spot_img
Home Blog Page 5927

ହାର୍ଡକୋର ହାଇଦର ପାଇଁ ହାଇଆଲର୍ଟ: ଡିଜି ଅଭୟଙ୍କ ଅଧ୍ୟକ୍ଷତାରେ ଉଚ୍ଚସ୍ତରୀୟ ବୈଠକ

ଭୁବନେଶ୍ୱର: କୁଆଡ଼େ ଗଲା ହାର୍ଡକୋର ହାଇଦର । ଏସ୍‌ସିବି ମେଡିକାଲରୁ ଫେରାର ହୋଇଯାଇଥିବା ଗ୍ୟାଙ୍ଗଷ୍ଟର ହାଇଦରକୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ କରୁଛି ପୋଲିସ । ଘଟଣାରେ ପୋଲିସ ଡିଜି ଅଭୟ କରିଛନ୍ତି ଉଚ୍ଚସ୍ତରୀୟ ବୈଠକ । ବୈଠକରେ କ୍ରାଇମବ୍ରାଞ୍ଚ ଏଡିଜି ଯଶଓ୍ୱନ୍ତ ସିଂ ଜେଠଓ୍ବା ସାମିଲ । ସେହିପରି ରାଜ୍ୟ ବାହାରକୁ ଯାଉଥିବା ଟ୍ରେନ୍‌ରେ ତଲାସି ସହ ବିମାନ ବନ୍ଦରରେ ଚେକିଂ କରାଯାଇଛି । ସେହିପରି ସୀମାନ୍ତରେ ଥିବା ଫାଟକରେ ଜାରି କରାଯାଇଛି ହାଇଆଲର୍ଟ । ଏନେଇ କମିଶନରେଟ ପୋଲିaସ ପକ୍ଷରୁ ସୂଚନା ଦିଆଯାଇଛି । ଗ୍ୟାଙ୍ଗଷ୍ଟର ହାଇଦର ଫେରାର ହେବା ପରେ କଟକ ସହରର ସମସ୍ତ ସୀମାକୁ ସିଲ୍ କରାଯାଇଛି । ବିଭିନ୍ନ ସ୍ଥାନରେ ନାକାବନ୍ଦୀ କରି ଗାଡ଼ି ଯାଞ୍ଚ କରୁଛି ପୋଲିସ । ହାଇଦରର ବିଭିନ୍ନ ଆଡ୍ଡା ଉପରେ ପୋଲିସ ଚଢ଼ାଉ କରିଛି । କଟକ ଡିସିପିଙ୍କ ସମେତ ୩ ଏସପିଙ୍କ ନେତୃତ୍ୱରେ ଜାରି ରହିଛି ଚଢ଼ାଉ । ହାଇଦର ଅସୁସ୍ଥ ଥିବାରୁ ତାକୁ କଟକ ଏସସିବିର ସର୍ଜରୀ ବିଭାଗରେ ଭର୍ତ୍ତି କରାଯାଇଥିଲା । ୧୨ ଦିନ ତଳେ ମେଡିକାଲରେ ଭର୍ତ୍ତି ହୋଇଥିଲା ହାଇଦର । ଖଣି ବ୍ୟବସାୟୀ ରଶ୍ମୀରଞ୍ଜନ ମହାପାତ୍ରଙ୍କୁ ଅପହରଣ ଓ ହତ୍ୟା ଏବଂ ସୁଲେମାନ ହତ୍ୟା ମାମଲାରେ ସମ୍ବଲପୁର ଜେଲରେ ସଜା କାଟୁଥିଲା ହାଇଦର । ଅସୁସ୍ଥ ହେବାରୁ ତାକୁ ପ୍ରଥମେ ବୁର୍ଲା ମେଡିକାଲରେ ଭର୍ତ୍ତି କରାଯାଇଥିଲା । ପରେ କଟକ ଏସ୍‌ସିବିକୁ ରେଫର ହୋଇଆସିଥିଲା । ଏଠାରୁ ସେ ଫେରାର ମାରିଛି ।

