ସତ କହିଲେ ବିଜେପିକୁ ବାଧୁଛି, ଯଦୁପୁରରେ ନନ୍ଦିଘୋଷ ଟିଭି ଟିମକୁ ବିଜେପି କର୍ମୀଙ୍କ ଆକ୍ରମଣ

ଭୁବନେଶ୍ୱର: ନୟାଗଡ଼ ଯଦୁପୁରରେ ବିଜେପି କର୍ମୀଙ୍କ ଗୁଣ୍ଡାରାଜ । ସତ ଦେଖାଇବାରୁ ବିଜେପିକୁ ବାଧିଲା । ପରୀ ହତ୍ୟା ମାମଲାରେ ବିଜେପି ରାଜନୀତି କରୁଥିବା ବେଳେ ଗ୍ରାଉଣ୍ଡ ଜିରୋରରୁ ନନ୍ଦିଘୋଷ ଟିଭି ସବୁ ସତ ଖବର ପରିବେଷଣ କରୁଛି । ବିଜେପି ଅଭିଯୁକ୍ତକୁ ଘଣ୍ଟ ଘୋଡ଼ାଇବା ଲାଗି ଚେଷ୍ଟା କରି ଆସୁଥିଲା । ହେଲେ ନନ୍ଦିଘୋଷ ଟିଭି ବିଜେପିର ମୁଖା ଖୋଲି ଦେଇଥିଲା । ଏହାକୁ ନେଇ ପ୍ରତିକ୍ରିୟାଶୀଳ ହୋଇଛି ବିଜେପି ।

ଯଦୁପୁରରେ ବିଜେପିର ପଦଯାତ୍ରା ବେଳେ ନନ୍ଦିଘୋଷ ଟିଭି ଟିମ୍ ଉପରେ ଆକ୍ରମଣ କରାଯାଇଛି । ବିଜେପି କର୍ମୀ ନନ୍ଦିଘୋଷ ଟିଭିର ସାମ୍ବାଦିକ ଅନୁଜ ଦାସ, କ୍ୟାମେରାପର୍ସନ ବିଷ୍ଣୁ ତରାସିଆଙ୍କ ଉପରେ ଆକ୍ରମଣ କରିଛନ୍ତି । ପୋଲିସ ସହ ବିଜେପିର ବହୁ ବରିଷ୍ଠ ନେତାଙ୍କ ଉପସ୍ଥିତିରେ ନନ୍ଦିଘୋଷ ଟିଭିର ସାମ୍ବାଦିକଙ୍କ ଉପରେ ଆକ୍ରମଣ କରିଛନ୍ତି ବିଜେପି କର୍ମୀ । ବିଜେପି କର୍ମୀ ଆକ୍ରମଣ କରିବା ସହ ପରୀ ଘଟଣା କାହିଁକି ପ୍ରସାରଣ କରୁଛ କହି ଅଶ୍ଲୀଳ ଭାଷାରେ ଗାଳି ଗୁଳଜ କରିଥିଲେ ।

ବିଜେପି ପଦଯାତ୍ରା ବେଳେ ଏହି ଆକ୍ରମଣ ହୋଇଛି । ପଦଯାତ୍ରାରେ ବିଜେପି ନେତ୍ରୀ ଇରାନୀ ରାୟ, ସାଂସଦ ପ୍ରାର୍ଥୀ ବିଭୁ ତରାଇ ଓ ଲେଖଶ୍ରୀ ସମାନ୍ତସିଂହାର ଉପସ୍ଥିତ ଥିବାବେଳେ ଦଳୀୟ କର୍ମୀ କାର୍ଯ୍ୟରତ ସାମ୍ବାଦିକଙ୍କ ଉପରେ ଆକ୍ରମଣ କରିଛନ୍ତି । ଏଥିରେ ନନ୍ଦିଘୋଷ ଟିଭିର ପ୍ରତିନିଧି ଅନୁଜ ଦାସ ଗୁରୁତର ଆହତ ହୋଇଥିବା ବେଳେ କ୍ୟାମେରା ୟୁନିଟ୍ ଭାଙ୍ଗି ଯାଇଛି ।

ଏଥିସହ ପଢ଼ନ୍ତୁ- ନନ୍ଦିଘୋଷ ଟିଭି ସାମ୍ବାଦିକଙ୍କୁ ଆକ୍ରମଣ, ପରୀ ହତ୍ୟାକାଣ୍ଡର ରିପୋର୍ଟିଂ ବେଳେ ଆକ୍ରମଣ କଲେ ବିଜେପି କର୍ମୀ