ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟାକୁ ନେଇ ବଲିଉଡ୍ ଦୁଇ ଗୋଷ୍ଟିରେ ବିଭକ୍ତ ହୋଇଛି । କିଛି ନିରବତା ଅବଲମ୍ବନ କରୁଥିବା ବେଳେ କଙ୍ଗନା,ଅଭିନବଙ୍କ ଭଳି ବ୍ୟକ୍ତି ବଲିଉଡରେ ମୁଭି ମାଫିଆରାଜ୍ ଉପରୁ ପରଦା ହାଟାଉଛନ୍ତି । ଏହାରି ଭିତରେ ରବିନା ଟଣ୍ଡନ୍ ଟ୍ୱିଟ୍ କରି ସୁଶାନ୍ତଙ୍କ ଆତ୍ମହତ୍ୟାକୁ ନେଇ ନିଜ କ୍ଷୋଭ ପ୍ରକାଶ କରିଛନ୍ତି ।

ରବିନା ଲଗାତର ଟ୍ୱିଟ୍ କରି ବଲିଉଡର ସେଇ ସତକୁ ସାମ୍ନାକୁ ଆଣିଛନ୍ତି ଯାହା କଳା । ପ୍ରଥମ ଟ୍ୱିଟରେ ରବିନା ଲେଖିଛନ୍ତି, ଏମିତି ଅନେକ ଥର ହୁଏଯେ , ଅଚାନକ ଆପଣଙ୍କୁ ଫିଲ୍ମରୁ ବାହାର କରିଦିଆଯିବ ଓ ହିରୋର କୌଣସି ଗର୍ଲଫ୍ରେଣ୍ଡ୍ ଆପଣଙ୍କ ସ୍ଥାନ ନେବ । କିଛି ବ୍ୟକ୍ତି ତ’ ଆପଣଙ୍କ ବିଷୟରେ ଫେକ୍ ନ୍ୟୁଜ୍ ପ୍ରଚାର କରନ୍ତି,ଯେମିତି ଆପଣଙ୍କ ଇମେଜ୍ ଖରାପ ହେବ ଓ ଆପଣଙ୍କ କ୍ୟାରିୟର ନଷ୍ଟ ହୋଇଯିବ । ସେଇଥିପାଇଁ କିଛି ବ୍ୟକ୍ତି ଇଣ୍ଡଷ୍ଟ୍ରିରେ ଷ୍ଟ୍ରଗଲ କରନ୍ତି । କିଛି ପ୍ରତ୍ୟାବର୍ତ୍ତନ କରନ୍ତି କିଛି ହାରିଯାନ୍ତି’’

“mean girl”gang of the industry.Camps do exist.Made fun of,bn removed from films by Heroes,their girlfriends,Journo chamchas&their career destroying fake media stories.Sometimes careers are destroyed.U struggle to keep afloat.fight backSome survive Some Dont.#oldwoundsrevisited

— Raveena Tandon (@TandonRaveena) June 15, 2020

ନିଜ ଦ୍ୱିତୀୟ ଟ୍ୱିଟରେ ରବିନା ଲେଖିଛନ୍ତି ଯେ, ‘‘ଯେତେବେଳେ ଆପଣ ଏମାନଙ୍କ ବିରୋଧରେ କିଛି ମଧ୍ୟ କୁହନ୍ତି ସେତେବେଳେ ସେମାନେ ଆପଣଙ୍କୁ ମିଥ୍ୟାବାଦୀ ବୋଲି କୁହନ୍ତି । କିଛି ତ’ ଆପଣଙ୍କୁ ପାଗଳ ବୋଲି କୁହନ୍ତି । ଏହି ଇଣ୍ଡଷ୍ଟ୍ରି ମୋତେ ବହୁତ କିଛି ଦେଇଛି । ଯେଉଁଥିପାଇଁ ମୁଁ କୃତଜ୍ଞ କିନ୍ତୁ ଏହାହିଁ ବଲିଉଡର ସତ୍ୟ.’’

When you speak the truth,you are branded a liar,Mad,psychotic. Chamcha journos write pages&pages destroying all the hard work that you might have done.Even though born in the industry, grateful for all it has given me,but dirty politics played by some can leave a sour taste . https://t.co/uR9usJitdb

— Raveena Tandon (@TandonRaveena) June 15, 2020

ଅନ୍ୟଏକ ଟ୍ୱିଟରେ ରବିନା କହିଛନ୍ତି ଯେ, ‘‘ ଏଭଳି କାହା ସହିତ ମଧ୍ୟ ଘଟିପାରେ,ତେଣିକି ସେ ଇଣ୍ଡଷ୍ଟ୍ରିରେ ଜନ୍ମ ହୋଇଥିବା ଇନସାଇଡର ହୁଅନ୍ତୁ କିମ୍ବା କୌଣସି ନୂଆ ଚେହେରା-ଆଉଟସାଇଡର । ଏଠାରେ ଦବାଇବା ପାଇଁ ଅନେକ ଅଛନ୍ତି । ମୋତେ ମଧ୍ୟ ଚାପି ଦେବା ପାଇଁ ଉଦ୍ୟମ ହୋଇଥିଲା କିନ୍ତୁ ମୁଁ ଜୋରଦାର ଫାଇଟ୍ କରିଥିଲି । ଖରାପ ରାଜନୀତି ସବୁ ସ୍ଥାନରେ ଅଛି’’

ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟା ପରେ ବଲିଉଡରେ  ଚାଲିଥିବା ଗୋଷ୍ଠୀବାଦକୁ ନେଇ ଅନେକ କିଛି ସାମ୍ନାକୁ ଆସୁଛି । କିଛି ବଡ  ଷ୍ଟାର ଓ ବଡ ପ୍ରଡକ୍ସନ ହାଉସଙ୍କ ରାଜନୀତି ପାଇଁ ସୁଶାନ୍ତଙ୍କୁ ଜୀବନ ହାରିବାକୁ ପଡିଲା ବୋଲି କୁହାଯାଉଛି । ଯେଉଁମାନଙ୍କ ମଧ୍ୟରେ ସଲମାନ ଖାନ୍,ଏକତା କାପୁର,କରଣ ଜୋହର,ଭୁଷଣ କପୁର,ସାଜିଦ୍ ନାଡିୱାଲା ଓ ଆଦିତ୍ୟ ଚୋପ୍ରାଙ୍କ ନାମ ଆସୁଛି । ଏମାନେ ସୁଶାନ୍ତଙ୍କୁ ବ୍ୟାନ୍ କରିଥିଲେ ବୋଲି କୁହାଯାଉଛି ।

ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ଅନେକ ପ୍ରଶ୍ନ ଉଠିଛି । ମୃତ୍ୟୁପରେ ପ୍ରଫେସନାଲ ଲାଇଫ ଠାରୁ ଆରମ୍ଭ କରି ବ୍ୟକ୍ତିଗତ ଜୀବନର ରହସ୍ୟ ଖୋଲିବାରେ ଲାଗିଛି । ସୁଶାନ୍ତଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କ ବିଷୟରେ ମଧ୍ୟ ଗୋଟିଏ ବଡ଼ ସତ୍ୟ ପ୍ରକାଶ ପାଇଛି । ଉଭୟଙ୍କ ରିୟଲ ଇଷ୍ଟେଟ୍ ବ୍ରୋକର ସନ୍ନି ସିଂ କହିଛନ୍ତି ଯେ ଉଭୟ ବିବାହ କରିବାକୁ ଯାଉଥିଲେ । ଯାହାପାଇଁ ଦୁହେଁ ଏକାଠି ବାନ୍ଦ୍ରାଠାରେ ଏକ ଘର ଖୋଜୁଥିଲେ ।

ସୁଶାନ୍ତ ରହୁଥିବା ଘର ବିଷୟରେ ମଧ୍ୟ କହିଛନ୍ତି ଯେ ଦୁହେଁ ଏହି ଘରେ ଏକାଠି ରହୁଥିଲେ । ଭଡା ନେଇ ସୁଶାନ୍ତ ସିଂଙ୍କର କୌଣସି ଅଭିଯୋଗ ନଥିଲା । କିନ୍ତୁ ଦୁହେଁ ଅନ୍ୟତ୍ର ଯିବାକୁ ଚାହୁଁଥିଲେ ।

କାରଣ ସେମାନଙ୍କର ଲେଟ ନାଇଟ ପାର୍ଟି ଯୋଗୁ ସୋସାଇଟି ଆଡୁ ଅଭିଯୋଗ ଆସିବାକୁ ଲାଗିଥିଲା । ଏହା ପୂର୍ବରୁ ମଧ୍ୟ ସେମାନେ ଯେଉଁଠାରେ ରହୁଥିଲେ ସେଠାରେ ମଧ୍ୟ ଲେଟନାଇଟ ପାର୍ଟିକୁ ନେଇ ତାଙ୍କୁ ଘର ଛାଡିବାକୁ କୁହାଯାଇଥିଲା ।

ସପଟେ ଏହା ମଧ୍ୟ କୁହାଯାଇଛି ଯେ ଉଭୟ ଏକାଠି ରହୁଥିଲେ । କିନ୍ତୁ କିଛି ସମୟ ପରେ ଦୁହେଁ ଅଲଗା ରହିବାକୁ ଲାଗିଲେ। ଏକାଠି ରହିବା କାରଣରୁ ଦୁହିଁଙ୍କ ମଧ୍ୟରେ ତିକ୍ତତା ବଢ଼ିଯାଇଥିଲା । ରିୟାଙ୍କ ପାରିବାରିକ ମାମଲାରେ ହସ୍ତକ୍ଷେପକୁ ସୁଶାନ୍ତଙ୍କ ପରିବାର ପସନ୍ଦ କରୁନଥିଲା ବୋଲି ଶୁଣିବାକୁ ମିଳୁଛି । ଏପରିକି ରିୟା ଓ ସୁଶାନ୍ତଙ୍କ ମଧ୍ୟରେ ପ୍ରାୟତଃ ବିଭିନ୍ନ ପ୍ରସଙ୍ଗକୁ ନେଇ ଝଗଡା ହେଉଥିଲା ବୋଲି ସୁଶାନ୍ତଙ୍କ ମ୍ୟାନେଜର ପୋଲିସକୁ କହିଛନ୍ତି ।

