spot_img
Home Blog Page 5975

ବଢ଼ୁଥିବା ସଂକ୍ରମିତଙ୍କ ସଂଖ୍ୟାକୁ ନଜରରେ ରଖି ଛତିଶଗଡ଼କୁ ବନ୍ଦ ହେଲା ବସ୍ ଚଳାଚଳ

ନୂଆପଡ଼ା: ବଢ଼ୁଥିବା କରୋନା ସଂକ୍ରମିତଙ୍କ ସଂଖ୍ୟାକୁ ନଜରରେ ରଖି ପ୍ରଶାସନର ବଡ଼ ନିଷ୍ପତ୍ତି । ପଡୋଶୀ ରାଜ୍ୟକୁ ବସ ଚଳାଚଳ ବନ୍ଦ କଲା ଜିଲ୍ଲା ପ୍ରଶାସନ । ନୂଆପଡା ରୁ ଛତିଶଗଡ଼କୁ ବସ ଚଳାଚଳ ବନ୍ଦ । ନୂଆପଡାରେ ଲୋକମାନେ ସପିଂ କରିବାକୁ ଛତିଶଗଡ଼ ଯାଉଛନ୍ତି । ଏବେ ଲୋକଙ୍କୁ ଛତିଶଗଡ଼ ଯିବାକୁ ମନାକରାଯାଇଛି । ନୂଆପଡାରୁ ଛତିଶଗଡ଼ ବସ ଚଳାଚଳ ବନ୍ଦ କରାଯାଇଛି । ମାଇକଯୋଗେ ଲୋକଙ୍କୁ ସଚେତନ କରାଯାଉଛି । ଟେଷ୍ଟିଂ ଓ ଟ୍ରାକିଂକୁ ଗୁରୁତ୍ୱ ଦିଆଯାଇଛି । ବର୍ତ୍ତମାନ ଶିକ୍ଷାନୁଷ୍ଠାନରେ ସଂକ୍ରମଣ ବଢୁଛି । ବାହାର ରାଜ୍ୟରୁ ଆସି ଏକତ୍ରିତ ହେବାରୁ ବଢୁଛି ସଂକ୍ରମଣ । ସୀମାନ୍ତ ଜିଲ୍ଲା ଉପରେ ତୀକ୍ଷ୍ନ ନଜର ରହିଛି  । ନୂଆପଡା, ସୁନ୍ଦରଗଡ,ବରଗଡ, ଖୋର୍ଦ୍ଧା ଜିଲ୍ଲା ସଂକ୍ରମଣ ସଂଖ୍ୟା ଅଧିକ ରହିଛି । ସଂକ୍ରମଣ ବଢିଲେ କଣ୍ଟେନମେଣ୍ଟ ଜୋନ କରିବାକୁ ନିର୍ଦ୍ଦେଶ ଦିଆଯାଇଛି । ଯାହାର ଲକ୍ଷଣ ଦେଖାଦେଉଛି ସେମାନେ ସ୍ୱେଚ୍ଛାକୃତ ଭାବେ ଆସି ଟେଷ୍ଟିଂ କରିବାକୁ ପରାମର୍ଶ ଦିଆଯାଇଛି । ସ୍ଥିତିକୁ ଦେଖି କଣ୍ଟେନମେଣ୍ଟ ଜୋନ୍ ଘୋଷଣା କରିବାକୁ ନିର୍ଦ୍ଦେଶ ଦିଆଯାଇଛି ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ଡାକ୍ତର ନିରଞ୍ଜନ ମିଶ୍ର ।

ସୂଚନା ଯୋଗ୍ୟ ଯେ, ସୂଚନା ଓ ଲୋକ ସମ୍ପର୍କ ବିଭାଗର ସୂଚନା ମୁତାବକ ଗତ ୨୪ ଘଣ୍ଟା ମଧ୍ୟରେ ୨୧୮ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି  ।

