spot_img
Home Blog Page 5811

କରୋନାରେ ଆଖି ବୁଜିଲେ ବିଚାରପତି, ଭିଜିଲାନ୍ସ ଜଜ ରାଜକିଶୋର ନାୟକଙ୍କ ଦେହାନ୍ତ

ଭୁବନେଶ୍ୱର: ରାଜ୍ୟରେ ଘାତକ ହେଉଛି ମହାମାରୀ କରୋନା । ନେବାରେ ଚାଲିଛି ପ୍ରାଣ । ଆଜି କରୋନାରେ ଜଣେ ବିଚାରପତିଙ୍କ ଦେହାନ୍ତ ହୋଇଛି । ଚିକିତ୍ସାଧୀନ ଅବସ୍ଥାରେ କଟକ ଭିଜିଲାନ୍ସ ଜଜ ରାଜକିଶୋର ନାୟକଙ୍କ ମୃତ୍ୟୁ ହୋଇଛି । କୋଭିଡ୍ ପଜିଟିଭ୍ ଚିହ୍ନଟ ପରେ ଭିଜିଲାନ୍ସ ବିଚାରପତିଙ୍କୁ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସା ଚାଲିଥିବା ବେଳେ ତାଙ୍କର ମୃତ୍ୟୁ ହୋଇଛି ।

ଏଥିସହ ପଢ଼ନ୍ତୁ: ଭୁବନେଶ୍ୱରରେ ବ୍ଲାକ୍ ଫଙ୍ଗସ୍ ଆତଙ୍କ, ଗୋଟିଏ ହସ୍ପିଟାଲରୁ ୪ ଜଣ ଚିହ୍ନଟ

ଗୋଆର ସରକାରୀ ହସ୍ପିଟାଲରେ ୨୬ କରୋନା ଆକ୍ରାନ୍ତଙ୍କ ମୃତ୍ୟୁ

ପାନାଜୀ: ରାଜ୍ୟ ସରକାରଙ୍କ ଦ୍ୱାରା ପରିଚାଳିତ ଗୋଆ ମେଡିକାଲ୍ କଲେଜ ଏବଂ ହସ୍ପିଟାଲରେ ୨୦ କୋଭିଡ୍ ରୋଗୀଙ୍କ ମୃତ୍ୟୁ ଘଟଣା । ଭୋର୍ ସମୟରେ ହୋଇଥିବା ମୃତ୍ୟୁକୁ ନେଇ ହାଇକୋର୍ଟ ତଦନ୍ତ କରନ୍ତୁ ବୋଲି ଦାବି କରିଛନ୍ତି ରାଜ୍ୟ ସ୍ୱାସ୍ଥ୍ୟମନ୍ତ୍ରୀ । ଗୋଆ ସ୍ୱାସ୍ଥ୍ୟମନ୍ତ୍ରୀଙ୍କ ସୂଚନା ଅନୁସାରେ, ୨୬ ଜଣଙ୍କ ମୃତ୍ୟୁ ରାତି ୨ରୁ ସକାଳ ୬ଟା ମଧ୍ୟରେ ହୋଇଛି । ତେବେ ମୃତ୍ୟୁ କେମିତି, କେଉଁ ପରିସ୍ଥିତିରେ ହେଲା ଜଣାପଡ଼ିନାହିଁ ?

ଘଟଣା ପରେ ରାଜ୍ୟ ସ୍ୱାସ୍ଥ୍ୟ ମନ୍ତ୍ରୀ ପ୍ରମୋଦ ସାୱନ୍ତ ଗୋଆ ମେଡିକାଲ୍ କଲେଜ ଏବଂ ହସ୍ପିଟାଲ ପରିଦର୍ଶନ କରିଛନ୍ତି । କହିଛନ୍ତି, ମେଡିକାଲରେ ଅକ୍ସିଜେନ୍ ଉପଲବ୍ଧତା, ବିତରଣ ଏବଂ କୋଭିଡ୍ ୱାର୍ଡରେ ପହଞ୍ଚିବା ମଧ୍ୟରେ ଫାଙ୍କ ରହିଛି । ଯାହାକି ରୋଗୀଙ୍କ ପାଇଁ କିଛି ସମସ୍ୟା ସୃଷ୍ଟି କରି ଥାଇପାରେ । ତେବେ, ରାଜ୍ୟରେ ଅକ୍ସିଜେନର ଅଭାବ ନଥିବା କହିଛନ୍ତି ସ୍ୱାସ୍ଥ୍ୟମନ୍ତ୍ରୀ ।

ଅନ୍ୟପଟେ ଦିନକ ପୂର୍ବରୁ ମୁଖ୍ୟମନ୍ତ୍ର ପ୍ରମୋଦ ସାୱନ୍ତ ପିପିଇ କିଟ୍ ପିନ୍ଧି ମେଡିକାଲରେ କୋଭିଡ୍ ୱାର୍ଡ ବୁଲି ଦେଖିବା ସହ ରୋଗୀ ଓ ସମ୍ପର୍କୀୟଙ୍କୁ ଭେଟିଥିଲେ । କହିଥିଲେ, ଡାକ୍ତର ରୋଗୀଙ୍କ ଚିକିତ୍ସାରେ ବ୍ୟସ୍ତ । ସେମାନେ ଅକ୍ସିଜେନ୍ ପରିବହନ କଥା ବୁଝିବେ ନାହିଁ ।

