ବ୍ରହ୍ମପୁର: ଏସି ସର୍ଟ ସର୍କିଟ ଯୋଗୁଁ ୩ ଜଣଙ୍କର ମୃତ୍ୟୁ ହୋଇଛି । ଶ୍ୱାସରୁଦ୍ଧ ହୋଇ ମୃତ୍ୟୁ ହୋଇଥିବା ସୂଚନା ମିଳିଛି । ମୃତକ ବ୍ୟକ୍ତି ହେଉଛନ୍ତି ବିସିସି ବ୍ୟାଙ୍କ ସଭାପତି ତଥା ବିଜେଡି ନେତା ଅଲେଖ ଚୌଧୁରୀ, ତାଙ୍କ ଶଳା ଭଗବାନ ପାତ୍ର ଏବଂ ତାଙ୍କ ଘରେ କାମ କରୁଥିବା ଜଣେ ବ୍ୟକ୍ତି ସୁନୀଲ ବେହେରା ।
ବ୍ରହ୍ମପୁର ଗୋଷାଣି ନୂଆଗାଁ କାଳୁଆସାହିରେ ଘଟିଛି ଏହି ଅଘଟଣ । ବିଳମ୍ବିତ ରାତିରେ ଏସି ସର୍ଟସର୍କିଟ୍ରୁ ଏହି ଅଗ୍ନିକାଣ୍ଡ ହୋଇଥିବା ସୂଚନା ମିଳିଛି । ପତ୍ନୀଙ୍କୁ ଉଦ୍ଧାର କରିବା ପରେ ନିଜେ ଆଖିବୁଜିଲେ ଅଲେଖ ଚୌଧୁରୀ । ଅଲେଖଙ୍କ ପତ୍ନୀଙ୍କୁ ଗୁରୁତର ଅବସ୍ଥାରେ MKCGରେ ଭର୍ତ୍ତି କରାଯାଇଛି
ଆଜିର ପଞ୍ଚାଙ୍ଗ
ମେ ୨୯, ୨୦୨୦ ମସିହା, ବୃଷ ୧୬ ଦିନ,
୧୯୪୨ ଶକାଦ୍ଦ,୧୪୨୭ ସାଲ୍, ୨୦୭୭ ସମ୍ବତ୍
ଜ୍ୟେଷ୍ଠ ମାସ, ଶୁକ୍ଳପକ୍ଷ, ସପ୍ତମୀ ତିଥି, ଶୁକ୍ରବାର
ମୃଘା ନକ୍ଷତ୍ର
ସିଂହ ରାଶିରେ ଚନ୍ଦ୍ର ଅବସ୍ଥାନ କରୁଛନ୍ତି
ଯୋଗିନୀ ବାୟବ୍ୟରେ ରହୁଥିବାରୁ ବାୟବ୍ୟ କୋଣକୁ ଯାତ୍ରା ନିଷେଧ
କର୍କଟ, ମକର ରାଶି ପୁରୁଷଙ୍କର ଘାତଚନ୍ଦ୍ର
ବିଛା, ଧନୁ, ମୀନ ରାଶିର ଘାତବାର
ଶୁଭ ସମୟ-ଦିନ ୧୨ଟା ଠାରୁ ଦିନ ୩ଟା ୪୫ ମିନିଟ୍ ପଯ୍ୟନ୍ତ
ଅଶୁଭ ସମୟ-ଦିନ ୧୦ ଟା ୩୦ ମିନିଟ୍ ଠାରୁ ଦିନ ୧୨ ଟା ପଯ୍ୟନ୍ତ
ମେଷ ରାଶି-
ଅଶ୍ବିନୀ -ଦିନଟି ଭଲ ରହୁ ନଥିବାରୁ ଶାରିରୀକ, ମାନସିକ ଦୁଶ୍ଚିନ୍ତା ବଢିବ
ଦ୍ବିଜା- କର୍ମକ୍ଷେତ୍ରରେ ସଫଳତା, ନିଜର ବ୍ୟବହାର ଦ୍ଵାରା ଅନ୍ୟକୁ ଆପଣାର କରିବେ
କୃତ୍ତିକା- ପ୍ରେମ ସଂପର୍କ ଭଲ ରହିବ, ରୋଜଗାର ଆଶାନୁରୁପ ରହିବ
ପିମ୍ପୁଡିକୁ ଚିନି ଖାଇବାକୁ ଦିଅନ୍ତୁ
ବୃଷରାଶି ରାଶି-
କୃତ୍ତିକା – କାର୍ଯ୍ୟରେ ସଫଳତା ପାଇଁ ନୂଆ ଯୋଜନା କରିବେ
ରୋହିଣୀ- ନିଜ ଲୋକ ଶତ୍ରୁ ପରି ବ୍ୟବହାର କରିବେ
ମୃଗଶିରା- ଜୀବନ ସାଥିଙ୍କ ସହ ମଧୁର ସଂପର୍କ ରହିବ, ଆର୍ଥିକସ୍ଥିତିରେ ସୁଧାର ଆସିବ
ଗୋ ସେବା କରନ୍ତୁ, ସମସ୍ତ କଷ୍ଟରୁ ମୁକ୍ତି ମିଳିବ
ମିଥୁନ ରାଶି
ମୃଗଶିରା-ପ୍ରତୀକ୍ଷାରେ ଥିବା ଖବର ପାଇ ଖୁସି ରହିବେ
ଆଦ୍ରା- ସନ୍ତାନଙ୍କ ସ୍ବାସ୍ଥ୍ୟ ଓ ଶିକ୍ଷାକୁ ନେଇ ଚିନ୍ତା ବଢିବ, ଆକସ୍ମିକ ଖର୍ଚ୍ଚ ବଢିବ
ପୁନର୍ବସୁ- ପରିବାରକୁ ସହଯୋଗ କରିବାର ସୁଯୋଗ ପାଇବେ
ଭଗବାନ କୃଷ୍ଣଙ୍କୁ ତୁଳସୀ ଅର୍ପଣ କରନ୍ତୁ, ଦିନଟି ଭଲରେ କଟିବ
କର୍କଟ ରାଶି
ପୁନର୍ବସୁ – ବନ୍ଧୁଙ୍କର ପରାମର୍ଶ ଆପଣଙ୍କ ପାଇଁ ଲାଭ ଦାୟକ ରହିବ
ପୁଷ୍ୟ।- ଦିନଟି ଆପଣଙ୍କ ବିପକ୍ଷରେ ରହୁଥିବାରୁ ନିଜର କଥା ଉପରେ ନିୟନ୍ତ୍ରଣ ରଖନ୍ତୁ
