ବିଶ୍ୱରେ କିଲର କରୋନା ପ୍ରଭାବ । ୨୦୩ ଦେଶରେ ପହଞ୍ଚିଛି କରୋନା ସଂକ୍ରମଣ । କରୋନାରେ ସାରା ବିଶ୍ୱରେ ଗଲାଣି ୩୭ ହଜାରରୁ ଅଧିକ ଜୀବନ । ସୁପର ପାଓ୍ୱାର ଆମେରିକାରେ କରୋନାର ସର୍ବାଧିକ ପ୍ରଭାବ ଦେଖିବାକୁ ମିଳିଛି । ଲକ୍ଷେ ୬୦ ହଜାର ଡେଇଁଛି ଆକ୍ରାନ୍ତଙ୍କ ସଂଖ୍ୟା । ଯାହା ଚୀନ୍‌ ତୁଳନାରେ ଦୁଇ ଗୁଣ ଅଧିକ । ସେପଟେ ଆମେରିକାରେ କୋଭିଡ୍‌-19 ନେଲାଣି ୩ହଜାରରୁ ଅଧିକ ଜୀବନ । ସଂକ୍ରମଣ ରୋକିବାକୁ ଆମେରିକାରେ ଗାଇଡ୍‌ଲାଇନ୍‌କୁ ଆହୁରି କଡାକଡି କରାଯାଇଛି । ଆସନ୍ତା ୩୦ ଦିନ ଗୁରୁତ୍ୱପୂର୍ଣ୍ଣ ବୋଲି ଡୋନାଲ୍‌ଡ ଟ୍ରମ୍ପ୍‌ କହିଛନ୍ତି । କରୋନା ସଂକ୍ରମଣ ସହ ଯୁଝୁଥିବା ଆମେରିକା ମହାମାରୀର କେନ୍ଦ୍ର ହୋଇଛି ।

ଓ୍ୱାଶିଂଟନ୍‌ ଓ ନ୍ୟୁୟର୍କ ସବୁଠୁ ଅଧିକ ପ୍ରଭାବିତ ହୋଇଛି । ନ୍ୟୁୟର୍କରେ ୧୨ଶହରୁ ଅଧିକ କରୋନାରେ ପ୍ରାଣ ହରାଇଛନ୍ତି । ସେହିପରି ଇଟାଲୀରେ ୧ଲକ୍ଷରୁ ଅଧିକ ଆକ୍ରାନ୍ତ ହୋଇଥିବେ ବେଳେ ୨୪ ଘଣ୍ଟା ମଧ୍ୟରେ ୯ଶହ ଲୋକଙ୍କର ଜୀବନ ଯାଇଛି । ସ୍ପେନରେ ୭ ହଜାରରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ବେଳେ ଗତ ୨୪ ଘଣ୍ଟା ମଧ୍ୟରେ ୫ ଶହରୁ ଅଧିକ ନୂଆ ମାମଲା ସାମ୍ନାକୁ ଆସିଛି । ସାରା ବିଶ୍ୱରେ ଏବେ ସାଢ଼େ ୭ ଲକ୍ଷ କରୋନା ଭାଇରସରେ ଆକ୍ରାନ୍ତ ହୋଇଛନ୍ତି । ସେମାନଙ୍କ ମଧ୍ୟରୁ ୩୭ ହଜାର ଅଧିକ ଲୋକଙ୍କ ଜୀବନ ନେଲାଣି କିଲର କରୋନା ।

ଦେଶରେ କାୟା ବିସ୍ତାର କରିଚାଲିଛି କରୋନା, ୨୪ ଘଣ୍ଟାରେ ୨୦୦ରୁ ଅଧିକ ନୂଆ ମାମଲା

ନୂଆଦିଲ୍ଲୀ: ଦିଲ୍ଲୀରେ ବଢୁଛି କରୋନା ସଂକଟ । ନିଜାମୁଦ୍ଦିନ ମରକାଜରେ ଆୟୋଜିତ ଧାର୍ମିକ କାର୍ଯ୍ୟକ୍ରମରେ ସାମିଲ ହୋଇଥିବା ୧୦ଜଣଙ୍କର କରୋନା ସଂକ୍ରମୃଣରେ ମୃତ୍ୟୁ ହୋଇଛି । ଏହା ମଧ୍ୟରୁ ତେଲେଙ୍ଗାନାରେ ସର୍ବାଧିକ ୬ ଜଣ ପ୍ରାଣ ହରାଇଛନ୍ତି । ତାମିଲନାଡୁ, କର୍ଣ୍ଣାଟକ ଓ ଜମ୍ମୁକାଶ୍ମୀରରେ ମଧ୍ୟ ଜଣେ ଲେଖାଏଁ ପ୍ରାଣ ହରାଇଛନ୍ତି । ଅନ୍ୟ ଜଣେ ବିଦେଶୀ ନାଗରିକଙ୍କ ମୃତ୍ୟୁ ହୋଇଛି ।

ଧାର୍ମିକ ଏକତ୍ରିକରଣରେ ପ୍ରାୟ ୨ହଜାର ଲୋକ ସାମିଲ ହୋଇଥିଲେ । ଦେଶର ବିଭିନ୍ନ ରାଜ୍ୟ ସହ ବିଦେଶୀ ନାଗରିକ ମଧ୍ୟ ଏଥିରେ ଯୋଗ ଦେଇଥିଲେ । କାର୍ଯ୍ୟକ୍ରମରେ ସାମିଲ ୨ଶହରୁ ଅଧିକ ଲୋକଙ୍କଠାରେ କରୋନା ସଂକ୍ରମଣ ନେଇ ଆଶଙ୍କା କରାଯାଉଛି । ସେଠାରେ ଥିବା ୧୬୩ ଜଣଙ୍କୁ ଦିଲ୍ଲୀ ଲୋକନାୟକ ହସପିଟାଲରେ ଭର୍ତ୍ତି କରାଯାଇଛି । ଗତ ୨୪ ଘଣ୍ଟା ମଧ୍ୟରେ ଦିଲ୍ଲୀରେ ୨୫ଜଣଙ୍କ ରିପୋର୍ଟ ପଜିଟିଭ୍‌ ଆସିଛି ।

ଦେଶରେ କାୟା ବିସ୍ତାର କରିଚାଲିଛି କରୋନା, ୨୪ ଘଣ୍ଟାରେ ୨୦୦ରୁ ଅଧିକ ନୂଆ ମାମଲା

ଏମାନଙ୍କ ମଧ୍ୟରୁ ୧୯ଜଣ କାର୍ଯ୍ୟକ୍ରମରେ ସାମିଲ ହୋଇଥିଲେ । ସେପଟେ ଆଣ୍ଡାମାନରେ ୧୦ଜଣଙ୍କ ରିପୋର୍ଟ ପଜିଟିଭ୍‌ ଆସିଛି । ସେମାନଙ୍କ ମଧ୍ୟରୁ ୯ଜଣ ମରକାଜ କାର୍ଯ୍ୟକ୍ରମରେ ସାମିଲ ହୋଇଥିଲେ । ୯ ଆକ୍ରାନ୍ତ ଗତ ୨୪ ତାରିଖରେ ଅଲଗା ଅଲଗା ବିମାନରେ ଆଣ୍ଡାମାନ ଆସିଥିଲେ । ମରକାଜର ମୌଲାନାଙ୍କ ବିରୋଧରେ ମାମଲା ରୁଜୁ ହୋଇଛି । ନିୟମ ଉଲ୍ଲଘନକାରୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି ଦିଲ୍ଲୀ ସରକାର କହିଛନ୍ତି ।