ବିଧାନସଭାରେ ଉଠିଲା ମେଟ୍ରୋ ରେଳ ପ୍ରକଳ୍ପ ପ୍ରସଂଗ: ଜାଣନ୍ତୁ କ’ଣ ଉତ୍ତର ରଖିଲେ ମନ୍ତ୍ରୀ

ଭୁବନେଶ୍ୱର: ବିଧାନସଭାରେ ଉଠିଲା ଟ୍ବିନ୍‌ ସିଟି ମେଟ୍ରୋ ରେଳ ପ୍ରକଳ୍ପ ପ୍ରସଙ୍ଗ । ଭୁବନେଶ୍ୱର-କଟକ ମେଟ୍ରୋ ଟ୍ରେନ ଚାଲିବା ପାଇଁ ଏବେ କୌଣସି ପ୍ରସ୍ତାବ ନାହିଁ କି ଏଥିପାଇଁ କୌଣସି କମ୍ପାନୀକୁ ଅର୍ଥ ଦିଆଯାଇ ନାହିଁ । ଭୁବନେଶ୍ୱର କଟକରେ ମେଟ୍ରୋ ଟ୍ରେନ ଚାଲିବା ପାଇଁ ଭାରତ ସରକାର ଓ ରାଜ୍ୟ ସରକାରଙ୍କ ମିଳିତ ଉଦ୍ୟମରେ ସର୍ଭେ କରାଯାଇ ଟେଣ୍ଡର ହୋଇଥିଲା । ଏଥିରେ 5ଟି କମ୍ପାନୀ ଭାଗ ନେଇଥିଲେ ।  ଵାଲାଜୀ ରେଲ ଆଣ୍ଡ ରୋଡ୍‌ ବର୍ଷାଲିକୁ ସର୍ଭେ ପାଇଁ ଟେଣ୍ଡର ଦିଆଯାଇଥିଲା । ଖୋର୍ଦ୍ଧା ଓ ଜଟଣୀ ପର୍ଯ୍ୟନ୍ତ ମେଟ୍ରୋ ଚଳାଇବା ପାଇଁ ଆମେ ପ୍ରସ୍ତାବ ଦେଇଥିଲୁ । ପୁଣି ଥରେ ସର୍ଭେ କରିବା ପାଇଁ ଆମେ ଦାବି କରିବୁ  । କଟକରୁ ଚଣ୍ଡୀଖୋଲ ଓ ଭୁବନେଶ୍ୱରରୁ ପୁରୀ ପର୍ଯ୍ୟନ୍ତ ମେଟ୍ରୋ ଟ୍ରେନ୍‌ ସମ୍ପ୍ରସାରଣ ପାଇଁ ପ୍ରସ୍ତାବ ଦିଆଯିବ । 2041 ପର୍ଯ୍ୟନ୍ତ ଟୁଇନ ସିଟିରେ ମେଟ୍ରୋ ଟ୍ରେନ ଗଡ଼ିବା ଅସମ୍ଭବ । ଜନସଂଖ୍ୟା ଆଧାରରେ ସର୍ଭେ ଅନୁଯାୟୀ ଫିଜିବିଲିଟି ନଥିବାରୁ ଏହାକୁ ଆଗକୁ ଯାଇପାରୁନି । ଏହି ସର୍ଭେ ପାଇଁ କେନ୍ଦ୍ର ସରକାର ୧୨ ଲକ୍ଷ ୬୧ ହଜାର ଦେଇଥିବା ବେଳେ ରାଜ୍ୟ ସରକାର ୫୨ ଲକ୍ଷ ଟଙ୍କା ପ୍ରଦାନ କରିଥିଲେ । ବିଧାନସଭାରେ ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା ଏହି ସୂଚନା ଦେଇଛନ୍ତି । ସେପଟେ ବିଧାନସଭାରେ ଅନ୍ୟ ସଦସ୍ୟମାନେ ପୁଣି ଏହି ସର୍ଭେ କରିବା ପାଇଁ ଦାବି ରଖିଛନ୍ତି ।

ଏଥିସହିତ ପଢ଼ନ୍ତୁ: ଖାଇବାକୁ ଗଲା ମୂଷା, ଫସିଗଲା ନାଗ

ପଶ୍ଚିମବଙ୍ଗ ଦ୍ୱିତୀୟ ପର୍ଯ୍ୟାୟ ନିର୍ବାଚନ: ନନ୍ଦିଗ୍ରାମ ପାଇଁ ଅଣ୍ଟା ଭିଡ଼ିଲେ ମମତା, ଘନ ଘନ ରୋଡ୍ ଶୋ’