ଏଥିସହିତ ପଢ଼ନ୍ତୁ: ହାଇଦର ଫେରାର୍ ପଛରେ ପରିବାର ! କଟକ ସହ ସଂଲଗ୍ନ ଜିଲ୍ଲାରେ ପୋଲିସର ରେଡ୍

 

ଦେଶରେ ଦେଢ଼ ଲକ୍ଷ ଟପିଲା ଦୈନିକ କରୋନା ସଂକ୍ରମଣ

ନୂଆଦିଲ୍ଲୀ: ଦେଶରେ ବେକାବୁ କରୋନା ଭୂତାଣୁ । ଦେଢ଼ ଲକ୍ଷ ଟପିଲା ଦୈନିକ କରେନା ସଂକ୍ରମଣ । ଗତ ୨୪ ଘଣ୍ଟାରେ ଦେଶରେ ୧ ଲକ୍ଷ ୫୨ ହଜାର ୮୭୯ କରୋନା ରୋଗୀ ଚିହ୍ନଟ ହୋଇଛନ୍ତି । ସେହିଭଳି ୮୩୯ ଜଣକ ମୃତ୍ୟୁ ହୋଇଛି । ଅନ୍ୟପଟେ ୯୦ ହଜାର ୫୮୪ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ଦେଶରେ ଏବେ ମୋଟ ସଂକ୍ରମିତଙ୍କ ସଂଖ୍ୟା ୩୩ ଲକ୍ଷ ୫୮ ହଜାର ୮୦୫ରେ ଥିବାବେଲେ ଆକଟିଭ୍ କେସ୍ ରହିଛି ୧୦ ଲକ୍ଷ ୪୬ ହଜାର ୬୩୧।

ମହାରାଷ୍ଟ୍ରରେ ସ୍ଥିତି ସାଂଘାତିକ ରୂପ ନେବାରେ ଲାଗିଛି । ଗୁଜରାଟ, ଛତିଶଗଡ, ମଧ୍ୟପ୍ରଦେଶ ଓ ଉତ୍ତର ପ୍ରଦେଶରୁ ଦୈନିକ ହଜାର ହଜାର କରୋନା ସଂକ୍ରମିତ ଚିହ୍ନଟ ହେଉଛନ୍ତି । ଦେଶରେ ଆକ୍ଚିଭ୍ କେସ୍ ୮ ପ୍ରତିଶତ ଥିବାବେଳେ ମୃତ୍ୟୁ ହାର ୧ ଦଶମିକ ୨୭ ପ୍ରତିଶତ ରହିଛି । ସେହିଭଳି ସୁସ୍ଥ ହାର ରହିଛି ୯୧ ପ୍ରତିଶତ । ଏପଟେ ଟିକାକରଣ ଅଭିଯାନ ମଧ୍ୟ ଜାରି ରହିଛି । ଦେଶରେ ଏଯାବତ୍ ୧୦ କୋଟି ୧୫ ଲକ୍ଷ ୯୫ ହଜାର ୧୪୭ ଡୋଜ୍ ଟିକା ଦିଆସରିଛି।

