କାର୍ ଲୁଟି ମାଲିକାଣିଙ୍କୁ ଠିକଣା ମାଗିଲା ଲୁଟେରା, କହିଲା ‘ଆଜି ନେଉଛି ଆସନ୍ତାକାଲି ଫେରାଇଦେବି’

1 min read

ଜଳନ୍ଧର: ପଞ୍ଜାବର ଜଲନ୍ଧରରେ କାର ଡକାୟତିର ଏକ ଆଶ୍ଚର୍ଯ୍ୟକର ଘଟଣା ସାମ୍ନାକୁ ଆସିଛି । ଜଳନ୍ଧରର ଏକ ମଡେଲ ଟାଉନ ଅଞ୍ଚଳରେ ଗୋଟିଏ ଲୁଟେରା କାର ଲୁଟି ନେଇଛି । ଆଉ ଲୁଟେରା ଜଣଙ୍କ କାର ଲୁଟିବା ସମୟରେ କାରରେ ଜଣେ ୭୭ ବର୍ଷ ବୟସ୍କା ମହିଳା ବସିଥିଲେ । କିନ୍ତୁ ଲୁଟେରା ଜଣଙ୍କ କାର ଲୁଟିବାପରେ  ଯେତବେଲେ ବୃଦ୍ଧାଙ୍କୁ ଦେଖିଲେ ସେତେବେଳେ ଲୁଟେରା ଜଣଙ୍କ କହିଥିଲେ ଯେ, ସେ ଏହି କାରଟିକୁ ଆସନ୍ତାକାଲି ତାଙ୍କ ଘରେ ଦେଇଦେବେ । ଏବଂ ଏହାର କହି କିଛି ଦୂରରେ ବୃଦ୍ଧାଙ୍କୁ ସେ କାରରୁ ଓହ୍ଲାଇ ଦେଇଥିଲା । ଆଉ ଘଟଣାଟି ଗତକାଲି ଅର୍ଥାତ୍ ସୋମବାର ଦିନର ।  ଏନେଇ ବୃଦ୍ଧା ଜଣଙ୍କ ପୋଲିସକୁ ସୂଚନା ଦେଇଥିଲେ ।

ସୂଚନାନୁସାରେ, ୭୭ ବର୍ଷୀୟ ବୁଦ୍ଧା ବଲବୀର ତାଙ୍କ ପରିବାର ସହିତ ଆମେରିକାରେ ରୁହନ୍ତି। ସୋମବାର ଅପରାହ୍ନରେ ସେ ଘରର କିଛି ଜିନିଷ କିଣିବାକୁ ବଜାରକୁ ଯାଇଥିଲେ। ଯେହେତୁ ସେ ତାଙ୍କ ମୋବାଇଲ୍ ଫୋନ୍ ବିକ୍ରି କରିବାକୁ ମଧ୍ୟ ଚାହୁଁଥିଲେ। ତେଣୁ ତାଙ୍କ ଡ୍ରାଇଭର ତାଙ୍କୁ ମୋବାଇଲ୍ ଦୋକାନକୁ ନେଇ ଯାଇଥିଲେ। ଗାଡ଼ିରେ ଏସି ଚାଲୁଥିବାରୁ ଡ୍ରାଇଭର ଜଣଙ୍କ ଗାଡ଼ିରେ ହିଁ ଚାବି ଲଗାଇ ଚାଲିଯାଇଥିଲେ । ଏହି ସମୟରେ, ଜଣେ ୨୫-୨୬ ବର୍ଷର ଯୁବକ ଆସି କାର ନେଇ ଯିବାକୁ ଲାଗିଲା ।

ଡ୍ରାଇଭିଂ ସିଟରେ ବସିଥିବା ଅଜ୍ଞାତ ବ୍ୟକ୍ତିଙ୍କୁ ଦେଖି ମହିଳା ଜଣକ ପାଟି କରିବା ଆରମ୍ଭ କରିଥିଲେ କିନ୍ତୁ ତାଙ୍କୁ କେହି ସାହାଯ୍ୟ କରିପାରି ନଥିଲେ । ଲୁଟେରା ଜଣଙ୍କ ଉକ୍ତ ବୃଦ୍ଧାଙ୍କୁ ଏକ ନଳା ପାଖରେ ଛାଡ଼ି ପଳାଇଥିଲେ । ଏବଂ ଯିବା ସମୟରେ ଲୁଟେରା ଜଣଙ୍କ କହିଥିଲା ଯେ, ମାଉସି ମୁଁ ଆପଣଙ୍କ କିଛି କ୍ଷତି କରିବାକୁ ଚାହୁଁନି । ଆପଣ ଆପଣଙ୍କ ମୋବାଇଲ ନମ୍ବର ଏବଂ ଘରର ଠିକଣା ଦିଅନ୍ତୁ ମୁଁ ଆସନ୍ତାକାଲି ଆପଣଙ୍କ ଗାଡ଼ି ଘରେ ଦେଇ ଆସିବି । ଏହାପରେ ସେ ବୃଦ୍ଧାଙ୍କୁ ସେଠାରେ ହିଁ ଛାଡ଼ି ଦେଇଥିଲେ ।

ଏହାପରେ ବୃଦ୍ଧା ଜଣଙ୍କ ସାହାଯ୍ୟ ମାଗି ପ୍ରଥମେ ଡ୍ରାଇଭରକୁ ଫୋନ କରିଥିଲେ ଏବଂ ଘରେ ପହଞ୍ଚିଥିଲେ । ପୋଲିସ ମହିଳାଙ୍କ ଅଭିଯୋଗ ଶୁଣି ଲୁଟେରା ବିରୋଧରେ କାର ଲୁଟ ସହ ଅପହରଣର ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ତେବେ ପଞ୍ଜାବର ଏଭଳି ଘଟଣା ଦ୍ୱିତୀୟ । ଏହାପୂର୍ବରୁ ପଞ୍ଜାବର ଲାଲଡୁ ଅଞ୍ଚଳରେ ଏକ ଷ୍ଟାର୍ଟ ଥିବା କାର ଲୁଟ ହୋଇଥିଲା। ସେଥିରେ ମଧ୍ୟ ଜଣେ ମହିଳା କାରରେ ବସିଥିବାର ଜଣାପଡ଼ିଥିଲା ।

Opn Commnet Area

Leave a Reply

Your email address will not be published. Required fields are marked *