ଅଶ୍ଲେଷା- ପାରିବାରିକ ସ୍ଥିତି ମଜବୁତ୍ ରହିବ, ପୁରା ଦିନ ହସଖୁସିରେ କଟିବ
ଗରିବ ଅସହାୟ ବ୍ୟକ୍ତିକୁ ଜଳ ଦାନ କରନ୍ତୁ
ସିଂହରାଶି ରାଶି
ମଘା -ପାରିବାରିକ ଅଶାନ୍ତି ଏବଂ ଆକସ୍ମିକ ଖର୍ଚ୍ଚ ବଢିବ, ମନୋବଳ ଦୁର୍ବଳ ରହିବ
ପୂର୍ବା ଫାଲଗୁନି- କ୍ୟାରିୟର କିମ୍ବା ପ୍ରଫେସନ୍ ସଂପର୍କିତ କୈାଣସି ନିଷ୍ପତ୍ତି ନିଅନ୍ତୁ
ଉତ୍ତରାଫାଲଗୁନି- ବନ୍ଧୁଙ୍କର ସହଯୋଗ ପାଇବେ, କିଛି ଶୁଭ ସୂଚନା ପାଇବେ
ଗାୟତ୍ରୀ ମନ୍ତ୍ର ୧୦୮ ଥର ପାଠ କରନ୍ତୁ
କନ୍ୟା ରାଶି
ଉତ୍ତରଫାଲଗୁନି- ଧାର୍ମିକ କାର୍ଯ୍ୟରେ ସମୟ କଟିବ, ପରିବାରର ସଂପୂର୍ଣ୍ଣ ସହଯୋଗ ପାଇବେ
ହସ୍ତା- ଆର୍ଥିକସ୍ଥିତିକୁ ନେଇ ଚିନ୍ତା ବଢିବ,
ଚିତ୍ରା- ନିଜ କାର୍ଯ୍ୟ ପାଇଁ ଅନ୍ୟ ଦ୍ଵାରା ପ୍ରଶଂସିତ ହେବେ
ତୁଳସୀ ମୂଳର ମାଟିକୁ ମଥାରେ ଲଗାନ୍ତୁ
ତୁଳା ରାଶି
ଚିତ୍ରା – ପାରିବାରିକ, ବ୍ୟବସାୟ, କର୍ମକୁ ନେଇ ଖୁସିରେ ଦିନଟି କଟିବ
ସ୍ବାତୀ- ସ୍ବାସ୍ଥ୍ୟ ସମସ୍ୟାକୁ ନେଇ ବିଚଳିତ ରହିବେ, ସତର୍କ ରହିବେ
ବିଶାଖା- ପରିବାରର ସହଯୋଗ ପାଇବେ, ମନ ପ୍ରସନ୍ନ ରହିବ
ଘରୁ ବାହାରିବା ବେଳେ କିଛି ମିଠା ଖାଆନ୍ତୁ
ବିଛାରାଶି
ବିଶାଖା- ସ୍ଥଗିତ ଥିବା କାର୍ଯ୍ୟରେ ସଫଳତା ପାଇବେ
ଅନୁରାଧା- ସ୍ୱାସ୍ଥ୍ୟ ପ୍ରତି ବିଶେଷ ଧ୍ୟାନ ଦେଇ ଚଳନ୍ତୁ, ଆକସ୍ମିକ ବିପଦ ରହିଛି
ଜ୍ୟୋଷ୍ଠା- ଶିକ୍ଷା କ୍ଷେତ୍ରରେ କାର୍ଯ୍ୟରତ ବ୍ୟକ୍ତିଙ୍କୁ ଶୁଭ ସୂଚନା ମିଳିପାରେ
ଧନୁ ରାଶି
ମୂଳା- ସନ୍ତାନମାନଙ୍କର ବ୍ୟବହାରକୁ ନେଇ ଚିନ୍ତାରେ ରହିବେ
ପୂର୍ବାଷାଢା- ନିଜ ଚେଷ୍ଟାରେ ସଫଳତା ପାଇବେ, ପାରିବାରିକ ସ୍ଥିତି ଦୃଢ ହେବ
ଉତ୍ତରାଷାଢା- ବନ୍ଧୁଙ୍କର ପରାମର୍ଶ ଆପଣଙ୍କ ପାଇଁ ଲାଭ ଦାୟକ ରହିବ
ହନୁମାନଙ୍କୁ ଗୋଟା ଫଳ ଅର୍ପଣ କରନ୍ତୁ
ମକର ରାଶି
ଉତ୍ତରାଷାଢା – କର୍ମକ୍ଷେତ୍ରରେ ନିଜର ସ୍ଥିତି ସୁଧାରିବା ପାଇଁ ସୁଯୋଗ ପାଇବେ
ଶ୍ରବଣା- ବନ୍ଧୁଙ୍କ ସହ ନିଜର ମନ କଥାକୁ ସେୟାର କରନ୍ତୁ
ଧନିଷ୍ଠା- ପୁରାଦିନ ସତର୍କ ହୋଇ ଚଳନ୍ତୁ, ଆକସ୍ମିକ ବିପଦ ରହିଛି
ମଥାରେ ହଳଦୀ ଟିକା ଲଗାଇ କାମ ଆରମ୍ଭ କରନ୍ତୁ
କୁମ୍ଭ ରାଶି
ଧନିଷ୍ଠା- କିଛି ଜରୁରୀ କାଣ ସଂପୂର୍ଣ୍ଣ ହୋଇପାରେ,ପୁରାଦିନ ପ୍ରସନ୍ନତାରେ ଭରି ଯିବ
ଶତଭିଷା- ବୟସ୍କ ବ୍ୟକ୍ତିଙ୍କ ପରାମର୍ଶ ନେଇ କାର୍ଯ୍ୟ କରନ୍ତୁ, କପଟାତା କାହା ସହ କରନ୍ତୁ ନାହିଁ
ପୂର୍ବଭାଦ୍ରପଦ- ଘରୋଇ କର୍ମଚାରୀଙ୍କ ପାଇଁ କିଛି ଆଶ୍ବସ୍ତିକର ଖବର ମିଳିବାର ସୂଚନା
ବେଲ ପତ୍ରରେ ସିନ୍ଦୁରରେ ଶ୍ରୀଂ ଲେଖି ମା’ ଦୁର୍ଗାଙ୍କୁ ଅର୍ପଣ କରନ୍ତୁ
ମୀନ ରାଶି
ପୂର୍ବଭାଦ୍ରପଦ- ସାମାଜିକ ପ୍ରତିଷ୍ଠା ପାଇବେ, ଅଚାନକ ଶୁଭ ଖବର ମିଳିପାରେ
