ଗଜପତିରେ ୨୬ ଶିକ୍ଷକ ଓ ୨ ଛାତ୍ର କୋଭିଡ୍ ପଜିଟିଭ୍
ଗଜପତି: ଦଶମ ଓ ଦ୍ୱାଦଶ ଶ୍ରେଣୀ ସ୍କୁଲ୍ ଖୋଲିବା ପରେ ଚିନ୍ତା ବଢ଼ିଛି । ରାଜ୍ୟ ସହ ଗଜପତି ଜିଲ୍ଲାରେ ହ୍ରାସ ପାଇଥିବା କୋଭିଡ୍ ଗ୍ରାଫ୍ ଦୁଇ ଦିନ ମଧ୍ୟରେ ପୁଣି ବଢ଼ିଛି । ଯାହା ପ୍ରଶାସନ ପାଇଁ ମୁଣ୍ଡବିନ୍ଧାର କାରଣ ପାଲଟିଛି । ଶୁକ୍ରବାର ଠାରୁ ଗଜପତି ଜିଲ୍ଲାରେ ବିଦ୍ୟାଳୟରେ ପାଠପଢ଼ା ଆରମ୍ଭ ହୋଇଛି । ୨ ଦିନ ମଧ୍ୟରେ ଜିଲ୍ଲାରେ ମୋଟ ୩୧ ଜଣ ପଜିଟିଭ୍ ଚିହ୍ନଟ ହୋଇଛନ୍ତି ।
୨ ଦିନ ମଧ୍ୟରେ ଜିଲ୍ଲାରେ ମୋଟ ୩୧ ପଜିଟିଭ୍ ଚିହ୍ନଟ ହୋଇଥିବା ବେଳେ ସେଥିମଧ୍ୟରୁ ବିଭିନ୍ନ ସ୍କୁଲରୁ ରହିଛନ୍ତି ୨୮ ଜଣ । ୨୬ ଜଣ ଶିକ୍ଷକ ଓ ୨ ଜଣ ଛାତ୍ର କରୋନା ସଂକ୍ରମିତ ହୋଇଥିବା ଜଣାପଡ଼ିଛି । ମୋହନା ବ୍ଲକରୁ ସର୍ବାଧିକ ୨୧ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ଜିଲ୍ଲା ମୁଖ୍ୟ ଚିକିତ୍ସାଳୟର କୋଭିଡ୍ ପରୀକ୍ଷା କେନ୍ଦ୍ରରୁ ୧୦ଜଣ ଚିହ୍ନଟ ହୋଇଛନ୍ତି । ସମସ୍ତ କୋଭିଡ୍ ଆକ୍ରାନ୍ତଙ୍କୁ କୋଭିଡ୍ କେୟାରରେ ଆଇସୋଲେସନରେ ରଖାଯାଇଛି ।