କରୋନା ନେଇ ‘କଂସ’ କରୁଛନ୍ତି ସଚେତନ

ବାଲେଶ୍ଵର: ନୀଳଗିରିରେ କଂସ ବେଶରେ ଲୋକଙ୍କୁ ସଚେତନ କରୁଛନ୍ତି ଯୁବକ। ବାରମ୍ୱାର ହାତକୁ ସାବୁନରେ ଧୋଇବା ସହ ମୁହଁରେ ମାକ୍ସ ବ୍ୟବହାର ଓ ସାମାଜିକ ଦୂରତା ରଖିବାକୁ ଲୋକଙ୍କୁ ଅନୁରୋଧ ବି କରୁଛନ୍ତି। ବୁଲିଲେଣି ୭ରୁ ଅଧିକ ଜିଲ୍ଲା। ବାଲେଶ୍ଵର ଜିଲ୍ଲା  ଖଇରା ବ୍ଲକ ଗରପଡ଼ା ଗାଁର  ଗୟାଧର ବିଶ୍ଵାଳ। ଖୋର୍ଦ୍ଧା, କଟକ, ବାଲେଶ୍ଵର, ମୟୂରଭଞ୍ଜ, କେଉଁଝର, ଯାଜପୁର, ଭଦ୍ରକ, ଆଦି ଜିଲ୍ଲାକୁ ଯାଇ ଲୋକଙ୍କୁ ସଚେତନ କରାଉଥିବା ଦେଖିବାକୁ ମିଳିଛି। କରୋନାର ଭୟାବହତାର ବାର୍ତ୍ତା ବାଣ୍ଟିବା ସହ କିଭଳି ଲୋକେ ଏଥିରୁ ମୁକ୍ତ ହୋଇପାରିବେ ସେ ନେଇ ସେ ଅଣ୍ଟା ଭିଡ଼ିଛନ୍ତି । ଆଗକୁ ରାଜ୍ୟର ସମସ୍ତ ଜିଲ୍ଲାକୁ ଯାଇ ସଚେତନ କରିବେ ବୋଲି କହିଛନ୍ତି। ଏ ଭଳି ଘଡିସନ୍ଧି ମୁହୂର୍ତ୍ତରେ ଗୟାଧରଙ୍କ ଏ ପରି ଜନସଚେତନତା କାର୍ଯ୍ୟ ପାଇଁ ଅଞ୍ଚଳବାସୀ ତାଙ୍କୁ ବେଶ ପ୍ରଶଂସା କରିଛନ୍ତି।

ଏଥିସହିତ ପଢ଼ନ୍ତୁ: ଘର ଘର ବୁଲି କାନ୍ଥରେ ପୋଷ୍ଟର ମାରି ସଚେତନ କରୁଛନ୍ତି ସରପଞ୍ଚ: ହାତ ଯୋଡ଼ି ମାସ୍କ ପିନ୍ଧିବାକୁ କଲେ ନିବେଦନ

ଡାକ୍ତର ନଥିବାରୁ ଫେରାଇ ଦେଲା ମେଡିକାଲ : ବ୍ୟାଣ୍ଡେଜ୍ ବାନ୍ଧି ଘରକୁ ପଠାଇଲେ ପୋଲିସ କର୍ମଚାରୀ

ବଲାଙ୍ଗୀର: ପୋଲିସ କର୍ମଚାରୀଙ୍କ ବଦାନ୍ୟତା । ଗତ କିଛି ଦିନ ତଳେ ବଲାଙ୍ଗୀର ସହରରେ ଦୁର୍ଘଟଣାଗ୍ରସ୍ତ ଲୋକ ଓ କରୋନା ସଂକ୍ରମିତଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଚର୍ଚ୍ଚାକୁ ଆସିଥିବା ବଲାଙ୍ଗୀର ପୋଲିସର ପୁଣି ଏକ ମାନବିକତା କାର୍ଯ୍ୟ ସାମାଜିକ ଗଣମାଧ୍ୟମରେ ଭାଇରାଲ ହୋଇଛି । ଗତ ସନ୍ଧ୍ୟାରେ ଲକଡାଉନ ସମୟରେ ଜଣେ ଯୁବତୀ କୌଣସି ଜରୁରୀକାଳୀନ କାମରେ ରାସ୍ତାରେ ଯାଉଥିବା ବେଳେ ଭାରସାମ୍ୟ ହରାଇ ପଡିଯାଇଥିଲେ । ଗୁରୁତର ଅବସ୍ଥାରେ ସ୍ଥାନୀୟ ଲୋକେ ଯୁବତୀଙ୍କୁ ଉଦ୍ଧାର କରି ଡାକ୍ତରଖାନାକୁ ନେଇଥିଲେ । ଦୁର୍ଘଟଣାରେ ଯୁବତୀର ହାତରେ ଆଘାତ ଲାଗିଥିବା ବେଳେ ସେ ଭୀଷଣକଷ୍ଟ ପାଉଥିଲେ ।  ତେବେ ଡାକ୍ତରଖାନାରେ ଡାକ୍ତର ଅନୁପସ୍ଥିତ ଥିବା ବେଳେ କର୍ମଚାରୀମାନେ ତାଙ୍କୁ କିଛି ଔଷଧ ଦେଇ ସକାଳେ ଆସିବା ପାଇଁ କହିଥିଲେ । ତେବେ ତୁଷୁରା ଥାନା ନିକଟରେ ଡ୍ୟୁଟି କରୁଥିବା ପୋଲିସ ଏଏସଆଇ ମୁନା ପାଢ଼ୀ ଯୁବତୀଙ୍କୁ ଜରୁରୀକାଳୀନ ଚିକିତ୍ସା କରିବା ସହ ଭାଙ୍ଗିଥିବା ହାତକୁ ବ୍ୟାଣ୍ଡେଜ୍ କରି ଘରକୁ ପଠାଇଥିଲେ । ତେବେ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଯୁବ ପୋଲିସ ଅଧିକାରୀ ମୁନା ପାଢ଼ୀଙ୍କ ମହାନତା ଯୋଗୁ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛା ଛୁଟୁଛି । ବରିଷ୍ଠ ପୋଲିସ ଅଧିକାରୀ ମାନେ ମଧ୍ୟ ଶୁଭେଚ୍ଛା ଜଣାଇଛନ୍ତି ।

