ଯାଜପୁର: ଲୋକଙ୍କ ଚିନ୍ତା ବଢାଇଛି ଖରସ୍ରୋତା ନଦୀ । ବନ୍ୟା ଜଳରେ ନଦୀ ଗର୍ଭକୁ ଭାସିଯିବ ପୁରା ଗାଁ । କାରଣ ଗାଁ କୁ ସୁରକ୍ଷା ଦେବାକୁ ନାହିଁ ନଦୀ ବନ୍ଧ । ଫଳରେ ଆତଡା ଖାଇବା ସହ ଧିରେ ଧିରେ ନଦୀ ଗର୍ଭକୁ ଚାଲିଗଲାଣି ପୁରା ଗାଁ । ଯାହାକୁ ନେଇ ଏବେ ଆତଙ୍କରେ ଯାଜପୁର କୋରାଇ ବ୍ଳକ ବଡ଼ତ୍ରିଲୋଚନପୁର ଗାଁ ଲୋକେ ।
ନଦୀର ସ୍ରୋତ ଦେଖି ଛାନିଆ ଲୋକେ । ନଦୀବନ୍ଧ ନଥିବାରୁ ବଢୁଛି ବିପଦ । ପ୍ରତିବର୍ଷ ବର୍ଷାଦିନ ଆସିଲେ ଯାଜପୁର ଜିଲ୍ଲା କୋରାଇ ବ୍ଲକ ଗୋଳେଇପୁର ପଞ୍ଚାୟତ ବଡତ୍ରିଲୋଚନପୁର ଗାଁ ଲୋକଙ୍କ ଚିନ୍ତା ବଢିଯାଏ । ଅନେକ ସମୟରେ ଖରସ୍ରୋତାର ପ୍ରଖର ସ୍ରୋତରେ କ୍ଷତିଗ୍ରସ୍ତ ହୋଇଥାନ୍ତି ଏଠାକାର ବାସିନ୍ଦା । ଗାଁକୁ ସୁରକ୍ଷା ଦେବାକୁ ବନ୍ଧ ନଥିବାରୁ ପ୍ରତିବର୍ଷ ଅତଡା ଖାଇ ଗାଁ ପ୍ରତି ବିପଦ ସୃଷ୍ଟି କରୁଛି । ଧନଜୀବନ ସହ ଫସଲ ଉଜାଡ଼ି ଦେଉଛି ନଦୀ । ତେଣୁ ତୁରନ୍ତ ଏଠାରେ ପଥର ପ୍ୟାକିଂ କରିବାକୁ ଗ୍ରାମବାସୀ ଦାବି କରିଛନ୍ତି ।
ଖରସ୍ରୋତାର ଏହି ଶାଖା ନଦୀ କୂଳରେ ବସବାସ କରନ୍ତି ପ୍ରାୟ ୨୦୦ରୁ ଉର୍ଦ୍ଧ ପରିବାର । ଏଭଳି ସମସ୍ୟା ପାଇଁ ପୂର୍ବରୁ ଅନେକ ପରିବାର ଗାଁ ଛାଡି ଚାଲି ଗଲେଣି । ସେପଟେ ଏନେଇ ଜଳ ସଂପଦ ବିଭାଗକୁ ଅବଗତ କରାଯାଇଛି, ଖୁବଶୀଘ୍ର ଏହାର ସମାଧାନ କରାଯିବ ବୋଲି କହିଛନ୍ତି ଯାଜପୁର ଜିଲ୍ଲାପାଳ ।
(ବିକ୍ରମ କେଶରୀ ସାହୁ)
ନିମ୍ବର ଯଥେଷ୍ଟ ମହତ୍ତ୍ୱ ରହିଛି । ଆୟୁର୍ବେଦିକ ଉପାୟରେ ଉପଚାର କରି ରକ୍ତ, ପାଚନ ଏବଂ ତ୍ୱଚାର କେତେକ ବୃହତ୍ ସମସ୍ୟାକୁ ଠିକ କରାଯାଇପାରେ । ଏହା ସହିତ ସାଧାରଣ ଜ୍ୱର ଠାରୁ ଆରମ୍ଭ କରି ଫଙ୍ଗଲ ଇନଫେକ୍ସନକୁ ଠିକ କରିବାରେ ଏହା ଏକ ପ୍ରମୁଖ ଭୂମିକା ଗ୍ରହଣ କରିଥାଏ । ଯଦି ଆପଣଙ୍କ ତ୍ୱଚାରେ କୌଣସି ପ୍ରକାରର ସଂକ୍ରମଣ ହୋଇଥାଏ, ତେବେ ତୁରନ୍ତ କିଛି ନିମ୍ବ ପତ୍ରକୁ ବାଟି ସେହି ସ୍ଥାନରେ ଲଗାଇ ପାରିବେ । କିଛି ଦିନ ମଧ୍ୟରେ ଏହାର ପ୍ରଭାବ ଦେଖା ଯାଇଥାଏ । ଯଦି କିଛି ପ୍ରଭେଦ ଦେଖା ନଯାଏ ତେବେ କୌଣସି ଆୟୁର୍ବେଦିକ ଡାକ୍ତରଙ୍କ ସହିତ ପରାମର୍ଶ କରିପାରିବେ ।
ସୂଚନାଯୋଗ୍ୟ ଯେ, ୫ ଅଗଷ୍ଟକୁ ଆରମ୍ଭ ହୋଇଥିବା ତୃତୀୟ ପର୍ଯ୍ୟାୟ ଅନଲକରେ ଜିମ ଏବଂ ଯୋଗ ସଂସ୍ଥାନ ଖୋଲିବାକୁ ଅନୁମତି ମିଳିଥିଲା । ଏହା ସହିତ କଣ୍ଟେନମେଣ୍ଟ ଜୋନରେ ୩୧ ଅଗଷ୍ଟ ପର୍ୟ୍ୟନ୍ତ ଲକଡାଉନ ଜାରି ରଖିବା ପାଇଁ ନିର୍ଦ୍ଦେଶ ଦିଆଯାଇଥିଲା । ସେଥିରେ ରାତି କର୍ଫ୍ୟୁ ଉପରୁ କଟକଣା ଉଠାଇ ଦିଆଯାଇଥିଲା । କିନ୍ତୁ ସିନେମା ହଲ ଖୋଲିବାକୁ ଅନୁମତି ଦେଇ ନଥିଲେ ସରକାର । ଏହି ପର୍ଯ୍ୟାୟରେ ମଧ୍ୟ ସିନେମା ହଲ ଖୋଲି ନପାରେ ବୋଲି କୁହାଯାଉଛି । ଅନ୍ତଃରାଷ୍ଟ୍ରୀୟ ଉଡ଼ାଣ ଏବଂ ନିୟମିତ ରେଳ ସେବା ଆରମ୍ଭ ହେବାକୁ ନେଇ ମଧ୍ୟ ସେନ୍ଦେହ ଜାରି ରହିଛି ।