କୋଲକାତା: ଆଜି ହେଉଛି ପଶ୍ଚିମବଙ୍ଗ ଦ୍ୱିତୀୟ ପର୍ଯ୍ୟାୟ ନିର୍ବାଚନର ପ୍ରଚାର ପାଇଁ ଶେଷ ଦିନ। ଏଥିପାଇଁ ଜୋରସୋରରେ ଚାଲିଛି ନିର୍ବାଚନୀ ପ୍ରଚାର। ଆଜି ପ୍ରଚାରରେ ପ୍ରତିଶୃତିର ବର୍ଷା କରି ଭୋଟରକୁ ହାତେଇବା ପାଇଁ ଚେଷ୍ଟା କରିବେ ଉଭୟ ଦଳ। ଆସନ୍ତା ଏପ୍ରିଲ ୧ରେ ପଶ୍ଚିମବଙ୍ଗରେ ହେବ ଦ୍ୱିତୀୟ ପର୍ଯ୍ୟାୟ ନିର୍ବାଚନ।

ଅନ୍ୟପଟେ ୩୦ଟି ଆସନ ମଧ୍ୟରୁ ଭିଭିଆଇପି ସିଟ୍‌ ନନ୍ଦିଗ୍ରାମ୍‌ ପାଇଁ ବି ଏଥର ହେବ ମତଦାନ। ଏଥିପାଇଁ ଟିକିଏ ବି ସମୟ ନଷ୍ଟ ନକରି ଘନ ଘନ ରୋଡ ଶୋ କରିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ। ଏହି ଆସନରେ ବିଜେପିର ଶୁଭେନ୍ଦୁ ଅଧିକାରୀଙ୍କ ସହ ମମତାଙ୍କର ହେବ ମୁହାଁମୁହିଁ ଟକ୍କର। ଗତକାଲି ହଜାର ହଜାର ସମର୍ଥକଙ୍କ ମଧ୍ୟରେ ଦିଦି ରଣହୁଙ୍କାର ଦେଇଥିଲେ। ବିଜେପିକୁ ଟାର୍ଗେଟ କରିବା ସହ ଟିଏମସି ଛାଡ଼ି ବିଜେପିରେ ମିଶିଥିବା ଶୁଭେନ୍ଦୁଙ୍କର ଗୋଟିଏ ଗୋଟିଏ ଦୁର୍ନୀତିର ଗଣି ଗଣି ହିସାବ ବି ଦେଇଥିଲେ।

ସେପଟେ ବିଜେପି ମଧ୍ୟ ନନ୍ଦିଗ୍ରାମରେ ଜୋରଦାର ପ୍ରଚାର ଚଲାଇଛି। ଶୁଭେନ୍ଦୁ ଅଧିକାରୀ ରାଜ୍ୟରେ ବଢୁଥିବା ହିଂସାକୁ ପ୍ରସଙ୍ଗ କରି ଲୋକଙ୍କ ମତ ପରିବର୍ତ୍ତନ କରିବାକୁ ଚେଷ୍ଟା କରିଛନ୍ତି। ତେବେ ଶୁଭେନ୍ଦୁଓ ମମତା କାହା ଉପରେ କିଏ ଭାରି ପଡ଼ୁଛି ତାହା ଖୁବଶୀଘ୍ର ସ୍ପଷ୍ଟ ହୋଇଯିବ।

ଥମୁନି କରୋନା କହର: ୨୪ ଘଣ୍ଟାରେ ୫୬ ହଜାର ଟପିଲା ସଂକ୍ରମଣ

ନୂଆଦିଲ୍ଲୀ: ଦେଶରେ ଜାରି ରହିଛି କରୋନା କହର । ଆକ୍ରାନ୍ତଙ୍କ ସଂଖ୍ୟା ବଢୁଥିବାରୁ ଲୋକଙ୍କ ଚିନ୍ତା ବଢ଼ିଯାଇଛି । ଗତ ୨୪ ଘଣ୍ଟାରେ ଦେଶରେ  ୫୬ ହଜାର ୨୧୧ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ସେହିପରି ଗତ ୨୪ ଘଣ୍ଟାରେ ୩୭ ହଜାର ଆକ୍ରାନ୍ତ ସୁସ୍ଥ ହୋଇଥିବା ବେଳେ, ୨୭୧ ଜଣଙ୍କର ଜୀବନ ନେଇଛି ଏହି ଭାଇରସ ।

