spot_img
Home Blog Page 5759

ବାତ୍ୟା ରାତିରେ କଟକରେ ଜନ୍ମ ନେଲା ‘ୟାସ୍’

କଟକ: ଅତି ଭୀଷଣ ବାତ୍ୟା ‘ୟାସ୍’ ଓଡ଼ିଶା ଆଡ଼କୁ ମାଡ଼ି ଆସୁଥିବା ବେଳେ ମେଡିକାଲ୍ ବେଡରେ ଶୁଭିଥିଲା କୁଆଁ କୁଆଁ ସ୍ୱର । କଟକର ଏକ ଘରୋଇ ନର୍ସିଂ ହୋମରେ ବାତ୍ୟା ରାତିରେ ଜନ୍ମ ନେଇଛି ‘ୟାସ୍’ । କଟକ ଶିଖରପୁର ତଳସାହି ଅଞ୍ଚଳର ସୋମ୍ୟ ରଞ୍ଜନ ପ୍ରଧାନ ଓ ପତ୍ନ ସ୍ୱାଗତିକା ପୁଅର ନାଁ ‘ୟାସ୍’ ରଖିଛନ୍ତି ।

ସ୍ୱାଗତିକାଙ୍କୁ ଜୁଲାଇ ୧ରେ ପ୍ରସବ ପାଇଁ ଡାକ୍ତର ତାରିଖ ଦେଇଥିଲେ । ମାତ୍ର ମଙ୍ଗଳବାର ରାତିରେ ଆରମ୍ଭ ହୋଇଥିଲା ପ୍ରସବ ଯନ୍ତ୍ରଣା । ଝଡ଼ ବର୍ଷା ରାତିରେ ପରିବାର ଲୋକେ ସ୍ୱାଗତିକାଙ୍କୁ କଟକର ଏକ ଘରୋଇ ହସ୍ପିଟାଲରେ ଭର୍ତ୍ତି କରିଥିଲେ । ବିଳମ୍ବିତ ରାତିରେ ସ୍ୱାଗତିକା ଏକ ଶିଶୁପୁତ୍ର ଜନ୍ମ ଦେଇଥିଲେ ।

ଜନ୍ମ ପରେ ପିଲାର ନାଁ ‘ୟାସ୍’ ଦେବାକୁ ଡାକ୍ତର ମାନେ ଅନୁରୋଧ କରିଥିଲେ । ଯାହାକୁ ପରିବାର ଲୋକେ ଗ୍ରହଣ କରିବା ସହିତ ନବଜାତକର ନାଁ ‘ୟାସ୍’ ରଖିଛନ୍ତି । ବାତ୍ୟା ରାତିରେ ଜନ୍ମ ହେଉଥିବାରୁ ସ୍ମୃତିକୁ ମନେ ରଖିବା ପାଇଁ ‘ୟାସ୍’ ନାମକରଣ କରି ପରିବାରର ସମସ୍ତେ ଖୁସିଥିବା କହିଛନ୍ତି ସୌମ୍ୟ ରଞ୍ଜନ ।

ବାତ୍ୟା ପରର ବିଭୀଷିକା, ଭଦ୍ରକ ଓ ବାଲେଶ୍ୱରର ତଳିଆ ଅଞ୍ଚଳରେ ଘରେ ପଶିଲା ପାଣି

ଭୁବନେଶ୍ୱର: ବାତ୍ୟା ପରର ବିଭୀଷିକା ଦେଖା ଦେଇଛି । ଭଦ୍ରକରୁ ବାଲେଶ୍ୱର ସବୁଠୁ ‘ୟାସ୍’ ତାଣ୍ଡବ ପରର ଚିତ୍ର ଦେଖିବାକୁ ମିଳିଛି । ‘ୟାସ୍’ ଭଦ୍ରକ ଜିଲ୍ଲାରେ ବ୍ୟାପକ କ୍ଷୟକ୍ଷତି ଘଟାଇଛି । ଘରଦ୍ବାର ଭାଙ୍ଗିବା ସହିତ ବିଭିନ୍ନ ସ୍ଥାନରେ ଗଛ ଓ ବିଦ୍ୟୁତ୍ ଖୁଣ୍ଟ ଉପୁଡିଛି । ପ୍ରବଳ ବର୍ଷା ଯୋଗୁଁ ଅନେକ ଅଞ୍ଚଳ ଜଳମଗ୍ନ ହୋଇଛି । କଚ୍ଚାଘର ଭାଙ୍ଗିବା ସହିତ ଗାଡ଼ି ଭସାଇ ନେଇଛି ବାତ୍ୟା । ଧାମରା, ଚାନ୍ଦବାଲି, ବାସୁଦେବପୁର ଓ ତିହିଡ଼ି ବ୍ଲକରେ ଅଧିକ କ୍ଷତି କରିଛି ବାତ୍ୟା ‘ୟାସ୍’ । ଜିଲ୍ଲାର ୭ଟି ବ୍ଲକର ତଳିଆ ଅଞ୍ଚଳରେ ବର୍ଷା ପାଣି ବନ୍ୟା ପରିସ୍ଥିତି ସୃଷ୍ଟି କରିଛି । ପ୍ରଶାସନ ପକ୍ଷରୁ ଜିଲ୍ଲାରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି ।

Cyclone Yaas, Rain Water Entered In Houses Of Bhadrak And Balasore

୧୫ ପ୍ଲାଟୁନ୍ ପୋଲିସ ଫୋର୍ସ ସହ ସମସ୍ତ ଥାନାର କର୍ମଚାରୀମାନେ ଉଦ୍ଧାର କାର୍ଯ୍ୟରେ ସାମିଲ ହୋଇଛନ୍ତି । ସେହିଭଳି ୧୦ଟି ଏନଡିଆର୍ଏଫ ଟିମ୍‌, ୩ ଓଡ୍ରାଫ୍ ଟିମ୍‌ ଓ ୨୦ଟି ଅଗ୍ନିଶମ ବାହିନୀ ଗଛ କାଟି ରାସ୍ତା ସଫା କରୁଛନ୍ତି । ବିଦ୍ୟୁତ୍ ସରବରାହ ପାଇଁ ବିଭାଗ ବିଦ୍ୟୁତ୍ ବିଭାଗ ପକ୍ଷରୁ କାର୍ଯ୍ୟ ଆରମ୍ଭ ହୋଇଛି । ପାଣି ଜମିଥିବା ସ୍ଥାନରୁ ବର୍ଷାଜଳ ନିଷ୍କାସନ ପ୍ରକ୍ରିୟା ଆରମ୍ଭ କରିଛି ଜିଲ୍ଲା ପ୍ରଶାସନ । ପିଇବା ପାଣି ଯୋଗାଇବା ସହ ବିଦ୍ୟୁତ୍ ସଂଯୋଗ ବିଚ୍ଛିନ୍ନ ହୋଇଥିବା ଅଞ୍ଚଳରେ ଜେନେରେଟର ଓ ଅନ୍ୟ ବିକଳ୍ପ ବ୍ୟବସ୍ଥା କରି ଅଲୋକୀକରଣ ପାଇଁ ଉଦ୍ୟମ ଜାରି ରହିଛି ।

