ବେଜିଂ: ଗଲବାନରୁ ଚୀନ୍ ସେନା ଦେଢରୁ ଦୁଇ କିଲୋମିଟର ପଛକୁ ହଟିବା ପରେ ପ୍ରଥମ ଥର ପାଇଁ ଚୀନର ପ୍ରତିକ୍ରିୟା ଆସିଛି । ଚୀନ୍ ନିଜ ପ୍ରତିକ୍ରିୟାରେ କହିଛି ଯେ, ଉତ୍ତେଜନା ହ୍ରାସ ପାଇଁ ଆମେ ନିଜ ସେନାକୁ ପଛକୁ ଫେରାଇ ଆଣିଛୁ । ମିଳିଥିବା ସୂଚନା ଅନୁସାରେ ଭାରତ ସରକାର୍କ ବିଶେଷ ପ୍ରତିନିଧି ଓ ଜାତୀୟ ସୁରକ୍ଷା ପରାମର୍ଶଦାତ୍ତା ଅଜିତ ଡୋଭାଲ ଓ ତାଙ୍କ ଚୀନ୍ ସମକକ୍ଷ ବାଙ୍ଗ୍ ୟିଙ୍କ ମଧ୍ୟରେ ଭିଡିଓ କଲରେ ହୋଇଥିବା ଆଲୋଚନା ପରେ ଦୁଇ ଦେଶର ସୈନିକ ପଛକୁ ଫେରିବାକୁ ରାଜି ହୋଇଥିଲେ । ଚୀନ୍ ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ‘ ଦୁଇ ଦେଶଙ୍କ ମଧ୍ୟରେ ବାର୍ତ୍ତାଳପ ପରେ ଫରୱାର୍ଡ ମୋର୍ଚ୍ଚାରେ ମୁତ୍ତୟନ ଥିବା ସୈନିକଙ୍କୁ ଫେରାଇ ଆଣିବାକୁ ଉଭୟ ଦେଶ ରାଜି ହୋଇଛନ୍ତି’
ଏହାପୂର୍ବରୁ ଲଦାଖରେ ଭାରତର କଠୋର ଆଭିମୁଖ୍ୟ କାରଣରୁ ଚୀନ ତା’ର ଆକ୍ରାମକ ଆଭିମୁଖ୍ୟରେ ପରିବର୍ତ୍ତନ ଆଣିଥିଲା । ସୂଚନାଯୋଗ୍ୟ ଯେ, ଜୁନ୍ ୧୫ ତାରିଖ ଦିନ୍ ଚୀନ୍ ଓ ଭାରତୀୟ ସୈନିକଙ୍କ ମଧ୍ୟରେ ସଂଘର୍ଷରେ ୨୦ ଜଣ ଭାରତୀୟ ଯବାନ ପ୍ରାଣ ହରାଇଥିଲେ । ଡିସଏନଗେଜମେଣ୍ଟ୍ ପ୍ରକ୍ରିୟା କ୍ରମରେ ଚୀନ୍ ସୈନିକ ଦେଢ କିଲୋମିଟର ପଛକୁ ଫେରିଛନ୍ତି ।
ଏପର୍ଯ୍ୟନ୍ତ ସରଜମିନ୍ ତଦନ୍ତ ହୋଇନାହିଁ
ତେବେ ଏପର୍ଯ୍ୟନ୍ତ ଫିଜିକାଲ ଭେରିଫିକେସନ ପ୍ରକ୍ରିୟା ସମ୍ପୂର୍ଣ୍ଣ ହୋଇଥିବା ଜଣାପଡିଛି । ଜଣେ ସେନା ଅଧିକାରୀ କହିଛନ୍ତି ଯେ, ଚୀନ୍ ସୈନିକ ପଛକୁ ହଟିଥିବା ଆମେ ଜାଣିଛୁ କିନ୍ତୁ ସେମାନେ କେତେ ପଛକୁ ଫେରିଛନ୍ତି ସେ ନେଇ ସରଜମିନ୍ ତଦନ୍ତ ହୋଇନାହିଁ । ସରଜମିନ ନୀରିକ୍ଷଣ ପରେ ଚୀନ୍ ସେନା କେତେ ପଛକୁ ହଟିଛି ତାହା ଜଣା ପଡିବ । ସରଜମିନ ତଦନ୍ତକୁ ତିନି ଦିନ ସମୟ ଲାଗିବ ବୋଲି ଜଣା ପଡିଛି । ଚୀନ୍ ସେନା ନିଜ ଟେଣ୍ଟ୍ ହଟାଇବା ପରେ ଡ୍ରୋନ୍ ଦ୍ୱାରା ଏହାର ଫଟୋ ନିଆଯିବ । ତା’ପରେ ଭାରତୀୟ ସୈନିକ ଉକ୍ତ ସ୍ଥାନକୁ ଯାଇ ସତରେ ଚୀନ୍ ହଟିଛି କି ନାହିଁ ତାର ସରଜମିନ ତଦନ୍ତ କରିବେ । ଏଥିପାଇଁ ତିନି ଦିନ ସମୟ ଲାଗିବ । ଭେରିଫିକେସନ୍ ହେବା ପରେ ଦ୍ୱିତୀୟ ପଦକ୍ଷେପ ନିଆଯିବ ।
ଭୁବନେଶ୍ୱର ବିଜେପିରେ ଏବେ ଗୋଷ୍ଠୀ ବିବାଦ ଜୋରସୋରରେ ଚାଲିଥିବା ସମସ୍ତେ ଜାଣିଛନ୍ତି । ବାବୁ ସିଂହ ହେଉଛନ୍ତି ସାଂସଦ ଅପରାଜିତା ଷଡଙ୍ଗୀଙ୍କର ଏକାନ୍ତ ଅନୁଗତ । ଅପରାଜିତା ରାଜନୈତିକ ସଭା ସମିତି କରି ଜାଣିଶୁଣି କୋଭିଡ୍ ପାଇଁ ଜାରି ହୋଇଥିବା କେନ୍ଦ୍ରୀୟ ମାର୍ଗଦର୍ଶିକାକୁ ଉଲ୍ଲଂଘନ କରୁଛନ୍ତି । ଯେଉଁଥିପାଇଁ ତାଙ୍କ ବିରୋଧରେ ମାମଲା ରୁଜୁ ହୋଇଛି ।
କାଉଣ୍ଟରର ସମସ୍ତ କର୍ମଚାରୀ ମୁହଁରେ ମାସ୍କ ପିନ୍ଧିବେ, ନିୟମିତ ବ୍ୟବଧାନରେ ସାନିଟାଇଜର ବ୍ୟବହାର କରିବେ । ଦୋକାନ ଆଗରେ ଗହଳି ରୋକିବାକୁ ବ୍ୟାରିକେଡ୍ କରାଯିବ । ସାମାଜିକ ଦୂରତା ରକ୍ଷା କରି ଲୋକଙ୍କୁ ଧାଡ଼ିରେ ଛିଡ଼ା ହେବା ପାଇଁ ବ୍ୟବସ୍ଥା କରିବେ । ଗ୍ରାହକ ମାସ୍କ ପିନ୍ଧିବା ସହ ନିର୍ଦ୍ଧାରିତ ଦୂରତା ରକ୍ଷା କରିବାକୁ ବାଧ୍ୟ । ତେବେ, ମାସ୍କ ପିନ୍ଧିନଥିବା ଓ ସାମାଜିକ ଦୂରତା ରକ୍ଷା କରୁନଥିବା ଗ୍ରାହକଙ୍କୁ ମଦ ବିକ୍ରି କରାଯିବ ନାହିଁ । ଏସବୁ ଉପରେ ସ୍ଥାନୀୟ ପୋଲିସ ସହ ଅବକାରୀ ବିଭାଗର କର୍ମଚାରୀ ନଜର ରଖିବେ । କୌଣସି ସପ୍ ନିୟମର କୋଭିଡ୍ କଟକଣାର ଉଲ୍ଲଂଘନ କଲେ ଜିଲ୍ଲାପାଳ ତାହାକୁ ବନ୍ଦ କରିପାରିବେ ।
