spot_img
Home Blog Page 5879

‘ପିପିଲି ଟିକେଟ୍ ନ ମିଳିବାରୁ ଅପ୍ରାସଂଗିକ ହୋଇପଡ଼ିଛନ୍ତି ଲେଖାଶ୍ରୀ’

ଭୁବନେଶ୍ୱର: ବିଜେପି ନେତ୍ରୀ ଲେଖାଶ୍ରୀଙ୍କ ଅଭିଯୋଗ ଉପରେ ଜବାବ ରଖିଲେ ବିଜେଡି ମୁଖପାତ୍ର ଇପ୍‌ସିତା ସାହୁ। ବିଜେପି ମୁଖପାତ୍ର ଲେଖାଶ୍ରୀ ସାମନ୍ତ ସିଂହାରଙ୍କ ବିବୃତ୍ତି ଦର୍ଶାଉଛି, ଅଡିଟ ଆକାଉଣ୍ଟ ଓ ଏଜି ରିପୋର୍ଟ ଉପରେ ତାଙ୍କର କିଛି ଧ୍ୟାନ ନାହିଁ । ଲେଖାଶ୍ରୀ ଯାହା କହୁଛନ୍ତି, ତାହା କପୋଳକଳ୍ପିତ ଓ ଭିତ୍ତିହୀନ । କେତେବେଳେ ନେତାଙ୍କ ଉପରେ ତ ଆଉ କେତେବେଳେ ପ୍ରଶାସନ ଉପରେ ମିଛ ଆରୋପ ଲଗାଉଛନ୍ତି। ପିପିଲି ଉପନିର୍ବାଚନରେ ଟିକେଟ ପାଇଁ ଆଶାୟୀ ଥାଇ ଟିକେଟ ନ ମିଳିବାରୁ ଦଳରେ ଅପ୍ରାସଙ୍ଗିକ ହୋଇପଡିଛନ୍ତି। ନିଜର ପ୍ରାସଙ୍ଗିକତା ବଜାୟ ରଖିବାକୁ ପ୍ରତିଦିନ ସକାଳୁ ଲେଖାଶ୍ରୀ ଏପରି କିଛି ଭିତ୍ତିହୀନ ମନ୍ତବ୍ୟ ରଖୁଥିବା ଇପ୍‌ସିତା କହିଛନ୍ତି।

ଏଥିସହିତ ପଢ଼ନ୍ତୁ: ‘ବିଲ୍ଡରସ୍ ଅଫିସ ଯିବାକୁ ଡାକିନେଇ ଜୋର ଜବରଦସ୍ତି ବିଜେପି କର୍ମୀ ସଜାଇଲେ’

କରୋନା ସଂକ୍ରମିତଙ୍କୁ ସାହାଯ୍ୟ ପାଇଁ ସବ୍ୟସାଚୀଙ୍କ ନୂଆ ପ୍ରୟାସ

ଭୁବନେଶ୍ୱର: ଦେଶ ତଥା ରାଜ୍ୟରେ ପୁଣି ଥରେ କରୋନା ଦ୍ୱିତୀୟ ପ୍ରବାହ ଦେଖିବାକୁ ମିଳିଛି । କେବଳ ଦ୍ୱିତୀୟ ପ୍ରବାହ ଦେଖିବାକୁ ମିଳିନି ତ, ଦିନକୁ ଦିନ ସ୍ଥିତି ଅଧିକ ଗମ୍ଭୀର ହେବାରେ ଲାଗିଛି । ବର୍ତ୍ତମାନ ସମୟରେ ପୂର୍ବ ବର୍ଷ ଅପେକ୍ଷା ଦୈନିକ ସଂକ୍ରମିତଙ୍କ ସଂଖ୍ୟା ବଢ଼ିବାରେ ଲାଗିଛି । ସ୍ଥିତି ଏଭଳି ଅବସ୍ଥା ହେଲାଣି ଯେ, ବାହାର ରାଜ୍ୟରେ ରୋଗୀଙ୍କୁ ମେଡିକାଲ ବେଡ୍ ମିଳୁନଥିବା ବେଳେ ମେଡିକାଲ ଅକ୍ସିଜେନ୍‌ର ମଧ୍ୟ ଅଭାବ ଦେଖିବାକୁ ମିଳୁଛି । ଆଉ ଏଭଳି ଅସୁବିଧାର ସମ୍ମୁଖୀନ ସେହି ରାଜ୍ୟରେ ରହୁଥିବା ପ୍ରବାସୀ ଓଡ଼ିଆ ମଧ୍ୟ ହେଉଛନ୍ତି । ଆଉ ଏଭଳି ସମୟରେ ପୁଣି ଥରେ ଲୋକଙ୍କୁ ସହାଯ୍ୟ କରିବାକୁ ଆଗେଇ ଆସିଛନ୍ତି ଓଲିଉଡ୍ ଅଭିନେତା ସବ୍ୟସାଚୀ ।

