ରାଜସ୍ଥାନ: ସୈତାନ ସାଜିଲା ପୁଅ । ୧୦ ମାସ ୧୦ ଦିନ ଗର୍ଭରେ ଧରି ଜନ୍ମ କରିଥିବା ମାଆକୁ ବି ମାରିବାକୁ ପଛାଇଲା ନାହିଁ । ଯେଉଁ ବାପା ଦିନେ ପୁଅ ଜନ୍ମ କରି ଛାତି ଫୁଲାଇ ଚାଲୁଥିଲା ସେହି ବାପାଙ୍କୁ ମାରିବାକୁ ବି ପଛାଇଲାନି ପୁଅ । ରାକ୍ଷୀର ପାଉଣା ଦେବାକୁ ଯାଇ ସାନ ଭଉଣୀକୁ ହତ୍ୟା କରିବାକୁ ପଛାଇଲା ନାହିଁ ଜହ୍ଲାଦ ଭାଇ । ଏଭଳି କିଛି ବୀଭତ୍ସ ଘଟଣା ଦେଖିବାକୁ ମିଳିଛି ରାଜସ୍ଥାନର ନାଗାଉରରେ । ୨୫ ବର୍ଷ ବୟସ୍କ ଯୁବକ ନିଜ ପିତାମାତା ଏବଂ ୧୫ ବର୍ଷର ଭଉଣୀକୁ ଗୋଟିଏ ଧାରୁଆ ଅସ୍ତ୍ର ରେ ହାଣି ହତ୍ୟା କରିଛି । ଶନିବାର ରାତିରେ ଦିଲ୍ଲୀପ ସିଂହ , ଦିଲ୍ଲୀପ୍ ସିଂହଙ୍କ ପତ୍ନୀ ଏବଂ ତାଙ୍କ ଝିଅ ଏକ ରୁମ୍ ରେ ଶୋଇଥିଲେ । ବିଳମ୍ବିତ ରାତିରେ ଦିଲ୍ଲୀପ୍ ଙ୍କର ପୁଅ ମୋହିତ୍ ଘରକୁ ଫେରିଥିଲା । ଫେରିବା ପରେ ମୋହିତ୍ ଏକ ଧାରୁଆ ଅସ୍ତ୍ରରେ ନିଜ ବାପା, ମାଆ, ଏବଂ ଭଉଣୀ ଉପରେ ନୃଶଂସ ଭାବେ ହାଣି ହତ୍ୟା କରିଥିଲା । ଫଳରେ କିଛି ସମୟ ମଧ୍ୟରେ ଘଟଣା ସ୍ଥଳରେ ସମସ୍ତଙ୍କର ମୃତ୍ୟୁ ହୋଇଯାଇଥିଲା । ହତ୍ୟା କରିବା ପରେ ମୋହିତ୍ ଥାନାରେ ପହଞ୍ଚି ହତ୍ୟା କରିଥିବା କଥା ପୋଲିସ୍ କୁ ଜଣାଇଥିଲେ। ଏହି ମାମଲାରେ ପୋଲିସ କହିଛି ଯେ ପାଦୁକାଲା ପୋଲିସ ଷ୍ଟେସନ ଅଞ୍ଚଳରେ ଯୁବକ ତାଙ୍କ ପିତା, ମା ଏବଂ ଭଉଣୀଙ୍କୁ ତୀକ୍ଷ୍ଣ ଅସ୍ତ୍ରରେ ହତ୍ୟା କରିଛି ବୋଲି କହିଥିଲା। ସେ କନଷ୍ଟେବଳଙ୍କୁ ପଚାରିଥିଲେ ପୋଲିସ ଷ୍ଟେସନ ଅଧିକାରୀ କେଉଁଠାରେ ଅଛନ୍ତି। ଅଭିଯୁକ୍ତ ବର୍ତ୍ତମାନ ପୋଲିସ ଷ୍ଟେସନରେ ଥିବା ବେଳେ ପଚରାଉଚରା ଜାରି ରହିଛି । ମାରିବା ପରେ ମଧ୍ୟ ଅଭିଯୁକ୍ତଙ୍କର ଆଚରଣ ସମାନ ରହିଛି | ତେବେ ତିନି ଜଣଙ୍କ ମୃତ ଦେହକୁ ଶବ ବ୍ୟବଚ୍ଛେଦ ଗୃହରେ ରଖାଯାଇଛି, ଅଭିଯୁକ୍ତ କାହିଁକି ଏହି ଅପରାଧ କରିଛନ୍ତି ତାହାର ଅନୁସନ୍ଧାନ ଜାରି ରହିଛି।
ନ୍ୟୁଜିଲ୍ୟାଣ୍ଡ ଏବଂ ଅଷ୍ଟ୍ରେଲିଆରେ ଆରମ୍ଭ ହେଲା ନୂଆ ବର୍ଷ
ନନ୍ଦିଘୋଷ ବ୍ୟୁରୋ : ୨୦୨୩ ବର୍ଷ ବର୍ତ୍ତମାନ ଇତିହାସ ହେବାକୁ ଯାଉଛି ଏବଂ ବିଶ୍ୱବାସୀ ୨୦୨୪ କୁ ସ୍ୱାଗତ କରିବାକୁ ପ୍ରସ୍ତୁତି ଆରମ୍ଭ କରିଛନ୍ତି | ଅନେକ ଦେଶରେ ନୂଆ ବର୍ଷ ଆରମ୍ଭ ହୋଇଛି ଏବଂ ଅନେକ ଦେଶରେ ଘଣ୍ଟା କଣ୍ଟା ଧୀରେ ଧୀରେ ରାତି୧୨ ଟା ଆଡକୁ ଗତି କରୁଛି | ନ୍ୟୁଜିଲ୍ୟାଣ୍ଡ ଏବଂ ଅଷ୍ଟ୍ରେଲିଆରେ ନୂଆ ବର୍ଷ ଉତ୍ସବ ଆରମ୍ଭ ହୋଇଛି | ଭାରତରେ ମଧ୍ୟ ଲୋକମାନେ ନୂତନ ବର୍ଷକୁ ସ୍ୱାଗତ କରିବାକୁ ଆଗ୍ରହୀ ଅଛନ୍ତି ଏବଂ କିଛି ଘଣ୍ଟା ମଧ୍ୟରେ ୨୦୨୪ ବର୍ଷ ମଧ୍ୟ ଏଠାରେ ଆରମ୍ଭ ହେବ | ଦିଲ୍ଲୀ, ମୁମ୍ବାଇ, କୋଲକାତା ଏବଂ ଚେନ୍ନାଇ ସମେତ ସବୁ ଜାଗାରେ ଲୋକମାନେ ଉତ୍ସବ ଆରମ୍ଭ କରିଛନ୍ତି। ୨୦୨୪ ବର୍ଷ ପାଳନ କରୁଥିବା ନ୍ୟୁଜିଲ୍ୟାଣ୍ଡ ଏବଂ ଅଷ୍ଟ୍ରେଲିଆ ହେଉଛି ପ୍ରଥମ ଦେଶ | ନ୍ୟୁଜିଲ୍ୟାଣ୍ଡରେ ରାତି ୧୨.୩୦ ରେ ଭାରତୀୟ ସମୟ ଏବଂ ନୂତନ ବର୍ଷ ଉତ୍ସବ ସେଠାରେ ଆରମ୍ଭ ହୋଇଥିଲା | ରାତି ୧୨ ଟାରେ, ନ୍ୟୁଜିଲ୍ୟାଣ୍ଡର ସର୍ବ ବୃହତ ସ୍କାଏ ଟାୱାରରେ ନୂଆ ବର୍ଷକୁ ଆତସବାଜି ସହିତ ସ୍ୱାଗତ କରାଯାଇଥିଲା | ଏହି ସମୟ ମଧ୍ୟରେ ସେଠାରେ ବହୁ ସଂଖ୍ୟକ ଲୋକ ଉପସ୍ଥିତ ଥିଲେ। 
ବର୍ତ୍ତମାନ ଅଷ୍ଟ୍ରେଲିଆରେ ନୂଆ ବର୍ଷକୁ ସ୍ୱାଗତ କରାଯାଉଛି | ନ୍ୟୁଜିଲ୍ୟାଣ୍ଡ ପରେ ଅଷ୍ଟ୍ରେଲିଆରେ ମଧ୍ୟରାତ୍ରି ୧୨ ଟାରେ ନୂତନ ବର୍ଷ ଉତ୍ସବ ଭାରତୀୟ ସମୟ ୬.୩୦ ରେ ଆରମ୍ଭ ହୋଇଥିଲା | ନ୍ୟୁଜିଲ୍ୟାଣ୍ଡ ପରେ ପଡୋଶୀ ଦେଶ ଅଷ୍ଟ୍ରେଲିଆରେ ମଧ୍ୟ ନୂତନ ବର୍ଷ ସ୍ୱାଗତ କରାଯାଇଥିଲା | ନୂତନ ବର୍ଷକୁ ସ୍ୱାଗତ କରିବା ପାଇଁ ସିଡନୀର ବିଶ୍ୱ ପ୍ରସିଦ୍ଧ ସିଡନୀ ହାରବର୍ ବ୍ରିଜ୍ ଉପରେ ଶକ୍ତିଶାଳୀ ଆତସବାଜି ଆରମ୍ଭ କରାଯାଇଥିଲା | ହାରବର୍ ବ୍ରିଜ୍ ଉପରେ ଆତସବାଜି ସମଗ୍ର ବିଶ୍ୱରେ ପ୍ରାୟ ୪୨୫ନିୟୁତ ଲୋକ ଦେଖିଥିଲେ | ଭାରତ ଏବଂ ଚାଇନାରେ ନୂଆ ବର୍ଷକୁ ନେଇ ବହୁତ ଉତ୍ସାହ ଅଛି, ଏଠାରେ ମଧ୍ୟ ଲୋକମାନେ ଉତ୍ସାହର ସହିତ ୧୨ ଘଣ୍ଟା ଅପେକ୍ଷା କରିଛନ୍ତି | ଭାରତରେ ନୂଆ ବର୍ଷ ପାଳନ ସମ୍ପର୍କରେ ରାଜଧାନୀ ଦିଲ୍ଲୀ ଏବଂ ମୁମ୍ବାଇ ସମେତ ଅନେକ ସହରରେ ନିର୍ଦ୍ଦେଶାବଳୀ ଜାରି କରାଯାଇଛି। ରାଜଧାନୀ ଦିଲ୍ଲୀର ଅନେକ ସ୍ଥାନରେ ମଧ୍ୟ କଡା ସୁରକ୍ଷା ବ୍ୟବସ୍ଥା କରାଯାଇଛି। 
ତେବେ ନୂଆ ବର୍ଷ ଉତ୍ସବ ଏଥର ଟିକେ ଦୁର୍ବଳ ହେବାକୁ ଯାଉଛି କାରଣ ଦୁନିଆ ଦୁଇଟି ସ୍ଥାନରେ ଯୁଦ୍ଧର ସମ୍ମୁଖୀନ ହୋଇଛି। ୟୁକ୍ରେନ ଏବଂ ଗାଜାରେ ଚାଲିଥିବା ଯୁଦ୍ଧ ହେତୁ ସମଗ୍ର ବିଶ୍ୱରେ ନୂତନ ବର୍ଷର ଉତ୍ସବ କିଛିମାତ୍ରାରେ ଫିକା ପଡ଼ିଛି । ଯୁଦ୍ଧ ହେତୁ ଅନେକ ସ୍ଥାନରେ ବହୁତ ରାଷ୍ଟ୍ର ଚିନ୍ତିତ ଅଛନ୍ତି | ଗାଜା ଯୁଦ୍ଧ ହେତୁ ମୁସଲିମ ସଂଖ୍ୟାଗରିଷ୍ଠ ଦେଶ ପାକିସ୍ତାନ ନୂଆ ବର୍ଷ ପାଳନ କରୁନାହିଁ। ପାଲେଷ୍ଟାଇନବାସୀଙ୍କ ସହ ଏକତା ପ୍ରକାଶ କରିବାକୁ ନୂଆ ବର୍ଷ ଅବସରରେ ପାକିସ୍ତାନ ସରକାର ସମସ୍ତ ଉତ୍ସବକୁ ନିଷିଦ୍ଧ କରିଛନ୍ତି। ପାକିସ୍ତାନର କାର୍ଯ୍ୟକାରୀ ପ୍ରଧାନମନ୍ତ୍ରୀ ଅନୱାର-ଉଲ-ହକ କାକର ଗୁରୁବାର ଦିନ ଗାଜାର ଲୋକଙ୍କ ସହ ଏକତା ପ୍ରଦର୍ଶନ କରିବାକୁ ଦେଶରେ ନୂଆ ବର୍ଷ ପାଳନ ଉପରେ ପ୍ରତିବନ୍ଧକ ଘୋଷଣା କରିଛନ୍ତି। ସଂଯୁକ୍ତ ଆରବ ଏମିରେଟ୍ସ ଏବଂ କିରିବାଟିରେ ମଧ୍ୟ ନୂଆ ବର୍ଷ ଉତ୍ସବ ପାଳନ କରାଯିବ। ସେହିଭଳି ଆମେରିକାର ନ୍ୟୁୟର୍କର ଟାଇମ୍ସ ସ୍କୋୟାରରେ ଅଧିକାରୀ ତଥା ପାର୍ଟି ଆୟୋଜକମାନେ କହିଛନ୍ତି ଯେ ବହୁ ସଂଖ୍ୟକ ଲୋକଙ୍କୁ ସ୍ୱାଗତ କରିବାକୁ ଏବଂ ସେମାନଙ୍କ ସୁରକ୍ଷା ନିଶ୍ଚିତ କରିବାକୁ ସେମାନେ ପ୍ରସ୍ତୁତ। ଫ୍ରାନ୍ସରେ ମଧ୍ୟ ନୂତନ ବର୍ଷ ପାଳନକୁ ନେଇ ସୁରକ୍ଷା ବୃଦ୍ଧି କରାଯାଇଛି।
୨୦୨୪ରେ ତିନୋଟି ବିଶ୍ବକପ ଖେଳିବ ଭାରତ
ନୂଆଦିଲ୍ଲୀ: ଦିନିକିଆ ବିଶ୍ବକପ ଭାରତରେ ଅନୁଷ୍ଠିତ ହୋଇଥିଲା । ମାତ୍ର ଘରୋଇ ଦଳ ଫାଇନାଲରେ ଅଷ୍ଟ୍ରେଲିଆଠାରୁ ହାରିଥିବାବେଳେ କ୍ରିକେଟପ୍ରେମୀଙ୍କ ଦୁଃଖ ଆଜିଯାଏ କମିନାହିଁ । ମାତ୍ର ନୂଆବର୍ଷ ଆସୁଥିବାବେଳେ ପୁଣି ଭାରତୀୟ କ୍ରିକେଟପ୍ରେମୀଙ୍କ ପାଇଁ ଖୁସି ଖବର ନେଇ ଆସିଛି । ୨୦୨୪ରେ ତିନୋଟି ବିଶ୍ବକପ ଖେଳିବ । ଯଦି ତିନୋଟି ବିଶ୍ବକପ ଜିତେ ତାହେଲେ ବହୁତ ଖୁସି ଖବର ରହିବ । ଭାରତ ଶେଷଥର ପାଇଁ ୨୦୧୧ ମସିହାରେ ଧୋନୀଙ୍କ ନେତୃତ୍ବରେ ବିଶ୍ବକପ ଜିତିଥିଲା । ଭାରତ ଦମଦାର ଫର୍ମରେ ରହିଥିଲେ ସୁଦ୍ଧା ଆଇସିସିର ଗୋଟିଏ ହେଲେ ମଧ୍ୟ ଟ୍ରଫି ଜିତିନାହିଁ । ଏଣୁ ଏଥର ଭାରତ ନିଶ୍ଚିତ କପ ଆଣିବ ବୋଲି ନୂଆବର୍ଷରୁ ନୂଆ ଆଶା ରଖିଛନ୍ତି କ୍ରିକେଟ ପ୍ରେମୀ । ତେବେ ୨୦୨୪ରେ ଭାରତ ଟି-୨୦ ବିଶ୍ବକପ ଖେଳିବ । ପୁରୁଷ ସିନିୟର ଦଳ ଟି-୨୦ ବିଶ୍ବକପ ଖେଳିବ । ଏହାସହ ମହିଳା ଦଳ ମଧ୍ୟ ଟି-୨୦ ବିଶ୍ବକପ ଖେଳିବ । ସେପଟେ ଅଣ୍ଡର-୧୯ ବିଶ୍ବକପ ଅନୁଷ୍ଠିତ ହେବ । ଏଣୁ ଭାରତ ଏହି ତିନି ବିଶ୍ବକପ ଖେଳିବାକୁ ଯାଉଥିବାବେଳେ ବିଜୟୀ ହେବାକୁ ଲକ୍ଷ୍ୟ ରଖିଛି ।
ଡିସେମ୍ବର ମାସରେ ମଦ ବିକ୍ରିର ରେକର୍ଡ