ନୂଆଦିଲ୍ଲୀ: କରୋନା ମୁକାବିଲା ନେଇ ସହାୟତାର ହାତ ବଢ଼ାଇଛି ରିଲାଏନ୍ସ ଇଣ୍ଡଷ୍ଟ୍ରି । ୫୦୦ କୋଟି ସହାୟତା ପ୍ରଦାନ ନେଇ ପ୍ରତିଶ୍ରୁତି ଦେଇଛନ୍ତି ରିଲାଏନ୍ସ ଇଣ୍ଡଷ୍ଟ୍ରିର ମୁଖ୍ୟ ମୁକେଶ ଅମ୍ୱାନୀ । ପ୍ରଧାନମନ୍ତ୍ରୀଙ୍କ କୋଭିଡ-୧୯ ଫଣ୍ଡକୁ ପ୍ରଦାନ କରାଯିବ ସହାୟତା ରାଶି । ଏ ବାବଦର ଟଙ୍କାରେ କରୋନା ହସ୍ପିଟାଲ ନିର୍ମାଣ, ଅସହାୟଙ୍କୁ ଖାଦ୍ୟ ଯୋଗାଇବା ଏବଂ ଜରୁରୀକାଳୀନ ସେବାରେ ନିୟୋଜିତ ଗାଡ଼ିରେ ଇନ୍ଦନ ଢ଼ାଲିବା ଖର୍ଚ୍ଚରେ ବ୍ୟବହାର କରାଯିବ । ଏଥିସହିତ ଅତିରିକ୍ତ ଭାବେ ମହାରାଷ୍ଟ୍ର, ଗୁଜୁରାଟ ସରକାରଙ୍କୁ କରୋନା ମୁକାବିଲା ୫ କୋଟି ଟଙ୍କା ଲେଖାଏଁ ସହାୟତା ଯୋଗାଇଦେବ ରିଲାଏନ୍ସ ଇଣ୍ଡଷ୍ଟ୍ରି ।

ସୂଚନା ଯୋଗ୍ୟଯେ, କରୋନା ମୁକାବିଲା ନେଇ ପିଏମ୍‌ କେୟାର ଫଣ୍ଡକୁ ସହୟତା ଦାନ କରିବା ନେଇ ଦେଶବାସୀଙ୍କୁ ଅନୁରୋଧ କରିଥିଲେ ପ୍ରଧାନମନ୍ତ୍ରୀ ।

କରୋନା ଭାଇରାସର ଆତଙ୍କରୁ ଦେଶ ଖୁବଶୀଘ୍ର ମୁକୁଳିବ । କରୋନା ବିରୋଧୀ ଯୁଦ୍ଧରେ ଦେଶବାସୀଙ୍କ ସହ ସମ୍ପୂର୍ଣ୍ଣ ରିଲାଏନ୍ସ ଇଣ୍ଡଷ୍ଟ୍ରି ଅଛି ବୋଲି କହିଛନ୍ତି ମୁକେଶ ଅମ୍ୱାନୀ । ଏବଂ ଆମେ କରୋନ ବିରୋଧରେ ଯୁଦ୍ଧ ଜିତିବୁ ବୋଲି କହିଛନ୍ତି ମୁକେଶ ।

ନୂଆ ବର୍ଷ ମାନେ ୨୦୨୧ ଆରମ୍ଭରୁ ବିଶ୍ୱରେ ପିଲାମାନଙ୍କର ଜନ୍ମ ହାରରେ ବୃଦ୍ଦି ପାଇବ । କରୋନା ପାଇଁ ହୋଇଥିବା ଲଲକ୍‌ଡାଉନ୍‌ ହେତୁ ଆସନ୍ତା ବର୍ଷ ପାଇଁ ଏମିତି କଛି ସୂଚନା ରହିଛି । ଅର୍ଥାତ ଲକ୍‌ଡାଉନ୍‌ରେ ଥିବା ଯୁବକ ଦମ୍ପତିଙ୍କ ଯୋଗୁଁ ସାରା ବିଶ୍ୱରେ ଶିଶୁ ଜନ୍ମ ସଂଖ୍ୟାରେ ବୃଦ୍ଧି ଦେଖିବାକୁ ମିଳିବ ।

ହାର୍ଲି ଥେରାପିର କ୍ଲିନିକାଲ୍ ନିର୍ଦ୍ଦେଶକ ଡ. ଶେରି ଯାକବସନ୍ ଏହା ପ୍ରକାଶ କରିଛନ୍ତି । ଡ. ଶେରି କହିଛନ୍ତି ଯେ ଆମେ କେବଳ ବ୍ରିଟେନକୁ ଅଧ୍ୟୟନ କରିଛୁ ଯେ ଆସନ୍ତା ବର୍ଷ ଆରମ୍ଭରେ ଶିଶୁ ଜନ୍ମରେ ବୃଦ୍ଧି ଘଟିବ । କିନ୍ତୁ ଏହା ଲକ୍‌ଡାଉନ୍‌ ଥିବା ସମସ୍ତ ଦେଶ ପାଇଁ ପ୍ରଯୁଜ୍ୟ ।

