ସୁଶାନ୍ତଙ୍କ ଶେଷ ଚଳଚିତ୍ରକୁ ମିଳିପାରିଥାନ୍ତା ବମ୍ପର ଓପନିଂ,କିନ୍ତୁ….
ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ୧୦ ଦିନରୁ ଅଧିକ ବିତି ଯାଇଥିବା ବେଳେ ଅନେକ ପ୍ରଶଂସକ ଏହି ସତ୍ୟକୁ ମାନିପାରୁନାହାନ୍ତି । ପଦାର୍ଥ ବିଜ୍ଞାନ ପ୍ରତି ଆଗ୍ରହ ରଖୁଥିବା ଜଣେ ଇଞ୍ଜିନିୟରିଂ ଛାତ୍ର ଟିଭି ଜଗତକୁ ଆସିଥିଲେ ଏବଂ ପରେ ବଲିଉଡ ପରି ଇଣ୍ଡଷ୍ଟ୍ରିରେ ନିଜକୁ ପ୍ରତିଷ୍ଠିତ କରିବାରେ ସଫଳ ହୋଇଥିଲେ ଏବଂ ୧୦ଟି ଚଳଚ୍ଚିତ୍ରରେ ଅଭିନୟ କରିବା ପରେ ତାଙ୍କର ଯାତ୍ରା ଶେଷ କରିଥିଲେ । ତେବେ ନିକଟରେ ଘୋଷଣା କରାଯାଇଛି ଯେ ତାଙ୍କର ଶେଷ ଚଳଚ୍ଚିତ୍ର ଦିଲ ବେଚାରା ଆସନ୍ତା ମାସରେ ଡିଜିଟାଲ ପ୍ଲାଟଫର୍ମରେ ରିଲିଜ ହେବାକୁ ଯାଉଛି, ଯେଉଁଥିପାଇଁ ତାଙ୍କ ପ୍ରଶଂସକମାନେ କ୍ଷୋଭ ପ୍ରକାଶ କରିଛନ୍ତି ।
https://www.instagram.com/p/CBq14feFCKB/?utm_source=ig_embed
ସୁଶାନ୍ତଙ୍କ ମୃତ୍ୟୁ ପରେ ତାଙ୍କ ପ୍ରଶଂସକ ମାନେ କହୁଛନ୍ତି ଯେ ସେମାନେ ସୁଶାନ୍ତଙ୍କ ଶେଷ ଚଳଚିତ୍ରକୁ ଥିଏଟରରେ ଦେଖି ତାଙ୍କୁ ଟ୍ରିବ୍ୟୁଟ ଦେବାକୁ ଚାହୁଛନ୍ତି । କିଛି ପ୍ରଶଂସକ ତ ଏହା ବି କହିଛନ୍ତି ଯେ ସେମାନେ ଏହି ଫିଲ୍ମକୁ ବ୍ଲକ ବଷ୍ଟର ସାବ୍ୟସ୍ତ କରିବାରେ କୌଣସି ମଉକା ଛାଡ଼ିବେ ନାହିଁ । ପୂର୍ବ କିଛି ବର୍ଷ ହେବ ଦେଖିବାକୁ ମିଳିଛି ଯେ ସୋସିଆଲ ମିଡିଆରେ ଯେବେ ବି କୌଣସି ଫିଲ୍ମକୁ ମାଉଥ ପବ୍ଲିସିଟି ମିଳିଛି ସେହି ଫିଲ୍ମ ଜବରଦସ୍ତ ଇନକମ କରିଛି ।
