ରାଜଧାନୀ ସଂକ୍ରମଣ ଥମୁନି : କରୋନା ପାଇଁ ବିଏମସି କରୁଛି ସ୍ୱତନ୍ତ୍ର ପ୍ରସ୍ତୁତି
ଭୁବନେଶ୍ୱର: ସଂକ୍ରମଣ ରୋକିବା ପାଇଁ ସରକାର ଅଧିକ ଟେଷ୍ଟିଂ ଉପରେ ଗୁରୁତ୍ୱ ଦେଉଛନ୍ତି । ଏହି କ୍ରମରେ ରାଜ୍ୟରେ ପ୍ରାୟ ୫୬ଟି କେନ୍ଦ୍ରରେ ଦୈନିକ ୫୦ ହଜାରରୁ ଅଧିକ ଟେଷ୍ଟିଂ ହେଉଛି । ଗଞ୍ଜାମରେ ସ୍ଥିତି ସାମାନ୍ୟ ହେବା ପରେ ଏବେ ଖୋର୍ଦ୍ଧାରେ ସଂକ୍ରମଣର ମାତ୍ରା ଅଧିକ । ଖୋର୍ଦ୍ଧା ସଂକ୍ରମଣ ପଛରେ ସବୁଠାରୁ ଅଧିକ ଦାୟୀ ରାଜଧାନୀ ଭୁବନେଶ୍ୱର । ଭୁବନେଶ୍ୱର ମହାନଗର ନିଗମରେ ସକ୍ରିୟ ସଂକ୍ରମଣ ଏବେ ଗଞ୍ଜାମଠାରୁ ଅଧିକ ।
ରାଜ୍ୟ ସରକାର ସଂପ୍ରତି ଏନେଇ ଏକ ସମୀକ୍ଷା ବୈଠକ କରିଥିଲେ । ରାଜଧାନୀକୁ ସ୍ପେଶାଲ ଫୋକସକୁ ଆଣି କରୋନାଜନିତ ମୁକାବିଲା ପାଇଁ ପ୍ରସ୍ତୁତ ହେବା ପାଇଁ ନିଷ୍ପତ୍ତି ନେଇଛନ୍ତି । ବିଏମସି ମଧ୍ୟ ପୂର୍ବାପେକ୍ଷା ଅଧିକ ସକ୍ରିୟ ଭାବେ ପରିଚାଳନାଗତ କାର୍ଯ୍ୟକୁ ସମ୍ପାଦନ କରୁଛି । ଏବେ ରାଜଧାନୀରେ, ୨୩ଟି ସ୍ୱାସ୍ଥ୍ୟକେନ୍ଦ୍ରରେ ମାଗଣା ରାପିଡ୍ ଆଣ୍ଟିଜେନ୍ ଟେଷ୍ଟ କରାଯାଉଛି । ସେହିପରି ସରକାରୀ ଡାକ୍ତରଖାନାରେ ଆଣ୍ଟିଜେନ୍, ଆରଟିପିସିଆର ଓ ଟ୍ରୁନାଟ ଟେଷ୍ଟି ସହିତ ବିଭିନ୍ନ ଘରୋଇ ଟେଷ୍ଟିଂ ଲ୍ୟାବରେ ମଧ୍ୟ ଦେୟ ଯୁକ୍ତ ପରୀକ୍ଷା କରାଯାଉଛି । ବିଏମସି ଭ୍ରାମ୍ୟମାନ ଟେଷ୍ଟିଂ ଭ୍ୟାନ୍ ଜରିଆରେ ବିଭିନ୍ନ ଅଞ୍ଚଳରୁ ନମୁନା ସଂଗ୍ରହ କରୁଛି ।
ଟେଷ୍ଟିଂ ଉପରେ ଜୋରସୋରରେ ଫୋକସ୍ ଦେଇ ସଂକ୍ରମଣକୁ କାବୁ କରିବାକୁ ପ୍ରଚେଷ୍ଟା ଜାରି ରଖିଚି । ଏବେ ରାଜଧାନୀ ଟେଷ୍ଟିଂ ସଂଖ୍ୟା ପ୍ରାୟ ଦେଢ଼ ଲକ୍ଷ ପାର କଲାଣି । ଅନ୍ୟପକ୍ଷରେ ବିଏମସି କମିଶନର ପ୍ରେମଚାନ୍ଦ୍ର ଚୌଧରୀ ରାଜଧାନୀବାସୀଙ୍କୁ ସ୍ୱତପ୍ରୋତ ଭାବେ ଟେଷ୍ଟ ପାଇଁ ଆଗେଇ ଆସିବାକୁ ଅପିଲ୍ କରିଛନ୍ତି ।