Cyclone Yaas, Rain Water Entered In Houses Of Bhadrak And Balasore

ରାଜ୍ୟ ସରକାରଙ୍କ ଆଗୁଆ ପଦକ୍ଷେପ ପାଇଁ ଜିଲ୍ଲାରେ କୌଣସି ଜୀବନ ହାନି ହୋଇ ନାହିଁ । ଜିଲ୍ଲା ପ୍ରଶାସନ ପକ୍ଷରୁ ୧ ଲକ୍ଷ ୨୦ ହଜାରରୁ ଅଧିକ ଲୋକଙ୍କୁ ତଳିଆ ଅଞ୍ଚଳରୁ ସ୍ଥାନାନ୍ତର କରି ସ୍ଥାୟୀ ଓ ଅସ୍ଥାୟୀ ଆଶ୍ରୟସ୍ଥଳୀରେ ଥଇଥାନ କରାଯାଇଛି । ଏହା ସହିତ ସେମାନଙ୍କୁ ଶୁଖିଲା ଓ ରନ୍ଧା ଖାଦ୍ୟ ଯୋଗାଇ ଦିଆଯାଇଛି । ତେବେ କ୍ଷୟକ୍ଷତି ଆକଳନ ପରେ ଜିଲ୍ଲାରେ କେତେ ମାତ୍ରରେ କ୍ଷତି ହୋଇଛି ତାହା ସ୍ପଷ୍ଟ ହେବ ।

Cyclone Yaas, Rain Water Entered In Houses Of Bhadrak And Balasore

ଅନ୍ୟପଟେ ବାତ୍ୟା ପ୍ରଭାବରେ ପ୍ରବଳ ବର୍ଷା ଯୋଗୁଁ ବାଲେଶ୍ବର ଜିଲ୍ଲା ଖଇରା ବ୍ଲକ ବାରିଙ୍ଗିଆ ଗାଁରେ ଲୋକଙ୍କ ଘର ଭିତରେ ଆଣ୍ଠୁଏ ଉଚ୍ଚର ପାଣି ପଶିଛି । ଘରେ ପାଣି ଲହଡ଼ି ମାରୁଥିବା ବେଳେ ଆସବାବପତ୍ର ସବୁ ପାଣିରେ ଭାସୁଥିବା ଦେଖାଯାଇଛି । ରାସ୍ତାରେ ପାଣି ପ୍ରବାହିତ ହେଉଥିବାରୁ ବାରିଙ୍ଗିଆ ଶାସନ ବାହ୍ୟ ଜଗତରୁ ବିଚ୍ଛିନ୍ନ ହୋଇଛି ।

ଏଥିସହ ପଢ଼ନ୍ତୁ- ‘ୟାସ୍’ ଓ ‘ତଉତେ’କୁ ତୁଳନା କରି କଣ କହିଲେ IMD ଡିଜି…

ରାଉରକେଲା ସହରର ବିଭିନ୍ନ ଅଞ୍ଚଳରେ ପ୍ରବଳ ବର୍ଷା ହେଉଛି ।  ଗଙ୍ଗାଧରପାଲି ଅଞ୍ଚଳର କେତେକଙ୍କ ଘରେ ବର୍ଷାଜଳ ପ୍ରବେଶ କରିଛି । ପ୍ରବଳ ବର୍ଷା ଜାରି ରହିଥିବା ବେଳେ ଡ୍ରେନ୍ କାମ ଚାଲିଥିବାରୁ ବର୍ଷା ପାଣି ଘରେ ପଶିଥିବା ଅଭିଯୋଗ ହୋଇଛି । ଅଭିଯୋଗ ପାଇ ରାଉରକେଲା ବିଧାୟକ ସାରଦା ପ୍ରସାଦ ନାୟକ ଘଟଣାସ୍ଥଳରେ ପହଞ୍ଚି ବର୍ଷାଜଳ ନିଷ୍କାସନର ବ୍ୟବସ୍ଥା କରାଇଛନ୍ତି । ପ୍ରବଳ ବର୍ଷା ଆଶଙ୍କା ରହିଥିବାରୁ ସୁନ୍ଦରଗଡ଼ ଜିଲ୍ଲାର ନୂଆଗାଁ, କୁଆଁରମୁଣ୍ଡା, ବିଶ୍ରା, ଲାଠିକଟା, ଲହୁଣୀପଡ଼ା, କୋଇଡ଼ା ଏବଂ ଗୁରୁଣ୍ଡିଆ ଆଦି ବ୍ଲକ ଅଞ୍ଚଳରେ ଲୋକମାନଙ୍କୁ ସୁରକ୍ଷିତ ଜାଗାକୁ ସ୍ଥାନାନ୍ତର କରାଯାଇଛି । ସମସ୍ତ ଆଶ୍ରୟସ୍ଥଳରେ ଲୋକମାନଙ୍କୁ  ରନ୍ଧାଖାଦ୍ୟ ଯୋଗାଇ ଦିଆଯାଉଛି ।