No that's not done.We want #DilBecharaOnBigScreen !! Please convey our messages to the producer & director of the movie. This is the last movie of #SushantSinghRajput atleast one more last time let us watch him on the Big Sceen🙏🏻🙌🏻 #DilBechara #SushantSinghRajput pic.twitter.com/5nx0lGRgPy
— NAKUL GANESHRAO MORE (@morenakul) June 25, 2020
ଯଦି ସୁଶାନ୍ତଙ୍କ ଫିଲ୍ମ କଥା କହିବା ତେବେ ଆମିର ଖାନ ଏବଂ ଅନୁଷ୍କାଙ୍କ ଫିଲ୍ମ ପିକେ ବକ୍ସ ଅଫିସରେ ପ୍ରଥମ ଦିନରେ ପ୍ରାୟ ୨୭ କୋଟି ଟଙ୍କା ଇନକମ କରିଥିଲା । କିନ୍ତୁ ମାଉଥ ପବ୍ଲିସିଟି ପାଇଁ ଏହି ଫିଲ୍ମ ଏତେ ଲୋକପ୍ରିୟ ହୋଇଥିଲା ଯେ ୩୦୦ କୋଟିରୁ ଅଧିକ ଇନକମ କରିଥିବା ଏହା ଭାରତର ପ୍ରଥମ ଫିଲ୍ମ ସାବ୍ୟସ୍ତ ହୋଇଥିଲା ।
This is not fair 😐
We want #DilBechara to release in theaters, so that we'll get a chance to make his last film a #Blockbuster as Tribute to our #SushantSinghRajput ♥️ which will be a tight slap to all those #BollywoodMAFIA 😠 …. !! pic.twitter.com/vtgcfjl46P— Ravindra ✨ (@Ravindra91019) June 25, 2020
ସେହିପରି ଏମ୍ ଏସ୍ ଧୋନୀଙ୍କ ବାୟୋପିକ ପ୍ରଥମ ଦିନରେ ୨୧ କୋଟି ଇନକମ କରିଥିଲା ଯେହେତୁ ଏହି ଫିଲ୍ମକୁ ଭଲ ରିଭ୍ୟୁ ମିଳିଥିଲା ତେଣୁ ଏହା ୧୦୦ କୋଟିରୁ ଅଧିକ ଇନକମ କରିଥିଲା । ଏହା ସୁଶାନ୍ତଙ୍କ ଜୀବନର ପ୍ରଥମ ୧୦୦ କୋଟି ଫିଲ୍ମ ଥିଲା । ଏହା ବ୍ୟତୀତ ସୁଶାନ୍ତଙ୍କ ମଲ୍ଟି ଷ୍ଟାରର ଫିଲ୍ମ ଛିଛୋରେ ପ୍ରଥମ ଦିନରେ ୭.୩ କୋଟି ଟଙ୍କା ଇନକମ କରିଥିଲା ଏବଂ ମାଉଥ୍ ପବ୍ଲିସିଟି ପାଇଁ ଏହି ଫିଲ୍ମ ୧୫୦ କୋଟି ଟଙ୍କାରୁ ଅଧିକ ଇନକମ କରିଥିଲା ।
