ଫରିଦାବାଦ: ହରିୟାଣାରେ କରୋନା କୋପ ଜାରି ରହିଛି । ମଙ୍ଗଳବାର ଦିନ ଜିଲ୍ଲାରେ କରୋନା ସଂକ୍ରମଣର ୧୬ଟି ମାମଲା ସାମ୍ନାକୁ ଆସିଥିଲା । ଏବଂ ସେଥିରେ ଗୋଟିଏ ୧୧ବର୍ଷର ଝିଅକୁ ଛାଡ଼ି ପୂରା ପରିବାର କରୋନା ସଂକ୍ରମଣ ଶିକାର ହୋଇଥିଲା । ଏହାପରେ ଝିଅଟି ପୂରାପୂରି ଏକା ହୋଇଯାଇଥିଲା ।ପରିସ୍ଥିତି ଏମିତି ଥିଲା ଯେ, ତା’ପଖକୁ ଯିବାକୁ ତାଙ୍କର କୌଣସି ସମ୍ପର୍କୀୟ ମଧ୍ୟ ରାଜି ହୋଇ ନଥିଲେ  । ଏଭଳି ପରିସ୍ଥିତିରେ ପଡ଼ୋଶୀ ବଢାଇଥିଲେ ସହାୟତାର ହାତ । ଯଦିଓ ପଡ଼ୋଶି ଘର ଭିତରକୁ ଯାଉ ନାହାଁନ୍ତି କିନ୍ତୁ ଘର ବାହାରେ ରହି ଝିଅର ଖାଇବା ପିଇବାର ଖବର ନେଉଛନ୍ତି ।  ଏହା ସହ ଝିଅଟି କେମିତି ଖୁସିରେ ରହିବ ସେନେଇ ସେମାନେ ଝିଅକୁ ଭିଡ଼ିଓ କଲ ମଧ୍ୟ କରୁଛନ୍ତି ।

ସୂଚନା ଅନୁସାରେ ଏହି ପରିବାରର ୭୬ ବର୍ଷୀୟ ଜଣେ ମହିଳାଙ୍କ କରୋନା କାରଣରୁ ମୃତ୍ୟୁ ହୋଇଥିଲା । ଏହା ପରେ ଯେତେବେଳେ ସ୍ୱାସ୍ଥ୍ୟ ବିଭାଗ ପୂରା ପରିବାରର କରୋନା ଟେଷ୍ଟ କରାଇଲେ ସେ ସମୟରେ ପରିବାର ୪ଜଣ  ସଦସ୍ୟ ଅର୍ଥାତ୍ ମୃତ ମହିଳାଙ୍କ ସ୍ୱାମୀ, ପୁଅ, ବୋହୂ ଓ ନାତୁଣୀ ସମସ୍ତେ କରୋନା ସଂକ୍ରମିତ ହୋଇଥିବା ଜଣାପଡ଼ିଥିଲା । କିନ୍ତୁ ଆଶ୍ଚର୍ଯ୍ୟର କଥା ଏହା ଯେ, ପରିବାରର ସବୁ ସଦସ୍ୟ କରୋନା ସଂକ୍ରମିତ ବାହାରିବା ପରେ ବଞ୍ଚିଯାଇଥିଲା ୧୧ବର୍ଷର ଝିଅଟି ।

ସାହାଯ୍ୟ କରୁଛନ୍ତି ପଡୋଶୀ

ପରିବାରରେ ସବୁ ଲୋକ ସଂକ୍ରମିତ ହେବା ପରେ ସେମାନଙ୍କୁ ଆସୋଲେସନରେ ରଖାଗଲା । କିନ୍ତୁ ଘରେ ଏକା ରହିଗଲା ୧୧ବର୍ଷର ଝିଅଟି । ଏବଂ ଝିଅଟିର ଦେଖାଶୁଣା ପାଇଁ ତାଙ୍କର କେହିବି ସମ୍ପର୍କିୟ ରାଜି ହୋଇ ନଥିଲେ । ତେଣୁ ପଡ଼ୋଶି ଯେତେ ସମ୍ଭବ ଝିଅଟିକୁ ସାହାଯ୍ୟ କରୁଛନ୍ତି ।  କେବଳ ସେତିକି ନୁହେଁ ପଡ଼ୋଶୀମାନେ ଝିଅଟି ସହ ଭିଡ଼ିଓ କଲ ମାଧ୍ୟମରେ କଥା ହେବା ସହ ବିଳମ୍ବିତ ରାତି ପର୍ଯ୍ୟନ୍ତ ପଡୋଶିମାନେ ଘର ବାହାରେ ରହୁଛନ୍ତି, ଯେପରି ଝିଅଟିର କିଛି ଅସୁବିଧା ନ ହୁଏ ।