ବଲିଉଡ ଜଗତର ବହୁ ଚର୍ଚ୍ଚିତ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ଏବେ ଅବସାଦରେ ତାଙ୍କ ଫ୍ୟାନ୍‌ ଏବଂ ପରିବାର । ସୁଶାନ୍ତଙ୍କ ମୃତ୍ୟୁର ଖବର ପାଇ ତାଙ୍କ ଭାଉଜଙ୍କର ଆଜି ମୃତ୍ୟୁ ହୋଇଛି । ଖାଲି ସେତିକି ନୁହେଁ ଆଜି ତାଙ୍କର ଜଣେ ନାବାଳକ ଫ୍ୟାନ୍‌ ଆତ୍ମହତ୍ୟା କରିଛନ୍ତି । ୧୦ମ ଶ୍ରେଣିର ଛାତ୍ର ନିଜକୁ ଫାଶୀ ଦେଇ ଆତ୍ମହତ୍ୟା କରିଛି । ଏଭଳି ଘଟଣା ଦେଖିବାକୁ ମିଳିଛି ନାଲନ୍ଦାର ଚଣ୍ଡି ପୋଲିସ ଷ୍ଟେସନ ଅଞ୍ଚଳରେ ।

ପରିବାର ଲୋକଙ୍କ କହିବା ଅନୁଯାୟୀ, ସୁଶାନ୍ତଙ୍କ ଆତ୍ମହତ୍ୟା ଖବର ଶୁଣି ତାଙ୍କ ପୁଅ ଅତ୍ୟନ୍ତ ଦୁଃଖିତ ହୋଇପଡ଼ିଥିଲେ । କିନ୍ତୁ ତାଙ୍କର ପୁଅ ଏଭଳି କିଛି ପଦକ୍ଷେପ ନେବେ ବୋଲି ପରିବାର ଲୋକେ ଆଶା କରିନଥିଲେ । ଖବର ପାଇବା ମାତ୍ରେ ପୋଲିସ ଟିମ୍ ଘଟଣାସ୍ଥଳରେ ପହଞ୍ଚି ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଛି । ଏହା ସହ ମାମଲାର ତଦନ୍ତ ଆରମ୍ଭ ହୋଇଛି।

ସୂଚନା ଅନୁଯାୟୀ, ନାବାଳକ ଜଣକ ସୁଶାନ୍ତ ସିଂଙ୍କ ମୃତ୍ୟୁକୁ ସହଜରେ ଗ୍ରହଣ କରିପାରି ନଥିଲେ । ତାଙ୍କର ମୃତ୍ୟୁ ପରେ ସେ ବହୁତ ଦୁଖିତ ହୋଇପଡ଼ିଥିଲେ । ଯାହାପରେ ସେ ନିଜ ନିର୍ମାଣଧିନ ଘରର ଛାତ ଉପରେ ଥିବା ଏକ ରୁମରେ ଦଉଡି ଦେଇ   ମଙ୍ଗଳବାର ସକାଳେ  ଆତ୍ମହତ୍ୟା କରିଥିଲେ । ବହୁ ସମୟ ଧରି ନାବାଳକ ଜଣକ ଘରକୁ ନ ଆସିବାରୁ ଘର ଲୋକ କବାଟ ଭାଙ୍ଗିଥିଲେ । କିନ୍ତୁ ସେତେବେଳକୁ ତାଙ୍କର ମୃତ୍ୟୁ ହୋଇ ସାରିଥିଲା ।

ଘଟଣାର ସୂଚନା ପାଇବା ପରେ ଚାନ୍ଦି ପୋଲିସ ଷ୍ଟେସନ ଘଟଣାସ୍ଥଳରେ ପହଞ୍ଚି ନାବାଳକର ମୃତଦେହକୁ ନେଇ ସଦର ଡାକ୍ତରଖାନାକୁ ପୋଷ୍ଟ ମର୍ଟମ ପାଇଁ ପଠାଇଥିଲା । ଥାନା ଅଧିକାରୀ ରିତୁ ରାଜ କୁମାର କହିଛନ୍ତି ଯେ ଘଟଣାର ପ୍ରଥମିକ ତଦନ୍ତ ଆରମ୍ଭ ହୋଇଛି । ସେ କହିଛନ୍ତି ଯେ ଅଭିନେତା ସୁଶାନ୍ତ ସିଂଙ୍କ ମୃତ୍ୟୁ କାରଣରୁ ଅବସାଦକୁ ଯାଇ ସେ ଏଭଳି ନିଷ୍ପତ୍ତି ନେଇଛନ୍ତି ।