ଉତ୍ତରଭାଦ୍ରପଦ- ଅନାବଶ୍ୟକ ଚିନ୍ତା ମନକୁ ଭାରାକ୍ରାନ୍ତ କରିଦେବ
ରେବତୀ- ମନରେ ନୂଆବିଚାର ଆସିବ, ଧନ ଲାଭର ସୂଚନା ରହିଛି
ଶ୍ରୀଗଣେଶଙ୍କୁ ଲଡୁ ଭୋଗ ଅର୍ପଣ କରନ୍ତୁ
ଦିଗପହଣ୍ଡି: କୋଭିଡ-୧୯ ପରିପ୍ରେକ୍ଷୀରେ ସାମାଜିକ ଦୂରତ୍ୱ ବଜାୟ ରଖିବା ଏବଂ ମାସ୍କ ପରିଧାନ କରିବା ନେଇ ପ୍ରଶାସନ ତୀକ୍ଷ୍ଣ ନଜର ରଖିଥିବା ବେଳେ ଆଜି ସନ୍ଧ୍ୟାରେ ଦିଗପହଣ୍ଡି ବ୍ଳକ ଚୌଧୁରୀ ଟିକରପଡ଼ା ପଞ୍ଚାୟତ ସରପଞ୍ଚ ସଂଯୁକ୍ତା ଚଣ୍ଡଙ୍କ ଅନୁରୋଧ କ୍ରମେ ସମଗ୍ର ପଞ୍ଚାୟତକୁ ସନ୍ଧ୍ୟାରେ ପ୍ରଶାସନ ପକ୍ଷରୁ ସଟଡାଉନ୍ ଘୋଷଣା କରାଯାଇଛି।
ପଞ୍ଚାୟତ ଅଧୀନ ବିଭିନ୍ନ ଗ୍ରାମର ସଙ୍ଗରୋଧ କେନ୍ଦ୍ରରେ ଥିବା କିଛି ମହାରାଷ୍ଟ୍ର ଓ ସୁରତ ଫେରନ୍ତା ପ୍ରବାସୀ ଓଡ଼ିଆଙ୍କ କରୋନା ସଂକ୍ରମିତ ଚିହ୍ନଟ ହେବାପରେ ଏଭଳି ପଦକ୍ଷେପ ନିଆଯାଇଥିବା ଦିଗପହଣ୍ଡି ଏକଜିକ୍ୟୁଟିଭ ମାଜିଷ୍ଟ୍ରେଟ ତଥା ତହସିଲଦାର ଦିଗପହଣ୍ଡି ବିଡିଓ କୋଭିଡ ୧୯ ନୋଡାଲ ଅଧିକାରୀ ଚିକିଟି ଏସଡିପିଓ ନୂଆଗାଁ ଥାନା ଆଇଆଇସି ପ୍ରମୁଖ ସଂମ୍ପୃକ୍ତ ଇଲାକାରେ ପହଞ୍ଚି ସମଗ୍ର ପଞ୍ଚାୟତକୁ ୧ ସପ୍ତାହ ବ୍ୟାପୀ ସଟଡାଉନ୍ ଘୋଷଣା କରାଯାଇଛି । ପଞ୍ଚାୟତ ଅଧୀନ ସମସ୍ତ ଗାଁ ରେ ଘରୁ ନବହାରିବା ପାଇଁ ମାଇକ ଯୋଗେ ପ୍ରଚାର ସହ ସମ୍ପୃକ୍ତ ଇଲାକାକୁ କଣ୍ଟ୍ରୋଲ ଜୋନ କରିବା ନିମନ୍ତେ ସ୍ଥାନୀୟ ପ୍ରଶାସନିକ ଅଧିକାରୀଙ୍କ ପକ୍ଷରୁ ବିଚାର ଜାରି ରହିଛି।
ନୂଆଦିଲ୍ଲୀ: ଦେଶର ସମସ୍ତ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ କଥା ହେଲେ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ । ମଇ ୩୧ ପରେ ଲକ୍ଡାଉନ୍କୁ କାର୍ଯ୍ୟକାରୀ କରିବା ନେଇ ସେମାନଙ୍କ ମତାମତ ଲୋଡ଼ିଛନ୍ତି ଶ୍ରୀ ଶାହ । ଲକ୍ଡାଉନ୍ ୪.୦ ଶେଷ ହେବାର ୩ ଦିନ ପୂର୍ବରୁ ଫୋନ୍ ଯୋଗେ କଥା ହୋଇ ମୁଖ୍ୟମନ୍ତ୍ରୀମାନଙ୍କ ମତାମତ ଲୋଡ଼ିଛନ୍ତି ଶାହ । ସୂଚନା ଯେଗ୍ୟ ମାର୍ଚ୍ଚ ୨୫ ତାରିଖରେ ସାରାଦେଶରେ ଲାଗୁ ହୋଇଥିଲା ଲକ୍ଡାଉନ୍ । ଇତିମଧ୍ୟରେ ଲକ୍ଡାଉନ୍ର ୩ ପର୍ଯ୍ୟାୟ ଶେଷ ହୋଇଛି । ଏବଂ ୪ର୍ଥ ପର୍ଯ୍ୟାୟ ଜାରି ରହିଛି । ଏଭଳି ସମୟରେ ଆଗକୁ ଲକ୍ଡାଉନକୁ ବଢ଼ାଇବା ନେଇ ମୁଖ୍ୟମନ୍ତ୍ରୀମାନଙ୍କ ମତାମତା ଲୋଡ଼ିଛନ୍ତି ଅମିତ ଶାହ । ଏନେଇ ଗୃହ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି ।
Home Minister Amit Shah spoke to Chief Ministers to get their views on #CoronavirusLockdown. (File pic) pic.twitter.com/S5cs8cxscq
— ANI (@ANI) May 28, 2020
ଭୁବନେଶ୍ୱର: ଲକଡାଉନ 4.0ର ଶେଷ ଭାଗରେ ରାଜ୍ୟରେ ଗଡ଼ିଛି ଘରୋଇ ବସ । ପ୍ରଥମ ଦିନରେ ହାତ ଗଣତି ବସ ଗଡିଥିବାବେଳେ କିଛି ସ୍ଥାନରେ ଯାନ୍ତ୍ରିକ ତ୍ରୁଟି ଯୋଗୁଁ ବସ୍ ଯାତ୍ରା ଆରମ୍ଭ ହୋଇପାରିନି । ତେବେ ଅନେକ ଥର ନିଷ୍ପତ୍ତି ପରିବର୍ତ୍ତନ ଯୋଗୁ ବସ୍ ଚାଲିବ କି ନାହିଁ ସେହି ଦ୍ୱନ୍ଦ୍ୱରେ ଷ୍ଟାଣ୍ଡକୁ ଆସିନଥିଲେ ଯାତ୍ରୀ ।
ତେଣୁ ତାଳଚେରରେ ବିନା ଯାତ୍ରୀରେ ବସ୍ ଗଡ଼ଥିବା ଦେଖିବାକୁ ମିଳିଛି । ତେବେ ବସ୍ ଗଡିବାକୁ ନେଇ ଏବେ ବି ଅନେକ ସମସ୍ୟା ରହିଛି । ବସ ଚଳାଇବାକୁ ଡ୍ରାଇଭର ରାଜି ହେଉନଥିବାବେଳେ ଅନେକ ଗାଡ଼ି ଅଚଳ ହୋଇ ପଡ଼ିରହିଛି ।
ରାତି ପାହିଲାବେଳକୁ ବସ ଷ୍ଟାଣ୍ଡରେ ପହଞ୍ଚିଯାଇଥିଲେ ଯାତ୍ରୀ । ବସ ଚାଲିବା ନିଷ୍ପତ୍ତି ପରେ ଗନ୍ତବ୍ୟ ସ୍ଥଳରେ ପହଞ୍ଚିବା ପାଇଁ ଯାତ୍ରୀଙ୍କ ଆଶା ସଞ୍ଚାର ହୋଇଥିଲା । କିନ୍ତୁ ବାସ୍ତବ ରୂପ ଥିଲା ଆଉ କିଛି । ଭୁବନେଶ୍ୱରରୁ ଗଡ଼ିଲା ମାତ୍ର ହାତ ଗଣତି ବସ । ଯାତ୍ରା କରୁଥିଲେ ବି ଯାତ୍ରୀଙ୍କ ମନରେ ଥିଲା କରୋନା ଭୟ ।
ସେହିପରି ଯାତ୍ରୀ ନଥିବାରୁ ଅନେକ ବସ ମଧ୍ୟ ଷ୍ଟାଣ୍ଡରୁ ବାହାରିପାରିନି । ଯାଜପୁରରୁ ଭୁବନେଶ୍ୱରକୁ ବସ ଗଡିବା ପାଇଁ ସବୁ ବ୍ୟବସ୍ଥା ହୋଇଥିବାବେଳେ ଯାତ୍ରୀଙ୍କ ଦେଖା ନଥିଲା । ସେହିପରି ଅନୁଗୁଳ, ବାଲେଶ୍ୱରରେ ଓ ରାଉରକେଲାରୁ ବି ଗଡିନି ବସ । ତେବେ ଭଦ୍ରକରୁ ଗୋଟିଏ ବସ୍ ଗଡିଥିବାବେଳେ ତାଳଚେରରୁ ବିନା ଯାତ୍ରୀରେ ଗଡିଛି ବସ ।
ଭୁବନେଶ୍ୱର, ପୁରୀ, ବାଲେଶ୍ୱର, ତାଳଚେର ଓ କଟକରୁ ମାତ୍ର ଗୋଟିଏ ଦୁଇଟି ଲେଖାଏଁ ବସ ଗଡ଼ିଛି । ଆଗକୁ ପରିସ୍ଥିତି କିଭଳି ସ୍ୱାଭାବିକ ହେବ ସେ ନେଇ ଘରୋଇ ବସ ମାଲିକ ସଂଘର ତୁହାକୁ ତୁହା ବୈଠକ ଚାଲିଛି । ତେବେ ଜୁନ ପହିଲା ସୁଦ୍ଧା ବସ ଚଳାଚଳ ସ୍ୱାଭାବିକ ହେବ ବୋଲି ପରିବହନ ମନ୍ତ୍ରୀ ଅଶା ଦେଇଛନ୍ତି ।
ତେବେ କର୍ମଚାରୀ ଛୁଟିରେ ଥିବାବେଳେ ଏବେ ବସ ଗଡେଇଲେ ମେ’ ମାସର ରୋଡ ଟିକସ ଦେବାକୁ ପଡିବ ବୋଲି ବସ ମାଲିସ ସଂଘ କହିଛି ।
ଭୁବନେଶ୍ୱର: କରୋନା ଯୋଦ୍ଧାଙ୍କୁ ଉତ୍ସାହିତ କରିବାକୁ ବିଭିନ୍ନ ରାଜନୈତିକ ଦଳର ନେତାଙ୍କ ସହ କଥା ହୋଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କରୋନା ଯୋଦ୍ଧାଙ୍କୁ ଉତ୍ସାହିତ କରିବା ନେଇ ଶନିବାର ସନ୍ଧ୍ୟା ସାଢ଼େ ୫ଟାରେ ଉତ୍କଳ ପ୍ରଦେଶ ଗଠନ ସମୟର ଆଦ୍ୟ ସଙ୍ଗୀତ ‘ବନ୍ଦେ ଉତ୍କଳ ଜନନୀ’ ଗାନ କରିବାକୁ ଅପିଲ କରିଛନ୍ତି ମୁଖ୍ୟମନ୍ତ୍ରୀ । ଏହା ପରେ ଗୁରୁବାର ସନ୍ଧ୍ୟାରେ ଏହି ସଙ୍ଗୀତ ଗାନରେ ସାମିଲା ହେବାକୁ ବିରୋଧୀଙ୍କ ସହ କଥା ହୋଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପିସିସି ସଭାପତିଙ୍କ ନିରଞ୍ଜନ ପଟ୍ଟନାୟକ, ରାଜ୍ୟ ବିଜେପି ସଭାପତି ସମୀର ମହାନ୍ତି, ସମାଜବାଦୀପାର୍ଟି ରାଜ୍ୟ ସଭାପତି ରବି ବେହେରା, କମ୍ୟୁନିଷ୍ଟ ପାର୍ଟିର ଅଳି ପଟ୍ଟନାୟକଙ୍କ ଫୋନ୍ ଯୋଗେ କଥା ହୋଇ ସମ୍ମିଳୀତଭାବେ ବନ୍ଦେ ଉତ୍କଳ ଜନନୀ ଗାନ ନେଇ ସହଯୋଗ ଲୋଡ଼ିଛନ୍ତି । କରୋନା ଯୋଦ୍ଧାଙ୍କୁ ଉତ୍ସାହିତ କରିବା ନେଇ ପ୍ରତିଟି ଓଡ଼ିଆଙ୍କୁ ଏହା ଗାଇବା ଦରକାର ବୋଲି କହିଛନ୍ତି ମୁଖ୍ୟମନ୍ତ୍ରୀ ।
କୋଭିଡ୍ ଯୋଦ୍ଧାଙ୍କ ସମ୍ମାନରେ ବନ୍ଦେ ଉତ୍କଳ ଜନନୀ ସଙ୍ଗୀତ ଗାନ ପାଇଁ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆହ୍ୱାନକୁ ସ୍ୱାଗତ କରୁଛି ।
ବୈଶ୍ୱିକ ମହାମାରୀ କରୋନା ଲଢ଼େଇର ପ୍ରଥମ ଧାଡିର ଯୋଦ୍ଧାମାନଙ୍କୁ ସମ୍ମାନିତ ଓ ଉତ୍ସାହିତ କରିବା ଦେଶ ପ୍ରେମର ନିବେଦନ ।
— Dharmendra Pradhan (@dpradhanbjp) May 28, 2020
ଅପରପକ୍ଷରେ ମୁଖ୍ୟମନ୍ତ୍ରୀଙ୍କ ଦେଇଥିବା ଏହି ଆହ୍ୱାନକୁ ଗ୍ରହଣ କରିଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । କୋଭିଡ ଯୋଦ୍ଧାଙ୍କ ସମ୍ମାନରେ ବନ୍ଦେ ଉତ୍କଳ ଜନନୀ ସଙ୍ଗୀତ ଗାନ ନେଇ ମୁଖ୍ୟମନ୍ତ୍ରୀଙ୍କ ଏହି ଆହ୍ୱାନକୁ ସ୍ୱାଗତ କରିଛନ୍ତି ଶ୍ରୀ ପ୍ରଧାନ । ସେହିଭଳି ବିଜେପି ରାଜ୍ୟ ସଭାପତି ସମୀର ମହାନ୍ତି ମଧ୍ୟ ମୁଖ୍ୟମନ୍ତ୍ରୀଙ୍କ ଆହ୍ୱାନକୁ ସ୍ୱାଗତ କରିଛନ୍ତି । ଏଥିସହିତ ମୁଖ୍ୟମନ୍ତ୍ରୀଙ୍କ ଆହ୍ୱାନ ଅନୁଯାୟୀ ବନ୍ଦେ ଉତ୍କଳ ଜନନୀ ଗାନରେ ସାମିଲ ହେବାକୁ ନିଜ ଦଳର ସମସ୍ତ କାର୍ଯ୍ୟକର୍ତ୍ତାଙ୍କୁ ନିବେଦନ କରିଛନ୍ତି ସମୀର ମହାନ୍ତି ।
ଭୁବନେଶ୍ୱର: ରିଲ୍ ଅପେକ୍ଷା ରିଅଲ ଲାଇଫରେ ବେଶୀ ଚର୍ଚ୍ଚା । ଲକଡାଉନରେ ପ୍ରବାସୀଙ୍କ ପାଇଁ ଦେବଦୂତ ସାଜିଥିବା ସୋନୁ ସୁଦଙ୍କୁ ଏବେ ପ୍ରଶଂସାରେ ପୋତୁଛି ଓଡ଼ିଶା । କେରଳରେ କିଟେକ୍ସ ଗାର୍ମେଣ୍ଟସରେ କେନ୍ଦ୍ରାପଡ଼ା ଫସିଥିବା ୧୭୦ ଯୁବତୀଙ୍କୁ ସହାୟତାର ହାତ ବଢ଼ାଇଛନ୍ତି ସୋନୁ ସୁଦ । ଯୁବତୀମାନେ କମ୍ପାନୀରେ କାମ କରୁଥିବା ବେଳେ ମାଲିକ ଖାଇବା ପିଇବା କି ଦରମା ଦେଉନଥିଲା । ଯୁବତୀ ମାନେ ଏନେଇ ବାରମ୍ବାର ସୋସିଆଲ୍ ମିଡିଆରେ ଜଣାଇବା ସହ ସହାୟତା ପାଇଁ ଆକୁଳ ନିବେଦନ କରିଥିଲେ ।
ଶେଷରେ ସହାୟତାର ହାତ ବଢ଼ାଇଛନ୍ତି ସୋନୁ ସୁଦ । କେରଳରେ ଫସିଥିବା କେନ୍ଦ୍ରାପଡ଼ାର ଯୁବତୀଙ୍କୁ ଓଡ଼ିଶା ଫେରାଇ ନେବା ଲାଗି ବ୍ୟବସ୍ଥା କରାଇଛନ୍ତି । ଯୁବତୀଙ୍କୁ ଘରକୁ ପଠାଇବା ଲାଗି ସୋନୁ ସୁଦ ପଦକ୍ଷେପ ନେବା ପରେ ସୋସିଆଲ୍ ମିଡିଆରେ ତାଙ୍କୁ ଶୁଭେଚ୍ଛାର ସୁଅ ଛୁଟିଛି ।
