍ତ ଉଦାହରଣମାନ ମଧ୍ୟ ଆପଣମାନେ ଦେଖୁଥିବେ । ତେବେ ଜଣେ ମହିଳା ସମ୍ପତ୍ତି ଲୋଭରେ ଏତେ ପାଗଳ ହୋଇ ଯାଇଥିଲେ କି, ନିଜ ସ୍ବାମୀଙ୍କୁ ଶ୍ବଶୁର ଏବଂ ୩ ଦିଅର ମିଶି ହତ୍ୟା କରିଥିବା ଅଭିଯୋଗ କରିଥିଲେ । ଯେଉଁ ମିଛ ଅପରାଧରେ ଜେଲରେ ୪ଜଣ ନିର୍ଦ୍ଦୋଷରେ ଦଣ୍ଡ ଭୋଗୁଛନ୍ତି । ବାସ୍ତବରେ ମହିଳାଙ୍କ ସ୍ବାମୀ ବଞ୍ଚିଥିବାବେଳେ ପୋଲିସ ତାଙ୍କୁ ଉଦ୍ଧାର କରିଛି । ଉତ୍ତରପ୍ରଦେଶରୁ ଆସିଛି ଏଭଳି ଖବର ।

ରାମକରଣ ନାମକ ଯୁବକ ଏବେ ଗୁଜୁରାଟରେ କାମ କରୁଥିବାବେଳେ ତାଙ୍କ ପତ୍ନୀ ଅଭିଯୋଗ ଆଣିଥିଲେ କି, ଶ୍ବଶୁର ଏବଂ ଦିଅର ତାଙ୍କୁ ହତ୍ୟା କରିଛନ୍ତି । ଯଦିଓ ପୋଲିସ ମୃତଦେହକୁ ଠାବ କରିନଥିଲା ତଥାପି ମାମଲା ଆଧାରରେ ୪ଜଣଙ୍କୁ ଗିରଫ କରି ଜେଲ ପଠାଇଥିଲା । ଏବେ ପୋଲିସ ଅଧିକ ତଦନ୍ତ କରିବା ସିସିଟିଭି ଆଧାରେ ଅଭିଯୁକ୍ତର ଖବର ପାଇଥିଲା । ପୋଲିସ ଉଭୟ ପତି ପତ୍ନୀଙ୍କ ଚାଲାକିକୁ ଜାଣିବା ସହ ଗିରଫ କରିଛି । ସେମାନଙ୍କ ବିରୋଧରେ ମାମଲା ରୁଜୁ କରିଥିବାବେଳେ ଏବେ ଏହା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।

 

ବାପା ବାହାଘରରେ ପୁଅର ସରପ୍ରାଇଜ୍

ମୁମ୍ବାଇ: ବଲିଉଡ୍ ଅଭିନେତା ଅରବାଜ ଖାନ ମେକଅପ କଳାକାର ଶେରା ଖାନଙ୍କୁ ଭଉଣୀ ଅର୍ପିତା ଖାନଙ୍କ ଘରେ ଡିସେମ୍ବର ୨୪ ତାରିଖରେ ଦ୍ୱିତୀୟ ବିବାହ କରିଛନ୍ତି। ଅରବାଜ ଓ ଶୌରାଙ୍କ ବିବାହ ଉତ୍ସବରେ ଅନେକ ବଲିଉଡ ତାରକା ଯୋଗ ଦେଇଥିଲେ। ଦୁହିଁଙ୍କ ବିବାହର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭାଇରାଲ ଭିଡିଓଗୁଡ଼ିକ ମଧ୍ୟରୁ ଅରବାଜଙ୍କ ପୁଅ ଅରହାନଙ୍କ ଏକ ଭିଡିଓକୁ ଲୋକେ ଖୁବ ପସନ୍ଦ କରୁଛନ୍ତି।

ବିବାହରେ ସାମିଲ ହୋଇ ଅରହାନ ବାପା ଅରବାଜ ଓ ନୂଆ ମା’ ଶେରାଙ୍କୁ ସରପ୍ରାଇଜ ଦେଇଥିଲେ।  ଅରହାନ ବିବାହରେ ସମଗ୍ର ପରିବାରଙ୍କ ସାମ୍ନାରେ ମଞ୍ଚ ଉପରେ ଚଢ଼ି ବାପା ଓ ନୂଆ ମା’ଙ୍କୁ ଶୁଭେଚ୍ଛା ଜଣାଇବା ପାଇଁ ଗିଟାର ବଜାଇଥିଲେ। ପୁଅର ଏଭଳି ସରପ୍ରାଇଜ୍ ଦେଖି ଅରବାଜ ଖୁସି ହୋଇଯାଇଥିଲେ। ସେ ସଙ୍ଗେସଙ୍ଗେ ଫୋନ ବାହାର କରି ଏହି ଦୃଶ୍ୟକୁ ନିଜ କ୍ୟାମେରାରେ କୈଦ କରିଦେବାକୁ ଚାହିଁଥିଲେ।