ଯଦି ଆମେ ଓପନିଂ ଡେ’ ରେ ସର୍ବାଧିକ ଆୟ କରିଥିବା ଚଳଚ୍ଚିତ୍ର ବିଷୟରେ କହିବା, ତେବେ ଆମୀର ଖାନ୍, ଅମିତାଭ ବଚ୍ଚନ ଷ୍ଟାରର୍ ଥଗ୍ସ ଅଫ୍ ହିନ୍ଦୋସ୍ତାନ ଯାହା ରିଲିଜ୍ ହେବାର ପ୍ରଥମ ଦିନରେ ଭାରତରେ ୫୨ କୋଟି ଆୟ କରିଥିଲା । ତେବେ ଏଭଳି ପରିସ୍ଥିତିରେ ସୁଶାନ୍ତଙ୍କ ମୃତ୍ୟୁ ପରେ ତାଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ପ୍ରଶଂସକ ଥିଏଟରରେ ଭିଡ଼ ଜମାଇଥାନ୍ତେ ଏବଂ ଥଗ୍ସ ଅଫ୍ ହିନ୍ଦୋସ୍ତାନ ରେକର୍ଡ ଭାଙ୍ଗିବାର ଏକ ବଡ଼ ସମ୍ଭାବନା ଥିଲା ।
ସୁଶାନ୍ତଙ୍କ ଶେଷ ଚଳଚ୍ଚିତ୍ର ଏକ ଅତ୍ୟନ୍ତ ଭାବପ୍ରବଣ ପ୍ରେମ କାହାଣୀ-
ଅନେକ ପ୍ରଶଂସକ ଅଛନ୍ତି ଯେଉଁମାନେ କହିଛନ୍ତି ଯେ କରୋନା କାରଣରୁ ଫିଲ୍ମକୁ ଯଦି ବର୍ଷଶେଷ ଆଡ଼କୁ ରିଲିଜ କରିଥାନ୍ତେ ସେଥିରେବି କୌଣସି ଅସୁବିଧା ନଥାନ୍ତା । କାରଣ ସେମାନେ ଥିଏଟରରେ ସେମାନଙ୍କର ପ୍ରିୟ ଅଭିନେତାଙ୍କ ଶେଷ ଚଳଚ୍ଚିତ୍ର ଦେଖିବାକୁ ଚାହୁଁଥିଲେ। ଫକ୍ସ ଷ୍ଟାର ଷ୍ଟୁଡିଓ ପୂର୍ବରୁ ସୁଶାନ୍ତଙ୍କ ଫିଲ୍ମ ଏମଏସ ଧୋନି: ଦ ଅନଟୋଲ୍ଡ ଷ୍ଟୋରୀ ଏବଂ ଛିଛୋରେ ମଧ୍ୟ ପ୍ରସ୍ତୁତ କରିଛି । ଫ୍ୟାନ୍ ମାନେ ଏବେବି ଆଶା କରିଛନ୍ତି ଯେ ନିର୍ମାତାମାନେ ସେମାନଙ୍କ ନିଷ୍ପତ୍ତି ବଦଳାଇବେ । ଏହା ବ୍ୟତୀତ, ଦିଲ ବେଚାରା ବିଷୟବସ୍ତୁ ଅତ୍ୟନ୍ତ ଭାବପ୍ରବଣ ଏବଂ ଦେଶରେ ସଫଳ ଭାବପ୍ରବଣ ପ୍ରେମ କାହାଣୀର ଏକ ସମୃଦ୍ଧ ସଂସ୍କୃତି ରହିଛି । ଏଭଳି ପରିସ୍ଥିତିରେ ଏହି ଚଳଚ୍ଚିତ୍ର ନିଶ୍ଚିତ ଭାବରେ ସୁଶାନ୍ତଙ୍କ କ୍ୟାରିୟରର ସବୁଠାରୁ ବଡ ଚଳଚ୍ଚିତ୍ର ବୋଲି ପ୍ରମାଣିତ ହୋଇପାରିଥାନ୍ତା ।
ଭାଇରାଲ ହେଲା ଅଭିନେତ୍ରୀ ତଥା ନେତ୍ରୀଙ୍କ ଲକଡାଉନ୍ ଫଟୋଶୁଟ୍