ଏଥିସହିତ ପଢ଼ନ୍ତୁ: ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଭୁବନେଶ୍ୱର: କୋଭିଡର ଦ୍ୱିତୀୟ ପ୍ରବାହ ସହ ରାଜ୍ୟର ଲଢ଼େଇ ଜାରି ରହିଛି । ପ୍ରାୟ ୬ ଦିନ ପରେ ଦୈନିକ ସଂକ୍ରମଣ ୧୦ ହଜାର ତଳକୁ ଖସିଛି । କୋଭିଡ୍ ଟେଷ୍ଟିଂ ପାଇଁ ସରକାର ଗୁରୁତ୍ୱ ଦେଉଛନ୍ତି । ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୧୬ଟି ଜିଲ୍ଲାରେ RT-PCR ଟେଷ୍ଟି ପରୀକ୍ଷାଗାର ପାଇଁ କୋଡ଼ିଏ କୋଟି ଟଙ୍କା ମଞ୍ଜୁର କରିଛନ୍ତି ।

ରାଜ୍ୟର ଷୋହଳ ଜିଲ୍ଲା- ଭଦ୍ରକ, ବୌଦ୍ଧ, ଢେଙ୍କାନାଳ, ଗଜପତି, ଖୋର୍ଦ୍ଧା, ଜଗତସିଂହପୁର, ଯାଜପୁର, କେନ୍ଦ୍ରାପଡ଼ା, ନବରଙ୍ଗପୁର, ମାଲକାନଗିରି, ନୂଆପଡ଼ା, ସୋନପୁର, କନ୍ଧମାଳ, ସୁନ୍ଦରଗଡ଼, ରାୟଗଡ଼ା ଓ ବରଗଡ଼ ସଦର ମହକୁମାରେ ଗୋଟିଏ ଗୋଟିଏ RT-PCR ଟେଷ୍ଟ ସେଣ୍ଟର ପ୍ରତିଷ୍ଠା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କୋଡ଼ିଏ କୋଟି ଟଙ୍କା ମଞ୍ଜୁର କରିଛନ୍ତି ।

ଏହି ଟେଷ୍ଟ ସେଣ୍ଟର ଗୁଡ଼ିକ ସବୁଦିନ ଲୋକଙ୍କୁ ସେବା ଯୋଗାଇ ଦେବ । ଏଥିନିମନ୍ତେ ପ୍ରତି ଜିଲ୍ଲାରେ ଜଣେ ଲେଖାଏଁ ମାଇକ୍ରୋବାଓଲୋଜିଷ୍ଟ ଓ ତିନି ଜଣ ଲାବ ଟେକ୍ନିସିଆନଙ୍କୁ ନିୟୋଜିତ କରାଯିବ । କରୋନା ସକ୍ରମଣକୁ ରୋକିବା ଓ ତୁରନ୍ତ ଚିକିତ୍ସା ଆରମ୍ଭ କରିବାରେ ଏହା ବିଶେଷ ସହାୟକ ହେବ ।

ଭୁବନେଶ୍ୱରରେ ବ୍ଲାକ୍ ଫଙ୍ଗସ୍ ଆତଙ୍କ, ଗୋଟିଏ ହସ୍ପିଟାଲରୁ ୪ ଜଣ ଚିହ୍ନଟ

ଭୁବନେଶ୍ୱରେ: ରାଜଧାନୀ ଭୁବନେଶ୍ୱରରେ ବ୍ଲାକ୍ ଫଙ୍ଗସ୍ ଆତଙ୍କ । ୨୪ ଘଣ୍ଟା ଭିତରେ ଭୁବନେଶ୍ୱରରୁ ଚାରି ଚାରି ଜଣ ବ୍ଲାକ୍ ଫଙ୍ଗସ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜି କେୟାର୍ ହସ୍ପିଟାଲରୁ ଆଉ ୪ ଜଣ ବ୍ଲାକ ଫଙ୍ଗସ ରୋଗୀ ଚିହ୍ନଟ ହୋଇଥିବା ନେଇ ଡାକ୍ତର ମିତାଲି କର ସୂଚନା ଦେଇଛନ୍ତି ।