ଅରବାଜଙ୍କ ବିବାହରେ  ଭାଇ ସଲମାନ ଏବଂ ସୋହେଲ ମଧ୍ୟ ସାମିଲ ହୋଇଥିଲେ। ଏହି ବିବାହରେ ସାମିଲ ହୋଇଥିବା ପ୍ରତ୍ୟେକ ଅତିଥି ଖୁସିରେ ଖୁବ ମଜାମସ୍ତି କରିଥିବାର ଏକ ଭିଡିଓ ବି ସୋସିଆଲ ମିଡିଆରେ ଭାଇରାଲ ହେଉଛି।

ବଲିଉଡ୍ ଅଭିନେତା ତଥା ପ୍ରଯୋଜକ ଅରବାଜ ଖାନ, ମେକଅପ୍ ଆର୍ଟିଷ୍ଟ ଶେରା ଖାନଙ୍କୁ ଶେଷରେ ରବିବାର ବିବାହ କରିଛନ୍ତି। ବହୁଦିନରୁ ଦୁହେଁ ପରସ୍ପରକୁ ଡେଟ୍ କରୁଥିଲେ। ରବିବାର ଅରବାଜଙ୍କ ଭଉଣୀ ଅର୍ପିତା ଖାନ ଶର୍ମାଙ୍କ ଘରେ ଏହି ଦମ୍ପତି ନିରାଡ଼ମ୍ବର ଭାବରେ ବିବାହ କରିଥିଲେ। ବିବାହରେ କେବଳ ଘନିଷ୍ଠ ବନ୍ଧୁ ଓ ପରିବାର ଲୋକେ ଉପସ୍ଥିତ ଥିଲେ। ବିବାହ ପରେ ସୋସିଆଲ ମିଡିଆରେ ସେ ସମୟରେ ଅନେକ ଭିଡିଓ ଭାଇରାଲ ହୋଇଥିବା ବେଳେ ଦବଙ୍ଗ ଷ୍ଟାର ସଲମାନ ଖୁସିରେ ନାଚୁଥିବାର ଭିଡିଓ ମଧ୍ୟ ଭାଇରାଲ ହୋଇଛି।

ସଲମାନ ଭାଉଜ ଶୁରା ଖାନଙ୍କୁ ସ୍ବାଗତ କରିବା ପାଇଁ ନିଜ ଫିଲ୍ମର ଗୀତରେ ନାଚିଥିଲେ। ଗୀତଟି ଥିଲା ‘ତେରେ ମସ୍ତ ମସ୍ତ ଦୋ ନୈନ୍’ ଓ ‘ଦିଲ୍ ଦିଆ ଗଲାନ୍ । ହର୍ଷଦୀପ କୌର ଲାଇଭ୍ ଗୀତ ଗାଉଥିବା ବେଳେ ସଲମାନ, ଶୁରା ଖାନ୍, ଅରବାଜଙ୍କ ପୁଅ ଓ ଅନ୍ୟ କିଛି ଜଣକ ସହ ନାଚୁଥିବାର ଦେଖିବାକୁ ମିଳିଥିଲା। କୁହାଯାଉଛି ଯେ, ଅରବାଜ ତାଙ୍କ ଫିଲ୍ମ ‘ପଟନା ଶୁକ୍ଳା’ର ସୁଟିଂ ସମୟରେ ଶୁରାଙ୍କୁ ଭେଟିଥିଲେ। ଅଭିନେତା ପୂର୍ବରୁ ମଲାଇକା ଆରୋରାଙ୍କୁ ବିବାହ କରିଥିଲେ। ମାର୍ଚ୍ଚ ୨୦୧୬ରେ ସେମାନେ ବିଚ୍ଛେଦ ଘୋଷଣା କରିଥିବା ବେଳେ  ୨୦୧୭ ମେ’ ୧୧ ତାରିଖରେ ସେମାନଙ୍କର ଆନୁଷ୍ଠାନିକ ଭାବେ ବିବାହ ବିଚ୍ଛେଦ ହୋଇଥିଲା। ୧୯ ବର୍ଷ ତଳେ ୧୯୯୮ ମସିହାରେ ସେମାନଙ୍କର ବିବାହ ହୋଇଥିଲା। ଅନ୍ୟ ପକ୍ଷରେ ଶୁରାଙ୍କ ଇନଷ୍ଟାଗ୍ରାମ ତଥ୍ୟ ଅନୁଯାୟୀ ସେ ବଲିଉଡ୍ର ଜଣେ ମେକ୍-ଅପ୍ ଆର୍ଟିଷ୍ଟ ଏବଂ ରବିନା ଟଣ୍ଡନ ଓ ତାଙ୍କ ଝିଅ ରାଶାଙ୍କ ସହ ଘନିଷ୍ଠ ଭାବେ କାର୍ଯ୍ୟ କରିଛନ୍ତି।