            ଲୋକଙ୍କୁ ସହାଯ୍ୟ କରିବାକୁ ଆରମ୍ଭ କରିଛନ୍ତି ନୂଆ ବ୍ୟବସ୍ଥା । ସେ ସୋସିଆଲ୍ ମିଡିଆରେ ଏକ ଫର୍ମର ଲିଙ୍କ୍ https://bit.ly/patient_details_urgent  ସେୟାର କରିଛନ୍ତି ଯେଉଁଥିରେ କରୋନା ସଂକ୍ରମିତଙ୍କ ସମ୍ପର୍କିତ କିଛି ତଥ୍ୟା ମଗାଯାଇଛି । ଏବଂ ସଂକ୍ରମିତ ସମ୍ମୁଖୀନ ହେଉଥିବା ଅସୁବିଧା ସମ୍ପର୍କରେ ମଧ୍ୟ ପଚରାଯାଇଛି । ଏହି ସବୁ ତଥ୍ୟ ଦେବା ପରେ ସେ ତାଙ୍କ ସମସ୍ୟାର ସମାଧାନ ନେଇ ବ୍ୟବସ୍ଥା କରିବେ । ଆଉ ଏହି ଲିଙ୍କ୍ ସେୟାର କରିବା ପରେ ଲୋକେ ସେମାନଙ୍କ ଅସୁବିଧା ଜଣାଇବା ଆରମ୍ଭ କରିଦେଇଛନ୍ତି । ଆଉ ଲୋକଙ୍କ ଅସୁବିଧା ସମ୍ପର୍କରେ ଅବଗତ ହେବା ପରେ ସବ୍ୟସାଚୀ ମଧ୍ୟ ସେମାନଙ୍କୁ ସାହାଯ୍ୟ କରିବା ଆରମ୍ଭ କରିଦେଇଛନ୍ତି ।

 

‘ବିଲ୍ଡରସ୍ ଅଫିସ ଯିବାକୁ ଡାକିନେଇ ଜୋର ଜବରଦସ୍ତି ବିଜେପି କର୍ମୀ ସଜାଇଲେ’

ପିପିଲି: ବିଲ୍ଡରସ ଅଫିସ ଯିବାକୁ କହି ଘରୁ ଡାକିନେଲେ, ଆଉ ଘରୁ ଯିବା ପରେ ଜୋର ଜବରଦସ୍ତ ବିଜେପି କର୍ମୀ ସଜେଇଦେଲେ । ଏହି ଘଟଣା ଏବେ ପିପିଲିରେ ଚର୍ଚ୍ଚାର ବିଷୟ ହେବା ପରେ ପଦାରେ ପଡିଛି ବିଜେପିର ଶସ୍ତା ରାଜନୀତି । ପିପିଲି ନିର୍ବାଚନ ମଣ୍ଡଳୀର ପମସରା ପଞ୍ଚାୟତର ଜଣେ ବିଜେପି କର୍ମୀ ଜାମିନିକାନ୍ତ ପ୍ରଧାନ ସେହି ଗାଁର ସଞ୍ଜୟ ଦାଶଙ୍କୁ ଘରୁ ବିଲ୍ଡରସ କାମରେ ଭୁବନେଶ୍ବର ଯିବାକୁ କହି ଡାକି ନେଇଥିଲେ । ସଞ୍ଜୟଙ୍କୁ ବିଜେପିର ଭୁବନେଶ୍ୱର ମଧ୍ୟ କାର୍ଯ୍ୟାଳୟକୁ ନେଇ ବିଜେପି ନେତା ଜଗନ୍ନାଥ ପ୍ରଧାନଙ୍କ ଉପସ୍ଥିତିରେ ବେକରେ ଉତ୍ତରୀୟ ଓ ଟୋପି ପିନ୍ଧାଇ ତାଙ୍କୁ ବିଜେପି କର୍ମୀ ସଜେଇ ଦେଇଥିଲେ । ଏହି ଭଳି ମିଛ ଘଟଣାକୁ ସୋସିଆଲ ମିଡିଆରେ ଅପଲୋଡ଼ କରି ଜଗନ୍ନାଥ ପ୍ରଧାନ ଶୁଖିଲା ବାହାସ୍ପୋଟ ମାରୁଥିବା ବେଳେ ସଞ୍ଜୟଙ୍କ ମୁହଁରୁ ଘଟଣାର ସତ ଜଣାପଡିଛି । ପିପିଲିରେ ବିଜେପିର ଏହି ହୀନ ରାଜନୀତି ପ୍ରଥମ ଘଟଣା ନୁହେଁ । ପୂର୍ବରୁ ମଧ୍ୟ ବିରପୁରୁଷୋତ୍ତମ ପଞ୍ଚାୟତରେ ଏହିଭଳି ଘଟଣା ଦେଖିବାକୁ ମିଳିଥିଲା । ମହିଳା ଗୋଷ୍ଠୀ ବୈଠକ ହେଉଛି କହି ଘରୁ ଡାକିନେଇ ୧୦ଜଣ ମହିଳାଙ୍କୁ ବିଜେପି କର୍ମୀ ସଜେଇ ଦେଇଥିଲେ ବିଜେପି ନେତା ।
ଯାହାର ଉଚିତ ଜବାବ ଦେଇ ଗଣମାଧ୍ୟମ ଆଗରେ ବିଜେପିର ଚକ୍ରାନ୍ତକୁ ଖୁଲାସା କରିଥିଲେ ସମ୍ପୃକ୍ତ ମହିଳା ।