ଜମ୍ମୁ କଶ୍ମୀରରେ ଯବାନ-ଆତଙ୍କବାଦୀ ମୁହାଁମୁହିଁ: ୩ ଆତଙ୍କବାଦୀ ନିପାତ

ଶ୍ରୀନଗର: ଜମ୍ମୁ କାଶ୍ମୀରରେ ଯବାନ- ଆତଙ୍କବାଦୀ ମୁହାଁମୁହିଁ । ଯବାନଙ୍କ ଗୁଳିରେ ୨ ଜଣ ଆତଙ୍କୀ ନିପାତ ହୋଇଛନ୍ତି । ସୋପିଆଁନରେ ସର୍ଚ୍ଚ ଅପରେସନ୍‌ ବେଳେ ଯବାନ ଆତଙ୍କବାଦୀ ମୁହାଁମୁହିଁ ହୋଇଥିଲେ । ସୀମାରେ ଅନୁପ୍ରବେଶ ପାଇଁ ବାରମ୍ବାର ଆତଙ୍କବାଦୀ ଯୋଜନା କରି ଆସୁଥିବା ବେଳେ, ଏହାକୁ ଭଣ୍ଡୁର କରୁଛନ୍ତି ଯବାନ । ଆଜି ସର୍ଚ୍ଚ ଅପରେଶନ ବେଳେ ଉଭୟ ଯବାନ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏଥିରେ ୨ ଜଣ ଆତଙ୍କବାଦୀଙ୍କ ମୃତ୍ୟୁ ହୋଇଛି । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଚେକିଂକୁ ଜୋରଦାର କରାଯାଇଛି । ଗତକାଲି ମଧ୍ୟ ଯବାନ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଯବାନଙ୍କ ଗୁଳିରେ କିଛି  ଆତଙ୍କବାଦୀ ନିପାତ ହୋଇଥିଲେ ।

ରାଜ୍ୟରେ ପୁଣି ହଜାରେ ଉପରେ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ଉପରମୁହାଁ କରୋନା । ଆଜି ପୁଣି ଚିନ୍ତା ବଢ଼ାଇଛି ସଂକ୍ରମଣ । ୨୪ ଘଣ୍ଟାରେ ସୁନ୍ଦରଗଡ଼ରୁ ଚିହ୍ନଟ ହୋଇଛନ୍ତି ସର୍ବାଧିକ ୩୧୭ ଆକ୍ରାନ୍ତ । ସେହିପରି ରାଜ୍ୟରୁ ୨୪ ଘଣ୍ଟାରେ ଚିହ୍ନଟ ହୋଇଛନ୍ତି ୧୩୭୯ ପଜିଟିଭ୍ । କ୍ବାରେଣ୍ଟାଇନରୁ ୮୦୮ ଜଣ ଥିବା ବେଳେ, ଲୋକାଲ କେସ୍ ରହିଛି ୫୭୧ । ସେହିପରି ଖୋର୍ଦ୍ଧାରୁ ୧୫୮, ନୂଆପଡ଼ାରୁ ୯୦, ସମ୍ବଲପୁରରୁ ୮୬, ବରଗଡ଼ରୁ ୬୮ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାସହ ଅନୁଗୁଳରୁ ୨୭, ବାଲେଶ୍ବରରୁ ୩୩, ଭଦ୍ରକରୁ ୩୬, ବଲାଙ୍ଗୀରରୁ ୫୪, ବୌଦ୍ଧରୁ ୧, କଟକରୁ ୫୬, ଦେବଗଡ଼ ଓ ଢ଼େଙ୍କାନାଳରୁ ୪ ଜଣ ଲେଖାଏଁ, ଗଜପତିରୁ ୩, ଗଞ୍ଜାମରୁ ୩୧, ଜଗତସିଂହପୁରରୁ ୬, ଯାଜପୁରରୁ ୧୯, ଝାରସୁଗୁଡ଼ାରୁ ୪୨, କଳାହାଣ୍ଡିରୁ ୩୦, କନ୍ଧମାଳରୁ ୧୦ ଜଣ ଆକ୍ରାନ୍ତ ଚିହ୍ନଟ ହୋଇଚନ୍ତି । ସେହିପରି କେନ୍ଦ୍ରାପଡ଼ାରୁ ୬, କେନ୍ଦୁଝରରୁ ୩୦, କୋରାପୁଟରୁ ୯, ମାଲକାନଗିରିରୁ ୪, ମୟୂରଭଞ୍ଜରୁ ୪୯, ନବରଙ୍ଗପୁରରୁ ୭୧, ନୟାଗଡ଼ରୁ ୧୮, ପୁରୀରୁ ୪୩, ରାୟଗଡ଼ାରୁ ୨୫, ସୋନପୁରରୁ ୧୪ ଓ ଷ୍ଟେଟ୍ ପୁଲରୁ ୩୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଏପର୍ଯ୍ୟନ୍ତ ରାଜ୍ୟରେ କରୋନା ଆକ୍ରାନ୍ତ ହେଲେଣି ୩ ଲକ୍ଷ ୪୯ ହଜାର ୫୬୧ ଜଣ ।

