କଙ୍ଗନାଙ୍କ ଟାର୍ଗେଟରେ ଦୀପିକା: ବାହାଘରରେ ପାକିସ୍ତାନୀ ଏଜେଣ୍ଟଙ୍କୁ ଡାକିଥିଲେ, ସୁଶାନ୍ତଙ୍କୁ କରିଥିଲେ ବୟକଟ୍

ନୂଆଦିଲ୍ଲୀ:  ସୁଶାନ୍ତ ସିଂହ ରାଜପୁତଙ୍କ ଦେହାନ୍ତ ପରେ ଏହି ମାମଲାକୁ ନେଇ ଇଣ୍ଡଷ୍ଟ୍ରିରେ ବିତର୍କ ଏବେ ବେଶ୍ ଜୋର ଧରିଛି । ନେପୋଟିଜମ୍, ଇନ୍‌ସାଇଡର୍ ଏବଂ ଆଉଟସାଇଡର୍‌କୁ ନେଇ ମଧ୍ୟ ବେଶ୍ ବଡ଼ ବିତର୍କ ଚାଲିଛି । ଏହାରି ମଧ୍ୟରେ ପ୍ରଶଂସକ ସିବିଆଇ ଯାଞ୍ଚ ପାଇଁ ଦାବି କରିଛନ୍ତି । ତେବେ ଏହାରି ମଧ୍ୟରେ ଏକ ଏଭଳି ସମୟ ଆସିଛି ଯେତେବେଳେ ସୁଶାନ୍ତଙ୍କ ମାନସିକ ଅସୁସ୍ଥତା ନେଇ ମଧ୍ୟ ସୋସିଆଲ୍ ମିଡିଆରେ ଚର୍ଚ୍ଚା ଜୋରଧରିଥିଲା । ଦୀପିକା ପାଦୁକୋନ୍ ମଧ୍ୟ ସୁଶାନ୍ତଙ୍କ ନିଧନ ନେଇ ଏକ ଟ୍ୱିଟ୍ ସେୟାର କରିଥିଲେ ଯାହା ସୁଶାନ୍ତଙ୍କ ମାନସିକ ଅସୁସ୍ଥତା ସହ ଜଡ଼ିତ ହୋଇଥିଲା । ଯାହାକୁ ନେଇ କଙ୍ଗନା ରାଣାଓ୍ୱତ ଆକ୍ଷେପ କରିଛନ୍ତି ।

            କଙ୍ଗନାଙ୍କ ଟିମ୍‌ ଡିଜିଟାଲ୍ ଏକ ଟ୍ୱିଟ୍ ସେୟାର କରିଛନ୍ତି ଏବଂ ଦୀପିକା ଉପରେ ସୁଶାନ୍ତ ସିଂହ ରାଜପୁତଙ୍କୁ ବୟକଟ କରିଥିବା ଅଭିଯୋଗ ଲଗାଇଥିଲେ । କଙ୍ଗନାଙ୍କ ଡିଜିଟାଲ ଟିମ୍ ଏହି ଟ୍ୱିଟରେ କହିଛି ଯେ, ଏହା ଏକ ଫଟୋ ଏବା ଆର୍ଟିକାଲ ଦୀପିକା ଏବଂ ରଣବୀର ସିଂହଙ୍କ ବାହାଘର ନେଇ । ସେମାନେ ବାହାଘରକୁ ପାକିସ୍ତାନୀ ଏଜେଣ୍ଟଙ୍କୁ ଡାକିଛନ୍ତି ଏବଂ ଜେଏନୟୁ ପ୍ରଟେଷ୍ଟର ଷଡ଼ଯନ୍ତ୍ର ରଚିଥିଲେ । କିନ୍ତୁ ଶୀର୍ଷ ସିନେ ତାରକାଙ୍କୁ ବୟକଟ୍ କରାଯାଇଛି । ଯାହାଙ୍କ ମଧ୍ୟରୁ ଜଣଙ୍କ ମର୍ଡର ହୋଇସାରିଥିବା ବେଳେ ଆଉ ଜଣେ ନିଜ ଜୀବନ ପାଇଁ ସଂଘର୍ଷ କରୁଛନ୍ତି ।

This is a picture and article from Deepika Ranveer wedding, they called Pakistani agent and conspired JNU protest but boycotted only two top stars one is killed other one fighting for her survival #justiceforshushantsinghrajput #Deepika pic.twitter.com/Xo0OcZIfqq

— Kangana Ranaut (Modi Ka Parivar) (@KanganaTeam) July 29, 2020

            ସୂଚନା ଯୋଗ୍ୟ ଯେ, ସୁଶାନ୍ତ ସିଂହ ରାଜପୁତଙ୍କ ନିଧନ ପରେ କଙ୍ଗନା ବଲିଉଡ୍ ତାରକାଙ୍କୁ ଟାର୍ଗେଟ କରିଛନ୍ତି । ତେବେ ସୁଶାନ୍ତଙ୍କ ପିତାଙ୍କ ଦ୍ୱାରା ତାଙ୍କ ଗାର୍ଲ ଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କ ଉପରେ ମାମଲା ରୁଜୁ କରାଯିବାପରେ ମାମଲାରେ ନୂଆ ମୋଡ ଆସିଛି । ସ୍ୱର୍ଗତ ଅଭିନେତାଙ୍କ ପିତା କେ.କେ ସିଂହ ନିଜ ଷ୍ଟେଟମେଣ୍ଟରେ କହିଛନ୍ତି ଯେ, ରିୟା ସୁଶାନ୍ତଙ୍କ ଟଙ୍କା ହଡ଼ପ କରିବାକୁ ଚାହୁଁଥିଲେ । ଏବଂ ରିୟାଙ୍କ ଏଭଳି କାମ ଯୋଗୁଁ ସୁଶାନ୍ତ ଆତ୍ମହତ୍ୟା କରିବାକୁ ବାଧ୍ୟ ହୋଇଥିଲେ ।

https://www.youtube.com/watch?v=Zxf8JeL0Vnc