ଆଜିର ଆକ୍ରାନ୍ତଙ୍କ ସଂଖ୍ୟାକୁ ମିଶାଇ ଦେଶରେ ଏପର୍ଯ୍ୟନ୍ତ ୧ କୋଟି ୨୦ ଲକ୍ଷ ୯୫ ହଜାର ୮୫୫ ଜଣ ସଂକ୍ରମିତ ହେଲେଣି। ସେହିପରି ଏପର୍ଯ୍ୟନ୍ତ ୧ କୋଟି ୧୩ ଲକ୍ଷ ୯୩ ହଜାର ୨୧ ଜଣ ସୁସ୍ଥ ହେଲେଣି ।

ମହାରାଷ୍ଟ୍ରରେ ଦିନକୁ ଦିନ ବେକାବୁ ହେଉଛି କରୋନା । ସ୍ଥିତି ଉଦ୍‌ବେଗଜନକ ହୋଇଥିବାରୁ କରୋନାକୁ ନେଇ ମହାରାଷ୍ଟ୍ରରେ ସ୍ଥିତି ବିଗୁଡୁଥିବା ବେଳେ, ରାଜ୍ୟରେ ଲକଡାଉନ୍ ଲାଗୁ କରିବାକୁ ସଙ୍କେତ ଦେଇଛନ୍ତି ଉଦ୍ଧବ ଠାକରେ । ଯାହାକୁ ବିରୋଧ କରିଛନ୍ତି ଏନସିପି ଓ ବିଜେପି । ପୂର୍ବରୁ ୨୮ ତାରିଖ ରାତିରୁ ରାଜ୍ୟରେ ରାତ୍ରିକାଳୀନ କର୍ଫ୍ୟୁ ଲାଗୁ ହୋଇଛି। ରାତି ୮ଟାରୁ ସକାଳ ୭ଟା ପର୍ଯ୍ୟନ୍ତ ଲାଗୁ କରାଯାଇଛି କର୍ଫ୍ୟୁ । ତେବେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଏହି କଟକଣା ଜାରି କରାଯାଇଛି।

ଭୁବନାନନ୍ଦ ଇଞ୍ଜିନିୟରିଂ କଲେଜକୁ ସାନିଟାଇଜ୍ କରାଯାଇ ନଥିବାରୁ ଛାତ୍ର ଅଶାନ୍ତି

କଟକ: ଭୁବନାନନ୍ଦ ଇଞ୍ଜିନିୟରିଂ ସ୍କୁଲରେ ଛାତ୍ର ଅଶାନ୍ତି । କରୋନା ସଂକ୍ରମଣକୁ ଦୃଷ୍ଟିରେ ରଖି ଅନ୍‌ଲାଇନ୍ ପରୀକ୍ଷା ଏବଂ ସମସ୍ତଙ୍କ ଟେଷ୍ଟିଂ ପାଇଁ ଦାବି କରିଛନ୍ତି ଛାତ୍ରଛାତ୍ରୀ । ମୁଖ୍ୟ ଫାଟକରେ ଟାୟାର ଜାଳି ଆନ୍ଦୋଳନକୁ ଜୋରଦାର କରିଛନ୍ତି । ଅଫ୍‌ଲାଇନ୍ ପରୀକ୍ଷା ହେଲେ ସଂକ୍ରମଣ ବଢିବ ବୋଲି ଯୁକ୍ତି ବାଢ଼ିଛନ୍ତି ଛାତ୍ରଛାତ୍ରୀ । ଅନ୍ୟପକ୍ଷରେ ଅଧ୍ୟକ୍ଷ କହିଛନ୍ତି ଛାତ୍ରଛାତ୍ରୀଙ୍କ ଦାବି ସମ୍ପର୍କରେ କାଉନସିଲକୁ ଜଣାଇଛନ୍ତି । ସ୍କୁଲରେ ତିନି ଜଣ ଛାତ୍ର ପଜିଟିଭ ଚିହ୍ନଟ ହେବା ପରେ ଆସନ୍ତାକାଲି ଠାରୁ ହେବାକୁ ଥିବା ପରୀକ୍ଷାକୁ ଅଫ୍‌ଲାଇନ୍ ପରିବର୍ତ୍ତେ ଅନଲାଇନରେ କରିବାକୁ ଦାବି ହୋଇଛି । ଏଥିସହିତ ପୂରା ପରିସରକୁ ସାନିଟାଇଜ କରିବା ସହ ସମସ୍ତ ଛାତ୍ରଛାତ୍ରୀଙ୍କ କୋଭିଡ୍ ଟେଷ୍ଟ ପାଇଁ ମଧ୍ୟ ଦାବି ।