ଡ. ଶେରି ଯାକବସନ୍ କହିଛନ୍ତି ଯେ ଯେତେବେଳେ ଲୋକମାନେ ଘରେ ଅଧିକ ସମୟ ବିତାଇବେ । ସେତେବେଳେ ସେମାନେ ବିରକ୍ତି ପ୍ରକାଶ କରିବେ । ଏଭଳି ପରିସ୍ଥିତିରେ ଯୁବକ ଦମ୍ପତିମାନେ ସେମାନଙ୍କ ପିଢ଼ିକୁ ଆଗକୁ ବଢ଼ାଇବାକୁ ଚିନ୍ତା କରିବେ । ତେଣୁ ଚଳିତ ବର୍ଷ ଶେଷରେ ଏବଂ ଆସନ୍ତା ବର୍ଷ ଆରମ୍ଭରେ ଶିଶୁ ବୃଦ୍ଧି ହେବାର ସମ୍ଭାବନା ରହିଛି । ଶେରି କହିଛନ୍ତି ଯେ ଲକ୍‌ଡାଉନ୍ କିମ୍ବା ବନ୍ଦ ଯୋଗୁଁ ଗର୍ଭନିରୋଧକ ଔଷଧ ତିଆରି କରୁଥିବା କମ୍ପାନୀଗୁଡିକ ବନ୍ଦ ରହିଛି । ବଜାର ଷ୍ଟକ୍‌ ଥିବା ଔଷଧ ଶେଷ ହୋଇଯାଇଛି । ଏପରି ପରିସ୍ଥିତିରେ ଶିଶୁର ବୃଦ୍ଧି ଘଟିବ ବୋଲି ସମସ୍ତ ଆଶା କରିଛନ୍ତି ଶେରି  । କାରଣ ଦମ୍ପତିମାନେ ଶାରୀରିକ ସମ୍ପର୍କରେ ଆସିବା ଦ୍ୱାରା ସେମାନଙ୍କ ଚାପ ମଧ୍ୟ ହ୍ରାସ ପାଇଥାଏ ।

ଭାରତରେ ମଧ୍ୟ ସମାନ ଅବସ୍ଥା । ଅନେକ ବିବାହିତ ଦମ୍ପତି ଏବଂ ପ୍ରେମିକ-ଗର୍ଲଫ୍ରେଣ୍ଡ ଏକାଠି ଅଛନ୍ତି  । ସେମାନେ ମେଡିକାଲ ଷ୍ଟୋରରୁ କଣ୍ଡୋମ କିଣୁଛନ୍ତି । କିମ୍ବା ଅନଲାଇନ୍ ସପିଂ ସାଇଟରୁ ଅର୍ଡର କରୁଛନ୍ତି । ସମସ୍ୟା ହେଉଛି ବର୍ତ୍ତମାନ ମେଡିକାଲ ଷ୍ଟୋରରେ କଣ୍ଡୋମର ଅଭାବ ଦେଖାଦେଇଛି  । ଗତ କିଛି ଦିନ ମଧ୍ୟରେ କଣ୍ଡୋମ ବିକ୍ରି ୨୫ ରୁ ୫୦ ପ୍ରତିଶତକୁ ବୃଦ୍ଧି ପାଇଛି ।

କେତେକ ମେଡିକାଲ ଷ୍ଟୋରରେ ଲକ୍‌ଡାଉନ୍‌ ପାଇଁ କଣ୍ଡୋମ ଷ୍ଟକ୍ ୩୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି ପାଇଛି । ଏହି ଲକଡାଉନ୍ ନବ ବିବାହିତ ଦମ୍ପତିମାନଙ୍କ ପାଇଁ ଏକ ସୁବର୍ଣ୍ଣ ସୁଯୋଗ । କିମ୍ବା ଯେଉଁମାନେ କାମ ହେତୁ ପରସ୍ପରକୁ ସମୟ ଦେଇପାରିନଥିଲେ ସେମାନଙ୍କ ପାଇଁ ଏହା ମଧ୍ୟ ଲାଭଦାୟକ ଅଟେ  ।

ଲାଠି ଚାର୍ଜ କରି ଥକିଲେ, ଅମାନିଆଙ୍କୁ ବୁଝାଇବା ପାଇଁ ଶେଷରେ ଗୀତ ଗାଇଲେ