ଏଥିସହିତ ପଢ଼ନ୍ତୁ: ମହାରାଷ୍ଟ୍ରରେ ଲାଗୁ ହୋଇପାରେ ଲକ୍‌ଡାଉନ୍: ସର୍ବଦଳୀୟ ବୈଠକ ଡାକିଲେ ମୁଖ୍ୟମନ୍ତ୍ରୀ

ମହାରାଷ୍ଟ୍ରରେ ଲାଗୁ ହୋଇପାରେ ଲକ୍‌ଡାଉନ୍: ସର୍ବଦଳୀୟ ବୈଠକ ଡାକିଲେ ମୁଖ୍ୟମନ୍ତ୍ରୀ

ମୁମ୍ୱାଇ: ମହାରାଷ୍ଟ୍ରରେ ଆଜିଠୁ ଲକଡାଉନ ନେଇ ହୋଇପାରେ ଘୋଷଣା । ଏନେଇ ଆଜି ଆଲୋଚନା କରିବେ ମୁଖ୍ୟମନ୍ତ୍ରୀ ଉଦ୍ଧବ ଠାକରେ  । ଗତ ୨୪ ଘଣ୍ଟାରେ ରାଜ୍ୟରେ ୫୫ ହଜାର ୪୧୧ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ମହାରାଷ୍ଟ୍ରରେ ଲାଗୁ ହୋଇଛି ସପ୍ତାହାନ୍ତ ଲକ୍‌ଡାଉନ । ସୋମବାର ସକାଳ ପର୍ଯ୍ୟନ୍ତ ସମସ୍ତ ଦୋକାନ ବଜାର ବନ୍ଦ ରହିବ । ମୁମ୍ବାଇ, ନାଗପୁର, ପୁନେ, ନାସିକ, ଥାନେ ଆଦି ସହରରେ କରୋନା ରୋଗୀଙ୍କ ସଂଖ୍ୟା ଦିନକୁ ଦିନ ବଢ଼ିବାରେ ଲାଗିଛି । ସେହିପରି ମୁମ୍ବାଇରେ ରେଲ ପ୍ଲାଟଫର୍ମ ଟିକେଟ ବିକ୍ରି ଉପରେ ରୋକ ଲଗାଇଛନ୍ତି ସରକାର । ତେବେ ସମ୍ପୂର୍ଣ୍ଣ ମହାରାଷ୍ଟ୍ର ଲକଡାଉନ୍ ହେବା ଆବଶ୍ୟକ ବୋଲି କହିଛନ୍ତି ରାଜ୍ୟବାସୀ  । ସେପଟେ ଦିଲ୍ଲୀରେ ସବୁ ସରକାରୀ ଓ ବେସରକାରୀ ସ୍କୁଲ ବନ୍ଦ ରହିଛି  । ଅନ୍ୟାଦେଶ ପର୍ଯ୍ୟନ୍ତ ବନ୍ଦ ରହିଛି ଦିଲ୍ଲୀର ସବୁ ସ୍କୁଲ । କୋଭିଡ୍ ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ବନ୍ଦ ନିଷ୍ପତ୍ତି ନେଇଛନ୍ତି ଦିଲ୍ଲୀ ସରକାର  ।  ମଧ୍ୟପ୍ରଦେଶର ସବୁ ସହରରେ ଆରମ୍ଭ ହେଉଛି ସପ୍ତାହାନ୍ତ ଲକ୍‌ଡାଉନ୍ । ଏହି ସମୟରେ କେବଳ ଜରୁରୀକାଳୀନ ସେବାକୁ ଅନୁମତି ମିଳିବ । ଛତିଶଗଡ଼ ରାୟପୁରକୁ ସମ୍ପୂର୍ଣ୍ଣ ଲକଡାଉନ କରାଯାଇଛି ।

