Realme ଆଣିଲା 6000mAh ବ୍ୟାଟେରୀର ଶସ୍ତା ସ୍ମାର୍ଟଫୋନ୍

ନୂଆଦିଲ୍ଲୀ: ରିଅଲମି (Realme) ନିଜସ୍ୱ 6000mAh ବ୍ୟାଟେରୀ ବିଶିଷ୍ଟ ସ୍ମାର୍ଟଫୋନ୍ ରିଅଲମି C15 ଲଞ୍ଚ୍ କରିଛି । ନୂଆ ଫୋନ୍ ରିଅଲମି C15 କମ୍ପାନୀର ଅନ୍ୟ ଫୋନ୍ ପରି ଦେଖିବାକୁ । ଫୋନର ଆଗ ପଟ ଡ୍ୟୁ଼ଡ୍ରପ୍ ନାଞ୍ଚ, ପଛ ପଟ ଗ୍ରାଡିଏଣ୍ଟ ଡିଜାଇନ୍ ଓ ଡେଡିକେଟେଡ୍ ଫିଙ୍ଗରପ୍ରିଣ୍ଟ ସେନ୍ସର ରହିଛି । ଏଥିରେ ସବୁଠାରୁ ବଡ଼ କଥା ହେଉଛି ଏଥିରେ 6000mAh ବ୍ୟାଟେରୀ ରହିଛି । ଫୋନରେ ୧୮ ୱାଟର ଫାଷ୍ଟ ଚାର୍ଜିଂ ସପୋର୍ଟ ରହିଛି । ଏହି ଫୋନ୍ ମାଇକ୍ରୋ ୟୁଏସବି ପୋର୍ଟ ବଦଳରେ ଫାଷ୍ଟେର ୟୁଏସବି ଟାଇପ-ସି ପୋର୍ଟ ସହିତ ଆସୁଛି ।

ବର୍ତ୍ତମାନ ଫୋନ୍ କେବଳ ଇଣ୍ଡୋନେସିଆରେ ଉପଲବ୍ଧ । ଏହା ସାଧାରଣ ବଜେଟ୍ ଫୋନ୍ ଭଳି ଲାଗୁଛି । ଯାହାର ପ୍ରାରମ୍ଭିକ ମୂଲ୍ୟ IDR 1,999,000 (୧୦ ହଜାର ଟଙ୍କା) । ଆଉ ଏହାର ଟପ୍ ଏଣ୍ଡ ମଡେଲ୍  4GB+64GBର ମୂଲ୍ୟ IDR 2,199,000 (୧୧ ହଜାର ୩ ଶହ ଟଙ୍କା) ରହିଥିବା ବେଳେ 4GB,128ର ମୂଲ୍ୟ ପ୍ରାୟ ୧୨ ହଜାର ଟଙ୍କା ରହିଛି । Realme C15 ୬.୫ ଇଞ୍ଚ୍ ହୋଇଥିବା ବେଳେ  LCD HD+ ଡିସପ୍ଲେ ରହିଛି । ସ୍କ୍ରିନ୍ 20:9 ଆସ୍ପେକ୍ଟ ରେସିଓ ରହିଛି । ଏଥିରେ କର୍ଣ୍ଣିଂ ଗରିଲା ଗ୍ଲାସ୍ ପ୍ରୋଟେକ୍ସନ ରହିଛି ।

କ୍ୟାମେରା କଥା କହିବାକୁ ଗଲେ ଏଥିରେ କ୍ୱାଡ୍ ରିୟର କ୍ୟାମେରା ସେଟଅପ ରହିଛି । ଏଥିରେ ୧୩ ମେଗାପିକ୍ସେଲ୍ ପ୍ରାଇମେରୀ କ୍ୟାମେରା ରହିଥିବା ବେଳେ ୮ ମେଗାପିକ୍ସେଲର ଅଲ୍ଟ୍ରା ୱାଇଣ୍ଡ ଆଙ୍ଗେଲ ସେନ୍ସର, ୨ ମେଗାପିକ୍ସେଲର ସେନ୍ସର ସହ ୨ ମେଗାପିକ୍ସେଲ ସେନ୍ସର ଦିଆଯାଇଛି । ଫୋନରେ ଫ୍ରଣ୍ଟରେ ୮ ମେଗାପିକ୍ସେଲ୍ ସେଲ୍ଫି କ୍ୟାମେରା ରହିଛି ।

ଏଥିରେ Helio G35 ପ୍ରୋସେସର ରହିଛି । ଏହା ଚିପ୍ ସେଟ୍ ଅଟେ ଯାହା ରିଅଲମି C11ରେ ରହିଛି । ଫୋନରେ 4GB ରାମ ସହ 128GB ଇଣ୍ଟରନାଲ ଷ୍ଟୋରେଜ ରହିଛି । ଫୋନରେ ଏଣ୍ଡ୍ରାୟଡ୍ ୧୦ ବେସଡ୍  Realme UI କାମ କରେ । ତେବେ, ବର୍ତ୍ତମାନ କମ୍ପାନ ପକ୍ଷରୁ କୁହାଯାଇ ନାହିଁ ଅନ୍ୟ ଦେଶରେ ଏହି ଫୋନ୍ କେବେ ଲଞ୍ଚ କରାଯିବ ।