ଚିହ୍ନଟ ହୋଇଥିବା ଆକ୍ରାନ୍ତଙ୍କ ମୁଣ୍ଡ ବିନ୍ଧିବା, ଆଖି ଫୁଲିଯିବା, ଅନାନିଶ୍ୱାସୀ ଲାଗିବା, ଅଧା ମୁଁହ ଫୁଲିଯିବା ଲକ୍ଷଣ ସହ ଜର ମଧ୍ୟ ରହୁଛି । ଏହା ଛଡ଼ା ଏହି ରୋଗର ଆକ୍ରାନ୍ତ ରୋଗୀଙ୍କୁ ସବୁ କିଛି ଦୁଇ ଦୁଇଟି ଦେଖାଯିବାର ଲକ୍ଷଣ ରହୁଥିବା ଜଣାପଡ଼ିଛି ।

ଏଥିସହ ପଢ଼ନ୍ତୁ- ରାଜ୍ୟରେ ବ୍ଲାକ୍‌ ଫଙ୍ଗସ, ଭୁବନେଶ୍ୱରରେ ଭୂତାଣୁ

ଗତକାଲି ସୋମବାର ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଜଣେ ୭୧ ବର୍ଷ ବୟସ୍କ ବ୍ଲାକ୍ ଫଙ୍ଗସରେ ଆକ୍ରାନ୍ତ ହୋଇଥିବା ଜଣାପଡ଼ିଥିଲା । ଗତ ୨୦ ତାରିଖରେ ସେ କରୋନା ସଂକ୍ରମିତ ଚିହ୍ନଟ ହୋଇଥିଲେ । ୮ ତାରିଖରେ ତାଙ୍କ ଆଖି ଫୁଲିବା ସହ ନାକଳରୁ କଳାପାଣି ବାହାରିଥିଲା । ପୁରୁଣା ଏୟାର କୁଲର ବ୍ୟବହାର ଯୋଗୁଁ ସେ ସଂକ୍ରମିତ ହୋଇଥିବା ସନ୍ଦେହ କରାଯାଉଛି ।

CoWIN ପୋର୍ଟାଲକୁ ନେଇ ତେଜିଲା ରାଜନୀତି : ଅଲଗା ଆପ୍ ବନାଇବାକୁ ପ୍ରସ୍ତୁତ ହେଉଛନ୍ତି ରାଜ୍ୟ

ଟିକାକରଣ ପାଇଁ କେନ୍ଦ୍ର ସରକାର ଲଂଚ କଲେ କୋଭ ପୋର୍ଟାଲ । ଏହି ପୋର୍ଟାଲ ଲୋକଙ୍କ କାମରେ ଆସିବ । ସେମାନଙ୍କର ଭ୍ୟାକସିନ ନେବା ପ୍ରକ୍ରିୟାକୁ ସରଳ କରିବ ବୋଲି ତିଆରି ହୋଇଥିଲା । କିନ୍ତୁ ବର୍ତମାନ ଏହାର ବିପରୀତ ହେବାର ନଜର ଆସୁଛି । ଏହା ଜନତାଙ୍କ ସୁବିଧା ପାଇଁ କମ୍ ରାଜନେତାଙ୍କର ରାଜନୀତି ଖେଳରେ କାମ ଦେଲା ଭଳି ଲାଗୁଛି । କଂଗ୍ରେସର ପୂର୍ବ ଅଧ୍ୟକ୍ଷ ରାହୁଲ ଗାନ୍ଧୀ ଏହା ଉପରେ ପ୍ରଶ୍ନ ଉଠାଇଛନ୍ତି ।

କଂଗ୍ରେସ ଶାସିତ ରାଜ୍ୟ ମାନଙ୍କରେ ନିଜର ବ୍ୟକ୍ତିଗତ ଆପ୍ ଲଂଚ କରିବା ଯୋଜନାରେ ଲାଗିପଡିଛନ୍ତି ବିରୋଧୀ । ଆଉ ଏହି ଯୋଜନାରେ ଛତିଶଗଡ ସବୁଠାରୁ ଆଗରେ ରହିଛି । ସୂଚନା ଅନୁସାରେ କଂଗ୍ରେସ ଶାସିତ ରାଜ୍ୟରେ କରୋନା ଭ୍ୟାକସିନକୁ ନେଇ କେନ୍ଦ୍ର ରଣନୀତି କରୁଥିବାର ଅଭିଯୋଗ ହେଉଛି । ତାସହ ଭ୍ୟାକସିନର ପ୍ରମାଣ ପତ୍ରରେ ପ୍ରଧାନମନ୍ତ୍ରୀଙ୍କର ଫୋଟ ଚିତ୍ର ରହିବା କେତେଦୂର ଯୁକ୍ତି ଯୁକ୍ତି ଏହାକୁ ନେଇ ବି ବୋବାଲ ଉଠୁଛି । ପଶ୍ଚିମବଙ୍ଗ ବିଧାନସଭା ନିର୍ବାଚନ ସମୟରେ କେନ୍ଦ୍ରର ଏହି ରଣନୀତିକୁ ନେଇ ବିବାଦ ଉପୁଜିଥିଲା ।

