କେରଳରେ ଥିବା ଶ୍ରୀ ପଦ୍ମନାଭସ୍ୱାମୀ ମନ୍ଦିରର ପ୍ରଶାସନ ଏବଂ ଏହାର ସମ୍ପତ୍ତି ଉପରେ ସୁପ୍ରିମକୋର୍ଟ ଆଜି ରାୟ ଶୁଣାଇଛନ୍ତି । ମନ୍ଦିର ପରିଚାଳନା କରିବାର ଅଧିକାର ଟ୍ରାଭନକୋର ପୂର୍ବତନ ରାଜ ପରିବାରକୁ ଦିଆଯାଇଛି । ଏହା ପୂର୍ବରୁ ମନ୍ଦିର ଉପରେ ରାଜ୍ୟ ସରକାରଙ୍କ ଅଧିକାର ଥଲା । ବିଶ୍ୱାସ କରାଯାଏ, ଏହି ମନ୍ଦିର ଦେଶର ସବୁଠାରୁ ଧନୀ ମନ୍ଦିର ମଧ୍ୟରେ ଗୋଟିଏ, ଯାହା ପାଖରେ ପ୍ରାୟ ଦୁଇ ଲକ୍ଷ କୋଟି ସମ୍ପତ୍ତି ଅଛି । କୁହାଯାଏ ଯେ, ମନ୍ଦିରର ସପ୍ତମ ଦ୍ୱାର ପଛରେ ବହୁତ ଧନ ସମ୍ପତ୍ତି ରହିଛି । କିନ୍ତୁ ଅନେକ କାରଣରୁ ଏହି କବାଟ ବର୍ତ୍ତମାନ ପର୍ଯ୍ୟନ୍ତ ଖୋଲି ପାରିନାହିଁ ।
ମନ୍ଦିର କେବେ ନିର୍ମାଣ ହେଲା ସେ ସମ୍ପର୍କରେ କୌଣସି ଦୃଢ ପ୍ରମାଣ ନାହିଁ । ଐତିହାସିକ ଡ। ଲେ.ଏ. ରବି ବର୍ମାଙ୍କ ଅନୁଯାୟୀ, ମନ୍ଦିରଟି ପ୍ରାୟ ୫୦୦୦ ବର୍ଷ ପୁରୁଣା, ଯେତେବେଳେ ମାନବ ସଭ୍ୟତା କଳି ଯୁଗରେ ପହଞ୍ଚିଥିଲା । ମନ୍ଦିରର ଗଠନ ଦୃଷ୍ଟିରୁ ଏହା ବିଶ୍ୱାସ କରାଯାଏ ଯେ କେରଳର ତିରୁଅନନ୍ତପୁରମରେ ଥିବା ପଦ୍ମନାଭସ୍ୱାମୀ ମନ୍ଦିର ଷୋଡ଼ଶ ଶତାବ୍ଦୀରେ ତ୍ରାଭଣକୋର ରାଜାମାନଙ୍କ ଦ୍ୱାରା ପ୍ରତିଷ୍ଠିତ ହୋଇଥିଲା । ୧୭୫୦ ମସିହାରେ ମହାରାଜା ମାର୍ତଣ୍ଡ ବର୍ମା ନିଜକୁ ପଦ୍ମନାଭ ଦାସ ଘୋଷଣା କରିଥିଲେ । ଏହା ସହିତ ସମଗ୍ର ରାଜ ପରିବାର ନିଜକୁ ମନ୍ଦିର ସେବାରେ ନିୟୋଜିତ କରିଦେଲେ | ବର୍ତ୍ତମାନ ସୁଦ୍ଧା ରାଜଗୃହ ଅଧୀନରେ ଥିବା ଏକ ଘରୋଇ ଟ୍ରଷ୍ଟ ମନ୍ଦିରର ରକ୍ଷଣାବେକ୍ଷଣ କରୁଛି ।
ବିଷ୍ଣୁଙ୍କୁ ସମର୍ପିତ ଏହି ମନ୍ଦିର ବିଷୟରେ କୁହାଯାଏ ଯେ ଅତୀତରେ ରାଜାମାନେ ଏଠାରେ ବହୁ ଧନ ଲୁଚାଇ ରଖିଥିଲେ | ମନ୍ଦିରରେ ୭ଟି ଗୁପ୍ତ କୋଠରୀ ଅଛି ଏବଂ ପ୍ରତ୍ୟେକ କୋଠରୀରେ ଏକ କବାଟ ଲାଗିଛି | ସୁପ୍ରିମକୋର୍ଟଙ୍କ ତତ୍ତ୍ୱାବଧାନରେ ଗୋଟିଏ ପରେ ଗୋଟିଏ ୬ଟି କୋଠରୀ ଖୋଲାଯାଇଥିଲା । ମୋଟାମୋଟି ଭାବେ, ଏଠାରେ ୧ ଲକ୍ଷ କୋଟିରୁ ଅଧିକ ମୂଲ୍ୟର