କୋଲକାତା: କଂଗ୍ରେସର ସାଂସଦ ଓ ବେଙ୍ଗଲୀ ଅଭିନେତ୍ରୀ ନୁସରତ ଜହାଁ ସୋସିଆଲ ମିଡିଆରେ ଅଧିକାଂଶ ସମୟ ଆକ୍ଟିଭ ରୁହନ୍ତି । ରାଜନୀତିରେ ପ୍ରବେଶ କରିବା ପୂର୍ବରୁ ସେ ନିଜ ଅଭିନୟ ପାଇଁ ବେଶ ଚର୍ଚ୍ଚାରେ ରହୁଥିଲେ । ନିର୍ବାଚନରେ ବେଙ୍ଗଲୀ ଷ୍ଟାର ରାଜନୀତି ମଇଦାନକୁ ଓହ୍ଲାଇ ଅନେକ ସଫଳତା ହାସଲ କରିଛନ୍ତି।
ଅଭିନେତ୍ରୀ ସାଂସଦ ନୁସରତ ଜହାଁଙ୍କର ଭିନ୍ନ ଭିନ୍ନ ଅନ୍ଦାଜରେ ସବୁବେଳେ ଭାଇରାଲ ହେଉଥାଏ । କେତେବେଳେ ସେ ହଟ୍ ଲୁକରେ ନଜର ଆସନ୍ତି ତ କେତେବେଳେ ସେ ଶାଢ଼ୀରେ ଦର୍ଶକଙ୍କୁ ବେହାଲ କରିଦିଅନ୍ତି ।
ଅଭିନେତ୍ରୀ ନୁସରତ ଜାହାଁ ସବୁଠୁ ଅଧିକ ଲାଇମଲାଇଟ୍ରେ ରହିଥାନ୍ତି। ନୁସରତ ଜହାଁ ନିଜ ଲେଟେଷ୍ଟ ଫଟୋଶୁଟ୍ ରେ ଗୋଲ୍ଡେନ୍ ଶାଢ଼ୀରେ ନଜର ଆସିଛନ୍ତି ।
ଏହି ଫଟୋରେ ସେ ବହୁତ ସୁନ୍ଦର ଓ ଆକର୍ଷଣୀୟ ଲାଗୁଛନ୍ତି । ତାଙ୍କର ଏହି ଫଟୋ ଦର୍ଶକଙ୍କ ମଧ୍ୟରେ ବହୁତ ଭାଇରାଲ ହେଉଛି । ତାଙ୍କ ଫ୍ୟାନ୍ସମାନେ ଏହି ଫଟୋକୁ ବହୁତ ପସନ୍ଦ କରୁଛନ୍ତି । ନୁସରତ ନିଜେ ତାଙ୍କ ସୋସିଆଲ ମିଡିଆରେ ଏହି ସବୁ ଫଟୋ ସେୟାର କରିଛନ୍ତି ।
କିଏ ନୁସରତଙ୍କ କେଶର ପ୍ରଶଂସା କରିଛନ୍ତି ତ କିଏ ତାଙ୍କ ଶାଢ଼ୀକୁ ସୁନ୍ଦର କହିଛନ୍ତି । ତାଙ୍କର ଏହି ଫଟୋରେ କିଛି ଫ୍ୟାନ୍ସ ତାଙ୍କୁ ଅପକମିଂ ଫିଲ୍ମ ବିଷୟରେ ମଧ୍ୟ ପଚାରିଛନ୍ତି ।
କରୋନା କାଳ,ସାମାଜିକ ଦୂରତା ଏବଂ ଓଡ଼ିଆ ନେତାଙ୍କ ଆଇନକୁ ସମ୍ମାନବୋଧ