କିନ୍ତୁ ରାଜ୍ୟ ମାନଙ୍କର ସ୍ଥିତିକୁ ଅନୁଧ୍ୟାନ କରି ପ୍ରାୟ ରାଜ୍ୟ ଚୁପ୍ ରହିଯାଇଥିଲେ । ହେଲେ ବର୍ତମାନ ଭ୍ୟାକସିନର ଅଭାବ,ଲୋକଙ୍କୁ ଠିକ୍ ଭାବେ ଟିକା ନ ମିଳିବା ଆଦି କାରଣ କିଛି ରାଜ୍ୟର ନିଦ ହଜାଇ ଦେଇଛି । ସେଥିପାଇଁ ଛତିଶଗଡ ନିଜ ରାଜ୍ୟର ଏକ ନୂତନ ରାଜ୍ୟସ୍ତରୀୟ ପୋର୍ଟାଲ ଲଂଚ କରିବାର ପ୍ରସ୍ତୁତି ଆରମ୍ଭ କରିଛି । ଛତିଶଗଡ ସରକାରଙ୍କ କହିବାକଥା ଯେ ସେ ଏକ ଭିନ୍ନ ପଂଜିକରଣ ପ୍ରକ୍ରିୟା ନିଜ ରାଜ୍ୟ ପାଇଁ ଆରମ୍ଭ କରିବେ । ତା ଭିତରେ ସମ୍ମୁଖ ଯୋଦ୍ଦାଙ୍କର ଚିହ୍ନଟ ଆଗ କରାଯିବ । ଏହା ପୂର୍ବରୁ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଉଦ୍ଦବ ଠାକରେ ବି ପ୍ରଶ୍ନ ଉଠାଇଥିଲେ ।

ସେ ଏହି ସଂକ୍ରାନ୍ତରେ ପ୍ରଧାନମନ୍ତ୍ରୀଙ୍କୁ ଚିଠିରେ ଲେଖି କହିଥିଲେ ଯେ ରାଜ୍ୟସ୍ତରୀୟ ପୋର୍ଟାଲ ଖୋଲିଲେ ଆହୁରୀ ସହଜ ଭାବେ ପଂଜିକରଣ ପ୍ରକ୍ରିୟା ଆରମ୍ଭ କରିହେବ । ହେଲେ କେନ୍ଦ୍ରସରକାରଙ୍କର କୈାଣସି ବି ସପୋର୍ଟ ମିଳିନଥିଲା । ଏବେ ଅଧିକାଂଶ ରାଜ୍ୟ ନିଜ ରାଜ୍ୟର ୧୮ରୁ ୪୫ ବର୍ଷୀୟ ଲୋକଙ୍କୁ ସ୍ୱୟଂ ଖର୍ଚ୍ଚରେ ଟିକା ଦେଉଛନ୍ତି । ତେଣୁକରି କିଛି ରାଜ୍ୟ କେନ୍ଦ୍ରସରକାରଙ୍କ ଦ୍ୱାରା ନିର୍ମିତ କୋୱିନ ଆପ୍‌କୁ ଛାଡି ନିଜର ସ୍ୱତନ୍ତ୍ର ଆପ୍ ଖୋଲିବାକୁ ଚାହୁଁଛନ୍ତି । କିନ୍ତୁ ଛତିଶଗଡ ଓ ଅନ୍ୟାନ୍ୟ କଂଗ୍ରେସ ଶାସିତ ରାଜ୍ୟର ଏହିଭଳି ନିଷ୍ପତ୍ତିକୁ କେନ୍ଦ୍ରର କୈାଣସି ଉତ୍ତର ମିଳିନାହିଁ ।

ଆରବ ସାଗରରେ ଆସିପାରେ ୨୦୨୧ର ପ୍ରଥମ ବାତ୍ୟା ‘ଟଉକଟାଏ’

ନୂଆଦିଲ୍ଲୀ: ମେ’ ୧୬ ସୁଦ୍ଧା ଆରବ ସାଗରରେ ସୃଷ୍ଟି ହୋଇପାରେ ବାତ୍ୟା । ଏନେଇ ଭାରତୀୟ ପାଣିପାଗ ବିଭାଗ ଆକଳନ କରିଛି । ଆରବ ସାଗରରେ ସୃଷ୍ଟି ହେବାକୁ ଥିବା ଲଘୁଚାପ ଅବପାତ ପରେ ବାତ୍ୟାର ରୂପ ନିଏ ତ ଏହା ୨୦୨୧ର ପ୍ରଥମ ବାତ୍ୟା ହେବ । ଉତ୍ତର ଭାରତରେ ହେବାକୁ ଥିବା ବାତ୍ୟାର ନାମ ‘ଟଉକଟାଏ’ ଦେଇଛି ମିଆଁମାର । ଘୂର୍ଣ୍ଣିଝଡ଼ ସମ୍ଭାବନା ଥିବାରୁ ଆରବ ସାଗର ଅଶାନ୍ତ ରହିଛି ।