‘ୟାସ୍’ ଓ ‘ତଉତେ’କୁ ତୁଳନା କରି କଣ କହିଲେ IMD ଡିଜି…

ଭୁବନେଶ୍ୱର (ସୁଶାନ୍ତ କୁମାର ସାହୁ): ୨ ସପ୍ତାହରେ ୨ଟି ବାତ୍ୟା । ୧୫ ଦିନ ମଧ୍ୟରେ ଦେଶରେ ୨ଟି ବାତ୍ୟା ‘ତଉତେ’ ଓ ‘ୟାସ୍’ ଆସିଛି । ଏନେଇ ବିସ୍ତୃତ ସୂଚନା ଦେଇଛନ୍ତି ଭାରତୀୟ ପାଣିପାଗ ବିଭାଗର ଡିଜି ମୃତ୍ୟୁଞ୍ଜୟ ମହାପାତ୍ର । ମେ ୧୭ରେ ‘ତଉତେ’ ଗୁଜରାଟ ଉପକୂଳରେ ମାଡ଼ ହୋଇଥିଲା । ୧୬୦ରୁ ୧୭୦ କିଲୋମିଟର ଘଣ୍ଟାପ୍ରତି ବେଗରେ ‘ତଉତେ’ ତାଣ୍ଡବ ରଚିଥିଲା । ‘ତଉତେ’ ଗୁଜରାଟ ଉପକୂଳ ପାର୍ କରିବା ବେଳେ ଏକ ୱେଷ୍ଟର୍ଣ୍ଣ ଡିଷ୍ଟର୍ବାନ୍ସ ଏହା ସହ ମିଶିଥିଲା । ଫଳରେ ଉଭୟ ଉଭୟଙ୍କୁ ପ୍ରଭାବିତ କରିବା ପରେ ତୌଉତେ ଗୁଜରାଟ ଉପକୂଳ ପାର୍ ହେବା ପର ଦୁର୍ବଳ ନହୋଇ ୩୩ ଘଣ୍ଟା ଯାଏ ବାତ୍ୟା ଭଳି ରୂପ ଧାରଣ କରିଥିଲା । ଏହି ବାତ୍ୟା ଲାକ୍ଷାଦ୍ୱୀପରେ ସୃଷ୍ଟି ହୋଇଥିଲା ବୋଲି ସୂଚନା ଦେଇଛନ୍ତି ଭାରତୀୟ ପାଣିପାଗ ବିଭାଗର ଡିଜି ମୃତ୍ୟୁଞ୍ଜୟ ମହାପାତ୍ର । ‘ତଉତେ’ ପଶ୍ଚିମ ଉପକୂଳର ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ପ୍ରଭାବିତ କରିଥିଲା ।

Know Differences Between Cyclone Tauktae And Yaas

ବାତ୍ୟା ‘ତଉତେ’ ସରୁ ସରୁ ଆଉ ଏକ ବାତ୍ୟା ବଙ୍ଗୋପସାଗରରେ ସୃଷ୍ଟି ହୋଇଥିଲା । ୨୨ ତାରିଖରେ ଦକ୍ଷିଣ-ପୂର୍ବ ବଙ୍ଗୋପସାଗରରେ ଏକ ଲଘୁଚାପ ସୃଷ୍ଟି ହୋଇଥିଲା । ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ଅବପାତର ରୂପ ନେଇ ଅତି ଭୀଷଣ ବାତ୍ୟାର ରୂପ ନେଇଥିଲା । ଆଜି ଏହା ଉପକୂଳ ଛୁଇଁଛି । ପବନର ବେଗ ଘଣ୍ଟାପ୍ରତି ୧୩୦ରୁ ୧୪୦ କିଲୋମିଟର ରହିଥିଲା । ‘ୟାସ୍’ର ପ୍ରଭାବ ଆଜି ଓ ଆସନ୍ତାକାଲି ଝାଡ଼ଖଣ୍ଡରେ ରହିବ । ଓଡ଼ିଶାରେ ଅଧିକ ବର୍ଷା ରେକର୍ଡ କରାଯାଇଛି । ଉତ୍ତରଓଡ଼ିଶା ସହ ପଶ୍ଚିମବଙ୍ଗରେ ଅଧିକ ବର୍ଷା ହୋଇଛି ।

୨ଟି ଯାକ ବାତ୍ୟା ଆରବ ସାଗରରେ ସୃଷ୍ଟି ହୋଇଥିଲା । ୟାସ୍ ଯଦିଓ ଟିକିଏ ଦୁର୍ବଳ ଥିଲା ତଥାପି ‘ତଉତେ’ ଅପେକ୍ଷା ୟାସ୍ ପ୍ରଭାବରେ ଅଧିକ ବର୍ଷା ହୋଇଛି । ୟାସ୍ ପ୍ରଭାବରେ ସର୍ବାଧିକ ୨୯ ସେଣ୍ଟିମିଟର ବର୍ଷା ହୋଇଥିବା ବେଳେ ତୌଉତେ ପ୍ରଭାବରେ ୨୩ ସେଣ୍ଟିମିଟର ବର୍ଷା ହୋଇଥିଲା । ୟାସ୍ ଯୋଗୁଁ ସମୁଦ୍ରରେ ୪ ମିଟର ଉଚ୍ଚ ଜୁଆର ଆସିଥିଲା । ବାତ୍ୟା ୟାସ୍ ୧ ହଜାର କିଲୋମିଟର ଅଞ୍ଚଳରେ ପ୍ରଭାବ ପକାଇଥିବା ବେଳେ ତୌଉତେ ୧୮୦୦ କିଲୋମିଟର ବ୍ୟାପିଥିଲା । ୟାସ୍ ଆଗାମୀ ୩ ଘଣ୍ଟାରେ ବାତ୍ୟାରେ ପରିଣତ ହେବ । ଆସନ୍ତାକାଲି ସକାଳ ସୁଦ୍ଧା ୟାସ୍ ଅବପାତର ରୂପ ନେଇ ଝାଡ଼ଖଣ୍ଡ ଚାଲିଯିବ ।

ୟାସ୍ କାହିଁକି ହେଲା ଦୁର୍ବଳ ?

‘ତଉତେ’ ବାତ୍ୟା ଉପକୂଳ ଛୁଇଁବା ବେଳେ ତାର ଘଣ୍ଟାପ୍ରତି ବେଗ ୧୫ କିଲୋମିଟର ଥିଲା । ୟାସ୍ ଉପକୂଳ ପାର୍ କରିବା ବେଳେ ତାର ବେଗ ଘଣ୍ଟାପ୍ରତି ୨୪ କିଲୋମିଟର ବେଗରେ ଅତିକ୍ରମ କରିଥିଲା । ଫଳରେ ‘ତଉତେ’ ତୁଳନାରେ ୟାସ୍ କମ୍ କ୍ଷତି ଘଟାଇଥିଲା । ସେହିଭଳି କୌଣସି ବାତ୍ୟା ଅଧିକ ସମୟ ସ୍ଥଳଭାଗରେ ରହିଲେ ଅଧିକ କ୍ଷୟକ୍ଷତି ହୋଇଥାଏ । ୟାସ୍ ବହୁତ ଶୀଘ୍ର ଦୁର୍ବଳ ହୋଇଛି । ଉପକୂଳ ପାର୍ ପରେ ୟାସ୍ ଅତି ଭୟଙ୍କର ବାତ୍ୟାରେ ପରିଣତ ହୋଇଥିବା ବେଳେ କିଛି ଘଣ୍ଟା ପରେ ବାତ୍ୟାରେ ପରିଣତ ହେବ ।

କାହିଁକି ଆସୁଛି ବାରମ୍ବାର ବାତ୍ୟା ?