ଏଥିସହିତ ପଢ଼ନ୍ତୁ: ପିପିଲି ଉପ-ନିର୍ବାଚନ ନେଇ କଂଗ୍ରେସ ପ୍ରାର୍ଥୀ ହେଲେ ବିଶ୍ୱକେଶନ ହରିଚନ୍ଦନ

ପିପିଲି ଉପ-ନିର୍ବାଚନ ନେଇ କଂଗ୍ରେସ ପ୍ରାର୍ଥୀ ହେଲେ ବିଶ୍ୱକେଶନ ହରିଚନ୍ଦନ

ଭୁବନେଶ୍ୱର: ପିପିଲି ଉପ-ନିର୍ବାଚନ ନେଇ ପ୍ରାର୍ଥୀ ଘୋଷଣା କଲା କଂଗ୍ରେସ । ବିଶ୍ୱକେଶନ ହରିଚନ୍ଦନ ମହାପାତ୍ରଙ୍କ ନାଁରେ ମୋହର ମାରିଛି ଦଳ । ଅଜିତ ମଙ୍ଗରାଜଙ୍କ ଦେହାନ୍ତ ପରେ ନୂଆ ପ୍ରାର୍ଥୀ ଘୋଷଣା କରିଛି ଦଳ । ତେବେ ଆସନ୍ତା ୨୬ ତାରିଖରେ ନାମାଙ୍କନ ଭରିବେ ବିଶ୍ୱକେଶନ ଗତ ୧୪ ତାରିଖରେ ରାଜଧାନୀରେ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଅଜିତଙ୍କ ମୃତ୍ୟୁ ହୋଇଥିଲା । ପିପିଲି ଉପନିର୍ବାଚନ ପାଇଁ କଂଗ୍ରେସ ପକ୍ଷରୁ ପ୍ରାର୍ଥୀ ହୋଇଥିଲେ ଅଜିତ ମଙ୍ଗରାଜ । ୫୧ ବର୍ଷ ବୟସରେ ହୃଦ୍‌ଘାତରେ ଆଜି ଅଜତି ମଙ୍ଗରାଜଙ୍କର ପରଲୋକ ହୋଇଛି । ସେ ଭୁବନେଶ୍ବରର ଏକ ଘରୋଇ ହସପିଟାଲରେ ଶେଷ ନିଃଶ୍ବାସ ତ୍ୟାଗ କରିଛନ୍ତି । ତାଙ୍କର କରୋନା ପରୀକ୍ଷା ରିପୋର୍ଟ ପଜିଟିଭ୍ ଆସିଥିଲା। ଭୁବନେଶ୍ବରର ଏକ ଘରୋଇ ହସ୍ପିଟାଲରେ ଆଇସିୟୁରେ ରହିବା ପରେ ଆଜି ଅପରାହ୍ନ ପ୍ରାୟ ୪ଟା ବେଳେ ତାଙ୍କର ପରଲୋକ ହୋଇଥିଲା । ଅଜିତ ମଙ୍ଗରାଜଙ୍କ ପରଲୋକ ନେଇ ଭୁବନେଶ୍ବରର ସମ୍ପୃକ୍ତ ହସ୍ପିଟାଲ ପକ୍ଷରୁ ସୂଚନା ଦିଆଯାଇଛି । ଏପ୍ରିଲ ୭ ତାରିଖରେ ହସ୍ପିଟାଲରେ ଆଡମିଟ୍ ହୋଇଥିଲେ ଅଜିତ । ତାଙ୍କ ଚିକିତ୍ସା ଦାୟିତ୍ବର ଏକାଧିକ ଡାକ୍ତର ଥିଲେ । କରୋନା ସହିତ ସେ ସେ ଅନ୍ୟ ରୋଗରେ ମଧ୍ୟ ପୀଡ଼ିତ ଥିଲେ । କରୋନା ସହିତ କାର୍ଡିଓଲୋଜୀ, ପଲମୋନାରୀ ମେଡିସିନ ପକ୍ଷରୁ ଚିକିତ୍ସା କରାଯାଉଥିଲା । ପିପିଲି ଉପନିର୍ବାଚନ ପାଇଁ ଅଜିତଙ୍କୁ ପ୍ରାର୍ଥୀ କରିଥିଲା କଂଗ୍ରେସ । ୨୦୧୯ ନିର୍ବାଚନରେ ବି କଂଗ୍ରେସ ଟିକେଟରେ ଲଢ଼ିଥିଲେ ଅଜିତ ମଙ୍ଗରାଜ । ୯ ହଜାର ୮୩୦ ଖଣ୍ଡ ଭୋଟ୍ ପାଇ ତୃତୀୟ ସ୍ଥାନରେ ରହିଥିଲେ ଅଜିତ ମଙ୍ଗରାଜ । ଉପନିର୍ବାଚନରେ ବି ଦଳ ତାଙ୍କ ଉପରେ ଆସ୍ଥା ପ୍ରକଟ କରିଥିଲା । ହେଲେ ଆଜି ଅଜିତ ମଙ୍ଗରାଜଙ୍କ ପରୋଲକ ହୋଇଯାଇଛି ।

ଅପରପକ୍ଷରେ ମେ’ ୧୩ ପରିବର୍ତ୍ତେ ମେ ୧୬ରେ ମତଦାନ ନେଇ ତାରିଖ ଘୋଷଣା କରିଛନ୍ତି ନିର୍ବାଚନ କମିଶନ ସୁନିଲ ଲୋହାନୀ । ପୂର୍ବରୁ ମେ ୧୩ରେ ଉପନିର୍ବାଚନ ହେବା ନେଇ ଗୋଷଣା କରିଥିଲେ ନିର୍ବାଚନ କମିସନ । ମେ ୧୩ ତାରିଖରେ ଇଦ୍ ପଡୁଥିବାରୁ ନିର୍ଦ୍ଧାରିତ ତାରିଖକୁ ଘୁଞ୍ଚାଯାଇଥିବା କହିଛନ୍ତି କମିସନ । ମେ ୧୬ ତାରିଖରେ ନିର୍ବାଚନ ହେବା ନେଇ ରାଜ୍ୟ ନିର୍ବାଚନ ଅଧିକାରୀ ସୁଶୀଲ କୁମାର ଲୋହାନୀ ସୂଚନା ଦେଇଥିଲେ ।

ପୋଲିସ-ମାଓବାଦୀ ମୁହାଁମୁହିଁ: ମହିଳା ମାଓବାଦୀ ନିପାତ

କଳାହାଣ୍ଡି: କନ୍ଧମାଳ-କଳାହାଣ୍ଡି ସୀମାନ୍ତ ଅଞ୍ଚଳରେ ପୋଲିସ-ମାଓବାଦୀ ମୁହାଁମୁହିଁ । ପୋଲିସ ଗୁଳିରେ ଜଣେ ମହିଳା ମାଓବାଦୀ ନିପାତ । ପୋଲିସ ସୂଚନା ମୁତାବକ, ଗତକାଲି ପୋଲିସ କିଛି ବିଶ୍ୱସ୍ତ ସୂତ୍ରରୁ ସୀମାନ୍ତ ଅଞ୍ଚଳରେ ମାଓବାଦୀ ଥିବା ନେଇ ଖବର ପାଇଥିଲା  । ଏହାପରେ କିଛି ଏସ୍‌ଓଜି ଏବଂ ଡିଭିଏଫ୍‌ ଯବାନଙ୍କୁ ନେଇ ଯେଉଁ ଅଞ୍ଚଳରେ ମାଓବାଦୀ ରହିଥିବା ନେଇ ଖବର ମିଳିଥିଲା ସେହି ଅଞ୍ଚଳରେ ସର୍ଚ୍ଚ ଅପରେସନ୍ ଆରମ୍ଭ ହୋଇଥିଲା । ଏବଂ ସେଠାରେ ମାଓବାଦୀ ରହିଥିବା ନେଇ ପୋଲିସ ଜାଣିବାକୁ ପାଇଥିଲା ଏବଂ ସେମାନଙ୍କୁ ସରେଣ୍ଡର କରିବା ନେଇ କହିଥିଲା । କିନ୍ତୁ ମାଓବାଦୀମାନେ ଯବାନଙ୍କ କଥାରୁ ଖାତିର ନକରି ଓଲଟା ଗୁଳି ଚାଳନା କରିଥିଲେ । ଏଥିସହିତ ଏହି ସମୟରେ କିଛି IED ମଧ୍ୟ ବ୍ଳାଷ୍ଟ କରିଥିଲେ । ଫଳରେ ଆତ୍ମରକ୍ଷା ପାଇଁ ଯବାନମାନେ ମଧ୍ୟ ଗୁଳି ଚଳାଇଥିଲେ । ଉଭୟ ପକ୍ଷର ଏହି ଗୁଳି ଚାଳନା ଥମିବା ପରେ ସର୍ଚ୍ଚ କରିଥିଲେ ଯବାନ  । ଏବଂ ଜଣେ ମହିଳା ମାଓବାଦୀଙ୍କ ମୃତଦେହ ପାଇଥିଲେ । ଏଥିସହିତ କିଛି ମାଓ ପତ୍ରିକା ଓ ଅସ୍ତ୍ରଶସ୍ତ୍ର ଜବତ କରିଛି ପୋଲିସ ।