@SonuSood Since 2006 4m #ABA to till date a loveable Journey Paa Jii,Yes a Man can leave this world but not his legacy & being an Odia I send u many Regards to send 170 Girl Of our Odisha Thank U @arunbothra Sir in deed 2day Mahadev's marriage day it's a best Gift @CMO_Odisha 🙏 https://t.co/1rI3IUcaMx
— Citizen/NAGRIK/Deshwasi/Pranav (@pranavkesinga) May 28, 2020
ଅନଲାଇନରେ ଓଡ଼ିଆ ସୋନୁ ସୁଦଙ୍କୁ ପ୍ରଶଂସା କରୁଥିବା ବେଳେ ବାଦ୍ ପଡ଼ିନାହାଁନ୍ତି ଅଜୟ ଦେବଗନ । ବଲିଉଡ୍ ଅଭିନେତା ଅଜୟ ଦେବଗନ ମଧ୍ୟ ସୋନୁଙ୍କୁ ତାରିଫ୍ କରିଛନ୍ତି । ତାଙ୍କ କାମ ଅନ୍ୟମାନଙ୍କ ପାଇଁ ଉଦାହରଣ ବୋଲି ଅଜୟ ଦେବଗନ କହିଛନ୍ତି ।
Thank you so much bhai. Words from you give me more power and encourages me to work harder on reuniting them with their loved ones❣️Love u loads ❤️ https://t.co/QEHn4BSLPq
— sonu sood (@SonuSood) May 26, 2020
ସେହିପରି ମହାରାଷ୍ଟ୍ରରେ ଫସିଥିବା ୫୦ ଓଡ଼ିଆଙ୍କ ଘର ବାହୁଡା ଲାଗି ସୋନୁ ସୁଦ୍ ବ୍ୟବସ୍ଥା କରୁଛନ୍ତି ।
ଭୁବନେଶ୍ୱର: ଜଳୁଛି ପଶ୍ଚିମ ଓଡ଼ିଶା । ଆଜି ରାଜ୍ୟର ୧୨ଟି ସହରର ତାପମାତ୍ରା ୪୦ ଡିଗ୍ରୀ ଉପରେ ରହିଛି । ତତଲାଗଡ଼ କୁହାଯାଉଥିବା ଟିଟିଲାଗଡ଼ରେ ପାରଦ ସର୍ବାଧିକ ୪୫.୨ ଡିଗ୍ରୀ ରେକର୍ଡ ହୋଇଛି । ବଲାଙ୍ଗିରର ତାପମାତ୍ରା ୪୩.୮, ଭବାନୀପାଟଣା ୪୩, ମାଲକାନଗିରି ୪୨.୫, ସମ୍ବଲପୁର ୪୨.୩, ସୋନପୁର ୪୨.୨, ବୌଦ୍ଧ ୪୨, ଝାରସୁଗୁଡ଼ା ୪୧.୮, ହୀରାକୁଦ ୪୧.୧, ଫୁଲବାଣୀ ୪୦.୮, ସୁନ୍ଦରଗଡ଼ ୪୦.୫ ଓ ପାରଳାଖେମୁଣ୍ଡିରେ ତାପମାତ୍ରା ୪୦ ଡିଗ୍ରୀ ରେକର୍ଡ କରାଯାଇଛି ।
ଅନ୍ୟପଟେ କାଳବୈଶାଖୀ ସହ ବଜ୍ରପାତ ନେଇ ୱେଲୋ ୱାର୍ଣ୍ଣିଂ ଜାରି କରିଛି ଆଞ୍ଚଳିକ ପାଣିପାଗ ବିଭାଗ । ଘଣ୍ଟାପ୍ରତି ୪୦ରୁ ୫୦ କିମି ବେଗରେ ପବନ ବହିବା ସହ ଉତ୍ତର ଉପକୂଳ ଓଡ଼ିଶାର କିଛି ସ୍ଥାନରେ ବର୍ଷା ହୋଇପାରେ । କେନ୍ଦୁଝର, ମୟୂରଭଞ୍ଜ, ଖୋର୍ଦ୍ଧା, ପୁରୀ, କନ୍ଧମାଳ, ଭଦ୍ରକ ଓ ବାଲେଶ୍ୱର ଜିଲ୍ଲାର ଗୋଟିଏ କିମ୍ବା ୨ଟି ସ୍ଥାନରେ ପ୍ରବଳ ବର୍ଷା ନେଇ ପାଣିପାଗ ବିଭାଗ ପୂର୍ବାନୁମାନ କରିଛି ।
ନୂଆଦିଲ୍ଲୀ: ଚାଇନିଜ୍ ଆପ୍ ଟିକଟକ୍ ସମୟ ସମୟରେ ଚର୍ଚ୍ଚାରେ ରହୁଛି । ସମ୍ପ୍ରତି, ଏସିଡ୍ ଆକ୍ରମଣ ପରି ବିଷୟବସ୍ତୁ ସହିତ ଏହି ଆପକୁ ପୁଣି ଥରେ ନିଷିଦ୍ଧ କରିବାକୁ ଦାବି ହୋଇଛି । ଏହି ସମୟରେ ଟିକଟକ୍ ଭଳି ଏକ ଭାରତୀୟ ଆପ ‘ମିତ୍ରୋଁ’ ଲଞ୍ଚ୍ କରାଯାଇଛି ।