ବିଗତ ୫ ବର୍ଷ ମଧ୍ୟରେ ଅଧିକାଂଶ ଅତି ଭୀଷଣ ବାତ୍ୟା ଆରବ ସାଗରରେ ସୃଷ୍ଟି ହୋଇଛି । ବିଶ୍ଲେଷଣରୁ ଜଣାପଡ଼ିଛି ବଙ୍ଗୋପସାଗରରେ ଯେତିକି ବଡ଼ ବାତ୍ୟା ଆସିଛି ସେଥିରେ କୌଣସି ପରିବର୍ତ୍ତନ ଆସିନାହିଁ । ୧୯୯୦ ପର ଠାରୁ ଆରବ ସାଗରରେ ବଡ଼ ବାତ୍ୟା ସଂଖ୍ୟା ବଢ଼ିଛି । ଆରବ ସାଗରରେ ସୃଷ୍ଟି ହେଉଥିବା ବଡ଼ ବାତ୍ୟା ପଛରେ ପାଣିପାଗ ପରିବର୍ତ୍ତନ ବଡ଼ କାରଣ ନୁହେଁ । ଯେତେବେଳେ ବି ବାତ୍ୟା ଉପକୂଳ ଛୁଏଁ ଗତି କମି ଯାଏ । ବାତ୍ୟା ଉପକୂଳରେ ଧିରେ ଗତି କରିବା ଫଳରେ ଅଧିକ ପ୍ରଭାବ ପଡ଼େ । ପାଣିପାଗରେ ପରିବର୍ତ୍ତନ ଯୋଗୁଁ ଅବପାତ ଓ ବାତ୍ୟାରେ ବର୍ଷାର ପରିମାଣ ବଢ଼ିଛି । ବାତ୍ୟା ଯୋଗୁଁ ଦକ୍ଷିଣ-ପଶ୍ଚିମ ମୌସୁମୀ ବାୟୁ ଉପରେ ପ୍ରଭାବ ପଡ଼ିବ ବୋଲି କହିଛନ୍ତି ଭାରତୀୟ ପାଣିପାଗ ଡିଜି ମୃତ୍ୟୁଞ୍ଜୟ ମହାପାତ୍ର ।

ଫେଲ୍ ହେଉଛି ଟେଣ୍ଡର ପ୍ରକ୍ରିୟା, ରାଜ୍ୟ ଉପରେ ଟିକା ଭାର ଲଦି ଖସିଯାଉଛି କେନ୍ଦ୍ର

ନୂଆଦିଲ୍ଲୀ: କୋରାନ ସଙ୍କଟରେ ଦିଲ୍ଲୀରେ ଆରମ୍ଭ ହୋଇଛି ଡ୍ରାଇଭ ଥ୍ର୍ୟୁ ଭ୍ୟାକ୍ସିନେସନ । ସମଗ୍ର ରାଜ୍ୟବାସୀଙ୍କୁ ଟିକାକରଣରେ ସାମିଲ କରିବାକୁ ତ୍ୱରାନିତ ହୋଇଛି କାର୍ଯ୍ୟକ୍ରମ । ଆଜି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏହି କାର୍ଯ୍ୟକ୍ରମକୁ ଆରମ୍ଭ କରିଛନ୍ତି । ସାଧାରଣ ଲୋକେ ଗାଡିରେ ଯାତାୟତ କରୁଥିବା ସମୟରେ ମଧ୍ୟ ଟିକା ନେଇପାରିବେ । ଚିକା କେନ୍ଦ୍ରରେ ଭିଡ ହଟାଇବା ଏବଂ ସମସ୍ତ ରାଜ୍ୟବାସୀଙ୍କୁ ଭ୍ୟାକ୍ସିନେସନ ପକ୍ରିୟାରେ ସାମିଲ କରିବା ଡ୍ରାଇଭ ଥ୍ର୍ୟୁ ଭ୍ୟାକ୍ସନେସନର ମୂଳ ଉଦେଶ୍ୟ ବୋଲି କହୁଛନ୍ତି ଦିଲ୍ଲୀ ସରକାର ।

ସେପଟେ ଯଦି ମାର୍ଚ୍ଚ ମାସ ସୁଦ୍ଧା ସମଗ୍ର ଦେଶବାସୀଙ୍କୁ ଟିକାକରଣରେ ସାମିଲ କରାଯାଇଥାନ୍ତା । ଅର୍ଥାତ ସଭିଙ୍କୁ ଟିକା ପ୍ରଦାନ କରାଯାଇ ହୋଇପାରିଥାନ୍ତା, ତେବେ କୋଭିଡ ସ୍ଥିତି ଏତେ ଭୟଙ୍କର ହୋଇନଥାନ୍ତା । ଟିକା ପ୍ରଦାନରେ କେନ୍ଦ୍ର ସରକାରଙ୍କ ଅବହେଳା ଯୋଗୁଁ ଏପରି ସ୍ଥିତି ଘଟିଥିବା ଅଭିଯୋଗ ଆଣିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ।

ସେପଟେ ମୁଖ୍ୟମନ୍ତ୍ରୀ କେଜ୍ରିୱାଲ ସାମ୍ବାଦିକ ସମ୍ମିଳନୀରେ କେନ୍ଦ୍ର ଉପରେ ବର୍ଷିଛନ୍ତି । କେନ୍ଦ୍ର ସରକାର ନିଜ ନିଜ ରାଜ୍ୟର ସ୍ଥିତି ବୁଝିବାକୁ ଛାଡିଦେଇଛନ୍ତି । ଟିକାକରଣକୁ ନେଇ ଏପର୍ଯ୍ୟନ୍ତ ମଧ୍ୟ କୌଣସି ରାଜ୍ୟ ତ୍ୱରିତ ଭାବେ କାର୍ଯ୍ୟ କରିପାରୁନାହାଁନ୍ତି । ଦେଶରେ ଟିକା ଅଭାବ ଥିବାରୁ କିପରି ଟିକାକରଣ କରାଯିବ ବୋଲି ପ୍ରଶ୍ନ କରିଛନ୍ତି । ସେହିପରି କେଜ୍ରିୱାଲ କହିଛନ୍ତି, ଯଦି ପାକିସ୍ତାନ ସୀମାରେ ଯୁଦ୍ଧ ହୁଏ, ତେବେ ଟ୍ୟାଙ୍କର କିଣିବା ଦାୟିତୱ କେହାର ? କଣ ନିଜ ନିଜ ସୀମା ଜଗିବାକୁ ରାଜ୍ୟ ମାନେ ଟ୍ୟାଙ୍କର କିଣିବେ ବୋଲି ମଧ୍ୟ ପ୍ରଶ୍ନ କରିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ।

