ନୂଆଦିଲ୍ଲୀ: ପୁଣି ସ୍ଥଗିତ ହେଲା ୟୁଜିସି ନେଟ୍ ପରୀକ୍ଷା । ୨୦୨୦ ଡିସେମ୍ବରରେ ହେବାକୁ ଥିବା ୟୁଜିସି ନେଟ୍ କରୋନା ପାଇଁ ଗତବର୍ଷ ସ୍ଥଗତି ରହିଥିଲା । ଚଳିତ ମେ’ ୨ରୁ ୧୭ ମଧ୍ୟରେ ୟୁଜିସି ପରୀକ୍ଷା ହୋଇଥାନ୍ତା । ତେବେ କରୋନାର ଦ୍ୱିତୀୟ ପ୍ରବାହ ପରେ ବଢ଼ୁଥିବା ସଂକ୍ରମଣ ମାମଲାକୁ ଦେଖି ପୁଣି ଥରେ ୟୁଜିସି ନେଟ୍ ପରୀକ୍ଷାକୁ ସ୍ଥଗିତ ରଖାଯାଇଛି ।
📢Announcement
Keeping in mind the safety & well-being of candidates and exam functionaries during #covid19outbreak, I have advised @DG_NTA to postpone the UGC-NET Dec 2020 cycle (May 2021) exams.#Unite2FightCorona pic.twitter.com/5dLB9uWgkO— Dr. Ramesh Pokhriyal Nishank (@DrRPNishank) April 20, 2021
ୟୁଜିସି ନେଟ୍ ପରୀକ୍ଷା କେବେ ହେବ ସେନେଇ ପରୀକ୍ଷାର ୧୫ ଦିନ ପୂର୍ବରୁ ନ୍ୟାସନାଲ୍ ଟେଷ୍ଟିଂ ଏଜେନ୍ସି (NTA) ସୂଚନା ଦେବ । ଏହାଛଡ଼ା ପରୀକ୍ଷା ତାରିଖ ଓ ଅନ୍ୟ ସୂଚନା ଲାଗି ଏନଟିଏ ୱେବସାଇଟ୍ ଭିଜିଟ୍ କରିବାକୁ କୁହାଯାଇଛି ।
ଏହା ପୂର୍ବରୁ ସିବିଏସଇ ଓ ଆଇସିଏସଇ (ICSE) ଦଶମ ପରୀକ୍ଷାକୁ ବାତିଲ୍ କରି ଦେଇଥିବା ବେଳେ ଦ୍ୱାଦଶ ପରୀକ୍ଷାକୁ ସ୍ଥଗିତ ରଖିଛନ୍ତି । NEET-PG ପରୀକ୍ଷାକୁ ମଧ୍ୟ ସ୍ଥଗିତ ରଖାଯାଇଛି ।
ଏଥିସହ ପଢ଼ନ୍ତୁ- NEET-PG ୨୦୨୧ ପରୀକ୍ଷା ସ୍ଥଗିତ