ଏଥିସହିତ ପଢ଼ନ୍ତୁ: ୬ ମାଓ କ୍ୟାମ୍ପ ଧ୍ୱଂସ କଲେ ଯବାନ୍

ଅକ୍ସିଜେନ୍ ଟ୍ୟାଙ୍କର ପଠାଇଲା ଓଡ଼ିଶା, ସାରଥୀ ସାଜିଲା ଓଡ଼ିଶା ପୋଲିିସ : ୨୪ ଘଣ୍ଟାରେ ପହଞ୍ଚିଲା ୨୫୦ ଟନ୍ ଅକ୍ସିଜେନ୍

ଭୁବନେଶ୍ୱର: ଅକ୍ସିଜେନ୍ ଟ୍ୟାଙ୍କର ପଠାଇଲା ଓଡ଼ିଶା ସାରଥୀ ସାଜିଲା ଓଡ଼ିଶା ପୋଲିିସ । ଓଡ଼ିଶା ପଠାଇଲା ୨୫୦ ଟନ୍  ମେଡିକାଲ ଅକ୍ସିଜେନ୍ । ଗତ ୨୪ ଘଣ୍ଟା ମଧ୍ୟରେ ୧୫ ଟି ଟ୍ୟାଙ୍କରରେ  ୨୫୦ ଟନ୍ ମେଡିକାଲ ଅକ୍ସିଜେନ୍ ପଠାଯାଇଛି । ରାଜ୍ୟର ଯାଜପୁର, ଅନୁଗୁଳ ଓ ରାଉରକେଲାରୁ ଏହି ମେଡିକାଲ ଅକ୍ସିଜେନକୁ ଆନ୍ଦ୍ରପ୍ରଦେଶର ବିଶାଖପାଟଣା, ତେଲେଙ୍ଗାନାର ହାଇଦ୍ରାବାଦ୍, ମଧ୍ୟପ୍ରଦେଶର ଇନ୍ଦୋର ଓ ମହାରାଷ୍ଟ୍ରର ମୁମ୍ୱାଇ, ପୁନେ ଓ ନାଗପୁରକୁ ପଠାଯାଇଛି । ଆଉ ଅବାଧରେ ଏହି ଅକ୍ସିଜେନ୍ ଟ୍ରାନ୍ସପୋର୍ଟ ପାଇଁ ଓଡ଼ିଶା ପୋଲିସ ନେତ୍ୱତ୍ୱରେ ଏକ ନିର୍ଦ୍ଦିଷ୍ଟ କରିଡର ଚିହ୍ନଟ କରିବା ସହ ଅକ୍ସଜେନ୍ ପଠାଯାଇଥିଲା । ଯାହା ଫଳରେ ରୋଗୀଙ୍କ ନିକଟରେ ମେଡିକାଲ ଅକ୍ସିଜେନ ପହଞ୍ଚିବାରେ କୌଣସି ବିଳମ୍ୱ ହେବନାହିଁ ।

            ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ ପରେ ଏକ ସ୍ୱତନ୍ତ୍ର କମିଟି ଗଠନ ହୋଇଥିଲା । ଏବଂ ଆଇନ ଶୃଙ୍ଖଳା ଏଡିଜି ଓ୍ୱା.କେ ଜେଠଓ୍ୱା ଏହି ଟ୍ରାନ୍ସପୋର୍ଟ କାର୍ଯ୍ୟପାଇଁ ନୋଡାଲ ଅଫିସର ଭାବେ ନିଯୁକ୍ତ ହୋଇଥିଲେ । ସେ ଏହି ଟ୍ରାନ୍ସପୋର୍ଟେସନକୁ ପ୍ରତକ୍ଷ୍ୟଭାବେ ନିରିକ୍ଷଣ କରିବା ସହ ମେଡିକାଲ ଅକ୍ସିଜେନ୍ ଯାଉଥିବା ଅଞ୍ଚଳର  ଜିଲ୍ଲା ଏସ୍‌ପି, ରେଞ୍ଜ ଡିଆଇଜି, ଆଇଜି, ସିପିଙ୍କ ସହ ଯୋଗାଯୋଗ କରିବା ସହ ସେମାନଙ୍କୁ ଅବଗତ କରାଇଥିଲେ । ତେବେ ଆଗକୁ ଅନୁଗୁଳରୁ ୨ ଟ୍ୟାଙ୍କର ବିଶାଖାପାଟଣା ଓ ଯାଜପୁରରୁ ୨ ଟ୍ୟାଙ୍କର ଗାଜିଆବାଦ ଓ ବିଶାଖାପାଟଣାକୁ ଯିବାର ଅଛି ।

ଟ୍ୱିନ୍ସିଟିରେ କଡ଼ାକଡ଼ି ଲାଗୁ ହେବ ସଟ୍‌ଡାଉନ୍: ଦାୟିତ୍ୱରେ ୨୨ ପ୍ଳାଟୁନ୍ ଫୋର୍ସ ଓ ୨୫୦ ଅଧିକାରୀ