ଅନ୍ୟପକ୍ଷରେ ସ୍କୁଲର ଅଧ୍ୟକ୍ଷ କହିଛନ୍ତି ଯେ, ସ୍କୁଲର ୪ଶହ ପିଲାଙ୍କ ଟେଷ୍ଟ କରାଯାଇଥିଲା । ତିନି ଜଣ ପଜିଟିଭ ବାହାରିଥିଲେ। ସେମାନଙ୍କୁ ସଙ୍ଗରୋଧରେ ରଖାଯାଇଛି । ହଷ୍ଟେଲରେ ସାନିଟାଇଜ କରାଯାଇଛି । ବାକି ପିଲାଙ୍କ ଟେଷ୍ଟ ପାଇଁ ଅନୁରୋଧ କରାଯାଇଛି । କୋଭିଡ୍ ଏସଓପି ଅନୁଯାୟୀ ପରୀକ୍ଷା କରିବାକୁ ନିଷ୍ପତ୍ତି ହୋଇଛି । ତେବେ ଛାତ୍ରଛାତ୍ରୀମାନେ ଅଫ୍‌ଲାଇନ୍ ପରିବର୍ତ୍ତେ ଅନଲାଇନ ପରୀକ୍ଷା ପାଇଁ ଯେଉଁ ଦାବି କରୁଛନ୍ତି ସେ ସମ୍ପର୍କରେ କାଉନସିଲକୁ ଜଣାଇ ଦିଆଯାଇଛି ବୋଲି ଅଧ୍ୟକ୍ଷ କହିଛନ୍ତି । ବୋଷ ଛାତ୍ରଛାତ୍ରୀଙ୍କ ବିଭିନ୍ନ ବର୍ଷର ପରୀକ୍ଷା ମାର୍ଚ୍ଚ ୩୧ ତାରିଖରୁ ଆରମ୍ଭ ହୋଇ ଏପ୍ରିଲ୍ ୧୩ ପର୍ଯ୍ୟନ୍ତ ଚାଲିବ।

ଏଥିସହିତ ପଢ଼ନ୍ତୁ: ଖାଇବାକୁ ଗଲା ମୂଷା, ଫସିଗଲା ନାଗ

 

ନାମାଙ୍କନ ପାଇଁ ଶୋଭାଯାତ୍ରାରେ ବାହାରିଲେ ରୁଦ୍ର

ପିପିଲି ବିଧାନସଭା ଆସନ ନେଇ ଆଜି ପ୍ରାର୍ଥିପତ୍ର ଦାଖଲ କରିବେ ବିଜୁ ଜନତା ଦଳ ପ୍ରାର୍ଥୀ ରୁଦ୍ର ପ୍ରତାପ ମହାରଥୀ । ଏ ନେଇ ଆଜି ସକାଳୁ ପିପିଲି ବିଜେଡି କାର୍ଯ୍ୟାଳୟରୁ ଏକ ଶୋଭାଯାତ୍ରାରେ ବାହାରିଛନ୍ତି ରୁଦ୍ର ପ୍ରତାପ ମହାରଥୀ । ଶୋଭାଯାତ୍ରାରେ ଦଳର ବରିଷ୍ଠ ନେତା ସାମିଲ । କରୋନା କଟକଣା ମାନି ଶୋଭାଯାତ୍ରାରେ ବାହାରିଛନ୍ତି ରୁଦ୍ର ମହାରଥୀ । ଅପରପକ୍ଷରେ ପିପିଲି ପାଇଁ ବିଜେଡିର ବ୍ଲୁ ପ୍ରିଣ୍ଟ ପ୍ରସ୍ତୁତ ସରିଛି । ପଞ୍ଚାୟତ, ବ୍ଲକ୍‌ ଏବଂ ଏନ୍‌ଏସି ଦାୟିତ୍ବ ମନ୍ତ୍ରୀ ଓ ବିଧାୟକଙ୍କୁ ଦିଆସରିଛି । ଦଳର ମହିଳା, ଛାତ୍ର ଓ ଯୁବ ସାମ୍ମୁଖ୍ୟକୁ ଏଥର ଦିଆଯାଇଛି ଅଧିକ ଗୁରୁତ୍ବ ।