ଖୁବ୍ କମ୍ ସମୟ ମଧ୍ୟରେ, ମିତ୍ରୋଁ ଆପ୍ ର ଲୋକପ୍ରିୟତା ବଢ଼ିବାରେ ଲାଗିଛି ଏବଂ ବର୍ତ୍ତମାନ ପ୍ଲେ ଷ୍ଟୋର ଅନୁଯାୟୀ ଏହା ଭାରତର ଏକ ଲୋକପ୍ରିୟ ଆପ୍ ହୋଇପାରିଛି । ଉଲ୍ଲେଖନୀୟ ଯେ, ଏହା ଏକ ମାସ ପୂର୍ବରୁ ଲଞ୍ଚ କରାଯାଇଥିଲା ।
ଏକ ମାସ ପୂର୍ବରୁ ଲଞ୍ଚ ହୋଇଥିବା ଏହି ଆପ୍ ବର୍ତ୍ତମାନ ପର୍ଯ୍ୟନ୍ତ ୫୦ ଲକ୍ଷ ଥର ଡାଉନଲୋଡ୍ ହୋଇସାରିଛି । ଯଦି ଆପଣ ପ୍ରାରମ୍ଭିକ ପର୍ଯ୍ୟାୟରେ ଏହାର ଡାଉନଲୋଡ୍ କୁ ଦେଖନ୍ତି, ବର୍ତ୍ତମାନ ପାଇଁ ଏହା ଚାଇନାର ଆପ୍ ଟିକ୍ ଟକ୍ ସହିତ ପ୍ରତିଦ୍ୱନ୍ଦ୍ୱିତା କରୁଥିବା ପରି ମନେ ହେଉଛି ।
ବିପଦରେ ଟିକଟକ୍, ଏହା ହେଉଛି କାରଣ
ମିତ୍ରୋଁ ଆପ୍ ଏପରି ଏକ ସମୟରେ ଆସିଛି ଯେତେବେଳେ ଲୋକମାନେ କ୍ରମାଗତ ଭାବରେ ଟିକଟକ୍ ଆପର ରେଟିଂ ହ୍ରାସ କରୁଛନ୍ତି। ବିବାଦ ପରେ ଟିକଟକ୍ ର ରେଟିଂ କ୍ରମାଗତ ଭାବରେ ହ୍ରାସ ପାଇଛି । ଏହା ପଛରେ ଦୁଇଟି କାରଣ ଅଛି – ପ୍ରଥମ କାରଣ ହେଉଛି ଟିକଟକ୍ ବିଷୟରେ ୟୁଟ୍ୟୁବର୍ କ୍ୟାରି ମିନଟି ଦ୍ୱାରା ପ୍ରସ୍ତୁତ ରୋଷ୍ଟ୍ ଭିଡିଓ ।
ଜଣାଇ ରଖୁଛୁ ଯେ, କ୍ୟାରି ମିନଟି ନାମକ ଜଣେ ଭାରତୀୟ ୟୁଟ୍ୟୁବର୍ ତାଙ୍କ ୟୁଟ୍ୟୁବ୍ ଭିଡିଓରେ ଟିକଟକ୍ ବ୍ୟବହାରକାରୀଙ୍କୁ ଟ୍ରୋଲ କରିଥିଲେ, ଯାହା ପରେ ୟୁଟ୍ୟୁବ୍ କ୍ୟାରିଙ୍କ ଭିଡିଓ ଡିଲିଟ୍ କରିଥିଲା।
ଯେହେତୁ କ୍ୟାରି ମିନିଟି (ପ୍ରକୃତ ନାମ ଅଜୟ) ରେ ୟୁଟ୍ୟୁବ୍ ଗ୍ରାହକ ଏବଂ କୋଟି କୋଟି ପ୍ରଶଂସକ ଅଛନ୍ତି, ତାଙ୍କ ପ୍ରଶଂସକମାନେ ଟିକଟକର ମୂଲ୍ୟାୟନ ହ୍ରାସ କରିବା ଆରମ୍ଭ କଲେ । କେବଳ ଏତିକି ନୁହେଁ, ଟିକଟକ୍ ର ପୁରୁଣା ଏବଂ ଏହିପରି ଏସିଡ୍ ଆକ୍ରମଣ ସମ୍ବନ୍ଧୀୟ ବିଷୟବସ୍ତୁ ଭାଇରାଲ୍ ହୋଇଥିଲା ଏବଂ ମାମଲା ମହିଳା ଆୟୋଗରେ ପହଞ୍ଚିଥିଲା।
ମିତ୍ରୋଁ ଆପ ୨ଟି ଉପାୟରେ ଉପକୃତ ହେବେ
ଯେହେତୁ ଟିକଟକ୍ ଏକ ଚାଇନିଜ୍ ଆପ୍ ଏବଂ ନିକଟରେ ପ୍ରଧାନମନ୍ତ୍ରୀ ମୋଦୀ ତାଙ୍କ ଅଭିଭାଷଣରେ କହିଛନ୍ତି ଯେ ସ୍ଥାନୀୟ ଲୋକଙ୍କ ସ୍ୱର ଉତ୍ତୋଳନ କରିବାକୁ ପଡିବ। କରୋନା ଭାଇରସ ଉତ୍ପତ୍ତି ପାଇଁ ଚୀନ୍ ବିରୋଧରେ କିଛି ଲୋକଙ୍କ ମଧ୍ୟରେ ଅସନ୍ତୋଷ ଦେଖାଯାଉଛି। ଏପରି ପରିସ୍ଥିତିରେ ଟିକଟକ ପରି ଏକ ଭାରତୀୟ ଆପ ଲଞ୍ଚ କରାଯାଇଛି ଯାହାକୁ ସମସ୍ତେ ବ୍ୟବହାର କରିବା ପାଇଁ ଇଚ୍ଛା ପ୍ରକାଶ କରୁଛନ୍ତି ।
ତେବେ, ଏହି ଆପ ଟିକଟକ୍ କୁ ଅତିକ୍ରମ କରିପାରି ନା ନାହିଁ ତାହା ଖୁବ ଶୀଘ୍ର ଦେଖିବାକୁ ମିଳିବ । କାରଣ ଟିକଟକ୍ ଭାରତ ବ୍ୟତୀତ ଅନେକ ଦେଶରେ ଖୁବ ଲୋକପ୍ରିୟ ହାସଲ କରିଛି ।
