ମୁମ୍ବାଇ: ଭାରତ ଏକ ଏମିତି ଦେଶ ଯେଉଁଠି ଫିଲ୍ମ ଓ ମନୋରଞ୍ଜନକୁ ଅଧିକ ପ୍ରାଧ୍ୟାନ୍ୟ ଦିଆଯାଏ । ପ୍ରଥମେ ସାଧାରଣ ଲୋକଙ୍କ ପ୍ରତିଭା ଲୁଚି ରହୁଥିଲା ହେଲେ ଏବେ ଲୋକେ ନିଜ ଟ୍ୟାଲେଣ୍ଟକୁ ସୋସିଆଲ ମିଡିଆ ମାଧ୍ୟମରେ ସ୍ପଷ୍ଟ କରୁଛନ୍ତି । ତେବେ ସେମାନେ ସଫଳ ହେଉଛନ୍ତି କହିଲେ ବି କିଛି ଭୁଲ ହେବ ନାହିଁ । ସୋସିଆଲ ମିଡିଆ ପ୍ଲାଟଫର୍ମରେ ନିତି ଦିନ କିଛି ନା କିଛି ଭାଇରାଲ ହେଉଥାଏ । ସେଥିମଧ୍ୟରୁ କିଛି ଲୋକଙ୍କ ଭିଡିଓକୁ ଲୋକେ ବହୁତ ପସନ୍ଦ କରନ୍ତି । ଯଦି କିଏ ନିଜ ଟ୍ୟଲେଣ୍ଟ ଦେଖାଇବାରେ ସଫଳ ହୁଏ ସେ ବାରମ୍ବାର ଏହି ସୋସିଆଲ ମିଡିଆ ମାଧ୍ୟମକୁ ବାଛିଥାଏ । ଏଠାରେ ଲୋକେ ସବୁ ପ୍ରକାର ଜିନିଷ ସେୟାର କରିପାରନ୍ତି । ସେଥିପାଇଁ ଭାରତରେ ପ୍ରତ୍ୟେକ ଜିନିଷ ଟାଇମ୍ ଟୁ ଟାଇମ୍ ଭାଇରାଲ ହେଉଥାଏ । ଭାରତରେ ଫିଲ୍ମ ଇଣ୍ଡଷ୍ଟ୍ରି ଲୋକଙ୍କ ଚାହିଦା ବହୁତ ବେଶି । ସାଧାରଣତଃ ପିଲାମାନେ ମଧ୍ୟ ଘର ଲୋକଙ୍କ କଥା ମାନନ୍ତି ନାହିଁ କିନ୍ତୁ ତାଙ୍କ ପସନ୍ଦର ଫିଲ୍ମ କଳାକାର ସେହି ବାର୍ତ୍ତା କହିଲେ ସେମାନେ ସେହି ଜିନିଷ ମାନିଥାନ୍ତି । କେବଳ ପିଲାମାନେ କାହିଁକି, ବୟସ୍କ ଲୋକଙ୍କଠାରୁ ଆରମ୍ଭ କରି ଯୁବ ପୀଢିର ଅନେକ ମଧ୍ୟ ନିଜ ଫେଭରାଇଟ ଷ୍ଟାର୍ସଙ୍କ କଥା ମାନନ୍ତି ।
https://www.facebook.com/nandighoshatv/videos/521583405456998/
ତେବେ ଲକଡାଉନ୍ ପାଇଁ ଏବେ ଫିଲ୍ମ ଇଣ୍ଡଷ୍ଟ୍ରି ମାନ୍ଦା ପଡିଯାଇଛି । ଅନେକ ଶୁଟିଂ ବନ୍ଦ ହେବା ସହ ବହୁତ କ୍ଷତି ମଧ୍ୟ ହୋଇଛି । ତଥାପି ଷ୍ଟାର୍ସ ନିଜ କଥା କହିବାର ବାଟ ଖୋଜି ନିଅନ୍ତି । ଯାହାର ଉଦାହରଣ ହେଉଛି ଏହି ତିନୋଟି ଭିଡିଓ । ବଲିଉଡ,ଟଲିଉଡ,କନ୍ନଡ,ବେଙ୍ଗଲି,ମରାଠିର ସମସ୍ତ ଷ୍ଟାର୍ସ ଏକ ଭିଡିଓ କ୍ଲିପ୍ ପ୍ରସ୍ତୁତ କରିଛନ୍ତି । ଭିଡିଓରେ ସମସ୍ତେ ପରସ୍ପରଙ୍କ ସହ କଥା ହେବାରେ ଦେଖାଯାଉଛନ୍ତି । ହେଲେ ତାହା ଏଡିଟିଂ ହୋଇଛି । ସବୁ କଳାକାର ନିଜ ନିଜ ଘରେ ରହି ଏହି ଭିଡିଓ ତିଆରି କରିଛନ୍ତି । ଭିଡିଓରେ ଲକଡାଉନ୍ ନେଇ ଏକ ସର୍ଟ ଷ୍ଟୋରୀ ହୋଇଛି । ବିଗ୍ ବି ଏହି ଭିଡିଓରେ ମୁଖ୍ୟ ଅଭିନେତାର ଚରିତ୍ରରେ ନଜର ଆସିଛନ୍ତି । ସମସ୍ତଙ୍କୁ ଘରେ ରହିବା ପାଇଁ ଏହି ଭିଡିଓ ମାଧ୍ୟମରେ ଅପିଲ କରିଛନ୍ତି ।