ପିପିଲି ଉପ-ନିର୍ବାଚନ ନେଇ ବିଜେଡି ପକ୍ଷରୁ ରୁଦ୍ରଙ୍କ ନାମ ଘୋଷଣା ପରେ ଗତ ୨୮ ତାରିଖରେ ନବୀନ ନିବାସ ଯାଇ ଦଳୀୟ ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟରୁ ଟିକେଟ୍ ଗ୍ରହଣ କରିଥିଲେ । ତାଙ୍କ ସହ ଭଉଣୀ ଓ ଭିଣୋଇ ମଧ୍ୟ ନବୀନ ନିବାସ ଯାଇଥିଲେ । ବାପାଙ୍କ ଅଧୁରା ସ୍ୱପ୍ନକୁ ପୂରଣ କରିବେ ବୋଲି କହିଛନ୍ତି ରୁଦ୍ର । ଚାଷୀଙ୍କ ଉନ୍ନତି, ପାନୀୟ ଜଳ, ଜଳସେଚନ ଉପରେ ଧ୍ୟାନ ଦେବେ ବୋଲି ରୁଦ୍ର କହିଛନ୍ତି । ଏଥିସହ ପରିବାରରେ ଟିକେଟ୍ ପାଇଁ ମତଭେଦ ଉପରେ ପ୍ରତିକ୍ରିୟା ରଖି ରୁଦ୍ର କହିଛନ୍ତି ଏହା ବିରୋଧୀ ଦଳର ଏକ ଚାଲ୍ । ପରିବାର ସବୁବେଳେ ଏକାଠି ଅଛି ବୋଲି କହିଛନ୍ତି ରୁଦ୍ର ।

ଭାରତୀୟ ଦଳର ପୂର୍ବତନ କ୍ରିକେଟର ଇର୍ଫାନ ପଠାନ୍‌‌ଙ୍କୁ କରୋନା

ଭୁବନେଶ୍ୱର: ଦେଶରେ କରୋନା ଦ୍ବିତୀୟ ଲହରୀ ଜାରି ରହିଛି । ପ୍ରତିଦିନ ୬୦ହଜାରରୁ ଅଧିକ ସଂକ୍ରମିତ ଚିହ୍ନଟ ହୋଉଛନ୍ତି । ଏହାରିଭିତରେ କ୍ରିକେଟରଙ୍କୁ ହେଉଛି କରୋନା । ସଚିନ , ୟୁସୁଫ୍ ଓ ବଦ୍ରିନାଥଙ୍କ ପରେ ଇରଫାନ ପଠାନ ହୋଇଛନ୍ତି କରୋନା ପଜିଟିଭ । ପୂର୍ବରୁ ବଡ଼ଭାଇ ୟୁସୁଫ୍ ପଠାନ୍ କରୋନା ଆକ୍ରାନ୍ତ ହୋଇଥିଲେ । ଏବେ ଟିମ୍ ଇଣ୍ଡିଆର ପୂର୍ବତନ ଅଲ୍‌ରାଉଣ୍ଡର ହୋଇଛନ୍ତି କରୋନା ଆକ୍ରାନ୍ତ । ଇରଫାନ ସୋସିଆଲ ମିଡିଆରେ ନିଜେ ଏହି ସୂଚନା ଦେଇଛନ୍ତି । କୌଣସି ଲକ୍ଷଣ ନଥିବା ସତ୍ବେ ସେ କରୋନା ପଜିଟିଭ ଆସିଥିବା ଟ୍ବିଟରେ ଉଲ୍ଲେଖ କରିଛନ୍ତି  । ହୋମ୍ ଆଇସୋଲେସନରେ ଅଛନ୍ତି ଇରଫାନ୍  । କିଛି ଦିନ ମଧ୍ୟରେ ତାଙ୍କ ସମ୍ପର୍କରେ ଆସିଥିବା ବ୍ୟକ୍ତିଙ୍କୁ କରୋନା ଟେଷ୍ଟ କରିବାକୁ ସେ ଅନୁରୋଧ କରିଛନ୍ତି । ଏହାସହ ମାସ୍କ ଓ ସୋସିଆଲ ଡିଷ୍ଟାନ୍ସ ନିୟମ ପାଳନ କରିବାକୁ ସେ ଟ୍ବିଟରେ ଲୋକଙ୍କୁ ସଚେତନ କରାଇଛନ୍ତି ।

