ରେସଲିଂ ରିଙ୍ଗରେ ଆଉ ଦେଖାଯିବେନି ଦି ଅଣ୍ଡରଟେକର୍ । ଡବ୍ଲୁ ଡବ୍ଲୁ ଇ ସ୍ପୋଟସରୁ ସ୍ଥାୟୀ ଭାବେ ଅବସର ନେବା ନେଇ ପରୋକ୍ଷ ଭାବେ ସୂଚନା ଦେଇଛନ୍ତି ଅଣ୍ଡରଟେକର । ସାମାଜିକ ଗଣମାଧ୍ୟମରେ ପୋଷ୍ଟ କରି ସେ ଜଣାଇଛନ୍ତି ଏବେ ରିଙ୍ଗକୁ ଓହ୍ଲାଇବା ପାଇଁ ମୋର ଆଗ୍ରହ ନାହିଁ । ଏଣୁ ଡବ୍ଲୁ ଡବ୍ଲୁ ଇ ଜଗତରୁ ସେ ଖୁବ୍ ଶୀଘ୍ର ଅବସର ନେବେ । ୫୫ ବର୍ଷୀୟ ମାର୍କ କାଲାବେ ରେସିଲିଂ ଜଗତରେ ଅଣ୍ଡରଟେକର ଭାବେ ଦର୍ଶକଙ୍କ ଗହଣରେ ବେଶ ଆଦୃତ । ତାଙ୍କ ଉପରେ ସଦ୍ୟ ନିର୍ମିତ ଡକୁମେଣ୍ଟାରୀରେ ସେ କହିଥିଲେ ଯେ ରେସିଲିଂ ଜଗତରେ ସେ ଜିତିବା ଭଳି ଅନ୍ୟ କୌଣସି ଟାଇଟେଲ୍ ବାକି ନାହିଁ ।
ସେହିଭଳି ସେ କହିଛନ୍ତି ଯ କ୍ୟାରିୟର ଶେଷ କରିବା ପାଇଁ ଏହା ଶ୍ରେଷ୍ଠ ସମୟ । ଏଣୁ ଯଥାଶୀଘ୍ର ଅବସର ନେବା ଆବଶ୍ୟକ । ତେବେ ଜୀବନର ଶେଷ ମ୍ୟାଚ କେବେ ଖେଳିବେ ସେ ନେଇ କୌଣସି ବିଦ୍ଧିବଦ୍ଧ ଘୋଷଣା ଅଣ୍ଡରଟେକର୍ କରିନାହାନ୍ତି । ଉଲ୍ଲେଖଯୋଗ୍ୟ ଯେ, ଅଣଣ୍ଡରଟେକର୍ ଉଭୟ ରୟଲ ରମ୍ୱଲ୍ସ ଓ ଟ୍ୟାଗ୍ ଟିମ୍ ଟାଇଟଲ୍ ହାତେଇ ସାରିଛନ୍ତି ।
୧୯୯୦ ଦଶକରେ କ୍ୟାରିୟର ଆରମ୍ଭ କରିଥିବା ଅଣ୍ଡରଟେକରଙ୍କର ପୁରା ଦୁନିଆରେ ଅନେକ ଫ୍ୟାନ୍ ରହିଛନ୍ତି । ବିଶେଷକରି ସେ ଭାରତରେ ବେସ ଲୋକପ୍ରିୟ । ଭାରତୀୟ ସିନେମାରେ ମଧ୍ୟ ସେ ଅଭିନୟ କରିଛନ୍ତି । ୧୯୯୬ ମସିହାରେ ଆସିଥିବା ଅକ୍ଷୟ କୁମାରଙ୍କ ଫିଲ୍ମ ଖିଲାଡିଓଁ କା ଖିଲାଡିରେ ଅଣ୍ଡରଟେକର ଅଭିନୟ କରିଥିଲେ । ଏହି ଫିଲ୍ମରେ ଅକ୍ଷୟଙ୍କୁ ଅଣ୍ଡରଟେକରଙ୍କ ସହ ରିଂଗ୍ ଭିତରେ ଫାଇଟ୍ କରିବାର ଦେଖିବାକୁ ମିଳିଥିଲା ।
ବାବା ରାମଦେବ କହିଛନ୍ତି ଯେ, ଦିଲ୍ଲୀଠାରୁ ଆରମ୍ଭ କରି ବହୁ ସହରରେ ସେ ଏହାକୁ ନେଇ କ୍ଲିନିକାଲ କଣ୍ଟ୍ରୋଲ ଷ୍ଟଡ଼ି କରିଛନ୍ତି । ୨୮୦ ରୋଗୀଙ୍କ ଉପରେ ଏହାର ପରୀକ୍ଷଣ କରାଯାଇଥିବା ସେ ଦାବି କରିଛନ୍ତି । ବାବା ରାମଦେବଙ୍କ ଦାବି ଯେ, ଏହି ଔଷଧ ସେବନ ଦ୍ୱାରା ଶହେ ପ୍ରତିଶତ ରୋଗୀ ଆରୋଗ୍ୟ ହେବା ସହ ଜଣକର ବି ମୃତ୍ୟୁ ହୋଇନାହିଁ । କରୋନାର ପ୍ରତ୍ୟେକ ପର୍ଯ୍ୟାୟରେ ଔଷଧ କାମ କରୁଛି ବୋଲି ବାବା ରାମଦେବ ଦାବି କରିଛନ୍ତି । ଦ୍ୱିତୀୟ ପର୍ଯ୍ୟାୟରେ କ୍ଲିନିକାଲ କଣ୍ଟ୍ରୋଲ ଟ୍ରାଏଲ କରାଯାଇଥିଲା ।