୩୦ ହଜାର ଚାକିରୀ ନେବ AI!

ନନ୍ଦିଘୋଷ ବ୍ୟୁରୋ: ଗୁଗଲରେ ୩୦,୦୦୦ ଚାକିରି ଖାଇବ ଏଆଇ । ବିଜ୍ଞାପନ ସେଲ୍ସ ବିଭାଗ ପ୍ରଭାବିତ ହେବ । ଗୁଗଲରେ ଆଉ ଏକ ପର୍ଯ୍ୟାୟ ଛଟେଇ ହେବାକୁ ଯାଉଛି। ଏଥରର କାରଣ ହେଉଛି ଆର୍ଟିଫିସିଆଲ ଇଣ୍ଟେଲିଜେନ୍ସ (ଏଆଇ)। ଏହି ନୂଆ ପ୍ରଯୁକ୍ତି ପ୍ରଭାବରେ ଗୁଗୁଲ୍ରେ ୩୦ ହଜାର କର୍ମଚାରୀଙ୍କୁ ଛଟେଇ କରାଯିବ ବୋଲି ଏକ ରିପୋର୍ଟରେ ଦାବି କରାଯାଇଛି। ଏଆଇ ଲାଗୁ କରିବା ପରେ କଂପାନିର କେତେକ ପଦ ବଳକା ହୋଇପଡ଼ିଛି। ସେଗୁଡ଼ିକୁ ସବୁଦିନ ଲାଗି ବନ୍ଦ କରିବା ଉପରେ କଂପାନି ବିଚାର କରିପାରେ। ଛଟେଇ ସମୟରେ କଂପାନିର ବିଜ୍ଞାପନ ସେଲ୍ସ ଟିମ୍ରେ ପରିବର୍ତ୍ତନ ହୋଇପାରେ।

ଏଆଇ ଟୁଲ୍ ବ୍ୟବହାର କରିବା ପରେ ଗୁଗୁଲ୍ର ସେଲ୍ସ ବିଭାଗରେ ବହୁ ପଦ ଅଦରକାରୀ ହୋଇପଡ଼ିଛି। କଂପାନିର ଏଆଇ ଟୁଲ୍ ବିଜ୍ଞାପନ ପରାମର୍ଶ ଦେବା ସହ କ୍ଲାଏଣ୍ଟମାନଙ୍କ ଲାଗି ବିଜ୍ଞାପନ ପ୍ରସ୍ତୁତ କରିବାକୁ ବି ସକ୍ଷମ। ଏହି ପ୍ରକ୍ରିୟାରେ ମାନବ ହସ୍ତକ୍ଷେପ ଆଦୌଁ ଦରକାର ପଡ଼ିବନି। ଗୁଗୁଲ୍ ପକ୍ଷରୁ ଆଇ/ଓ ୨୦୨୩ କାର୍ଯ୍ୟକ୍ରମରେ ଏହାର ଏଆଇ ବିଜ୍ଞାପନ ଟୁଲ୍ ପରଫରମାନ୍ସ ମ୍ୟାକ୍ସକୁ ଉନ୍ମୋଚନ କରାଯାଇଥିଲା। ବହୁ ବିଜ୍ଞାପନଦାତା ସେହି ଟୁଲ୍ ଆଡ଼କୁ ଢଳିଛନ୍ତି। ଏହା ଜରିଆରେ ନିଜ ବିଜ୍ଞାପନ କେତେ ଫଳପ୍ରଦ ହୋଇଛି ତାହା ସେମାନେ ଜାଣଇପାରୁଛନ୍ତି। ଗତ ସପ୍ତାହରେ ହୋଇଥିବା ଏକ ବୈଠକରେ ଗୁଗୁଲ୍ର ଆମେରିକା ଓ ଗ୍ଳୋବାଲ୍ ପାର୍ଟନର ସଭାପତି ସିନ୍ ଡାଉନି ବିଜ୍ଞାପନ ସେଲ୍ସ ବିଭାଗରେ ହେବାକୁ ଥିବା ପରିବର୍ତ୍ତନ ସମ୍ପର୍କରେ ଆଭାସ ଦେଇଥିଲେ।