ନୂଆଦିଲ୍ଲୀ: କରୋନା ଭାଇରସ୍ ମହାମାରୀ ସଙ୍କଟ ସମୟରେ ଦେଶରେ ଲକଡାଉନ୍ ୪୯ଦିନରେ ପହଞ୍ଚିଛି । ଏହି ମଧ୍ୟରେ ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶକୁ ସମ୍ବୋଧିତ କରି ଆର୍ଥିକ ପ୍ୟାକେଜର ଘୋଷଣା କରିଥିଲେ । କରୋନା ସଙ୍କଟ ସମୟରେ ହୋଇଥିଲବା କ୍ଷତିର ଭରଣ ଏବଂ ଦେଶକୁ ପୁଣି ଶକ୍ତିଶାଳୀ କରିବାକୁ ପ୍ରଧାନମନ୍ତ୍ରୀ ୨୦ଲକ୍ଷ କୋଟିର ରିହାତି ପ୍ୟାକେଜ ଘୋଷଣା କରିଛନ୍ତି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ପ୍ୟାକେଜ୍ ନାଁ ଦେଇଛନ୍ତି ‘ଆତ୍ମନିର୍ଭର ଭାରତ’ । ସେ କହିଛନ୍ତି  ଯେ, ଏହି ପ୍ୟାକେଜରେ ଅର୍ଥବ୍ୟବସ୍ଥାକୁ ସକ୍ରିୟ କରିବାରେ ସାହାଯ୍ୟ କରିବ । ଏହାସହ ଏହି ପ୍ୟାକେଜ ଦ୍ୱାରା ଦେଶର ଚିତ୍ର ବଦଳିବ । ଏବଂ କରୋନା ସଙ୍କଟରୁ ମୁକ୍ତି ପାଇବାକୁ ସାହାଯ୍ୟ କରିବ । ପ୍ରଧାନମନ୍ତ୍ରୀ ସ୍ପଷ୍ଟ କରିଛନ୍ତି ଯେ, ଏହି ଆର୍ଥିକ ପ୍ୟାକେଜରେ କୁଟୀର ଶିଳ୍ପ, କ୍ଷୁଦ୍ର ଶିଳ୍ପ, ଶ୍ରମିକ, କୃଷକ ଏବଂ ମଧ୍ୟବିତ୍ତଙ୍କୁ ଉପକୃତ କରିବ ।  ଆସନ୍ତୁ ଜାଣିବା ଏହି ପ୍ୟାକେଜରେ ଥିବା କିଛି ରୋଚକ ତଥ୍ୟ ।

ପ୍ରଥମ ଉଦାହରଣ

ସମସ୍ତଙ୍କ ମନରେ ଗୋଟିଏ ପ୍ରଶ୍ନ ଆସୁଛି ଯେ, ୨୦ ଲକ୍ଷ କୋଟି ଟଙ୍କା କେଉଁ କେଉଁ କ୍ଷେତ୍ରରେ ଘୋଷଣା କରାଯିବ । ଏବଂ ଏଥିରେ କେମିତି ବଦଳିବ ଦେଶର ଚିତ୍ର । ତେବେ ଆମେ ଆପଣଙ୍କୁ ଏବିଷୟରେ ବିସ୍ତୃତ ଭାବେ ଜଣାଇବୁ ।

୨୦ଲକ୍ଷ କୋଟିର ଏହି ପ୍ୟାକେଜ ଦେଶର ଜିଡିପର ୧୦ ପ୍ରତିଶତ । ଅର୍ଥାତ ଭାରତର ଅର୍ଥବ୍ୟବସ୍ତା ୨୦୦ଲକ୍ଷ କୋଟି ଟଙ୍କା । ଭାରତ ୨୦୨୦-୨୧ ବଜେଟରେ ପ୍ରାୟ ୩୦ଲକ୍ଷ କୋଟି ଟଙ୍କା ନିର୍ଦ୍ଧାରିତ କରିଛି ।

୨ୟ ଉଦାହରଣ

ଭାରତର ପ୍ରତ୍ୟେକ ଜିନିଷ ପାକିସ୍ତାନ ସହ ତୁଳନା କରାଯାଏ, ଯଦି ପ୍ରଧାନମନ୍ତ୍ରୀଙ୍କ ଦ୍ୱାରା ଦିଆଯାଇଥିବା ପ୍ୟାକେଜର ତୁଳନା ପାକିସ୍ତାନ ଅର୍ଥବ୍ୟବସ୍ଥା ସହ କରାଯାଏ ତେବେ ୨୦୧୯ରେ ପାକିସ୍ତାନ ସରକାର ୭୦୨୨ବିଲିୟନ ପାକିସ୍ତାନୀ ବଜେଟ୍ ଉପସ୍ଥାପନା କରିଥିଲେ । ଭାରତୀୟ ଟଙ୍କାରେ ଏହା ପାଖାପାଖି ୩.୩୦ଲକ୍ଷ କୋଟି ପାଖାପାଖି । ଭାରତର ରିହାତି ପ୍ୟାକେଜ ପାକିସ୍ତାନର ବଜେଟର ୬ଗୁଣା ଅଧିକ ।