ସୁନା ଏବଂ ହୀରା ଅଳଙ୍କାର ଦେଖିବାକୁ ମିଳିଥିଲା, ଯାହାକୁ ମନ୍ଦିର ଟ୍ରଷ୍ଟରେ ରଖାଯାଇଥିଲା । କିନ୍ତୁ ସପ୍ତମ ଦ୍ୱାର ନିକଟରେ ପହଞ୍ଚିବା ପରେ ନାଗଙ୍କ ଏକ ମହାନ ଦୃଶ୍ୟ ଦ୍ୱାରରେ ଦେଖାଗଲା | ଏହା ସହ କବାଟ ଖୋଲିବାକୁ କରାଯାଉଥିବା ଚେଷ୍ଟା ମଧ୍ୟ ବନ୍ଦ ହୋଇଗଲା । ବିଶ୍ୱାସ କରାଯାଏ ଯେ ଏହି ଦ୍ୱାରର ରକ୍ଷା ନିଜେ ଭଗବାନ ବିଷ୍ଣୁଙ୍କ ଅବତାର ଶେଷନାଗ କରୁଛନ୍ତି ଯଦି ଏହାକୁ ଖୋଲାଯାଏ ତେବେ ଏହା ଏକ ବଡ଼ ବିପର୍ଯ୍ୟୟର କାରଣ ହେବ ।
ମନ୍ଦିର ଉପରେ ବିଶ୍ୱାସ ରଖୁଥିବା ଭକ୍ତ ମାନଙ୍କ ଅନୁଯାୟୀ, ଟିପି ସୁନ୍ଦର ରାଜନଙ୍କ ଆବେଦନ କାରଣରୁ ଦ୍ୱାର ଖୋଲିବାକୁ ନିଷ୍ପତ୍ତି ନିଆଯାଇଥିଲା । ଏହାପରେ ତାଙ୍କର ଆକସ୍ମିକ ମୃତ୍ୟୁ ହୋଇଯାଇଥିଲା ଏହି ଅବସରପ୍ରାପ୍ତ ପୋଲିସ ଅଧିକାରୀ ପ୍ରଥମ ଥର ପାଇଁ କହିଥିଲେ ଯେ ମନ୍ଦିରର ସପ୍ତମ ଦ୍ୱାରରେ ବହୁତ ଧନ ଥାଇପାରେ । ଟ୍ରଷ୍ଟ ଏତେ ଧନୀ ମନ୍ଦିରର ଯତ୍ନ ନେବାରେ ସକ୍ଷମ ନୁହେଁ । ଏହା ରାଜ୍ୟ ସରକାରଙ୍କ ହାତକୁ ଯିବା ଉଚିତ୍ଏ । ଏହା ପରେ ମାମଲା କୋର୍ଟରେ ପହଞ୍ଚିଥିଲା, କିନ୍ତୁ ସୁନ୍ଦର ରାଜନଙ୍କର ଆକସ୍ମିତ ମୃତ୍ୟୁ ହୋଇ ଯାଇଥିଲା । ତାଙ୍କ ମୃତ୍ୟୁ ବିଷୟରେ ପରିବାର କହିଥିଲେ ଯେ ଉଚ୍ଚ ରକ୍ତଚାପ ଯୋଗୁଁ ତାଙ୍କର ମୃତ୍ୟୁ ଘଟିଛି । ଏହା ପରେ ସୁପ୍ରିମକୋର୍ଟ ଗୋଟିଏ ପରେ ଗୋଟିଏ କବାଟ ଖୋଲିବାକୁ କହିଥିଲେ । ମୋଟ୍ ୬ଟି କବାଟ ଖୋଲାଯାଇଥିଲା | ସେଥିରେ ଅଳଙ୍କାର, ହୀରା, ସୁନା ମୁଦ୍ରା ଏବଂ ତମ୍ବା-ପିତ୍ତଳ ବାସନଗୁଡ଼ିକ ମିଳିଥିଲା | ବିଶ୍ୱାସ କରାଯାଏ ଯେ ସେଗୁଡିକର ମୂଲ୍ୟ ଆକଳନ କରିବା ଅତ୍ୟନ୍ତ କଷ୍ଟକର | ଯଦିଓ ଅନେକ କହିଛନ୍ତି ଯେ ମିଳୁଥିବା ସାମଗ୍ରୀର ମୂଲ୍ୟ ୨୦ ବିଲିୟନ ଡଲାରରୁ ଅଧିକ ହେବ । ଏହା ମିଳିବା ପରେ ଅନେକ ଲୋକ କହିଛନ୍ତି ଯେ ମନ୍ଦିରର ସମ୍ପତ୍ତି ଜନସାଧାରଣଙ୍କ ଉନ୍ନତି ପାଇଁ ବ୍ୟବହାର କରାଯିବା ଉଚିତ୍ । କରୋନାର କିଛି ସମୟ ପୂର୍ବରୁ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ପୃଥିରାଜ ଚୌହାନ ଟ୍ୱିଟ୍ କରି କହିଛନ୍ତି ଯେ ଜରୁରୀକାଳୀନ ସମୟରେ ମନ୍ଦିରର ସୁନା ବ୍ୟବହାର କରାଯିବା ଉଚିତ୍ । ଏହି ଟ୍ୱିଟ୍ ପରେ ବହୁତ ବିବାଦ ମଧ୍ୟ ଦେଖାଯାଇଥିଲା ।