ଏଥିସହିତ ପଢ଼ନ୍ତୁ: କୁଆଡେ ଗଲା ହାଇଦର ? ଡିସିପି ଅଫିସରେ ସିପିଙ୍କ ମିଟିଂ

୪ ଦିନ ଯାଏଁ ରାଜ୍ୟରେ ବଢ଼ିବନି ତାତି: ଅଧିକାଂଶ ସ୍ଥାନରେ ହେବ ଘଡ଼ଘଡ଼ି ବର୍ଷା

ଭୁବନେଶ୍ୱର: ତାତିରେ ବ୍ରେକ ଲଗାଇବ କାଳବୈଶାଖୀ ବର୍ଷା । କାଳବୈଶାଖୀ ପ୍ରଭାବରୁ ଆସନ୍ତା ୪ ଦିନ ପର୍ଯ୍ୟନ୍ତ ରାଜ୍ୟରେ ବଢିବନି ତାତି । ରାଜ୍ୟର ଅଧିକାଂଶ ସ୍ଥାନରେ ଘଡଘଡି ବିଜୁଳି ସହ ବର୍ଷା ପବନ ହେବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ବିଶେଷ କରି ସୁନ୍ଦରଗଡ, ଦେବଗଡ, କେନ୍ଦୁଝର, ମୟୁରଭଞ୍ଜ, ବାଲେଶ୍ବର, ଭଦ୍ରକ, କୋରାପୁଟ, ମାଲକାନଗିରି, ନବରଙ୍ଗପୁର, କଳାହାଣ୍ଡି, ରାୟଗଡା, ଗଞ୍ଜାମ, ଗଜପତି, କନ୍ଧମାଳ, ଖୋର୍ଦ୍ଧା, ନୟାଗଡ, କଟକ, ବଲାଙ୍ଗିର, ସୋନପୁର, ଢେଙ୍କାନାଳ ଆଦି ଜିଲ୍ଲାରେ କାଳବୈଶାଖୀ ବର୍ଷା ପାଇଁ ୟେଲୋ ଆଲର୍ଟ ଜାରି କରାଯାଇଛି । ବର୍ଷା ସମୟରେ ଘଣ୍ଟାପ୍ରତି ୩୦ ରୁ ୪୦ କିଲୋମିଟର ବେଗରେ ପବନ ବହିବ ବୋଲି ପାଣିପାଗ କେନ୍ଦ୍ର ପକ୍ଷରୁ କୁହାଯାଇଛି । ଏହାସହ ବିହାର ଏବଂ ଝାଡଖଣ୍ଡ ମଧ୍ୟରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି । ପ୍ରଭାବରେ ବିଭିନ୍ନ ସ୍ଥାନରେ ବର୍ଷା ହେବାର ସମ୍ଭାବନା ରହିଛି । କାଳବୈଶାଖୀକୁ ନଜରରେ ରଖି ସମସ୍ତ ଜିଲ୍ଲାର ଜିଲ୍ଲାପାଳଙ୍କ ସତର୍କ ରହିବା ପାଇଁ ନିର୍ଦ୍ଦେଶନାମା ଜାରି କରିଛନ୍ତି ଏସ୍‌ଆରସି । ସଂପୃକ୍ତ ଜିଲ୍ଲାଗୁଡିକରେ ଆବଶ୍ୟକୀୟ ପଦକ୍ଷେପ ଗ୍ରହଣ କରିବାକୁ ନିର୍ଦ୍ଦେଶନାମାରେ କୁହାଯାଇଛି ।

ଏଥିସହିତ ପଢ଼ନ୍ତୁ: ହାଇଦର ଫେରାର୍ ପଛରେ ପରିବାର ! କଟକ ସହ ସଂଲଗ୍ନ ଜିଲ୍ଲାରେ ପୋଲିସର ରେଡ୍

 