2021’s first cyclone likely to form in the Arabian Sea this week

ଭାରତୀୟ ପାଣିପାଗ ବିଭାଗ ସାମାନ୍ୟରୁ ମଧ୍ୟମଧରଣର ବର୍ଷା ନେଇ ଲାକ୍ଷାଦ୍ୱୀପ, କେରଳ, କର୍ଣ୍ଣାଟକ ଓ ତାମିଲନାଡ଼ୁ ଆଦି ୪ ରାଜ୍ୟକୁ ମେ ୧୬ ଯାଏ ଆଲର୍ଟ କରିଛି । ସୃଷ୍ଟି ହେବାକୁ ଥିବା ଲଘୁଚାପ ଉପରେ ବର୍ଷା ନିର୍ଭର କରେ । ଦକ୍ଷିଣପୂର୍ବ ଆରବ ସାଗରରେ ମେ’ ୧୪ ସକାଳେ ଲଘୁଚାପ ସୃଷ୍ଟି ହୋଇପାରେ । ଏହା ଉତ୍ତର-ଉତ୍ତରପଶ୍ଚିମ ଦିଗକୁ ଲାକ୍ଷାଦ୍ୱୀପ ଆଡ଼କୁ ଗତି କରିବ । ମେ’ ୧୬ ସୁଦ୍ଧା ଏହା ବାତ୍ୟାର ରୂପ ନେଇପାରେ ।

2021’s first cyclone likely to form in the Arabian Sea this week

ଏହାର ପ୍ରଭାବରେ ମଙ୍ଗଳବାର ଠାରୁ ସମୁଦ୍ର ଅଶାନ୍ତ ରହିବ । ତେଣୁ ଉପକୂଳ ରାଜ୍ୟର ମତ୍ସ୍ୟଜୀବୀଙ୍କୁ ସମୁଦ୍ର ଯିବାକୁ ବାରଣ କରାଯାଇଛି । ପୂର୍ବ ଓ କେନ୍ଦ୍ରୀୟ ଆରବ ସାଗର ଅଶାନ୍ତ ରହିବ । ମେ ୧୫ରେ ଗୋଆ ଓ ମହାରାଷ୍ଟ୍ର ଉପକୂଳରେ ସମୁଦ୍ର ଅଶାନ୍ତ ରହିବ । ପବନର ବେଗ ଘଣ୍ଟାପ୍ରତି ୪୦ରୁ ୫୦ କିମି ରହିବା ଆକଳନ କରାଯାଇଛି ।

Covid-19: ହରିୟାଣା ଓ ଆସାମରେ ସର୍ବାଧିକ ଟିକା ଅପଚୟ

ନୂଆଦିଲ୍ଲୀ: ଟିକା ଅପଚୟ ହୋଇଥିବା ରାଜ୍ୟଗୁଡ଼ିକ ମଧ୍ୟରେ ଶୀର୍ଷରେ ରହିଛି ହରିୟାଣା, ଆସାମ ଏବଂ ରାଜସ୍ଥାନ । ଏ ନେଇ ସୂଚନା ଦେଇଛନ୍ତି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ । କେନ୍ଦ୍ର ମନ୍ତ୍ରାଳୟର ସୂଚନା ମୁତାବକ ହରିୟାଣାରେ ୬.୪୯ ପ୍ରତିଶତ, ଆସାମରେ ୫.୯୨ ପ୍ରତିଶତ, ରାଜସ୍ଥାନରେ ୫.୬୮ ପ୍ରତିଶତ କରୋନା ଟିକା ନଷ୍ଟ ହୋଇଛି । ତା’ ପଛକୁ ମେଘାଳୟରେ ୫.୬୭ ପ୍ରତିଶତ ଓ ବିହାରରେ ୫.୨୦ ପ୍ରତିଶତ ଏବଂ ମଣିପୁରରେ ୫.୧୯ ପ୍ରତିଶତ ଏବଂ ପଞ୍ଜାବରେ ୪.୯୪ ପ୍ରତିଶତ ଦାଦ୍ରା ନଗର ହେବାଳୀରେ ୪.୫ ପ୍ରତିଶତ ଏବଂ ତାମିଲନାଡ଼ୁରେ ୪.୧୩ ପ୍ରତିଶତ, ୩.୩୬ ପ୍ରତିଶତ ଟିକା ନାଗାଲାଣ୍ଡ ଅପଚୟ କରିଥିବା କେନ୍ଦ୍ର ସ୍ୱାସ୍ଥ୍ୟମନ୍ତ୍ରାଳୟ ପକ୍ଷରୁ କୁହାଯାଇଛି  । ଆଜି ସକାଳ ସୁଦ୍ଧା ଉପଲବ୍ଧ ଡାଟା ଅନୁଯାୟୀ ପାଖାପାଖି ୧୮ କୋଟି ଡୋଜ୍ (୧୭,୯୩,୫୭,୮୬୦) କୋଭିଡ ଟିକାର ଅପଚୟ ଘଟିଛି । ଏଥିସହିତ ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ପ୍ରଦଶ ପ୍ରଶାସନ ନିକଟରେ ମୋଟ ୯୦ ଲକ୍ଷ କରୋନା ଟିକାର ଡୋଜ ଉପଲବ୍ଧ ରହିଛି । ତେବେ ଆଗାମୀ ୩ ଦିନ ମଧ୍ୟରେ ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ପ୍ରଦେଶ କରୋନା ଟିକାର ଡୋଜ୍ ପାଇବେ । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ମୁତାବକ ମହାରାଷ୍ଟ୍ର ସର୍ବାଧିକ ୧,୮୨,୫୨,୪୫୦ ଡୋଜ୍ ପାଇଥିବା ବେଳେ ତା’ ପଛକୁ ଉତ୍ତରପ୍ରଦେଶ ୧,୫୧,୩୧,୨୭୦ ଡୋଜ, ଗୁଜୁରାଟ ୧,୪୮,୭୦,୪୯୦ ରାଜସ୍ଥାନ୧,୪୭,୩୭,୩୬୦ ପଶ୍ଚିମବଙ୍ଗ ୧,୨୦,୮୩, ୩୪୦ କେରଳ ୭୮, ୯୭,୭୯୦ ଏବଂ ତାମିଲନାଡ଼ୁ ୭୬,୪୩,୦୧୦ ଡୋଜ୍ କରୋନା ଟିକା ପାଇଛି । ତେବେ ନଷ୍ଟ ହୋଇଥିବା ଟିକାକୁ ବଦା ଦେଲେ ମହରାଷ୍ଟ୍ର ସର୍ବାଧିକ ୧,୭୫,୩୩,୮୮୯ ଡୋଜ ଟିକା ବ୍ୟବହାର ହୋଇଥିବା ବେଳେ ଉତ୍ତରପ୍ରଦେଶରେ ୧,୩୮,୬୦,୩୯୦ ଡୋଜ୍ ବ୍ୟବହାର ହୋଇଛି ।