ବାତ୍ୟା କ୍ଷତିଗ୍ରସ୍ତ ଅଞ୍ଚଳରେ ସ୍ଥିତି ଅନୁଧ୍ୟାନ କରୁଛନ୍ତି ମନ୍ତ୍ରୀ ଓ ବିଧାୟକ

ବାଲେଶ୍ୱର: ବାତ୍ୟା କ୍ଷତିଗ୍ରସ୍ତ ଅଞ୍ଚଳ ବୁଲିଲେ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ । ବାଲେଶ୍ୱର ବଳାରାମଗଡ଼ିରେ ଶକ୍ତିମନ୍ତ୍ରୀ ଓ ପର୍ଯ୍ୟଟନ ମନ୍ତ୍ରୀଙ୍କ ସହ ପ୍ରଣବ ପ୍ରକାଶ ଦାସ ପହଞ୍ଚି ସ୍ଥିତି  ଅନୁଧ୍ୟାନ କରିଛନ୍ତି । ଜନସାଧାରଣଙ୍କ ଜୀବନ ସବୁଠୁ ଗୁରୁତ୍ୱପୂର୍ଣ୍ଣ ।  କ୍ଷୟକ୍ଷତି ସମ୍ପର୍କରେ ମୁଖ୍ୟମନ୍ତ୍ରୀଙ୍କୁ ଜଣାଇବୁ ବୋଲି କହିଛନ୍ତି ପ୍ରଣବ ପ୍ରକାଶ ଦାସ । ଆବଶ୍ୟକ ମୁତାବକ ଖାଦ୍ୟ ସାମଗ୍ରୀ ଦିଆଯାଉଛି । ଜନସାଧାରଣଙ୍କ ଦାବି ମୁତାବକ କାର୍ଯ୍ୟ କରାଯିବ ବୋଲି ସେ କହିଛନ୍ତି ।

Minister And MLAs Reviewed Post Cyclone Situation In Balasore

ବାତ୍ୟାରେ କୌଣସି ପର୍ଯ୍ୟଟକଙ୍କର କ୍ଷତି ହୋଇନାହିଁ ବୋଲି କହିଛନ୍ତି ପର୍ଯ୍ୟଟନ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ  । ସରକାରୀ ସ୍ତରରେ ଓ ବିଜୁ ଜନତା ଦଳ ପକ୍ଷରୁ କାମ ଜାରି ରହିବ । ଶକ୍ତି ବିଭାଗ କ୍ଷୟକ୍ଷତି ଆକଳନ ଚାଲିଛି ବୋଲି ଶକ୍ତିମନ୍ତ୍ରୀ ଦିବ୍ୟଶଙ୍କର ମିଶ୍ର କହିଛନ୍ତି । ବଳରାମଗଡ଼ି ପରେ ଚାନ୍ଦିପୁରରେ ବାତ୍ୟା ସ୍ଥିତି ଅନୁଧ୍ୟାନ କରିଛନ୍ତି ପ୍ରଣବ ପ୍ରକାଶ ଦାସ ।

Minister And MLAs Reviewed Post Cyclone Situation In Balasore

ବାତ୍ୟା ସମୟରେ ଜୋର ପବନରେ ବିଭିନ୍ନ ସ୍ଥାନରେ ଗଛ ପଡ଼ି ରାସ୍ତା ଅବରୋଧ ହୋଇଥିଲା । ବାହନଗା ବ୍ଲକର ବିଭିନ୍ନ ସ୍ଥାନରେ ପଡ଼ିଥିବା ଗଛକୁ ଓଡ୍ରାଫ୍ ଟିମ୍ ସହ ଗଛକୁ କାଟି ସଫା କରିଛନ୍ତି ସୋର ବିଧାୟକ ପର୍ଶୁରାମ ଧଡ଼ା । ବିଧାୟକ ଗଛ ସଫା କରିବା ସହ ବାତ୍ୟା ପ୍ରଭାବିତ ଲୋକଙ୍କ ସହ ଆଲୋଚନା କରିଛନ୍ତି ।

ବର୍ଷର ପ୍ରଥମ ଚନ୍ଦ୍ରଗ୍ରହଣ, ଆକାଶରେ ଦୃଶ୍ୟ ମାନ ଲୋହିତ ଚନ୍ଦ୍ର

ନୂଆଦିଲ୍ଲୀ: ଆଜି ବର୍ଷର ପ୍ରଥମ ଚନ୍ଦ୍ରଗ୍ରହଣ । ଗ୍ରହଣ ପକ୍ରିୟା ଲାଗିଥିବାବେଳେ ଆଜି ଦେଖିବାକୁ ମିଳିବ ସୁପରମୁନ ।  ଦୀର୍ଘ ୬ ବର୍ଷ ପରେ ଦେଖିବାକୁ ମିଳିବ ଏହି ବିରଳ ଦୃଶ୍ୟ । ଏହା ମଧ୍ୟ ବେସ ଖାସ ଏବଂ ରୋଚକ । ଏହି ଚନ୍ଦ୍ର ଗ୍ରହଣ ପୂର୍ବ ଏସିଆ ସମେତ ଅଷ୍ଟ୍ରେଲିଆ, ପ୍ରଶାନ୍ତ ମହାସାଗରୀୟ ଦେଶ ଏବଂ ଆମେରିକାରେ ଦେଖିବାକୁ ମିଳିବ । ଅପରାହ୍ନ ୨ଟା ୧୭ ମିନିଟରୁ ବିଦେଶରେ ଆରମ୍ଭ ହୋଇଯାଇଛି ଚନ୍ଦ୍ରଗ୍ରହଣ ପକ୍ରିୟା ।

 

