ଗଞ୍ଜାମ: କରୋନା ଯୋଦ୍ଧା କରୋନା ଆକ୍ରାନ୍ତ  । କଳାହାଣ୍ଡିରେ ଦୁଇ ଜଣ ଡାକ୍ତର କରୋନା ସଂକ୍ରମିତ ହେବା ପରେ ଏବେ ଦୁଇଜଣ ପୋଲିସ ଅଧିକାରୀ କରୋନା ସଂକ୍ରମିତ ହୋଇଛନ୍ତି । କରୋନା ବିରୋଧ ଯୁଦ୍ଧରେ ଫ୍ରଣ୍ଟ ଲାଇନରେ ଥିବା ଏହି ଯୋଦ୍ଧା କରୋନା ସଂକ୍ରମିତ ହେବା ଚିନ୍ତା ବଢାଇ ଦେଇଛି । ନୂଆ ଖବର ଅନୁସାରେ ଛତ୍ରପୁରର ଏସଡିପିଓ ଓ ଆଇଆଇସିଙ୍କ କରୋନା ରିପୋର୍ଟ ପଜିଟିଭ୍ ଆସିଛି । ଏନେଇ ଜିଲ୍ଲା ଏସପି ବ୍ରିଜେଶ କୁମାର ରାୟ ସୂଚନା ଦେଇଛନ୍ତି ।

ଗଞ୍ଜାମ ପୋଲିସର ଆଉ ୨ଜଣ ପୋଲିସ ଅଧିକାରୀ ଛତ୍ରପୁର ଏସଡିପିଓ ଓ ଆଇଆଇସି କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ତାଙ୍କ ଟେଷ୍ଟ ରିପୋର୍ଟ ପଜିଟିଭ୍‌ ଆସିଥିବା ଗଞ୍ଜାମ ଏସପି ଟ୍ୱିଟ୍‌ କରି ଜଣାଇଛନ୍ତି। କରୋନା ନିୟନ୍ତ୍ରଣରେ ଯୋଦ୍ଧା ସାଜିଥିବା ଏହି ଅଫିସରଙ୍କ କାର୍ଯ୍ୟାଦକ୍ଷତା ପ୍ରେରଣାଦାୟୀ ବୋଲି ଏସପି କହିବା ସହ ସେମାନଙ୍କ ଆଶୁ ଆରୋଗ୍ୟ କାମନା କରିଛନ୍ତି।

In the line of duty our two covid warriors SDPO Chatrapur & IIC Chatrapur tested covid positive.We wish speedy recovery of them. Inspiring by their services we take this fight against covid with great zeal to save our citizens from this disease.@CMO_Odisha @DGPOdisha

— SP Ganjam (@sp_ganjam) June 13, 2020

ଏହା ପୂର୍ବରୁ ଗଞ୍ଜାମ ଜିଲ୍ଲାର ଜରଡ଼ା ଥାନାର ପୂରା ଷ୍ଟାଫ ହୋମ କ୍ୱାରେଣ୍ଟାଇନରେ ଯାଇଥିଲେ । ଅପରାଧିଙ୍କୁ ଧରିବାକୁ ଯାଇ ଜରଡ଼ା ଥାନାର ଦୁଇ ଅଧିକାରୀ କରୋନା ସଂକ୍ରମିତ ହୋଇଥିଲେ । ଗିରଫ ଅଭିଯୁକ୍ତଙ୍କ ରିପୋର୍ଟ ପଜିଟିଭ୍ ଆସିବା ପରେ ପୋଲିସ ଅଧିକାରୀଙ୍କ ଟେଷ୍ଟ ହୋଇଥିଲା  ପରେ ରିପୋର୍ଟ ପଜିଟିଭ୍ ଆସିଥିଲା ।

ସୁରଟରୁ ପ୍ରବାସୀ ଶ୍ରମିକଙ୍କ ଫେରିବା ପରଠାରୁ ଗଞ୍ଜାମରେ ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । ଏଠାରେ ସୂଚନା ଯୋଗ୍ୟ ଯେ, ସୁରଟରୁ ଅଧିକ ସଂଖ୍ୟାକ ପ୍ରବାସୀ ଗଞ୍ଜାମ ଜିଲ୍ଲାରୁ ଫେରିଛନ୍ତି । ପ୍ରବାସୀଙ୍କ ପରେ ଏବେ କରୋନା ଯୋଦ୍ଧାଙ୍କୁ ତା କବଳକି ଆଣିଛି କରୋନା ।