ନନ୍ଦିଘୋଷ ବ୍ୟୁରୋ : ଆଉ କିଛି ଘଣ୍ଟାପରେ ଶେଷହେବ ବର୍ଷ ୨୦୨୩ । ନୂଆ ସୂର୍ଯ୍ୟର ଆଲୋକନେଇ ଆସିବ ନୁଆ ସକାଳ ବର୍ଷ ୨୦୨୪ । ସମଗ୍ର ଦେଶରେ ନୂଆ ବର୍ଷ ପାଳନ ପାଇଁ ପ୍ରସ୍ତୁତି ଚାଲିଛି। ସମଗ୍ର ବିଶ୍ୱରେ ଅନେକ ଦେଶ ଅଛି ଯେଉଁଦେଶର ଲୋକମାନେ ଏହାକୁ ମଦ୍ୟପାନ କରି ବେସ ଆନନ୍ଦରସହ କରନ୍ତି | ଯଦି ଆମେ ନୂଆ ବର୍ଷ ବିଷୟରେ କହିବା, ଡିସେମ୍ବର ମାସରେ ଏପର୍ଯ୍ୟନ୍ତ ମଦ ବିକ୍ରିର ରେକର୍ଡ ବିକ୍ରି ହୋଇସାରିଛି | ଡିସେମ୍ବର ମାସରେ ଏପର୍ଯ୍ୟନ୍ତ ସମୁଦାୟ ସାଢେ ଚାରି କୋଟି ମଦ ବୋତଲ ବିକ୍ରି ହୋଇସାରିଛି। ଏହି ମଦ ବ୍ୟବସାୟ ଡିସେମ୍ବର ୨୯ ପର୍ଯ୍ୟନ୍ତ ଅଛି, ଶେଷ ଦୁଇ ଦିନ ଅଧିକ ବୃଦ୍ଧି ଦେଖାଯାଇ ପାରେ |
ଡିସେମ୍ବରରେ ୪.୫ କୋଟି ମଦ ବୋତଲ ବିକ୍ରି ହୋଇଥିଲା
ଏହା କୌଣସି ଖୁସିର ଘଟଣା କିମ୍ବା ଦୁଃଖଦ ଘଟଣା ହେଉ, ଲୋକମାନେ ମଦ୍ୟପାନ କରନ୍ତି ଏବଂ ନୂଆ ବର୍ଷର ବିଶେଷ ଉତ୍ସବରେ ଲୋକମାନେ ବହୁ ମଦ୍ୟପାନ କରନ୍ତି | ଉଭୟ ପୁରୁଷ ଏବଂ ମହିଳା ଏହି ପ୍ରସଙ୍ଗରେ ପଛରେ ନାହାଁନ୍ତି। ନୂଆ ବର୍ଷରେ ମଦ ଦୋକାନ ଏବଂ ମଦ ବାରରରେ ବହୁତ ଭିଡ଼ ଜମିଛି | ସେଥିପାଇଁ ଲୋକମାନେ ଆଗରୁ ସେମାନଙ୍କର ବ୍ୟବସ୍ଥା କରଥାନ୍ତି | ଯଦି ଆମେ ଡିସେମ୍ବର ମାସରେ ଦିଲ୍ଲୀରେ ମଦ ବିକ୍ରି ବିଷୟରେ ଆଲୋଚନା କରିବା, ତେବେ ଏହା ଗତ ବର୍ଷର ସମସ୍ତ ରେକର୍ଡ ଭାଙ୍ଗିଛି। ଗତ ବର୍ଷ ଡିସେମ୍ବର ମାସରେ ଯେଉଁଠାରେ ୩,୯୯,୬୦୫୦୯ ମଦ ବୋତଲ କ୍ରୟ କରାଯାଇଥିଲା | ତେଣୁ ଚଳିତ ବର୍ଷ ଡିସେମ୍ବର ୨୯ ତାରିଖ ପର୍ଯ୍ୟନ୍ତ ପ୍ରାୟ ୪.୫ କୋଟି ମଦ ବୋତଲ କ୍ରୟ କରାଯାଇଛି। ଏଥିରେ ସର୍ବାଧିକ ମଦ ବିକ୍ରି ୨୪ ଡିସେମ୍ବରରେ ହୋଇଥିଲା | ଯେଉଁଥିରେ ପ୍ରାୟ ୧୯ ଲକ୍ଷ ୪୦ ହଜାର ମଦ ବୋତଲ କ୍ରୟ କରାଯାଇଥିଲା |
ନନ୍ଦନକାନନରେ ପ୍ରବଳ ଭିଡ଼
ଭୁବନେଶ୍ବର: ବର୍ଷର ଶେଷ ଦିନରେ ନନ୍ଦନକାନନ ପ୍ରାଣୀଉଦ୍ୟାନରେ ପର୍ଯ୍ୟଟକଙ୍କ ପ୍ରବଳ ଭିଡ଼ ଦେଖିବାକୁ ମିଳିଛି । ଛୁଟି ଥିବାରୁ ଓ ନୂଆବର୍ଷ ପାଇଂ ରାଜ୍ୟ ତଥା ରାଜ୍ୟ ବାହାରୁ ଛୁଟୁଛି ଲୋକଙ୍କ ସୂଅ । ରବିବାର ୫୦ ହଜାର ପର୍ଯ୍ୟଟକ ନନ୍ଦନକାନ ବୁଲି ଜନ୍ତୁଙ୍କୁ ଦେଖିଛନ୍ତି । ଭିଡ଼କୁ ଦୃଷ୍ଟିରେ ରଖି ଯଥେଷ୍ଟ ସୁରକ୍ଷା କର୍ମୀଙ୍କ ସହିତ ନନ୍ଦନକାନନ ଥାନା ପୋଲିସକୁ ମଧ୍ୟ ନିୟୋଜିତ କରାଯାଇଛି ।