ଏଥିସହିତ ପଢ଼ନ୍ତୁ: ସୋଆ ରେଡିଓରେ କାର୍ଯ୍ୟରତ ସାମ୍ବାଦିକା ସବନମ ସରିନଙ୍କ ପରଲୋକ

ଜନସଂଖ୍ୟା ଓଡ଼ିଶାଠୁ କମ୍, କରୋନା ସ୍ଥିତି ଭାରତଠାରୁ ସାଂଘାତିକ

କାଠମାଣ୍ଡୁ: ଭାରତର ପଡ଼ୋଶୀ ଦେଶ ନେପାଳ ମଧ୍ୟ କରୋନାର ଦ୍ୱିତୀୟ ପ୍ରବାହ ସହ ଲଢ଼ୁଛି । ପ୍ରାୟ ୩ କୋଟି ଲୋକଥିବା ଏହି ଛୋଟ ଦେଶରେ ଗତ ମାସ ଯାଏ ଦିନକୁ ଶହେ ଜଣ ସଂକ୍ରମିତ ଚିହ୍ନଟ ହେଉଥିଲେ । ଏବେ ସେଠାରେ ଦିନକୁ ପ୍ରାୟ ୧୦ ହଜାର ସଂକ୍ରମିତ ଚିହ୍ନଟ ହେଉଛନ୍ତି । ନେପାଳର ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁସାରେ, ସୋମବାର ଗୋଟିଏ ଦିନରେ ୯ ହଜାର ୧୨୭ ସଂକ୍ରମିତ ଚିହ୍ନଟ ହୋଇଥିବା ବେଳେ ୧୩୯ ଜଣଙ୍କ ମୃତ୍ୟୁ ହୋଇଛି ।

ମହାମାରୀ କରୋନା ଆରମ୍ଭ ପର ଠାରୁ ନେପାଳରେ ଏଯାବତ୍ ୪ ହଜାର ଜଣଙ୍କ ମୃତ୍ୟୁ ହେଲାଣି । ଚଳିତ ସପ୍ତାହରେ ମୃତ୍ୟୁସଂଖ୍ୟା ଦ୍ରୁତ ଭାବେ ବଢ଼ିଛି । ନେପାଳରେ ଏବେ ଯାଏ ୪ ଲକ୍ଷ ୩୭ ହଜାରରୁ ଅଧିକ ସଂକ୍ରମିତ ଚିହ୍ନଟ ହୋଇଛନ୍ତି । ଭାରତ ଭଳି ନେପାଳରେ କରୋନାର ଦ୍ୱିତୀୟ ଲହରରେ ଯୁବବର୍ଗ ଅଧିକ ସଂକ୍ରମିତ ହେଉଛନ୍ତି । ସଂକ୍ରମିତ ଲୋକଙ୍କ ମଧ୍ୟରେ ଅଧିକାଂଶଙ୍କ ବୟସ ୨୦ରୁ ୪୦ ବର୍ଷ ।

How Nepal Fighting With Covid And Situations

ସୂଚନାଅନୁସାରେ, ନେପାଳର ଅଧିକାଂଶ ଅଞ୍ଚଳରେ ଏବେ ଲକଡାଉନ୍ ଭିତରେ ରହିଛି । ତଥାପି ସଂକ୍ରମଣ ମାମଲା ଥମୁ ନଥିବାରୁ ଚିନ୍ତା ବଢ଼ୁଛି । କୁହାଯାଉଛି ପ୍ରାୟ ପ୍ରତି ଘରେ ଜଣେ ଜଣେ କରୋନା ରୋଗୀ ଅଛନ୍ତି । ସଂକ୍ରମିତଙ୍କ ସଂଖ୍ୟା ଅନୁସାରେ ହସ୍ପିଟାଲରେ ବେଡ୍ ଅଭାବ ହେଉଥିବା ବେଳେ ଅକ୍ସିଜେନ୍ ନିଅଣ୍ଟ ହେଉଛି । ଏପରିକି ପଶୁପତିନାଥ ଆର୍ଯ୍ୟଘାଟରେ ମୃତଦେହ ଦାହ ପାଇଁ ଲମ୍ବା ଲାଇନ୍ ଦେଖିବାକୁ ମିଳୁଛି । କାଠମାଣ୍ଡୁର ବାଗମତି ନଦୂ କୂଳରେ ବି ସମାନ ସ୍ଥିତି । ପୂର୍ବରୁ ଦୈନିକ ମୃତ୍ୟୁ ୨ ଅଙ୍କରେ ଥିବା ବେଳେ ଏବେ ୩ ଅଙ୍କ ରହୁଛି ।