ଐତିହାସିକ ତଥା ପର୍ଯ୍ୟଟକ ଏମିଲି ହ୍ୟାଚ୍ ତାଙ୍କ ପୁସ୍ତକ Travancore: a guide book for the visitorରେ ଏହି ମନ୍ଦିରର କବାଟ ସହ ଜଡ଼ିତ ଏକ କଥା ଲେଖିଛନ୍ତି । ସେ ଲେଖିଛନ୍ତି ଯେ ୧୯୩୧ ମସିହାରେ ଏହାର ଦ୍ୱାର ଖୋଲିବାକୁ ଉଦ୍ୟମ ଚାଲିଥିବାବେଳେ ହଜାର ହଜାର ସର୍ପ ମନ୍ଦିରର ତଳ କୋଠରୀକୁ ଘେରି ରହିଥିଲେ । ଏହା ପୂର୍ବରୁ ୧୯୦୮ ମସିହାରେ ମଧ୍ୟ ଏଭଳି ଘଟଣା ଘଟିଥିଲା | ଏହା ପରେ, ପ୍ରଶ୍ନ ମଧ୍ୟ ଉଠିଥିଲା ଯେ ଏହି ସାପମାନେ ଶତାବ୍ଦୀ ଧରି ଭୂମି ଭିତରେ ରହୁଥିଲେ, କବାଟ ଖୋଲିବାରୁ ସକ୍ରିୟ ହୋଇଥିଲେ ।
ଦ୍ୱାରଟି କାହିଁକି ରହସ୍ୟମୟ ରହିଛି ?
ଏହି ସପ୍ତମ ଦ୍ୱାର କାଠରେ ନିର୍ମିତ | ଏହାକୁ ଖୋଲିବା କିମ୍ବା ବନ୍ଦ କରିବା ପାଇଁ କୌଣସି ଲକ୍, ନଟ୍-ବୋଲ୍ଟ, ଚେନ୍ ନାହିଁ | ଏହି କବାଟ କିପରି ବନ୍ଦ ରହିଛି ତାହା ବୈଜ୍ଞାନିକମାନଙ୍କ ପାଇଁ ମଧ୍ୟ ରହସ୍ୟ ହୋଇ ରହିଛି । ବିଶ୍ୱାସ କରାଯାଏ ଯେ ଶତାବ୍ଦୀ ପୂର୍ବରୁ ଏହା କେତେକ ମନ୍ତ୍ର ଜପ କରି ବନ୍ଦ କରି ଦିଆଯାଇଥିଲା ଏବଂ ବର୍ତ୍ତମାନ ପର୍ଯ୍ୟନ୍ତ କେହି ଏହାକୁ ଖୋଲି ପାରି ନାହାନ୍ତି । ଦ୍ୱାରରେ ଥିବା ଦୁଇଟି ସାପର ଆକୃତିକୁ ଦେଖି ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଏହା ନାଗା ପାଶମ ପରି ଏକ ମନ୍ତ୍ରରେ ବନ୍ଧା ହୋଇଥିଲା ଏବଂ ବର୍ତ୍ତମାନ ଏହା ଗରୁଡ଼ ମନ୍ତ୍ର ଉଚ୍ଚାରଣ ଦ୍ୱାରା ଖୋଲାଯାଇପାରିବ । ଅନ୍ୟ ପକ୍ଷରେ ଏହା ମଧ୍ୟ ବିଶ୍ୱାସ କରାଯାଏ ଯେ ଏହି ମନ୍ତ୍ରଗୁଡିକ ଏତେ ଭୟଙ୍କର ଯେ ସାମାନ୍ୟ ଭୁଲରେ ଜୀବନ ମଧ୍ୟ ଯାଇପାରେ | ଏହି କାରଣରୁ ବର୍ତ୍ତମାନ ପର୍ଯ୍ୟନ୍ତ ଏହାକୁ ଖୋଲିବାକୁ କେହି ସାହସ କରିନାହାନ୍ତି ।