ଶ୍ରୀମନ୍ଦିର ସୁରକ୍ଷା ପାଇଁ ସ୍ବତନ୍ତ୍ର ବାଟାଲିୟନ

ଭୁବନେଶ୍ବର: ଶ୍ରୀମନ୍ଦିର ସୁରକ୍ଷା ପାଇଁ ସ୍ବତନ୍ତ୍ର ବାଟାଲିୟନ । ଶ୍ରୀମନ୍ଦିର ପାଇଁ ସ୍ବତନ୍ତ୍ର ସୁରକ୍ଷା ବାହିନୀ । ସ୍ବତନ୍ତ୍ର ସୁରକ୍ଷା ବାହିନୀକୁ ଅନୁମୋଦନ କଲେ ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀଙ୍କୁ ଅବଗତ କରାଇଥିଲେ 5T ଅଧ୍ୟକ୍ଷ । ଶ୍ରୀମନ୍ଦିର ସୁରକ୍ଷା, ଭିଡ଼ ପରିଚାଳନାକୁ ଫୋକସ୍ ସହ ବିଭିନ୍ନ ଅଂଶୀଦାରଙ୍କ ସହ ଆଲୋଚନା ପରେ ନିଷ୍ପତ୍ତି । ବାଟାଲିୟନରେ ରହିବେ ୧୧୯୦ ସୁରକ୍ଷା କର୍ମୀ । ଶ୍ରୀମନ୍ଦିର ସୁରକ୍ଷା ବାହିନୀ (ssb) ଭାବେ ନାମିତ ହେବ । ପରିକ୍ରମା ପ୍ରକଳ୍ପ ଲୋକାର୍ପଣ ପରେ ପୁରୀକୁ ବଢ଼ିବ ଜନସମାଗମ । ଏବେ ଦୈନିକ ପୁରୀକୁ ୫୦ ହଜାରରୁ ଅଧିକ ଶ୍ରଦ୍ଧାଳୁ ଆସୁଛନ୍ତି । ଛୁଟି ଦିନରେ ବଢ଼ୁଛି ଶ୍ରଦ୍ଧାଳୁଙ୍କ ଭିଡ଼ । ଏହାକୁ ଦୃଷ୍ଟିରେ ରଖି ଏଭଳି ନିଷ୍ପତ୍ତି ନିଆଯାଇଛି ।

 

ମାଟିତଳୁ ମିଳିଲା ଗୋଟିଏ ବନ୍ଧୁକ ସହ ୩୪ ପ୍ରକାରର ମାଓ ସାମଗ୍ରୀ

ମାଲକାନଗିରି: ମାଲକାନଗିରି ପୋଲିସକୁ ମିଳିଛି ବଡ଼ ସଫଳତା। ମାଟିତଳୁ ଉଦ୍ଧାର କଲା ବିପୁଳ ପରିମାଣର ମାଓ ସାମଗ୍ରୀ। ଆନ୍ଧ୍ର ଓ ଓଡ଼ିଶା ସୀମା କାଳିମେଳା ଥାନା ଅନ୍ତର୍ଗତ କୂର୍ମାନୁର ଜଙ୍ଗଲରୁ ଉଦ୍ଧାର ହେଲା ମାଓ ସାମଗ୍ରୀ। ଗୋଟିଏ ବନ୍ଧୁକ ସହ ୩୪ ପ୍ରକାରର ମାଓ ସାମଗ୍ରୀ ମିଳିଛି ମାଟିତଳୁ। SOG ଓ DVF ମାଓ ଦମନ ଅପରେସନ ଯାଇଥିବା ସମୟରେ ପାଇଛି ସଫଳତା। ପୋଲିସକୁ ଟାର୍ଗେଟ କରି ମତିତଳେ ପୋତି ଥିଲେ ମାଓବାଦୀ। ଘଟଣା ପରେ ସେହି ଅଞ୍ଚଳରେ ଅପରେସନ କୁ ବଢାଇ ଦିଆଯାଇଛି।