ନୂଆବର୍ଷରେ ବୁଲିବାର ମଜା । ବାଘ, ଭାଲୁ, ସିଂହ ସହ ଅନ୍ୟ ଜନ୍ତୁ ଓ ପକ୍ଷୀଙ୍କୁ ଦେଖିବାକୁ ଭିଡ଼ । ରୋପଓ୍ବେ, ଟୟଟ୍ରେନ୍, ବୋଟିଂ କରି ଛୁଟିକୁ କରୁଛନ୍ତି ଉପଭୋଗ । ନନ୍ଦନକାନନ ପ୍ରାଣୀଉଦ୍ୟାନରେ ଜମିଛି ପର୍ଯ୍ୟଟକଙ୍କ ଭିଡ଼ । ସୁବିଧାକୁ ଦୃଷ୍ଟିରେ ରଖି ଅଫ ଲାଇନରେ ୧୬ଟି ଟିକେଟ କାଉଣ୍ଟର ଖୋଲାଯାଇଛି । ହ୍ବାଟ୍ସଆପ, ଅନଲାଇନ ମାଧ୍ୟମରେ ମଧ୍ୟ ଟିକେଟ କାଟିବାର ସୁବିଧା ଯୋଗାଇ ଦିଆଯାଇଛି । ପର୍ଯ୍ୟକଙ୍କ ପାଇଁ ସମସ୍ତ ସୁବିଧା ଯୋଗାଇ ଦିଆଯାଇଥିବାବେଳେ ସୁରକ୍ଷା ପାଇଁ ସାଧା ପୋଷାକଧାରୀ ପୋଲିସ୍, ବୋଟିଙ୍ଗ ସ୍ଥଳରେ ଓଡ୍ରାଫ ଟିମ ନିୟୋଜିତ ହୋଇଛନ୍ତି । ପ୍ରାଣୀ ଉଦ୍ୟାନର ବଭିନ୍ନ ଜନଗହଳି ଛକରେ ଚୋରୀ ଓ ଛିନତାଇ ଉପରେ ରହିଛି ନଜର । ଏଣ୍ଟ୍ରି ଗେଟ ଠାରୁ ସିସି କ୍ୟାମେରାରେ ନିରୀକ୍ଷଣ କରାଯାଉଛି ।
ପର୍ଯ୍ୟଟକଙ୍କ ପାଇଁ ବାଘ, ଭାଲୁ, ସିଂହ, ତୃଣଭୋଜି ସଫାରି ବୁଲିବା ପାଇଁ ୮ଟି ସଫାରୀ ବସର ସୁବିଧା ରହିଛି । ବ୍ୟାଟେରୀ ଚାଳିତ ଗାଡିର ସୁବିଧା ସହ ଦିବ୍ୟାଙ୍ଗ ଓ ବରିଷ୍ଠ ନାଗରିକଙ୍କ ପାଇଁ ହ୍ବିଲ ଚେୟାରର ସୁବିଧା ରହିଛି । ସ୍ବତନ୍ତ୍ର ମେଡିକାଲ ଟିମ ନିୟୋଜିତ କରାଯାଇଛି ।
ସରୁଛି ୨୦୨୩, ନୂଆବର୍ଷକୁ ସ୍ବାଗତ ପାଇଁ ସବୁଠି ଚାଲିଛି ସେଲିବ୍ରେସନ୍
ବାଲେଶ୍ବର: ଆସିଛି ନୂଆବର୍ଷ । ସବୁ ପର୍ଯ୍ୟଟନ ସ୍ଥଳୀରେ ଭିଡ଼ । ୨୦୨୩କୁ ବିଦାୟ ଦେଇ ୨୦୨୪କୁ ସ୍ବାଗତ ପାଇଁ ସୁବଠି ସେଲିବ୍ରସନ । କୋଣାର୍କ ସୂର୍ଯ୍ୟ ମନ୍ଦିର, ମା ରାମଚଣ୍ଡୀ ପୀଠ, ଚନ୍ଦ୍ରଭାଗରେ ଦେଖିବାକୁ ମିଳିଛି ପ୍ରବଳ ଗହଳି । ଏହାସହ ପଶ୍ଚିମବଙ୍ଗ ସୀମାନ୍ତ ଉଦୟପୁର ବେଳାଭୂମିରେ ଜମୁଛି ପର୍ଯ୍ୟଟକଙ୍କ ଭିଡ଼ । ସେହିଭଳି ଉତ୍ତର ଓଡ଼ିଶାର ପ୍ରସିଦ୍ଧ ଶୈବପୀଠ ବାବା ପଞ୍ଚଲିଙ୍ଗେଶ୍ଵରରେ ବି ଖଚାଖଚ ଭିଡ଼ ଦେଖବାକୁ ମିଳିଛି ।
ଆସିଛ ପର୍ଯ୍ୟଟନ ଋତୁ । ସବୁଠି ନବବର୍ଷର ଉତ୍ସାହ ଉଦ୍ଦୀପନା । ପର୍ଯ୍ୟଟକଙ୍କ ମଧ୍ୟରେ ଖୁସିର ମାହୋଲ । ବ୍ୟସ୍ତମୟ ଜୀବନରୁ ଫୁରସତ ନେଇ ସମସ୍ତେ ବାହାରି ପଡିଛନ୍ତି ଟୁରିଷ୍ଟ ପ୍ଲେସ । ପ୍ରାକୃତିକ ପରିବେଶ ସହ ବିଭିନ୍ନ ଦେବାଳୟରେ ଜମିଛି ଭିଡ଼ । ବଣ ଭୋଜି ସାଙ୍ଗକୁ ବୁଲାବୁଲିର ମଜା ଉଠାଉଛନ୍ତି ପର୍ଯ୍ୟଟକ । କୋଣାର୍କ ସୂର୍ଯ୍ୟ ମନ୍ଦିର ବୁଲିବାକୁ କାହିଁ କେତେ ଦୂରରୁ ଆସିଛନ୍ତି ଲୋକ । ତା ସହ ଚନ୍ଦ୍ରଭାଗା ସମୂଦ୍ର ରେ ଗାଧେଇବାର ମଜାନେବା ସହ ରାମଚଣ୍ଡୀ ନଦୀରେ ବୋଟିଙ୍ଗ କରି ମାଆ ରାମଚଣ୍ଡୀଙ୍କ ଦଶନ କରୁଛନ୍ତି ପର୍ଯ୍ୟଟକ । ଏହା ସହ ଘଞ୍ଚ ଝାଉଁ ଅରଣ୍ୟ ମଧ୍ୟରେ ବଣ ଭୋଜିର ମଜା ନିଆରା ।