ଏଥିସହିତ ପଢ଼ନ୍ତୁ: ଜଙ୍ଗଲ ରାସ୍ତାରେ ଦି’ ଦିନ ଗାଡ଼ି ଚଲାଇଲେ ମୁଖ୍ୟମନ୍ତ୍ରୀ, ଭିଡ଼ିଓ ଭାଇରାଲ୍

ଆରମ୍ଭ ହେଲା ମା‘ ତାରାତାରିଣୀଙ୍କ ଚୈତ୍ର ଯାତ୍ରା

ପୁରୁଷୋତ୍ତମପୁର: ଆଜିଠୁ ଆରମ୍ଭ ହେଉଛି ଦକ୍ଷିଣ ଓଡ଼ିଶାର ଅଧିଷ୍ଠାତ୍ରୀ ଦେବୀ ମା’ତାରାତାରିଣୀଙ୍କ  ଚୈତ୍ର ଯାତ୍ରା । ମାଆଙ୍କ ପୀଠରେ ପାଞ୍ଚଟି ମଙ୍ଗଳବାରରେ ପାଳନ ହେବ ଏହି ପର୍ବ । ଶ୍ରଦ୍ଧାଳୁମାନେ ମାଆଙ୍କ ନିକଟରେ ମାନସିକ ରଖିବା ସହିତ ଦର୍ଶନ କରିବେ । ତେବେ କରୋନା ସଂକ୍ରମଣ ବଢୁଥିବାରୁ ଦର୍ଶନ ପାଇଁ ଜିଲ୍ଲା ପ୍ରଶାସନ ଗାଇଡଲାଇନ୍ ଜାରି କରିଛି । ପାହାଡ଼ ଉପରେ ମାଆଙ୍କ ନିକଟରେ ମୁଣ୍ଡନକୁ ବାରଣ କରାଯାଇଥିବା ବେଳେ କେବଳ ଦର୍ଶନକୁ ଅନୁମତି ମିଳିଛି । ଦର୍ଶନ ବେଳେ ସାମାଜିକ ଗୁରୁତ୍ବ ସହ ମାସ୍କ ବ୍ୟବହାରକୁ କଡ଼ାକଡ଼ି କରାଯାଇଛି । ଏହା ସହ ଯାତ୍ରା ଶାନ୍ତିଶୃଙ୍ଖଳାରେ କରିବା ପାଇଁ ୩ ଜଣ ଆଡିସିନାଲ ଏସ୍.ପି, ୩ଜଣ ଡି.ଏସ୍.ପି, ୧୨ଜଣ ଆଇ.ଆଇ.ସି  ନିୟୋଜିତ ହୋଇଛନ୍ତି । ୧୪ ସବ୍ ଇନ୍ସପେକ୍ଟର, ୬୨ ଏ.ଏସ୍.ଆଇଙ୍କ ସମେତ ୯ ପ୍ଳାଟୁନ୍ ପୋଲିସ ଫୋର୍ସ ଓ ୧୮୦ ହୋମଗାର୍ଡଙ୍କୁ ନିୟୋଜିତ କରାଯାଇଛି ।