୩ୟ ଉଦାହରଣ

ମହାରାଷ୍ଟ୍ର ସରକାର ୨୦୨୦-୨୧ବର୍ଷ ପାଇଁ ୪.୩୪ଲକ୍ଷ କୋଟି ଟଙ୍କାର ବଜେଟ ଉପସ୍ଥାପନା କରିଥିଲେ ଯଦି ଏହି ପ୍ୟାକେଜର ତୁଳନା ମହାରାଷ୍ଟ୍ର ବଜେଟ୍ ସହ କରାଯାଏ ତେବେ ଜଣାପଡ଼ିବ ଯେ, ମହାରାଷ୍ଟ୍ରର ସମ୍ପୂର୍ଣ୍ଣ ବଜେଟର ୪ଗୁଣା ଅଧିକ ହେବ ଏହି ପ୍ୟାକେଜର ମୁଲ୍ୟ ।

୪ର୍ଥ ଉଦାହରଣ

ଭାରତର ରକ୍ଷା ବଜେଟ ୨୦୧୯-୨୦ରେ ସମୁଦାୟ ୩,୦୫,୨୯୬ କୋଟି ଟଙ୍କା ଥିଲା । ଏହା ତୁଳନାରେ ଏହି ପ୍ୟାକେଜର ମୁଲ୍ୟ ୨୦ଲକ୍ଷ କୋଟି ଅର୍ଥାତ୍ ୬ଗୁଣା ଅଧିକ ହେବ । ସ୍ୱାସ୍ଥ୍ୟ ବଜେଟର କଥା କୁହାଯାଏ ତ ଭାରତ ୨୦୨୦-୨୧ବର୍ଷ ପାଇଁ ସମୁଦାୟ ୬୯ହଜାର କୋଟି ଟଙ୍କା ନିର୍ଦ୍ଧାରିତ କରାଯାଇଛି । ଅର୍ଥାତ୍ ସ୍ୱାସ୍ଥ୍ୟ ବ୍ୟବସ୍ଥାର ପ୍ରାୟ ୩୦ଗୁଣା ଅଧିକ ହେଉଛି ଏହି ପ୍ୟାକେଜ୍ ।

ପଞ୍ଚମ ଉଦାହରଣ

ଭାରତ ସରକାର ୨୦୨୦-୨୧ବର୍ଷ ଶିକ୍ଷାବ୍ୟବସ୍ଥା ଉପରେ ୯୯୩୦୦କୋଟି ଟଙ୍କା ଖର୍ଚ୍ଚ କରିବାର ଯୋଜନା ରହିଛି । ଯାହା  ପ୍ୟାକେଜର ପରିମାଣର ପ୍ରାୟ ୨୦ ପ୍ରତିଶତ ହୋଇଥିବାବେଳେ ୨୦୧୯-୨୦ ଆର୍ଥିକ ବର୍ଷରେ ଭାରତ ସରକାରଙ୍କ ମୋଟ ଖର୍ଚ୍ଚ ୨୬.୯୯ ଲକ୍ଷ କୋଟି ଟଙ୍କା ଥିଲା । ଯାହା ରିଲିଫ୍ ପ୍ୟାକେଜ୍ ଠାରୁ ପ୍ରାୟ ୩୦ ପ୍ରତିଶତ ଅଧିକ ।

ଆପଣଙ୍କୁ କହି ରଖୁଛୁ ଯେ, ମଙ୍ଗଳବାର ରାତି ୮ଟାରେ ରାଷ୍ଟ୍ରକୁ ସମ୍ବୋଧିତ କରି ଏକ ପ୍ୟାକେଜର ଘୋଷଣା କରିଛନ୍ତି । କରୋନା ସଙ୍କଟ ପାଇଁ ସବୁ କାର୍ଯ୍ୟ ବନ୍ଦ ହୋଇଯାଇଛି । ଅର୍ଥବ୍ୟବସ୍ଥାକୁ ଠିକ୍ କରିବାକୁ ଯାଇ ଏହି ପ୍ୟାକେଜର ଘୋଷଣା କରାଯାଇଛି ।