ପୃଥ୍ୱି ବିଜ୍ଞାନ ମନ୍ତ୍ରାଳୟ ପକ୍ଷରୁ ଜାରି କରାଯାଇଥିବା ବାର୍ତ୍ତା ଅନୁଯାୟୀ, ଏହି ଚନ୍ଦ୍ର ଗ୍ରହଣ ଭାରତରେ ମଧ୍ୟ ଦେଖିବାକୁ ମିଳିବ । ବିଶେଷକରି ଭାରତର ପୂର୍ବତ୍ତୋର ରାଜ୍ୟଗୁଡିକରେ ଦେଖିବାକୁ ମିଳିବ ସୁପରମୁନ । ଅର୍ଥାତ ଓଡିଶାର କିଛି ଅଞ୍ଚଳ ସମେତ, ପଶ୍ଚିମବଙ୍ଗ ଏବଂ ଆସାମର ଅନେକ ଅଞ୍ଚଳରେ ଏହି ମହାଜାଗତିକ ଦୃଶ୍ୟ ଦେଖିବାକୁ ମିଳିବ । ଆଣ୍ଡାମାନ ଏବଂ ନିକୋବର ଦ୍ବୀପପୁଞ୍ଜରେ ମଧ୍ୟ ଏହି ବିରଳ ମହାଜାଗତିକ ଦୃଶ୍ୟ ଅର୍ଥାତ ସୁପରମୁନର ଝଲକ ଦେଖାଯିବ ।

ତଥ୍ୟ ଅନୁସାରେ ୨୧ ଜାନୁୟାରୀ ୨୦୧୯ ମସିହା ପରେ ଭାରତରେ ପୂର୍ଣ୍ଣ ଚନ୍ଦ୍ରଗ୍ରଣ ଦେଖିବାକୁ ମିଳିନାହିଁ । ତେଣୁ ୨୦୧୯ ମସିହା ପରେ ପ୍ରଥମଥର ପାଇଁ ଦେଶରେ ପୂର୍ଣ୍ଣ ଚନ୍ଦ୍ରଗ୍ରହଣ ଦେଖିବାକୁ ମିଳିବ । ସେପଟେ ବିଦେଶରେ ଚନ୍ଦ୍ରଗ୍ରହଣ ପ୍ରକ୍ରିୟା ଅପରାହ୍ନ ୨ ଟା ପରେ ଆରମ୍ଭ ହୋଇଯାଇଛି । ଚନ୍ଦ୍ରୋଦୟ ହେବା ପରେ ଚନ୍ଦ୍ରଗ୍ରହଣ ଦେଖିବାକୁ ମିଳିଛି । ଉତ୍ତରପୂର୍ବରେ ରହିଥିବା ରାଜ୍ୟ ସିକିମକୁ ଛାଡି ଅନ୍ୟ ରାଜ୍ୟ ଗୁଡିକ, ଯେପରିକି ଓଡିଶା, ପଶ୍ଚିମବଙ୍ଗ, ଆସାମ, ଆଣ୍ଡାମାନ, ନିକୋବରର କିଛି ଅଞ୍ଚଳରେ ଚନ୍ଦ୍ରଗ୍ରହଣ ଦେଖିବାକୁ ମିଳିବ ।

ଭାରତୀୟ ସମୟ ୩ ଟା ୧୫ ପରେ ଚନ୍ଦ୍ରଗ୍ରହଣର ଆଶିଂକ ପକ୍ରିୟା ଆରମ୍ଭ ହୋଇଯାଇଛି । ସେପଟେ ଦୀର୍ଘ ୬ ବର୍ଷ ପରେ ସୁପରମୁନ ଦେଖାଯାଇଛି । ଅର୍ଥାତ ଚନ୍ଦ୍ର ପୃଥିବୀର ନିକଟତର ହୋଇଥିବା ବେଳେ , ଚନ୍ଦ୍ର ରଙ୍ଗ ସମୂର୍ଣ୍ଣ ଲାଲ ରହିଛି । ଅନ୍ୟପଟେ ଓଡିଶା ଏବଂ ପଶ୍ଚିମବଙ୍ଗରେ ବାତ୍ୟା ୟାସର ପ୍ରଭାବ ରହିଥିବାବେଳେ ଆକାଶ ମେଘାଛନ୍ନ ରହିଛି । ଓଡିଶାର ବାଲେଶ୍ୱରରେ ସାମୁଦ୍ରିକ ଝଡ଼ ୟାସ ସ୍ଥଭାଗ ଅତିକ୍ରମ କରିଛି । ଫଳରେ ବାଲେଶ୍ୱର ସମେତ ଭଦ୍ରକ, କେନ୍ଦ୍ରାପଡା,ଯାଜପୁର ଆଦି ଜିଲ୍ଲାରେ ଅନେକ କ୍ଷୟକ୍ଷତି ହୋଇଛି । ସମଗ୍ର ରାଜ୍ୟରେ ପାଣିପାଗ ସ୍ଥିତି କୋହଲା ରହିଥିବାରୁ ଚନ୍ଦ୍ରଗ୍ରହଣ ଦେଖାଯାଉନାହିଁ ।

ରଖେ ହରି ତ ମାରେ କିଏ, ଘରୁ ବାହାରିବାର ୨ ମିନିଟ୍ ପରେ ଘର ଉପରେ ମାଡ଼ି ବସିଲା ବିରାଟ ଗଛ

କେନ୍ଦ୍ରାପଡ଼ା: ଲ୍ୟାଣ୍ଡଫଲ୍ ପରେ ଚାଲି ଯାଇଛି ବାତ୍ୟା । ହେଲେ ବାତ୍ୟା ପରର ବିଭୀଷିକା ମନକୁ ବୁଝାଇ ପାରୁନି । ଭିତରକନିକାର ଡାଙ୍ଗମାଳ ପଞ୍ଚାୟତ ବଡ଼ାଡ଼ିଆ ଗାଁରେ ବ୍ୟାପକ କ୍ଷୟକ୍ଷତି ଘଟାଇଛି । ୪୦ ବର୍ଷର ଚାକୁଣ୍ଡା ଗଛ ସହ ଅନେକ ଗଛ ଘର ଉପରେ ମାଡ଼ି ବସିଛି । ପ୍ରବଳ ବର୍ଷା ଓ ଜୋର ପବନରେ ଆଖି ଆଗରେ ଘର ଉପରେ ଗଛ ମାଡ଼ି ବସିଥିଲା । ଘର ଉପରେ ଗଛ ମାଡ଼ି ବସିବା ପରେ କାହାରି ମୁହଁରେ ଆଉ ଭାଷା ନାହିଁ ।