ଅପ୍ରାକୃତ ଯୌନ ସମ୍ପର୍କ ଓ ଅପରାଧ ଲୁଚାଇବାକୁ ହତ୍ୟା

କଟକ: କଟକ ଜଗତପୁର ଥାନା ପୂର୍ବକଚ୍ଛ ନାବାଳକକୁ ନିର୍ମମ ହତ୍ୟା ଘଟଣାର ପର୍ଦ୍ଦାଫାଶ କରିଛି ଜଗତପୁର ପୋଲିସ । ହତ୍ୟା ଘଟଣାରେ ମୁଖ୍ୟ ଅଭିଯୁକ୍ତ ଯୋଗେନ୍ଦ୍ର ପଣ୍ଡାକୁ ଗିରଫ କରିଛି ପୋଲିସ । ତା’ଠାରୁ ଧାରୁଆ ଅସ୍ତ୍ର, ରକ୍ତ ଭିଜା ଗାମୁଛା ଓ କାଠ ଫାଳିଆ ଜବତ ହୋଇଛି । ଏନେଇ ସୂଚନା ଦେଇଛନ୍ତି କଟକ ଡିସିପି ପିନାକ ମିଶ୍ର । ନାବାଳକ ଜ୍ୟୋତିପ୍ରକାଶ ବେହେରାଙ୍କୁ ଅତି ଅମାନୁଷିକ ଭାବେ ହତ୍ୟା କରିଥିବା ନେଇ ପୋଲିସ ଆଗରେ ସ୍ବୀକାର କରିଛି ଅଭିଯୁକ୍ତ । ମର୍ଡର କରିଥିବା ସ୍ଥାନରେ ଅଭିଯୁକ୍ତକୁ ଆଣି ଲାଇଭ ଡେମୋ କରିଥିଲା ପୋଲିସ ।

ମର୍ଡର କରିବା ପରେ ପୋଖରୀ କୂଳରେ ମୃତଦେହକୁ ଫିଙ୍ଗି ଦେଇତିଲା ଅଭିଯୁକ୍ତ। ବିଭତ୍ସ ହତ୍ୟାକାଣ୍ଡକୁ ନେଇ ଯୋଗେନ୍ଦ୍ର ଉପରେ ବିଭିନ୍ନ ମାମାଲା ରୁଜୁ ହୋଇଛି  । ଶାରିରୀକ ଶୋଷଣ ଲୁଚାଇବାକୁ ଯାଇ ହତ୍ୟାକାଣ୍ଡ ଘଟିଥିବା ଜ୍ୟୋତିପ୍ରକାଶର ବାପା କହିଛନ୍ତି । ଗତ ୧୭ ତାରିଖରେ ନାବାଳକ ଜ୍ୟୋତିପ୍ରକାଶ ଙ୍କୁ ହତ୍ୟା କରିଥିଲା ଅଭିଯୁକ୍ତ । ସାଇଣ୍ଟିଫିକ୍ ତଦନ୍ତ ଓ ଅଭିଯୁକ୍ତର ବୟାନ ଆଧାରରେ ସ୍ପଷ୍ଟ ହେଉଛି ଯୋଗେନ୍ଦ୍ର ଏହି ହତ୍ୟାକାଣ୍ଡ ଘଟାଇଥିଲା । ଆଜି ସିନ୍ ରିକ୍ରିଏସନ୍ କରାଯାଇ ଅଭିଯୁକ୍ତକୁ କୋର୍ଟ ଫରଓ୍ବାର୍ଡ କରାଯାଇଛି ।

