ନଦୀରେ ଭାସୁଛି ଯୁବକଙ୍କ ମୃତଦେହ

ଦିଗପହଣ୍ଡି: ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ଖଲିଙ୍ଗି ଗ୍ରାମର ଘୋଡା ହାଡ଼ ନଦୀରେ  ଖଲିଙ୍ଗି ଗାଁର ଯୁବକଙ୍କ ମୃତଦେହ ସକାଳୁ ସକାଳୁ ଭାସୁଥିବା ଦେଖିବାକୁ ମିଳିଛି । ଯୁବକ ଜଣକ ହେଲେ ଉକ୍ତ ଗ୍ରାମର ଶଙ୍କର ଲେଙ୍କା(୩୫)। ଶଙ୍କର କାଲି ସନ୍ଧ୍ୟାରୁ ଘରକୁ ଫେରିନଥିଲେ । ଘର ଲୋକ ବହୁ ଖୋଜା ଖୋଜି କରିଥିଲେ ସୁଦ୍ଧା ଖୋଜି ପାଇନଥିଲେ ।

 ତେବେ ସକାଳୁ ନଦୀକୁ ଶୌଚ ହେବାକୁ ଆସିଥିବା ଗ୍ରାମବାସୀ ମୃତଦେହ ଭାସୁଥିବା ଦେଖିବାକୁ ପାଇଥିଲେ । ଏବଂ ପୋଲିସକୁ ଖବର ଦେଇଥିଲେ । ଘଟଣା ସ୍ଥଳରେ ପୋଲିସ ପହଞ୍ଚି ମୃତଦେହକୁ ଉଦ୍ଧାର କରିଥିବା ବେଳେ । ମୃତଦେହକୁ ବ୍ରହ୍ମପୁର MKCG FMTକୁ ଶବ ବ୍ୟବଛେଦ ପାଇଁ ପଠାଯିବାର ବ୍ୟବସ୍ଥା କରୁଛି । ବ୍ୟବଛେଦ ରିପୋର୍ଟ ଆସିଲେ ମୃତ୍ୟୁ ର କାରଣ ସ୍ପଷ୍ଟ ହୋଇପାରିବ । ମୃତ ଶଙ୍କର ଜଣେ ଟ୍ରାକ୍ଟର ଡ୍ରାଇଭର ।