ଚନ୍ଦ୍ରଭାଗା ବେଳାଭୂମି ବୁଲିଲେ IAS ଅଧିକାରୀ, କହିଲେ ବିକାଶର କଥା
1 min read
ଚନ୍ଦ୍ରଭାଗା : ବେଳାଭୂମି ବୁଲିଲେ, କହିଲେ ବିକାଶର କଥା କହିଲେ । ଆଇଏଏସ ସମ୍ମିଳନୀର ଦ୍ବିତୀୟ ଦିନରେ ଆଜି ସକାଳୁ ଚନ୍ଦ୍ରଭାଗା ବେଳାଭୂମିରେ ମର୍ଣ୍ଣି ଓ୍ବାକ୍ କରିଛନ୍ତି ମୁଖ୍ୟ ଶାସନ ସଚିବ ଅସିତ ତ୍ରିପାଠୀଙ୍କ ସହ ଅନ୍ୟ ବରିଷ୍ଠ ପ୍ରଶାସନିକ ଅଧିକାରୀ ।
ଇକୋ ରିଟ୍ରିଟ୍ଠାରୁ ଚନ୍ଦ୍ରଭାଗା ପର୍ଯ୍ୟନ୍ତ ବେଳାଭୂମିରେ ମର୍ଣ୍ଣି ଓ୍ବାକ୍ କରିଛନ୍ତି ଅଧିକାରୀ । ଚନ୍ଦ୍ରଭାଗାରେ ମୁଖ୍ୟ ଶାସନ ସଚିବ ଓ ଅନ୍ୟ ପଦାଧି କାରୀମାନେ ଚନ୍ଦ୍ରଭାଗା ଓ କୋଣାର୍କର ବିଭିନ୍ନ ସମସ୍ୟା ସଂପର୍କରେ ଆଲୋଚନା କରିଛନ୍ତି। ବେଳାଭୂମିର ସ୍ବଚ୍ଛତା ଉପରେ ବିଶେଷ ଗୁରୁତ୍ବ ଦିଆଯାଇଛି।
ଚନ୍ଦ୍ରଭାଗାର ବିକାଶ ପାଇଁ ଖୁବ୍ ଶୀଘ୍ର ନୂଆ ଯୋଜନା ଆରମ୍ଭ କରାଯିବ ବୋଲି ପୁରୀ ଜିଲ୍ଲାପାଳ କହିଛନ୍ତି। ଗତକାଲିଠାରୁ ବରିଷ୍ଠ ଆଇଏଏସ ଅଧିକାରୀ ସମ୍ମିଳନୀ ଆରମ୍ଭ ହୋଇଛି। କାଲି ସାରା ଦିନ ବିକାଶ ନେଇ ମାନସ ମନ୍ଥନ ପରେ କୋଣାର୍କରେ ପହଞ୍ଚିଲେ ଆଇଏଏସ ସମ୍ମିଳନୀରେ ଯୋଗଦେଇଥିବା ଅଧିକାରୀ । ପୁରୀ ବେଲମାର୍ଗଠାରେ ଚାଲିଥିବା ମେରାଇନ୍ ଡ୍ରାଇଭ୍ ଇକୋ ରିଟ୍ରିଟ୍ରେ ରାତ୍ରୀଯାପନ କରିବା ପରେ ଆଜି ସକାଳୁ ବେଳାଭୂମିରେ ମର୍ଣ୍ଣି ଓ୍ବାକ୍ କରିଥିଲେ ଅଧିକାରୀ । କିଛିଦିନ ତଳେ ୫-ଟି ସଚିବ ଓ ପୂର୍ତ୍ତ ସଚିବ ବେଳାଭୂମି ଗସ୍ତ କରିଥିଲେ ।