ଓଡିଶା ପଶ୍ଚିମବଙ୍ଗ ସୀମାନ୍ତ ଉଦୟପୁର ବେଳାଭୂମିରେ ଜମୁଛି ପର୍ଯ୍ୟଟକଙ୍କ ଭିଡ଼ । ରାଜ୍ୟ ରାଜ୍ୟ ବାହାରୁ ପର୍ଯ୍ୟଟକ ମାନେ ଆସି ଉଦୟପୁର ବେଳାଭୂମିର ମନରୋମ ଦୃଶ୍ୟକୁ ଉପଭୋଗ କରୁଛନ୍ତି । ସେହିଭଳି ଉତ୍ତର ଓଡ଼ିଶାର ପ୍ରସିଦ୍ଧ ଶୈବପୀଠ ବାବା ପଞ୍ଚଲିଙ୍ଗେଶ୍ଵରରେ ବି ଖଚାଖଚ ଭିଡ଼ ଦେଖବାକୁ ମିଳିଛି । ଭକ୍ତ ମାନେ ବାବାଙ୍କୁ ଦର୍ଶନ କରିବା ସହ ପାହାଡ଼ ନିକଟରେ ବଣ ଭୋଜି କରି ମଜା ନେଉଛନ୍ତି । ଶୃଙ୍ଖଳିତ ଦର୍ଶନ ପାଇଁ ସ୍ଥାନୀୟ ଟ୍ରଷ୍ଟବୋର୍ଡ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି ।
ଗାଁକୁ ନାହିଁ ଭଲ ରାସ୍ତା
ତୁରେକେଲା: ସରକାର ଗ୍ରାମଂଚଳର ଉନ୍ନତି ପାଇଁ ସବୁ ପ୍ରକାର ପଦକ୍ଷେପ ନେଉଛନ୍ତି । ଗାଁ ମାନଙ୍କ ପାଇଁ ସ୍ବତନ୍ତ୍ର ଯୋଜନା ତିଆରି କରୁଛନ୍ତି । ହେଲେ ପ୍ରଶାସନିକ ଅଧିକାରିଙ୍କ ଅବହେଳା ଯୋଗୁ ସରକାରଙ୍କ ଯୋଜନା ସଫଳ ରୂପାୟନ ହୋଇପାରୁନଥିବା ଅଭିଯୋଗ ହୋଇଛି । ତୁରେକେଲା ବ୍ଲକ କୁଇବାହାଲ ପଂଚାୟତ ଲାମିଠୁଟା ଗାଁରେ ରହିଛି ଅନେକ ସମସ୍ୟା । ହେଲେ ପ୍ରଶାସନିକ ଅଧିକାରୀଙ୍କ ଅବହେଳା ଯୋଗୁ ଏହାର ସମଧାନ ହୋଇପାରୁନାହିଁ ।
ଗାଁ କୁ ନାହିଁ ଭଲ ରାସ୍ତା । ଘଞ୍ଚ ଅରଣ୍ୟ ମଧ୍ୟରେ ପାଦଚଲା ବାଟ ଦେଇ ଯାତାୟତ କରୁଛନ୍ତି ଲୋକ । ପାଦେ ପାଦେକେ ବିପଦ । ରାସ୍ତା ସମସ୍ୟାରେ ଜୁଝି ହେଉଛନ୍ତି ଗ୍ରାମବାସୀ । ସ୍ଥାନୀୟ ପ୍ରଶାସନର ଅବହେଳା ଯୋଗୁ ରାଜ୍ୟସରକାରଙ୍କ ଜନହିତକାରୀ ଯୋଜନା ଫଳପ୍ରଦ ହେଉନଥିବା ଅଭିଯୋଗ ହୋଇଛି । କେବଳ ଏହି ଗୋଟିଏ ନୁହଁ ଅନେକ ସମସ୍ୟା ଭିତରେ ନିଜ ଜୀବନ କାଳାତିପାତ କରୁଛନ୍ତି ବଲାଙ୍ଗିର ଜିଲ୍ଲା ତୁରେକେଲା ବ୍ଲକର ଲାମିଠୁଟା ଗ୍ରାମବାସୀ । ଗାଁରେ ପ୍ରାୟ ୨୫ ଘର ଆଦିବାସୀ ଓ ବିଭିନ୍ନ ସମ୍ପ୍ରଦାୟ ଲୋକ ବସବାସ କରନ୍ତି । ଗାଁରେ ସ୍କୁଲ କି ପାଣି ପାଇଁ ସୁବ୍ୟବସ୍ଥା ନଥିବା ଅଭିଯୋଗ ହୋଇଛି । ଗାଁକୁ ଆମ୍ବୁଲାନ୍ସ ଆସି ପାରୁନଥିବାରୁ ଅନେକ ସମୟରେ ଗର୍ଭବତୀ ମହିଳା ଅସୁବିଧାର ସମ୍ମୁଖୀନ ହେଉଛନ୍ତି ।
ନୌସେନା ଲଗାଇବ ବିଧ୍ବସଂକ ମିସାଇଲ୍