ଭୁବନେଶ୍ୱର: ରାଜ୍ୟରେ କରୋନା ଗ୍ରାଫ୍ ଉପର ମୁହାଁ । ଦିନକୁ ଦିନ ବଢ଼ିବାରେ ଲାଗିଛି କରୋନା ସଂକ୍ରମିତଙ୍କ ସଂଖ୍ୟା । ପୂର୍ବର ସବୁ ରେକର୍ଡ ଭାଙ୍ଗିଛି ଆଜିର ସଂକ୍ରମିତ ସଂଖ୍ୟା । ପୂର୍ବରୁ ସଂକ୍ରମିତଙ୍କ ସଂଖ୍ୟା ଶହେ ପାର ହେଉଥିବା ବେଳେ ଆଜି ଦୁଇ ଶହ ଟପିଛି ସଂକ୍ରମିତଙ୍କ ସଂଖ୍ୟା । ୨୪ ଘଣ୍ଟାରେ ଚିହ୍ନଟ ହୋଇଛନ୍ତି ୨୨୫ କରୋନା ସଂକ୍ରମିତ ।  ଗତକାଲି ରାଜ୍ୟରେ ୧୧୨ଟି କରୋନା ପଜିଟିଭ ଚିହ୍ନଟ ହୋଇଥିଲେ । ଏବେ ୨୨୫ ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି । ଏହାସର ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୩୭୨୩ରେ ପହଞ୍ଚିଛି । ଏହି ୨୨୫ ଟି ପଜିଟିଭରେ ରହିଛି ୧୬ଟି ଜିଲ୍ଲାରୁ ଚିହ୍ନଟ ହୋଇଛନ୍ତି । ୨୨୫ ଜଣ ସଂକ୍ରମିତଙ୍କ ମଧ୍ୟରୁ କ୍ୱାରେଣ୍ଟାଇନ ସେଣ୍ଟରରୁ ୧୯୬ ଜଣ ଚିହ୍ନଟ ହୋଇଥିବା ବେଳେ ୨୯ ଜଣ ସ୍ଥାନୀୟ ସଂକ୍ରମିତ ହୋଇଛନ୍ତି ।

COVID-19 REPORT FOR 12th JUNE

New positive cases: 225
In quarantine: 196
Local contacts: 29

(Details of local contacts will be shared by concerned Districts Administration)

District Wise Cases
1. Jagatsinghpur: 13
2. Khordha: 19
3. Nayagarh: 7
4. Cuttack: 92
5. Dhenkanal: 7

— I & PR Department, Odisha (@IPR_Odisha) June 13, 2020

୨୪ ଘଣ୍ଟାରେ ସର୍ବାଧିକ ସଂକ୍ରମିତ କଟକରୁ ୯୨ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଜଗତସିଂହପୁର ୧୩, ଖୋର୍ଦ୍ଧା ୧୯, ନୟାଗଡ଼ ୭, ଢେଙ୍କାନାଳ ୭, ବାଲେଶ୍ୱର ୨, ଅନୁଗୁଳ ୧, ଭଦ୍ରକ ୫ , କଳାହାଣ୍ଡି ୩, କନ୍ଧମାଳ ୧୫, ଗଞ୍ଜାମ ୨୦, ସୁନ୍ଦରଗଡ଼୧, ପୁରୀ ୧୫, ବଲାଙ୍ଗୀର ୧୨, କେନ୍ଦ୍ରାପଡ଼ା ୪, ମୟୁଭଞ୍ଜରୁ ୯ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହାସହ ଶୁକ୍ରବାର ଦିନ ଗଞ୍ଜାମର ୫୫ ବର୍ଷିୟ ବ୍ୟକ୍ତିଙ୍କର ମୃତ୍ୟୁ ହୋଇଥିଲା । ଏହାଫଳରେ ୧୦ ରେ ପହଞ୍ଚିଛି କରୋନା ମୃତ୍ୟୁ ସଂଖ୍ୟା ।

ରାଜ୍ୟରେ ଏବେ ମୋଟ କରୋନା ସଂକ୍ରମଣ ସଂଖ୍ୟା ୩୭୨୩ରେ ପହଞ୍ଚିଛି । ସେଥି ମଧ୍ୟରୁ ୨୪୭୪ ଜଣ କରୋନା ରୋଗୀ ସୁସ୍ଥ ହୋଇଛନ୍ତି । ଏବେ ରାଜ୍ୟରେ ୧୨୩୪ଜଣ ସକ୍ରିୟ ରହିଥିବା ବେଳେ ୧୦ ଜଣଙ୍କର ମୃତ୍ୟୁ ହୋଇଛି ।