ଭୁବନେଶ୍ୱର: ଦ୍ୱୈତନଗରୀରେ କଡ଼ାକଡ଼ି କାର୍ଯ୍ୟକାରୀ ହେବ ସଟ୍‌ଡାଉନ୍ । ନାଇଟକର୍ଫ୍ୟୁକୁ ମିଶାଇ ସୋମବାର ସକାଳ ୫ଟା ଯାଏଁ ଲାଗୁ ରହିବ କଟକଣା ।  କଟକରେ ୧୨ ପ୍ଳାଟୁନ ଫୋର୍ସ, ୧୦୦ ଅଧିକାରୀ ଓ ଭୁବନେଶ୍ୱରରେ ୨୦ ପ୍ଳାଟୁନ୍ ଫୋର୍ସ ଓ ୧୫୦ ଅଧିକାରୀ ସଟ୍‌ଡାଉନ୍ କାର୍ଯ୍ୟକାରୀ କରିବା ଦାୟିତ୍ୱରେ ରହିବେ ବୋଲି କହିଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ । ତେବେ କଟକଣା ସମୟରେ ଯାତାୟତ ପାଇଁ କୌଣସି ପ୍ରକାର ପାସ୍ ମିଳିବ ନାହିଁ ।  ଜରୁରୀକାଳୀନ ସେବାରେ ଥିବା କର୍ମଚାରୀ ଯାତାୟତ କରିପାରିବେ । ଅତ୍ୟାବଶକୀୟ କାର୍ଯ୍ୟ ଥିଲେ ମଧ୍ୟ ଲୋକେ ବାହାରକୁ ଯାଇପାରିବେ । ଦାୟିତ୍ୱରେ ଥିବା ପୋଲିସ କର୍ମଚାରୀ ଏ ନେଇ ଯାଞ୍ଚ କରିବା ସହ ନିଷ୍ପତ୍ତି ନେବେ । କଟକରେ ୨୫ଟି ଓ ଭୁବନେଶ୍ୱର ୪୩ଟି ସ୍ଥାନରେ ନାକାବନ୍ଦି ରହିବ । କଡ଼ା ଯାଞ୍ଚ କରାଯିବ । କଟକଣା ମାନିବା ସହ ଲୋକଙ୍କୁ ସହାୟତା ପାଇଁ ନିବେଦନ କରିଛନ୍ତି ପୋଲିସ କମିଶନର । କଟକଣା ନମାନିଲେ ଅମାନିଆଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ । ଜୋରିମାନା ମଧ୍ୟ ଆଦାୟ ହେବ ବୋଲି ସିପି ଚେତାଇ ଦେଇଛନ୍ତି ।

ଏଥିସହିତ ପଢ଼ନ୍ତୁ: କୋଭିଡ ନିୟମ ଉଲ୍ଲଙ୍ଘନ: ଦୋକାନ ସିଲ୍ କରିବା ସହ ୬୪ ହଜାର ଟଙ୍କା ଜରିମାନା ଆଦାୟ

କରୋନା ସମ୍ପର୍କିତ ଆଲୋଚନାକୁ ଲିକ୍ କରିବାରୁ ଅସନ୍ତୋଷ ବ୍ୟକ୍ତ କଲେ ପ୍ରଧାନମନ୍ତ୍ରୀ: କ୍ଷମା ମାଗିଲେ କେଜ୍ରିଓ୍ୱାଲ

ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲଙ୍କ ବ୍ୟବହାରକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେ ମିଟିଂ ସମୟରେ କେଜ୍ରିଓ୍ୱାଲ ପାଇଁ କଠୋର ଶଦ୍ଦର ବ୍ୟବହାର କରିଛନ୍ତି । ସେ ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ କହିଛନ୍ତି ଆପଣ ଏକ ଗୁରୁତ୍ୱପୂର୍ଣ୍ଣ ପ୍ରଟୋକଲ ଭାଙ୍ଗିଛନ୍ତି । କୌଣସି ପ୍ରକାର ବ୍ୟକ୍ତିଗତ ବାର୍ତ୍ତାଳପକୁ ପ୍ରଚାରିତ କରାଯାଏନାହିଁ । ପ୍ରଧାନମନ୍ତ୍ରୀଙ୍କ ଠାରୁ କଡ଼ା ଟିପ୍ପଣୀ ଶୁଣିବା ପରେ ହାତଯୋଡ଼ି କ୍ଷମା ମାଗିଛନ୍ତି କେଜ୍ରିଓ୍ୱାଲ ।