ମାର୍ଚ୍ଚ ଆସୁ ଆସୁ ଦେଶ ଲକଡାଉନ୍ ଭିତରକୁ ଚାଲିଗଲା । ଭାରତୀୟଙ୍କ ଅଭିଧାନରେ କରୋନା କିଛି ନୂଆ ଶବ୍ଦ ଯୋଡି ଦେଇଛି । ଲକଡାଉନ୍ । ସଟ୍ ଡାଉନ୍ ଓ ସାମାଜିକ ଦୂରତା । କରୋନାର କୌଣସି ଔଷଧ ନାହିଁ । ଭ୍ୟାକ୍ସିନ୍ ନାହିଁ । କରୋନାକୁ ନିୟନ୍ତ୍ରଣରେ ରଖାଯାଇପାରିବ ତାହା ବି ଯଦି ସମସ୍ତେ ସାମାଜିକ ଦୂରତା ନିୟମକୁ ସମସ୍ତେ ମାନିବେ । କେନ୍ଦ୍ର ସରକାର କୋଭିଡ୍ ପାଇଁ ଗାଇଡ୍ ଲାଇନ୍ ଜାରି କରିଛନ୍ତି । ପ୍ରଧାନମନ୍ତ୍ରୀ କହୁଛନ୍ତି ଦୁଇ ଗଜର ଦୂରତା କଥା । ମୁଖ୍ୟମନ୍ତ୍ରୀ କହୁଛନ୍ତି ଆଗାମୀ କେଇ ଦିନ ଆମ ପାଇଁ ଗୁରୁତ୍ୱପୂର୍ଣ୍ଣ । ଆମକୁ ସାମାଜିକ ଦୂରତାକୁ ମାନିକରି ଚଳିବାକୁ ପଡିବ ।
କିନ୍ତୁ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ କଥାକୁ କେତେ କିଏ ମାନୁଛନ୍ତି ? ସାଧାରଣ ଲୋକଙ୍କ କଥା ଛାଡନ୍ତୁ,ଜନମତ ତିଆରି କରୁଥିବା ରାଜନୈତିକ ଦଳ ଓ ନେତା କୋଭିଡ୍ ଗାଇଡ୍ ଲାଇନକୁ ମାନୁଛନ୍ତି କି ? ନେତାଙ୍କୁ ଜନତା ଅନୁସରଣ କରନ୍ତି । କିନ୍ତୁ ଓଡ଼ିଶାର ନେତା କୋଭିଡ୍ କାଳରେ ସାଧାରଣ ଓଡ଼ିଆଙ୍କ ପାଇଁ କେଉଁଭଳି ଉଦାହରଣ ସୃଷ୍ଟି କରୁଛନ୍ତି ? ସେମାନେ ସାଧାରଣ ଜନତା ପାଇଁ ରୋଲ୍ ମଡେଲ କି ? ଏଭଳି ପ୍ରଶ୍ନ ଉଠିବାର କାରଣ ହେଉଛି ଶୁକ୍ରବାର ଦିନ ପିସିସି ସଭାପତି ନିରଂଜନ ପଟ୍ଟନାୟକଙ୍କୁ ସାମାଜିକ ଦୂରତା ଉଲ୍ଲଂଘନ ପାଇଁ ୫ଶହ ଟଙ୍କା ତଣ୍ଡ ଗଣିବାକୁ ପଡିଛି । କେବଳ ନିରଂଜନଙ୍କୁ ନୁହେଁ ତାଙ୍କ ସହିତ ତାଙ୍କ ଦଳର ଆଉ କିଛି ନେତାଙ୍କୁ ମଧ୍ୟ ଫାଇନ୍ ଦେବାକୁ ପଡିଛି । ୫ଶହ ଟଙ୍କା ଜଣେ ନେତାଙ୍କ ପାଇଁ କିଛି ଗୋଟିଏ ବଡ କଥା ନୁହେଁ । କିନ୍ତୁ ଗୋଟିଏ ରାଜ୍ୟ ଓ ଏହାର ବାସିନ୍ଦାଙ୍କ ପାଇଁ ଗୋଟିଏ ରାଜନୈତିକ ଦଳର ମୁଖିଆ ଫାଇନ୍ ଗଣିବା ଗୁରୁତ୍ୱ ରଖେ । ଇଏ ସେହି ଦଳର ନେତା ଯାହା ଓଡ଼ିଶାକୁ ବିକଳ୍ପ ଶାସନ ଦେବା କଥା କହୁଛି । କିନ୍ତୁ ସେମାନଙ୍କ ମନରେ ଆଇନ ପାଇଁ ସମ୍ମାନବୋଧ ନାହିଁ । ଯଦି ଥାନ୍ତ ତେବେ ସେମାନେ ବିରୋଧ କାଳରେ ସାମାଜିକ ଦୂରତା ନିୟମକୁ ମାନି ବିକ୍ଷୋଭ କରିଥାନ୍ତେ । ସାଧାରଣ ଓଡ଼ିଆ ତାଙ୍କଠାରୁ କିଛି ଶିଖିଥାନ୍ତେ କିନ୍ତୁ ନା ବିରୋଧୀଙ୍କ ଧର୍ମ ସତେ ଯେମିତି କେବଳ ବିରୋଧ କରିବା । ବିରୋଧ କାଳରେ ସବୁ ନିୟମକୁ ବିସର୍ଜନ କରିଦେବା । କଂଗ୍ରେସ ଦଳର ମହାମହିମ ମାନେ ମାଷ୍ଟରକ୍ୟାଣ୍ଟିନରେ କରୋନା ମୁକାବିଲାରେ ରାଜ୍ୟ ସରକାରଙ୍କ ବିଫଳତାକୁ ନେଇ ବିକ୍ଷୋଭ କରୁଥିଲେ । କିନ୍ତୁ ବିକ୍ଷୋଭ କାଳରେ ସାମାଜିକ ଦୂରତାର ଚିହ୍ନବର୍ଣ୍ଣ ନଥିଲା । ନେତାଏ ପାଖାପାଖି ହୋଇ ବସିଥିଲେ । କର୍ମୀ ଜାକିଜୁକି ହୋଇ । କରୋନା ଏସବୁକୁ ଦେଖି ହୁଏତ ଲାଜେଇ ଯାଇଥିବ ।
କରୋନା କାଳରେ ସାମାଜିକ ଦୂରତାକୁ ନମାନି ତଣ୍ଡ ଗଣିବା ମାମଲାରେ କେବଳ କଂଗ୍ରେସ ବଦନାମ ହୋଇନି । ଏହି ମାମଲାରେ ବିଜେପି ମଧ୍ୟ ପଛରେ ନାହିଁ । ବିଜେପିର ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ଦୁଇ ଦୁଇଥର ଏଥିପାଇଁ ଅଭିଯୋଗ ଘେରକୁ ଆସିଛନ୍ତି । ପ୍ରଥମେ ଓଡ଼ିଶା ଫେରିବା ପରେ କ୍ୱାରେଣ୍ଟାଇନରେ ରହିବା କାଳରେ ସେ ଦଳୀୟ କର୍ମୀଙ୍କ ଜନ୍ମଦିନ ପାର୍ଟିରେ ଯୋଗ ଦେଇଥିଲେ ।
ଦ୍ୱିତୀୟଥର ପାଇଁ ହଂସପାଳରେ ବ୍ରିଜ୍ ଭୂମିପୂଜା ବେଳେ ସାମାଜିକ ଦୂରତା ଉଲ୍ଲଂଘନର ଅଭିଯୋଗ ମଧ୍ୟ ତାଙ୍କ ବିରୋଧରେ ଆସିଥିଲା । ସେହିଭଳି ଦଳର ଅସନ୍ତୁଷ୍ଠ ନେତାଙ୍କୁ ବୁଝାଇବାକୁ ତାଙ୍କ ଘରକୁ ଯାଇଥିବା ବେଳେ ସେଠାରେ ମଧ୍ୟ ସାମାଜିକ ଦୂରତା ଦୂରକୁ ପଳାଇଥିଲା । ଏଥିପାଇଁ ତାଙ୍କୁ ବି ଫାଇନ୍ ଦେବାକୁ ପଡିଥିଲା । ଏସବୁ ଦେଖିଲେ ଲାଗୁଛି ଆମ ନେତା କରୋନା କାଳରେ ମଧ୍ୟ କିଛି ଶିଖିବାକୁ ଚାହୁଁନାହାନ୍ତି ।
