ନୂଆଦିଲ୍ଲୀ: ଲକଡାଉନ୍ ସମୟରେ ମାନ୍ଦବସ୍ଥା ଦେଇ ଗତି କରୁଥିବା ଅର୍ଥନୀତିକୁ ପୁଣି ପୂର୍ବାବସ୍ଥାକୁ ଫେରାଇବାକୁ ଅଣ୍ଟା ଭିଡିଛି ଭାରତୀୟ ରିଜର୍ଭ ବ୍ୟାଙ୍କ । କରୋନା ଲକଡାଉନ ପାଇଁ ଦେଶରେ ଲାଗୁ ହୋଇଥିବା ଋଣ ପରିଶୋଧ କୋହଳ ନୀତି ଆସନ୍ତା ୩୧ ତାରିଖରେ ସରିବାକୁ ଯାଉଛି । ତା’ପୂର୍ବରୁ ଆଉ ଏକ ଯୋଜନା ପ୍ରସ୍ତୁତ କରିଛି ଆରବିଆଇ । ବ୍ୟାଙ୍କ ଓ ବିଭିନ୍ନ କମ୍ପାନୀ ଯେଭଳି କ୍ଷତିରେ ନ ପଡିବେ ସେ ନେଇ RBI ପ୍ରସ୍ତୁତ କରିଛି ମାଷ୍ଟରପ୍ଲାନ ।
କରୋନା ଲକଡାଉନ ପାଇଁ ଦେଶରେ ଲାଗୁ ହୋଇଥିବା ଋଣ ପରିଶୋଧ କୋହଳ ନୀତି ଆସନ୍ତା ୩୧ ତାରିଖରେ ସରିବାକୁ ଯାଉଛି । ତା ପୂର୍ବରୁ ଆଉ ଏକ ଯୋଜନା ପ୍ରସ୍ତୁତ କରିଛି ଆରବିଆଇ । ଋଣ ପରିଶୋଧକୁ ନେଇ ଆରବିଆଇ ନେଇଥିବା ନିଷ୍ପତ୍ତି କେବେ ବି ସ୍ଥାୟୀ ସମାଧାନ ନୁହେଁ । ଏଥିପାଇଁ ଦୃଢ ପଦକ୍ଷେପ ନେବାର ସମୟ ଆସିଛି ବୋଲି ଆରବିଆଇ କହିଛି । ଏଥିପାଇଁ ଋଣ ନେଣ ଦେଣ ପାଇଁ ନୂଆ ଢାଞ୍ଚା ପ୍ରସ୍ତୁତ କରାଯାଇଛି । ଏହାଦ୍ୱାରା ଲକଡାଉନ୍ ସମୟରେ ଦେବାଳିଆ ହୋଇଥିବା ବିଭିନ୍ନ କମ୍ପାନୀ ମାନେ ଅନେକ ସୁବିଧା ପାଇବେ, ଘରୋଇ କମ୍ପାନୀ ମାନେ ଆର୍ଥିକ ଚାପରୁ ମୁକ୍ତି ପାଇବେ ବୋଲି ଆରବିଆଇ କହିଛି ।
ଆରବିଆଇର ଏହି ଯୋଜନାରେ ବ୍ୟାଙ୍କ ମାନଙ୍କୁ ସ୍ୱତନ୍ତ୍ର ଦୃଷ୍ଟି ଦିଆଯାଇଛି । ସେମାନେ ଋଣ ଦେଇ କିପରି ଦୂର୍ବଳ ନ ହେବେ ସେଥିପ୍ରତି ଧ୍ୟାନ ଦେଇଛି ଆରବିଆଇ । ଲକଡାଉନ ପାଇଁ ଭାରତର ଅର୍ଥନୀତି ପ୍ରଭାବିତ ହୋଇଛି । ଏହି ସମଯରେ ଦେଶର ଅଭିବୃଦ୍ଧି ହାରକୁ ସାହାରା ଦେବା ପାଇଁ ଆରବିଆଇ ବିଭିନ୍ନ ଯୋଜନା କରୁଛି । ବ୍ୟାଙ୍କ ଗୁଡିକ ମାଧ୍ୟମରେ ବଜାରକୁ ଅର୍ଥ ପ୍ରବାହ ଅଧିକ କରିବା ପାଇଁ ଆରବିଆଇ ବିଭିନ୍ନ ନୀତି ଆପଣେଇବାକୁ ଯାଉଛି । ଗତ ୪ ଦଶନ୍ଧି ଭିତରେ ଦେଶର ଅଭିବୃଦ୍ଧି ହାର ଅତି ନିମ୍ନସ୍ତରରେ ରହିଛି । ଯେଉଥିପାଇଁ ସ୍ଥିତି ଆଗକୁ ଆହୁରି ସାଂଘାତିକ ହେବ ବୋଲି ଅର୍ଥନୀତି ବିଶେଷଜ୍ଞ ମାନେ ଆକଳନ କରିଛନ୍ତି ।
ଆରବିଆଇର ଯୋଜନା ଅନୁସାରେ ପ୍ରକୃତରେ କଣ ମିଳିବ ଫାଇଦା ? ଆରବିଆଇ ଗଭର୍ଣ୍ଣରଙ୍କ କହିବା କଥା ଯେଉଁ କମ୍ପାନୀ ମାନେ ବ୍ୟାଙ୍କଠୁ ଋଣ ନେଇଛନ୍ତି । ସେମାନଙ୍କଠୁ ଆଦାୟ ବେଳେ କିଛିଟା କୋହଳ ନୀତି ଆପଣେଇବେ ବ୍ୟାଙ୍କ । ଏହାଦ୍ୱାରା ସେମାନେ ଦେବାଳିଆ ନହେବା ସହ କର୍ମଚାରୀ ମାନେ ମଧ୍ୟ ଚାକିରି ହରେଇବେ ନାହିଁ ଏହାଦ୍ୱାରା ଦେଶର ଅର୍ଥନୀତି ଧିରେ ଧିରେ ସୁଧୁରିବ ।