ଏଥିସହିତ ପଢ଼ନ୍ତୁ: ଖାଇବାକୁ ଗଲା ମୂଷା, ଫସିଗଲା ନାଗ

ଖାଇବାକୁ ଗଲା ମୂଷା, ଫସିଗଲା ନାଗ

ଭୁବନେଶ୍ୱର: ମୂଷା ଯନ୍ତାରେ ନାଗ। ମୂଷା ଖାଇବାକୁ ଯାଇ ଯନ୍ତାରେ ଫସିଲା ନାଗ । ପୁରୀ ଜିଲ୍ଲା ଡେଲାଙ୍ଗ ବ୍ଲକ ଅନ୍ତର୍ଗତ ରତାପଡା ଗାଁରେ ସୁବାସ ପରିଡ଼ା ନିଜ ଗ୍ରୋସରି ଦୋକାନରେ ମୁଷା ଉପଦ୍ରଵକୁ ରୋକିବା ପାଇଁ ଯନ୍ତା ବସେଇଥିଲେ । ଗତକାଲି ବିଳମ୍ବିତ ରାତିରେ ସେଇ ଯନ୍ତା ଭିତରେ ଏକ ନାଗ ସାପ ପଡିଥିବାର ଦେଖି ସଦାଶିବ ବାବୁ ଉଦ୍ଧାର ପାଇଁ ସ୍ନେକ ହେଲ୍ପ ଲାଇନକୁ ଖବର ଦେଇଥିଲେ । ସ୍ଥାନୀୟ ସ୍ନେକ ହେଲ୍ପ ଲାଇନ ସଦସ୍ୟ ସୁଶାନ୍ତ କୁମାର ବେହେରା ଘଟଣା ସ୍ଥଳରେ ପହଞ୍ଚି ଯତ୍ନର ସହିତ ଏକ ୩ ଫୁଟ ଲମ୍ବର ନାଗ ସାପ କୁ ଯନ୍ତା ଭିତରୁ ବାହାର କରିଥିଲେ । ସ୍ନେକ ହେଲ୍ପ ଲାଇନର ସାଧାରଣ ସମ୍ପାଦକ ଶୁଭେନ୍ଦୁ ମଲ୍ଲିକ କୁହନ୍ତି “ଯନ୍ତାରେ ପ୍ରଥମେ ମୁଷା ହିଁ ପଡିଥିଲା, ତେବେ ମୁଷା ଖାଇବା ଆଶାରେ ଯେନ ତେନ ପ୍ରକାରେ ଯନ୍ତା ଭିତରେ ପସିଗଲା ସତ ; ହେଲେ ଖାଇବା ପରେ ପେଟ ଫୁଲି ଯିବାରୁ ଆଉ ବାହାରିବା ବାଟ ପାଇନଥିଲା” । ସାପକୁ  ଉଦ୍ଧାର ଗାଁ ଠାରୁ ଯଥେଷ୍ଟ ଦୂରରେ ଏକ ପ୍ରାକୃତିକ ଆବସିକ ସ୍ଥଳୀରେ ଛାଡ଼ି ଦିଆଯାଇଚି।  ।

ଏଥିସହିତ ପଢ଼ନ୍ତୁ:ହେଲମେଟ ଚେକିଂ ବେଳେ ପୋଲିସର ମାଡ଼ ଘଟଣା, ୨ ଜଣ ନିଲମ୍ବିତ

ଟ୍ରକ୍‌କୁ ପଛପଟୁ ପିଟିଲା ବାଇକ୍: ଜଣେ ମୃତ

ନବରଙ୍ଗପୁର: ଅଧା ରାସ୍ତାରେ ଛକିଥିଲା ମୃତ୍ୟୁ । ନବରଙ୍ଗପୁର ପାପଡ଼ାହାଣ୍ଡି ବ୍ଲକ୍ ଜଟାବହାଲ ନିକଟରେ ସଡ଼କ ଦୁର୍ଘଟଣା । ଟ୍ରକକୁ ପଛପଟୁ ପିଟିଲା ବାଇକ୍ । ଘଟଣାସ୍ଥଳରେ ବାଇକ୍ ଚାଳକଙ୍କ ମୃତ୍ୟୁ, ବାଇକ ପଛରେ ବସିଥିବା ବ୍ୟକ୍ତି ଗୁରୁତର । ମୃତକ ହେଲେ ପିପାଲଗୁଡ଼ାର ସମ ଭତରା । ଦୁର୍ଘଟଣାର ପୁରା ଦୃଶ୍ୟ ନିକଟରେ ଥିବା ପେଟ୍ରୋଲ ପମ୍ପର ସିସିଟିଭିରେ କଏଦ୍ ହୋଇଛି । ସମ ଭତରା ଓ ନବୀନ ଭତରା ନିଜ ଘରକୁ ଫେରୁଥିବା ବେଳେ ରାସ୍ତାରେ ଯାଉଥିବା ଏକ ଚାଉଳ ବୋଝେଇ ଟ୍ରକକୁ ପଛପଟୁ ଧକ୍କା ଦେଇଥିଲେ । ଘଟଣାସ୍ଥଳରେ ସମ ଭତରାଙ୍କର ମୃତ୍ୟୁ ହୋଇଥିବାବେଳେ ପଛରେ ବସିଥିବା ନବୀନ ଗୁରୁତର ଆହତ ହୋଇଛନ୍ତି । ତାଙ୍କୁ ପାପଡାହାଣ୍ଡି ଡାକ୍ତରଖାନା ଭର୍ତ୍ତି କରାଯାଇଛି ।

 

ଏଥିସହିତ ପଢ଼ନ୍ତୁ: ଖୋର୍ଦ୍ଧା ଜିଲ୍ଲାରୁ ୩୩, ଭୁବନେଶ୍ୱରରୁ ୩୨