କୁଆଡେ ଗଲା ହାଇଦର ? ଡିସିପି ଅଫିସରେ ସିପିଙ୍କ ମିଟିଂ

ଭୁବନେଶ୍ବର: ରାଜ୍ୟ ପୋଲିସର ନିଦ ହଜାଇଦେଇଛି ହାଇଦର । କଟକ ଡିସିପି ଅଫିସରେ ବରିଷ୍ଠ ପୋଲିସ ଅଧିକାରୀଙ୍କୁ ନେଇ ବୈଠକ କରିଛନ୍ତି ପୋଲିସ କମିଶନର । ଗ୍ୟାଙ୍ଗଷ୍ଟର ହାଇଦର ଫେରାର ପରେ ଧରିବା ପାଇଁ ଚଢ଼ାଉ ଜୋରଦାର କରିଛି ରାଜ୍ୟ ପୋଲିସ। କଟକ ସହରର ସମସ୍ତ ସୀମାକୁ ସିଲ୍ କରାଯାଇଛି । ବିଭିନ୍ନ ସ୍ଥାନରେ ନାକାବନ୍ଦୀ କରି ଗାଡ଼ି ଯାଞ୍ଚ କରୁଛି ପୋଲିସ । ହାଇଦରର ବିଭିନ୍ନ ଆଡ୍ଡା ଉପରେ ପୋଲିସର ଚଢ଼ାଉ ଆରମ୍ଭ ହୋଇଯାଇଛି । ହାଇଦର ଗ୍ୟାଙ୍ଗର ଅନ୍ୟ ସଦସ୍ୟଙ୍କ ଆଡ୍ଡା ଉପରେ ମଧ୍ୟ ଚଢ଼ାଉ ଜାରି ରଖିଛି ପୋଲିସ ।

ସେପଟେ କଟକ ଡିସିପିଙ୍କ ସମେତ ୩ ଏସପିଙ୍କ ନେତୃତ୍ୱରେ ଚଢ଼ାଉ ଜାରି ରହିଛି । ବିଭିନ୍ନ ସ୍ଥାନକୁ ନାକାବନ୍ଦୀ କରି ପୋଲିସ ଚଢାଉ ଜୋରଦାର କରିଛି । ପେରାର ହୋଇଥିବା ହାଇଦର ନିଶା ଦେଇଥିବା ସୁରକ୍ଷାକର୍ମୀଙ୍କ ବର୍ତ୍ତମାନ ମଧ୍ୟ ଜାରି ରହିଛି ଚିକିତ୍ସା । ତାଙ୍କୁ ଅସୁସ୍ଥ ଅବସ୍ଥାରେ ଉଦ୍ଧାର କରାଯାଇଥିବା ବେଳେ ତାଙ୍କ ହାତରେ ବନ୍ଧୁକ ଥିଲା । ତାଙ୍କୁ ପ୍ରଥମେ କାଜୁଆଲିଟି ଓ ପରେ ପୁରୁଣା ମେଡିସିନ ୱାର୍ଡକୁ ସ୍ଥାନାନ୍ତର କରାଯାଇଛି ।

ସୂଚନା ମୁତାବକ ଗ୍ୟାଙ୍ଗଷ୍ଟାର ହାଇଦର ଗୁରୁତର ଅସୁସ୍ଥ ହୋଇ କଟକ ଏସସିବିର ସର୍ଜରୀ ବିଭାଗରେ ଚିକିତ୍ସାଧୀନ ଥିଲା । ସୁରକ୍ଷା ଦାୟିତ୍ବରେ ଜଣେ ସୁରକ୍ଷାକର୍ମୀଙ୍କୁ ମଧ୍ୟ ନିୟୋଜିତ କରାଯାଇଥିଲା । କିନ୍ତୁ କୌଳଶକ୍ରମେ ସୁରକ୍ଷାକର୍ମୀଙ୍କୁ ନିଶା ଦେଇ ହାଇଦର ଫେରାର ମାରିଥିବା ସୂଚନା ମିଳିଛି । 12 ଦିନ ତଳେ ମେଡିକାଲରେ ଭର୍ତ୍ତି ହୋଇଥିଲା ହାଇଦର । ଖଣି ବ୍ୟବସାୟୀ ରଶ୍ମୀରଞ୍ଜନ ମହାପାତ୍ରଙ୍କ ଅପହରଣ ଓ ହତ୍ୟା ମାମଲାରେ ଆଜୀବନ ସଜା କାଟୁଥିବା ହାଇଦର ଅଧିକ ଚିକିତ୍ସା ପାଇଁ ବୁର୍ଲା ମେଡାକାଲରୁ ଏସସିବି ଅଣାଯାଇଥିଲା । ସୁଲେମାନ ହତ୍ୟାକାଣ୍ଡରେ ମଧ୍ୟ ଦଣ୍ଡ ଭୋଗୁଥିଲା ହାଇଦର ।

