ମୁମ୍ୱାଇ: କରୋନା ଟିକାକରଣରେ ଅନିୟମିତତା । ଦେଶରେ କରୋନା ଟିକାକରଣ ଜାରି ରହିଥିବା ବେଳେ ଏଥିରେ କିଛି ଅନିୟମିତତା ହୋଇଥିବା ଖବର ବାହାରକୁ ଆସିଛି । ଖବରଅନୁଯାୟୀ, କିଛି ଘରୋଇ ହସ୍ପିଟାଲ ଦେଶରେ ଚାଲିଥିବା ଏହି ମାଗଣା ଟିକାକରଣର ଫାଇଦା ଉଠାଉଛନ୍ତି । ସେମାନେ ନିଜ ପରିବାର ଏବଂ ବନ୍ଧୁଙ୍କ ମାନ ସ୍ୱାସ୍ଥ୍ୟକର୍ମୀଙ୍କ ତାଲିକାରେ ପକାଉଛନ୍ତି । ଏବଂ ତାଙ୍କୁ ଟିକା ଦେଉଛନ୍ତି । ସରକାର ପ୍ରଥମ ପର୍ଯ୍ୟାୟରେ କେବଳ ସ୍ୱାସ୍ଥ୍ୟ ସେବା ସମ୍ପର୍କିତ ଲୋକଙ୍କୁ କରୋନା ଟିକା ଦେବା ନେଇ ଯୋଜନା କରିଛନ୍ତି ।
ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ ମହାରାଷ୍ଟ୍ରରେ ଅବମରାବତିର ଅଚଲପୁର ଜିଲ୍ଲା ହସ୍ପିଟାଲ ତଦନ୍ତ ପରିସରକୁ ଆସିସାରିଛି । ଏହି ହସ୍ପିଟାଲ ନିଜ ପରିବାରର ସଦସ୍ୟ ଏବଂ ବନ୍ଧୁଙ୍କୁ ଭ୍ୟାକ୍ସିନ୍ ଦେଇଛି । ସରକାରଙ୍କ ଗାଇଡଲାଇନ୍ ଅନୁଯାୟୀ କେବଳ ପବ୍ଲିକ୍ ଏବଂ ପ୍ରାଇଭେଟ ସେକ୍ଟର ସ୍ୱାସ୍ଥ୍ୟକର୍ମୀ ଏବଂ ଫ୍ରଣ୍ଟଲାଇନ୍ ଓ୍ୱାର୍କସଙ୍କୁ ମାଗଣା ଟିକା ନେବାକୁ ଅନୁମତି ଦିଆଯାଇଛି । ଏଭଳି ମାମଲା ଗୋଆ ଏବଂ ଚେନ୍ନାଇରେ ମଧ୍ୟ ଦେଖିବାକୁ ମିଳିଛି ।
ଅଚଲପୁର ସ୍ଥିତ ଭଂସଲି ସୁପର ସ୍ପେଶାଲିଷ୍ଟର ଡାକ୍ତର ଆଶିଷ ଭଂସାଲି ସ୍ୱାସ୍ଥ୍ୟକର୍ମୀ ଦର୍ଶାଇ ପରିବାରର ୧୯ ସଦସ୍ୟ ଏବଂ ୨ ବନ୍ଧୁଙ୍କ ନାମ ସାମିଲ କରିଛନ୍ତି । ଏ ସମସ୍ତଙ୍କୁ କରୋନା ଭ୍ୟାକ୍ସିନ୍ର ପ୍ରଥମ ଡୋଜ୍ ମିଳିସାରିଛି । ତେବେ ଏ ନେଇ ସଫେଇ ଦେଇ ଡାକ୍ତର କହିଛନ୍ତି ଯେ, ତାଲିକାରେ ସ୍ୱାସ୍ଥ୍ୟକର୍ମୀଙ୍କ ନିକଟ ସମ୍ପର୍କୀୟଙ୍କ ନାମ ତାଲିକାରେ ସାମିଲ ହୋଇପାରିବ ଏଣୁ ସେମାନଙ୍କୁ ଟିକାକରଣ ତାଲିକାରେ ସାମିଲ କରିଥିବା ଡାକ୍ତର ଜଣଙ୍କ କହିଛନ୍ତି ।