ନନ୍ଦିଘୋଷ ବ୍ୟୁରୋ : ଅର୍ନ୍ତରାଷ୍ଟ୍ରୀୟ ସିପିଙ୍ଗ୍ ଲେନ୍ ରେ ଯାଉଥିବା ଜାହାଜ ଉପରେ ହେଉଛି ହମଲା । ବାଣିଜ୍ୟିକ ଜାହାଜ ଉପରେ ଲଗାତର ଆକ୍ରମଣ ପରେ ଭାରତୀୟ ନୌସେନା ଉତ୍ତର ଏବଂ ମଧ୍ୟ ଆରବ ସାଗର ରେ ନଜର ରଖିଛନ୍ତି । ଭାରତୀୟ ନୈାସେନା କହିଛି ଯେ ସେ ନୂତନ ସୁରକ୍ଷା ର ଯାଞ୍ଚ ପାଇଁ କୋଷ୍ଟଗାର୍ଡ ସହ ମିଶି କରି କାମ କରୁଛି ।
କେବଳ ଏତିକି ନୁହେଁ ବିନାଶକାରୀ ଏବଂ ଫ୍ରିଗେଟ୍ ବ୍ୟତୀତ ନୈାସେନା ମାନବ ବିହୀନ ବିମାନ ଏବଂ ସାମୁଦ୍ରିକ ବିମାନ ଯାନ ଏବଂ ସାମୁଦ୍ରିକ ପାଟ୍ରୋଲିଂ ବିମାନ ମଧ୍ୟ ନିୟୋଜିତ କରିଛି । ଭାରତୀୟ ଉପକୂଳ ଠାରୁ ୪୦୦ କିଲୋମିଟର ଦୂରରେ ଥିବା ଏକ ବାଣିଜ୍ୟିକ ଜାହାଜ ଏମବି କେମ୍ ପ୍ଲୁଟୋ ଉପରେ ଡ୍ରୋନ୍ ଆକ୍ରମଣ କରିବା ପରେ ଏଭଳି ପଦକ୍ଷେପ ନେଇଛି ଭାରତୀୟ ନୌସେନା । ବାଣିଜ୍ୟିକ ଜାହାଜ ଉପରେ ହୋଇଥିବା ଆକ୍ରମଣକୁ ଦୃଷ୍ଟିରେ ରଖି ନୈାସେନା ନିଜର ପ୍ରତିରୋଧକ ଉପସ୍ଥିତି ବଜାୟ ରଖିବା ପାଇଁ ଯୁଦ୍ଧ ଜାହାଜ ଆଇଏନସ୍ ମୋର୍ମୁଗାଓ , ଆଇଏନସ୍ କୋଚି ଏବଂ ଆଇଏନସ୍ କୋଲକାତାକୁ ନିୟୋଜିତ କରିଛି । ନୌସେନା ଅଧିକାରୀ କହିଛନ୍ତି ଯେ, ଦୂରଗାମୀ ସାମୁଦ୍ରିକ ଅନୁସନ୍ଧାନ ବିମାନ P8 ଆଇ ମଧ୍ୟ ନିୟୋଜିତ କରିଛନ୍ତି । ବାଣିଜ୍ୟିକ ଜାହାଜ ଉପରେ ବଢୁଥିବା ଆକ୍ରମଣକୁ ଦୃଷ୍ଟିରେ ରଖି ଗୁରୁତ୍ବପୂର୍ଣ୍ଣ କ୍ଷେତ୍ରରେ ତିନୋଟି ବିଧ୍ବସଂକ ମିସାଇଲ୍ ନିୟୋଜିତ କରିଛନ୍ତି ।
୨୦ ପରିବାରର ଭରଷା ଗୋଟିଏ ନଳକୂପ
ଭୁବନ: ପାନୀୟ ଜଳ ପାଇଁ ହିନସ୍ତା । ଗୋଟିଏ ନଳକୂଅ ଉପରେ ଭରଷା କରନ୍ତି କୋଡିଏରୁ ଅଧିକ ପରିବାର । ବାଧ୍ୟ ହୋଇ ନଳକୂଅରୁ ବାହାରୁଥିବା ହଳଦିଆ ଗୁଣ୍ଡ ମିଶ୍ରିତ ପାଣିକୁ ବ୍ୟବହାର କରୁଛନ୍ତି । ଯାହା ଫଳରେକି ଆଜକୁ ୫ ବର୍ଷରେ କିଡିନୀ ରୋଗରେ ୪୦ରୁ ଉର୍ଦ୍ଧ୍ବ ଲୋକେ ଆକ୍ରାନ୍ତ ହୋଇଥିବା ଅଭିଯୋଗ ହୋଇଛି । ଯେତେ ଗୁହାରି କଲେ ବି ପ୍ରଶସନ ଶୁଣୁ ନଥିବା ଅଭିଯୋଗ ହୋଇଛି ।
ଗୋଟିଏ ନଳକୂଅ । ନିର୍ଭର କରୁଛନ୍ତି ଦୁଇ ଶହରୁ ଅଧିକ ଲୋକ । ପାଣି ପାଇଁ ସମସ୍ତେ ଡହଳ ବିକଳ । ମାଠିଆଏ ଜଳ ପାଇଁ ଜିବାକୁ ପଡୁଛି ଦୂର ବାଟ । ହେଲେ ପ୍ରଶାସନ ଗୁହାରି ଶୁଣୁନଥିବା ଅଭିଯୋଗ । ଢେଙ୍କନାଳ ଜିଲ୍ଲା ଭୁବନ ବ୍ଲକ ପଳାଶପିଠିଆ ଗାଁର ଚମ୍ପାନାଳିଆ ସାହିର । ମାତ୍ର ଗୋଟିଏ ନଳକୂଅ ଉପରେ ସମସ୍ତେ ନିର୍ଭର କରନ୍ତି । ହେଲେ ଲୁହାଗୁଣ୍ଡ ମିଶ୍ରିତ ପାଣି ବାହାରୁଛି ଏହି ନଳ କୂଅରୁ । ବାଧ୍ୟ ହୋଇ ଏହି ପାଣିକୁ ପାନୀୟ ଜଳ ରୂପରେ ବ୍ୟବହାର କରିବାକୁ ପଡୁଛି । ଯାହା ଫଳରେ କିଡନୀ ରୋଗରେ ଆକ୍ରାନ୍ତ ହୋଇ ଗାଁର ୪୦ରୁ ଅଧିକ ଲୋକେ କିଡିନୀ ରୋଗରେ ପଡିଥିବା ଅଭିଯୋଗ ହୋଇଛି ।