Cyclone Yass, House Damaged In Dangamal Of Bhitarakanika

କୋହ ସମ୍ଭାଳି ପାରୁନାହାଁନ୍ତି ମହିଳା । ଘରୁ ବାହାରିବାର କେଇ ମିନିଟ୍ ମଧ୍ୟରେ ଗଛ ଘର ଉପରେ ମାଡ଼ି ବସିଥିଲା । ଫଳରେ ପରିବାର ଅଳ୍ପକେ ବଡ଼ ଅଘଟଣରୁ ବର୍ତ୍ତି ଯାଇଛନ୍ତି । ପରିବାରର ସଦସ୍ୟ ଗାଁରେ ଥିବା ଅନ୍ୟ ପକ୍କା ଘରେ ଆଶ୍ରୟ ନେଇଥିବା ଜଣାପଡ଼ିଛି । ଡାଙ୍ଗମାଳ ସହ ତାଳଚୁଆ ପଞ୍ଚାୟତରେ ମଧ୍ୟ ବାତ୍ୟା ‘ୟାସ୍’ ବ୍ୟାପକ ତାଣ୍ଡବ ରଚିଛି । ବହୁ ଗଛ ଉପୁଡ଼ି ପଡ଼ିବା ଫଳରେ ଅନେକ ଘର କ୍ଷତିଗ୍ରସ୍ତ ହୋଇଛି ।

ପଶ୍ଚିମବଙ୍ଗରେ ‘ୟାସ୍’ ତାଣ୍ଡବ; ହଳଦିଆରେ ଭାଙ୍ଗିଲା ପୋଲ, ଦୀଘା ସହରରେ ପଶିଲା ପାଣି

କୋଲକାତା: ଅତି ଭୀଷଣ ବାତ୍ୟା ‘ୟାସ୍’ ଉତ୍ତର ଓଡ଼ିଶା ସହ ପଶ୍ଚିମବଙ୍ଗରେ ତାଣ୍ଡବ ରଚିଛି । ବାତ୍ୟା ‘ୟାସ୍’ ବାଲେଶ୍ୱରର ରେମୁଣା-ବାହାନଗା ଅଞ୍ଚଳରେ ଲ୍ୟାଣ୍ଡଫଲ୍ ପରେ ମୟୂରଭଞ୍ଜ ଦେଇ ଝାଡ଼ଖଣ୍ଡ ମୁହାଁ ହୋଇଛି । ତଥାପି ପବନ ଓ ବର୍ଷା କମିନି । ଓଡ଼ିଶା ସହ ପଶ୍ଚିମବଙ୍ଗ ଉପକୂଳରେ ସନ୍ଧ୍ୟା ଯାଏ ଜୋରରେ ପବନ ବହିବ ।

Cyclone Yaas Effect, Bridge Collapsed In Haldia Of West Bengal

ଓଡ଼ିଶା ଭଳି ପଶ୍ଚିମବଙ୍ଗର କେତେକ ତଳିଆ ଅଞ୍ଚଳରେ ପାଣି ପଶି ଯାଇଛି । ହଳଦିଆ ଏୟାରପୋର୍ଟରେ ଲହଢ଼ି ଭାଙ୍ଗୁଛି ପାଣି । ଦୀଘା ସହରରେ ମଧ୍ୟ ପାଣି ପଶିଛି । ସହରରେ ଥିବା ବିଭିନ୍ନ ଦୋକାନରେ ମଧ୍ୟ ପାଣି ପଶିଛି । ସମୁଦ୍ର ଲହରୀରେ ଦୀଘାର ସଡ଼କ ନଦୀର ଭ୍ରମ ସୃଷ୍ଟି କରିଛି । ଉଦ୍ଧାର କାର୍ଯ୍ୟରେ ଭାରତୀୟ ସେନା ନିୟୋଜିତ ହୋଇଛି । ସହରର ପ୍ରାୟ ୨ କିଲୋମିଟର ଅଞ୍ଚଳରେ ସମୁଦ୍ର ପାଣି ପଶି ଯାଇଛି ।

Cyclone Yaas Effect, Bridge Collapsed In Haldia Of West Bengal

ତେବେ ଲକଡାଉନ୍ ଯୋଗୁଁ ଦୋକାନ ଗୁଡ଼ିକ ବନ୍ଦ ରହିଥିଲା । ଏବେ ସମୁଦ୍ର ପାଣି ପଶିଯିବା ପରେ ଦୋକାନରୁ ସାମଗ୍ରୀ ଉଦ୍ଧାର ପାଇଁ ପ୍ରୟାସ ଚାଲିଛି । ହଳଦିଆରେ ଉଚ୍ଚା ଲହର ଆସିବା ପରେ ଏକ ପୋଲର ଅଧା ଅଂଶ ଭାଙ୍ଗି ଯାଇଛି । ଦକ୍ଷିଣ ୨୪ ପ୍ରଗଣା, ସାଗର, ଗୌସାବା, କେ ମନ୍ଦାରମଣି, ଦୀଘା ଓ ଶଙ୍କରପୁର ଆଦି ଅଞ୍ଚଳରେ ପାଣି ପଶିଛି ।

https://www.youtube.com/watch?v=utz6EO_iK34

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବାତ୍ୟା ମୁକାବିଲା ରଣନୀତି ଉପରେ ଆନନ୍ଦ ମହିନ୍ଦ୍ରାଙ୍କ ଭରସା

ଭୁବନେଶ୍ୱର: ପୁଣି ଏକ ବାତ୍ୟାର ସମ୍ମୁଖୀନ ହୋଇଛି ଓଡ଼ିଶା । ପୂର୍ବ ଅଭିଜ୍ଞତାକୁ ପାଥେୟ କରି ଏହାର ମୁକାବିଲା ନେଇ ଜୋରଦାର ପ୍ରୟାସ ଚଳାଇଛି ରାଜ୍ୟ । ଫାଇଲିନ୍, ହୁଦ୍‌ହୁଦ, ତିତଲି, ଅମ୍ଫାନ, ଫୋନି ପରେ ଏବେ ୟାସ୍‌କୁ ସାମ୍ନା କରୁଛି ରାଜ୍ୟ । ଆଉ ଏହି ବାତ୍ୟା ମୁକାବିଲାର ମଙ୍ଗ ଧରିଛନ୍ତି ଖୋଦ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ।  ଘନ ଘନ ବୈଠକ ସାଙ୍ଗକୁ ପ୍ରସ୍ତୁତିର ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ । ଆଉ ମୁଖ୍ୟମନ୍ତ୍ରୀଙ୍କ ଏଭଳି ପ୍ରସ୍ତୁତି ଉପରେ ଆସ୍ଥା ପ୍ରକଟ କରିଛନ୍ତି ବିଶିଷ୍ଟ ଶିଳ୍ପପତି ଆନନ୍ଦ ମହିନ୍ଦ୍ରା । ବାତ୍ୟା ମୁକାବିଲାର ନେଇ ପ୍ରସ୍ତୁତି ଓ ଯୋଜନାକୁ ପ୍ରଶଂସା କରିଛି ଆନନ୍ଦ ମହିନ୍ଦ୍ରା । ସେ ଟ୍ୱିଟ୍ କରି ମୁଖ୍ୟମନ୍ତ୍ରୀଙ୍କ ବାତ୍ୟା ମୁକାବିଲା ସମ୍ପର୍କିତ ପଦକ୍ଷେପକୁ ପ୍ରଶଂସା କରିବା ସହ ତାଙ୍କ ମୁକାବିଲା ରଣନୀତି ଉପରେ ଆସ୍ଥା ପ୍ରକଟ କରିଛନ୍ତି । ସେ ଆହୁରି କହିଛନ୍ତି ଯେ, ପୂର୍ବରୁ ମଧ୍ୟ ରାଜ୍ୟ ସରକାର ଅତି ସତର୍କତାର ସହ ବାତ୍ୟା ମୁକାବିଲା କରିଥିବା ବେଳେ ଚଳିତଥର ମଧ୍ୟ ବାତ୍ୟା ମୁକାବିଲା ନେଇ ପ୍ରସ୍ତୁତି ସଫଳ ହେବ । ୟାସ୍ ମୁକାବିଲାରେ ସମ୍ପୂର୍ଣ୍ଣ ଦେଶ ଆପଣଙ୍କ ସହିତ ଥିବା ସେ କହିଛନ୍ତି ।

