ଏହି ଫୋନରେ ରହିଛି ୨୪ଦିନ ଚାର୍ଜ ରଖିବାର କ୍ଷମତା ଏହାର ବିକ୍ରି କେବଳ…

ନୂଆଦିଲ୍ଲୀ: Poco ଶେଷରେ ଭାରତରେ ତାର ତୃତୀୟ ସ୍ମାର୍ଟଫୋନ୍ Poco M2 ପ୍ରୋ ଲଞ୍ଚ କରିଛି । କମ୍ପାନୀର ଏହି ଫୋନ୍ ହେଉଛି ମଧ୍ୟମ ଦର ବିଶିଷ୍ଟ ଫୋନ୍, ଯାହାର ପ୍ରାରମ୍ଭିକ ମୂଲ୍ୟ ରଖାଯାଇଛି ୧୩,୯୯୯ ଟଙ୍କା । ଏହି ଫୋନର ବିଶେସତ୍ୱ ହେଉଛି ଗ୍ରାହକମାନେ ଏଥିରେ ୪ ଟି କ୍ୟାମେରା ଏବଂ ୫ହଜାର mAh ବ୍ୟାଟେରୀ ପାଇବେ । ୫ଟି ହୋଲ ଡିସପ୍ଲେ ଥିବା ଏହି ଫୋନର ବିକ୍ରି କେବଳ ଫ୍ଲିପକାର୍ଟରେ ଆରମ୍ଭ ହୋଇଛି, ଯାହାର ବିକ୍ରି ଜୁଲାଇ ୧୪ରେ ଦିନ ୧୨ ଟାରୁ ଆରମ୍ଭ ହେବ । ଆସନ୍ତୁ ଜାଣିବା ଏହି ନୂତନ ସ୍ମାର୍ଟଫୋନର ଫିଚର ଗୁଡ଼ିକ ବିଷୟରେ ।

ପୋକୋ M2 ପ୍ରୋ ୩ଟି ଭାରିଆଣ୍ଟରେ ପଠାଯାଇଛି, ଏଥିରେ 4GB + 64GB ଭାରିଆଣ୍ଟର ମୂଲ୍ୟ ୧୩,୯୯୯ ଟଙ୍କା, 6GB + 64GB ଭାରିଆଣ୍ଟର ମୂଲ୍ୟ ୧୪,୯୯୯ ଟଙ୍କା ଏବଂ 6GB + 128GB ଭାରିଆଣ୍ଟର ମୂଲ୍ୟ ୧୬,୯୯୯ଟଙ୍କା ରହିଛି ।
ପୋକୋ M2 ପ୍ରୋ ଫୋନରରେ ୬.୬୭-ଇଞ୍ଚ ଡିସପ୍ଲେ ରହିଛି, ଯାହା ଫୁଲ୍- HD + ରେଜୋଲେସନ (1080×2400 ପିକ୍ସେଲ) ରହିଛି । ଫୋନର ସୁରକ୍ଷା ପାଇଁ ଫୋନର ଆଗ, ପଛ ଏବଂ କ୍ୟାମେରାରେ ୫ଟି କାର୍ନିଙ୍ଗ ଗୋରିଲା ଗ୍ଲାସ ଦିଆଯାଇଛି । ପୋକୋର ଏହି ଫୋନ୍ ଆଣ୍ଡ୍ରୋଏଡ୍ ୧୦ରେ କାମ କରେ । ଫୋନରେ କ୍ୱାଲକମ୍ ସ୍ନାପଡ୍ରାଗନ୍ ୭୨୦ଜି ପ୍ରୋସେସର୍ ଦିଆଯାଇଛି । ଗ୍ରାହକମାନେ ଏହି ସ୍ମାର୍ଟଫୋନକୁ ବ୍ଲୁ, ଗ୍ରୀନ୍ ଏବଂ ବ୍ଲାକ୍ ରଙ୍ଗରେ କିଣିପାରିବେ ।

An incomparable pricing! Everything you need, nothing you don't.

4GB + 64GB: ₹13,999
6GB + 64GB: ₹14,999
6GB + 128GB: ₹16,999

RT and share the exciting news! Oh, you definitely should! #POCOM2Pro #FeelTheSurge pic.twitter.com/XgIFvprObw

— POCO India (@IndiaPOCO) July 7, 2020

କ୍ୟାମେରା ବିଷୟରେ କହିବାକୁ ଗଲେ, ଫୋନରେ ୪୮ମେଗାପିକ୍ସେଲ କ୍ୱାଡ ପଛ କ୍ୟାମେରା ସେଟଅପ୍ ଅଛି । ଏହା ପଛରେ 48 ମେଗାପିକ୍ସେଲ ପ୍ରାଇମେରୀ ସେନସର, ୮ ମେଗାପିକ୍ସେଲ ୱାଇଡ ଆଙ୍ଗେଲ ସେନସର, ୫ ମେଗାପିକ୍ସେଲ ମାକ୍ରୋ ସେନସର ଏବଂ ୨ ମେଗାପିକ୍ସେଲ ଡେପଥ୍ ସେନସର ଅଛି । ଫୋନର କ୍ୟାମେରାରେ ପ୍ରୋ କଲର୍ ମୋଡ୍, ପ୍ରୋ ଭିଡିଓ ମୋଡ୍ ଏବଂ RAW ମୋଡ୍ ମଧ୍ୟ ଅଛି । ସେଲଫି ପାଇଁ M2 Pro ରେ ୧୬ ମେଗାପିକ୍ସେଲ ଇନ-ସ୍କ୍ରିନ୍ ଫ୍ରଣ୍ଟ କ୍ୟାମେରା ଅଛି, ଯାହାର ନାଇଟ୍ ମୋଡ୍ ମଧ୍ୟ ରହିଛି ।

ବାକି ଫିଚର ବିଷୟରେ କହିବାକୁ ଗଲେ, ଫୋନକୁ ଅନଲକ୍ କରିବା ପାଇଁ ସାଇଡ୍-ମାଉଣ୍ଟେଡ୍ ଫିଙ୍ଗର ପ୍ରିଣ୍ଟ୍ ସେନସର ଏବଂ AI ଫେସ୍ ଅନଲକ୍ ର ଫିଚର ମିଲିଥାଏ ।

ପାୱାର ପାଇଁ, ଫୋନରେ 5000mAh ବ୍ୟାଟେରୀ ଅଛି, ଯାହା 33W ଫାଷ୍ଟ ଚାର୍ଜିଂ ଟେକ୍ନୋଲୋଜି ସହ ଆସିଥାଏ । କମ୍ପାନୀ ଦାବି କରିଛି ଯେ ଏହା ୨୪ଦିନ ଷ୍ଟାଣ୍ଡବାଇ, ୧୯୩ ଘଣ୍ଟା ମ୍ୟୁଜିକ୍ + ହେଡସେଟ୍, ୧୧ ଘଣ୍ଟା PUBG ଏବଂ ୪୪ ଘଣ୍ଟା VoLTE କଲିଂ ସହିତ ଆସିଥାଏ ।