ଘଟଣାନୁଯାୟୀ, ପ୍ରଧାନମନ୍ତ୍ରୀ ଶୁକ୍ରବାର କରୋନ ଦ୍ୱାରା ପ୍ରଭାବିତ ୧୦ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ବୈଠକ କରିଥିଲେ । ଏହି ବୈଠକ ସମୟରେ ଦିଲ୍ଲୀ ମୁଖ୍ୟମନ୍ତ୍ରୀଙ୍କ କହିବା ପାଳି ଆସିଲା ସେତେବେଳେ ସେ ଏହାର ଲାଇଭ୍ କରିଥିଲେ । ଏବଂ ପ୍ରଧାନମନ୍ତ୍ରୀଙ୍କୁ ସଙ୍ଗେ ସଙ୍ଗେ ଏ ସମ୍ପର୍କରେ ଅବଗତ ହୋଇଗଲେ । କେଜ୍ରିଓ୍ୱାଲ କହୁଥିବା ସମୟରେ ହିଁ ପ୍ରଧାନମନ୍ତ୍ରୀ ତାଙ୍କୁ ଆକଟ କରିଥିଲେ । ଏବଂ କହିଥିଲେ, ଆମର କିଛି ପ୍ରଟୋକଲ ରହିଛି । ଆଉ ଏହାର ଉଲ୍ଲଘଂନ କରି  କିଛି ମୁଖ୍ୟମନ୍ତ୍ରୀ ମିଟିଂର ଲାଇଭ୍ ଟେଲିକାଷ୍ଟ କରୁଛନ୍ତି । ଏଭଳି ଇନ୍‌ହାଉସ୍ ମିଟିଂର ଲାଇଭ୍ କରିବା ଅନୁଚିତ । ଆମକୁ ସର୍ବଦା ସଂଯମତା ରକ୍ଷା କରିବାକୁ ପଡ଼ିବ । ତେବେ କେଜ୍ରିଓ୍ୱାଲ ନିଜ ଭୁଲ ଅନୁଭବ କରିବା ସହ କ୍ଷମା ପ୍ରାର୍ଥାନ କରିଥିଲେ । ଏବଂ ଆଗକୁ ଏଥିଲାଗି ଯତ୍ନବାନ ହେବେ ବୋଲି କହିବା ସହ ନିଜ ଆଚରଣ ଲାଗି କ୍ଷମା ପ୍ରାର୍ଥନା କରିଥିଲେ ।

ଏଥିସହିତ ପଢ଼ନ୍ତୁ: କରୋନା ଚିକିତ୍ସା ପାଇଁ ‘ଭିରାଫିନ୍’କୁ ଅନୁମତି

କୋଭିଡ ନିୟମ ଉଲ୍ଲଙ୍ଘନ: ଦୋକାନ ସିଲ୍ କରିବା ସହ ୬୪ ହଜାର ଟଙ୍କା ଜରିମାନା ଆଦାୟ

ବଲାଙ୍ଗୀର: କୋଭିଡ୍ ଆଇନ୍ ଉଲଙ୍ଘନ ଅଭିଯୋଗରେ ବଲାଙ୍ଗୀର ସହରରେ ୧୦ଟି ଦୋକାନକୁ ସିଲ୍ କରିଛି ଜିଲ୍ଲା ପ୍ରଶାସନ । । ସେମାନଙ୍କ ଠାରୁ ୬୫ ହଜାର ଟଙ୍କା ଜରିମାନା ମଧ୍ୟ ଆଦାୟ କରାଯାଇଛି । ବଲାଙ୍ଗୀର ସହରରେ କୋଭିଡ୍ ସଂକ୍ରମଣ ଦିନକୁ ବଢିବାରେ ଲାଗିଛି । ବେକାବୁ ହେଉଥିବା କୋଭିଡ ସ୍ଥିତିକୁ ନିୟନ୍ତ୍ରଣ କରିବାକୁ ଜିଲ୍ଲାରେ ନାଇଟ୍ କର୍ଫ୍ୟୁ ସହ ସପ୍ତାହାନ୍ତ ଦୁଇ ଦିନିଆ ସଟ୍‌ଡାଉନ୍ ଘୋଷଣା ପାଳନ କରାଯାଉଛି । ଏନେଇ ଜିଲ୍ଲା ପ୍ରଶାସନ ପକ୍ଷରୁ ବଲାଙ୍ଗୀର ସହରରେ କୋଭିଡ୍ ଗାଇଡ୍ ଲାଇନକୁ କଡ଼ାକଡ଼ି ଭାବେ କାର୍ଯ୍ୟକାରୀ କରାଯାଉଛି । ବଲାଙ୍ଗୀର ତହସିଲଦାରଙ୍କ ନେତୃତ୍ୱରେ ଆଜି ଟାଉନ ପୋଲିସ ପକ୍ଷରୁ ସହରର ବିଭିନ୍ନ ଦୋକାନ ବଜାର ଉପରେ ଚଢ଼ାଉ କରାଯାଇଛି । ସାମାଜିକ ଦୂରତା ମାନୁନଥିବା ବେଳେ କୋଭିଡ୍ ଗାଇଡ୍ ଲାଇନ୍ ଉଲଙ୍ଘନ ଅଭିଯୋଗରେ ସହରର ସମଲେଶ୍ବରୀ ମନ୍ଦିର ଛକରେ ଥିବା ରୋସନୀ ଇଲେକ୍ଟ୍ରିକାଲ୍ସ, ଶାନ୍ତି ମୋବାଇଲ୍, ଲଖାନୀ ଗାର୍ମେଣ୍ଟସ ସମେତ ମାଣିକ ତେଜରାତି ଦୋକାନ, ସମଲେଶ୍ବରୀ ଔଷଧ ଦୋକାନ ସମେତ ଦଶଟି ଦୋକାନକୁ ୭ ଦିନ ପାଇଁ ପୋଲିସ ସିଲ୍ କରିଛି । ଏହି ଦୋକାନୀମାନଙ୍କ ଠାରୁ ୬୫ ହଜାର ଟଙ୍କା ଜରିମାନା ଆଦାୟ କରାଯାଇଛି । ଦୋକାନୀଙ୍କ ବାରଣ ସତ୍ତ୍ବେ ଗ୍ରାହକମାନେ କୋଭିଡ ନିୟମ  ମାନୁନଥିବା ନେଇ ଦୋକାନ ମାଲିକ ମାନେ ପ୍ରଶାସନକୁ ଜଣାଇଛନ୍ତି । ତେବେ ଆସନ୍ତା ସାତ ଦିନ ପାଇଁ  ପ୍ରଶାସନ ପକ୍ଷରୁ ଏହି ଦୋକାନ ଗୁଡିକୁ ସିଲ୍ କରି ଦିଆଯାଇଛି । କୋଭିଡ୍ ଆଇନ ଉଲଙ୍ଘନକାରୀଙ୍କ ବିରୋଧରେ ପ୍ରଶାସନ ପକ୍ଷରୁ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଥିବା ନେଇ ବଲାଙ୍ଗୀର ତହସିଲଦାର ମେଘବନ ବାଗ ସୂଚନା ଦେଇଛନ୍ତି ।