ନୂଆଦିଲ୍ଲୀ; ଗୁରୁବାର ନୂଆଦିଲ୍ଲୀରେ ଅନୁଷ୍ଠିତ ସାମ୍ୱାଦିକ ସମ୍ମିଳନୀରେ କରୋନା ଭ୍ୟାକ୍ସିନର ନର୍ମାଣ ଦିଗରେ ବହୁ ଗୁରୁତ୍ୱପୂର୍ଣ୍ଣ ସୂଚନା ଦେଇଛନ୍ତି ଭାରତ ସରକାରଙ୍କ ବୈଜ୍ଞାନିକ ମୁଖ୍ୟ ପରାମର୍ଶଦାତା ଡ. କେ ବିଜୟରାଘବନ । କୋଭିଡ-୧୯ ଭ୍ୟାକ୍ସିନ୍ ନିର୍ମାଣ ନେଇ ଜୋରସୋରରେ କାମ ଚାଲିଥିବା କହିଛନ୍ତି ଡ. ରାଘବନ ।
ଦେଶରେ ମୋଟ ୩୦ଟି ଗ୍ରୁପ ଭ୍ୟାକ୍ସିନ୍ ବିକଶିତ କରିବା ଦିଗରେ କାର୍ଯ୍ୟ କରୁଥିବା ବେଳେ ଏଥିମଧ୍ୟରୁ ୨୦ଟି ଗ୍ରୁପ ଭ୍ୟାକ୍ସିନ୍ ନିର୍ମାଣ ଦିଗରେ ଯଥେଷ୍ଟ ଆଗେଇଛନ୍ତି । ଅକ୍ଟୋବର ସୁଦ୍ଧା ଏହି ଭ୍ୟାକ୍ସିନ୍ଙ୍କୁ ପ୍ରି କ୍ଳିନିକାଲ୍ ଟେଷ୍ଟିଂ ପାଇଁ ପ୍ରସ୍ତୁତ କରାଯାଇପାରିବ ବୋଲି ସେ କହିଛନ୍ତି । ତେବେ ଭ୍ୟାକ୍ସିନ୍ ପ୍ରସ୍ତୁତି ନେଇ ୪ଟି ପଦ୍ଧତି ରହିଛି ।
ଭାରତରେ ଏହି ୪ଟି ଯାକ ପ୍ରକ୍ରିୟାର ଆପଣାଯାଉଛି । ଡା. ରାଘବନ କହିଛନ୍ତି କିଛି କମ୍ପାନୀ ଫ୍ଳୁ ଭ୍ୟାକ୍ସିନକୁ ବିକଶିତ କରିବା ନେଇ ରିସର୍ଚ୍ଚ କରୁଛନ୍ତି । ଅକ୍ଟୋବର ସୁଦ୍ଧା ପ୍ରି କ୍ଳିନିକାଲ ଷ୍ଟଡି୍ ଶେଷ ହୋଇଯିବ । କିଛି ଷ୍ଟାର୍ଟଅପ୍ ଏବଂ କିଛି ଏକାଡେମିକିସ୍ ମଧ୍ୟ ଭ୍ୟକ୍ସିନ୍ ପ୍ରସ୍ତୁତି ନିମେନ୍ତ ପ୍ରସ୍ତୁତି ଚଳାଇଛନ୍ତି । ଏଥିସହିତ ବିଦେଶୀ କମ୍ପାନୀମାନଙ୍କ ସହିତ ଭ୍ୟାକ୍ସିନ ନିର୍ମାଣ ନେଇ ବୁଝାମଣା ଚାଲିଛି ।
ସେ ଆହୁରି କହିଛନ୍ତି ଯେ, ସାଧାରଣତଃ ଭ୍ୟାକ୍ସିନ୍ ପ୍ରସ୍ତୁତି ନିମନ୍ତେ ୧୦ରୁ ୧୫ ବର୍ଷ ସମୟ ଲାଗେ । ଏ ବାବଦରେ ୨୦ରୁ ୩୦ କୋଟି ଡଲାର ଖର୍ଚ୍ଚ ହୁଏ । ତେବେ ୧ ବର୍ଷ ମଧ୍ୟରେ ଭ୍ୟାକ୍ସିନ୍ ବିକାଶିତ କରିବାକୁ ଲକ୍ଷ୍ୟ ରଖାଯାଇଛି । ଏଥିଲାଗି ଅଧିକ ଅର୍ଥ ମଧ୍ୟ ଖର୍ଚ୍ଚ ହେବ । ୨୦ ଅରବରୁ ୩୦ ଅରବ ଡଲାର ପର୍ଯ୍ୟନ୍ତ ଟଙ୍କା ଖର୍ଚ୍ଚ ହେବ ।
ଭାରତରେ ପ୍ରସ୍ତୁତ ହେଉଥିବା ଭ୍ୟାକ୍ସିନ୍ ସାରା ବିଶ୍ୱର ଶ୍ରେଷ୍ଟ ଭ୍ୟାକ୍ସିନ୍ । ସାରା ବିଶ୍ୱରେ ଛୁଆମାନଙ୍କୁ ୩ ଟି ଭ୍ୟାକ୍ସିନ୍ ଦିଆଯାଇଥାଏ । ସେଥିମଧ୍ୟରୁ ୨ ଟି ଭାରତରେ ପ୍ରସ୍ତୁତ ହୋଇଥାଏ । ଗତ କିଛି ବର୍ଷ ମଧ୍ୟରେ ଭ୍ୟାକ୍ସିନ୍ କମ୍ପାନୀ ନା କେବଳ ଉତ୍ପାଦନ କରୁଛନ୍ତି, ସେମାନେ ରିସର୍ଚ୍ଚ ଏବଂ ଡେଫଲପମେଣ୍ଟ ଦିଗରେ ପୁଞ୍ଜିନିବେଶ ମଧ୍ୟ କରୁଛନ୍ତି । ଏହାଦ୍ୱାରା ଆମର ଷ୍ଟାର୍ଟଅପ୍ କ୍ଷେତ୍ରରେ ମଧ୍ୟ ବଡ଼ ଯୋଗଦାନ କରୁଛନ୍ତି ।
ଅପରପକ୍ଷରେ ନିତି ଆୟୋଗ ସଦସ୍ୟ ଏବଂ କୋଭିଡ-୧୯ ନେଇ ଗଠିତ କ୍ଷମତା ସମ୍ପର୍ଣ୍ଣ ଗ୍ରୁପ-୧ର ଚେୟାରମ୍ୟାନ୍ ଡ. ବିକେ ପାଲ୍ କହିଛନ୍ତି ବିଜ୍ଞାନ ଏବଂ ପ୍ରଯୁକ୍ତିର କୋଭିଡ ବିରୋଧୀ ମୁକାବିଲାର ଗୁରୁତ୍ୱପୂର୍ଣ୍ଣ ଭୂମିକା ରହିଛି । ଏବଂ ଖୁସିର କଥା ଆମ ଦେଶରେ ବିଜ୍ଞାନ ଏବଂ ଟେକ୍ନୋଲୋଜି ଅଧିକ ପରିବ୍ୟାପ୍ତ ।