ଜମ୍ମୁ-କାଶ୍ମୀର ପୋଲିସ ମହାନିର୍ଦ୍ଦେଶକ ଦିଲବାଗ ସିଂହଙ୍କ ବିରୋଧରେ ଥାନାରେ ଏତଲା ଦେଲେ ଓଡ଼ିଆ ଆଇପିଏସ
ଶ୍ରୀନଗର: ଜମ୍ମୁକାଶ୍ମୀରରେ ସୁରକ୍ଷାକର୍ମୀ ଆତଙ୍କବାଦୀଙ୍କୁ ସଫା କରୁଥିବା ବେଳେ ପୋଲିସ ବିଭାଗରେ ଦେଖିବାକୁ ମିଳୁଛି ମତଭେଦ । ଜମ୍ମୁ-କାଶ୍ମୀରରେ ଦୁଇଜଣ ବଡ ଆଇପିଏସ ଅଧିକାରୀଙ୍କ ମଧ୍ୟରେ ମତଭେଦ ହୋଇ କଥା ଥାନାକୁ ଯାଇଛି । ଜଣେ ପୋଲିସ ଅଧିକାରୀ ଆଉ ଜଣେ ଅଧିକାରୀଙ୍କ ବିରୋଧରେ ଏତଲା ଦେଇଛନ୍ତି ।
ବରିଷ୍ଠ ଆଇପିଏସ ଅଧିକାରୀ ବସନ୍ତ ରଥ ପୋଲିସ ଡିଜି ଦିଲବାଗ ସିଂହଙ୍କ ବିରୋଧରେ ଜମ୍ମୁ ଜିଲ୍ଲାର ଗାନ୍ଧୀ ନଗର ଥାନାରେ ଏତଲା ଦେଇଛନ୍ତି । ଓଡ଼ିଆ ଆଇପିଏସ ଅଧିକାରୀ ବସନ୍ତ ରଥ କହିଛନ୍ତି ଯେ, ତାଙ୍କ ଅନୁଭବକୁ ଦୃଷ୍ଟିରେ ରଖି ଅଭିଯୋଗକୁ ଗମ୍ଭୀରତାର ସହ ନିଆଯାଉ । ବସନ୍ତ ରଥ,ଲିଖିତ ଅଭିଯୋଗର ଗୋଟିଏ କପି ଡିଜି ଦିଲବାଗ ସିଂହଙ୍କୁ ମଧ୍ୟ ଦେଇଛନ୍ତି ।
ସେ ଲେଖିଛନ୍ତି ଯେ,ମୁଁ ଜଣେ ସରକାରୀ ଅଧିକାରୀ କିମ୍ବା ପୋଲିସ ଅଧିକାରୀ ଭାବେ ଅଭିଯୋଗ କରୁନାହିଁ । ବ୍ୟକ୍ତିଗତ ଭାବେ ଏହି ଅଭିଯୋଗ ମୁଁ କରୁଛି । ମୁଁ ଆପଣଙ୍କୁ ଏହି ଅଭିଯୋଗ ପତ୍ରକୁ ଥାନା ଡାଏରୀରେ ରଖିବାକୁ ଅନୁରୋଧ କରୁଛି । ବସନ୍ତ ରଥ ଆହୁରି ମଧ୍ୟ ଲେଖିଛନ୍ତି ଯେ, ମୋ ସହିତ ଯଦି କିଛି ମଧ୍ୟ ଖରାପ ହୁଏ ତେବେ ଆପଣ ସମସ୍ତେ ଜାଣି ରଖିବା ଉଚିତ୍ ଯେ, ଆପଣଙ୍କୁ କାହା ନମ୍ବର ଡାଏଲ କରିବାକୁ ପଡିବ ।
ଅଭିଯୋଗ କରିବା କାଳରେ ରଥ,ସ୍ଥାନୀୟ ଥାନାର ଏସଏଚଓ ଏବଂ ତାଙ୍କ ଟିମକୁ ସେମାନଙ୍କ କାମ ପାଇଁ ସାବାସୀ ଦେଇଛନ୍ତି । ଏହା ସହ ସେ ଲେଖିଛନ୍ତି ଯେ, ଆଲ୍ଲା ଆପଣ ଓ ଆପଣଙ୍କ ପରିବାର ସଦସ୍ୟଙ୍କୁ ସୁରକ୍ଷିତ ରଖନ୍ତୁ ।