ଘଟଣାକୁ ନେଇ ସ୍ଥାନୀୟ ପ୍ରଶାସନ ଅବଗତ ଥିଲେ ମଧ୍ୟ କୌଣସି ପ୍ରତିକାର ବ୍ୟବସ୍ଥା କରୁନଥିବା ଅଭିଯୋଗ ହୋଇଛି । ଆଜକୁ ୬ ମାସ ହେଲା ପ୍ରଶାସନ ତରଫରୁ ନଳକୂଅରୁ ସାମ୍ପୁଲ ନିଆଯାଇଛି । କିନ୍ତୁ ଅଦ୍ୟାବଧି କୌଣସି ରିପୋର୍ଟ ଆସିନାହିଁ । ସେପଟେ ଖୁବଶୀଘ୍ର ଏହାର ସମାଧାନ କରାଯିବ ବୋଲି କହିଛନ୍ତି ଭୁବନ ବିଡିଓ କଲ୍ୟାଣ ସୌରଭ ଦାଶ ।
ଭାରସାମ୍ୟ ହରାଇ ଓଲଟିଲା ପର୍ଯ୍ୟଟକ ବସ, ଏକାଧିକ ଆହାତ
ଗଞ୍ଜାମ : ଗଞ୍ଜାମ-ପୁରୁଷୋତ୍ତମପୁର ଥାନା ଅନ୍ତର୍ଗତ ବାଲିଆ ଛକ ନିକଟରେ ପର୍ଯ୍ୟଟକ ବସ ଦୁର୍ଘଟଣା । ଭାରସାମ୍ୟ ହରାଇ ଓଲଟିଲା ବସ । ଦୁର୍ଘଟଣାରେ ଅନେକ ଯାତ୍ରୀ ଆହାତ ହୋଇଥିବା ଜଣାପଡିଛି । ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀ, ପୋଲିସ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି । ତାରାତାରିଣୀ ପୀଠରୁ ଦର୍ଶନ ସାରି ଫେରୁଥିବା ବେଳେ ଦୁର୍ଘଟଣା ଘଟିଛି । ବସରେ ଥିବା ଯାତ୍ରୀମାନେ ଭଦ୍ରକ ଜିଲ୍ଲାର ହୋଇଥିବା ସୂଚନା ମିଳିଛି । ସୁଚନା ଅନୁସାରେ ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ନିକଟସ୍ଥ ବାଲିଆ ଛକରେ ଏକ ଯାତ୍ରୀବାହୀ ବସ୍ ଦୁର୍ଘଟଣାଗ୍ରସ୍ତ ହୋଇଛି । ଯେଉଁଥିରେ ୨୦ ରୁ ଅଧିକ ଯାତ୍ରୀ ଆହତ ହୋଇଥିବା ଜଣାପଡିଛି । ସମସ୍ତ ଆହତଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଥିବା ବେଳେ ୩ ଜଣଙ୍କୁ ଗୁରୁତର ଆହତ ଅବସ୍ଥାରେ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତରିତ କରାଯାଇଥିବା ସୂଚନା ମିଳିଛି।
ଏକାଧିକ ଯାତ୍ରୀଙ୍କୁ ନେଇ ଏକ ଟୁରିଷ୍ଟ ବସ୍ ଭଦ୍ରକରୁ ତାରାତାରିଣୀ ଆସିଥିଲେ । ରବିବାର ସେଠାରୁ ଫେରିବା ବେଳେ ବସ୍ଟି ପୁରୁଷୋତ୍ତମପୁର ନିକଟ ବାଲିଆ ଛକରେ ଭାରସାମ୍ୟ ହରାଇ ରାସ୍ତାକଡ଼କୁ ଓଲଟିପଡିଥିଲା । ସେପଟେ ଦୁର୍ଘଟଣା ସଂପର୍କରେ ସୂଚନା ପାଇ ସ୍ଥାନୀୟ ଲୋକେ, ପୋଲିସ, ଏବଂ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଲୋକଙ୍କୁ ଉଦ୍ଧାର କରିଥିଲେ । ସମସ୍ତ ଆହତଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।