ନେପାଳ ଠାରୁ ଭାରତର ସ୍ୱାସ୍ଥ୍ୟ ବ୍ୟବସ୍ଥା ଉନ୍ନତ ଥିବାବେଳେ ଏବେ ସ୍ଥିତି ଅଣାୟତ୍ତ ହୋଇ ପଡ଼ିଛି । କରୋନର ଦ୍ୱିତୀୟ ଲହରରେ ସ୍ୱାସ୍ଥ୍ୟସେବାର ଦୟନୀୟ ଚିତ୍ର ସାମ୍ନାକୁ ଆସୁଛି । ଏମିତିରେ ନେପାଳର ସ୍ୱାସ୍ଥ୍ୟ ବ୍ୟବସ୍ଥା ଆହୁରି ଖରାପ । ତଥ୍ୟ ଅନୁସାରେ, ନେପାଳର ୩ କୋଟି ଲୋକଙ୍କ ପାଇଁ ସେଠାରେ କେବଳ ୧୫୯୫ଟି ଇଣ୍ଟେସିଭ୍ କେୟାର୍ ବେଡ୍ ଓ ୪୮୦ଟି ଭେଣ୍ଟିଲେଟର ରହିଛି । ତା’ଛଡ଼ା ଡକ୍ଟରର୍ସଙ୍କ ଘୋର୍ ଅଭାବ ରହିଛି । ବିଶ୍ୱ ବ୍ୟାଙ୍କ ଅନୁସାରେ, ୧ ଲକ୍ଷ ଲୋକଙ୍କ ପାଇଁ ସେଠି ୦.୭ ଫିଜିସିୟାନ୍ ଅଛନ୍ତି । ଯାହାକି ଭାରତରେ ୦.୯ ପ୍ରତିଶତରୁ କମ୍ ।

How Nepal Fighting With Covid And Situations

ମେ ୧୦ରେ ସରକାରୀ ସୂଚନା ଅନୁଯାୟୀ, ନେପାଳରେ ୬ ହଜାର ୭୧୫ ଲୋକଙ୍କ ପାଇଁ ଗୋଷ୍ଠୀ ସଂଗରୋଧ ବ୍ୟବସ୍ଥା ରହିଛି । ୯୧୦ ଜଣ ଆଇସିୟୁରେ ରହିଥିବା ବେଳେ ୨୯୫ ଜଣ ଭେଣ୍ଟିଲେଟରରେ ଅଛନ୍ତି । କେବଳ କାଠମାଣ୍ଡୁ ଘାଟିରେ ୧୬୧୮ ଜଣ ଆଇସୋଲେସନରେ ଥିବାବେଳେ ୧୭୬ ଜଣ ଆଇସିୟୁ ଏବଂ ୯୫ ଜଣ ଭେଣ୍ଟିଲେଟରରେ ଅଛନ୍ତି । ଏହାଛଡ଼ା ଘରେ ରହି ଚିକିତ୍ସିତ ହେଉଥିବା ଅଧିକାଂଶ ଲୋକଙ୍କୁ ଚିକିତ୍ସା ମିଳିପାରୁନାହିଁ । ଏହା ପୂର୍ବରୁ ମେ ୮ରେ ନେପାଳ ସ୍ୱାସ୍ଥ୍ୟ ବିଭାଗ ଅନୁସାରେ, ୭୭ ଜିଲ୍ଲା ମଧ୍ୟରୁ ୨୨ ଜିଲ୍ଲାରେ ହସ୍ପିଟାଲ୍ ବେଡ୍ ଅଭାବ ରହିଛି । ଏଥିସହ ନେପାଳରେ ଟିକାକରଣ ହାର୍ ବହୁତ କମ୍ ରହିଛି । ଗତ ମାସ ସୁଦ୍ଧା ନେପାଳ ଜନସଂଖ୍ୟାର ମାତ୍ର ୭.୨ ପ୍ରତିଶତ ଲୋକଙ୍କୁ ଗୋଟିଏ ଡୋଜ୍ ଟିକା ଦିଆଯାଇ ପାରିଛି ।

ତେବେ ନେପାଳରେ ବିଗିଡ଼ିଥିବା କରୋନା ସ୍ଥିତି ଭାରତ ପରି । ଭାରତରେ ଯେମିତି ଧାର୍ମିକ ଉତ୍ସବ ଓ ନିର୍ବାଚନ ସଭା ଯୋଗୁଁ ମହାମାରୀ ବ୍ୟାପିଲା, ଠିକ୍ ସେହିଭଳି ନେପାଳରେ କରୋନାରେ ବ୍ୟାପିଛି । ଏପ୍ରିଲ୍ ମାସରୁ ସ୍ଥିତି ବିଗିଡ଼ିବାରେ ଲାଗିଛି ।