ଏହା ବ୍ୟତୀତ କେବଳ ବଲିଉଡ ଅଭିନେତା ଓ ଅଭିନେତ୍ରୀଙ୍କର ଏକ ଭିଡିଓ ମଧ୍ୟ ଭାଇରାଲ ହେଉଛି । ଏହି ଭିଡିଓରେ ଅକ୍ଷୟ କୁମାର, ଭିକ୍କି କୌଶଲ, ଭୂମି ପେଦନାକର, କାର୍ତ୍ତିକ ଆର୍ଯ୍ୟନ, ସିଦ୍ଧାର୍ଥ ମଲହୋତ୍ରା, ରକୁଲ ପ୍ରୀତ, ଅନନ୍ୟା ପାଣ୍ଡେ, କୀର୍ତ୍ତି ସାନନ, ରାଜକୁମାର ରାଓ ସମେତ ଅନ୍ୟ ଷ୍ଟାର୍ସ ଗୀତ ଗାଉଛନ୍ତି । ଗୀତ ଟି ହେଉଛି “ଜିତିବ ଇଣ୍ଡିଆ, ହାରିବ କରୋନା… ଗୋଟିଏ ସୁରରେ ବନ୍ଧା ଭାରତ” । ନିଜ ନିଜ ଘରେ ରହି ଏହି ପ୍ରେରଣାପ୍ରଦ ଭିଡିଓ ସୁଟ୍ କରି ସେଲିବ୍ରିଟିମାନେ ଷ୍ଟେ ହୋମ୍, ଷ୍ଟେ ସେଫ୍ର ମେସେଜ ଦେଇଛନ୍ତି ।
https://www.facebook.com/nandighoshatv/videos/236061757766092/
ଅନ୍ୟପକ୍ଷରେ ବଲିଉଡ ହି ମ୍ୟାନ ଧର୍ମେନ୍ଦ୍ର ମଧ୍ୟ ଲକଡାଉନ୍ ସମୟରେ ନିଜ ଅନୁଭବ ଫେସବୁକ୍ ମାଧ୍ୟମରେ ସେୟାର କରିଛନ୍ତି । ସେ ନିଜ ଫାର୍ମ ହାଉସରେ ସମୟ ବିତାଉଥିବାର ନଜର ଆସିଛନ୍ତି । ଏହି ମୂହୁର୍ତ୍ତକୁ ଖୁବ ଏନଜୟ କରୁଛନ୍ତି ଅଭିନେତା ଧର୍ମେନ୍ଦ୍ର । ଏହି ପରିସ୍ଥିତିରେ ସେ ସମସ୍ତଙ୍କୁ ନିଜ ଘରେ ରହି ସମୟ ବିଡାଇବାକୁ କହିଛନ୍ତି । ସମସ୍ତେ ମିଳିମିଶି ହିଁ ଏହି କରୋନା ପରିସ୍ଥିତିର ମୁକାବିଲା କରିହେବ ବୋଲି କହିଛନ୍ତି ବରିଷ୍ଠ କଳାକାର ।
ତେବେ ଏହି ମାମଲା ସାମ୍ନାକୁ ଆସିବା ମାତ୍ରେ ରାଜସ୍ଥାନର ସ୍ୱାସ୍ଥ୍ୟ ବିଭାଗ ଏବଂ ପ୍ରଶାସନ ଦେଶର ପ୍ରଥମ ସହର ଭାବେ ଭିଲୱାଡାରେ କର୍ଫ୍ୟୁ ଲାଗୁ କରିଥିଲେ। ରାଜସ୍ଥାନର ୧୬ ହଜାର ସ୍ୱାସ୍ଥ୍ୟ କର୍ମୀଙ୍କ ଏକ ଟିମ୍ ଭିଲୱାଡା ସହରକୁ ପଠାଯାଇଥିଲା ଯେଉଁଠାରେ କର୍ଫ୍ୟୁ ସମୟରେ ଘର ଦ୍ୱାରରୁ ସ୍କ୍ରିନିଂ କାର୍ଯ୍ୟ ଆରମ୍ଭ କରାଯାଇଥିଲା। ଦେଶରେ ପ୍ରଥମ ଥର ପାଇଁ ଭିଲୱାଡା ସହରରେ ଏହି ସ୍ୱତନ୍ତ୍ର କାର୍ଯ୍ୟ ଆରମ୍ଭ ହୋଇଥିଲା। ଭିଲୱାଡାରେ ଗୋଟିଏ ପରେ ଗୋଟିଏ କରୋନା ପଜିଟିଭ ଚିହ୍ନଟ ହେଉଥିଲେ । ଯାହା ସରକାର ଏବଂ ଜନସାଧାରଣଙ୍କ ମଧ୍ୟରେ ଭୟ ସୃଷ୍ଟି କରିଥିଲା।