IPL 2021: ଦିଲ୍ଲୀ କ୍ୟାପିଟାଲ୍ସ ବିଜୟୀ, ଧାୱନ-ପୃଥ୍ବୀଙ୍କ ଦମଦାର ବ୍ୟାଟିଂ

ମୁମ୍ବାଇ: ଗୁରୁଙ୍କ ପରାଜୟ, ଶିଷ୍ୟଙ୍କ ବିଜୟ । ଆଇପିଏଲ ୧୪ ତମ ସଂସ୍କରଣର ଦ୍ବିତୀୟ ଦିନରେ ଦିଲ୍ଲୀ କ୍ୟାପିଟାଲ୍ସର ବିଜୟୀ ହୋଇଛି । ଆଜିର ମ୍ୟାଚ ଦିଲ୍ଲୀ କ୍ୟାପିଟାଲ୍ସ ଏବଂ ଚେନ୍ନାଇ ସୁପରକିଙ୍ଗସ ମଧ୍ୟରେ ହୋଇଥିଲା । ଦିଲ୍ଲୀ ପ୍ରଥମେ ଟଚ ଜିତି ବୋଲିଂ କରିବାର ନିଷ୍ପତି ନେଇଥିଲା । ଏବଂ ବ୍ୟାଟିଂ କରିଥିଲା ଚେନ୍ନାଇ ସୁପର କିଙ୍ଗସ । ନିର୍ଦ୍ଧାରିତ ୨୦ ଓଭରରେ ଦଳ ୭ ୱିକେଟ ହରାଇ ୧୮୮ ରନ କରିଥିଲା । ଏହାର ପିଛା କରି ପନ୍ତଙ୍କ ଦିଲ୍ଲୀ ୧୮ ଓଭରରେ ମ୍ୟାଚ ମ୍ୟାଚ ଅକ୍ତିଆର କରିବାରେ ସଫଳ ହୋଇଛି ।

ସେପଟେ ଦିଲ୍ଲୀ କ୍ୟାପିଟାଲ୍ସ ୧୮ ଓଭର ୪ଟି ବଲରେ ମ୍ୟାଚ ଅକ୍ତିଆର କରିବାରେ ସଫଳ ହୋଇଛି । ଚେନ୍ନାଇରଲ ପିଛା କରୁଥିବା ଦିଲ୍ଲୀ ୩ ୱିକେଟ ହରାଇ ୧୯୦ ରନ କରବା ସହ ମ୍ୟାଚକୁ ସହଜରେ ନିଜ ପଟକୁ ନେବାରେ ସକ୍ଷମ ହୋଇଛି । ଦଳ ପକ୍ଷରୁ ବ୍ୟାଟ୍ସମ୍ୟାନ ଶିଖର ଧୱନ ୫୪ ବଲ ଖେଳି ୮୫ରନ କରିଥିଲେ । ସେହିପରି ପୃଥ୍ୱୀ ସ ୩୮ ବଲରେ ୭୨ ରନ କରିଥିଲେ । ଏହି ଦୁଇ ବ୍ୟାଟ୍ସମ୍ୟାନ ଲମ୍ବା ପାଳି ଦଳକୁ ବିଜୟ ହାସଲ କରିବାରେ ସହଜ କରିଛି ।