ନୂଆଦିଲ୍ଲୀ: ଅର୍ଥମନ୍ତ୍ରୀ ନର୍ମଳା ସୀତାରମଣ ଆଜି ଅପରାହ୍ନ ୪ଟାରେ ସାମ୍ବାଦିକ ସମ୍ମିଳନୀ କରିବେ । ଏହି ସମୟରେ ୨୦ଲକ୍ଷ କୋଟି ଟଙ୍କାର ପ୍ୟାକେଜ୍ ସମ୍ବନ୍ଧୀୟ ତଥ୍ୟ ଦେବେ । ଏହି ଆର୍ଥିକ ପ୍ୟାକେଜର ଘୋଷଣା ମଙ୍ଗଳବାର ଦିନ ପ୍ରଧାନମନ୍ତ୍ରୀ ଦେଶକୁ ସମ୍ବୋଧିତ କରିବା ସମୟରେ କରିଥିଲେ ।

ଆର୍ଥିକ ପ୍ୟାକେଜ ସହ ଜଡ଼ିତ ବସ୍ତୃତ ତଥ୍ୟ ଆଜି ଅର୍ଥମନ୍ତ୍ରୀ ନିର୍ମଳା ସୀତାରମଣ ଦେବେ । ଯଦିଓ ଏକ ଗଣମାଧ୍ୟମ ସହ କଥା ହେବା ସମୟରେ ଅର୍ଥମନ୍ତ୍ରାଳୟର ମୁଖ୍ୟ ପରାମର୍ଶଦାତା ସଞ୍ଜୀବ ସାନ୍ୟାଲ କହିଛନ୍ତି ଯେ, ଏହି ପ୍ୟାକେଜ ଦୁଇ କିମ୍ବା ତିନୋଟି ପର୍ଯ୍ୟାୟରେ ଏହାର ସମ୍ପୂର୍ଣ୍ଣ ସୂଚନା ପ୍ରକାଶ ପାଇବ। ଏହି ପ୍ୟାକେଜ୍ ସମାଜର ପ୍ରତ୍ୟେକ ବର୍ଗକୁ ସାହାଯ୍ୟ କରିବ ବୋଲି ସେ ଭରସା ଦେଇଛନ୍ତି ।

କରୋନା ଭାଇରସ୍ ମହାମାରୀ ସଙ୍କଟ ସମୟରେ ଦେଶରେ ଲକଡାଉନ୍ ୪୯ଦିନରେ ପହଞ୍ଚିଛି । ଏହି ମଧ୍ୟରେ ଗତକାଲି ପ୍ରଧାନ୍ତ୍ରୀ ନରେନ୍ଦ୍ର ମୋଦିଙ୍କୁ ସମ୍ବୋଧିତ କରି ଆର୍ଥିକ ପ୍ୟାକେଜର ଘୋଷଣା କରିଥିଲେ । କରୋନା ସଙ୍କଟ ସମୟରେ ହୋଇଥିଲବା କ୍ଷତିର ଭରଣ ଏବଂ ଦେଶକୁ ପୁଣି ଶକ୍ତିଶାଳୀ କରିବାକୁ ପ୍ରଧାନମନ୍ତ୍ରୀ ୨୦ଲକ୍ଷ କୋଟିର ରିହାତି ପ୍ୟାକେଜ ଘୋଷଣା କରିଛନ୍ତି ।

MSME ପାଇଁ ପ୍ରଧାନମନ୍ତ୍ରୀ ମୋଦିଙ୍କ ସ୍ୱତନ୍ତ୍ର ଆର୍ଥିକ ପ୍ୟାକେଜ୍ ଘୋଷଣା

୨୦ଲକ୍ଷ କୋଟିର ଏହି ପ୍ୟାକେଜ ଦେଶର ଜିଡିପର ୧୦ ପ୍ରତିଶତ । ଏହା ୨୦୨୦-୨୧ର ସିକୃତ ବଜେଟ୍ ଅର୍ଥାତ ୩୦ଲକ୍ଷ କୋଟିରୁ ପ୍ରାୟ ୧୦ଲକ୍ଷ କୋଟି କମ । ପ୍ରଧାନମନ୍ତ୍ରୀ ସ୍ପଷ୍ଟ କିରଛନ୍ତଚି ଏହି ଆର୍ଥିକ ପ୍ୟାକେଜରେ କୁଟୀର ଶିଳ୍ପ, କ୍ଷୁଦ୍ର ଶିଳ୍ପ, ଶ୍ରମିକ, କୃଷକ ଏବଂ ମଧ୍ୟବିତ୍ତଙ୍କୁ ଉପକୃତ କରିବ । ଏହା ସହିତ ଭାରତୀୟ ଶିଳ୍ପକୁ ମଧ୍ୟ ନୂଆ ଶକ୍ତି ଦିଆଯିବ ।