ଭୁବନେଶ୍ୱର: ଖଣ୍ଡିଗିରି ଓ ଉଦୟଗିରି ମହୋତ୍ସବ ପାଇଁ ଟ୍ରାଫିକ୍‌ ଆଡ୍‌ଭାଇଜରୀ ଜାରି କରାଯାଇଛି । ଆଜିଠୁ ୧୬ତାରିଖ ଯାଏଁ କମିଶନରେଟ ପୋଲିସ ଆଡଭାଇଜରି ଜାରି କରିଛି । ଖଣ୍ଡଗିରି ଛକରୁ ଜୟଦେବ ଭାଟିକା ଛକକୁ ବାଇକ୍‌ ଚଳାଚଳ ବନ୍ଦ ରହିବା ସହ ମେଳା ସମୟରେ ଜାତୀୟ ରାଜପଥ କଡ଼ରେ ପାର୍କିଂ ମନା । ଜାତୀୟ ରାଜପଥ ଏବଂ ପାଦଚଲା ରାସ୍ତାରେ ପାର୍କିଂ ନିଷେଦ୍ଧ କରାଯାଇଛି ।

ହୋଟେଲ ଖାରବେଳଠାରୁ ଖଣ୍ଡଗିରି ଥାନା ପର୍ଯ୍ୟନ୍ତ ଗାଡ଼ି ପାର୍କିଂ କରିହେବ । ଗାଡି ପାର୍କିଂ ପାଇଁ ଖଣ୍ଡଗିରି ଅଞ୍ଚଳର ବିଭିନ୍ନ ସ୍ଥାନ ଚିହ୍ନଟ ହୋଇଛି ।

ପୁରୀ: ଆଜି ପବିତ୍ର ମାଘ ସପ୍ତମୀ । ମାଘ ମାସ ଶୁକ୍ଳ ପକ୍ଷ ସପ୍ତମୀରେ ଚନ୍ଦ୍ରଭାଗାରେ ବୁଡ ପକାଇଛନ୍ତି ଲକ୍ଷାଧିକ ଶ୍ରଦ୍ଧାଳୁ । ପରମ୍ପରା ଅନୁସାରେ ତିନି ଠାକୁରଙ୍କ ମହାସ୍ନ।ନ ପରେ ଶ୍ରଦ୍ଧାଳୁ ମାନେ ଚନ୍ଦ୍ରଭାଗାରେ ବୁଡ ପକାଇଥିଲେ । ବୁଡ ପକାଇବା ପରେ ସୂର୍ଯ୍ୟ ମନ୍ଦିର ପରିଭ୍ରମଣ କରି ନବଗ୍ରହ ପୀଠରେ ପୂଜାର୍ଚ୍ଚନା କରାଯାଇଥିଲା । ଏହି ଦିନରେ ଚନ୍ଦ୍ରଭାଗାରେ ବୁଡ ପକାଇଲେ ସମସ୍ତ ରୋଗଭୟରୁ ମୁକ୍ତି ମିଳିଥିବାର ରହିଛି ବିଶ୍ୱାସ ।

ମାଲକାନଗିରି: ସ୍ୱାଭିମାନ ଅଞ୍ଚଳ ଦେଖାଦେଇଛି । ଦୁଇ ଗୋଷ୍ଠୀ ମଧ୍ୟରେ ସୃଷ୍ଟି ହୋଇଛି ଫାଟ । ମାଲକାନଗିରି ଜିଲ୍ଲାର ସ୍ୱାଭିମାନ ଅଂଚଳ ଏବେ ଅଶାନ୍ତ ହୋଇପଡିଛି । ସପକ୍ଷବାଦୀ ଓ ବିପକ୍ଷବାଦୀଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି ।