ଜଗତପୁର ନାବାଳକ ହତ୍ୟା ଘଟଣାର ପର୍ଦ୍ଦାଫାସ୍ । ଅପ୍ରାକୃତ ଯୌନ ସମ୍ପର୍କ ଓ ଅପରାଧ ଲୁଚାଇବାକୁ ହତ୍ୟା । ହତ୍ୟାକାରୀ ଗିରଫ, ଅସ୍ତ୍ର, ରକ୍ତଭିଜା ଗାମୁଛା ଜବତ । କଟକ ପୂର୍ବକଛ ନାବାଳକ ହତ୍ୟାକାଣ୍ଡ ଘଟଣାର 9 ଦିନ ପରେ ଜଗତପୁର ପୋଲିସକୁ ମିଳିଛି ସଫଳତା । ହତ୍ୟାକାରୀ ଯୋଗେନ୍ଦ୍ର ପଣ୍ଡାକୁ ଗିରଫ କରିବା ସହ ତା ନିକଟରୁ ହତ୍ୟାକାଣ୍ଡରେ ବ୍ୟବହୃତ କାଠ ବିଟ, ରକ୍ତ ଭିଜା ଗାମୁଛା ଓ ଧାରୁଆ ଦା କୁ ଜବତ କରିଛି ପୋଲିସ । ଯୋଗେନ୍ଦ୍ର ନିଶାସକ୍ତ ଅବସ୍ଥାରେ ନିଜର ଯୌନ ଲାଳସା ପୂରଣ କରିବାକୁ ପୂର୍ବକଛରେ ଥିବା ପରିତେକ୍ତ ଘରେ ନାବାଳକ ସହ ଅପ୍ରାକୃତିକ ଯୌନ ସମ୍ପର୍କ ରଖିଥିଲା । ପୀଡିତ ଏହି କଥା ତାର ବାପାଙ୍କ କହିଦେବା ଭୟରେ ଏପରି ନିର୍ମମ ହତ୍ୟାକାଣ୍ଡ ଘଟାଇଥିବା ଡିସିପି ସୂଚନା ଦେଇଛନ୍ତି ।

 

ବୋହିନେଲେ ବସ୍ତା ବସ୍ତା ଆଳୁ, କିଲୋକୁ ୬ ଟଙ୍କା

ସିମୁଳିଆ: ଆଳୁ ବସ୍ତାକୁ ୩୦୦ ଟଙ୍କା । ମାନେ କେଜିକୁ ୬ ଟଙ୍କା । ଆପଣଙ୍କୁ ଅବିଶ୍ବାସ ଲାଗିଲେ ବି ସତ। ବାଲେଶ୍ବର ଜିଲ୍ଲା ଖଇରା ଅଂଚଳରେ ୫୦ କେଜି ବିଶିଷ୍ଟ ଆଳୁ ବସ୍ତାକୁ ୩୦୦ ଟଙ୍କା ଦରରେ ବିକ୍ରି ହୋଇଛି। ଫଳରେ ଆଳୁ କିଣିବାକୁ ଭିଡ଼ ଲାଗିଥିଲା । ଖଇରା ବ୍ଲକ କୋଚିଆକୋଇଲିଠାରେ ହଠାତ ଏକ ଆଳୁ ଭର୍ତ୍ତି ୧୨ ଚକିଆ ଟ୍ରକ ଆସି ପହଞ୍ଚିଥିଲା l ଆଳୁ ଶସ୍ତାରେ ବିକ୍ରି ହେଉଥିବା ଖବର ପାଇ ସ୍ଥାନୀୟ ଲୋକମାନେ କିଣିବାକୁ ଧାଡ଼ି ଲଗାଇଥିଲେ । ଏବେ ବଜାରରେ ଆଳୁ ବସ୍ତାର ଦାମ ୭୦୦ ଟଙ୍କା ରହିଥିବାବେଳେ କିପରି କମ ଦାମରେ ଆଳୁ ବିକ୍ରି ହେଉଛି ସେନେଇ ସମସ୍ତେ ଆଶ୍ଚର୍ଯ୍ୟ ହେଉଛନ୍ତି । କିନ୍ତୁ ଗାଡ଼ି ଲାଗିବା ମାତ୍ରେ ଲୋକେ ଗାଡ଼ି ପାଖରେ ଭିଡ଼ ଜମାଇଥିଲେ । ଆଳୁ କିଣିବା ପାଇଁ ପ୍ରତିଯୋଗିତା ଲାଗିଥିଲା । କିଏ ୫ ବସ୍ତା ତ ଆଉ କିଏ ୧୦ ବସ୍ତା ଏଭଳି ବୋହି ନେଇଥିଲେ ଲୋକେ । ବଜାରରେ ଏବେ ଚଢ଼ା ଦରରେ ମିଳୁଥିବାବେଳେ ଏତେ ଶସ୍ତାରେ ମିଳୁଥିବାରୁ ଲୋକେ ଆଗ୍ରହର ସହ ବୋହି ନେଇଥିଲେ । ତେବେ ଏହି ଆଳୁ ଏତେ ଶସ୍ତାରେ କେମିତି ବିକ୍ରି କରୁଛନ୍ତି ତାକୁ ନେଇ ଏବେ ସ୍ଥାନୀୟ ଅଞ୍ଚଳରେ ଆରମ୍ଭ ହୋଇଛି ଚର୍ଚ୍ଚା ।