କରୋନା ଚିକିତ୍ସା ପାଇଁ ‘ଭିରାଫିନ୍’କୁ ଅନୁମତି

ଜିଡସ୍ ‘ଭିରାଫିନ୍‌’କୁ ଡ୍ରଗ୍ସ କଣ୍ଟ୍ରୋଲର ଅଫ୍ ଇଣ୍ଡିଆ (DCGI)ଙ୍କ ଅନୁମତି । କରୋନା ଚିକିତ୍ସା ନେଇ ଏହି ଔଷଧର ବ୍ୟବହାରକୁ ଅନୁମତି ଦେଇଛନ୍ତି ଡିସିଜିଆଇ । ଲକ୍ଷଣ ଥିବା କରୋନା ରୋଗୀଙ୍କ ଚିକିତ୍ସା ଦିଗରେ ଏହା ଫଳପଦ୍ର ହୋଇଥିବା କମ୍ପାନୀ ପକ୍ଷରୁ କୁହାଯାଇଛି ।

ଲକ୍ଷଣ ଥିବା ରୋଗୀଙ୍କ ଚିକିତ୍ସା ପରେ ପ୍ରାୟ ୯୧.୧୫% ଲୋକଙ୍କ ଆରଟିପିସିଆର ରିପୋର୍ଟ ନେଗେଟିଭ୍ ଆସିଛି । ଏହି ଔଷଧ ଦ୍ୱାରା ରୋଗୀଙ୍କ ଶରୀରରେ ସପ୍ଳିମେଣ୍ଟ ଅକ୍ସିଜେନ୍ ଅଭାବ ଦୂର କରିବାରେ ସହାୟକ ହୋଇଥିବା । ବିଶେଷ କରି ଯେଉଁ ରାଜ୍ୟଗୁଡ଼ିକ ଅକ୍ସିଜେନ୍ ଅଭାବର ସମ୍ମୁଖୀନ ହେଉଛନ୍ତି ଏହା ସେମାନଙ୍କ ପାଇଁ ଆଶ୍ୱସ୍ତି ଆଣିଦେବ । ଗତ କିଛି ଦିନ ଦେଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲଙ୍କ ସମେତ ଅନ୍ୟ ରାଜ୍ୟର ମୁଖ୍ୟମନ୍ତ୍ରୀମାନେ ଅକ୍ସିଜେନ୍ ଅଭାବ ନେଇ ଉଦ୍‌ବେଗ୍ ପ୍ରକାଶ କରିଆସୁଛନ୍ତି । ଯଦି ଅକ୍ସଜେନ୍ ଅଭାବ ଯୋଗୁଁ କୌଣସି ଅଘଟଣ ଘଟେ ତେବେ ଆମେ କେବେ ନିଜକୁ କ୍ଷମା କରିପାରିବୁ ନାହିଁ ବୋଲି ପ୍ରଧାନମନ୍ତ୍ରୀ-ମୁଖ୍ୟମନ୍ତ୍ରୀ ବୈଠକରେ କହିଛନ୍ତି କେଜ୍ରିଓ୍ୱାଲ ।

ଏଥିସହିତ ପଢ଼ନ୍ତୁ: ସପ୍ତାହାନ୍ତ ସଟଡାଉନ ସମୟରେ ୧ଘଣ୍ଟା ପର୍ଯ୍ୟନ୍ତ କଟକଣା କୋହଳ