ଗୁରୁବାର ଦିନ କିଛି ପଞ୍ଚାୟତର ଶହଶହ ଲୋକେ ଏକାଠି ହୋଇ ପାରମ୍ପରିକ ଅସ୍ତ୍ର ଶସ୍ତ୍ର ଧରି ମେଳି କରିଥିଲେ । ଅନ୍ୟ ପକ୍ଷରେ ଅନ୍ୟ ପଂଚାୟତର ଲୋକେ ମଧ୍ୟ ବୈଠକ କରିଥିବା ଦେଖିବାକୁ ମିଳିଥିଲା ।

ସେପଟେ ଉଭୟ ଗୋଷ୍ଠୀଙ୍କ ମଧ୍ୟରେ କନ୍ଦଳ ଲାଗି ରହିଥିବା ବେଳେ ଶାନ୍ତି ଫେରାଇ ଆଣିବାକୁ ଉଦ୍ୟମ ଜାରି ରହିଛି । କିଛି ଦିନ ତଳେ ମାଓବାଦୀ ମାନେ ଗାଁରେ ନିଆଁ ଲଗାଇଥିବା ଘଟଣାକୁ କେନ୍ଦ୍ର କରି ଅଶାନ୍ତି ବଢିବାରେ ଲାଗିଛି ।

ଉଭୟ ଗୋଷ୍ଠୀଙ୍କ ମଧ୍ୟରେ ବିବାଦ ବଢିଚାଲିଥିବା ବେଳେ ପ୍ରଜାମେଳି ଦେଖିବାକୁ ମିଳିଥିଲା । ସୁରକ୍ଷା ପାଇଁ ମଧ୍ୟ ପୁଲିସ ମୁତୟନ କରାଯାଇଛି ।

ଆସନ୍ତା ମେ’ ପ୍ରଥମ ସପ୍ତାହରେ ହେବ ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା । ଚଳିତ ବର୍ଷ ସମସ୍ତ ପରୀକ୍ଷା CBT ବା କମ୍ପୁଟର ବେସ୍‌ ଟେଷ୍ଟିଂ ମାଧ୍ୟମରେ ଅନୁଷ୍ଠିତ ହେବ । ଉଭୟ ୟୁଜି ଓ ପିଜି ପାଠ୍ୟକ୍ରମରେ ଅନ୍‌ଲାଇନ୍‌ ପରୀକ୍ଷା ଦେବେ ଛାତ୍ରଛାତ୍ରୀ । ବି ଫାର୍ମା, ଲାଟେରାଲ ଏଣ୍ଟ୍ରି ଟୁ ବି ଫାର୍ମା, ଏମ୍‌ବିଏ, ଲାଟେରାଲ ଏଣ୍ଟ୍ରି ଟୁ ବିଟେକ୍‌ ଫର ଡିପ୍ଳୋମା ଷ୍ଟୁଡେଣ୍ଟ, ବିଜ୍ଞାନ ଛାତ୍ରଛାତ୍ରୀଙ୍କ ପାଇଁ ଲାଟେରାଲ ଏଣ୍ଟ୍ରି ଟୁ ବିଟେକ୍‌, ଏମ୍‌ସିଏ, ଲାଟେରାଲ ଏଣ୍ଟ୍ରି ଟୁ ଏମ୍‌ସିଏ, ଏମ୍‌ବିଏ, ଏମ୍‌ଟେକ୍‌, ଆର୍କିଟେକ, ଏମ୍‌ପ୍ଳାନ ପରୀକ୍ଷା ଅନ୍‌ଲାଇନ୍‌ ମାଧ୍ୟମରେ କରାଯିବ ବୋଲି ସୂଚନା ଦେଇଛନ୍ତି ଓଜେଇଇ ଅଧ୍ୟକ୍ଷ ସୁଦିପ ଚାନ୍ଦ । ଗତ ବର୍ଷ ଏହି ପରୀକ୍ଷା ଅଫଲାଇନ୍‌ ମାଧ୍ୟମରେ କରାଯାଇଥିଲା ।