 

ସରିଲା ଲ୍ୟାଣ୍ଡଫଲ୍ ପ୍ରକ୍ରିୟା: ବାଲେଶ୍ୱରରୁ ମୟୂରଭଞ୍ଜ ଆଡ଼କୁ ମୁହାଁଇଛି ବାତ୍ୟା ‘ୟାସ୍’

ଭୁବନେଶ୍ୱର: ବାତ୍ୟା ‘ୟାସ୍’ର ସମ୍ପୂର୍ଣ୍ଣ ଲ୍ୟାଣ୍ଡଫଲ୍ ପ୍ରକ୍ରିୟା ଶେଷ ହୋଇଛି । ଏହା ଏବେ ସ୍ଥଳଭାଗରେ ଆଗକୁ ଆଗକୁ ମାଡ଼ି ଚାଲିଛି । ଫଳରେ ଭଦ୍ରକ, ବାଲେଶ୍ଵରର ବହାନଗା, ସଦର, ରେମୁଣାରେ ବର୍ଷା କମିଛି । କିନ୍ତୁ ନୀଳଗିରିରେ ବର୍ଷା ଓ ପବନ ବଢୁଛି । ତେବେ ଜଗତସିଂହପୁର, କେନ୍ଦ୍ରାପଡା, ଯାଜପୁରରେ ବଡ଼ ଧରଣଣ କ୍ଷୟକ୍ଷତି ହୋଇଥିବା କହିଛନ୍ତି ସ୍ୱତନ୍ତ୍ର ରିଲିଫ୍ କମିଶନର ପ୍ରଦୀପ କୁମାର ଜେନା । କିଛି ସ୍ଥାନରେ ଅଳ୍ପ ଗଛ ପଡ଼ିଥିବା ବେଳେ ଆଜି ରାତି ସୁଦ୍ଧା ସଫା ହୋଇଯିବ। ନୀଳଗିରିରେ ଅଧିକ ଗଛ ଭାଙ୍ଗିଛି । ମୟୂରଭଞ୍ଜ ଜିଲ୍ଲାପାଳ ବୁଢ଼ାବଲଙ୍ଗ ନଦୀ ପାଖରେ ସ୍ଥାନାନ୍ତରଣ ଚଳାଇଛନ୍ତି । ବାତ୍ୟା ୨ ଘଣ୍ଟା ଭିତରେ ବାଲେଶ୍ଵରରୁ ବାହାରି ମୟୁରଭଞ୍ଜରେ ପ୍ରବେଶ କରିବ। ୧୦୦ କି.ମିରୁ ଅଧିକ ବେଗରେ ପବନ ବହିଛି । ଶିମିଳିପାଳ ରେଞ୍ଜରେ ବାତ୍ୟାର ସ୍ଥିତି ଅନୁଧ୍ୟାନ କରାଯାଉଛି। ବାଲେଶ୍ଵରରେ ଗୋଟାଏ ଯୁବକଙ୍କୁ ବାତ୍ୟା ଆଶ୍ରୟସ୍ଥଳୀରୁ ଯିବାକୁ ବାରଣ କରାଯିବା ସତ୍ତ୍ୱେ ସେ ବାହାରିଥିଲେ । ଏବଂ ବାଟରେ ତାଙ୍କ ଉପରେ ଗଛ ପଡ଼ିଥିବା ସୂଚନା ମିଳିଛି । ଏ ନେଇ ତହସିଲଦାର ସବିଶେଷ ସୂଚନା ଦେବେ । ସେହିଭଳି କେନ୍ଦୁଝରରେ ଲୋକଙ୍କ ଉପରେ ଗଛ ପଡ଼ିଥିବା ସୂଚନା ରହିଛି ଏ ନେଇ ଜିଲ୍ଲାପାଳ ରିପୋର୍ଟ ଦେବେ । ବହୁତ ଗାଁରେ ପାଣି ପଶିଛି । ୪ ମିଟର ପାଣି ଆସିଛି । ବହନଗା, ରେମୁଣା, ବାଲେଶ୍ଵର ସଦର, ଧାମରାରେ ପାଣି ପଶିଛି । ଦିନେ ଦୁଇ ଦିନ ଭିତରେ କ୍ଷତି ହିସାବ ଜଣାପଡ଼ିବ। ପାଣି ଘେରରେ ଥିବା ଲୋକଙ୍କ ପାଇଁ ୩ ଦିନ ପାଇଁ ରନ୍ଧା ଖାଦ୍ୟ ଦେଇପାରିବେ ଜିଲ୍ଲାପାଳ । ତେବେ କେଉଁଠି ବି ମୋବାଇଲ ସେବା ଠପ୍ ହୋଇନଥିବା କହିଛନ୍ତି ଏସ୍ଆରସି ।

ଏଥିସହିତ ପଢ଼ନ୍ତୁ: ଲ୍ୟାଣ୍ଡଫଲ୍ ସମୟରେ ଘଣ୍ଟା ପ୍ରତି ପବନର ବେଗ ସର୍ବାଧିକ ୧୫୦ କିଲୋମିଟର ରହିବ